Subscribe to this RSS feed
Thursday, 05 July 2018 08:10

“ደምበ ተቓውሞ ኣበይ ከብል እዩ?” ኢሎም የሽካዕልሉ

Written by

ብሰንኪ ህልኽ መራሕቲ ኤርትራን ኢትዮጵያን ኣብ ዘየድሊ ውግእ ተኣትዩ ብዙሕ ህይወት ኣህሊቑ ንብረት’ውንኣባዲሙ። ስርዓት ኢሰያስ ካብ መጀመርያ ኣትሕዙ ብተንኮል ዝተጎብአ ምዃኑ ኩሉ ዝርደኦን ዝፈልጦን እዩ። ህልኸኛ ስለዝኾነ ድማ ነታ ንሱ ዝበላ እምበር ካብካልኦት ምኽሪ ይኹን ማዕዳ ኣይቅበልን ኣይደልን እዩ። ይኹን እምበር ንስልጣኑ ክብል ዘይምህዞ የለን። ነዚ ንኽገብር ከኣ ከምቲ ልሙድ ኣገባብ ኣስራርሓ ናይ መለኽቲ ፈላሊኻ ምግዛእ፥ ምጭፍጫፍ፥ ቅሳነት ምኽላእ ወዘተ ዝኣመሰሉ ሜላታት ይጥቀም። እዚ ኩሎም መለኽቲ ዝጠቀሙሉ ኮይኑ እቲ ኣዝዩ ሓደገኛ ግን ተፈሪሆም እምበር ምቕሉላት ኮይኖም ተቐባልነት ክረኽቦ ኣይኮነሎምን እዩ።

ስርዓት ኢሰይያስ ነቲ ኩሉ ዝጽሕትሮ ዝነበረ ውግኣት ብኽሳራ እምበር፡ ከሲቡ ዘወጸሉ ክሳብ ሕጂ ኣይተራእየን። ንኣብነት ምስ የመን ዘካየዶ ውግእ ገለ ካብ መሬት ኤርትራ ዝተኸስረ ኣሎ። ኣብ ምስ ጅቡቲ ዘሎ ኩነታት’ውን ጌና መዕለቢ ዘይተገብረሉ ኮይኑ እምበር ከይከሰረ ኣይተርፍን እዩ። ምስ ኢትዮጵያ ዝገበሮ ውግእ ድማ እነሆ 25 ኪሎሜተር ውሽጢ መሬት ኤርትራ ዘይሕረስ ኮይኑ ህዝብና ኣብ ብገዛእ መሬቱ ሓሪሱ ከይዕንገል ተሓሪሙ ኣሎ። እቲ ብቤት ፍርዲ ዓለም ዝተበየነ እንተኾነ እውን እቶም ነቲ ዶብ ካብ ካርታ ወይ ወረቕት ኣብ ባይታ ሽኻል ክተኽሉ ዝሓሰቡ’ውን ነቲ ናይ ሰላም ዓቃቢ ሰራዊት ስለ ዝሰጐጎ ብወገን ኢትዮጵያ ቅሩብነት ስለ ዝጐደለ ንክትግበር ኣይተኻእለን።

መንግስቲ ኢትዮጵያ እውን እቲ ናይ ዶብ ምልክት ከይተተኽለ እንከሎ በቲ ናይ ካርታ ስእሊ ጥራሕ ገዛ፥ ቤተክርስትያንን ህዝብን ኣብ ክልተ ክምቀል እዩ ስለዚ ኣቐዲምና ክንዛተ ኣሎና ብማለት ስለ ዝኣበየ እቲ ናይ ዶብ ምምልካት ኣይተፈጸመን። ኢሰይያስ መፍትኡ ስለዝረኸበ ነቲ ቅድሚ ምምልካት ወይ ምሕንጻጽ ዶብ ብወገን መንግስቲ ኢትዮጵያ ዝቐረበ ንቕድም ንዛተ ዝብል ሓሳብ ስለ ዝተሓስሞ ኣይተተግበረን። ሎሚ ምስ ዶክተር ኣቢይ ኣሕመድ ዝመርሖ ሓይሊ ኣብ ስልጣን ምምጻእ ብወገን ኢትዮጵያ ነቲ ናይ ዶብ ምሕንጻጽን ውዕል ኣልጀርስን ተቐቢልናዮን ኣብ ግብሪ እውን ክነውዕሎን ኢና ዝብል ኣዊጁ። ክሳብ ሕጂ እቲ ጉዳይ “ወጮ እንተገምጠልካዮ ወጮእዩ” ነገሩ። ቅድም መንግስቲ ኢትዮጵያ ኢልዎ ዶክተር ኣቢይ ከኣ ንዛተ እዩ ዝብል ዘሎ።

ሰላም ኣይጽላእን እዩ። እንተኾነ ግን ኢሰይያስ ቅድም ንህወሓት ስለ ዝጸልአ ኣብይዎ ሎሚ ከኣ ንናይ ዶክተር ኣብዪ ናይ ሰላም መጸዋዕታ ተቐቢልዎ። ይኹን እምበር ኢሰይያስ ተመሊሱ ነቲ ውዕል ናይ ኣልጀርስ ዘፍርስ ዘረባታት ክፍኑ ይስማዕ ኣሎ። ሓደ ካብኡ ዶብ ኣይድልን እዩ እናበለ ንሃገርና ኣብ ደልሃመት ከየእትዋ ዘስግእ እዩ። ምኽንያቱ ቅድሚ ሎሚ ብታሕቲታሕቲ ዘናፍሶ ዝነበረ ክሳብ ናብ ፈደረሽን ወይ ኮንፈደረሽን ገጹ ይኸይድ ከምዝነበረ ኣቶ ታምራት ላይነ ናይ ቅድም ቀዳማይ ሚኒስተር ኢትዮጵያን ግርም ገይሩ ኣብሪህዎ እዩ። ነዚመላግቦ ብምስማዕ ተኸታተሉ። https://www.youtube.com/watch?v=PjgjiydQgAU።

ስርዓት ኢሰይያስ ነዚ ናይ ዶብ ዘይምምልካት ተጠቒሙ ሃገራዊ ሓይሊ ስለ ዘስግኦ ኣብ መጀመርያ መደርኡ ድሕሪ ናጽነት ኤርትራ ንውድባት ዝነጽግን ብሕታዊ ስልጣኑ ከራጉድ ኢዩ ተራእዩ። ኣይፋልካን ህዝባዊ መንግስቲ ክትከል ንኹሉ ኣብ ሜዳ ኤርትራ እጃሙ ዘበርከተ ኣብ ሓደ ክቢ ጠረጴዛ ኮፍ ኢሉ ክዛተን ግዚያዊ መንግስቲ ክምስርትን ይኽኣል እንተተባህለ ዕጭ ሓንፈፍኩ ደኣ በለ። እዚ ምሕንጋድ ንበይኑ ኢሰይያስ ጥራሕ ዘይኮነስ ንኹሎም እቶም ደቀ መዛሙርቱ ዝምልከት እዩ። ንኣብነት ቅዋም ክሕንጸጽ እንከሎ ኢሰይያስ በይኑ ኣይኮነን ሓንጺጽዎ። ብሕርያ ኢሳይያስ ካብ ብዙሕ ኩርነዓት ዝተዋጽኡ ክኢላታት እዮም ነይሮም። ንሳቶም’ውን ብወገኖም ኣንቱም ሰባት ነቲ ኣብ ሃገራዊ ቃልሲ እጃሙ ዘበርከተ ሃገራዊ ሓይሊ ገዲፍና ንበይንና ምኻድ ኣየጸብቐልናን እዩ ኣይበሉን። ኩሎም መሻርኽቲ ኢሰይያስ ስለ ዝነበሩ ነቲ ሃገራዊ ሓይሊ ኣብ ምንጻግ ይሰማምዑ ነይሮም ክንብል ንኽእል። ሎሚ ድማ እቲ ደጋፊ ናይቲ ስርዓት እታ ሃገርናበይ ገጻ ትዛዙ ኣላ፥ ልኡላውነት ሃገር ኣብ ምንታይ ደረጃ ክወድቕ እዩ፡ ንዝብል ፋዕራ ዘለዎ ኣይመስልን። ኣብ ክንድኡ በዚ ሕጂ ተረኺቡ ዘሎ ሃዋህው ዝሓለዩ ይመስል ተቓወምቲ ኣበይ ክኣትዋ እየን እናበለ ተሓጓሱ ይገልጽ ኣሎ፣ እዚ ማለት ደምበ ተቓውሞ ድሕሪ ደጊም መቃለሲ ባይታ ኣይረክብን ካብ ዝብል ኣሽካዕላል እዩ። ደምበ ተቓውሞ ግና እታ ሃገር ኣብ ደልሃመት እናኣተወት ኢዱንእግሩን ኣጣሚሩ ኮፍ ኣይክብልን እዩ። ኩነታት እንተተቐየረ እውን ወጽዓ ክሳብ ዝሃለወ ቃልሲ ክቕጽል ባህርያዊ እዩ።

05.07.2018

Thursday, 05 July 2018 07:59

ብደበና ሰላም ተኸዊሉ ዘሎ ቀራና መንገዲ ኢትዮ ኤርትራ

Written by
ብደበና ሰላም ተኸዊሉ ዘሎ ቀራና መንገዲ ኢትዮ ኤርትራ

                   (ቀዳማይ_ክፋል)

