ጽሑፋት ትግርኛ

ብተንኮላት ህግደፍ ዘይምህማል

Wednesday, 16 May 2018 23:30 Written by ኣሮን ናኦድ

ስርዓት ህግደፍ ቅድሚ ኩሉ ዝሰርዖ ንኹሉ ዝሓለፈ ኤርትራዊ ኣበርክቶታት ጐዓጺጽካ ኣብ ስልጣን ምቕጻል ምዃኑ ብሩህ እዩ። ነዚ ጠላም ሕልሙ ኣብ ግብሪ ንምውዓል ብዙሕ ዘይቅዱስ ተንኮላት ከም ዝምህዝ ከኣ ኣብ ቅድሚ ኤርትራውያን ደለይቲ ራህዋን ምኽባር ኩሉ መሰላትን ብሩህ እዩ። ብሕገመንግስቲ ዘይምምራሕ፡ ኩሉ መሰላት ምዕፋን፡ ብዘይብቑዕ ምኽንያት ምእሳርን ኣሲርካ ናብ ፍትሒ ዘይምቕራብን፡ መንእሰይ ሃጽ ኢሉ ንክስደድ ዘገድድ ዘይርጉእ ኩነታት ምፍጣር፡ ብዘይዕጉስ ኣገባብ ምስ ናይ ርሑቕን ቀረባን መንግስታት ምትንዃል ኩሎም ኣብ ስልጣን ንቕጻል ከግልገለሎ ዝመሃዞ ተንኮላት እዮም።

ስርዓት ህግደፍ እዚ ኣቐዲሙ ዝተጠቕሰ ተንኮላት ስለ ዘይኣኸሎ ከም ቀንዲ ዋሕስ ኣብ ስልጣን መቐጸሊ ከገልግሎ ኢሉ ዝምህዞ ኣብ ሕድሕድ ህዝቢ ኤርትራ ካብ ኣባላት ሓንቲ ስድራቤት ጀሚሩ ምትእምማን ከምዘይፍጠር ምግባር እዩ። ማለት ዝኾነ ምኽንያት ፈጢርካ ህዝቢ ከም ዝረሓሓቕን መፍቶ “ከፋፊልካ ግዛእ” ከም ዝኸውንን ምግባርን ቀንዲ ገጽ ናይቲ ስርዓት ዝጥቀመሉ ተንኮል እዩ። እቲ መንግስቲ እቲ ኣብ ኤርትራ ብሰንኩ ተፈጢሩ ዘሎ ኩነታት ባዕሉ ዝዛረብ ስለ ዝኾነ ክሓብኦ ዝኽእል ኣይኮነን። እቲ ነዚ ንምሽፋን ዝጥቀሞ ተንኮል ንኤርትራን ምስቲ ካብኣ ዝኸፈአ ኩነታት እንዳወዳደረና ናይ “በዓል ሃገር እገለ ዘይትርእዩ” መዝሙር ምዝማር እዩ። ንበዓል ዒራቕ፡ ሱርያ፡ የመን፡ ደቡብ ሱዳን እንዳዘርዘረ “ዓድና ደኣ ሰላም እንድያ ዘላ” ዝብሉ መዳኸርቲ የዋፍር። ብቋንቋ ህግደፍ ሰላምን ምርግጋእን ተዂሲ ብዘይምስማዕ እዩ ዝግለጽ። ግደ ሓቂ ግና ትርጉም ሰላም ካብኡ ዝዓሞቐን ዝረቐቐን እዩ።

እቲ ስርዓትሲ ደሓን፡ ነቶም ኤርትራ ኣብ ዝኸፈአ ደረጃ እንከላ ምስተን ኣብ ኣዝዩ ዝኸፈአ ደረጃ ዘለዋ ሃገራት ኣወዳዲሮም “ኤርትራ ዓድና ጽቡቕ ኣላ” ዝብሉ ወገናት፡ “ምስተን ብደሞክራስያዊ ጸጋአን ትጥቀሙ ዘለኹም ሃገራት ኣወዳዲርካኸ ኣብ ከመይ ደረጃ ትሰርዕዋ?” ኢልካ እንተትሓቶም መልሶም እንታይ ከም ዝኸውን ፍሉጥ ኣይኮነን። ምስ ኢትዮጵያ፡ ሱዳንን ጅቡትን ዘሎ ዘይርጉእ ዝምድና ከኣ እቲ ስርዓትን ደገፍቱን ዝጥቀምሉ መህደምን መሕብእን እዩ።

