http://ascenteq.com/project/epdp

ጉዕዞ ኣብ መስርሕ ቃልሲ ከምኡ ስለ ዝኾነ፡ ሓደ ተርኽቦ ኣፋኒኻ ካልእ ተረኽቦ ኣብ ምቕባልን፥ ብዛዕባኡ ምዝራብን ምጽሓፍን ቀጻሊ መስርሕ ንነብር ኣለና። ንሓንሳብ ንጉጅለ ህግደፍ ነቃልዕ፥ ንሓንሳብ ኣብ ውሽጥና ተመሊስና ብዛዕባ ድኽመት ኤርትራዊ ናይ ለውጢ ሓይልታት ንዝቲ። ናብ ህዝቢ ኤርትራ ድማ ንመሰልካን ነጻነትካን ተቓለስ ዝብል ተደጋጋሚ መጸዋዕታ ነቕርብ። በብኹርናዑ ዝውደቡ ኣኼባታት፡ ዓወደ-መጽናዕትታት፡ ፈስቲቫላት፡ ጉባኤታት ብዓብይኡ ድማ ሰላማዊ ናይ ተቓውሞ ሰልፍታት ካብቶም ድልውነትና ንለውጢ ንምቅላሕ እንጥቀመሎም መድረኻት እዮም። እነሆ ከኣ ኣካል ናይዚ መስርሕ ዝኾነ ብ29 ጥቅምቲ 2015 ኣብ ከተማ ኒውዮርክ፡ ኣንጻር ጉጅለ ህግደፍ ዝቐንዐ፡ ነቲ ውድብ ሕቡራት ሃገራት፡ ኮሚሽን ሰብኣዊ መሰላት ዘቖማ መርማሪት ኣካል ዘውጸኣቶ ንጉጅለ ህግደፍ ዘቃልዕ ጸብጻብ ንምድጋፍ ሰፊሕ ናይ ተቓውሞ ሰልፊ ተኻይዱ። እዚ ሰልፊ ብሓፈሻ ሓደ ኣካል ናይቲ ኣንጻር ህግደፍ ዝግበር ቃልሲ ኮይኑ፡ ብፍላይ ድማ መቐጸልታ ናይቲ ብተመሳሳሊ ዛዕባ ኣብ 26 ሰነ 2015 ኣብ ጀነቭ፡ እስራኤል፡ ኣዲስ ኣበባን ካለኦት ኩርነዓት ዓለምን ዝተኻየደ ናይ ተቓውሞ ሰልፍታት መቐጸልታ እዩ።

እዚ ሰላማዊ ሰልፊ ኣብ ከመይ ዝኣመሰለ ኩነታት ኣብ ዝሃለናሉ ከም ዝተኻየደ ንኹላትና ንጹር እዩ። ኩነታትና ካባና ሓሊፉ ንኹሎም ደለይቲ ጽቡቕና ከይተረፈ ኣዝዩ ኣብ ዘሻቕለሉ እዩ እዚ ብዛዕባኡ ንዛረበሉ ዘለና ናይ ተቓውሞ ሰልፊ ተኻይዱ። ናይ ህዝብናን ሃገርናን ኩነታት፡ ብሰንኪ ክብደትን ዕምቆትን ኣሻቓልነቱ ብግቡእ ንገልጸሉ ቃላት ምርካብ እውን ኣብ እንጽገመሉ ደረጃ ኢና ዘለና። ኣሻቓሊ፡ ኣሰካፊ፡ ብቱን፡ ንብዙሕ ዘይቅርዑይ ምናልባታት ዝተቓለዐ ተበልናዮ’ውን ዝምጥኖ ኣይኮነን። እቲ ኣብ ባይታ ዘሎ ኩነታትን ናትና ኣገጣጥማን ዘይሰማማዕ ምዃኑ ከኣ፡ ከመይ ዝኣመሰለ ጸገም ከም ዘለና ዘረድእ እዩ። እቲ “ሕጂ’ውን ኩነታትና ወጊና መዋጸኦ ክንረክብ ኢና” ዝብል ኒሕናን ሓቦናን ህያው ምዃኑ ዘይነዓቕ ተስፋ ኮይኑ፡ ነቲ ክንገብሮ ኢና እንብሎ ክንገብር እንስጉሞ ስጉምቲ ኣዝዩ ትሕቲ ግምት ምዃኑ ከኣ ንጸገምና መሊሱ የዕርጎ። እንተኾነ ሕጂ እውን ቃልስና ምእንቲ ፍትሒ፡ ሰብኣዊ መሰልን ደሞክራስን ብናይ ተቓውሞ ሰልፍታት ኮነ ብውሽጥን ብደገን ተወዳዲብካ ክሳብ ንዕወት ክንቅጽሎ ናይ ግድን እዩ። ምኽንያቱ ንጹር እዩ ካልእ መተካእታ ስለ ዘየብልና። ንቃልሲ ከም መተካእታ ዘየብሉ መንገዲ ዓወት ምቕባሉ፡ ብግብራዊ ስጉምቲ ተዘይተሰንዩ ግና በይኑ ዓወት ኣይኮነን።