ሰላም ኩላቶም ህዝብታት ዓለም እንተበሃግዋ፡ ጠቢባን ብሙኡዝ ዜማታቶም እንተቓነይዋ፡ ቀባእቲ ብምስሊታት እንተወቀጥዋ፣ ገጠምቲ ቃላት እንተሰኩዑላ፣ መራሕቲ ሃይማኖታት ብቓላቶም እንተቐደሱላን ዱዓ እንተገበሩላን፣ ዓበይቲ ዓዲ እንተተምነይዋ ካብ ምብሃጋ ሓሊፎምሲ ክቆጻጸርዋ ፍጹም ኣይከኣሉን። እቶም ነዛ ሰላም ተቖጻጺሮም ከም ተኽሊ ጽገሬዳ ናብ ኣፍንጫና ኣጸግዕ ኣቢሎም መኣዝአ ዘሸቱትና ወይ ምንዝዕ ኣቢሎም ባዶ ዘትርፉናስ፤ እቶም ኣብ ዙፋን ህዝቢ ተወጢሖም ስልጣን ሃገር ዝሓዙ መራሕቲ መንግስቲ እዮም። እዞም መራሕቲ እዚኣቶም ደስ እንተበሎም ኣብ ረፋድ ኵናት ይእውጁ ሰላም ህዝቢ ይዘርጉ ብሰንኮም ኣሽሓት ደቂ ሰባት ከም ቆጽሊ ይረግፉ። ብየማን እንድሕር ተሲኦም ወይ ፊን እንተቢሉዎም ከኣ ከይሓፈሩ ነቲ ዘህለቕዎ ኣእላፍ ህይወት ደቂ ሰባት ዕጅብ ከይበሎም ይቕረታ’ውን ከይሓተቱ ብፍሽኽታ ተሰንዮም ኣስናኖም ጫሕ እንዳበሉ ንስለ ሰላምን ፍቕርን ኢሎም ሻምፓኝ ተኵሶም ሰቲ ነስኒሶም ጸምብልዎ ይብሉና።

እቶም ምንም ጽልእን ቅርሕንትን ዘይብልና ህዝብታት ንምንታይ ትማሊ ኣብ ኵናት የእቲኹም ከተብቅዑ ሕጂ ተገልቢጥኩም ሰላም ትብሉና፤ ቀደሙ እኮ ንሕና ከም ህዝቢ እንታይ ጽልኢ ኔሩና ዘይንስካትኩም ኢኹም ዘተሃናኾትኩምና ኢሉ ኣክንዲ ዝሓትት፤ በንጻሩ ሰላም ሰላም ኢሉ ምስቶም ዘረግቲ ሰላም ይሰራሰር። ዝያዳ ኩሉ ኩርነዓት ዓለም ንልዕሊ ፍርቂ ዘመን ሰላም ዝተሓረሞ ክፋል ቀርኒ ኣፍሪቃ ምንባሩ ምንጋር ዘድልዮ ኣይመስለንን። ቀቢላዊ ኵናት ሓድሕድ ሶማልያውያን፡ ኵናት ንናጽነት ዝቃለሱ ዝነበሩ ደቡብ ሱዳንያውንን መንግስቲ ካርቱምን፡ ድሕሪ ናጽነት ደቡብ ሱዳን ዓሌት ዝሕመረቱ ኵናት ኣብ መንጎ ደገፍቲ ሳልቫ ኼርን ሪክ ማቻርን፤ ኵናት ህዝቢ ኤርትራ ኣንጻር ጎበጣ ስርዓታት ኢትዮጵያ፡ ኵናት ኣብ ውሽጢ ኢትዮጵያ ዝነበሩ ተቓወምቲ ጉጅለታትን ስርዓት ደርግን፡ ኵናት ኣብ መንጎ መንግስቲ ኡጋንዳን ተቓወምቲ ሓይልታትን፡ ዶባዊ ኩናት መንግስቲ ኤርትራን መንግስቲ ኢትዮጵያን ወዘተ…። በቃ ዞባና ዞባ ቀርኒ ኣፍሪቃ ብሰንኪ ሰክታርያን ወይ ወገናዊ ፖለቲካ ዝሕመረቱ ኵናት ኣዕሪፉ ኣይፈልጥን፤ ኩላቶም መንግስታትን ተቓወምትን ድማ ካብዚ ወገናዊ ወይ ሰክታርያን ፖለቲካ ናጻ ኮይኖም ኣይፈልጡን። ብሰንኪ እዚ ዱሑር ኣተሓሳስባ ህዝቢ ቀርኒ ኣፍሪቃ ዲሞክራስያዊ ባህሊ ኣየማዕበለን። ከም ውጽኢቱ ንሰላም እንትርፎ ብእዝኑ ክሰምዓ ብዓይኑ ንሰላም ክርእያ ኣይተዓደለን።

ህዝባዊ ማዕበል ዘበራበሮ መዝሙር ሰላም

ድሕሪ ነዊሕ ቁሩቁስ ኣብ መንጎ ብህወሓት ዝምእከልን ዝዝወርን ልፍንታዊ ገዛኢ ሰልፊ መንግስቲ ኢትዮጵያን፤ እቶም ዘርኣዊ ጭቆናን ዕብለላን ትግራዎት ይኣኽለና ዝበሉ ህዝብታት ኦሮሞን ኣምሓራን ሓድሽ ፖለቲካዊ ባርዕ ኣብ ኢትዮጵያ ምውልዑ ይዝከር። ነቲ ዝተወልዔ ህዝባዊ ናዕቢ ተጠቂሞም እቶም ምስ ህወሓት ተላፊኖም ዝነበሩ ውድባት ኦሮሞን ኣምሓራን (ኦ.ህ.ዴ.ድ ን ብ.ኣ.ዴ.ን) ዘይዕላዊ ስምረት ኣንጻር ዕብለላ ህወሓት ፈጢሮም ህዝባዊ ሓይሊ ደሪዖም ፖለቲካዊ በትረ ስልጣን ኢትዮጵያ ኣብ ቁጽጽሮም ኣእትዮሞ ንረኽቦም። እዚ ተፈጢሩ ዘሎ ፖለቲካዊ ምዕባለ ግና ህወሓት ምሉእ ንሙልእ ሞይቱ እዩ ናብ ዝብል መደምደምታ ፈጺሙ ክወስደና የብሉን። ህወሓት ዋላ’ኳ ብፖለቲካ ወይ ብድምጺ ኣባላት ናይቲ ልፍንታዊ ገዛኢ ሰልፊ ተዓብሊሉ እንተሃለወ ካብ ወተሃደራውን ጸጥታውን መሓውራቱ ብቐሊሉ ከልግስ እዩ ዝብል ግምታት ብስለት ዘይተላበሰ መደምደምታ እዩ ክኸውን። እምበኣርከስ ኩነታት ጎረቤት ሃገር ኢትዮጵያ ስለ ዝጸልወናን ዘገድሰናን ኣሕጽር ኣቢልና ኣብ ውሽጢ ኢትዮጵያ ዘሎ ህልዊ ፖለቲካ ንምዕዛብ መታን ክሕግዘና ነቶም ቀንዲ ተዋሳእቲ ብኸምዚ ዝስዕብ ክኸፍሎም ክፍትን እየ፡

  1. ብቀ/ሚ ዶ/ር ኣብይ ኣሕመድ ዝምራሕ ኣብ ውሽጢ ልፍንቲ ዘሎ ዘይዕላዊ ልፍንቲ
  2. ህወሓትን ህዝቢ ትግራይን
  3. ኣብ ውሽጥን ደገን ዘለው ተቓወምቲ ሓይልታት
  4. ህዝቢ ኢትዮጵያ

1. ብቀ/ሚ ዶ/ር ኣብይ ኣሕመድ ዝምራሕ ኣብ ውሽጢ ልፍንቲ ዘሎ ዘይዕላዊ ልፍንቲ

ቀ/ሚ ዶ/ር ኣብይ ኣሕመድ ብሓገዝን ሙሉእ ደገፍን ፕረሲደንት ክልል ኦሮሚያ ለማ መገርሳን ፕረሲደንት ክልል ኣምሓራ ገዱ ኣንዳርጋቸው ነቲ ኣንጻር ህወሓት ዝተላዕለ ህዝባዊ ተቓውሞ ናብ ረብሕኦም ከምዘውዓልዎ ይፍለጥ። ነዚ ንኽገብሩ ዝተጻወትዎ ብልሓት ነቲ መላፍንቶም ዝኾነን ንዓመታት ብዓንቀሮም ሒዝዎም ዝነበረን ሰልፊ ህወሓት ኣሕሊፎም ክህብዎ ኔርዎም። ዓይኖም ከይሓሰዩ ድማ ነቲ ዕድል ተጠቂሞም ንህወሓትን ተደናገጽቶምን ኣብ መንቀራቕሮ ኣእትዮም፤ ነቲ ህዝባዊ ማዕበል ኣብ ቅድሚት ኮይኖም ይመርሕዎ ኣለው። ቀ/ሚ ዶ/ር ኣብይ ዋላ’ኳ ኣብ ዝተናውሔ እዋን ሓያል ብድሆን ስራሕን ዝጽበዮ እንተኾነ፤ ነዚ ሓጺር እዋን ዝኸውን ፖለቲካዊ መሰጋገሪ ግና ጽቡቕ ጌሩ ዝተረድኦ እዩ ዝመስል። ነቶም ብመሪሕነት ህወሓት ተኣሲሮም ዝነበሩ ናይ ፖለቲካ እሱራት ማለት መራሕቲ ተቓወምቲ ውድባት፡ ጋዜጠኛታትን ተጣበቕቲ ሰብኣዊ መሰላት ናጻ ክልቀቑ ድሕሪ ምግባሩ ቀ/ሚ ኣብይ ተወሳኺ ህቡብነት፡ ተቐባልነትን ህዝባዊ ደገፍን ክውስኸሉ እንከሎ፤ በንጻሩ ንህወሓትን መሪሕቱን ፖለቲካዊ ወጥሪ የእትይዎም ይርከብ።