ኣብ ሓንቲ ሃገር ዘሎ ኩነታትን ምስ ካለኦት ሃገራት ዘለዋ ዲፕሎማስያዊ ዝምድናን ኣብ ሕድሕዶም ከም ዝጸላለዉ’ኳ ፍሉጥ እንተኾነ ነናቶም ፋይልን ኣተሓሕዛን ዘለዎም ምዃኑ ፍሉጥ እዩ። ሓደ ስርዓት ውሽጣዊ ሃገራውን ህዝባውን ኩነታቱ ዝውግነሉ ቀጥዒ ኣለዎ። ምስ ካለኦት ሃገራት ንዘለዎ ዲፕሎማስያዊ ዝምድና ዝምልከት ዝጥቀሞ መንገዲ እውን ይህልዎ። ስርዓት ህግደፍ ግና ነቲ ኣቐዲሙ ዝተጠቕሰ ኣብ ስልጣን ናይ ምቕጻል ምስምስ ንክሕግዞ፡ ነዚ ክልተ ፋይላት ደዋዊስካ ምቕራብ ከም ሜላ ይሰርሓሉ ኣሎ። ኣብ መንጎ ኤርትራን ኢትዮጵያን ዘሎ ኩነታት ብ “ኣይሰላም ኣይውግእ” ዝግለጽ እዩ። እዚ ኩነታት ክልቲአን ሃገራት ዝባነን ቀሊዐን ኣብ ውሽጣዊ ሃገራዊ ጉዳያተን ከየድህባ ተጽዕኖ ከም ዝፈጥረለን ርዱእ ኮይኑ፡ በቲ “ኣይናይሰላም ኣይውግእ” ኩነታት ተሓቢአን ካብ ዝኾነ ካብ ህዝበን ዝቐርብ ጠለባት ክሃድማ ግና ቅቡል ኣይኮነን። መልእኽቱ’ውን ካልእዩ ዝኸውን።

ስርዓት ህግደፍ “ብሰንክቲ ምስ ኢትዮጵያ ዘሎና ኩነታት ኢና፡ ብሕገመንግስቲ ዘይንምራሕ፡ ሕቶ ዲሞክራሲ ዘይንፈትሕ፡ ልዕልና ሕጊ ዘይንቕበል፡ እሱራት ናብ ፍርዲ ዘይነቕርብን ኣበየናይ ቤት ማእሰርቲ ከም ዘለዉ ዘይንነግርን ኮይና ዘለና” ይብለና ኣሎ። ሕጂ ከኣ በቲ ባዕሉ ዘሕርፈፎ ዝምድናኡ ምስ ሱዳንን ጅቡትን ነዚ ዕባራን ሸፋጥን ምኽንያቱ ከራጉዶ እዩ። ኣብዚ እተን ኩለን ሃገረንን ህዝበንን ብዘይምስምስ ዝመርሓ ዘለዋ ሃገራት’ውን ምስ ጐረባብተን ኮነ ናይ ርሑቕ ሃገራት ምስሕሓብ የብለንን ማለት ኣይኮነን። ንኣብነት ሱዳንን ግብጽን ክብ ለጠቕ ዝብል ናይ ሓላይብ ጸገም ዶብ ኣለወን። እንተኾነ ነዚ ከም መህደሚ ምኽንያት ኣይጥቀማሉን። ነዚ ዝምልከት ብዙሕ ኣብነታት ምቕራብ ይከኣል እዩ። እቲ ስርዓት እዚ ጠፊእዎ ዘይኮነስ ኣዳዕዲዑ እዩ ስርሑ ዝሰርሕ ዘሎ። እቶም ናይቲ ስርዓት እኩይ ኣጀንዳ ግዳይ ዝኾኑ ዘለዉ ወገናትናኸ ኣብ ክንዲ ደድሕሪ ተንኮላት እቲ ስርዓት ምንጓድ ኣዚሮም ዘይሓስቡ?

እቲ ስርዓት እዚ ተንኮላቱ እኹል ኮይኑ ኣብ ዘይረኽቦ፡ ኣብ ሕድሕድ ህዝቢ ዘሎ ዝምድና ካብ ዘይምትእምማን ሓሊፉ ናብ ግጭትን ምንቛትን ከም ዝዓርግ ናይ ምግባር ወስታታት ከም ዝወስድ እውን ንዕዘብ ኣለና። ንዝተወሰኑ ነባራት ወነንቲ መሬት ጉልባብ ፈጢርካ ኣመዛቢልካ ካለኦት ነባራት ዘይኮኑ ኣስፊርካ ኣብ ዋንነት መሬት ከም ዝተፋነኑ ምግባር ናይዚ መርኣያ እዩ። እቲ ዝገደደ ድማ ነዚ ብሰንኩ ብጽቡቕ ዓይኒ ዘይረኣኣዩ ወገናት ብጉልባብ “ከባቢኹም ክትሕልዉ” ኣጽዋር ምሃብ። እዚ ኩሉ ተደማሚሩ እቲ ስርዓት ኣብ ሕድሕዱ ዝተፋነን ናብኡ ዘየቕልብን ህዝቢ ንክነብር ዘለዎ ድሌት ዘርኢ እዩ። ክሳብ ሕጂ ኣብ ኤርትራ ካብዚ ዘሎ ዝኸፈአ ኩነታት ዘይተፈጥረሉ ምኽንያት ከኣ ካብ ሰላማውነት ናይቲ ስርዓት ዘይኮነ፡ ብሳላ ትዕግስትን ጹረትን ህዝብና እዩ። በዚ ኣጋጣሚ እምብኣር ህዝቢ ኤርትራ ኣብ መጻኢ’ውን ብተንኮላት ስርዓት ህግድፍ ከይህመል ኣዕዚዝና ነዘኻኽሮ።

መርድእ ገዲም ተጋዳላይ ሓርበኛ ዘቢብ ማና ግደይ

Monday, 14 May 2018 06:17 Written by ቤት ጽሕፈት ዜናን ብህልን ዞባ ሰሜን ኣሜሪካ ሰ.ድ.ህ.ኤ.