ብዛዕባ’ቲ ንምምሕዳር ጉጅለ ህግደፍ ዘርዕድ ከምዚ ናይ ኒውዮርክ ስርሒት ክዝረብ እንከሎ፡ ክንደይ ተሳቲፈምዎ? ጭረሖታቱ እንታይ ነይሩ? ኣብቲ መድረኽ መን መዲሩ? … ወዘተ ዝብሉ ሕቶታት ክቐርቡ ልሙድ እዩ። ምናልባት ናይዚ ናይ ተቓውሞ ሰልፊ ተሳተፍቲ፡ 3፡ 4 ወይ 5 ሺሕ ኤርትራውያን ይነብሩ። ብናትና እምንቶ ግና ብኣካልኳ ተዘይጠዓሞ፡ “ብኣተሓሳስባን እምነትን ኩሉ ደላይ ለውጥን ፍትሕን ኤርትራዊ ኣካሉ’ዩ ነይሩ” ምባል ዝከኣል ይመስለና። ስለዚ ኩልና ናይዚ ሰልፊ ተሳተፍቲ ኢና ኔርና። እቲ ጽባሕ ንጉጅለ ህግደፍ ኣወጊዱ ብፍትሓዊ ምምሕዳር ዝትክእን እቲ ኣብቲ መድረኽ ናይ ተቓውሞ ሰልፊ፡ ዝተሳተፈ ጥራይ ዘይኮነ ኩሉ ናይዚ ናይ ለውጢ ኣተሓሳስባ ደጋፊ እዩ። ቃልሲ ምቅብባል ስለ ዝኾነ ከኣ፡ ጀነቭ ዘይወዓለ ኒውዮርክ ይውዕል፡ ኣዲስ ኣበባ ዘይወዓለ ከኣ ኣብ እስራኤል ይውዕል። ብኸምኡ ድማ ይቕጽል። ከምኡ ስለ ዝኾነ ከኣ ግዜን ቦታን ደኣ ይፈላለ’ምበር ህዝቢ ኤርትራ ብምልኡ ተሳታፊ እዩ ነይሩ።

እዚ ሕጂ ነካይዶ ዘለና ቃልሲ ሕጂ ዝጀመረ ዘይኮነ፡ እንዳ ወደቐ እንዳ ተንሰአ፡ እንዳከሰበ እንዳከሰረ፡ እንዳደፈአ እንዳተደፍአ፡ እንዳድመየ እንዳደመየ፡ ከመጽእ ዝጸንሐ ንመጻኢ’ውን ዝቕጽል ሰንሰለታዊ ምትኽኻእ እዩ። ንድሕሪት ተመሊስና ነዚ ናይ ውረድ ደይብ መስርሕ ተመርሚርናዮ፡ እወንታ ከም ዝነበሮ ርዱእ ኮይኑ፡ ብውልቂ ይኹን ብትካል ዝግለጽ ኣሉታዊ ትሕዝቶ’ውን ከም እንረኽበሉ ፍሉጥ እዩ። ኣብዚ ኩነታት ክንገብሮ ዝግበኣና መሰረታዊ ጉዳይ እምበኣር፡ ካብቲ ዝሓለፈ ተማሂርካ ዝሓሸ መጻኢ ክንፈጥር ምቅላስ እዩ። እቲ ክንመሃረሉ ዝግበኣና እንተላይ እቲ ኣሉታዊ ጐኑ እዩ። እቲ ንመሃሮ ነቲ ዝሓለፈ ብምቁምማልን ነቲ ኣሉታ መዚዝካ ብምጉላሕን ጥራይ ዘይኮነ፡ ህልዊ ናይ ገዛእ ርእስኻ ኣካይዳ እውን ኣካል እቲ መምሃሪ ተመኩሮ ምግባሩ ጽቡቕ እዩ። ናትካ ኣቐሚጥካ ነቲ ዝሓለፈ መስርሕ ክመርሑ ዝጸንሑ ኣካላትን ኣመራርሕኦምን ክትወቅስን ክትከስስን ምኒን ምባል ዘይኮነ ንስኻውን ጽባሕ በቲ ዝትክኣካ ወለዶ ከይትውቀስ ንህዝባዊ ጉዳያት ልዕሊ ውልቃውን ጉጅላውን ህርፋንካ ሰሪዕካ ምስራሕ ውሕልነት እዩ። ኣብዚ ሎሚ ዝፍጠር ዘሎ ዕንክሊል ጽባሕ ስመይ ብኸመይ ክለዓል እዩ? ኢልና ሎሚ ክንሓትት ይግበኣና። ምናልባት ነቲ ምስ ኩሉ ጸገማቱ ናብዚ ዘብጸሓና ሰንሰለታዊ ቃልሲ በቲኽካ ደርቢኻ ሓድሽ ናይ ኣቋራጭ ተመኩሮ ክትጠፋጥፍ ምፍታን ግና ብዓንተቦ ገጽ ክንህቦ ዘይግበኣና ዓመጽ እዩ።