ቀ/ሚ ኣብይን ብጾቱን ካብ ተምክሮ ሕሉፍ ቀ/ሚ ሃይለማርያም ደሳለኝ ዝተማህሩ እዮም ዝመስሉ ካብቲ ውሽጣዊ ኣሰራርሓ ኢህኣዴግን መሰናኽላት ህወሓት ብጉልባብ ግሉጽነት ዘሊሎም ብምውጻእ ናብቲ ሓፋሽ ህዝቢ እዮም ኣጽሊሎም መታን ዘራይ ክረኽቡን ንህወሓት ከዳኽሙን። ብሰንኪ ኣብ ኢትዮጵያውያን ሳዕሪሩ ዝነበረ ክቱር ጽልኢ ኣብ ልዕሊ ህወሓትን ተጋሩን እቲ ውጥኖም ብቐሊሉ ክሰርሕ ክኢሉ እዩ። ቀ/ሚ ኣብይ በዚ ከየብቅዔ ምስ ኤርትራ ዘሎ ዶባዊ ሕልኽላኽ ክፈትሖ ድሉው ምዃኑ ኣብ ልዕሊ ህወሓት ተወሳኺ ሸቶ ከመዝግብ ኣኽኢልዎ እዩ ዋላ’ኳ እዚ ዝወሰዶ ተበግሶ ብቕንዕና እዩ ናይ ዝብሉን ፖለቲካዊ ጸወታ ኢሎም ጥርጣረታቶም ናይ ዘቐምጡን ተራጻሚ ትንታኔ ክፈጥር እንተኸኣለ። በቲ ኢሉ በቲ ግና ንሰላም ዝዘመረ መራሒ ነቲ ህልዊ ኩነታት ናይ ምኽሳብ ዝዓበየ ዕድል ከምዘለዎ ከስምረሉ ይደልይ።

ቀ/ሚ ኣብይ ኣሕመድ ብናይ ፖለቲካዊ ህዝባዊ ርክባት (Political Public Relations) ብቕዓቱ ዝምስገን ኮይኑ እተን ኣብ መደረታቱ ዘዘውትረን ቃላት ማለት ፍቕሪ፡ ዕርቂ፡ ይቕረን ሰላምን ኣብ ፖለቲካን ምሕደራ ሃገርን ህዝብን እንታይ ክወልዳ እየን ጊዜ ክምልሶ እዩ። ኣብ ዓለም ብሰናይ ቃላት ዝተመሓደራ ኣብያተ ክርስትያን፡ መሳጊድ፡ ግብረ ሰናይ ትካላት ርእይና ኢና እሞ እንድሕር ተበግሶ ቀ/ሚ ኣብይ ሰሪሑ ኢትዮጵያ እታ ናይ መጀመርታ ሃገር ብሰናይ ቃላት ሰናይ ምሕደራ ዝተግበረት ሃገር ክትከውን እያ። ካልእ እንደመር ትብል ሰባብ ዝኾነት ቃል ቀ/ሚ ኣብይ ኣብ ልዕሊ 105 ሚልዮን ህዝብታት ኤርትራን ኢትዮጵያን ዝተፈላለየ ትርጉም ተሓንጊጣ ንገለ ተስፋ ንገለ ኸኣ ሰንፈላልን ሻቕሎትን ፈጢራ ትርከብ። እምበኣርከስ እዛ እንደመር ብወገን ኢትዮጵያውያን ክንርእያ እሞ ኣብ ዝቐጽል ክፋል ጽሑፈይ ንደመር ብወገን ኤርትራውያን ክንርእያ ክንፍትን።  

እንደመር - ኢትዮጵያ

እንደመር ካብ ኣፍ ቀ/ሚ ኣብይ ኣሕመድ ተደጋጊማ እትወጽእ ነታ “ኣማርኛ እንዳበጁሽ ትበጃለሽ” ማለት ኣምሓርኛ ናብ ዝሰኩዑኺ ኢኺ ትስኩዒ እትብል ምስላ እተራጉድ ቃል ኮይና ንረኽባ። ቀ/ሚ ኣብይ ተደሚርና ድኽነት ክንስዕር ምባሉ መን ይጸልኦ እንትርፎ ሰላም ዘይደልይ ኣካል። ቀደሙ እውን እቶም ተስፋ ተነቢሩሎም ዝነበሩ ድሒሮም ዝፈሸሉ መራሕቲ ኢትዮጵያን ኤርትራን መለስ ዜናዊን ኢሰያስ አፈወርቅን ንመዛንኦም መራሕቲ ሃገራት ቀርኒ አፍሪቃ ኣሰንዮም ዝጀመርዎ ኢጋድ (IGAD) እኮ ዕላምኡ ትሕተ ቅርጺ ዞባና ክመሓየሽ፣ ናጻ ዕዳጋ ክፍጠር፣ ምህርትን ጥረ ነገራትን ካብን ናብን ብዘይ ጸገም ክጎዓዓዝ፣ ከም ውጽኢቱ ድማ ድኽነት ካብ ዞባና ሓግሒግካ ንምጥፋእ ምንባሩ ዝዝከር ኮይኑ እንድሕር እዚ ሕጂ ዝጋዋሕ ዘሎ ምድማር ብዘይ ለጠፍን ስውር ተንኮልን ኣብ ቁጠባዊ ትሕዝቶ ዘድሃበ ኮይኑ፤ ካብቲ ናይ ቅድሚ ሕጂ ዝተሓልመ እሞ ብሰንኪ ኵናትን ወረ ኵናትን ብዘይ ፍረ ቀንፈዘው ዝብል ዘሎ ጅማሮ ዝፍለ ኣይኮነን። እዚ ቁጠባዊ ምድማር ውዒሉ ሓዲሩ ዘይተርፍ ህዝባውያን መንግስታት ብመንገዲ ንረብሓ ህዝቢ ዝተመርጹ መራሕቲ ዘተግብርዎ፤ ብተሳትፎ ክኢላታት ሰብ ሞያን ኣውፈርትን ዝዕወት ቀንድን ኣገዳስን ቁጠባዊ ምዕባለ (Economic Development) ዞባና እዩ።

እዚ ቁጠባዊ ምድማር ግና ኣብዚ ሕጂ እዋን ካብ ሰናይ ድልየትን ትምኒትን ቀ/ሚ ኣብይ ሓሊፉ ተግባራዊ ክኸውን ክንደይ መሰናኽላት ኣብ ቅድሚኡ ተገቲሮም ይርከቡ። ዓሌታዊ ፖለቲካዊ ግርጭት ናይቶም ደገፍቲ ሳልቫ ኬር ዝኾኑ ቀቢላታት ዲንካን ተደናገጽቲ ሪክ ማቻር ዝኾኑ ቀቢላ ኑዌርን መዓልቦ ከይረኸበ፤ ዝነበረ በሰላ ሓውዩ መስርሕ ሰላምን ምርግጋእን ሶማልያውያን ከይተዛዘመ፤ ደገፍ ህዝቢ ዘይብሎም ጨፍለቕቲ ውልቀ መለኽቲ ኤርትራን ሱዳንን ሒዝካ ዝፍጠር ቁጠባዊ ምድማር ግብራዊ ናይ ምዃን ዘለዎ ተኽእሎ ኣዝዩ ጸቢብ እዩ። ኣብ ዞባና ቀርኒ ኣፍሪቃ ሃብታማት መራሕቲ መንግስትን ውድባትን ካብኡ ሓሊፉ ናይ ብልሽውና መሻርኽቶም ኣብ ዝብሕትዎ ቁጣባ፤ ንናጻ ዕዳጋ ማዕጾታቶም ክኸፍቱ እዮም ኢልካ ምሕሳብ የዋህነት ጥራይ እዩ ዝኸውን። ሓንቲ ኢድ በይና ከተጣቕዕ ስለ ዘይትኽእል ቀ/ሚ ዶ/ር ኣቢይ ከምቲ ኣብ ውሽጢ ምስ ናይ ቀትሪ ኣዛብእ ክስራሕ ኣይከኣልን እዩ ዝበሎ፤ ምስ ከም በዓል ኢሰያስ ናይ ቀትርን ለይትን ክልተ ሽፍት ኣዛብእ ክሰርሕ ካብ ምፍታን ነቲ ንኢትዮጵያ ኣዘቕቢብዋ ዘሎ ሸቕሊ ኣልቦነት (Unemployment) ምቅላስ ዶ ኣይምሓሾን?      

