The Europe-zone administrative committee of the EPDP Women's Affairs Office on 21 October 2017 held its first meeting called by deputy head of the office, Ms Alganesh Yisahaq, who warmly welcomed and congratulated Ms Adiam Teffera for obtaining the confidence of the Central Council to lead the office.

This was the first meeting the administrative committee held since the conclusion of the 8th regular meeting of the party's Central Council last month. Ms Alganesh Yacob, member of the Europe zone for the office explained in great detail the situation in the zone and the office's past activities and challenges in Europe.

The meeting discussed the new work plan Ms Adiam presented for the year ahead, and agreed on time frame within which all EPDP women's groups within the various party  branches and zones could meet and enrich the work plan for effective implementation.   

It is to be recalled that the Women's Affairs Office has been one of the nine executive offices of the EPDP since a long time.  Ms Eritra Alazar has been its committed head for the past eight years. 

Also to be recalled is that the second EPDP Congress held in the summer of 2015 elected a leadership which consisted of five women activists in the party.

ሓደ ሕብረተሰብ ሃገሩን ኣብኣ ዝነብር ህዝብን ብሓባር ኮይኖም፡ ዝመጾም ሽግር ኣብ ምፍታሕ ስምረት ክህልዎ ከምዝደሊ ርዱእ እዩ። ምኽንያቱ ስምረት እንተዘይብልካ ነቲ ሓባራዊ ዕማም ንምትግባር ኣብ ስምምዕ ክትበጽሕ ዓቐበትን ቁልቁለትን ዘለዎ ጸድፊ እዩ ዝኸውን። ከምኡ እውን ሓድሕድ ምድምማጽ ይጠፍእ እሞ እቲ ዝተኣሳስረካ ፈትሊ ሃገራዊ መንነትን ታሪኽን ይበጣጠስ። ኣብ ከምዚ ዝኣመሰለ ጥምረት ዘይብሉ ሕብረተሰብ ነፍሲ ወከፍ ንሓባራዊ ረብሓ ኣብ ክንዲ ዝጥምት ኣብ ናይ ውልቁ፡ ጉጅልኡ፥ ወይ’ውን ቀቢላኡ እዩ ዝያዳ ዘድህብ። ከይዱ ከይዱ ከኣ ኣብ ምፍልላይን ምውንጃልን ኣትዩ ናብ ምፍልጫል ገጹ ይጎዓዝ።

መንቀሊ ምፍንጫል ብመሰረቱ ውልቃዊ ወይ እውን ጉጅላዊ ሓሳብ ምስቲ ናይ ካልእ ሓሳብ ክጠዓዓም ኣብ ዘይክእለሉ ፖለቲካዊ ቅልውላው ዝብገስ እዩ። ከምዚ ዝዓይነቱ ምፍልላይ ነቲ ናትካ ርእይቶ ምስቲ ናይ ካልእ ርእይቶ ምውህሃድ ገዲፍካ፥ ነቲ ናትካ ርእይቶ ልዕሊ እቲ ካልኦት ዝተሰማምዑሉ ርእይቶ ከበርኽ ኢሉ ዝህቅኖ ምስ ዘይዕወት ዝኽሰት እዩ። እዚ ከኣ ፈቲና ጸሊእና ነቲ ሕጊ ዲሞክራሲ ዝጠልቦ ክትቅበል ዘይምብቃዕ ዘመልክት እዩ። እቲ ጠለብ ተጻዋርነት፥ ኣብ ምፍታሕ እቲ ግርጭት እጃምካ ምብርካት፥ ሓድሕድ ምክብባርን ምድማጽን፥ ሕድገታት ምግባርን፥ ምእዙዝነትን ዘጠቓልል እዩ። ካብዚ ወጻኢ ናተይ ጥራሕ ትኹን ዝዓይነቱ ሙጉት ባህሪ ናይ ዲሞክራሲያዊ ባእታ ኣይኮነን።

