http://ascenteq.com/project/epdp

ፈጻሚ ሽማግለ ሰልፊ ዲሞክራሲ ህዝቢ ኤርትራ (ሰደህኤ) ብ16 ሰነ 2016 ኣብ ዘውጸኦ መግለጺ፡ እቲ ብ12 ሰነ 2016 ኣብ መንጎ ኤርትራን ኢትዮጵያን እንደገና ዝተባረዐ ወተሃደራዊ ጐንጺ ከም ዘሰክፎን ብትሪ ከም ዝቃወሞን ገሊጹ።

መሪሕነት ሰዲህኤ ክልቲኦም ወገናት ሓድሽ ወታሃደራዊ ጐንጺ ካብ ምፍጣር ብዝለዓለ ደረጃ ክቑጠቡ እንዳጸወዐ፡ እቲ ክሳብ ሕጂ ዘይተተግበረ ቀያድን ናይ መወዳእታን ውሳኔ ኮሚሽን ዶብ ኤርትራን ኢትዮጵያን ብምጥቃስ ኣብ ሓጺር ግዜ ንኽትግበር ዘለዎ ትጽቢት  ገሊጹ።

እቲ መግለጺ፡ ነቶም ዝሰሓሓቡ ዘለዉ ወገናት፡ ክልቲኡ ኣሕዋት ህዝቢ ኤርትራን ኢትዮጵያን ሰላም፡ ፍትሕን ዕቤትን ከም ዝደሊ ኣዘካኺ። ኣተሓሒዙ ድማ እቲ ህዝቢ ትርጉም ንዘየብሉን ነቲ ኩነታቱ መሊሱ ዘጋድድን ወተሃደራዊ ጐንጺ ድሌቱ ከም ዘይኮነ ገሊጹ።

In a statement dated 16 June, 2016, the Executive Committee of the Eritrean People's Democratic Party (EPDP) expressed its dismay and strong denunciation of any renewal of armed conflict between Eritrea and Ethiopia as it again reportedly occurred on 12 June 2016.

The EPDP leadership called for maximum restraints of both sides and recalled with regret the failure to implement the final and binding decision of the arbitration commission which it hoped would be put into effect soon.

The statement further reminded the conflicting parties that the fraternal peoples of Eritrea and Ethiopia are in great need of peace, justice and prosperity and not of meaningless armed conflicts that worsen their abject situations.

ሰልፊ ዲሞክራሲ ህዝቢ ኤርትራ (ሰዲህኤ)፡ ብሰንበት ዕለት 12 ሰነ 2016 ኣብ ዶብ ኤርትራን ኢትዮጵያን ኣብ መንጐ ሰራዊት ክልቲኡ ሃገራት ንሓጺር ግዜ ውግእ ከምዝተኻየደ ካብ ምንጪታቱን ናይ ዓለም ማዕከናት ዜናን ኣረጋጊጹ። ብኽልቲኦም ሃገራት ዝተዋህበ መግለጺታት እውን፡ ነቲ ውግእ ዝጀመረ ኣነ ኣይኰንኩን ዝብል ደኣ’ምበር ውግእ ከምዝነበረ ዝኽሕድ ከምዘይኰነ ተገንዚቡ።

ኣብ’ዚ እዋን’ዚ፡ ኣብ ዞባና ዝርአ ዘሎ፡ ንህዝብታት ናይ’ተን ሃገራት ዝህድድ ናይ ጥሜት፡ ዘይምርግጋእ፡ ስደት፡ ውግእን ወረ ውግእን ሃውህው ካብ ዓይኒ ኣህዛብና ይኹን ዓይኒ ዓለም ዝተኸወለ ኣይኰነን። ባህግን ድሌትን ኣህዛብ ዞባና ይኹን ዓለም ድማ፡ ሰላም፡ ፍትሒ፡ ራህዋን ልምዓትን ንምርግጋጽ እምበር፤ ነቲ ዘሎ ሕማቕ ኵነታት ብዝያዳ ዘጋድድ ውግኣት ምክያድ ኣይኰነን።