ሰልፊ ደሞክራሲ ህዝቢ ኤርትራ ነዚ ናይ ኒውዮርክ ናይ ተቓውሞ ሰልፊ ምድጋፍ ጥራይ ዘይኮነ፡ በቲ ዝወጸሉ ኣገባብ ንክዕወት ኣብቲ ከባቢ ብዘለዉ ኣካላቱ ዓቕሙ ዝፈቕዶ ከበርክተሉ ዝጸንሐ እዩ። ንሰደህኤ ነዚ ዕዉት ናይ ተቓውሞ ሰልፊ ምድጋፉን ኣብ ምዕዋቱ ምስታፉን ከም ንእግረ-መንገድኻ ዝዕመም መመላእታ ስራሕ ዘይኮነ መሰረታዊ መግለጺ ናይቲ ዝኽተሎ፡ ዘይጎነጻዊ ኣገባብ ቃልሲ እዩ። ብመተከላዊ እምነት ሰደህኤ ከምዚ ዓይነት ሰፋሕቲ ናይ ተቓውሞ ሰልፍታት፡ ከምዚ ናይ ሕጂ ጸብጻብ መርማሪት ኣካል ሰብኣዊ መሰላት ኣብ ኤርትራ ዝኣመሰሉ ዛዕባታት ክመጹ እንከለዉ ንምድጋፍ ወይ ንምቅዋም ጥራይ ዘይኮነ፡ ካብ ኩነታት ህዝብናን ሃገርናን ብዝነቕሉ ዛዕባታት ኣንቂድና’ውን ከነካይዶ ዝግበኣና እዩ። ከምዚ ዓይነት ስጉምቲ በቲ ሓደ ወገን ህዝብና ነለዓዕለሉን ንሕናን ንሱን ኣብ ሓደ መስመር ኣንጻር ወጻዕቲ ምህላውና ንሕብረሉን፡ በቲ ካልእ ወገን ድማ ማዕጾ ሕብረተሰብ ዓለም እንኩሕኩሓሉ ኣድማዒ መሳርሒ ስለ ዝኾነ ንመጻኢ’ውን ክቕጽል ዝግበኦ እዩ። ካብዚ ዝተኻየደ ሰላማዊ ሰልፍታት እምበኣር፥ ሰልፊ ኣካይድና ጥራሕ ብምባል ክንሓልፎ ዘይኮነ ህዝብናን ሃገርናን ዝድሕነሉ መንገዲ ክንሓስብ ኣለና። ከምዚ ምስ ዝግበር ጥራሕ ከኣ እዩ ስራሓት ዘድምዕን ህዝቢ እውን ናይ ለውጢ መስርሕ ኢሉ ብምእማን ንጉዕዞና ሓንጎፋይ ዝብሎ።

1 ሕዳር 2015

ሓው መንግስተኣብ ኣስመሮም፡ ኣቦ መንበር ሰልፊ ዲሞክራሲ ህዝቢ ኤርትራ (ሰዲህኤ)፡ ኣብ ዕለት 31 ጥቅምቲ 2015 ክፉት ናይ ህዝቢ ኣብ ስቶክሆልም፡ ርእሰ-ከተማ ሽወደን ኣኼባ ኣካይዱ። ሓው ረዘነ ተስፋጽዮን፡ ኣባል ፈጻሚ ሽማግለን ሓላፊ ቤት ጽሕፈት ገንዘባዊ ጕዳያትን፣ ሓውቲ ገርጊስ ነጋሽ: ሓውቲ ኣልጋነሽ ኢሳቕን ሓው ነጋሲ ሓምደን ኣባላት ማእከላይ ባይቶን ኣብ'ቲ ኣኼባ ተኻፊሎም ነይሮም።

ሓው ዶክተር ሃብተሚካኤል ተኽለብርሃን፡ ኣባል ማእከላይ ባይቶን ኣቦ መንበር ጨንፈር ሰዲህኤ ስቶክሆልምን ከባቢኡን ናይ ምስጋናን ናይ እንቋዕ ደሓን መጻእኩም መልእኽቲ ኣመሓላሊፉ። ብድሕር'ዚ፥ ኣጀንዳታት ኣኼባ ብዛዕባ ሃለዋት ሃገርናን ህዝብናን፡ ሃለዋት ደምበ ተቓውሞን ንጥፈታት ሰዲህኤን ምዃኑ ድሕሪ ምሕባር መድረኽ ንኣቦ መንበር ሰዲህኤ ገዲፍሉ።

ሓው መንግስተኣብ፡ ንውሽጣዊ ሃለዋት ሃገርና ኣመልኪቱ፡ ኤርትራ፡ ግዝኣት ሕጊ ይኹን ፍትሒ ዘይብላ፡ ዝሰርሑ መንግስታዊ ትካላት ዝበዀረላ፡ ሕረስ ሓረስታይ ንገድ ነጋዳይ ዝብል ናይ ብሕታዊ ጽላት ፖሊሲ ዘይትኽተል፡ ምስ ጐረባብታ ሰላምን ስኒትን ዘይብላን ካብ ዓለም ተነጺላ ትነብር ሃገር ምዃናን ኣብሪሁ።

ኣስዒቡ፡ ከም ሳዕቤን ናይ'ዚ ሃለዋት'ዚ ቍጣባ ኤርትራ ካብ ዕለት ናብ ዕለት እናንቆልቆለ ይኸይድ ምህላዉ ሓቢሩ። ሕጽረት መግቢ፡ ማይ፡ ጽዓትን ናይ ወጻኢ ሸርፊን መግለጺ ቍጠባዊ ኵነታት ኢዩ ክብል ኣስሚርሉ። ዝበዝሐ ህዝቢ ኤርትራ ተዋፊርሉ ዘሎ ስራሕ ሃገራዊ ኣገልግሎት፡ ህዝባዊ ምልሻ፡ ዑቝር ሰራዊትን ብዝብል ዝተፈላለየ ኣስማት ዝጽዋዕ ውትህድርናዊ ስራሕ ኢዩ ኢሉ።

