http://ascenteq.com/project/epdp

ዝሓለፈ ሰሙን ኣብዚ ወርሒ ሚያዝያ 2015 ኣብ ልዕሊ ንጹሓት ዚጋታት ኢትዮጵያ ዝተፈጸመ ባርባራዊ ቅትለት በቶም ብሽም ኢስላማዊ መንግስቲ ኢራቁን ሲርያን/ ISIS ( Islamic State Iraq- Syria)ዝፍለጥ፣ ንኩሉ ሕዝብታት ዓለም ብሓፈሻ፣ ብፍላይ ድማ ንሕዝቢ ኢትዮጵያን ኤርትራን ኣብ ዓሚቕ ሓዘን ከምዘእተወ ነዚ ተግባርዚ ብሓይሊ ንኩንን።

ብሰንኪዚ ዘሕዝን ድማ መንግስቲ ኢትዮጵያ ናይ ሰለስተ መዓልቲ ሓዘን ኣዊጃ፣ ሕዝቢ ኢትዮጵያ ድማ ሰላማዊ ሰልፍታት ብምቋም ሓዘኑን ኣውያቱን ገሊጹ ኢዩ። ከምኡ እውን ብዘይካ እቶም ዝተቀትሉ፣ ሕይውቶም ንምድሓን ካብ ሊብያ/ትሪፖሊ ብማእከላይ ባሕሪ ንኤውሮጳ ክሳገሩ እናበሉ ካብቶም 900 ዝኾኑ 350 ኤርትራውያን/ኢትዮጵያውያን ከምዝነበሩ ተፈሊጡ ሰለዘሎ እዚ እውን ዝሕዝን ተረኽቦ ብምዃኑ ሓዝና ንገልጽ፡፤

እዚ ኩሉ ቅትለትን ኣብ ባሕሪ ሕልቀትን ናይ ዝሓለፈ ላምፐዱሳ ከይኣኸለና ተተመላሊሱ ብምርካቡ ብጣዕሚ ዘጉሂ ኢዩ። ንሕና ስዊደናውያን/ ኤርትራውያን ጽላል ንደሞክራስያዊ ለውጢ ኣብ ኤርትራ ዓሚቕ ሓዘን ከምዝተሰማዓና ክንገልጸልኩም ንፈቱ።

ሕዝቢ ኢትዮጵያን ኤርትራን ሓው ሕዝቢ ኢዩ፣ብጥንቲ ድማ ክርስትያኑን ኢስላሙን ተኸባቢሩን ብስኒት ዝነብር ዝጸንሔን ዘሎን ሕዝብታት ኢዩ። ነዚ ሕዝቢዚ ክፈላሊ ብሃይማኖት ክፈላሊ ዝደሊ ድማ ብሕዝብታት ክልቲኡ ሃገራት ቅቡል ኣይኮነን፡፤

እዚ ኣብ ሃገረ ሊብያ ኣብ ካል ኦት ሃገራት ዓለም ዘስፋፍሕ ዘሎ ንሃይማኖት ኢስልምና ዝምልከት ዘይኮነ ናይ ውሑዳት ግብረሽበራውያን ኢሰብኣዊ ተግባራት ኢዩ፡፤ ነዚ ድማ ሕብረተሰብ ዓለም ሓቢሩ ካብ ሱሩ ከልግሶ ጻዋዒትና እናቅረብና ክሎና ድማ እቶም ኣብ ንግደት ደቂሰባት ተዋፊሮም ነሕዋቶም ኣብ ኢድ ገበነኛታት ዝሕልፉ ዘለዉ ካብዚ እኩይ ስራሕ ከልግሱ፣ እቶም ገና ብህይወቶም ኣብ ሊብያ ን ኤውሮጳ ክሳገሩ ዝደልዩ ድማ ማሕበረሰብ ዓለም ንድሕነቶም ክጽዕር ምሕጽንታና ነቅርብ። ዜጋታትና ካብዚ ሓደገኛ መገድታት ክቁጠብ ድማ ኩላትና ሓቢርና ንህዝብና

ኩሎም ኣባላት ስዊደናዊ ኤርትራዊ ጽላል ንደሞክራስያዊ ለውጢ ስዊደን ነቶም ሒይወቶም ዝሰኣኑ ንጹሓት አሕዋትና ኢትዮጵያውያን መንግስተ ሰማይ የዋርሶም ንመላእ ሕዝብን መንግስትን ኢትዮጵያ፣ ብሓፈሻ ፣ ብፍላይ ድማ ንኩሎም በተሰቦም ድማ ጽን ዓት ይሃብኩም ይሃብና እናበልና ሓዘና ንገልጽ።

ተኻፋሊ ሓዘን

አካያዲት ኣካል ጽላል ስዊደናዊ/ኤርትራዊ ንደሞክራስያዊ ለውጢ

ዛዕባ :- ምሕባር ተበጺሑ ዘሎ፣ ጉዕዞን ምቅርራብን ስርሓት ኣሳናዳኢት ሽማግለ 2ይ ጉባኤን ሓጻይት ሽማግለ ሰ.ድ.ህ.ኤ.

ንኣኼባ ዝኸፈተ ሓው ተስፋሚካኤል ዮውሃንስ ኣቦ/ወንብር ኣሳናዳኢት 2ይ ጉባኤ ሰ.ዲ.ህ.ኤ.ኣቐዲንኣመንቲ ክርስትና ተዋህዶ፣ በዚ ኣጋጣሚ ሩሑስ በዓል ላአፋሲካ ኸምኡ ዳግማይ ትንሳኤእ እናበልኩ ኣስሲዒበ፣ ሎሚ መዓልቲ ኣብ ባሕሪ መዲተራኒያ፣ ስጋብ 950 ዝኾኑ ዜጋታት ማለት 50 ህጻናት 200 ደቂ/አንስትዮ 700 ደቂ ተባዕትዮ ዝግመቱ፣ ጢሕሎም ካብዚኦም 25 ዲሒኖም ዝብል ወረ ማዕክናት ይዝርግሓ ዘለዋሉ ስዓት ተኣኪብና ብምህላውና፣ ኣኼባና ብናይ ሕልና ጸሎት ኽንጅምሮ ብምባል ናይ ሓደ ዲቒቕ ጸጥታ እዩ ተጀሚሩ፡፡ ኣስዒቡ ኸም ማዕክናት ዝህብኦ ዘለዋ መብዛሕትኦም ኤርትራዊያንን ሶማልዊያን ኻብ ኻልእ ሃግሀራት ዘለውዎም ኮይኑ ዝተፋላለያ መርከባት ረሳታት ምግፋፍ ይርከባ፣ ካብዚኦም 25 ዜጋታት ጥራይ ዲሒኖም እዩ ዝባሃል ዘሎ፡፡