ኣብ መንጐ ኤርትራን ኢትዮጵያን ተወሊዑ፡ ንግዜኡ ግን ሃዲኡ ዝመስል ዘሎ ኵናት፡ ዝሕብሮ ነገር እንተደኣ ሃልዩ፡ ኵናት ኣብ መንጐ ኤርትራን ኢትዮጵያን ኣብ ዝዀነ ይኹን ግዜ ክባራዕ ከምዝእኽእል ኢዩ። ካብ’ዚ ሻቕሎት'ዚ ብምንቃል ከኣ ኢዩ ሰዲህኤ ኣብ ኵሉ ናብ ሃገራት እተላእከ መዘክራቱ ውግእ ከይበራዕ ኣድላዪስጒምትታት ክወስዳ ክጽውዕ ዝጸንሐን ዘሎን። እዚ ወተሃደራዊ ረጽሚ’ዚ፡ ዕላማታቱ ብንጹር እንታይ ምዃኑ ዘይበርሃሎም ዜጋታት ክልቲአን ሃገራት ይኹን ወጸእተኛታት ዝተፈለላዩ ሕቶታትን ገምጋማትን ክህቡ ይስምዑ ኣለዉ።

ሰዲህኤ፡ ናይ ዶብ ጐንጺ፡ ብሰላማውን ሕጋውን ኣገባብክፍታሕ ኣለዎ ካብ ዝብል መትከላዊ እምነት ተበጊሱ ነቲ ብዘይካ ተወሳኺ ህልቂት፡ ጽልኢ፥ ምፍንቃልን ስደትን ናይ ክልቲኡ ኣህዛብ እንተዘይኰይኑ ካልእ ፋይዳ ዘይርከቦ ኣብ ዶባት ኤርትራን ኢትዮጵያ ዘጋጠመ ወተሃደራዊ ረጽሚ ብትሪ ይቓወምን ደው ክብል ይጽውዕን። መንግስታት ኤርትራን ኢትዮጵያን ነቲ ንዶብ ዝምልከት ብኮሚሽን ዶባት ኤርትራን ኢትዮጵያን ዝተዋህበ ብይንን ካልእ ምሳኡ ዝዛመድ ኣህጕራዊ ስምምዓትን ምሉእ ብምሉኡ ኣብ ግብሪ ክውዕልኦ ድማ ሰዲህኤ ይጽውዕ።

ሰዲህኤ፡ ድምጹ ምስ ድምጺ ሕብረት ኣፍሪቃን ሕቡራት ሃገራትን ብምውህሃድ፡ መንግስታት ክልቲኡ ሃገራት ካብ ምብራዕ ናይ’ቲ ተፈጢሩ ዘሎ ቅልውላዋት ክቝጠቡ ይምሕጸን።

