http://ascenteq.com/project/epdp

ርእሰ-ዓንቀጽ ሰደህኤ

ሰልፊ ደሞክራሲ ህዝቢ ኤርትራ፡ ከም መቐጸልታ ናይቲ ዘይስልኪ ጸዓቱ ኣብ መስርሕ ለውጢ፡ ኣብዚ ቀረባ መዓልታት ኣገደስን ኣብ መስርሕ ኤርትራዊ ናይ ለውጢ መስርሕ ናቱ ጽልዋን ተጽዕኖን ዝህልዎ ኣገዳሲ ዕማም ፈጺሙ ኣሎ። ቀዳማይ ክፋል 2ይ ጉባአኡ ኣብ ኢትዮጵያ ከተማ ጎንደር ኣካይዱ። ናይዚ ናይ ጎንደር መጋባእያ ኣካል ዝኾነ ካለኣይ ክፋል ጉባአኡ ድማ ኣብ ሃገር ጀርመን፡ ኣብ ከተማ ቪስባደን ኣካይዱ። እዞም ክልተ ተመላላእቲ ክፋላት ጉባአ ብቦታን ግዜ’ኳ እንተተፈላለዩ ትሕዝተኦምን ቆላሕታኦምን ግና ሓደን ሓደን ምንባሮም ብናይ መወዳእታ ዕዉት ውጽኢቶም ኣመስኪሮም እዮም።

2ይ ጉባአ ሰልፍና ዝተኻየደሉ ግዜ ሓፈሻዊ ሃለዋት ሃገርናን ከባቢናን ክሳብ ክንደይ ኣሻቓልን ረዚን ሓላፍነት ዘሰክምን ምንባሩን ምህላዉን ንተሳተፍቲ ጉባአ ሰልፍና ጥራይ ዘይኮነስ፡ ንኹሉ ደላይ ለውጢ ኤርትራዊ ብሩህ ብምዃኑ ንምግላጹ፡ ከምቲ ኩሉ ግዜ ዝግበር ናይ ናይቲ ሕሰም ምኽንያታትን ሳዕቤናቱን ዝርዝር ከነቕርብ ንግደድ ኣይመስለናን። ምኽንያቱ ከኣ ኣብ ገገዛና ዘሎ ሃለዋት ባዕሉ ዝዛረብ ስለዝዀነ ኢዩ። ጓሲኻዮ ንዘይምሕላፍ ግና፡ እዚ ጉባአ፡ ጽልኢ ህዝብና ኣብ ልዕሊ ጉጅለ ህግደፍ ኣዝዩ ኣብ ዝመረረሉ፡ ጉጅለ ህግደፍ ኣብ ልዕሊ ህዝብና ዝፍጽሞ በደላት ሰማይ ኣብ ዝዓረገሉ፡ ህዝብና ንክፋእ ጉጅለ ህግደፍ ብዓሚቕ ተረዲኡ ለውጢ ንምምጻእ ዝያዳ ፋሕተርተር ኣብ ዝብለሉ፡ ብኣንጻሩ ብመንጽር እዚ ኩሉ ናይቲ ገዛኢ ጉጅለ ወጽዓታትን ናይ ህዝብና ናይ ራህዋ ጻዋዒትን፡ ደንበ ተቓውሞ ኤርትራ ግቡእ መስርዕ ምሓዝ ኣብ ዝሰኣነሉ እዋን ምዃኑ ጠቒስካ ምሕላፍስ ናይ ግድን ኣብ ዝኾነሉ ህጹጽን ዝያዳ ሓላፍነት ዘሰክምን እዋን እዩ 2ይ ጉባአና ተኻይዱ።