“ናተይ ቅብልቲ እንተዘይኮነት” ኣብ ዝብል ምድራቕ፡ ኣብ ምንፍፋግ፥ ምቅንጻል፥ ጸለመን፥ ሓቂ ምድፋንን ትዋፈር እሞ እቲ ስዒቡ ዝመጽእ ውጽኢት ምፍንጫል ይኸውን። እዚ በዚ ይኹን በቲ ዝተፈላለየ ልፍንትታት ብምፍጣር ናይ ዓብላልነት ርእይቶኻ ንምርጓድ ኣጀንዳ ብምሓዝ ንመሰረታዊ ሽግራት ፍታሕ ንምግባር ኣዝዩ ኣጸጋሚ ይኸውን። ናብ ምፍንጫል ገጽካ ክትጎዓዝ እንከሎኻ ኣቐዲሙ ዝመጽእ ዘረሓሕቕ ጽልኢ ነቲ ናትካ ርእይቶ ብዘዕዉት ኣገባብ ክትውንጭፍ ላዕልን ታሕትን ትብል።   

ምፍንጫል ኩልና ከም ንርደኦ ናይቲ ዝተጋገየ ሸነኽ ኣነ ተጋጊየ ነይረ ዘይምባል፥ ወይ እውን ነቲ ዝበዝሐ ዘሰማምዓካ ርዒምካ ዘይምኻድ ዘስዕቦ ጠንቂ እዩ።  ካብ ኩሉ ዝገደደ ከእ ነቲ ዝተመስረተ ሃገራዊ ምትእስሳር በታቲኹ ነቲ ምእንቲ እዛ ሃገር ዝተኸፍለ ዋጋ እውን ዘህስስ ይኸውን። ከምኡ እውን ነቲ ዲሞክራሲያዊ ትካላት ኣልሚሱ፥ ዲሞክራሲያዊ መትከላት ንኸይጥጥዕ ዓብይ ሽግር ይፈጥር።  ኣብ መወዳእትኡ ከኣ ውጽኢቱ “ከምዚ እዩ ክኸውን ዝኽእል” ኣብ ዘይትብለሉ ጥፍኣት ይነቑተካ።

ኣብ ከምዚ ህሞት እቲ መላእ ህዝቢ ነቲ ዝኸይድ ፖለቲካውን ሓርነታውን ቃልሲ ንኸስተብህልን ክዋሳእን ሸውሃቱ ስለዝዓጽዎ ንድሌታት ህዝቢ ዘየማልእ ምዃኑ ይመዝኖ። ምፍንጫል ብዙሕ ሃስያታት ዘስዕብ ምዃኑ እናተፈልጠ፡ ገለ ወገናት “ናተይ መገዲ ወይ እቲ ሰፊህ ጎደና” ዝብል መጻብቦ ይስዕብዎ። ኣብ ክመዚ ኩነታት ንኹሉ ዝሓቊፍ ኣሳታፊ ለውጢ ንኽዕወት ከቢድ እዩ። ኣብ ከምዚ ህሞት  ነቲ ዝነበረ ቃልሲ ብኣጉል ፍልስፍናታት ሓቂ ደፊንካ ከምዚ ተገብረን ተፈጥረን ዝብል መናፍሕ ብምንዛሕ ኣጀንዳኻ ንኸዕውት እምበር፥ ተመሊስካ ጨፍለቕን ወጻዕን ምዃን ቅቡል ኣይኮነን። ምክንያቱ ውጽኢት ናይቶም ብሓይልን ዓመጽን ይኹን ብምክፋእን ጸለመን ዝብገሱ ሓይልታት ክልቲኡ ዕንወት ስለዝኾነ። ብትምክሕትን ጽበትን ዝተላዕጠጠ ወፈራ ከኣ ግርጭታት ኣልዩ ማሕበራዊ ፍትሒ ይኹን ቅኑዕ ምሕደራ ክምስርት ኣይበቅዕን እዩ። እቲ ምንታይ እቲ ንምፍንጫል ዝጥቀመሉ ምስምስ ካብ ሓቂ ርሒቑ ንጉጅለኣዊ ስምዒት እምበር ንኹሉ ዝሓቁፍን ንብዙሕነት ዝቕበልን ዝጸውርን ዘይኮነስ ምርሕሓቕ ፈጢሩ ምፍልላይ ዘራጉድ እዩ። እዚ ከኣ ነቲ ናይ ርእይቶ ፍልልያት ብስልጡን ኣገባብ ተጸዋዊርካን፥ ተኸባቢርካን ምጽባቡን ምምሕዳሩን ተሪፉ ናብ ምርሕሓቕ ዝዕድም ኣቀራርባ ክትዕዘር ይገብረካ። ከይዱ ከይዱ ከኣ ኣብ ክንዲ ምህናጽ ምፍራስ፥ ኣብ ክንዲ ምስምማዕ ምፍልላይ፥ ከምኡ እውን ንድሌታት ህዝቢ ኣብ ክንዲ ትሕለቕ ንስምዒታትካ ተቐድም። ረብሓታትካ ክተቕድም እንተኾይንካ ድማ፥ ነቲ ዲሞክራሲያ ዝጠልቦ ሕግታትን መምርሕን ወጊድካ፥ ፊን ናብ ዝብለካ ብምኻድ ንኣዕኑድ ዲሞክራሲያዊ ትካላት ዘፈራርስ እዩ ዝኸውን።