እንደመር ቀ/ሚ ኣብይ ኣሕመድ ግና ካብ ቁጠባዊ ባህጊ ሓሊፋ ፖለቲካዊ መልክዓት’ውን ክትሕዝ ትረኣይ እያ። ከመይሲ ቀ/ሚ ኣብይ ኣብ መደረታቱ እዚ ንሃገራት ኣፍሪቃ ዝኸፋፍል ዶብ፤ ኤውሮጳውያን ገዛእቲ (Colonizers) ዘተኣታተውዎ ዘይግብራዊ ሕንጻጽ’ዩ ምባሉ ምድንጋራት ክፈጥር ናይ ግድን ይኸውን። ነዚ ሓሳባት ንምርጓድ ተባሂሉ ብቀ/ሚ ኣብይ ዝቐረበ ደሞግራፊካዊ ምትእስሳር ህዝብታት ቦሮና፣ ዓፋር፣ ሶማልያ፣ ኩናማ ወዘተ ግደ ሓቂ ግብራውነት ሕጊ ዓለምናን ዓለማውነትን ዝጥሕስ ናብ መንፈሳዊ ትሕዝቶ ዝኣንፈተ መዓር ቃል ተባሂሉ ክሕለፍ ይከኣል። ዶባት ሃገራት ግደፎ ንዓና ነዞም ብስልጣኔ ድሕሪት ተሪፍና ዘለና ነቶም ብስልጣኔን ሃብትን ገዲፎምና ተመርቂፎም ዘለው ምዕራባውያን ሃገራት እውን እንተኾነ አዝዩ ኣገዳሲ እዩ። ንኣብነት ክኾነና ሃገራት ሕብረት ኤውሮጳ እንተወሲድና ብቑጠባ ተደሚሮም ብዶባቶም ተኸባቢሮም እዮም ዝኸዱ ዘለው። ስለዚ ብቀ/ሚ ኣብይ ዝቐርብ ትንተና ናይ ዶብ ግብራዊ ወይ (Pragmatic) ኣይኮነን። ኣብ ውሽጢ ዓድኻን ቤትካን ዘሎ ሕቶ ናይ ዋንነት መሬትን ሕቶ መንነትን ወልቃይት ጸገዴን ራያን ከይፈታሕካ ብዛዕባ ኣህጉራዊ ዶብ ምምርማር ንቀ/ሚ ዶ/ር ኣቢይ እንተዝጸንሓሉ ይሓይሽ ዝብል ምኽሪ ክልገሰሉ ይግባእ።

እንደመር ቀ/ሚ ኣብይ ኣሕመድ ካልእ ዝተሓላለኸ ስሚዒታት እውን ዘይፈጠረት ኣይኮነትን። እንደመር ነቶም መስፍናዊ ሃጸያዊ ሕልምታት ዘለዎም ተወላዶ ኣምሓራ፡ ነቶም ብቀይ ሽብርን ነጭ ሽብርን ህዝቢ ዝጨፍጨፉ ደርጋውያንን፡ ንኹሎም ተቓወምትን ዋላ ገበነኛታትን ኢዳ ዘርጊሓ ክትቅበል እንከላ፤ ነቶም ምስ ኩሉ ሕጽረታቶም ንዲሞክራሲ ረዚን ዋጋ ዝኸፈሉ ተጋሩን ህወሓትን ግና ብጥበብ እንዳቐንጸልካ ዝመጽእ ምድማር ጊዜያዊ እምበር ቀጻልነት ክህልዎ ኣይክእልን። ብርግጽ መራሕቲ ህወሓት ብብልሽውና ተማራሲሖም ሃብቲ ህዝቢ ኢትዮጵያ ከም ዝዘረፉ ፉሉጥ እኳ እንተኾነ እተን ዕርቅን ሕድገትን ዝብላ ቃላት ነዞም ጎድኒ ጎድኒ ብልሽውና ንኢትዮጵያ ኣብዚ በጺሓቶ ዘላ ምዕባለ ክትበጽሕ ዝገበሩ ትሕተ ቅርጺ ዝሃነጹ፡ ብህዳሴ ግድብ ኣባይ ዝደፈሩ ቅዋማዊ መንግስቲ ዝተኸሉ ተጋሩ የቀን ጅቦች እንዳበልካ ህዝቢ ኣንጻሮም እንዳለዓዓልካስ ምድማር ዶስ ምጉዳል። እዝን ወዲ ኸምዝን ኣደይብካ ኣውሪድካ እዛ እንደመር እትብል ቃል ካብ ዓመት ንላዕሊ መቐረታ ዓቂባ ክትከይድ ዘሎዋ ተኽእሎ ዝማህመነን ዝተሓላለኸን እዩ።

መደምደምታ ንምግባር ቀ/ሚ ኣብይ ተስፋ ዘለዎ በዓል ራእይ ነቶም ዲሞክራስያዊ ስርዓት ክንተክል ዋጋ ዝኸፈልና ኤርትራውያን ተምሳሌት ሕልምናን ባህግናን ኢለ ክገልጾ ይኽእል። ብዝወስዶም ዘሎ ተባዓት ስጉምትታትን ንሰላምን ፍቕርን ዘለዎ ሰናይ ትምኒትን ክድነቕ ይግባእ። ቀ/ሚ ኣብይ ስሚዒታውያን ትምኒታት ከየብዝሐ ግብራውያን ሸቶታት ከድህብን ከቐድምን ይግባእ። ነዚ ንደመር ዝብል ቃል ምስ ኤርትራ ንሕበር ዝመሰሎም ኢትዮጵያውያን እቲ ናይ ቀደም ድንበራችን ቀይ ባህራችን ዝብል ናይ ኣቦታቶም ጃና ከይደገሶም ከሎ ግልጺ እንተዝዛረብ ንሶም ኣይመቦሃቑን ንሕና’ውን ጉዳይ ኢሰያስና ምገበርና።

(ይቕጽል)

ሰለሙን ገብረእየሱስ

ኦክላንድ ካሊፎርንያ

ONE NATION ERITREA

ህወሓት ማለት ብርግጽ ህዝቢ ትግራይ ማለት ኣይኮነን። የግዳስ ህወሓት ሰፊሕ ደገፍ ዘለዎ መሪሕ ህዝቢ ትግራይ ምዃኑ ክፍለጥ ይግባእ። ንህወሓት ፈሊኻ ምውቃዕ ድማ ፈጺሙ ዘይሕሰብ እዩ።                

  

Tuesday, 03 July 2018 14:09

US Ambassador to Ethiopia confirms: America is a guarantor of peace agreement with Eritrea

Written by
July 2, 2018 Ethiopia, News

The status the USA has in relation to the Algiers Agreement that ended the Ethiopia – Eritrea war (1998 – 2000) may sound like an academic question: it is not.

Michael RaynorIf the US was merely an observer, then it has no formal responsibility to uphold the agreement. If it was a guarantor, then it does. Previously there has been uncertainty about this.

Now Ambassador Mike Raynor has confirmed that America is a guarantor.

In a wide-ranging and interesting interview with the Addis Standard the Ambassador has much to say, including this reply to a question about the role the US will play in supporting the developing reconciliation between Ethiopia and Eritrea:

Well, we have said to both parties, and publicly, and continue to say that we are available to play that role. Back in the day of the Algiers Agreement the United States was formally a guarantor; we had a structural role established at the point that the agreement was made. We have encouraged this outcome for sometime with both governments and in doing so we have said ‘If you collaboratively feel there is a role that the US can constructively play, we’ll do everything we can to support that’. We have not been asked in any form or way to play any sort of role in that process. But if we are, we would look very strongly at doing everything we can to respond favorably.

Ambassador Raynor also added weight to suggestions that the US encouraged talks between Ethiopia and Eritrea for some months, including reports that a meeting was held at the State Department in Washington attended by Eritrean Foreign Minister Osman Saleh and President Isaias’s advisor, Yemane Gebreab. The meeting was reportedly attended by former Ethiopian prime minister, Hailemariam Desalegn and chaired by Donald Yamamoto.

The Ambassador said: “…we’ve had engagements with both countries for a number of months now encouraging this outcome. That predates Prime Minister Abiy, but certainly includes the time and period he came to power.”

Full interview follows

Monday, 02 July 2018 23:01

መግለጺ ፈጻሚ ሽማግለ ሰዲህኤ ኣብ ህልዊ ኩነታት ከባቢናን ጻውዒት ንደንበ ተቓውሞን

Written by
መግለጺ ፈጻሚ ሽማግለ ሰዲህኤ ኣብ ህልዊ ኩነታት ከባቢናን ጻውዒት ንደንበ ተቓውሞን

ፈጻሚ ሽማግለ ሰልፊ ዲሞክራሲ ህዝቢ ኤርትራ (ሰዲህኤ) ኣብዚ መመሊሱ ዝጐሃሃር ዘሎን ጽልዋኡ ካብ ኤርትራን ኢትዮጵያን ሓሊፉ ኣብ ከባቢና ከንጸባርቕ ዝኽእል ምዕብልናታት ዓሚቝ ገምጋም ኣካይዱ። ነዚ ኣወንታዊ ምዕብልናታት ኢትዮጵያ ኣመልኪቱ ስሩዕ ኣኼባ ፈጻሚ ሽማግለ ብ27 ግንቦት ሚዛናቱ ከም ዘንበረሉን፣ ብ24 ሰነ 2018  ከኣ ኣቦ መንበር ሰዲህኤ ዝርዝራዊ መግለጺ ናብ ህዝቢ ከም ዘመሓላለፈ ዝዝከር ኢዩ።

 

 

ብምቕጻል፡ ፈጻሚ ሽማግለ ሰዲህኤ ተወሳኺ ገምጋማት ድሕሪ ምክያድ፡ ኣብቲ ዝኸይድ ዘሎ ምዕብልናታት ሚዛኑ እናን'በረ፡ ብወገን ተቓውሞ ኤርትራ እውን ክግበር ኣሎዎ ንዝብሉ ርእይቶን  ጻውዒትን ዝወሰኸ ህጹጽ መግለጺ ከውጽእ ኣድላይ ምዃኑ ርእዩ።

ፈጻሚ ሽማግለ  እቲ ኣብ መንጎ ኤርትራን ኢትዮጵያን ንነዊሕ ዓመታት ዝጸንሐ ኩነታት “ኣይውግእ ኣይሰላም “ በቲ ኣህጉራዊ ኮሚሽን ዶብ ኤርትራን ኢትዮጵያን ዝሃቦ ቀያድን ናይ መወዳእታን  ብይን መሰረት ክትግበር ክጽውዕን ክጽዕርን ከም ዝጸንሐ ብምዝካር፡ ብወገን መንግስቲ ኢትዮጵያ ኣብዚ ቀረባ ንዝተራእየ ካብቲ ደውታ ናይ ምውጻእ ቅሩብነት መጎሱ ገሊጹ።