ጉባአና፡ ነዚ ኣብ ኤርትራ ዘሎ ዘየቕስን ኩነታት ኣብ ግምት ኣእትዩ፡ ካብኡ ትጽቢት ዝግበረሉ ዕማም ረዚን ምዃኑ ተገንዚቡ፡ ብሓፈሻ ኣብ ብዙሕ ተባራዕቲ እዋናዊ ጉዳያት፡ ብፍላይ ከዓ ኣብ ውሽጣዊ ሓያልነት ሰልፊ፡ ኣብ መሰረታውነት ተሳትፎ መንእሰያትን ደቂ ኣንስትዮን ኣብ’ዚ ናይ ለውጢ ቃልሲ፡ኣብ እዋናውነትን ኣገዳስነትን ምቅርራብ ሓይልታት ደንበ ተቓውሞ ኤርትራ፡ ኣብ ምዕቃብ ልኡላውነት ኤርትራን ህዝባን፡ ኣብ ኣገዳስነት ፍትሓውን ቀጻልን ዝምድና ምስ ጐረባብቲ ሃገራትን ኣትኪሉ ተመያይጡ፡ ኣገደስቲ ውሳነታት’ውን ወሲኑን ኣሎ። ካብዚ ሓሉፉ ጉባአ ውሳነታት ኣብ ወረቐት ምስፋር ጥራይ ዓወት ከም ዘይከውን ብምግንዛብ፡ ኣብ ርእሲ ኣገደስቲ ሰነዳት ምጽዳቕ፡ ኣብ ውጽኢት ንምብጻሕ ዘኽእሉ ንኡሳን ናይ ኣፈጻጽማን ናይ ሰፊሕ ተሳትፎን ሓበርቲ ስልትታት ሓንጺጹ ኣሎ። ንሎሚ ብመንጽር ትማልን ጽባሕን ምርኣዩ ኣገዳሲ ምዃኑ ብምስትውዓል ከዓ ጉባአ ናይ ዝሓለፉ ዓመታት ጉዕዞ ሰልፊ ዳህሲሱ፡ ክእረሙ ዝግበኦምን ኣብ መጻኢ መሊሶም ክሕይሉ ዝግበኦምን ዛዕባታት ብግቡእ ኣለልዩ። ካብዚ ሓሊፉ ኣብ ተመኩሮ ደንበ ተቓውሞና ዝበረኸ ተሳትፎ ደቂ ኣንስትዮ ዘንጸባረቐ ማእከላይ ባይቶ መሪጹ ኣሎ።

ጉባአና ኣብ ዘካየዶ ሓላፍነታዊ ዳህሳስ፡ ህዝቢ ኤርትራ፡ ዲክታቶር ኣወጊድካ ራህዋ ዝዓሰላ፡ ኩሉ ኣፉ መሊኡ “ንሳ ናተይ ኣነ ድማ ናታ” ዝብላ ኤርትራ ንምህናጽ ናይ ውሱናት፡ ውድባት፡ ሰልፍታትን ማሕበራትን ጥራይ ሓላፍነት ዘይኮነስ ብቐንዱ ናይቲ ቀንዲ ናይ ለውጢ ሓይልን ተጠቃምን ህዝቢ ኤርትራ ዕማም ምዃኑ ብምስትብሃል፡ ኤርትራውያን ኩሎም ብሓባር ክሰርሑ ጸዊዑ። ፖለቲካዊ ናይ ተቓውሞ፡ ሓይልታት ኣብ ሕድሕዶም ዘሎ ናይ ርኢቶ ደረጃ ምቅርራብን ምርሕሓቕን ከም ዘለዎ ኮይኑ ብሓባር ምስራሕ ዘይስገር ምዃኑ ጉባአና ኣቕሊብሉ’ሎ።፡ ኣብዚ ጉባአ ከም ዝተንጸባረቐ ብሓባር ምስራሕ ማለት፡ ናይ ሓሳብ ፍልልይ ምውጋድ ወይ ተጨፍሊቕካ ሓደ ውድብ ምዃን ማለት ዘይኮነስ፡ ንፍልልያት ናይ ርእይቶ ከም መባልሕን ናይ ርኢቶ ምርጫታት መቕረቢ መድረኽን ወሲድካ፡ ኣብዚ ውድድር ንፍልልያት ኣብቲ ትሰማማዓሉ ምስራሕ ብዘይዓግት መልክዑ ምምሕዳር ማለት ምዃኑ ብንጹር ርእይዎ ኣሎ። ካብዚ ሓሊፉ ኣብዚ መዳይ ካብ ሰልፍና ካብኡ ትጽቢት ዝግበረሉ ተግባር ክዕመም ቅሩብ ምዃኑ ጉባአ ኣነጺሩ።

ሓደ ካብቲ ክሳብ ሕጂ ክንስዕሮ ዘይከኣልና፡ ናይ ድኽመትና መርኣያ ኮይኑ ዘሎ፡ ኣባሉ ንዘይኮንካዮ ውድብ ከተዕንቅፎ ምህቃንን፡ ናቱ ድኽመት ከም ናትካ መሕየሊ ኣምሲልካ ምውሳድን እዩ። ኣብ’ቲ ሓቂ ምስ እንመጽእ ግና፡ ኩልና “ኣብ መስርሕ ምርግጋጽ ለውጢ ኣለና” ካብ በልና፡ ናይቲ መመሓዝውትኻ ፖለቲካዊ ትካል፡ ጸገምን ድኽመትን ናትካ’ውን ዕዳ፡ ብእንጻሩ ዓወቱ ዓወትካ ምዃኑ ጌና ኣይተሰወጠናን። ብመንጽር እዚ ናይ ጉባአና ብዓወት ምዝዛም፡ ናይ ኩሎም ሓቀኛ ደለይቲ ለውጢ እንተላይ ኣባል ሰደህኤ ዘይኮኑ ኤርትራዊ ኣካላት ኣገዳሲ ብስራት እዩ ኢልና ንኣምን።