ሰላም፡ ፍትሕን ዲሞክራስን ይንገስ

ሕውነታዊ ዝምድናታት ኣህዛብ ኤርትራን ኢትዮጵያን ይደልድል

ፈጻሚ ሽማግለ

ዕለት 16 ሰነ 2016

ጨንፈር ደቡብ ጀርመን ሰልፊ ዲሞክራሲ ህዝቢ ኤርትራ ዝጸውዖ ህዝባዊ ኣኼባ  ኣብ ከተማ ሽቱትጋርት ብዕለት 11 ሰነ 2016 ተኻይዱ። ኣኼባ ብሓው ተኽልዝጊ ሚካኤል ኣቦ-መንበር ጨንፈር  ንተሳተፍቲ ብዘቕረቦ ምስጋናን ሰናት ትምኒትን እዩ ተኸፊቱ። ሓው ተኽልዝጊ ነቶም ካብዚ ጨካን ምሕዳራ መላኺ ስርዓት ኤርትራ ኣምሊጦም ናብ ሃገራት ኤውሮጳ ንምስጋር ክብሉ ኣብ ምድረ-በዳ ልብያን ማእከላይ ባሕርን ብጅምላ ዝሃልቁ ንዘለዉ መንእሰያት ንምዝካር፡ ነፍሲ-ወከፍኣኼበኛ ጨንፈር ካብ ዝተቐረቦምሽምዓ ክውልዕ ድሕሪ ምሕባርን፡ ንኩሎም ሰማእታት ኤርትራ ብሓፈሻ፣ ነቲ ኣብዚ ቀረባ ማዓልታት ዝተፈልየና ተቓላሳይ ኣልኣዛር ቀለተን ንምዝካር ብዝተገብረ ናይ ሕልና ጸሎት እዩ፣ ኣኼባ ብሓው ንጉሰ ጸጋይ ኣባል ማእከላይ ባይቶ ሰዲህኤ ከምኡውን ሓው ኢሳቕ ወልደማርያም ኣቦ-መንበር ዞባ ኤውሮጳ ንኽምራሕ ዘመሓላለፈ።

ሐውንጉሰጸጋይ፡ ንህልዊኲነታትኤርትራብሓፈሻ  ብምዝካር፡ ነቲ ኣብ መበል 25 ዓመት ናጽነት ኤርትራ ኢሳያስ ድሕሪ 25 ዓመታት የራኽበና ዝበሎ መግለጺ፡ ኣሽካዕላል ኣብ ልዕሊ ህዝቢ ኤርትራ ብሓፈሻ፡ ኣብ ልዕሊ ደምበ ተቓውሞ ድማ ብፍላይ ምዃኑ ጥራሕ ዘይኮነስ፡ ፈተነ እዩ። ደምበ ተቓውሞ ነዚ ኣብ ምዕጻፍ እትውስኽ ዓመት ዘይኮነትስ ማዓልትውን እንተተጸብዩ፡ ምንዋሕ ሕሰምን ምብትታን ህዝቢ ኤርትራን፡  ኤርትራዊ ሃገርነት ኣብ ሓደጋ ክኣቱ ከምዝኽእልን ኣመልኪቱ። ኣስዒቡ፡ ስርዓት ህግዲፍ ባዕሉ ብዝፈጠሮ ሽግር ንስዕረቱ ዘቀላጥፉ ኣባትር  ንደምበ ተቓውሞ ካብዘረክብን ደጋፊ ኣህጉራዊ ባይታ ናይ ቃልሲ ካብዝፍጠርን ልዕሊ 15 ዓመታት ኰይኑ ኣሎ፡ ይኹን እምበር፡ ነፍሲ-ወከፍ ፖለቲካዊ ሓይሊ፡ በርጌሳዊ ማሕበር ኮነ ውልቀ-ተቓዋሚ ነቲ ዝተረኽበ ባይታ ተጠቂምሉ ዶ ኣይተጠቕመሉን ንዝብል ነፍሱ መርሚሩ ብሓድሽ ክብገስ ከምዝግባእ ገሊጹ።

ደምበተቕውሞ፡ ንምልኪ ብዲሞክራስያዊ ኣገባብ ምሕደራ ንምትካኣ ኣብዘካይዶ ዘሎ ቃልሲ፡ ክስዕሮም ዘለዎ ብድሆታት ብዙሓት እዃ ይዃኑ እምበር፡  ካብ ጸኒሓዊ ኣገባባ ናይ ቃልስን ኣተሓሳስባን ክወጽእ፡ ኣብ ሕድሕዱ ካብ ምጽባእ ቀዳምነታት ናይ ቃልሲ ሰሪዑ ክብገስ፡ ድልየታት ህዝቢ ኣለልዩ፣ ንህዝቢ ካብ ቃልሲ ዘርሕቕ ዘይኮነስ ንህዝቢ ኣብ ተቓውሞ ከሰልፍ ዝኽእል  ጭርሖታት ከቐድም፡ ብውሑዱ ሓባራዊ ዕዮ ናይ ዓወት መቕድም ምዃኑ ፈሊጡ፤ ካብ ዝታሓተ ክሳብ ዝላዓለ ትካላቱ ሓቢሩ ክሰርሓሉ ዝኽእል ናይ ቃልሲ ናውቲ ክሰርዕ፡  ግደን ተራን ፖለቲካዊ ሓይልታትን በርጌሳውያን ማሕበራት ካብ ምድውዋስ ሓራ ክኸውን ዓብዪ ተደላይነት ከምዘለዎ ብዝርዝር ኣብሪሁ። ብዘይካዚ ኣብ ሓደ ከባቢ ዝርከቡ ኣባላት ፖለቲካዊ ሓይልታት ኮኑ ተቓወምቲ ዜጋታት፡ መምርሒታት ከየተጸበዩ ኣብ ክሊ ስርዒታዊ ሓላፍነቶም ኣብ ህዝባውን ዜናውን ርኽክባውን ዕማማት ሓቢሮም ክሰርሑን ደረኽቲ ናይ ለውጥን ሓድነታዊ ዕዮን  ምዃኖም ከረጋግጹ ከምዝግባእ ሓቢሩ።