ስርዓት ውልቀ-መላኺ ኢሳያስ ኣፈወርቅን መሳርሒኡ ዝኾነ ንኡስ ጒጅለ ህግደፍን፡ ብናይ ዶብ ሕቶ ምስምስ ንተቓላሳይ ህዝቢ ኤርትራ ግዝኣት-ሕግን መባእታዊ መሰላትን ከሊኦም ኣብቲ ሕጂ በጺሕዎ ዘሎ ሕማቕ ሃለዋት ክሸምዎ ብፍጹም ምኽኑይ ኣይነበረን። ብመሰረት ናይ ኣልጀርስ ስምምዕ፡ እቲ ኮሚሽን ዶብ ይግባይ ዘየፍቅድ ናይ መወዳእታን ቀያድን ፍርዲ ድሕሪ ምሃቡ፡ ክልቲኤን ሃገራት ብሓገዝ ክኢላታት ኣቢለን ኣብ ዝቐልጠፈ ናይ ዶብ  ምጥራር/ዲማርከሽን መስርሕ ክኣትዋ ኢዩ ነይሩ። እዚ ግን ብወገን መንግስቲ ኢትዮጵያ ቅድሚ ምጅማር መስርሕ ናይ ዶብ ምጥራር ዘተ ብምሕታታ እቲ ጒዳይ ከይተዓወተ ተሪፉ። ግንከ ድሕሪ 16 ዓመት'ውን ይኹን፡ ብወገን መንግስቲ ኢትዮጵያ ነቲ ውሳኔ ብምልኡ ተቐቢሉ ኣብ ግብሪ ንምውዓሉ ዘየወላውል ድልውነት ምግላጹ፡ ንዞባና ሰላምን ቅሳነትን ክህብ ተስፋ ዝንበረሉ ስጒምቲ ኢዩ። 

ግንከ ስርዓት ውልቀ-መላኺ ኤርትራ፡ ነቲ "ዶብ ከይተሓንጸጸ..." እናበለ ክፍክሮ ንዝጸንሐ ዕሽሽ ኢሉ፣ ከምኡ'ውን ናይቲ እተጠቕሰ ሰናይ ተበግሶ ኢትዮጵያ ትርጉምን ኣተገባብራን ብግቡእ ከይተነጸረ፣ እሞ ከኣ ጒዳይ ስምምዕ ኣልጀርስን እቲ ውሳኔ ዶብን ዝምልከቶም ኣካላት ዘይብሉ፡... ንኹሉ ጠንጢኑ ህዝብናን ሕብረተሰብ ዓለምን ብዘይተጸበዮ ናህርን ቅልጣፈን ዳርጋ ንመስርሕ ምሕንጻጽ ዶብ ዝረሰዓ ብዝመስል መልክዑ ናብ ኣዲስ ኣበባ ልኡኽ ልኢኹ። እዚ ከኣ ካብ ቅድም’ውን ንመንግስቲ ኤርትራ ዝዓጦ፡ ጉዳይ ልኡላውነት ከም ዘይነበረን ጠንቂ’ቲ ብርሰት ዘኸተለ ውግእ ጉዳይ ዶብ ከምዝይኮነን መመሊሱ ዝበርህ ዘሎ እዩ ዝመስል። በዚ ኣጋጣሚ ኣካይዳ መንግስቲ ኤርትራ ንልኡላውነት ሃገርና ኣብ ሓደጋ ዘእቱ ከይከውን ስግኣትና ልዑል ምዃኑ ንገልጽ።

ኣብ ዶባት ኤርትራን ኢትዮጵያን ቅድሚ ናጽነት ዝጀመረ ጸገማት ከም ዝነበረ ኣይከሓድን። ድሕሪ ናጽነት ክፍታሕ ይከኣል ነይሩ፣ እቲ ጸገም ሸለል ተባሂሉ ክሳዕ 1998 ምጽንሑ ከኣ ዓቢ ጌጋ ነይሩ። ሎሚ እዚ ንሃገርናን ህዝብናን ኣንጠልጢልዎም ዘሎ ናይ ዳግመ-ጥልመት ሓደጋ ንዝተወሰነ ውድብ ወይ ክፍሊ ሕብረተሰብ ኤርትራ ጥራይ ዝምልከት ዘይኮነ፡ ንኹልና ሓይልታት ለውጥን በሃግቲ ሰላምን ዘሻቕል ከም ዝኾነ ንርዳእ። ስለዝ ነዚ ሓደጋ ንምምካት ኣብ ቅድሚ ኩልና ኤርትራዊ ፖለቲካዊ ውዳበታት፡ ሲቪላዊ ማሕበራትን ግዱሳት ዜጋታትን ዝምልከት እዩ። በዚ መሰረት ከም መቐጸልታ ናይቲ ቅድሚ ሕጂ ከነቕርቦ ዝጸናሕና ናይ “ብሓባር ንስራሕ” እማመ ሕጂ እውን ነዚ ህልዊ ኩነታት ንምብዳህን ሃገርናን ህዝብናን ካብ ሓደጋ ንምድሓንን ብቕልጡፍ ተራኺብና መፍትሒ ንክንረክብ  ሰልፊ ዲሞክራሲ ህዝቢ ኤርትራ ኣዝዩ ህጹጽ መጸዋዕታ የቕርብ።

መላእ ህዝቢ ኤርትራ ደገፍቲ ጉጅለ ህግደፍ እውን ከይተረፉ፡ እቲ ብናይ ዶብ ምኽንያት ንደቅኻ ኮነ ኩሉ መነባብሮኻ ጀሆ ሒዙ፡ ንኹሉ መሰረታዊ ሕቶታትካ ብናይ ዶብ ኩነታት ኣመሳሚሱ ሓንጊዱ ዝጸንሐ ጉጅለ ህግደፍ ሃንደበት ናብ ኣዲስ ኣበባ ምኻዱ ከም ዝደንጸወካ ተገንዚብና ኣለና። እቲ ሰላም ናይ ክልቲኡ ህዝብታት ኤርትራን ኢትዮጵያን ንደልዮ ጥራይ ዘይኮነ ክንቃለሰሉ ዝጸናሕና እዩ። እንተኾነ ወዮ ኣሸሓት መንእሰያት ዝሓለፍሉ፡ ብዙሓት ቤተሰብ ዝተመዛበልሉን ምግማቱ ዘጸግም ንብረት ዝዓነወሉን ከቢድ በሰላ ውግእ ደኣ “መዓስን ኣበይን ተዘትይሉ ተፈቲሑ?”  እዩ ናብዚ ዝተዓዘብናዮ ወዛሕዛሕ ተበጺሑ? ዝብል ሕቶ ከም ዘሕድረልካ ፍሉጥ እዩ። እዚ ኩነታት ምናልባት እውን ጉዳይና ብዘይፈለጥናዮ ናይ ካልኦት ኢድ ኣትይዎ ንሉኡላውነትና ኣብ ዋጋ ዕዳጋ ናብ ዘውርድ ኣቕጣጫ ይኸይድ ከይህሉ ተገንዚብካ ኣንጻርቲ ሸርሕታት ዝተሓወሶ ዝመስል ኣካይዳ ህግደፍ ክትለዓል ንጽወዓካ። ህግዲፍ ተሓቢእሉ ዝጸንሐ ተቐሊዑ ስለ ዘሎ ደጊም ካልእ መሕብኢ ምስምስ ክምህዝ ዕድል ክንህቦ ኣይግባእን። ጉዳይና ምስ ኢትዮጵያ ዘሎ ጸገም ብምፍታሕ ዝድቅስ ዘይኮነ እቲ ቀንዲ ጉዳይና ዜቤታዊ ሕቶ ሰላም፡ ልምዓትን ዲሞክራስን ምዃኑ ከኣ ክትዝንግዕ ኣይግበኣካን። ሓይልታት ምክልኻልን ካልኦት ውዱባት ኤርትርውያንን እውን ኣብ ጐድኒ ህዝቦም ክስለፉ ንጽወዖም።

እቲ ብቐዳማይ ሚኒስተር ዶ/ር ኣብይ ኣሕመድ ዝምራሕ መንግስቲ ኢትዮጵያ፡ በቲ ጉዳይ ዶብ ኤርትራን ኢትዮጵያን ኣብ መዓርፎኡ ንምብጻሕ ዝወሰዶ ተበግሶን ዘርኣዮ ቅሩብነትን ምስቲ ንዓመታት ዝተቓለስናሉ ኣተሓሕዛ ዝሰማማዕ ስለ ዝኾነ፡ ናእዳና ንገልጽ። በዚ ኣጋጣሚ ከኣ እቲ ስጉምቲ ንክልቲኡ ህዝብታት ብማዕረ ዘርብሕ ምዃኑ ንኣምን። ኣብዚ እዋንዚ ህልዊ ኩነታት ኤርትራ ምስ ናይ ኢትዮጵያ ክወዳደር እንከሎ፡ ኣብ ኣዝዩ ከቢድ ጭቆናን ዓፈናን ዘሎ ምዃኑ ዝፈልጦ እኳ እንተዀነ ደጊምና ከነዘኻኽሮ ግን ሓላፍነትና ኢዩ። እቲ ኣብ ኢትዮጵያ ክረጋገጽ ዝውጥኖ ዘሎ ዲሞክራሲ ንህዝቢ ኤርትራውን ይነፍጎ እዩ ዝብል እምነት ከኣ የብልናን። ስለዚ እቲ ምስኡ ክመሓዞ ዝደናደን ዘሎ ጉጅለ ህግዲፍ ምስ ህዝቢ ኤርትራ ዘይተዓርቀን ኣዝዩ መላኺ፡ ጨቋንን ጸረ ህዝብን ምዃኑ ክርዳእን ናይቲ ክግበር ዝድለ ዘሎ ዝምድና ሓደጋን ዘይቀጻልነትን ክርዳእ ነተሓሳስብ። ሕብረተሰብ ዓለም እውን በቲ ኣብ መንጎ ኤርትራን ኢትዮጵያን ዝነፍስ ዘሎ ናይ ሰላም ተስፋ ጥራይ ከይቀሰነ፡ ነቲ ብሰንኪ ህግደፍ ኣብ ልዕሊ ህዝብና ዝወርድ ዘሎ በደል ግቡእ ኣቓልቦ ክገብረሉ ነዘኻኽር።

ሓቢርና ንስራሕ ከነድምዕ፡ ሃቢርና ነድምጽ ከነስምዕ!