ኩልና ከም ዘይንስሕቶ ጉባአ ኣብ መስርሕ ቃልሲ ሓደ ፖለቲካዊ ውድብ ኮነ ሰልፊ ኣገዳሲ ፍጻመ እዩ። ምስጢር ኣገዳስነቱ ድማ መሰረታዊ ፖሊሲታት ዝቕረጸሉን ዝለዓሉ ተግበርቲ ትካላትን ኣካላትን ዝስየምሉን ዝለዓለ ሕጋዊ መድረኽ ስለ ዝኾነ እዩ። ብመንጽር እቲ ጉባአ ዘካይድ ፖለቲካዊ ትካል ኣማዕድዩ ዝርእዮ ናይ ነዊሕ መጻኢ ሽቶ ግና፡ ምስላጥ ጉባአ ሓደ ስጉምቲ ንቕድሚት እምበር ናይ መወዳእታ ዓወት ከም ዘይኮነ ሰልፍና ብግቡእ’ዩ ዝርዳእ። እቲ ዝያዳ ዝኸበደ ውሳነታት ምሕንጻጽ ዘይኮነስ፡ ነቲ ኣብ ጉባአ ዝተሓንጸጸ ናይ ምትግባር ዕማምን ሓላፍነትን ምዃኑ ከኣ ይግንዘብ። ብመንጽር እዚ እቶም ኣብ ነዊሕ ቃልስና ንሰልፍና ዘሰስኑን ጉባአ በዚ ዝተጠቐሰ ኣገባብ ንክዕወት ኩሉ ዋጋ ዝኸፈሉን ኣባላት ሰልፍና ብፍላይ፡ ብሓፈሻ ድማ ኩሎም ኣብ ኤርትራ ፍትሓዊ ለውጢ ዝብህጉ ኤርትራውያንን ዘይኤርትራውያንን በሃግቲ ሰላም፡ ደሞክራስን ልምዓትን ኣብ መጻኢት ኤርትራ፡ ውሳነታት ጉባአና ኣብ ምትግባር ክተግሁ ምዃኖም ብሩሁ ትጽቢት ሰልፍና እዩ። ናብዚ ጉባአና ካብ ዝተፈላለዩ ወገናት ዝተላእኩልና ናይ ምሕዝነት መልእኽትታት’ውን ነዚ እዮም ዘመልክቱ።

ብህዝባዊ ተሳትፎ ዝዕወት ፍትሓዊ ቃልስና፡ ብሓድነትና ይዓኩዅ!

3 ጉንበት 2015

ርእሰ-ዓንቀጽ ሰደህኤ

ኣብ ኤርትራ ዘሎ ግህሰት ኩሉ ዓይነት መሰላት ደረቱ ሓሊፉ ናብ ስልታዊ ገበን ኣብ ልዕሊ ወዲ ሰብ ይምዕብል ከም ዘሎ ካብ ዝግለጽ ነዊሕ ግዜ ኮይኑ እዩ። ንሕና እዚ ኩነታት ብዓንተቦ እንተዘይተገቲኡ ሳዕቤኑ ናብ ምጽናት ህዝብን ምብራስ ሃገርን ከምርሕ ከም ዝኽእል ከነጠንቅቕ ጸኒሕና ኢና። ኣብዚ ንሰግኦ ሕማቕ ደረጃ እንተበጺሑ ድማ ሳዕቤኑ ካባና ሓሊፉ ኣብ ቅድሚ ሕብረተሰብ ዓለም እውን ኣሉታዊ በሰላ ከም ዝህልዎ ከነምልክትን ናይ ሕብረተሰብ ዓለም ሓገዝን ኣድህቦን ክንሓትትን ጸኒሕና ኢና። ናይዚ ሓደገኛ ኩነታት ብሓፈሻ ብፍላይ ድማ ስደት ኤርትራውያንን ሳዕቤናቱን ባዕሉ ክዛረብ ምስ ጀመረ ከዓ ሕብረተሰብ ዓለም’ውን ክትበራበርን ብዛዕባኡ ክትሓስብን ጀሚራ። ብዘይካቲ ንሕና ከም ደለይቲ ፍትሕን ናይ ለውጢ ሓይልታትን ከነቕርቦ ዝጸናሕና እዛ ዓለም ናታ መርተዖ ክትሕዝ ስለ ዘድለያ ጉዳይ ሰብኣዊ መሰላት ኣብ ኤርትራ እተጽንዕን ኣጽኒዓ ጸብጻባ እተቕርብን ኮሚሽን ከተቕውም ተገዲዳ። እነሆ ከዓ እታ ዝቖመት ኣጻራይት ኮሚሽን ፍረ ናይ ሓደ ዓመት መጽናዕታ ናብቲ ዝወከላ ኣካል ኣብ እተቕርበሉ ደረጃ በጺሓ። ጽማቕ ናይቲ ጸብጻብ “ኤርትራ ኣብ ትሕቲ ሕጊ ዘይኮነትስ ኣብ ትሕቲ ስግኣት” ዝብል ምዃኑ ከዓ ዘሰንብድን ዘደንጹን እዩ።