ትምህርታውን ሕክምናውን ኣገልግሎት እውን ካብ ዕለት ናብ ዕለት እናንቆልቈለ ይኸይድ ምህላዉ ጠቒሱ። ህዝቢ ኤርትራ ድማ ብስእነት ብቕዓት ዘለዎ ትምህርትን ብስእነት ሕክምናዊ ኣገልግሎትን ይሳቐ ኢዩ ዘሎ። እቲ ገንዘብ ወይ ከኣ ስልጣን ዘለዎ ኣብ ሱዳን ከይዱ ክሕከም ኢዩ ዝርአ ዘሎ።

ከም ወጽኢት ናይ'ዚ ሃለዋት'ዚ ኤርትራውያን ናይ መጻኢ ዕድሎም ጸልማት ኰይኑ ስለዝተሰምዖም ዝፈትውዋ ሃገሮምን ዝፈትዉዎ ህዝቦምን ገዲፎም ንስደት ከምርሑ ይግደዱ ኣለዉ ኢሉ።

ስርዓት ኢሳያስ፡ ነዚ ጽሓይ ዝወቕዖ ሓቂ ንምኽዋል ጠንቂ ቍጣባዊ ቅልውላው ኤርትራ ባይቶ ጸጥታ ሕቡራት ሃገራት ኣብ ልዕሊ ሃገርና ዘንበሮ ማዕቀብ ምዃኑን ከም ሳዕቤኑ ድማ፡ ኤርትራውያን መንእሰያት ንመነባብራኦም ንምሕያሽ ኢሎም ይስደዱ ከምዘለዉን ኢዩ ከረድእ ዝፍትን ዘሎ። ባይቶ ጸጥታ ዘንበሮ ማዕቀብ ግን፡ ናይ ኣጽዋርን ናይ ምንቅስቓስ እገዳ እምበር፡ ኣብ ንግዳዊ መዳይ ዝገበሮ እገዳ ከምዘየለ ገሊጹ።

ንደምበ ተቓውሞ ኣመልኪቱ ብዓቐን ካብ ግዜ ናብ ግዜ እናዓበየ ይኸይድ ምህላዉ ኣብሪሁ። ኣብ ውሽጢ ኤርትራ ይኹን ኣብ ግዳም ዝተኸየዱ ተቓውሞታት ውን ሓደ ብሓደ ዘኪሩ። ካብ ኤርትራ ናይ ምውጽእ ዕድል ዝረኸበ ስፖርተኛ፡ ተመሃራይ፡ በዓል ስልጣን በብዝኸዶ ምትራፍ ልሙድ ተርእዮ ኰይኑ ምህላዉ ኣሚቱ።

ምስ'ዚ ኵሉ ግን፡ ደምበ ተቓውሞ ጥርኑፍ ስለዘይኰነ ኣድማዒ ተራ ክጻወት ኣይከኣለን ኢሉ። ደምበ ተቓውሞ ቀዳምነታቱ ኣብ ምንጻር ጸገም ከምዝጸንሖ፡ ኣብ መንጐኡ ናይ ሕድሕድ ምትእምማን እናበረኸ ምኻዱ ገለ ካብ'ቶም ሕጽረታቱ ምዃኖም ኣሚቱ።

ነዚ ንምስጋር፡ ኣብ ተግባራዊ ናይ ሓባር ስርሓት ምእታዉን በቶም ዝቀራረብ መደብ ዕዮታት ዘለዎም ውድባት ምጅማሩ ኣድላዪነቱ እናዓዘዘ ይመጽእ ከምዘሎን ኣረዲኡ።

ኣባላት ተቓወምቲ ውድባት ድማ ኣብ ዘዘልዉዎ ከተማታት ብሓባር እናሰርሑ ነቲ ኣበየቦታኡ ዝበጋገስ ዘሎ ህዝባዊ ምጥርናፋት ከተባብዑ ጸዊዑ። ከምኡ ምስ ዝገበሩ፡ ተጸበይቲ ጥራሕ ዘይኰኑስ፡ ኣብ ልዕሊ ውድባቶም ጸቕጥታት ብምግባር ንሓባራዊ ስራሕ ክድርኹ ይኽእሉ ኢዮም ኢሉ።

ኣብ መወዳእታ፡ ንንጥፈታት ሰዲህኤ ብዝምልከት፡ ምስ ዝተፈላለዩ ተቓወምቲ ውድባት ኤርትራ ካዕባዊ ርኽክባት ከካይድ ምጽናሑ ዝፍለጥ ኢዩ። ኣብ'ዚ ቀረባ እዋን ድማ ምስ ተሓኤ፡ መድረኽን ግንባር ሃገራዊ ድሕነትን ውን ርክባት ጀሚሩ ምህላዉ ሓቢሩ።

ሰዲህኤ፡ ኣባል ገስጋሲ ምሕዝነትን ተዓዛቢ ኣባል ሶሽያሊስት ኢንተርናሽልን ምዃኑ ንደምበ ተቓውሞ መኽሰብ ምዃኑ ኣብሪሁ። ኣስዒቡ፡ ሰዲህኤ ኣብ ጕዳይ ስደተኛታት ዝገብሮ ንጥፈታት ብዝርዝር ጠቒሱ።

ብድሕር'ዚ ኣኼበኛታት፡ ብዛዕባ ኣድላይነትን ህጹጽነት ሓባራዊ ስራሕ ብፍላይ ኣብ መንጐ'ቶም ዝመሳሰል መደብ ዕዮታት ዘለዎም ውድባት፤ ከምኡ'ውን፡ ሕብረት ኣውሮጳ ንዲክታቶርያዊ ስርዓት ኤርትራ ዝህቦ ናይ ልምዓት ሓገዝ ደው ንምባል ተቓወምቲ ውድባት ሓቢሮም ክሰርሑ ጻውዒቶምን ምሕጽንታኦምን ኣቕሪቦም።