ገዲም ተጋዳላይ ሓርበኛ ዘቢብ ማና ግደይ ብዝሓደሮ ሕማም ምኽንያት ብቤተሰቡን ብሕክምናን ክእለ ድሕሪ ምጽናሕ ዕለት 5/12/18

ብመስዋቲ ከምዝተፈልየና ንፈተውቱን መቓልስቱን መስዋቱ ከነርድእ መሪርሓዘን እንዳተሰማዓናእዩ።

ሓርበኛ ዘቢብ ቅድም ኣብ ተ.ሓ.ኤ ቀጺሉ ድማ ምስ ሰውራዊ ባይቶ፣ምስ ሰልፊ ህዝቢ ኤርትራ፣ከምኡውን ምስሰልፊ ደሞክራሲ ህዝቢ

ኤርትራ ኮይኑ ክሳብ ዕለተ መስዋቱ ኣብ ኤርትራ ሃገርና ፍትሕን ዲሞክራስን ንምርግጋጽ ኣብ ዝግበር ዘሎ ዘይሕለል ቃልሲ እጃሙ

ከበርክት ዝጸንሐ ውፉይ ተቓላሳይ እዩ።

ሓመድ ኣዳም ዝለብሰሉ ዕለትን ኣድራሻን ክንሕብር ኢና።

ስድራ ቤት

ዕድመ ንሰፊሕ ሰሚናር ብምኽንያት ዝኽሪ በዓል ነጻነት ኣብ ፍራንክፈርት

Friday, 11 May 2018 08:40 Written by ሽማግለ ህዝባዊ ምልዕዓል ፍራንክፈርትን ከባቢን

ብምኽንያት ዝኽሪ መዓልቲ ነጻነት ኤርትራ ንቀዳም ዕለት 02.06.2018 ኣብ ፍራንክፈርት በዚ ኣብ ታሕቲ ሰፊሩ ዘሎ ሰዓትን ቦታን ሰፊሕ ሰሚናር መዲብና ከምዘለና ንሕብር።

ኣብዚ ሰሚናር እዚ ንነጻነት ንምምጽእ ዝተኻየደ ቃልሲን፣ ጉዕዞን ፣ተምክሮ ፣ ብገዳይም ተቃለስቲ ክቀርብ ከሎ ብምሁራት ዲማ ብዛዕባ ነጻነትን ሓርነትን ዝምልከት ትንተናን ኣስተምህሮን ክቀርቡ ተመዲቡ ይርከብ።

ብተወሳኺ ኣብ ከባቢና ንመጻኢ ክግበር ዘሎ ኣገባብ ኣከያይዳ ቃልስን ከምኡውን በቲ ተተኺሉ ዘሎ ሕጋዊ ማሕበር ዝምልከት ኣርእስትውን ኣብቲ ሰሚና ክዝተየሉ ምዃኑ ንሕብር።

ኣብዚ ሰሚናርዚ ኩሉ ተሳታፋይ ሓሳቡን ርእይቶኡ ክህብን ብንጥፈት ክሳተፍን ንኩሉ ንዕድምን ነተባብዕ።

ድሕሪ ናይ ፖሊቲካ መደብ ናይ ዕላል መደብ ክቅጽል ኣዩ።

ኩሉም ኣብ ፍራንክፉርትን ከባቢኡን ትርከቡ ደለይቲ ፍትሒ (ተቃወምቲ ውድባት፣ ሰልፊታት፣ ስቪካውያን ማሕበራትን፣ ነጻ ኣካላትን) ኣብዚ ሰሚናር ተገዲስኩም ክሳተፍ ብኽብሪ ንዕድም።

ሰሚናር ዝካየደሉ ጊዘን ቦታን:

ዕለት ፡ ቀዳም ዕለት 02.06.2018

ሰዓት ፡ ካብ 15፡00 ክሳብ 24፡00 (ፍርቂ ለይቲ)

ኣዳራሽ ፡ ዛልባው ጋሉስ

SAALBAU Gallus
Frankenalle 111
60326 Frankfurt am Main

ሓበረታ ብባቡር ትመጹ፡

ብኤስባናት ወይ ሽትራሰንባናት ናብ ጋሉስ ዝኸዳ ወሲድኩም ካብቲ ጋሉስ ሃልትሽተለ ኣስታት 200 መትሮ ምስቀጸልኩም ብየማን ሸኘኽ ዝርከብ ኣዳራሽ ናይ ሳልባው እዩ።