እቲ ኣብዚ እዋን'ዚ ኣቓልቦ ክግበረሉ ዘለዎ  ተወሳኺ ጸገምና፡ ኤርትራዊ ናይ ኩሉ ዓይነት ሞያ ክኢላን ፈላጥን ክመስል፡ ንጀግንነታዊ ታሪኽ ቃልሲ ህዝቢ ኤርትራ ክድምስስ፡ ባህላዊ መንነትና ከጥፍእ፡ ናይ ፈጠራ ታሪኽ እንዳማሃዘ ኣብ ምግጋይ ዝውዕል ንሓድነት ናይ ቃልሲ ዝዝርግ ወፈራታት ይካየድ ብምህላዉ፡ ደምበ ተቓውሞ ንዘለዎ ሕጽረታት ናይ ምልመላ ክስዕርን ብቕዓት ካድራቱ ክብ ንምባል ክጽዕርን ጸዊዑ። ካብዚ ዝተጠቕሰ ሕጽረታት ወጺና ኢና ድማ፡ ነፍሲ ወከፍ ፖለቲካዊ ሓይሊ ነቲ ዝብህጎን ዝጥምቶምን፣ ዕላማን፡ ራእይን ተልእኮን ከረጋግጽ ዝኽእል ካብዝብል፡ ሰዲህኤ ካብዘስፈሮ ራእይን ተልእኾን ዕላማን ኣብሪሁ።

ብድሕርዚ፡ ሓው ኢሳቕ ወልደማርያም ቦታዊ ስርርዕ ሰዲሓኤ ኣብ ሓባራዊ ስራሕ ዘለዎ ግደን ብግቡእ ኣብሪሁ። ኣብ መወዳእታተሳተፍቲኣኼባነቲንውሕዝበለመግለጺ ብጽሞና ድሕሪ ምክትታል፡ ንዘቕረብዎም ሕቶታት ኣገዳሲ መብርሂታት ብምቕራብ፣ ተሳተፍቲ ኣኼባ ብዝሖም ብዘየገድስ ተሳትፋኦም ክብ ዝበለ ኣብርእሲ ምንባሩ፣ ንዝቐረበ ሓሳባትብምድጋፍ፡ ሃናጽን ኣታባባዕን ርኢቶታታት ኣቕሪቦም ኣኼባ ተደምዲኡ።

ብኣባል ሰልፊ ማሕበራዊ ደሞክራሲ ቀዳማይ ሚኒስተር ስዊድን ኣቶ ስተፈን ሎፍቨን ኣብ ዝተኻየደ ናይ ሚኒስተራት ምምዛዝ ወይዘሮ ኣና ሊንደ ሚኒስተር ጉዳያት ሕብረት ኤውሮፓን ንግድን ኮይነን ተመዚዘን። ሰልፊ ደሞክራሲ ህዝቢ ኤርትራ በቲ መዝነተን ዝተሰመዖ ሓጐስ ገሊጹ፡ እተን ሚኒስተር ኣብ ወጻኢ ዘለዉ ሓይልታት ደሞክራሲ ኤርትራ ንምሕጋዝ ተበግሶ ክወስዳ ትጽቢቱ ምዃኑ ገሊጹ።