ውጽኢት ናይቲ መጽናዕቲ በቲ ሓደ ወገን ነቲ ምኽንያታት እንዳፈጠረን እንዳሓጨጨን ግዕዘይ ተግባራቱ ክሓብእ ዝጸንሐ ብዲክታተር ኢሳይያስ ዝምራሕ ዓመጸኛ ጉጅለ ዘቃልዐ ክኸውን እንከሎ፡ በቲ ካልእ ወገን ድማ ነቲ ትማሊ ንሕናን ህዝብናን ኣንጻር ተግባራት እቲ ጉጅለ ነስመዖ ዝነበርና ትሑት ግና ሓቀኛ ድምጺ ኣዝዩ ዘጉልሖ ኮይኑ ኣሎ። እዚ መጽናዕቲ ከምቲ ጉጅለ ህግደፍ ዝብሎ ካብ ዘይፍለጥ ዓለም ዝመጸ ልበ-ወለድ ዘይኮነ ኣብ ኤርትራ ካብ ዘሎ ባዕሉ ዝዛረብ ክውንነት ዝተሓፈሰ እዩ። እቶም መሰኻኽር ድማ “ተባሂሉ፡ ከምኡ ሰሚዕና” ዝብሉ ናይ ማዕዶ ተዓዘብቲ ዘይኮኑስ ናይቲ ኣረሜናዊ ተግባራት ግዳያት ዝነበሩን ጌና በሰላ በደሎም ዘይቀምረረ ዜጋታት እዮም። “እነሆ ዝብል ኣይሓሱ” ከም ዝበሃል። ጉጅለ ህግደፍ ግና “ብኣሉ ቀጣን” ዝላደየ ስለ ዝኾነ ሕጂ እውን ብኣዝዮም ውሑዳት ጸማማት ደገፍቱ እንዳተሓገዘ፡ ነዚ ክውንነታዊ መጽናዕቲ ክኽሕድ ፈንጠርጠር ይብል ኣሎ። ከምቲ “ወደን ከይምዕዳስ ሰበይቲ ወደን” ዝበሃል ከዓ ናቱ ክብሪ ወዲ ሰብ ዘይፈልጥ ጸረ ህዝብን ፍትሕን ነጻጊ ተግባራት ኣቐሚጡ፡ ነቲ ገበን ምእንቲ ሓቂ ናብ ዝተሰለፉ ወገናትን ሃገራትን ከላግብ ይፍትን ኣሎ።

ድምጾም ድምጺ ውጹዓት ተሰሚዑ ኣብ ናይ ዓለም መድረኽ ዝወጸ ኤርትራውያን ደለይቲ ለውጢ ግና፡ ኣብቲ መጽናዕቲ ሰፊሩ ዘሎ ትሕዝቶ ሓቂ ብምዃኑ ንምድጋፍን፡ ውድብ ሕቡራት መንግስታት ኣብቲ መጽናዕቱ ተመርኲሱ ኣብ ልዕሊ ህግደፍ ዘየዳግም ቀጻዒ ውሳነታት ንክወስድ ንምጽዋዕ ኣዝዩ ሰፋሕትን ኣብ ታሪኽ ተቓውሞና ተራእዩ ዘይፈልጥን ናይ ደገፍ ሰልፍታት የካይዱ ኣለዉ። ካብዞም ክሳብ ሕጂ ኣብ ታሪኽ ተቓውሞ ኤርትራ ብኹሉ መለክዒ ተራእዩ ብዘይፈልጥ ኣገባብ ክካየዱ ዝቐነዩ ዕዉታት ሰልፍታት፡ ናይ ዋሽንግተን ዲሲ፡ ናይ እስራኤል፡ ናይ ኣዲስ ኣበባ፡ ናይ ኤርትራውያን ስደተኛታት ዝተዓቖቡለን መደበራት፡ ብዓብይኡ ድማ ኣብ ቅርዓት እቲ መጽናዕቲ ዝተገምገመሉ ከተማ ጀነቭ ዝተኻየደ ብኣብነት ዝግለጹ እዮም። ካብኡ ሓሊፉ ኣብ ውሽጢ ኤርትራ እውን ከይተረፈ ኣብ ሕልና ኩሉ ደላይ ለውጢ ኤርትራዊ ኣንጻር እቲ ጉጅለ ሰልፊ ክካየድ ከም ዝቐነየ ክዝንጋዕ ኣይግበኦን።