እዚ ህልቀታት እዚ ንሕልናና መንፈስና ዘየድቅስ፣ዓለምና እውን ካብ ጳጳስ ፍራንሲስኮ ጀሚርካ ሕቡራት ሃገራት ፣ኩሎም መራሕቲ መንግስታትተ፣ እዚ ትራጀዲ ጠጠው ኽብል እናጸውዑ፣ መፍትሒኡ ካብታ ዝተወልዱላ ሃገር ኸይወጹ ሓገዝ ኽግበረሎም ኣለዎ፡ ስለዚ መስሰቶም ዘለዉ ስርዓታት ብምርኻብ ክውሰድ ዘለዎ ስጉምትታት ምውሳድ ዝሓሸ እዩ ዝብል ምይይጥ የካይዱ ኣለዉ፡፡

         ከምዚ ክንሰምዖ ዝቐነና ዝተፋላለያ መንግስታት ሉኡኻተን፡ብምስዳድ ፍለመ ርክባት ምስ ውልቀ መላኺ ስርዓተ ኢሳያስ ክገብራ ጀሚረን ኽም ዘለዋ፣ ናይ ኣዳባባይየ ንሰምዖ ዘለና ወረ እዩ፡፡ እዚ እንተደኣ ኣብ ግብሪ ተተርጒሙ፣ ነዚ ስርዓት ዕምሩ ናይ ምንዋሕ ዕድል ይኸፍተሉ ምህላዉ ንኩላትና ብሩህ እዩ ፣ እቲ ፍታሕ ግን፣ እዚ ዘሎ ስርዓት ስልጣን ናብ ህዝቢ ኣስረኪቡ ግዝኣተ ሕግን፣ ዲሞክርስን፣ ፍትሕን፣ ሰላምን፣ ልእልቲን ሓድነት ህዝባ ዝሓለወት፣ኣብ ማሕበራውን ቁተባውን ምዕባለ ዝመሰረቱ ሕብረተሰብ ምስ ዝህሉ እዩ፡ ኢልና ፖለቲካዊ ዘመተታትን ዕዮን ኽንገብር፣ ሎሚ ኻብ ትማሊ ቢዝያዳ፣ጻዕሪ ይጽበየና ኣሎ፣ ኽብል አስዒቡ ኣብ ዛዕባ ብምምላስ ስርሓት ምቅርራብ ጠቕላላ 2ይ ግባኤ ሰልፊ ካብ መስከረም ጀሚሩ ናይ ስርሑ መደበ ዕዮን ዝተፋላለዩ ሓይሊ ዕማምት ብምስራዕ ምስ ዞሎና ግዜን ዘጋጡሙና ንኣሽቱ ጸገማት እናፈታሕና ንጓዓዝ ኣለና፣ ውጺኢቱ ኣዕጋቢ ዘብሎ እቲ መምሪሕታት ምምሕያሽ ንድፍን ቅዋምን በጺሕኩምስ ድሮ መልሲ ብምሃብኩም ንምውህሃዱን ብትግሪኛ፡ዓረብኛ፣ እንግሊዝኛ ተጻሒፉ እንደገና ናብ ኣባላትና ተመሊሱ ዳግመ ምምሕያሽን፣ የድልዮ ዝብሃል ተማማይጦም ብወከልቶም ኣብ ጉባኤ ሰልፊላቢ ሓፈሻዊ ዘተ፣ ንምክያድ ዝዓለመ ኣሳራርሓ ኢና ነማልእ ዘለና ክብል መግለጺኡ ደምዲሙ፡፡

ብድሕሪኡ ሓው ረዘነ ተስፋጽዮን ኣቦ ወንበር ሓጻይት ሽማግለ ነቲ ብሓው ተስፋሚካኤል ዝቐረበ፣ናይዜጋታት ህልቀት፣ኣብ መዲተራንያን ንልቢ ኩላትና ዝትንክፍን፣ንሕልናና ዘየደቅስን ሓዘን ኣብ ርእሲ ሓዘን ኸምቲ ናይ ላምፐዱሳ፣ተር ዝበለ ናይ ሬሳ ስንዱቛት ክንሪኢ ኮሎና፡እዛ ሃገር እዚኣን ህዝባን መዓስ እዩ ሕጅስ ኣኺሉ እዩ እትብለሉ እዋን ዝባጽሕ ? መልሱ ህዝባ ሕጂ ይኣክል ኢሉ ተላዒሉ ስልጣኑ ኣብ ኢድ ምስ ዝጭብጥ ምዃኑ ብዝያዳ ዝበርህ፣ ስለዚ ሓላፍነትናን ስራሕናን ከምቲ ኣቐዲሙ ዝተባህለ ዝተዓጻጸፈ ምዃኑ በሪሁልና ኣሎ፡፡ብወገን ሓጻይት ሽማግለ ድሮሰለስተ ወርሒ ይኸውን መምርሒን፣ኣጋባብ ኣማራርጻ ሕጽያት መሪሕነት ተላኢኹስ መልስታት እውን ይመጸና ኣሎ፡ ዕለት ናይ መጠርሽታ ምስርካብ እውን ተሓቢሩ ስለ ዘሎ አብ እውኑ ኸምዝማላእ እምነትና እዩ፡፡ሓው ረዘነ ነቲ ናብ ጨናፍር ተላኢኹ ዝነበረ መምርሒ ክበርህ ኣለዎ ዝብል ነቑጣታት ሓደ ብሓደ ኣብሪሁ፡፡ኹሎም ኣባላት ሰልፊ ሓለፍቲ ጨናፍር ንኡስ ዞባ፣ ዞባ ኻብ ኣፍሪቓ፣ኣስያ፣ኣመሪካ፣ ኤውሮጳን ዘይበርሄ ሕቶታት በሪህሎም፡ ኣብ ኣሳራርሓ ክማሓየሽ ኣለዎ ዝበልዎ ሓስብን ለበዋታትን ብምቕራብ ሰፊሕን ዓሚቚ ዝኮነ ዘተን ምምይያጥን ተኻይዱ ፡፡