ፈጻሚ ሽማግለ ሰዲህኤ

2 ሓምለ 2018

Sunday, 01 July 2018 21:29

ሓደ ህዝቢ ካብ ኮና፡ ስለምንታይ ደኣ ተዋጊእና?

Written by

ህዝቢ ቆጽሊ ዘየውደቐሉ መራሒ ብጉዳይ ሽግር ህዝቢ ብዙሕ ኣይግደስን እዩ። ህዝቢ ይጥመ ይዕረቕ ይሕመም ከሉ ኣይንታዩን እዩ። ምኽንያቱ ኩሉ ግዜ ንሱ ዝደልዮ እምበር ህዝቢ ዝሓቶ ብቕኑዕ ከተግብር ድልዊ ስለዘይኮነ። ስለዚ እንተደለየ ሰላም ክብል እንተደለየ ሓዊ ክጽሕትር ብዙሕ ዘጸግሞ ኣይኮነን። እቲ ህዝቢ ናብታ ስልጣኑ ምእንቲ ከይመጾ በቶም ምስኡ ዝተኣሳሰሩን፥ ንሳቶም ዘፈጠርዎምን ገይሩ ጅሆ ክሕዝ ዘጸግሞ የብሉን። ንህዝቢ ምጽቃጥን ምቁጽጻርን ድማ ቀንዲ መሳሪሒኡ እዩ።

ስርዓት ኢሰያስ እምበኣር ሓደ ካብቶም ንህዝቡ ክንዲ ፍረ ኣድሪ ትኣክል ርህራሀን ሕያውነትን ዘይብሉ ኣርዮስ መራሒ እዩ። ኣብዘን ዝሓለፋ ዕስራን ሸውዓተን ዓመታት ዓመት መጸ ዕስራን ሸውዓተን መደረታት ኣክዪዱ። ኩሉ ዝገበሮ መደረታት ድማ ሓሶት፥ ጥበራን፥ ኣምሰሉነትን እንተዘይኮይኑ ካልእ ንረብሓ ህዝብን ሃገርን ዝገበሮ ከምዘይነበረ ባዕሉ ዝገልጾ እዩ።

ብዝኾነ ግን ግዜ ምስ ኣኸለ ዝኾነ ይኹን ምልካዊ ስርዓት ኣብቲ ዝሕሰሞ ዝነበረ ጉዳይ እዩ ዝኣቱ። እነሀ ድማ ብተግባር ንርእዮ ዘሎና እዩ። ማለት ኢሰያስ ዶብ ከይተሓንጸጸ ፈጺመ ንዘተ ኣይቀርብን እየ ክብል ዓሰርተ ሽዱሽተ ዓመት ኣደናጊሩን ኣመኽንዩ። መንእሰያት ኣብ ጎዳጉዲ ከምዝበልዩ ገይሩ። መወዳእትኡ ግና እታ ስልጣኑ ነቀይነቀይ ክትብል ምስ ጀመረት ነቲ ዝሕሰሞ ዝነበረ ናይ ሰላም መጸዋዕታ ቅድሚ ዶብ ምጥራር ልኡኹ ናብ ኢትዮጵያ ሰዲዱ። ልኡኹ ድማ ሓደ ህዝቢ ኢና፥ ዶብ ኣይክልክለናን፥ ሓደ እዩ ቋንቋና ኢሎም ክምድሩ ከለዉ ነቲ ትማሊ ዝብልዎ ዝነበሩ ይዝክርዎዶ ይኾኑ? ዘብል እዩ።

ሓደ ህዝቢ ካብ ኮና ደኣ ስለምንታይ ተዋጊእና? ኢሉ ህዝቢ ይሓትት ዶኾን ይኸውን። ብርግጽ ክሓትት ይግብኦ። ምኽንያቱ ደም ንጹሃት ደቁ ብኸንቱ ከም ዝፈሰሰ ስለ ዘጉህዮ። ሕጂ እውን እንተኾነ እታ ሰላም ናብ ጥቕሙ ዘይትውዕል እንተኾይና ንራህዋ ህዝቢ ከይሓለየ ገለ ምስምስ ኣምጺኡ ደው ከብላ ከምዝኽእል ርዱእ እዩ። ምኽንያቱ ምልካውያን ዒብ ኣይፈልጡን ኢዮም፥ ሎሚ ዝበልዎ ጽባሕ ክቕይርዎ ኣይሽገሩን ኢዮም።

ልክዕ እዩ ኣብ መንጎ ኤርትራን እትዮጵያን ሰላም ምስዝሰፍን ንኽልቲኡ ህዝብታት መስተርሆ ክኸውን እዩ። ማለት እቲ ህዝቢ ካብን ናብን ክንቀሳቐስን ክነግድን እዩ። ድራር እለቱ ትኸውን ንምርካብ ካብቲ ናይ ስርዓት ኢሰያስ እገዳ ምደሓነ። እንተኾነ መላኺ ስርዓት ኢሰያስ እታ ስልጣኑ እምበር ድሕነት፡ ራህዋን ቅሳነትን ህዝቢ ስለዘይግድሶ ተመሊሱ ነቲ ህዝቢ ጂሆ ክሕዞ ይኽእል እዩ። እዛ ሰላም እንተተግቢራ ድማ ስርዓት ኢሰያስ ብዙሕ ዘሕትቶ ጉዳያት ስለ ዘለዎ ምናልባት ነታ ሰላም ብጎቦ ዓይኑ ክጥምታ ከምዝኽእል ክንግምት ኣሎና።

ሓደ ካብቲ ቀንዲ ብድሆታት “ወያኔ መሬትና ሒዛ እንከላ” እናበለ ንመንእሰይ መወዳእታ ብዘይብሉ ሃገራዊ ኣገልግሎት ድው ምስ ኣበለ፡ ንሰራዊት ከጣይስ ክግደድ እዩ። ኣብዚ እዩ ድማ እቲ ቀንዲ ሽግር ዝፍጠር። ምኽንያቱ እቲ ዝተጣየሰ ሰራዊት ስራሕ ኣልቦ ክኸውን ስለዝኽእል ኢሰይያስ ዓቕሉ ክጸቦ እዩ። ስራሕ ዝሰኣነ መንእሰይ ድማ እንተነፍዐ ህዝባዊ ናዕቢ የካይድ፥ እንተሓመቐ ድማ ዓዱ ራሕሪሑ ይኸይድ።

ብዙሕ ሰብ ኢሰይያስሲ ሰላም ኣይደልን እዩ ይብል። ልክዕ እዩ ምኽንያቱ መለኽቲ ኣብ ሰላም ኣይኮኑን ዝነብሩ። እንታይ ደኣ ህውከት፡ ራዕድን ሽበራን እዩ መሳርሒኦም። ይኹን እምበር ምልኪ እንተስ ብጸቕጢ እንተስ ብኻልእ ክወድቕ ኣብ ዝጅምር መዋጽኦ ክፍትሽ ነታ ዘይደልያ ሰላም ተገዲዱ ክኣትዋ ናይ ግድን እዩ። ሰላም ክበሃል እንከሎ ኢሰይያስ ምስ ተቓውምቲ ይቕረ ተበሃሂሉ ሰላም ከምዘየምጽእ ፍሉጥ እዩ። እታ ሰላም ምናልባት ነቲ ህዝብና ናይ ምንቅስቓስ ዕድል እንተረኺቡ ካብ ዓዱ ወጺኡ ክምለሰላ ዝኽእል ምስ ጎረባብቲ ክልተ ሃገራት እያ ትድለ ዘላ። ስለዚ እታ ሰላም ምስ ምንዋሕ ዕድመ ስልጣኑ ረብሓ ኣለዋዶ የብላን እንተጠሚትዋ’ሞ ዘይተዋጸኦ እንትኮይና ከምዘይቅበላ ርዱእ እዩ።

ሰነድ ሰውራ

ጅግና ገዛኢ ኪዳነ ወዲ ኤረ

ድሃይካ ሰሚዔ ብወረ

ሰሚዖምዶ ስመጃና መደረ
ሓርበኛ ተቓላሳይ ብዓል ስረ
ሃገረይ ክብል ዝመደረ
ንመስል ህዝቡ ዝደኸመ ዝጸዓረ

Published in Community Center
Read more...
Saturday, 30 June 2018 15:13

ሰላም ካብ ቤትካ እዩ ዝጅምር

Written by
ሰላም ካብ ቤትካ እዩ ዝጅምር

ርእሰ-ዓንቀጽ ሰዲህኤ

“”ብደረጃ ፖሊሲ ናይዚ ዘሎ ስርዓት ‘ውን ብግጉይ መንገዲ እናተኣልየ ስለ ዝመጸ፡ ካብ ውግእ ናብ ውግእ፡ ህዝብና ኣብ ናይ “ኣይውግእ ኣይሰላም” ኩነታት ይርከብ ኣሎ ማለት እዩ። ሎሚ ኣብ መንጎ ኤርትራን ኢትዮጵያን ዘሎ ኩነታት ንሱ፡ እቲ “ኣይውግእ ኣይሰላም” እዩ።