እዚ መጽናዕትን ስዒቡ ዝተኻየደ ሰልፍታትን ናብ ዝተፈላለዩ ኣካላት ዘመሓላልፎ መልእኽትታት ኣለዎ። ናባና ናብ ደለይቲ ለውጢ ዘመሓላልፎ መልእኽቲ ጉዳይና ጉዳይ ሕብረተሰብ ዓለም ከም ዝኾነን በይንና ከም ዘይኮናን ዝሕብረና እዩ። ኣብዚ ግና ሕጂ እውን ነዚ ተጀሚሩ ዘሎ ኣብ ርኡይ ውጽኢት ክበጽሕ ግደና መሪሕ ቦታ ከም ዝህልዎ ክንዘናጋዕ የብልናን። ናብቲ ድሮ ብሓሳብ ተረቲዑ ዘሎ ጉጅለ ህግደፍ ዘመሓላልፎ መልእኽቲ ከዓ፡ ናይ ኩሉቲ ኣብ ኤርትራ ዘሎ ናይ ጸልማት መዋእል ተሓታቲ ንሱ ምዃኑ፡ ድሕሪ ሕጂ ክሃድመሉ ዝኽእል ናይ ምስምስ ኣፍደገታት ከም ዝተዓጽወን ዝሕብሮ ተረኽቦ እዩ። ጉጅለ ህግደፍ ነዚ ጾር ዝቕበል ሕልና ኣለዎ ድዩ ግና እንድዒ። ኣይመስለናን። ሕብረተሰብ ዓለም ቅድሚ እዚ ባዕሉ ዝወደቦ መጽናቲ እውን ኩነታት ኤርትራ ክሳብ ክንደይ ጸልማት ምዃኑ ዘመላኽት ኣፍልጦ ኣይነበሮን ክበሃል ኣይከኣልን። ካልእ ይትረፍ ኩነታት ስደት ኤርትራውያንን ሳዕቤናቱን እንዳ ኹሉ ኤውሮጳዊ መንግስቲ ዝኩሕኩሕ ርኡይ መርተዖ ኮይኑ ጸኒሑ እዩ። ሕጂ ከዓ ብናቱ መጽናዕቲ ኣራጒድዎ ስለ ዘሎ ስጉምቲ ናይ ምውሳድ ሓላፍነቱ ናይ ግድን ምዃኑ ኣብ ዘመላኽት ደረጃ ኢና በጺሕና ዘለና።

ጉጅለ ህግደፍ ኣዝዩ ሰንቢዱን ተረቲዑን ከም ዘሎ ድሮ ብዙሓት ምልክታት ንርኢ ኣለና። ንሓንሳብ ነቶም ኣንጻሩ ዝስለፉ ዘለዉ ኤርትራውያን ከም ናይ ካልኦት ንሱ ዝጸልአን ሃገራት ዜጋታት ኣምሲሉ ከቕርቦም ይፍትን ኣሎ። ንሓንሳብ ኣብቲ መጽናዕቲ ቀጥታዊ ግደ ንዝነበሮም ኣካላት ታሪኻዊ ጸላእተይ ክብሎም ይደሊ ኣሎ። ሕሉፍ ሓሊፉ ድማ ኤርትራዊ ምዃንኳ ብዘሕፍር መልክዑ፡ ከምቲ ኣብቲ በይኑ ዝዕንድረሉ ከተማታት ኤርትራ ዝለመዶ፡ ንጥፍኣት ክለኣኹን እንከለዉ፡ ናበይ’ኳ ዘይፈልጡ፡ በጋሚዶ ልኢኹ ኣብ ልዕሊ ናይቲ ኣጻራይ ኮሚሽ ኣባላት ናይ ምፍርራሕ ፈተነ የካይድ ኣሎ። ምናልባት እውን ንዓኡ ካብዚ ሓጥያት ንምድሓን ዘይኮነስ ናታቶም ፖለቲካዊ ሕሳባት ዘለዎም ሃገራት ኣብ ጐኑ ክስለፉ ምጽውዑ ዘይተርፍ እዩ። በዚ ኣጋታሚ ነዞም ንህግደፍ ክድግፉ ዝደናደኑ ሃገራት፡ ብዋጋ መሰል ህዝቢ ኤርትራ ካብ ምጥላዕ ከቋርጹ ምጽወዖም ኣገዳሲ እዩ።