ዕለት 25 ሚያዝያ ቀዳም፣ 2015ዓም

ኣብ ሊብያ፣ ብየዘይሓደ በደል  "ክርስትያን ጥራይ ብሙዃኖም" ኣብ ልዕሊ ንጹሃት ኢትዮጵያውያንን ኤርትራውያንን ብሓይሊ "ኢስላም በሃልቲ" ንዝተሓርዱ ንዝተቐንጸሉን ከምኡ'ውን ኣብ ኣፋፈት ኤውሮጳ መርከብ ተሰራ ንሞት ዝተጸጥሑን፣ ንምዝካርን ምስ ስድራቤታቶም ናይ ሓዘኖም ተኻፈልቲ ከምዝኾናን ዘርኢ፣ ነዚ ኢሰብኣብውነት ተቓዉሞና መታን ክንገልጽ፣ ብጸታ ሰላማዊ ሰልፊ ክንገብር ከምኡ’ውን ሸምዓ ክንዉልዕን'ና። ነዚ ሞት ኣሓትናን ኣሕዋትናን ብዘይኣፈላላይ ክልተ ሕብረተሰብ ኢትዮጵያውያንን ኤርትራውያንን ከምኡ ካልኦት ፈተውቲ ፍትሒ ጎኒንጎኒ ኮና ክነካይዶ'ና።

ሰብኣውነት፣ ሃይማኖት የብሉን ከምኡ'ውን ዜግነትን ርኣይቶ ፖሎቲካን የብሉን።

ኣብ'ዚ ሰላማዊ ሰልፊ ብብዝሒ ተኻፊልና መግለጺ ሰብኣውነትና ይኹን።

ዝሰምዔ ንዘይሰምዔ ከመሓላልፍ ሓደራ ንብል።

እዚ ሰላማዊ ሰልፊ ንዝኽሪ ንጹሓት’ዩ፣ ዝኾነ ካልእ ተወሳኺ የብሉን።

ጸዋዕቲ ሰላማዊ ሰልፊ፣ ግዱሳት ኢትዮጵያውያንን ኤርትራውያንን  

ብ17 ሚያዝያ 2015 ኣኼባ ሰልፊ ዲሞክራሲ ህዝቢ ኤርትራ -ዞባ ኣውሮጳ ተኻይዱ። ኣቦ መንበር ዞባ ኣውሮጳ፡ ሓው ብርሃነ ገብረክርስቶስ፡ ናይ እንቋዕ ደሓን መጻእኩም መልእኽቲ ድሕሪ ምትሕልላፍ፡ ብዛዕባ ህልዊ ኵነታት ኤርትራ ብሓፈሻ ብዛዕባ ብሊብያ ኣቢሎም ናብ ጣልያን ዝውሕዙ ዘለዉ ስደተኛታት ድማ ብፍላይ ሰፊሕ ሓበሬታ ኣቕሪቡ።

እዚ ኣብ ዝሓለፈ ቍሩብ መዓልታት ኣብ ማእከላይ ባሕሪ ዘጋጠመ ህልቂት ናይ ስደተኛታት ንህልቂት ናይ ላምፓዱዛ ዝመሳሰል ምዃኑ ድሕሪ ምሕባር፡ ሓዘንን ጓህን ህዝቢ ኤርትራ ጌና ኣይተወድአን ኢሉ።

ብዋሕዚ ናይ ስደተኛታት ናብ ሃገረን ዝርዓዳ መንግስታት ኣውሮጳ ድማ፡ ናብ ኤርትራ ልኡኻተን ብምስዳድ፡ ነዚ ዋሕዚ ናይ ስደተኛታት ደው ዘብላሉ ብልሓት ንምርካብ ይጽዕራ ከምዘለዋ ኣብሪሁ። ሃገራት ኣውሮጳ፡ ምስ ስርዓት ኢሳያስ ኣብ ዝገብርዎ ርክብ፡ ጠንቂ ናይ ዋሕዚ ስደተኛታት ኤርትራውያን፡ ሃገራዊ ኣገልግሎት፡ ግዝኣተ-ሕጊ ዘይምህላው፡ ውልቃዊ ናጽነታት ዘይኽበረላ ሃገር ስለዝዀነት ኢያ'ሞ ኣብ'ዚ መዳያት'ዚ ምምሕያሻት ክተኣታቱ ክጠልቡ ከለዉ፤ ስርዓት ኤርትራ ከኣ፡ ከም'ቲ ልሙድ፡ እቲ ጸገም ንሕና ዝዓነወት ሃገር ኢና ተረኪብና፡ ኣብ ኣይውግእ ኣይሰላም ዝዀነ ኵነታት ኢና ንርከብ፤ ሓገዝ እንተተገይሩልና ግን ንሃገራዊ ኣገልግሎት ናብ 18 ኣዋርሕ ክንድርቶ ኢና፤ ይቕሬታ ንዝሓተቱ ብዘይ ሕጊ ካብ ሃገሮም ንዝወጹ ዜጋታት ምሕረት ክንገብር ኢና፡ ቅዋም ክንነድፍ ኢና ዝብል ናይ ሓሶት መብጽዓታት ክገብር ኢዩ ዝስማዕ። ኣብ ርእስ'ዚ፡ እቲ ብይን ናይ ዶብ ኣብ ግብሪ ኝክውዕል ሃገራት ኣውሮጳ ኣብ ልዕሊ ኢትዮጵያ ጸቕጥታት ክገብራ፤ ነቶም ናይ ፖለቲካ እሱራት ንሃገር ዝኸድዑ ገይሩ ናይ ምቕራብ ፈተነታት ከምዘካይድ ሓቢሩ። ኣብ ርእስ'ዚ፡ ሃገራት ኣውሮጳ፡ በቲ ኣብ ማእከላይ ምብራቕ ዝርአ ዘሎ ናዕቢታት ዘስዓቦ ዋሕዚ ናይ ስደተኛታትን ጥሩፍነትን ስለዝሰግኡ፡ ንረብሓኦም ክብሉ ምስ ዲክታቶርያውያን ስርዓታት ክተሓባበሩ ከምዝኽእሉ ህልው ኵነታት ዝምስክሮ ሓቂ ኢዩ ኢሉ። ነዚ ኵነታት'ዚ ንምብዳህ፡ ኵሎም ደለይቲ ፍትሕን ዲሞክራስን ዝዀኑ ውድባት፡ ሰልፍታትን ሲቪላውያን ማሕበራትን ቅዋም፡ ግዝኣተ-ሕጂ፡ ሰላም፡ ልዑላውነት፡ ሓድነት ናይ ህዝቢ ንምርግጋጽ ሓቢሮም ንኽሰርሑ ብምጽዋዕ መግለጺኡ ደምዲሙ።