ርእሰ-ዓንቀጽ

ብዙሕነት ከከም ኣተሓሕዛኡ ጠቓምን ጐዳእን ከም ዝኸውን ርዱእ እዩ። ብዙሕነት ብግቡእ ክመሓደር እንከሎ ናይ ሓባር መልክዕን ሓይልን ከም ዝኸውን ብተመኩሮታት ዝተረጋገጸ እዩ። ብኣንጻሩ ብግቡእ እንተዘይተመሓዲሩ  ጠንቂ ምስሕሓብን ምድኻምን፡ ምናልባት እውን ካብኡ ንላዕሊ ኣሉታዊ ሳዕቤን ዘኸትል ከም ዝኸውን  ፍሉጥ እዩ። ቃልስና ኣብዚ መዳይዚ እምበኣር ብዙሕነትና ስኒት፡ ዓቕምን ጽባቐን ዝድርዕ ከም ዝኸውን ንምግባሩ እዩ። ብዙሕነት ካብ ዝግለጸሉ መለክዕታት፡ እምነት፡ ቋንቋ፡ ባህልን ጀኦግራፊያዊ ኣቀማምጣን ቅድሚት ዝስርዑ እዮም። እዚኦም ኣብ ኤርትራና ጐሊሖም ዝረኣዩ ናይ ብዙሕነት መግለጺ ክኾኑ እንከለዉ እቲ ካብዚኣቶም ዝምንጩ ናይ ኣተሓሳስባ ብዙሕነት ከኣ ጸላዊ ቦታ ኣለዎ።