ኣብ መወዳእታ ናይ ሕቶ፡ ርእይቶ፡ ለበዋታትን መልስታት ምሃብን መድረኽ ተኸፊቱ ምውቕ ክትዓት ድሕሪ ምክያድ ኣኼባ ናይ ምርድዳእ ሃዋህው ብዝሰፈኖ ኣገባብን ብዝኽሪ ሰማእታትን ናብ መፈጻምታኡ በጺሑ።

ናይ ስወዘርላንድ ፈደራል ፖሊስ ኣብ ልዕሊ ኣብታ ሃገር ዝርከብ ኤምባሲ ኤርትራ ኣብታ ሃገር ካብ ዝነብሩ ኤርትራውያን ሓተትቲ ፖለቲካዊ ዕቑባን ካልኦትን ናይ 2% ታክሲ ብምእካቡ ገበናዊ ክሲ ከም ዝመስረተ፡ ሰፊሕ ዝርጋሐ ብዘለዎ ናይታ ሃገር ሚዲያ ብ27 ጥቅምቲ 2015 ተቓሊዑ።

በቲ ነዚ ብዝምልከት ዝቐረበ ጸብጻብ መሰረት እዚ ክሲ ብላዕለዋይ ቤት ጽሕፈት ፈደራል ኣኽባር ሕጊ ተቐባልነት ከም ዝረኸበን እቲ ቤት ጽሕፈት ኣኽባር ሕጊ፡ ፈደራል ፖሊስ ናይታ ሃገር ነዚ ናይ 2% ኣገዳዲ ታክስን ካልእ በቲ ኤምባሲ ዝፍጸም ኣገዳዲ ምእካብ ገንዘብን ከምኡ እውን ካልእ ገበናት ብዝምልከት መርተዖታት ከም ዝደሊ ሓቢሩ ኣሎ።

The FedPol's investigative arm, the Federal Criminal Police, will now rigorously start collecting evidences on the charge it leveled against the Eritrean Embassy.

ናይቲ ፈደራል ፖሊስ ክፍሊ ገበናዊ ምጽራይ ካብዚ ቀጺሉ ነቲ መዝጊብዎ ዘሎ ገበናት ኤምባሲ ኤርትራ ኣብ ዝዊዘርላን ዝምልከት መርተዖታ ክእክብ እዩ።

ናይ ስዊዘርላንድ ፕረሲደንት ኣብ ልዕሊ ሓላፍነተን ናይታ ሃገር ፈደራላዊ ክፍሊ ፍትሕ ፖሊስን ሓላፊት እየን። እተን ፕረሲደንት ወይዘሮ ሶማሩጋ ናይ ስዊስ ማሕበራዊ ደሞክራሲ ሰልፊ ኣባል እየን። እዚ ሰልፊ ኣብታ ሃገር 2ይ ዝዓበየ ሰልፊ እዩ።

ናይ ስዊስ ሕጊ ዝኾነ ወጻእተኛ ኣብ ክሊ እታ ሃገር ግብሪ ክእክብ ኣየፍቅድን እዩ። በዚ መሰረት እቲ ነዚ ሓበሬታ ዝዘርገሓ ሚዲያ ከም ዝገለጾ፡ እቲ ፈደራል ፖሊስ ከምዚ ዓይነት ዘይሕጋዊ ተግባራት ዝምልከት ሓበሬታ ክከታተል እዩ ጸኒሑ። እንተኾነ ኤርትራውያን ኣብ ልዕሊ ኣብ ዓዲ ዘለዉ ቤተሰቦም በቲ ስርዓት ሕነ ናይ ምውሳድ ስጉምቲ ከይውሰድ ስለ ዝሰግኡ፡ ነዚ ዝምልከት መርተዖታት ምርካብ ቀሊል ኣይከውንን እዩ።

The Federal Police (FedPol) of Switzerland has officially registered a criminal charge against the Eritrean embassy in the country for alleged illegal collection of 2% tax from asylum seekers and others of Eritrean origin residing in the country, according to wide coverage of Swiss media on 27 October 2015.

The reports confirm that the charge has been received by the Federal Attorney General's office which will require from the Federal Police evidence on the collection of the 2% tax and other alleged fund collections and extortions practiced by the Eritrean embassy in Switzerland.

The FedPol's investigative arm, the Federal Criminal Police, will now rigorously start collecting evidences on the charge it leveled against the Eritrean Embassy.

The current President of Switzerland, Simonetta Sommaruga, is also the head of the Federal Department for Justice and Police. Ms Sommaruga is a member of the Swiss Social Democratic Party, the second largest political formation in the country.

Swiss laws prohibit any foreign state from collecting taxes on Swiss territory. The media reports stated that the Swiss Federal Police have been made aware of the existence of this illegal act but collecting evidences on the charge may prove quite difficult because Eritreans are afraid of severe retribution by the regime against their relatives back home.