ኣህጉራዊ ኮሚስዮን፡ በቲ ክልቲአን ሃገራት ዝኣመናሉ ናይ ዶብ ኩነታት በይንዎ እዩ። እንተኾነ ተበይኑ እምበር ክሕንጸጽ ኣይከኣለን። እቲ ከም ኣውራ ምኽንያት ናይ ዶብ ጐንጺ ውግእ ዝተባህለ ክሳብ ዘይተፈጸመ ከኣ ኣብ ኤርትራ “ኣይውግእ ኣይሰላም” እዩ ክቕጽል።
ኣብ ኤርትራ ዘሎ ስርዓት ኣብ ከምዚ ዝኣመሰለ “ኣይውግእ ኣይሰላም ኩነታት” እዩ ክሕባእ ዝደሊ። ጉዳይ ዶብ ናይ መሬት ክሳራን መኽሰብን ካብ ምዃኑ ንላዕሊ ናይ ሰላም ሕቶ እዩ። ናይ ሰላም ሓላፍነት እዩ። ዶብ ይተሓንጸጽ ክንብል እንከለና ከኣ ናይ ህዝብናን ህዝቢ ኢትዮጵያን ናብ ሰላም መእተዊ ዝኸውን ንምርግጋጽ እምበር፡ መሬት ምኽሳብን ምኽሳርን ከም ቀንዲ ባእታ ዝውሰደሉ ኣይኮነን።

ብርኢቶና ፡ ኣህጉራዊ ኮሚስዮን ወሲኑ እዩ። መሬት ከኣ ከምቲ ኣብ ወረቐት ዝበየኖ ኣብ ባይታ ክሕንጸጽ ኣለዎ። እቲ ዘሕዝን ግና፡ ሎሚ እቲ ዝዓዘዘ ናይ ሰላም ሕቶ ኣብ ዞናና ጐሊሁ እንከሎ፡ ህሉዋት መንግስታት ናይ ሰላም መሓዙት ክኾኑ ኣይበቕዑን። ምእንቲዚ ኣህጉራዊ ሕብረተሰብ ዘድሊ ተራ ክጻወትን ዘድሊ ድፍኢታት ክገብርን ኣለዎ። ክብደት ተጽዕኖታቱ ከረጋግጽ ክኽእል ኣለዎ። ናይ ዶብ ምሕንጻጽ ክረጋገጽ እሞ፡ ናብ ሰላም መእተዊ ዝኸውን ምእንቲ ክፈጥር ክኽእል።”” (እዚ ብ17.12.2005 ዝተሰወአ ሓርበኛ ስዩም ዑቕባምካኤል ሓረስታይ ኣቦ-መንበር ተ.ሓ.ኤ - ሰውራዊ ባይቶ ኣብ ዝነበረሉ ግዜ ኣብ ፈስቲቫል ፍራንክፎርት ካልባኽ ኣብ ወርሒ ነሓሰ 2005 ካብ ዘስመዖ መደረ ዝተወስደ እዩ።)

ከምቲ እትምነዮን እትጭረሓሉን ክትከውን ንክትበቅዕ፡ ቅድሚ ኩሉ ንገዛእ ርእስኻ ነቲ እትደልዮ ብቑዕን ቅሩብን ክትከውን ይግበኣካ። ንስኻ በቲ ክኸውን ዝግበኦ ዘይኮነስ፡ በቲ ክኸውን እትደልዮ ፍኑው መንገዲ እንዳኸድካ ናይቲ ቅኑዕ ውጽኢት ባእታ ክትከውን ኣይከኣልን እዩ። ኣብ ከምዚ ኩነታት ንሓደ ተረኽቦ ክትንእድ ኮነ ክትነቅፍ ካብ ገዛእ ርእስኻ ክትጅምር እንተዘይበቒዕካ ኣብ ውጽኢት ክትበጽሕ ኣይትኽእልን። ካብዚ ሓሊፉ ናትካ ኣቐሚጥካ ንካለኦት እንዳሓመኻ ደገደገ ጥራይ እተመዓዱ እንተኮይንካ፡ ተልእኮኻ ካብ ሓቅን ክውንነትን ካብ ምርሓቕ ሓሊፉ፡ ኣውንታዊ ክኸውን ኣይክእልን እዩ።

ኣብዚ ዝሓለፈ መዓልታት ልኡኽ ጉጅለ ህግደፍ ኣብ ኢትዮጵያ ዘካየዶ ዑደት ብብዙሕ መልከዓቱ ናይቲ ጉጅለ እንታይነት መሊሱ ዘቃለዐ፡ ኣዝዩ ኣዛራቢ ኮይኑ ቀንዩ። ሓደ ካብቲ ኣዘራራቢ ጐድኑ፡ ጉጅለ ህግደፍ ንገዛእ ርእሱ ምስ ህዝቡ ዘይተዓርቐ ጸረ-ሰላም ሓይሊ ክንሱ፡ “ህዝብታት ኤርትራን ኢትዮጵያን ሓደ ህዝቢ እዩ፡ ንደ/ር ኣብይ ኣሕመድ ምቕሉል መራሒ ፈጢሩልና፡ ዶባት ኤርትራን ኢትዮጵያን ትርጉም የብሉን” ዝብል ድምጺ ምስምዑ እዩ። ኩሉ ከም ዝፈልጦን ባዕሉ እቲ ጉጅለን ደገፍቱን እውን ከምዘይስሕትዎ ኣብዚ እዋንዚ ህግደፍን ህዝቢ ኤርትራን ከብድን ሕቖን እዮም። እቲ ዝምድና ክሳብ ክንድዚ ዘይቃዶ ምዃኑ ዝሕተተሉ ከኣ ባዕሉ ጉጅለ ህግደፍ እዩ። ጉጅለ ህግደፍ ምስ ህዝቢ ኤርትራ ዘለዎ ፍልልይ ብፍላይ ኣብዚ እዋንዚ ኣብ ዘይዕረቕ ደረጃ ዝበጸሐ ምዃኑ ፍሉጥ እዩ። ዋላኳ እቲ ጉጅለ ርእዩ ከምዘይረኣየ ክሰግሮ ዝደሊ እንተኾነ ህዝቢ ኤርትራ ግና ኣብ ህግደፍ ቅዩም ከምዘሎ ብብዙሕ ኣገባባት ዓው ኢሉ ዝገልጾ ዘሎ እዩ። ገደብ ዘየብሉ ስደት ኤርትርውያን ከኣ ናይዚ መርኣያ እዩ።

ጉጅለ ህግደፍ ግና ነዚ ክትሓብኦ እንተደለኻውን ክሕባእ ዘይክእል፡ ምስ ህዝቢ ኤርትራ ዘለዎ ጽልእን ቅርሕንትን ከዊሉ ደላይ ሰላም መሲሉ ንምቕራብ ልኡኹ ኣብ ኢትዮጵያ ወዛሕዛሕ ክብል ቀንዩ። ብእምንቶና ጉጅለ ህግደፍ ቅድሚ ምስ መንግስቲ ኢትዮጵያ ምስ ህዝቢ ኤርትራ ክዕረቕ መተገብኦ። ቅድሚቲ ኣብ ልዒኡ ተነቢሩ ዘሎ ንውሽጣዊ ኤርትራዊ ኩነታት ኣብ ግምት ዘየእተወ ማዕቀብ ክለዓለሉ ንሕብረተሰብ ዓለም ምምሕጻኑ፡ ንሱ ኣብ ልዕሊ ህዝቢ ኤርትራ ጽዒንዎ ዘሎ በብመልክዑ ዝግለጽ ሰ ዘይብል ማዕቀብ ከልዕሎ መተገብኦ። ብዛዕባቲ “ ከም ጠንቂ ውግእን ዓንቃፊ ዘቤታዊ ፖለቲካዊ መስርሕን መሲሉ ክጥቀስ ዝጸንሐ፡ ናይ ኣሸሓት መንእሰያት ህይወት ዝበለዐ፡ እሞ ብኣህጉራዊ ኮሚስዮን ዝተወሰነ ጉዳይ ዶብ ደኣ ናበይ ኣበለ?” ናብ ዝብል ባሕሪ እንተኣቲና ከኣ ብዙሕ ከም ዘዛርበና ፍሉጥ እዩ። እንተኾነ ሓደ እዋን “ካብ ባድመ ወጻእና ማለት ጸሓይ ዳግማይ ኣይክትበርቕን እያ” ዝብል ዝነበረ ምኩሕ ጉጅለ፡ ሎሚ ነቲ “መሬት ኣብ ባይታ ከይተሓንጸጸ ልኡላውነትና ተደፊሩ እንከሎ ኣይንዛተን ኢና” ዝብሎ ዝነበረ እንተዘይዘከሮ ዘተዓዛዝብ እምበር ሓድሽ ጥልመት ኣይከውንን እዩ።