ብድሕር'ዚ፡ ኣብ'ቲ ዛዕባታት ናይ'ቲ ኣኼባ ብምእታው፡ ንሰፊሕ በዓል (ፈስቲቫል) 2015 ዝምልከት ክሳብ'ዚ እዋን'ዚ ተገይሩ ዘሎ ምድላዋት ብዝርዝር ሓቢሩ። ኣስዕቡ፡ ብዛዕባ ንድፊ ፖለቲካዊ መደብ ዕዮ ድማ፡ ኣብ መሰረታት ወሪዱ ዘድሊ ምይይጥ ተኻይድሉ፡ ንምምሕያሽ ዝምልከቱ ርእይቶታትን ለበዋታትን ናብ ዝምልከቶ ኣካል በጺሑ ምህላዉ ሓቢሩ። ንድፊ ቅዋም ከኣ፡ ናብ መሰረታት ወሪዱ ኣሎ። ናይ መሰረታት ርእይቶ ብስርዒታዊ መስኖታቱ ኣቢሉ ናብ ዞባ ሽማግለን ኣሰናዳኢት ኮሚቴ ጕባኤን ክበጽሕ ምዃኑ ውን ኣብሪሁ። ብዛዕባ ጕባኤ ዞ ብዝምልከት ከኣ፡ ድሕሪ ጕባኤ ሰልፊ እንተዀነ ይሓይሽ ዝብል ሓሳብ ኣቕሪቡ።

ኣኼበኛታት፡ ኣብ'ቲ ብኣቦ መንበር ዝቐረበ ዛዕባታትን መግለጺታትን ብዕምቆት ድሕሪ ምምይያጥ፡ ሃናጽን ጠቓምን ሓሳባትን ለበዋታትን ብምቕራብ፡ ኣኼባ ብናይ ምርድዳእን ናይ ንስራሕ ዝብል መንፈስን ተዛዚሙ።

ሕዝባዊ መግለጺ-ስዊደን        

ጽላል ስዊደናውያን/ኤርትራውያን ንደሞክራስያዊ ለውጢ ትማሊ ቀዳም ዕለት 18 ሚያዝያ 2015 ናይ ኣባላት ኣኼባ ኣካዪዱ። ኣብዚ አኼባ እዚ ካብቶም ወሪዶም ዝነበሩ ዛዕባታት እቲ ቀንዲ መካትዕን መዛረብን ዝነበረ ድማ ከመይ ገርና ኢና ናብ ናይ ሓባር ራእይ ከመርሓና ዝኽእል ንባህግታት ድልየትን ሕዝብና ዘማልእ ስትራተጂ ንሕነጽ ዝብል ኢዩ ነሩ።

ኣብ ዝኾነ ደሞክራስያዊ ማዕበል በብግዜኡ ዝተፈላለዩ ርእይቶታት ዝንባለታት ክረኣዩ ባህርያውን ናይ ግድን ኢዩ፣ እቲ ሕቶ ነዚ ዝንባላታት እዚ ከመይ ገርካ ትኣልዮን ተመሓድሮን ኢዩ።

አኼባ ኣባላት ጽላል ብሰፊሑ ብኩነታት ደንበ ተቃውም ኣብ ከተማ ስቶክሆልም ካብ 2001 ጀሚሩ ክሳብ ኣብዚ ግዜዚ ዝተጓነፎ ብድሆታትን ዕድላትን ብህዱእ ተመያዪጡን ተረዳዲኡን።

አኼባ ኣባላት ጽላል ንዝኾነ ተበግሶ ንደሞክራስያዊ ለውጢ መን ኣበገሶ ብዘየግድስ ብጽቡቅ መንፈስ ክቅበል ከምዝጸንሔን ሕጂ እውን እንተኾነ በዚ እምነቶ እዚ ዝኾነ ምንቅስቃስ ንደሞክራስያዊ ለውጢ ምስ ዝመጽእ መርሓባ ኢልና ንቅበሎን ነተባብዖን ምኽንያቱ እቲ እንካይዶ ሕዝባዊ ጉዳይ እምበር ናይ ውልቀ ዝናን ስልጣንን ብሕታውን ጉዳይ ኣይኮነን ብዝብል ኣረዳድኣ ኣሰሚሩሉ።

ቃልሲ ንደሞክራስያዊ ለውጢ ቃልሲ ተዋፋይነትን እምነትን ኢዩ። በዚ መትከላዊ እምንቶ ድማ ኢና ንኩሉ ዝገጥመና ተጻብኦታት ብልዝብ ክንፈትሕ ጽኒሕና።ሕጂ እውን እንተኾነ ነቲ ተበግሶ ናይ ምቅርራብን ናብ ናይ ሓባር ስራሕ ዝመርሓና ከነዋሃህድ ብወገና ጸገም የለን።