ብድሓንምጹ

ሽማግለህዝባዊምልዕዓልፍራንክፈርትንከባቢን

ክንገብር ይግበኣና፡ ዘይኮነ ንገብር ኣለና

Friday, 11 May 2018 08:32 Written by ኣሮን ናኦድ

ምናልባት ከምቲ “ቤተይ እንተ ኢልካዮ መቓብር’ውን ይመውቕ” ዝበሃል ሕሰም እውን ስለ ዝልመድ፡ ለሚድናዮ ንኸውን እምበር ኤርትራውያን ኣብ ኣዝዩ ሕማቕ ኩነታት ኢና ዘለና። ንሓንሳብስ ምናልባት ደንዚዝና ግዲ ኮይና ኮነታትና ካባና ዝያዳ ንኻለኦት ፍትሓውያን ዘቐንዝዎም ይመስል። መዝገብ ቁጠባ፡ መዝገብ ሰብኣዊ መሰል፡ መዝገብ ድሕንነትን ውሕስነትን፡ መዝገብ መሰላት፡ ዲሞክራሲ፡ ፍትሕን ልዕልና ሕግን ኮታ ኩሉ መዛግብቲ እንተገንጸልካ ኣብ እንዳ ህግደፍ ብድፉኑ ኩሉ ጸሊም እዩ። እዚ ኩነታት’ዚ ዘሳቕየና ዘሎ ጥራይ ዘይኮነ፡ ናይ ምዕራዩ ከቢድ ሓላፍነት ዘሰክመና’ውን እዩ። ኣብ ገለ ኣጋጣሚ ክንዕዘብ እንከለና ክምቲ “ዝጠልቀየ ዝናብ ኣይፈርሕን’ዩ” ዝበሃል ግዲ ኮይኑ ነቲ ጸገም ዝረዓምናዮ ንመስል። ቅድሚ ናብ ካልእ ምስጋርና እዚ ኩነታት ህግደፍ ባዕሉ ዝፈጠሮን ዘሳዕረሮን እምበር ዘሻቕሎ ከምዘይኮነ ምርዳእ ኣገዳሲ እዩ።

እምበኣር ክብደት ጸገምና ከምዚ ዝተጠቕሰ ካብ ኮነ፡ ናብ ንቡር ናይ ምምላሱ ሓላፍነትና ከኣ ክብደቱ ካብኡ ንላዕሊ እዩ። ሃገርናን ህዝብናን ካብዚ ዘለዉዎ ዘሕዝን፡ ዘገርምን ዘተዓዛዝብን ኩነታት ወጺኦም ንፋስ ራህዋ ከተንፍሱ ዝኽእልሉ ኩነታት ምፍጣር ኣብ እንግደዓ ናይቶም ንመሰረታዊ ለውጢ ንቃለስ ዘለና ኤርትራውያን ዘሎ ዕዳ እዩ። እዚ ዕዳዚ ናይቶም ሕሰም ህዝብናን ሕማቕ ምስሊ ሃገርናን ዘስቆርቁረና እምበር ነቶም ጉልባቦም ቀሊዖም ርእዮም ከምዘይርኣዩ ምስ ጉጅለ ህግደፍ ዝዓለዉ ውሕጅ ግዝያዊ ረብሓ ዝወሰዶም ውሑዳት ወገናትና ዝምልከት ኣይኮነን። ንሕና እቶም ጉዳይ ህዝብናን ሃገርናን ዝዓጠናን ምእንታኡ ንቃለስ ዘለናን”ደሓን ኣለና” እንዳበልና፡ ከምኦም ከይንዓሉ ከነስተብህል ይግበኣና።

ካብዚ ህዝብናን ሃገርናን ብሰንኪ ጉጅለ ህግደፍ ተዋሒጠምዎ ዘለዉ ሰልሚ ክንወጽእ ከም እንደሊ ዘዳዲ ኣይኮነን። ጭርሖና፡ ድሌትና፡ ኣዋጃትና፡ መደረታትናን ዕላላትናን ከምኡ ምዃኑ ፍሉጥ እዩ። እንተኾነ እዚ ጽቡቕ ድሌት ብውፉይን ምቕሉልን ተግባር እንተዘይተሰንዩ ፋይዳ የብሉን። እዚ በብኩርናዑ ጉጅም እንብሎ ናይ “ከምዚ ክንገብር ኣለና” ድምጺ ብ“ከምዚ ንገብር ኣለና” እንተዘይተሰንዩ ብዘይቃለዓለም ሕልሚ ኮይኑ እዩ ዝተርፍ። ህግደፍን ናይ ወጽዓ ስንክሳሩን ድማ ኣብዚ እንተፈታሕካዮ ባዶ ቁጻራት እዮም ዝነብሩ። ስለዚ ካብ “ክንገብር ይግበኣና” ናብ “ንገብር ኣለና” ክንሰግር እዋናዊ ጠለብ እዩ። ካብዚ ሓሊፉ እዝኒ ብዘይትግበር መብጸዓ ኣይትሃጥርን እያ።