ሰደህኤ ብ10 ሰነ 2016 ናብ ሚኒስተር ወጻኢ ጉዳያት ስዊደን ኣቶ ማርጎት ዋልስቶን ቅዳሕ ብምግባር፡ ናብተን ሚኒስተር መዘክር ልኢኹ። ኣብዚ መዘክሩ፡ ነቲ ኣጋጣሚ ተጠቒሙ መበል 37 ናይ ሰልፈን ጉባአ ንምምዕባል ሓይሊ ሰብ ኤርትራውያን ሓይልታት ደሞክራስን ኣንጻር’ቲ ስርዓት ኤርትራ ኣብ ስወደን ዝፍጸም ግዱድ ክፍሊት 2%ን ተዛማዲ ገንዘባዊ ጉዳያትን ምቅላስን ብዝምልከት ዘሕለፎም ውሳነታት ኣዘኻኺሩ።

ኣብ ርእሲ እዚ እቲ መዘክር ግዱሳት ሰልፍታቱን መንግስትን ስዊድን እዞም ዝስዕቡ ኣገደስቲ ሓሳባት ኣብ ምትግባር መሪሕ ግደኦም ከበርክቱ ጸዊዑ።

1. ንጸብጻብን መደምደምታን መርማሪት ኮሚሽን ሕቡራት ሃገራት ሰብኣዊ መሰል ኤርትራ ምድጋፍ
2. ብደረጃ ዞናውን ኣህጉራውን መድረኻት ንኤርትራ ዝወደቐት ሃገር ካብ ምዃን ንምድሓን ተበግሶ ምውሳድ።
3. ኣብ ኤርትራ ኣብ ሓጺር ግዜ ዘይጐነጻዊ ምስግጋር ዝረጋገጸሉ ኩነታት ዝፈጥር መሰረት ምንባርን ንምትግብሩ ምጽዓርን።
4. ኣብ ሱዳንን ኤርትራን ንዝርከቡ ኤርትራውያን ስደተኛታት ዝምልከት፡ እኹል መጽለሊ፡ ማእከላት ጥዕናን ትምህርትን ምቕራብ ዘኽእሉ ሰፋሕቲ መደባት ምውጣን።

እዚ ብቤት ጽሕፈት ኣህጉራዊ ዝምድናታት ሰደህኤ ዝቐረበ መዘክር፡ ብዛዕባ እዞም ኣቐዲሞም ዝተጠቕሱ ነጥብታት ምስዞም ስዊድናውያን ሚኒስተራት ተራኺቡ ክዛረብ ትጽቢት ኣለዎ።

እዘን ንሰደህኤ ሓዊስካ ናይ ነዊሕ ግዜ ፈታዊት ሓይልታት ተቓውሞ ኤርትራ፡ ወይዘሮ ኣን ሊንዳ ንነዊሕ ግዜ ናይ ሰልፊ ማሕበራዊ ደሞክራሲ ስዊደን ዓለም-ለኻዊ ጉዳያት ጸሓፊት ኮይነን ሰሪሐን እየን።

In a recent reshuffle of the Swedish cabinet headed by Social Democratic Prime Minister Stefan löfven, a long-time friend, Ann Linde, was appointed as the Minister for European Union Affairs and Trade. The Eritrean People's Democratic Party (EPDP) congratulated Ms Linde and expected her to initiate and promote proposals that towards empowering Eritrean pro-democracy forces in the diaspora.