ጉጅለ ህግደፍ ብኸምዚ ንዕዘቦ ዘለና ሸንኮለል እንተበለ ጉዳይ ህዝቢ ራሕሪሑ ስራሑ ይሰርሕ ከምዘሎ ክንርዳእ ይግበኣና። ብዘይፍላጥ ዘይኮነ ንድሌታትን መሰላትን ህዝቢ ኤርትራ ኣብ ግምት ኣብ ዘየእተወ ወፍሪ ከም ዘሎ ነስተብህል። ቀንዲ ዕማምና ክኸውን ዝግበኦ ከኣ በቲ ናቱ ጭንጭረዓብደ ምስንባድን ምግራምን ዘይኮነ ሎሚ’ውን ክንሰርሖ ዝግበኣና ክንሰርሕ ምብቃዕ እዩ። ከም ናይ ለውጢ ሓይልታት፡ ናይ ክሳብ ሕጂ ኣካይዳና ትሕቲ ትጽቢት ህዝቢ ኤርትራ ምንባሩ ክንእመን ይግበኣና። ህዝቢ ኤርትራ ደጊም እቲ ጉጅለ ዘዝመተረልካ ምብላዕ ገዲፍካ ንባህግታትካ ንዘይምጥን ብብደዐ ዝተላዕጠጠ ኣካይዳ ህግደፍ ዝብድህ ናይ ሓሳብ ቀንዴል ከተልዕል ይግበኣካ። ንስኻ ደድሕሪ ህግደፍ እንዳኸድካ ካልእ ኣካል ካብ ጭቆና ህግደፍ ናጻ ከውጸኣካን ክብርኻ ክሕልወልካን ኣይትጽበ።
ቀዳማይ ሚኒስተር ኢትዮጵያ ዶ/ር ኣብይ ኣሕመድ ንኣቶ ኢሳይያስ ዘለዎም ክብሪ ንምግላጽ ንልኡኹ ተቐቢሎም፡ ህያብ ክሳብ ምልኣኽ ምብጸሖም ተዓዚብና ኣለና። ግርም ወዮ ቀንዲ ዕላማና፡ ሰላምን ስኒትን እናሃለወ ሕማቕ ገይሮም ኣይንብልን። እንተኾነ ከምቲ ባዕሎም ኣብ መንጎ ሓደ ውድብ ወይ ሰልፍን ህዝብን ዘሎ ዝምድና ክገልጹ እንከለዉ ዝሰማዕናዮም፡ ምስ ልኡኽ ህግደፍ ወኻዕካዕ ክብሉ እንከለዉ ምስቲ ሰላም፡ ልምዓትን ዲሞክራስን ሓሪምዎ ኣብ ዓሚቕ ጭንቂ ዘሎ ህዝብና ዝተዓረቑ ዘለዉ ኮይኑ ከይመስሎም ሓደራ ንብሎም። ምኽንያቱ ልኡኽ ጉጅለ ህግደፍ ንሓቀኛ ትጽቢት ህዝቢ ኤርትራ ስለ ዘይውክል። በዚ ኣጋጣሚ እቲ ንህዝቢ ኢትዮጵያ ዝብህግሉ ቅሳነት፡ ሰላምን ምኽባር ኩሉ መሰላትን ንህዝቢ ኤርትራ እውን ከይነፍግዎ ከኣ ነተሓሳስቦም።

http://harnnet.org/index.php/epdp-radio-video/item/4756-2018-06-28-11-08-37

Published in EPDP Editorial
Read more...
Friday, 29 June 2018 11:00

EU must address criminalisation of refugees and impunity of human trafficking

Written by

 

by Martin Plaut

                               Press release         

Addressing criminalisation of refugees and impunity of human trafficking

Brussels, 28 June 2018

As EU leaders are meeting in Brussels to discuss migration, experts denounced current EU migration policy as ineffective in tackling human trafficking and undermining migrant and refugee rights. A public hearing took place in the European Parliament today on the impact of EU external action in the Horn of Africa and addressing the criminalisation of refugees and impunity of human trafficking.

The event was hosted by the GUE/NGL group of Parliamentarians. The speakers emphasised the importance of protection in the region, addressing human trafficking at the highest level and to the source. The experts denounced the cooperation on migration of the EU with governments who are involved in human trafficking. The meeting took place as the European Council met on migration in Brussels.

The meeting was opened by Member of the European Parliament, Marie-Christine Vergiat. “The situation in the Horn of Africa is particularly dramatic.” Ms. Vergiat stated. “The Khartoum process has worsened the situation of migrants in that area of the world and this is particularly true in Sudan and Eritrea.”

Speaker Makeda Saba warned of the consequences of current cooperation programmes with regimes in the Horn of Africa, including those accused of crimes against humanity, such as Eritrea. Currently, there are three international NGOs working in Eritrea, VITA, Norwegian Refugee Council (NRC) and Finn Church Aid (FCA). According to Saba, these organisations do harm by collaborating with the Eritrean regime, accused of committing crimes against humanity, including slave labour.

According to Saba, these NGOs are dependent upon the favour of operating in the country by the highest level of the regime: “These NGOs operate without legal basis or rule of law. They are not able to be independent and impartial. They strengthen the oppressive institutions of the government, including the militarised education system. They cannot operate without using and legitimising forced labour. They are not helping the people of Eritrea”

Sara Prestianni from ARCI Immigrazione spoke about the situation in Sudan and the Khartoum process, stating: “Omar al-Bashir has everything to gain from cooperation with the EU so he can brush up on his image. He is taking ownership of this collaboration to once again play a central role in the international arena. […] The Rapid Support Forces operate to now at the border in Eastern Sudan. Who knows what crimes are being committed?”

Christian Jakob, journalist at the German Tagezeitung, has extensively investigated the effect of the externalisation of Europe’s borders in Africa: “In countries like Eritrea and Sudan, it is very easy for the EU to get what they want because there is no one from civil society who can question it.”

Meron Estefanos, Eritrean-Swedish journalist, covered the situation of human trafficking in Libya, victimising many through human rights abuses, torture and extortion: “Libyan officials are extorting money from people who are intercepted on the sea and sent back. […] Even from within the legal detention, refugees are sold for labour and other illicit purposes.”

Prof. Mirjam van Reisen covered the overall effect of EU policies, communication strategies and the lack of protection for refugees in the region. The policies are irregularising even those that have already integrated or have a legitimate asylum claim.

“The system is irregularising people that we know we previously integrated or are legitimate asylum seekers. […] This is against international law and it is immoral. But most of all, it does not work and cannot work.” Prof. van Reisen continued: “People who have already experienced so much cruelty are chased across the region. Highly traumatised people remain in a mode of fleeing. That really works to the benefit of the human trafficking networks – they thrive on fear.” She argues that human trafficking has to be addressed at the top level: “The big money of human trafficking is made at the top. The top traffickers should be held responsible before anybody else.” She said.

“We need to move to a policy where we 1) respect international law, 2) use our resources to create places of protection and care and 3) where we persecute those responsible for human trafficking at the top of the networks.”

Three documentary excerpts showed at the public hearing gave striking images of the tragedy.

The documentary ‘It will be chaos’ showed up close the tragedy for Eritrean refugees at Lampadusa, 2013. Such tragedies still occur frequently in the Mediterranean Sea. The ARTE documentary ‘Türsteher Europas’ covered the situation in the Horn of Africa, where EU cooperation is contributing to unseen deaths in the desert. The final excerpt of the Swedish SVT documentary ‘Hunt for the General’ shows how refugees become victims of action against human trafficking, while the top people continue to be involved with impunity.

Martin Plaut | June 29, 2018 at 7:47 am | Categories: Uncategorized | URL: https://wp.me/p9mKWT-gM

Friday, 29 June 2018 10:51

Leaders of Ethiopia and Eritrea to meet soon in bid for peace – media report

Written by

 

by Martin Plaut

Reuters Aaron Maasho

 ADDIS ABABA (Reuters) - Ethiopia’s prime minister will meet the Eritrean president soon as the once-warring nations try to resolve one of Africa’s most intractable military stand-offs, Ethiopian state-affiliated media said, citing the foreign minister.

 

A high-level Eritrean delegation arrived in the Ethiopian capital city Addis Ababa on Tuesday for the first time since the two countries fought between 1998 and 2000 over their disputed border, with diplomatic relations broken off ever since.

Ethiopian leader Abiy Ahmed said this month he would honor all the terms of a peace deal, suggesting he might be ready to settle the border dispute.

After Tuesday’s meeting, Eritrean Foreign Minister Osman Saleh said the former foes “have opened the door of peace” whilst Abiy said he hoped the dispute would end with this generation and reiterated his willingness to transfer territory.

Eritrean President Isaias Afwerki had welcomed Ethiopia’s “positive messages” earlier this month and decided to send the delegation, which included his adviser Yemane Gebreab and his envoy to the African Union. They returned on Thursday.

The border war between the long-time foes killed some 80,000 people and the sides remain at odds over the status of the frontier town of Badme. The border remains militarized.

Abiy has sent a letter to President Isaias, Ethiopia’s Fana media said, without detailing the content.

Martin Plaut | June 29, 2018 at 8:01 am | Categories: Uncategorized | URL: https://wp.me/p9mKWT-gQ

Friday, 29 June 2018 10:48

Official permanent ceasefire document signed by South Sudanese leaders

Written by

 

by Martin Plaut

Khartoum S Sudan

The president of South Sudan and his former vice president signed a peace deal on Wednesday 27 July in a bid to end their country’s protracted civil war.

The rivals — President Salva Kiir and former Vice President Riek Machar, who leads the largest rebel group fighting the government — met for the first time in two years last week. The civil war has lasted for more than four years and has plunged South Sudan, the world’s youngest country, into a humanitarian crisis.

Despite the agreement, signed in neighboring Sudan, many worry that a lasting resolution to the conflict is still a long way off. Peace deals signed by both leaders have fallen apart in the past, and the war now involves numerous smaller parties. Just two years ago, the pair struck a similar agreement that soon unraveled.

Here is the official document signed by all concerned. Khartoum Declaration

Martin Plaut | 28/06/2018 at 12:58 pm | Tags: Ceasefire, Khartoum Declaration, peace, South Sudan | Categories: Africa, South Sudan | URL: https://wp.me/p1OD48-3D0

Page 385 of 629