ካብዞም ዝተጠቕሱ ናይ ብዙሕነት መምዘንታት ከከም ኩነታቱ ሓደ ካብኦም  ዝያዳ ገኒኑ ተወዲቡ ዝቐርበሉ ተመኩሮ ኣሎ። ብጠቕላላ ዓለም-ለኸ ኮይኖም ዝቐርቡ ብዙሕነታት’ውን ኣለዉ። ንኣብነት ናይ ጠቕሚ ብዙሕነት ኣብ ኩሉ ኩርነዓት ብቐጻሊ ክንጸባረቕ ዝጸንሐን ዘሎን ኮይኑ፡ ፖለቲካዊ ክብ ለጠቕ ዘስዕብን እዩ። እዚ ክብ ለጠቕ ብግቡእ ሚዛኑ ሓልዩ እንተዘይተታሒዙ ሳዕቤኑ ሓደገኛ ከም ዝኸውን ፍሉጥ እዩ። ሰባት ካብቲ ናይ ብዙሕነት መለለይታት ነናቶም ከዕብዩ ክደልዩን ክጽዕሩን ባህርያዊ እዩ። ምኽንያቱ ከምኡ እንተዘይገይሮም ካብቲ  ባህሊ ድዩ ሃይማኖት ኣየንኡ ናቶም ምዃኑ ዝገልጽሉ መንግዲ የብሎምን። እዚ ነናብ ናትካ ባህሊ ድዩ እምነት ምድላው፡ ካብቲ ግቡእ መስመሩ ወጺኡ ናብ ናይ ካለኦት መሰል ምጉዕጻጽ ክድይብ እንከሎ ግና ውጽኢቱ በኣሓትን ዘየቀራርብን እዩ ዝኸውን። እቲ ብዙሕነት ኣብ ክንዲ ናይ ሓባር ዓቕምን ጽባቐን ዝድርዕ፡ ድኻምን ምብትታንን ዘኸትል ዝኸውን ከኣ ኣብ ከምዚ ህሞት እዩ። ናይ ኣተሓሳስባ ብዙሕነት ኣመሓዳድራ እውን ካብዚ ዝተፈልየ ዕድል የብሉን።

ብዙሕነት ብግቡእ ምምሕዳርን ዘይምሕዳርን ናይ ፖለቲካ መራሕቲ ካብ ዝፍተንሉ ኣገደስቲ ጉዳያት ሓደ እዩ። እንተኾነ እዚ ብጽቡቕ ድሌት ናይቶም ዘመሓድሩ ጥራይ ዝውሰን ዘይኮነ፡ ሰፊሕ ኣረኣእያ፡ ንቕሓትን ቅሩብነትን ናይቲ ዝመሓደር  ህዝቢ እውን ኣገዳሲ እዩ። ስለዚ ግቡእን ዘተኣማምንን ምምሕዳር ብዙሕነት፡ ኣብ ሓፈሻዊ ንቕሓትን ናይ ኣተሓሳስባ ለውጥን ሕብረሰብ ዝምርኮስ እዩ። እዚ ኣገዳስነትን ጸላዊ ግደን ምምሕዳር ብዙሕነት ኣብ ከምዚ ንሕና ንርከበሉ ዘለና ፖለቲካዊ ህይወት ጥራይ ዘይኮነ፡ ካብ ኩሉ ህይወት ሰባት ፈሊኻ ዝረአ ኣይኮነን። ሰባት ካብ ሓደ ንላዕሊ ብሓባር ኣብ ዝሰርሕሉን ዝነብርሉን ኣጋጣሚ፡ ኣብ መንጎኦም ናይ ኣተሓሳስባ ብዙሕነት ክንጸባራቕ ባህርያዊ እዩ። ነዚ ብዙሕነትዚ ንኹሎም ብዘርብሖም መልክዕ እንተዘየመሓዲረምዎ ከኣ ውጽኢቱ ጽቡቕ ክኸውን ከም ዘይክእል ሃብታም ተመኩሮ ኣለና። ኣብዚ ክዝንጋዕ ዘየብሉ ጉዳይ ምምሕዳርን ኣተሓሕዛን ብዙሕነት ኣብ ጽቡቕ ድሌት ሰባት ጥራይ ተንተልጢሉ ዝተርፍ ዘይኮነስ ቅዋማዊ ቦታ ክወሃቦ ዘለዎ እዩ።