ኣብዚ ኩነታት እዚ እምበኣር ኩሎም ብሰፊሕ ድዩ ብጸቢብ ዝምልከቶም ኣካላት ነዚ ጀሚረምዎ ዘለዉ ንህግደፍ ናይ ምቅላዕን ምውጣር ተግባራት ንክቕጽልዎ ክንጽውዕ ንቡር እዩ’ሞ መጸዋዕታና ዳግማይ ነሕድስ። እንተኾነ ሕጂ እውን መልክዕ ውዳበና ኮነ ፖለቲካዊ እምነትና ብዘየገድስ ነቲ ዘሰማምዓና እምበር ነቲ ዝፈላልየና ሰፊሕ ቦታ ከይሃብና፡ ከም ኤርትራውያን ናይ ለውጢ ሓይልታት፡ ባዕልና ክንዓሞ ዝግበኣና መሪሕ ግደና ከነርኢ ይግበኣና። ኣበርክቶ ሕብረተሰብ ዓለም ዘተባብዓና እምበር ዝትከኣና ኣይኮነን።

ሰልፊ ደሞክራሲ ህዝቢ ኤርትራ፡ እዚ ሕጂ በሪኹ ወጺኡ ዘሎ ንጉጅለ ህግደፍ ኣብ ህዝባዊ፡ ዲፕሎማሲያውን ሚድያውን መድረኻት ኣቃሊዕካ፡ ናይ ምድኻሙ፡ ምንጻሉን ምውጋዱን መስርሕ፡ ቅድም እውን ከም ናይዚ እዋና ምሩጽ ኣገባብ ቃልሲ ክሰርሓሉ ዝጸነሐ እዩ እሞ፡ ከይስልከየ ክደፍኣሉ እዩ። ኣብቲ ኣብ ጀነቭ ዝተኻየደ ታሪኻዊ ሰፊሕ ሰልፊ ኣቦመንበ ብዝመርሖ ዝለዓለ ልኡኽ ዝተሳተፈን ኣብ መስርሕ ምድላዉ ዓቕሙ ዝፈቕዶ ነገራውን ሞራላውን ኣበርክቶ ዝገበረን እውንካብዚ እምንቶኡ’ዚ ነቒሉ ምዃኑ ክዝንጋዕ ኣይግበኦን።

27 ሰነ 205

بعد سلسلة من النضالات للتحرر من أسر الحقب الاستعمارية الأجنبية المتتالية، نقل شعبنا في 1961م نضاله الي الطور المسلح، ونسبةً للهلع الذي أثارته الثورة الارترية المسلحة لدى المحتلين الاثيوبيين حاول نظاما اثيوبيا الاستعماريان – هيلي سلاسي ومنقستو – استئصال وتجفيف منبع الثورة فأباد جماعياً البشر والحجر والثروات الحيوانية والنباتية. لكن الشعب الارتري اكتسب من ذلك المزيد من الصمود والإصرار ولم يتراجع عن مشروعه النضالي التحرري. وبالفعل وبعد ثلاثين عاماً من النضال المرير والعنيف حقق الشعب الارتري حلمه التحرري كاملاً.

وخلال مسيرته النضالية الطويلة كان شعبنا يسجل كل يوم عدداً من الشهداء والتضحيات في سجلات المجد، لكن لا شك هناك أيام شكلت علامات بارزة في مسيرة التضحية والاستشهاد مثل سبدرات، وكي دبا، حرقيقو، قلب، أغردات وشـِـعـِـب. أما عن شهداء ومختطفي المدن المجهولين مثل العاصمة اسمرا وغيرها من المدن فحدث ولا حرج. وعندما نتحدث عن الشهداء والتضحيات بالطبع لا نعني بذلك الشهداء حاملي السلاح أو السياسيين المؤطرين سياسياً في أطر تنظيمات الثورة المسلحة، بل نعني كل من ضحى بماله أو نفسه في سبيل بلاده بأي صورة من الصور وتحت أي راية من الرايات السياسية أو التنظيمية.