ንሕና ብቓልስና፡ ካብዚ ንሃገርና ዓምጢርዋ ዘሎ ምኩሕ ዲክታተርነት ናጻ ክንወጽእ ይግበኣና። ቅድም ካብቲ ህግደፍ ዝሕበኣሉ ዘሎ ናይ 2009 ናይ ሕቡራት ሃገራት ማዕቀብ ዘይኮነ፡ ካብቲ ህግደፍ ኣብ ልዕሊ ህዝብና ኣንቢርዎ ዘሎ፡ ናይ ቁጠባ፡ ናይ ምንቅስቓስ፡ ናይ ምዝራብ፡ ናይ ምውዳብን ሓሳብካ ምግላጽን፡ ኣብ ዓድኻ ናይ ምንባር፡ ናይ ምንጋድ፡ ምምሃርን መሬት ናይ ምውናንን ማዕቀባት ናጻ ክንወጽእ ይግበኣና። ህግደፍ ንሱ ኣብ ልዕሊ ህዝቡ ዝጸዓኖ ማዕቀብ ሓቢኡ፡ ብቤት ምኽሪ ጸጥታ ሕቡራት ሃገራት ኣብ ልዕሊ መጠፋፋእቲ ላዕለዎት ሓለፍቱ ዝተበየነ ማዕቀብን ገበናዊ ተሓታትነትን ከልዕል ጸፋዕፋዕ ክብል እንከሎ፡ ኣብ ልዕሊ ህዝብና ዘሎ ኣርዑት ዘይኮርኮሓናስ ኣብ ክሳድ ህግደፍ ዘሎ ኣርዑት ዝያዳ ክዓጠና ከምዘይግባእ ንኹልና ንጹር ይመስለኒ። ህግደፍ ግና ብባህሪኡ ደገደገ ምምዕዳው እምበር፡ ናብ ውሽጡ ክርኢ ኣይተብዕን እዩ። ንሱስ ባህሪኡ ኮይኑ ንሕና እቶም ረብሓና ብመሰረቱ ካብ ረብሓ ህግደፍ ዝፍለ ኤርትራዊ ወገናትከ?

ኣብ ቅድሜና ዘሎ ዕማም ሓቀኛ ድሌት ጥራይ ዘይኮነ፡ ሓቀኛ ተግባር እንተዝውሰኾ እኮ ለውጢ ምውሓስ ከቢድ ኣይመኾነን። ንሕና ውጹዓትን መሰረታዊ መሰላትና ዝተገፈፍናን ኤርትራውያን ወገናት ርእስና እነድንነሉ፡ በላዕሰብ ህግደፍን ኣሳሰይቱን ድማ ሓለይቲ መሲሎም ክባጭዉን ክሕጭጩን እንከለዉ “ኮር ተገልበጥ” ከም ዘብል ኩልና ኣይንስሕቶን ኢና። ጉጅለ ህግደፍ ዋላ’ኳ ኣብ ኣደባባያት ዓው ኢሉ እንተዘይተዛረበሉን ንቓልስና ኣፍልጦ እንተዘይሃቦን፡ ኣይቋመተናን ማለት ይኮነን። እቲ ብግሁድ ይኹን ብስዉር ዝጥቀሞ ሜላ ከኣ ዘይሩዘይሩ ናይቶም ናይ ሓባር ወጽዓ ዘለና ወገናት ሓድነት ምድኻም ክሓልፍ ከምዘይክእል፡ ካብ ተመኩሮ ናይቶም ተመኩሮኦም ብህግደፍ ዝውረስ ዘሎ፡ በብመድረኹ ዝሓለፉ ገዛእቲ ህዝቢ ኤርትራ እንርደኦ እዩ። ርግጽ እዩ ብብዙሕ ምኽንያታት ንጉጅለ ህግደፍ ብዓይኒ ናይቶም ኣብ ኤርትራ ዝሓለፉ ንህዝብና ድከት ዘስተይዎን ደም ዘንብዕዎን ገዛእቲ ምርኣዩ ንክብሪ ኤርትራ ምትንካፍ ኮይኑ ዝረኣዮም ወገናት ኣለዉ። እንተኾነ “ሓወይ ዝብል ኣይውቃዕካ” ዝብል ምስላ ወራዙ ከኣ ኣይንረስዕ።

ናብቲ ዘንቀለና ቀንዲ ጉዳይ ንመለስ። ነቶም ኣንጻር ጉጅለ ህግደፍ ተቓሊስና ተዓዊትና ብዓብይኡ “ናጻ፡ ልኡላውን ጉዳዩ ባዕሉ ዝውስን ህዝቢ” ክንከውን እንደልን ምእንታኡ እንቃለስ ዘለናን ዝጐድለና ብዙሕ ምዃኑ ርዱእ እዩ። ክሳብ ሕጂ ናይ ዘይምዕዋትና ምስጢር ከኣ ሓያልነት ህግደፍ ዘይኮነ ናትና ድኽመት እዩ። ናይ ጉድለትና ማእከል ከኣ ድሌትና ሓደ እንከሎ ብሓባር ክንወፍር ዘይምኽኣልና እዩ። ኣብዚ እዋንዚ “ብሓባር ከምዚ ክንገብር ኣለና” ዝብል ናይ ተስፋ ድምጺ ዘየድምጽ ውድብ፡ ሰልፊ፡ ማሕበር፡ ምሁርን ግዱስ ኤርትራዊ ዜጋን የለን። እዚ ክበሃል እንከሎ ግና፡ ነቶም ብዋጋ ህዝቦም ንህግደፍ ዝረዓሙ ውሑዳት ገዲፍካ እዩ። ኣብዚ ኩነታትዚ “እሞ ክሳብ ክንድዚ ብሓባር ምቅላስ እንኮ መዋጸኦ ምዃኑ ካብ ተረዳእኩም ደኣ ሓቢርኩም ዘይትስጉሙ?” ዝብል ሕያዋይ ሓታታይ እንተሓቲቱና መልስና እንታይ ከምዝኸውን እንድዒ። እቲ መልሲ “ትሕቲ ጉጭ ልዕሊ ጉጭ” ዝብል ዕባራ ምኽንያት እዩ ክኸውን። ስለዚ በዚ ዘለናዮ ናይ “ደላይን ተዕባይን” ኣገባብ እንተቐጺልና’ሞ ጽቡቕ ዘለና እንተመሲሉና ከምቲ “ውሕጅስ እንዳስሓቐ እዩ ዝወስድ” ዝበሃል ክንከውን ኢና። ካብዚ ክንድሕን እምበኣር “ክንገብር ይግበኣና፡ ዘይኮነ ንገብር ኣለና” ክንብል ግዜኡ ጽባሕ ዘይኮነ ሎሚ እዩ።