እቲ ኣብዚ ግዜዚ ክኽበር ዘለዎ መበል 24 ዓመት ናጽነት ኤርትራ ብሓንሳብ ምስቶም ሓይሊ ዕማም ነዚ መደብ ሒዞም ዘለዉ ክሳተፉ እቲ ኣኼባ ኣባላት ጽላል ወሲኑ፣ ተማ ጽንብል እምቢ ንምልኪ ናይ ሓባር መልእኽትና ኢዩ፣ እቶም ነዚ ጽንብልዚ እዚ ዓጂቦም ንሕዝብና ዘነቃቅሑን ዘለዓዕሉን ድማ ናይታ ጽባሕ ንጽበያ ኤርትራ ወረስቲ ቃልስና ኢዮም ቅድም ቀዳድም እውን ብሰንኪ በብይንናን ክንከይድ ብምጽናሕን ሓቀኛ ሓበረታ ብዘይ ምርካብን ምንባሩ እቲ ኣኼባ ኣሰሚሩሉ፡፤

ሎሚ ድማ ናይ ሓባር ስራሕና "ክንበል በለ እምበር ኣይተኻዕወን" ስለዚ ምእንቲ ድህነት ሕዝብና ሃገርናን፣ ነዚ ተሪኻዊ መዓልቲ ብሓባር ከነኽብሮን ንትስፉእ መጻኢ ድማ ኣብ ኩሉ ቃልስታት ንደሞክራስያዊ ለውጢ ኣብ ስዊደን ብምውህሃድን ምርድዳእን ክኸውን እቲ አኼባ ለበዋኡ ኣቅሪቡ።

[1]SESADU is a Swedish- Eritrean Community for democratic change established and registered in 2009 in Stockholm. Membership is open to all Eritreans struggling for democracy and human rights. It has achieved a lot in Sweden by influencing the swedish political opinion, awakening and engaging the people against the dictatorship in Eritrea. It has been supporting all forces for democratic change. For further information see our home page by; www.sesadu.se

ሰልፊ ዲሞክራሲ ህዝቢ ኤርትራ (ሰዲህኤ)፡ ናብ ፕረሲደንት ኮሚሽን ኣውሮጳ፡ ኣቶ ጃን ካላውድ ዩንከር፡ ኣብ ዝጸሓፎ መዘክር፡ ሕብረት ኣውሮጳ ንህይወት ናይ'ቶም ኣብ ገማግም ኣውሮጳ ዝጥሕሉ ዘለዉ ስደተኛታት ከድሕን ደጊሙ ኣዘኻኺሩ።

ኣቦ መንበር ሰዲህኤ፡ ኣቶ መንግስተኣብ ኣስመሮም፡ ናብ ፕረሲደንት ኣውሮጳዊ ኮሚሽን ኣብ ዝለኣኾ መዘክር "ኣብ'ዚ ሰሙን'ዚ ኣብ'ቲ ገማግም ባሕርኹም ኣብ ማእከላይ ባሕሪ ዘጓናፈ ንላምፓዱዛ ዝመሳሰል ዳግማይ ህልቂት ኣብ ሓዘን ኢና ዘለና እሞ፡ ተኻፈልቲ ሓዘና ኩኑ" ኢሉ።

ቅዳሕ ናይ'ዚ መዘክር፡ ናብ ወይዘሮ ፈደሪካ ሞገሪኒ፡ ላዕለወይቲ ኮሚሽነር ናይ ወጻእን ጸጥታዊ ጕዳያት ሕብረት ኣውሮጳ፤ ኣቶ ዶናልድ ታስክ፡ ፕረሲደንት ባይቶ ሕብረት ኣውሮጳ፤ ኣቶ ማርቲን ሹልትስ፡ ፕረሲደንት ኣውሮጳዊ ፓርላማ፤ ከምኡ'ውን፡ ናብ 28 ቀወምቲ ልኡኻት ናይ ኣባላት ሃገራት ኣውሮጳ ተላኢኹ። ኣብ ርእስ'ዚ፡ እቲ መዘክር፡ ንዲክታቶርያዊ ስርዓት ኤርትራ ምድጋፍ ነቲ ሽግር ንምፍታሕ ዘይኰነስ፡ ነቲ ዲክታቶር ግርም ኣለኻ ምባል ኢዩ ዝቝጸር ዝብል ነቐፌታ ወይ መልእኽቲ ዝሓዘለ ኢዩ ነይሩ።

ህዝቢ ኤርትራ ብተግባራቱ ተስፋ ስለ ዝቖረጸ፡ ንጉጅለ ህግደፍ ካብ ልቡ ካብ ዘውጸኦን እምነቱ ኣብ ልዕሊኡ ካብ ዘልዕልን ነዊሕ ግዜ ኮይኑ እዩ። ናይዚ ዘይምትእምማን መንቀሊ ናይቲ ጉጅለ ጥልመትን ኣብ ብዙሕ ጉዳያት ከምቲ ዝብሎ ኮይኑ ዘይምቕራብን እዩ። ጉጅለ ህግደፍ ኣብዚ ዝሓለፈ ዓመታት ኣብ ልዕሊ ኤርትራን ህዝባን ዝፈጸሞ ጥልመታት፡ ብሓፈሻኡ ጸጋታት ነጻነት ኤርትራ ብምጭዋይ ዝግለጽ ኮይኑ፡ ዝርዝሩ ነዊሕ እዩ። ንኤርትራ ከም ታይዋን ከነህብትማ ኢና፡ ብመንገዲ ጥሙር ሕርሻ ክንህብትም ኢና፡ ብሕገመንግስቲ ዝምራሕ መንግስቲ ክንምስርት ኢና፡ ውተሃደራዊ ኣገልግሎት 18 ኣዋርሕ ጥራይ ክኸውን እዩ፡ እንደጋና ሓድሽ ሕገመንግስቲ ክንነድፍ ኢና፡ ኣብ ጥሪ 2015 ኮይኑ ድሕሪ 3 ኣዋርሕ ተኣምራዊ ዕቤት ከነርኢ ኢና … ወዘተ ካብቶም ብዙሓት ዘይተተግበሩ መብጸዓታት ህግደፍ ውሑዳት እዮም።