شهداء ارتريا لم يستشهدوا من أجل النشيد الوطني وقطعة قماش هي العلم وسائر تلك الإكليشيهات، بل استشهدوا من أجل تحرير الأرض من الوجود الاستعماري الأجنبي وتحرير إنسانها من نير الجهل والتخلف والجوع والمرض، وقدموا أغلى ما يملكون من أجل الحريات والحقوق الانسانية الأساسية والتنمية والازدهار. لقد كان هذا الهدف المزدوج المتعلق بالأرض والانسان هدف الثورة منذ اعلانها. لذا تغنت أناشيد الثورة بأن (النضال لتحرير الأرض سوف يعقبه نضال من أجل حقوق وحريات الانسان) وبالفعل كما تنبأت تلك الأدبيات فإن هدف المرحلة الأولى – تحرير الأرض – قد تحقق، بينما هدف المرحلة الثانية – تحرير الانسان – لم يتحقق بعد بسبب غدر وخيانة طغمة الهقدف الحاكمة لأهداف ووصايا الشهداء. إن أرواح الشهداء ووصاياهم سوف تظل غاليةً علي مر الظهور. واستشهادهم مصدر إلهام وحماس لتحقيق المزيد من وصاياهم وليس مصدر يأس وقنوط من تحقيقها.

طغمة الهقدف كدأبها في انتهاز الفرص والمتاجرة بالقيم الوطنية الغالية مثل الاستشهاد والتضحية، تتاجر باسم الشهداء في استجداء التبرعات من المواطنين بالداخل والخارج، وتخصص لهم مقبرةً خاصة، وتزرع الأشجار باسم الشهداء وباسمهم تقيم مسيرات الشموع وتخصص العشرين من يونيو كل عام للاحتفاء بذكراهم، ولذر الرماد في عيون أسر الشهداء وذويهم تصنع أشجى الألحان الآسرة في التغني بأمجاد الشهداء. أما في واقع العمل وفي عالم الواقع لا تتناسب أفعال الطغمة مع تلك الشعارات الحماسية ولا تلك المسرحيات الرومانسية ركيكة الإخراج، فلم يتوانى نظامها في ضرب الشهداء الأحياء بالرصاص الحي، عندما قمع دون رحمة مسيرة جرحى التحرير الذين أعيقوا بفقد نصف أعضائهم في حرب التحرير، بل رفضت الطغمة استقبال جثث من ضحوا وناضلوا من أجل استقلال ارتريا وحرمتهم من توسد التراب الارتري دعك من أن يدفنوا في مقابر الشهداء. ثم تعدت ذلك الي التفريق حتى بين شهيد وشهيد لتعترف باستشهاد البعض وتنكر استشهاد آخرين، وبالجملة أنكر نظام الطغمة هدف التحرير الثاني المتعلق بحرية الانسان وسيادة الديمقراطية والاستقرار والتنمية والازدهار في ارتريا مما جعل البعض يصف الوضع السائد بالبلاد بأنه أسوأ من الوضع أيام الحكومات الاستعمارية وكل ما تغير هو أشخاص المستعمرين لا الاستعمار والكبت الاستعماري. وهل من إهانة وخيانة لأرواح ومبادئ الشهداء أكبر من ذلك؟؟!!!

إن أول إحياء لذكرى العشرين من يونيو في ارتريا المحررة كذكرى سنوية للشهداء استهله رأس الطغمة والنظام بإعلانه أنهم (لن يسمحوا بعد اليوم بمولد أو كرنفال للتنظيمات)، وبكل سهولة ودون حياء انقلبت ذكرى الشهداء بهذا الاعلان الرسمي وفي ميدان واحتفال عام الي ذكرى لخيانة ودفن مبادئهم وليس إحيائها ونشرها، ومنذ ذلك اليوم سارت أوضاع الشهداء والأحياء في ارتريا من سيئ الي أسوأ ولم تشهد أي تحسن. البعض يرى أن الاحتفال بهذا اليوم كذكرى وطنية لشهداء عامة ارتريا إنما يضفي قيمة وطنية علي الهقدف وعلي قرار اتخذه الهقدف، لكن يجب ألا نقلد نحن بدورنا الهقدف في التفريق بين الشهداء والتمييز بينهم بالانتماء السياسي والتنظيمي أو طريقة وسبب الاستشهاد، بل يجب علينا أن نحيي ذكرى جميع شهداء ارتريا ونجعلهم محل فخرنا واعتزازنا بغض النظر عن أين وكيف ومتى كان استشهادهم.