“ዘሕዝን እዩ” እናበልና መላኺ ክነልግስ ኣይንኽእልን

Thursday, 10 May 2018 18:04 Written by ድራር መንታይ

ህዝቢ ኤርትራ ንሚእቲ ዓመታት ዝኣክል እፎይ ኢሉ ከየዕረፈ እነሆ ማሉ፡ ንብረቱን ደቁን እናኣወፈየ ናጻ ዘውጸኣ ሃገር ሲኦል ኮይናቶ ትርከብ ኣላ። ህዝቢ ንኽሉ ዘጋጥሞ ዝነበረ ሽግርን መከራን ከይተጠላለመ ክሳብ ሕጂ ተወጺዑ እንከሎ ምእንቲ ሃገሩ ይጽመም ኣሎ ክበሃል ይከኣል። እዚ ህዝቢ ኤርትራ ዝጽመሞ ዘሎ ግፍዕን ኣደራዕን ካብ ምንታይ ዝነቐለ እዩ ኢልና ክንሓትት ዝግባእ እዩ። ምኽንያቱ ወዲ ሰብ ገበን ዘይብሉ “ገበን ፈጺምካ” ተባሂሉ ክሳብ ዝኣምን ብርሱን ሓጺን እናተተኮሰ፥ ወይ እናተቐጥቀጠ ኣብ ስቓይ እንከሎ፥ ካብቲ ሽግር እቲ ንኽወጽእ፡ “እወ ገበነኛ እየ” ኢሉ ክቕበሎ ዘይሕሰብ ነገር እዩ። ስለዚ ህዝቢ ኤርትራ ገበን ዘይብሉ ክንሱ ደቁን ቤተሰቡን ኣብ ትሕቲ ጎዳጉዲ ሰፊሮም እንከለዉ ምጽቃጡ “ምስ ደገዝማቲ መን ተማጓቲ”ዶ ኮይንዎ ይኸውን ዘብል እዩ።

ብፍላይ ኣብ ከም ኤርትራ ዝኣመሰለ ብዘይካ ናጽነት ናይ ፖለቲካውን ሓርነታውን ረቂቕ ቃልሲ ዘይተመኮረ ህዝቢ ካብ ጨቋኒ ስርዓት ክርዕድ ናይ ግድን እዩ። ብሓፈሻ ድማ ከምዚ ኣተሃላልዋ ደምበ ተቓውሞ ኤርትራ እቲ ህዝቢ “ካብ ኢሰያስ ኣይሕሹን እዮም” ናብ ዘብል ከምርሖን ዘይተኣማመን ከም ዝኸውን ከኣ ዘጠራጥር ኣይኮነን። ካብዚ ፍርሒ እዚ ነቒሉ ድማ እዩ በቲ ቃልቃል ዝብል ሓዊ እናነደደ እንከሎ ተጠርኒፉ ነቲ ስርዓት ወጊድ ክብል ዘየኽእሎ ዘሎ።

ኮይኑ ግን እቲ ካብ ሃገር ሃጽ ኢሉ ኣብ ምንታይ ክዓልብ ምዃኑን ዘጓንፎ ቦታ ከይተረደኦን ዝጠፍእን ወይ ዝበርስን ዘሎ ዓቢኡን ንእሽትኡን ክፋል ሕበረተሰብ ኤርትራ ዓብይ ክሳራ ነታ ሃገር እዩ። ነዚ ኮነ ኢሉ ስርዓት ኣስመራ ንሱ ዘይደልዮም ክጠፍኡሉ እንከለዉ ክሕጎስ፥ ደምበ ተቓውሞ ድማ መኽሰብ ዝረኽበሉ ዘይብሉ ክንሱ ዘሕዝን እዩ ኢሉ ክሰግሮ እንከሎ ድማ ዘተሓሳስብ እዩ።

ደምበ ተቓውሞ ኤርትራ ኣብ ክንዲ ነዚ ወሪዱ ዘሎ ብመንፈስ ሃገራውን ሃገራውነትን ብጽንዓትን እምንቶን ዝገጥሞ፥ የለን በብናተይ እምበር ንሓንቲ ኤርትራ ኢልካ ምቅላስ ዕንወትን ክሳራን እዩ ናብ ዘብል ሓሳብ ይዛዙ ምህላዉ ተሓባባሪ ናይቲ ስርዓት ዘየብሎ ምንም ምኽንያት የለን። እዚ ኣብ ክንዲ ነቲ ወጽዓን ናብ ጥፍኣት ገጹ ዝደፍእ ዘሎን ተጻባኢ ሓይሊ ወይ ስርዓት ንምግጣም ሽምዓ ብምውላዕ፥ “ክንድዚ ኣብ ባሕሪ ጥሒሎም፥ ክንድዚ ድማ ናውቲ ከብዶም ተወሲድዎም” እናበልካ ናይ ሓዘን ኣኼባ ምግባር ዘምጸኦ ለውጢ የለን።