ቤት ጽሕፈት ጉዳያት መንእሰያት ብ25 ጥቅምቲ 2015 ስልሳይ ስሩዕ ኣኼባኡ ብተለኮንፈረንስ ኣቃኒዑ። ተሳተፍቲ ኣኼባ ብቀዳምነት ድሕሪ ዕዉት 2ይ ጉባኤ ሰልፍን፣ ዳግመ ውደባ ናይዚ ቤት ጽሕፈትዝን ክሳብ ሕጂ ዝተሰላሰለ ዕማማትን ዝተበጽሐ ደረጃን ድሕሪ ምግምጋብ፣ ኣገዳስነት ዘለዎ ሓበረታታት እውን ተለዋዊጦም። ብምቅጻል ተሳተፍቲ፣ ብመሰረት ቀሪቡ ዝነበረ ኣጀንዳ ኣኼባ፣ ኣብ ምሕያል ሰብኣዊ ዓቕሚ ኣተኲሮም ነዊሕን ዓሚቁን ዘተ ኣካዪዶም። ኣብ ባይታ ዝረአ ዘሎ ጠለብ መንእሰያት እውን ብርግጽ እንታይ ከም ዝኾነ ተመያዪጦም።

እቲ ኣኼባ፣ ንምምዕባል መንእሰያዊ ሰብኣዊ ዓቅሚ ኣመልኪቱ፣ ኣብ ደምበ ተቃውሞ ብሓፈሻ ንመንእሰይ ሃገራዊ ሓላፍነት ለቢሱ ተሳታፋይን ወራስን ናይ ቃልሲ ክኸውን ካብ ምምናይን ምጽዋዕን ሓሊፉ፣ ነቲ መንእሰይ ብግቡእ ናይ ምምልማልን ብግብሪ ኣብ ስራሕ ናይ ምምካርን ጻዕርታት ብዙሕ ይረአ ከምዘይጸንሐ ኣብሪሁ። ኣብዝን ኣብትን ብዘይብሉ ኣገባብ ዳርጋ ኣብ ኩለን ፖለቲካውያንን በርገሳውያንን ማሕበራት፣ እቲ ወሳኒ ዝኾነ ናይ መሪሕነት ጽፍሕታትን ስረሓትን ብዓበይትን ገዳይምን ይካየድ ምጽንሑ ጥራሕ ዘይኮነስ፣ ኣብቲሕቲ ናይዞም ዓባይትን ሰብ ተመኩሮን ተጎዝጒዞም፣ ግብራዊ ናይ ስራሕን ምምሕዳርን ተመኩሮ ዝቀስሙን፣ ጽባሕ ድማ መሪሕነታዊ ጽፍሕታት ብምሓዝ ነቲ ቃልሲ ብዘይ ዝኾነ ስኽፍታ ዝመርሕዎን ዘዕውትዎን መንእሰያት ናይ ምምልማልን ምምዛዝን ሜላታት ክስረሓሉ ዘይምጽንሑ፣ ብሓደ ወገን ንቐጻልነት ናይ ቃልሲ ኣብ ሓደጋ ኣውዲቅዎ ከምዝርከብ ብኻልእ ወገን ድማ ደምበ ተቃውሞ ካብቶም ካብ መሪሕነታት ዝምንጭዉ ናይ ነዊሕ ግዜ ሱር ዘለዎም ናይ ፖለቲካ ቁርቁሳትን ዘይምቅዳዋትን ንኸይናገፍ ሓሊኹ ከምዝሓዞ ኣኼበኛታት ኣስሚሮምሉ። ካብዚ ተረድኦዚ ብምብጋስ ድማ ኩሉ ደምበ ተቃውሞ ብሓፈሻ፣ ሰልፊ ደሞክራሲ ህዝቢ ኤርትራ ድማ ብፍላይ መንእሰያዊ ዓቕሚ ንምብራኽ ግብራውን ክለሰ ሓሳባውን ናይ ምልመላ ሜላታት ከተኣታቱ ከምዘለዎ ኣኼበኛታት ኣተሓሳሲቦም። እቲ ኣብ ባይታ ብመንእሰያት ዝሕተትን ዝጥለብን ዘሎ እዋናዊ ሕቶውን እዚ ከምዝኾነ ተሳተፍቲ ነናይ ከባቢኦም ትዕዝብቲ ከም ኣብነት ብምጥቃስ ኣብሪሆም።

ኣብ መወዳእታ ኣኼበኛታት፣ ቤትጽሕፈት ጉዳያት መንእሰያት ምስቶም ካልኦት መዘና ዝኾኑ ኣብያተ ጽህፈታት ኮይኑ፣ ነዚ ጉዳይዚ ኣቃልቦ ሂቡ ክሰርሓሉ ተላብዮም። ናይ ዝመጽእ ኣዋን ናይ ስራሕ መደባቶም ድማ ሓንጺጾም ኣኼባኦም ብዓወት ዛዚሞም።

ዓወት ንዲሞክራስያዊ ቃልስና!!

ክብርን ሞገስን ንስዉኣትናን ስንኩላትናን!!