لعل من حسن الطالع أن تصادف مناسبة ذكرى شهداء هذا العام ( 2015م ) صدور تقرير إدانة نظام الهقدف بانتهاك حقوق الانسان عن أعلى هيئة عالمية هي الأمم المتحدة، والارتريون بالخارج وخاصةً بمدينتي جنيف وواشنطن يتأهبون لتسيير مواكب سلمية تطالب باتباع التقرير بإنفاذ الوصايا العملية الصادرة عنه. هذا ومن احترام وإجلال الشهداء وإنفاذ وصاياهم أن نشارك بجهدنا وصوتنا في تلك المسيرات الوطنية ذات الصفة العالمية، إن مفكرة أخبار ارتريا والارتريين اليوم لا تجد بها أخباراً إلا من نوع: شح وغلاء أو انعدام المواد الاستهلاكية الأساسية، سجن أو اختفاء فلان أو علان، مقتل عدد من الفارين في الحدود، عدد من الشباب الارتري بليبيا ذبحوا أو أعدموا بواسطة داعش، بل غرق عدد كبير من الشبان والأطفال والنساء الحوامل في البحر الأبيض المتوسط. وبدلاً من أن تصير ارتريا سنغافورا افريقيا كما تبجح رئيسها يوماً، فقدت بسبب رئيسها ونظامه الأرعن كل المقومات التي يمكن أن ترتفع بها الي مصاف سنغافورا ونمور آسيا لتتدهور الي الحضيض فتحتل المرتبة الثانية بعد سوريا في تصدير اللاجئين والمشردين في العالم. وهذا من أكبر الأدلة علي أن ارتريا في ظل هذا النظام لم تطبق شيئاً من وصايا الشهداء. إذاً إكرام الشهداء يكمن في تغيير الصورة القبيحة والمثيرة للشفقة والرثاء بل والاشمئزاز التي تكونت عن الارتري في العالم والمنطقة، ولن يتم ذلك إلا بإزالة النظام الذي هو سبب الداء وسر البلاء الذي أقلق راحة الشهداء في قبورهم. وهذه مهمتنا نحن طلاب الحرية والتغيير الديمقراطي لا مهمة النظام مهما ادَّعـَـى وتبجح. إن إنفاذ وصايا الشهداء دين في أعناقنا نحن لا الهقدف.

المجد والخلود لشهداء ارتريا

EPDP Editorial

The nation dedicates the month of June every year to remember and honor those who gave their lives so that Eritrean people could stand tall and determine their own destiny; to honor those who courageously stood and gave their lives so that the Eritrean independence bell could ring; to pay tribute to those brave souls who refused to surrender in the battlegrounds so that justice and freedom could reign in Eritrea, and to those all who died in the service of their people.  

We know every Eritrean community and family suffered during the 30-year war of independence. June is designated to remember and visit the graves of our freedom fighters whose bodies lie almost in every town, creek, mountain, and hamlet across the land of Eritrea. June is a somber and joyless day for Eritrean people. It is also a sacred month that Eritreans honor it with prayers and somber songs and reflections for their fallen heroes.

These are Eritrea’s best sons and daughters; Eritrea’s fathers and mothers; Eritrea’s finest farmers, workers, students, thinkers, poets, writers …etc. They hail from various Eritrea’s ethnic and social groups brought together by the love of their country. They are Eritreans who shared a common vision and became faithful to the cause of their country, and went on a march to give their lives. They died with unparallel courage and bravery - some of them died being dragged in the street of Eritrea’s towns and others strangled to death by electrical wires; others died in colonial prisons, and hundreds and thousands of others perished in the battlegrounds with their faces and heads bleeding and with their bodies mutilated, and more others died while rescuing their fellow wounded freedom fighters. These are the stories of Eritrean heroes who galvanized the independence struggle by their martyrdom.

But as citizens, is it enough to mouth patriotism and nationalism in memory of those hundreds and thousands heroes who left to the Eritrea’s field and never came home alive? A serious contemplation is needed; and that is have we kept the promises that our heroes died for? Is it enough to give a speech and lay a wreath on the graves of our freedom fighters? Is it enough to fly Eritrean flag at a half mast or perform parades in the nation’s capital? Is it enough to pay a heartfelt tribute and gratitude to our martyrs? No, it is not.

The vision and the unparallel devotion of our fallen heroes have been betrayed to the core. What we have is a tyrannical system in our country. Our freedom fighters did not die to establish a dictatorship in Eritrea; they did not die to have warmongering elite in Eritrea; they did not die to have belligerent, corrupt power elite, and an absolute militarized authority in Eritrea that denies the basic freedom and justice. No, they died for freedom and justice of Eritrean people.  

We owe our martyrs justice and freedom in Eritrea. We owe them peace and democracy in Eritrea. The flame of liberty and freedom is burning in their graves. We must realize it. As we commemorate our heroes and martyrs in this month of June, let us contemplate how to eradicate and remove tyranny from Eritrea. After all, this is the land of the greatest heroes and heroines.