ኣብ ክንዲ ተጠርኒፍካ ኣንጻርቲ ወጻዒ ጉጅለ ህግደፍ ብሓባር ምስራሓ፡ ብናይ ሓዘን መግለጽን ምእካብን ጥራሕ እዚ ስርዓት እዚ ኣይእለን እዩ። እንታይ ደኣ ደንበ ተቓውሞ ናብተን ዘለዋ ሰልፍታት ወይ ውድባት ምስታፍን ምትሕብባርን ምቁጽጻርን እዩ ክዕወት ዝኽእል። ካብኡ ሓሊፉ ያኢ ቁምነገር ተረኺቡ፡ እቲ ሓደ ነቲ ካልእ ደላይ ፍትሕን ዘይደላይ ፍትሕን ስም ከተውጸኣሉ ህርዲግ ምባል፡ መፍቶ እቲ መላኺ ስርዓት ምዃን ከንቱ እዩ።

ስለዚ ደላይ ፍትሕን ዘይደላይ ፍትሕን ኢልካ ኣብ ክንዲ ምፍልላይ ግደን ፍልልይን ፖለቲካዊ ሰልፍታትን ስቪካውያን ማሕበራትን ኣብዚ ነካይዶ ዘለና ናይ ለውጢ ቃልሲ ኣዕሚቝካ ምርዳእ ናይ ግድን የድሊ። ምኽንያቱ እቲ ኣብ ባይታ ዝረአ ዘሎ ብኣንጻር እተን ስቪካውያን ማሕበራት ከም ንስልጣን ተቓለስቲ ተመሲለን ምስ ፖለትካውያን ሰልፍታት ኣብ ፖለቲካዊ ናይ ስልጣን ሜዳ ዝወዳደራ ምህላወን እዩ። ስለዚ ኣብ ክንዲ ወግሐ ጸብሐ፥ ምርባሕ ውድባት፡ ሰልፍታትን ሲቪካውያን ማሕበራትን ምድሃብ፥ ኣብ ነቲ ስርዓት ዝዓለመ ዒላማ ክንሓስብን ክንሰርሕን እዩ መድረኽ ዝጠልበና ዘሎ።

እቲ ስርዓት ኣብ ነንሓድሕድና ከምዘይንሰማማዕን ከምዘይንረዳድእን ካብኡ ሓሊፉ ጸገማትና ንኸይንፈትሕን ብታሕቲታሕቲ ዘዋፍሮ ብዙሕ ማሕለኻታት ክህሉ ይኽእል እዩ። ነዚ ንምብዳህ ኣብ ክንዲ ነቲ ሃገራዊ ኣዕኑድን መቖሚታትን ኣደልዲልና ንሓድነት ሃገርን ህዝብን ምስራሕ ብቃሕ ዝበለና ዘይሓላፍነታዊ መንገዲ ክንጎዓዝ እንከለና፡ ነቲ ተንኮላት መላኺ ክንነቕሓሉ ኣይንኽእልን ዘለና። ቃልስና እምበኣር ነዚ መላኺ ስርዓት ኣልጊስካ ዲሞክራሲያውን ዕልማናውን መንግስቲ ምትካል እዩ። ነዚ ዝጻረር ሓይሊ እንተልዩ ድማ መንገዱ ብጋህዲ ከነጽር ይግበኦ።