ምስዚ ኩሉ እቲ ጉጀለ ሓንሳብ ዓይኑ ብጨው ተሓጺቡ ኣብ ናይ ምትላል ዓለም ክነብር ዝወሰነ ስለ ዝኾነ፡ እነሆ ሎሚ ድማ ነቲ ብሰንኩ ኣብ ኤርትራ ዝወርድ ዘሎ ሓሳረመከራን ጥልመትን ዋሕዚ ናብ ስደትን ብሰንኩ ምዃኑ ሓቢኡ፡ መንቀሊ ናይቲ ስደት ፍትወት ነብስን ህርፋን ሃብትን እዩ ኢሉ ሕብረተሰብ ዓለም የታልል ኣሎ። እዚ ጉጅለ ከምቲ ካልእ ግፍዕታት ኣብ ውሽጢ ኤርትራ ምስ መለአ ናብ ደገ ዝፈስስ ሕማቕ ተግባራቱ፡ ነዚ ምትላልዚ’ውን ኣብ ህዝቢ ኤርትራ እዩ ጀሚርዎ። ነቲ ንኩነታት ብዓይኑ ዝርኢ ዘሎ ህዝቢ ኤርትራ’ኳ ንግዜኡ እንተኾነ እውን ከታልል ዝኸኣለ፡ ካብ ኤርትራ ርሒቖም ንዘለዉን እቲ ምረት ከም ንህዝቢ ኤርትራ ዘየሳሕዮምን ወገናት ንምትላል ድሕር ከምዘይብል ከዓ ንዕዘቦ ኣለና። እዚ ጉጅለ በብግዜኡ ንምትላል ዘቕርቦም ሓሶታት ዝተፈላለዩ ኮይኖም፡ ኣብዚ ቀረባ እዋን ድማ ነቲ ዝተበገሰሉ ሕግታት ጥሒሱ ደረት ንዘየብሉ ግዜ ከካይዶ ዝጸንሐ ወተሃደራዊ ኣገልግሎት ናብቲ ግቡእ ግዜኡ 18 ኣዋርሕ ክመልሶ እየ ክብል ጀሚሩ ኣሎ። ናይቲ ሽግር መንቀሊ ንሱ ጥራይ ከም ዝኾነ ብምምሳል። ካብዚ ሓሊፉ፡ ነቶም ብሰንኪ ናቱ ወጽዓን በደልን ናብ ስደት ዝኸዱ እሞ ክወጹ እንከለዉ ኣብ ዝተረኽብዎ ንክርሸኑ ዝፈረዶምን ንሓንሳብ ሓተላ ንሓንሳብ ድማ ግለት ክብሎም ዝጸንሐ ዜጋታት “ናብ ሃገሮም እንተተመሊሶም ኣይትንክፎንም እየ” ክብል እውን ይስማዕ ኣሎ። እቲ ዘገርም ከዓ ኣብዚ ቀረባ ግዜ ናብ ኣስመራ ገይሹ ንዝነበረ ናይ ሃገረ ኢጣልያ ልኡኽ ኣብዘን ዝመጻ ዘለዋ ካብ 3 ክሳብ 5 ዓመታት መስርሕ ደሞክራሲ ኣብ ኤርትራ ከም ዝተኣታቱ ከም ዝገለጸሉ ኣብ ዜናዊ ማዕከናት ኣንቢብናን ሰሚዕናን። እዚ ኣብ ቅድሚ እቲ ብዘይትግበር መብጸዓታት ዝላደየ ኣእምሮ ህዝቢ ኤርትራ ቦታ ከምዘይህልዎ ከሎ ጋና ርዱእ እዩ።

ከምቲ “ክሰርቀኒ ዝረኣኹዎ ክመልሰለይ ኣይኣምኖን” ዝበሃል ህዝቢ ኤርትራ በዚ ናይ’ዚ ጉጅለ ሃተፍተፍ ዝርስርስ ልቢ የብሉን። ምናልባት ግና ንውሽጢ እንዳነበዐ ንደገ ይስሕቕ ይኸውን። እንተኾነ ከምዚ ኣብ ሓደሓደ ሃገራት ኤውሮጳ ክቀላቐል ንዕዘቦ ዘለና፡ ገለ ኣብ ቀረባ ዝጸንሑ ናይቲ ጉጅለ ተማጻደቕቲ ወገናት ብዚ ሓሶቱ ሰንከልከል ይብሉ ይኾኑ። ምናልባት እውን በዚ ተሰናቢዶም ጅቦኦም ዝኸፍትሉ መንግስታት ኣይሰኣኑን ይኾኑ። እነሆ’ኳ ናይ ሕብረት ኤውሮጳ 312 ሚልዮን ዩሮ ናይ ምሃብ ድንዕምንዕ። እዞም ወገናት እዚኣቶም ጉጅለ ህግደፍ ዝሃብካ እንተሃብካዮ ቆርጢሙ ዝድቅስ እምበር ካብዚ ሒዝዎ ዘሎ ናይ ጥፍኣት መንገዲ ተመሊሱ መንገዲ ደሓን ንክሕዝ ባህርያቱ ከም ዘይፈቕደሉ ተረደኦኦም ካባና ንላዕሊ እንተዘይኮይኑ ንታሕቲ ከምዘይከውን ምግማቱ ዘጸግም ኣይኮነን። ምኽንያቱ ንሳቶም እውን በብደረጃኡ ኣብ ዝተፈላለየ ግዚያት ናይቲ ጉጅለ ግዳያት ዝኾንሉ ተመኩሮ ስለ ዘለዎም። እዞም ወገናት ካብ ዓለም ለኻዊ ሕግታትን ሰብእውነትን ነቒሎም፡ እቲ ኣብ ኤርትራ በቲ ጉጀለ ዝፍጸም ዘሎ ግፍዕታት’ኳ ዘሻቕሎም እንተኾነ፡ ክንድቲ ንሕና እንህቦ ክብደት እንተዘይሃብዎ ግን ዘገርም ኣይኮነን። ዘይኤርትራዊ ወገናት ነዚ ተረኽቦ ከምቲ ካልእ ዛዕባ ካብ ነናይገዛእ ርእሶም ድሕነትን ረብሓን ክርእይዎ ባህርያዊ እዩ። ስለዚ ናይቲ ጉጅለ ጸረ ህዝብን ሃገርን ባህርያት ዘይጽገን ምዃኑ እንዳፈለጡ፡ ምእንቲ ኤርትራውያን ስደተኛታት ተቐቢሎም ከየመሓድሩ፡ በዚ ናይ ህግደፍን ዘይትግበር ቃልን ተኸዊሎም ንዓኣቶም ዘዋጸኦም ክውስኑ እንተፈተኑ ዘገርም ኣይኮነን።