ብዙሕነት መሰረት ዓቕምን ሓድነትን ከም ዝኸውን ንምኽኣል፡ ኣብ ዝኾነ ብሓባር ዝዕመም መዝነትን ሓላፍነትን ሰባት ካብ ኩሉ ናይ ብዙሕነት መግለጽታት ኣምጺእካ ብማዕረ ብምስላፍ ወይ ብምስራዕ ጥራይ ዝረጋገጽ ኣይኮነን። እቲ ቀንዲ እቲ ሜዳ ብማዕረ ናይ ኩልኻ እምበር፡ መለክዒኡ ብዘየገድስ ናይ ውሱን ዝንባለ ጥራይ ከም ዘይኮነ ዝቕበል ኣተሓሳስባን ሓላፍነታዊ ባይታን ከተጣጥሕ ብምብቃዕ እዩ። ከምቲ ንስኻ ንኣብነት ንሃይማኖትካ ኣዚኻ እትግደሰሉን ሕግታቱ እተኽብርን፡ እቶም ካለኦት’ውን ነቲ ናቶም ከማኻ ከም ዝግደስሉ ብልቢ ኣሚንካ ምቕባል የድሊ። ብዘይካዚ ከምቲ ካለኦት  ንናትካ ናይ መንነት መግለጺ ከኽብርዎ እትጽበዮም፡ ንስኻ’ውን ነቲ ናቶም ግቡእ ክብሪ ክትህቦ ከም ዘለካ ኣሚንካ ምቕባል፡ ካልእ መርኣያ ንምብዙሕነት ናብ ረብሓ ኩልኻ ምውዓሉ እዩ።

ኣብዚ እዋንዚ ኣኤርትራውያን ናይ ለውጢ ሓይልታት፡ ዝያዳ ኩሉ ግዜ ነቲ ክሳብ ሕጂ ዓንቂጹና ዝጸንሐ ዕንቅፋታት ወጊንና ብሓባር ኢደይ-ኢድካ ክንበሃሃል የድልየና ኣሎ። እዚ ማለት ኣብ ክንዲ ዓንቃጺ ኣሰጓሚ፡ ኣተሓሳስባ ከነጥሪ ኣለና ኢና ንብል ዘለና። እቲ ዘቀራርብ ይኹን ዝፈላሊ ኣተሓሳስባ ምስ ናይ ብዙሕነት መለለይና ብግቡእ ኣገናዚብና ከነመሓድር ምኽኣልን ዘይምኽኣልን ርክብ ከም ዘለዎ ብሩህ እዩ። ብዙሕነትና ሓይልን ጽባቐን ከም ዝኸወን ጌርና እንተመሓዲርናዮም ምስኡ ዘሳኒ ኣተሓሳስባ ከም እነጥሪ ርዱእ እዩ። ኣብ ኣተሓሕዛ ብዙሕነትና እንተዘይ በቒዕና ግና ዘተሓቛቝፍ ኣተሓሳስባ ኣይክንሕዝን ኢና።

እዞም ናይ ብዙሕነት መግለጺ ዝበልናዮም ረቛሕቲ በበይኖም ፈላሊኻ ዝተሓዙ ዘይኮኑ ኣብ ሕድሕዶም ዝጸላለዉ      እዮም። ንኣብነት ንሓደ ወገን ሃይማኖቱ ኣኽቢርካ ንባህሉ ግቡእ ክብሪ እንተዘይሂብካ ናይቲ ካብ ግቡእ ኣተሓሕዛ ብዙሕነት ዝርከብ ጸጋ ተጠቃሚ ክትከውን ኣይትኽእልን። በቲ እንዳሃነጽካ በቲ ከም ምፍራስ’ዩ ዝቑጸር። ነቲ ናይ ገዛእ ርእስኻ ንናይ ካለኦት መሰል ብዘይሃሲ ምትግባርን፡ ነቲ ናይ ካሎት እንዳኽበርካን ምኻድ ከኣ ኣብ ምምሕዳር ብዙሕነት በብመልክዑ ወሳኒ እዩ።

ዳግመ-ውደና፤ ትኹረት፤ ኣውራነት

ፍራንክፈርት: ጀርመን ---

መዝከር ምርድዳእ ሓባራዊ ሃገራዊ ራእይን፡ ውሁድ ተግባርን: ምስግጋር ዴሞክራሲ ኣብ ኤርትራ 22 ጥቅምቲ 2017