ቤት ጽሕፈት ዜና ሰዲህኤ

ጨንፈር ማእከል ብዕለት 25-10-2015 እቲ ልሙድ ወርሓዊ ምዱብ ኣኼባኡ ኣካይዱ። ኣኼባ ካብ ሰዓት 14፡00 ድ.ቀ. ክሳብ ሰዓት 17፡00 ድ.ቀ. እዩ ተኻይዱ። እቲ ኣኼባ ብዋና ጸሓፊት ጨንፈር ሓብትና ፌቨን ጊዴዎን ብናይ እንቋዕ ደሓን መጻእኩምን፤ ብናይ ሓውና ኤርትራዊ ዜጋ ሃብቶም ዘርአ ኣብዚ ቅንያት‘ዚ ኣብ እስራኤል ብካብ እሰብኣዊ ርህራሃ ዝረሓቐ ዓሌታውነት ዝመበገሲኡ ብናይ ወተሃደር እስራኤል ጥይትን ብእኩባት እስራኤላውያን ተቐጥቂጡ ዝተቐትለን፤ ከምኡ‘ውን ካልኦት ኤርትራውያን ፈቐዶኡ ዝጠፍኡ ዘለዉን ንምዝካር፡ ብናይ ሓደ ደቒቕ ስቕታ ናይ ዝክረ-ሰማእታት‘ዩ ተኸፊቱ።

ካብኡ ብምቕጻል መግለጺ ውሽጣዊ ጨንፈራዊ ኣሰራርሓን መሪሕነታዊ ዳግመ-ስርርዕን ድሕሪ ምክያዱ፡ ብዛዕባ ራእን ዕላማን ሰልፊ ዲሞክራሲ ህዝቢ ኤርትራን ብፍላይ፡ ብኲነታት ደምበ ተቓውሞን ህዝብናን ከኣ ብሓፈሻን፡ ከምኡ‘ውን ህልዊ ኲነታት መንእሰያትናን ዝገልጽ ስፍሕ ዝበለ መግለጽታትን ናይ ሓበሬታታት ምልውዋጥን ተኻይዱ።

ቀጺሉ ብኣባላት መሪሕነት ጨንፈር ከመይ ጌርና ንፍርሒ ስዒርና ንዲክታቶርያዊ ስርዓት ንምክቶን፡ ገለ ካብቲ ናይ ሰልፍና ናይ ዘይጐነጻዊ ኣገባብ ቃልስታትን፡ ከምኡ‘ውን ብዕለት 27-09-2015 ብኣቦ መንበር ሰልፊ ብፓል ዝተዋህበ መግለጽን ዝኣመሰሉ ጽሑፋት ብምንባብን፡ ሰፊሕ መግለጺ ተዋሂቡ። ካብኡ ብምብጋስ ከኣ ኣብ ሕቶን መልስን ተኣትዩ። ሰፊሕን ጠቓምን ምረድዳኣት ከኣ ተኻይዱ።

ነዚ ኣኼባ‘ዚ ፍሉይ ዝገብሮ ነገር እንተኔሩ ከኣ፡ ንመንእያት ኣብ ጉዳይ ሰልፎም ብፍላይ፡ ኣብ ጉዳይ ደምበ ተቓውሞን ሃገርናን ከኣ ብሓፈሻ፡ ብግሉጽን ብሰፊሑን ክካትዑሉ ዝኽእሉ መድረኽ ተኸፊቱ ምንባሩ‘ዩ።

እዚ ዘሎናዮ መድረኽ፡ መንእሰያት ተቐበልቲ ሕድርን ተካእቲ ቃልስን ስለ ዝኾኑ፤ ብግሉጽ ዝካትዑሉን ዝረዳድኡሉን ዝጠራነፉሉን ኣኼባታት ክገብሩን፡ ፍሉይ ኣስተምህሮታትን ምልመላታትን ክካየደሎምን ኣለዎም ዝብሉ ለበዋታት ካብ ብዙሓት መንእሰያት ቀሪቦም። ነዚ ንምትግባር‘ውን መደባት ወጺኡ።

ብተወሳኺ፡ ኣብ ልዕሊ መንእሰያትና ዝፍጸም ዘሎ ገበናት ስቕ ኢልካ ኢድካ ኣጣሚርካ ጥራይ ዝርአ ዘይኮነስ፤ ንገበነኛታት ሕጋዊ ኣገባባት ብምጥቃም፡ ኣራሚ ስጉምቲ ከም ዝውሰደሎም ክንገብር ኣሎና ዝብሉ ለበዋታት‘ውን ብመንእሰያት ቀሪቦም‘ዮም። ከምኡ‘ውን ካልእ ንውሽጣዊ ጽፈትን ምዕቡል ኣሰራርሓን ዝምልከቱ ለበዋታት ቀሪቦም። በዚ ከኣ ኣኼባ ሰዓት 17፡00 ድ.ቀ. ብዝክረ-ሰማእታት ተደምዲሙ።

ዓወትንፍትሓዊቃልስና! ዘለኣለማዊዝኽርንመጎስንንሰማእታትና!

ሽማግለ ጨንፈር ማእከል ፍራንክፎርትን ከባቢኡን 26 ጥቅምቲ 2015

في الحادي والعشرين من اكتوبر 2015م التقى وفد حزب الشعب الديمقراطي الارتري برئاسة الأخ/ منقستآب أسمروم رئيس الحزب وعضوية الأخ/ رزني تسفاطين مسئول الشؤون المالية، التقى بوزارة الخارجية السويدية بالعاصمة إستوكهولم، شارك في الاجتماع ممهد اللقاء صديق الحزب السيد/ كارل ليند بيرغ.