ቅድሚ ሕጂ ካብቲ ንጉጅለ ህግደፍን ምዕራባውያን ትካላትን ከሰሓሕቦም ዝጸነሐ ጉዳያት ሓደ፡ ንሳቶም ኣብ ኤርትራ ብናታቶም ተቖጻጻርነት ኣብ ናይ ልምዓትን መሳለጥያታትን ትካላት ከነውፍር ክብሉ እንከለዉ እቲ ጉጅለ ግና “እቲ ገንዘብ ንዓና ሃቡና ባዕልና ክንሰርሓሉ” ብዝብል ምንባሩ ዘይንርሰዖ እዩ። እዞም ለገስቲ ንናይቲ ጉጅለ ሓሳብ ክቃወሙ ዝጸንሕሉ ቀንዲ ምኽንያት ከዓ እቲ ጉጅለ ነቲ ዝወሃቦ ኣብቲ በሓቲ ስልጣኑ ዘደልድል እምበር ኣብ ህዝቢ ዝርበሓሉ መዓላ ኣይከውዕሎን እዩ ዝብል ጥርጠራ ምንባሩ ፍሉጥ እዩ። እነሆ ከዓ ሎሚ ዋሕዚ ስደት ኤርትራውያን ኣብ ሃገራት ኤውሮጳ ዕቑባ ብምሃብ ዘይኮነስ ኣብ ሃገሮም ናይ ስራሕ ዕድል ብምፍጣር እዩ ክዕገት ዝከኣል ዝብል ምስ ናይቲ ጉጅለ ርኢቶን ህርፋንን ዘሳኒ ዝመስል ሓሳብ ይቀላቐል ኣሎ። እዚ ድማ እቲ ጉጅለ ክጽበዮ ዝጸንሓን ሚልዮናት ዩሮ ክሓቐፈሉ ሃንቀው ዝብለሉ ዘሎን እዩ። እቲ ጉጅለ እቲ ዝወሃቦ ገንዘብ ነቲ ዝተባህሎ መዓላ ከየውዕሎ ከዓ ዕደ። እተን ሃገራት እውን ናይ ኤርትራውያን ስደተኛታት ሓላፍነት ካብ ምስካም ኣተሃድማ ዕቡያት ንምህዳም እንተዘይኮይኑ ሕዱር ሕማም ጉጅለ ህግደፍ ከም ዘይሓወየ እኳ ደኣ ከም ዝገደዶ ይጠፍአን ማለት ኣይኮነን።

እዚ ከም ሓድሽ ዝቀላቐል ዘሎ ንጉጀለ ህግደፍ ኣጸባቢቕካ ናይ ምቕራቡ ጉዳይ ናባና ማለት ብሓፈሻ ናብ ኤርትርውያን ብፍላይ ድማ ናብ ደንበ ተቓውሞ ዘመሓላልፎ ረዚን መልእኽቲ ኣለዎ። ነዚ ተግባራተን ንቕበሎዶ ኣይንቕበሎን ሕራይ ከም ዘይንቕበሎስ ርዱእ እዩ። ክንድቲ ዘይምቕባልናዶ ንክይትግበር ንሰርሓሉ ኣለና ግና መልሱ ኣይፋልናን እዩ። ገለ ሃገራት ብኸምዚ ኣቐዲሙ ዝተገልጸ ምስቲ ጉጅለ ጉጅም ክብላን ብዛዕባ ምጽጋኑ ክሓስባ ጀሚረን ዘለዋን ናይቲ ጉጅለ ባህርያት ጠፊእወን ዘይኮነስ፡ ነቶም መተካእታ ክንከውን ዝግበናን ሃሰስ ኢለን ስለ ዝሰኣናና ምዃነን ዋላ ቅር እንዳበለና ክንቅበሎ ዝግበኣና ተረኽቦ እዩ። ስለዚ ካልእ ተተረፈ ኣብቲ ኤርትራዊ ፖለቲካዊ መድረኽ ክንረአ ናብ እንኽእለሉ ደረጃ ክንበጽሕ ኣብ ቅድሜና ዘሎ ብደሆ እዩ። እዚ ድማ ብድኽመትን ተነጽሎን ናይቲ ጉጅለ ዘይኮነስ ብናትና ፋሕተርተር ጥራይ ዝረጋገጽ እዩ። ነዚ ዘብቅዕ ዓቕሚ ምፍጣር ቀሊል ከምዘይኮነ ርዱእ ኮይኑ፡ እታ ዝርካባ ዓቕምናኸ ኣብ ምንታይ ነውዕላ ከም ዘለና ንሕሰብ። ነዚ ንክትበቅዕ ዝርካቡ ዓቕምኻ ምእካብ ወሳኒ ምዃኑ ፍሉጥ እዩ። ክሳብ ክንደይ ንምቅርራብን ሓቢርካ ምስራሕን ዋጋ ንህብ ኣለና ድማ ንሕሰብ። ብመንጽር እቲ ኣብ ልዕሊ ህዝብና ዘውርዶ ዘሎ በደል ህጹጽነት ምውጋድ ጉጅለ ህግደፍ ልዑል ምዃኑ ብሩህ እዩ። እንተኾነ እዚ ኣቐዲምና ዝገለጽናዮ ናይ ዝተወሰኑ ወገናት ምልስላስ ዕድመ እቲ ጉጅለ ኣብ ስልጣንን ኣብ ልዕሊ ህዝብና ዘውርዶ በደልን ከም ዘናወሕከ ንሓስበሉዶ ኣለና። ዝተወሰኑ ኣብ ምኽባር ደሞክራስያውን ሰብኣውን መሰላት ዝነጥፉ ኤርትራውያንን ብዛዕባዚ ዞናና ዓሚቕ ፖለቲካዊ ኣፍልጦ ዘለዎም ዘይኤርትራውያን ግዱሳት ምሁራትን ነዚ ገለ ወገናት ንህግደፍ ክጽግኑ ዘካይድዎ ዘለዉ ፈተነታት ብምቅዋም ብ1 ማዝያ 2015 ዘውጽእዎ ጋዜጣዊ መግለጺ ዘተባብዕ ኮይኑ፡ ናትና ድምጺ እንተኾነ ካብኡ ክብ ብዝበለ ካብኡ ሓሊፉ ማዕሪኡ ክስማዕ ዘይምኽኣሉ ከዓ ዘሕፍር እዩ’ሞ ግቡእ ኣቓልቦ ንግበረሉ።