Dated 10 June 2016, the EPDP memorandum, which was also copied to the Swedish Foreign Minister, Ms Margot Wallström, seized the opportunity to remind the addressees and their ruling party of their two resolutions at the 37th party congress in 2014 pledging to help in the capacity-building of Eritrean pro-democracy organizations and to fight towards ending the illegal 2% tax and related financial extortions that the Eritrean regime is practicing inside Sweden.

in addition, the memorandum also urged the fraternal Party and Government in Sweden to play leading roles in the following efforts:

1. Give full backing to the findings and conclusions of the UN Commission of Inquiry on Human Rights in Eritrea;
2. Initiate a regional and/or global action plan to avert the high possibility of Eritrea becoming another totally failed state in the Horn of Africa;
3. Lay down and promote a blueprint for a non-violent political transition in Eritrea within the shortest time possible;
4. Launching a large-scale package project for Eritrean refugees in the Sudan and Ethiopia with adequate shelter, healthcare and proper academic and vocational education.

The memo, issued by the EPDP office for foreign relations, also expected to see both ministries for further talks on the issues raised in the message.

Ms Ann Linde, who, inter alia, served as the international secretary for the Swedish Social Democratic Party, has also been a long-time friends of Eritrean oppositions organizations including the EPDP.

ብዕለት 05 ሰነ 2016 ዓ.ም.ፈ. ጉባኤ ዓመት 2015 / 2016 ጨንፈር ቁ. 2 ሃገር ሽወደን ካብ ሰዓት 19.00 ክሳብ 23.00 ብመራኸቢ ብዙሓን ፓቶልክ ብምልኣተ ሃለዋት ኣባላትን ኣቦ ወንበርን ተሓዝ ገንዘብን ጨንፈር ቁ. 1 ሰዲሃኤ ዝተሳተፍዎ ብልዙብ ኣገባብ ተሳላሲሉ። ሰክረታርያ ጉባኤ ድሕሪ ምምራጽ ብኣካያዲ ሽማገለ ዝቀረበ ስሪዒታውን ገንዘባዉን ጸብጻባት ቀሪቡ ኣገዳሲ ክትዕ ድሕሪ ምክያድ ብሙሉእ ድምጺ ረጊኡ። ቀጺሉ ብሓጻይት ሽማገለ ዝቀረቡ ሕጹያት ቀረቦም ብዲሞክራስያዊ ኣገባብ ንዓመተ 2016/2017 እትመርሕ ሽማገለ መሪጾም ብኣገደስቲ ሃነጽቲ ለዋታትን ምስጋና ንዝነበረት ኣካያዲት ሽማገለን ተዋሂቡ ጉባኤ ብዓወት ተዛዘሙ።

في أمسية الخامس من يونيو/ جزيران 2016، عقد فرع رقم (2) لحزب الشعب الديمقراطي الإرتري بالسويد مؤتمره السنوي.

إفتتح المؤتمر أعماله في الساعة السابعة مساءا وإستمر حتى الساعة الحادية عشر ليلا بغرفة البالتوك. 

عُقد المؤتمر بحضور ثلثي العضوية وبمشاركة الزميلين رئيس وأمين مالية فرع رقم (1) بالسويد. و بعد إنتخابه سكرتارية المؤتمر، ناقش المؤتمرون بروح المسؤلية، التقريرين االتنظيمي والمالي لعام 2014/2015 وأجازهما بإجماع، كما إنتخب المؤتمرون قيادة جديدة لعام 2016/2017.

,إختتم المؤتمر أعماله بإجازة التقارير، كما شكر لجنة الفرع السابقة لما قامت به من مجهود، وأخيرا صادق على المقترحات و التوصيات.

ብኣጋጣሚ ጾም ረመዳን፡ ሰልፊ ዲሞክራሲ ህዝቢ ኤርትራ፡ ንዅሎም ኣስላም ብሓፈሻ፡ ነስላም ኤርትራ ድማ ብፍላይ ረመዳን ከሪም እናበለ፡ ናይ እንቋዕ ኣብጽሓኩም መልእኽቱ የመሓላልፍ። ስኒት፡ሰላም ፍትሒ ዝነገሳ ዓመት ክትኰነልና ዘለዎ ትምኒት ድማ ይገልጽ። እግዚኣብብሄር ከኣ ንሃገርና ይባርካ።