شرح الوفد الأوضاع السائدة في ارتريا سياسياً، اقتصادياً واجتماعياً، وأوضح أن الأزمة الشاملة التي تعيشها البلاد من صنع السياسات الخرقاء للنظام الدكتاتوري القائم. وأن المخرج من الأزمة هو أن تجري ارتريا تغييراً جذرياً في العقلية السائدة. وهذا يتمثل في إجراء تغيير سياسي، اقتصادي واجتماعي شامل يتيح الحريات والحقوق الانسانية والسياسية والاقتصادية والاجتماعية. في ذات الوقت ناشد الوفد دول العالم والمنظمات الدولية تخفيف الأخطار علي المشردين واللاجئين الارتريين بتهدئة الأوضاع السياسية والأمنية السائدة في كلٍّ من القرن الافريقي والشرق الأوسط وشمال افريقيا، وأن يوفر المجتمع الدولي الوضع التأهيلي الفني والأكاديمي والصحي للاجئين الارتريين المتواجدين بكلٍّ من شرق السودان وشمال اثيوبيا بما يؤهلهم للعيش معتمدين علي أنفسهم، بالإضافة الي قبول حالات اللجوء في كلٍّ من اسرائيل وأوربا، تلك الحالات التي يتعرض أصحابها لما لا حصر له من الأخطار طلباً للسلامة والتحرر من نير الاضطهاد السياسي والضغط الاقتصادي الذي يعانونه في بلادهم.  

الي جانب ذلك شرح الوفد قيام وأهداف ونشاطات حزب الشعب الديمقراطي الارتري، وأنه نال الحزب العضوية الكاملة في التحالف التقدمي العالمي للأحزاب التقدمية بل هو عضو مؤسس بهذا التحالف كما يتمتع بالعضوية المراقبة في منظمة الاشتراكية الدولية، هذا فضلاً عن إيمانه بأولوية وأفضلية التغيير بالوسائل السياسية والسلمية.

ممثلو الخارجية السويدية بدورهم أعربوا عن تقبلهم التام لملاحظات ومناشدات الوفد وأنهم علي استعداد للقيام بكل ما يمكن تقديمه في سبيل تخفيف معاناة الارتريين معربين في ذات الوقت عن تمنياتهم الطيبة للشعب الارتري.

ሓው መንግስተኣብ ኣስመሮም፡ ኣቦ መንበር ሰልፊ ዲሞክራሲ ህዝቢ ኤርትራ (ሰዲህኤ)፡ ብ24 ጥቅምቲ 2015 ምስ ጨናፍር ሰዲህኤ ኣብ ሽወደን ብፓልቶልክ ኣኼባ ኣካይዱ።

ሓው መንግስተኣብ፡ ብዛዕባ ካልኣይ ጕባኤ ሰዲህኤን ውጻኢቱን ኣመልኪቱ ኣብ ፖለቲካዊ መደብ ዕዮን ቅዋምን ዝተኣታተዉ ለውጥታት፣ ምርጫ መሪሕነትን ኦዲተርን ፖለቲካዊ ውሳኔታትን ዝርዝር መብርሂ ሂቡ።

ኣስዒቡ ብፈጻሚ ሽማግለ ቀዳምነት ተዋሂብዎ ክዕመም ተመዲቡ ዘሎ ስርሓት ውን ገለገለ ኣብነታት ብምጥቃስ ኣባላት ኣብ ምዕዋቱ ንጡፍ ተራ ክጻወቱ ጸዊዑ። እቲ ዕማማት፡ ንዲክታቶርያዊ ስርዓት ምብዳህ፡ ንግደን ተራን መንእሰያትን ደቂ ኣንስትዮን ምዕባይ፥ ንሰልፊ ምሕያል፡ ንተቓወምቲ ሓቢሮም ንኽሰርሑ ምጽዓር . . .ወዘተ ዘጠቓልል ኢዩ።

ኣብ ርእስ'ዚ፡ ሓው መንግስተኣብ ዝመርሖ ልኡኻት ኣብ ሽወደንን ኖርወይን ዘካየድዎ ርክባት ውን ሓቢሩ። ልኡኽ ሰልፍና ንዋሕዚ ስደተኛታት ደው ንምባል ኣብ ኤርትራ ናይ ኣርኣእያን ኣሰራርሓን ለውጢ ከምዘድሊ ኣትሪሩ ጸቒጡሉ ኢሉ።

ኤርትራ፡ ኣብ ትሕቲ ዲክታቶርያዊ ስርዓት ኢሳያስ፡ ቅዋምን ግዝኣተ-ሕግን ዘይብላ፣ ፍትሒ፡ ሰላምን ራህዋን ዝበዀረላ፣ ህዝባ ንግህሰት ሰብኣዊ መሰላትን ንስደተን ዝተቃልዓላ ሃገር ምዃና ኣብሪሁ። ስርዓት ኢሳያስ ካብ ዕለት ናብ ዕለት እናተዳኸመን እናተሸምረረን ዝኸይድ ዘሎ ስርዓት ምዃኑን ውድቀቱ ርሑቕ ከምዘይኰነን ኣሚቱ። ንዕድመ ምልካዊ ስርዓት ዘናውሕ ዘሎ ምኽንያት ድማ ብኵራት ዝተጠርነፈን ሓያልን ተቓውሞ ምዃኑ ኣረዲኡ።

يعرب حزب الشعب الديمقراطي الارتري عن عميق الحزن والأسف لمقتل المرحوم هبتوم زرؤوم برصاص عسكر اسرائيليين ويشارك أسرته الأحزان متمنياً للفقيد الرحمة والمغفرة.

هذا وفي الوقت الذي يدين فيه الحزب بشدة التصرفات الرعناء لكلٍّ من العسكر والعنصريين الاسرائليين بحق الفقيد يطالب السلطات الاسرائيلية بتقديم الجناة للمحاكمة لينالوا العقوبة والقصاص العادل ثم الاعتذار لأسرته وتعويضها مادياً ومعنوياً.

حزب الشعب الديمقراطي الارتري