16 ማዝያ 2015

እቲ ንህዝብና መሰረታዊ ሰብኣዊ መሰላቱን ሓርነቱን ጊሂሱ ብቑጠባውን ማሕበራውን ሕሰም ዘሳቕዮ ዘሎ ዓመጸኛ ስርዓት፡ ካብ መወዳእታ ወርሒ ዓመተ 2014 ኣትሒዙ ውን ነቲ ዜጋታት ሙሉእ ዕድሚኦም ሰሪሖም ብዘጠራቐምዎ ገንዘባውን ንዋታውን ሃብቲ ዝሃነጽዎ ገዛውቲ ብዘይ ዝኾነ ሕጋዊ መርትዖን ቁቡል ስነ ሞጎትን ካብ ሓደ ከባቢ ናብቲ ሓደ ከባቢ ብምንጣር ብኣሽሓት ዝቑጸር ገዛውቲ ብጭካነ የዕንዎ ኣሎ። ከም ውጽኢቱ ድማ ብኣሻሓት ዝቑጸራ ኤርትራውያን ሲድራቤታት ብዘይ መዕቖቢ ተሪፈን ኣብ ፎቖዶ ጎደናታት ንጸሓይን ቑርን ተቓሊዐን ይርከባ።

እዚ ኣብ ጸሎት ጀመሩ ብቤት-መኻእ ኣቢሉ ናብ ኣርባዕተ ኣስመራ፡ ዓዲ-ቐይሕ፡ ዳዕሮ ጳውሎስ: ሰገነይቲን ዝቕጸለ ኣረሜናዊ ናይ ምዕናው ስጉምቲ፡ ሕጂ ውን ናብ ካልኦት ገጠራትን ከተማታትን ኤርትራ ክልሕም ከም ዝኽእል ኣብ ዝተፈላለያ ማዕከናት ዜና ደምበ ተቓውሞ ዝተዘርግሐ ሓበሬታ ይእምት።

ሽሕ እኳ እዚ ምእንቲ ሰላምን ፍትሕን መደርግቲ ኣልቦ መስዋእቲ ዝኸፈለ ህዝቢ ኤርትራ፡ ኣብ ቃልዕ ወጺኡ ተቓውምኡ እንተ ዘይገለጸ፡ ነዚ ኣብ ዘመነ መግዛእቲ ውን ርኢዎ ዘይፈልጥ ነውራምን ዘይሓላፍነታውን ተግባር ዝተፈላለየ ኣገባባት ብምጥቃም ይኹንኖ ከም ዘሎ ካብ ውሽጢ ኤርትራ ዝዝርግሑ ዘለው ዜናታት ይሕብሩ። ንኣብነት ኣብ ዓዲ-ቐይሕ ተማሃሮን ምንእሰያትን ነቲ ኣብ ቅድሚ ዓይኖም ዝካየድ ዝነበረ ጽዩፍ ተግባር ክጻወርዎ ስለ ዘይካኣሉ ነቶም ነቲ ተግባር ዝፍጽሙ ዝነብሩ ኣባልት ሰራዊትን ጸጥታን ኣእማን ብምድርባይ ከም ዝተቓወምዎምን እቲ ናይ ምዕናው ተግባር ንግዚኡ ደው ከም ዝበለን ይዝከር፡፡ ከምኡ ‘ውን ዝሓለፈ ሰሙን ህዝቢ ዳዕሮ ጳውሎስ ኣብ ቅርዓት ዓዲ ታቦት ብምውጻእ ጸሎትን ምህለላን ብምክያድ ተቃውሞኡ ከም ዘስምዐ ዝተተፈላለያ ብጉዳይ ኤርትራ ዝግደሳ ማዕከናት ዜና ሓቢረን እየን።

ንሕና ኣብ ቤይ ኤርያ ካሊፎርንያ እንነብር ኤርትራውያን ውን ነዚ ብምልካዊ ስርዓት ህግደፍ ዝፍጸም ዘሎ ኣዕናዊ ተግባር ኣትሪርና ንኹንን። ነቲ ህዝቢ ኤርትራ መሰሉን ክብረቱን ንምርግጋጽ ዘካይዶ ዘሎ ዝተፈላልየ ናይ ተቓውሞ ኣገባባት ምሉእ ደገፉ የረጋግጽ። ኣብ ውሽጢ ኤርትራ ዝርከብ ህዝብና ከኣ ነዚ ኣረሜናዊ ተግባር ኣብ ምክያድን ህዝቢ ኣብ ምብስባስን ብሓላፍነት ይሳተፉ ናይ ዘለው ዜጋግታት ጽፉፍ መዝገብ ክሕዝን ነቲ ዝፍጸም ዘሎ ኣረሚናዊ ተግባራት ብቪድዮን ደረቕ ስእልን ብምልዓል ክስንዶን ከኣ በዚ ኣገጣሚ ንጽውዕ። ኣብ መላእ ዓለም እንርከብ ኤርትራያን ከኣ ከም ውትሩ ሰፊሕ ተሳታፍነትን ዝርገሐን ዘለዎ ሰልማዊ ሰልፍታት ብምክያድ ነዚ ኣብ ሃገርና ዝከይድ ዘሎ ነውራም ተግባር ኣብ ምቅላዕ ሓቢርና ክንሰርሕ ጻውዒትና ነቕርብ።

10 ምያዝያ 2015

ኤርትራውያን ንዲሞክራስያዊ ለውጢ ኣብ በይ ኤርያ- ካሊፎርንያ