ጨንፈር ሰዲህኤ ሃገር ሽወደን 5ይ ስሩዕ ኣኼባኡ ኣካይዱ

Wednesday, 09 May 2018 19:29 Written by ሽማግለ ጨንፈር

ጨንፈር ሰዲህኤ ቁ.2 ብዕለት 05/05/2018 ብኤለትሮኒካዊ መራኸቢ ብዙሓን 5ይ ስሩዕ ኣኼባ ናይ ምሉኣት ኣባላት ኣካይዱ። ኣቦ ወንበር ጨንፈር ብሰላምታ ከፊቱ ዝቀረባ ኣጀንዳ ኣርጊኡ፡ ሙሉእ ሃለዋት ኣባላትን ዕዉት ዉፍይ ጥፈታቶኦም ብዝርዝር ሓቢሩ። ቀጺሊ ተሓዝ ገንዘብ ጨንፈር ብምልኣት ናይ ኣባላት ፡ ኣብ ወርሓዊ ክፍሊት፡ ልግሲ ልደት፡ ንዕዉት ዑደት 2 ኣባላት ማእከላይ ባይቶ ሰልፊ ንእስራኤል ዝኣተወ ገንዘብ ብንጹር ጽፉፉ ጸብጻብ ኣቅሪቡ። ሲዒቡ ኣባል ናይ ስርርዕ ምምሕዳርን ኣባላት ዞባ ኤውሮጳን ዘሎ ኣዎንታዊ ምዕባሌታት ሓቢሮም። ሰ.ዲ.ህ.ኤ. ኣብ ጉዳይ ናይ ሓቢርካ ምስራሕ ዝኣወጆ እማመ መሰረት ተሰማዕነት እናረኸበ ይመጽእ ብምህላው ብዕቱብ ክቕጽሎን መሪሕ ግደ ንሓድነት ክህልዎን መሪሕነት ሰልፊ ቀዳምነት ሂቡ ንምዕዋቱ ክጽዕር ምሉኣት ኣባላት ኣስሚሮምሉ። ብተወሳኺ ኣብ ከተማ ዮተቦርግ ዘሎ ንጡፍ ሽወደናዊ ኤርትራዊ ባህላዊ ምሕዝነት ማሕበር (ኤርትራ ኣብ ልብና !!! ) ኣብ ፈነዋ ራዲዮ ብትግርኛን ዓረብን ፡ ንሓደስቲ ኤርትራውያን ስደተኛታት ብነጻ ዝህቦ ኣገልግሎትን ተሓቢሩ፡ ሓድሽ መራኸቢ ቦታ ከም ዝተዋህበ ከኣ ተሓቢሩ። ኣብ መደምደምታ መሪሕነት ሰልፊ ዘካይዶ ዘሎ ዉሕሉ መደባቱን ቅዋማዊ ኣሳርራርሓኡን ኣድኒቁ ብቀጻሊ ኣብ ጉድኑ ከም ዘሎ ኣስሚሮምሉ። ንናይ ቲ ዓመት ዓመት ዝካየድ ሰፊሕ በዓል ኤርትራ ፈስቲቫል ፍራንክፎርት 2018 ኣሳናዳኢ ሽማገለ ድሮ ምድላዋታ ከተካይድ ጀሚራ ምህላዋ ተሓቢሩ ፡ ኣባላት ከኣ ንምዕዋቱ ዕጥቆም ክድርቡ ምኳኖም ቃል ኣትዮም ኣኼባኦም ዛዚሞም።

ዞባ ሰሜን ኣሜሪካ ሰልፊ ዲሞክራሲ ህዝቢ ኤርትራ (ሰ.ዲ.ህ.ኤ) ብዛዕባ ዕዉት ዑደት ሰልፊ ናብ እስራኤል ፍሉይ ኣኼባ ኣካይዱ

Wednesday, 09 May 2018 05:21 Written by ቤት ጽሕፈት ዜናን ባህልን ዞባ ሰሜን ኣሜሪካ ሰ.ድ.ህ.ኤ.

ቀዳም 6 ጉንበት 2018 ዞባ ሰሜን ኣሜሪካ ሓፈሻዊ ናይ ኣባላት ኣኼባ ኣካይዱ።

ቀንዲ ኣጀንዳ ኣኼባ ኣብ ወርሒ ሚያዝያ ልኡኽ ሰልፊ ናብ እስራኤል ብምኻድ ናይ ዝገበሮ ዕዉት ዑደት ዝርዝር ሓበሬታ ንኣባላት ንምክፋል እዩ ነይሩ። ብክልተ ኣባላት ማእከላይ ባይቶ፡ ሓው ትኩእ ተስፋይን ሓውቲ ፌቨን ጊደዎንን ዝቖመ ልኡኽ ሰልፊ ንክልተ ሰሙን ኣብ እስራኤል ዘካየዶ ንጥፈታትን ዘመዝገቦ ዓወታትን ንእባላት ብሓው ትኩእ ብዝርዝር ተገሊጹ።

ልኡኽ ሰልፊ ኣብ ውሽጢ ሓጺር ግዜ ምስ ብዙሓት መንእሰያት ኤርትራውያን ተራኺቡ ብምምይያጥ ህዝብና ኣብ እስራኤል ዝሓልፎ ዘሎ መሪር ሂወት ክርዳእ ክኢሉ። ህዝብና ካብ ስደትን ውርደትን ክድሕን እቲ መሰረታዊ ፍታሕ ኣብ ሃገርና ዘሎ ምልካዊ ስርዓት ፈሪሱ ብፍትሓዊ ስርዓት ክትካእ ምዃኑ ገሊጹን ራኢን መንነትን ሰልፍና ኣላልዩ። ፍርያት ጻዕሩ ድማ ልዕሊ 75 መንእሰያት ብመትከላት ሰልፊ ዓጊቦም ኣባላት ኮይኖም ኣብ ፍትሓዊ ቃልስና እጃሞም ከበርክቱ ወሲኖም። እኖሆ ድማ ኣብ እስራኤል ናይ ሰልፍና ጨናፍር ቆይመን ብግዝያዊት ዞባ መሪሕነት ድሮ ስርሐን ጀሚረን።

ብዘይካ’ዚ ልኡኽ ሰልፊ ምስ ዝተፈላለያ ናይ ኤርትራውያን ማሕበራትን ምስ እስራኤላውያን ገበርቲ ሰናይን ተጣበቕቲ ሰብኣዊ መሰልን ተራኺቡ።

መግለጺ ሓው ትኩእ ብጽሞና ድሕሪ ምስማዕ ኣኼባ ንሕቶን መልስን ተኸፊቱ። ሓው ትኩእ ንኹሉ ዝቐረበሉ ሕቶታት ኣዕጋቢ መልስታት ሂቡሉ።

ኣባላት፡ ልኡኽ ሰልፊ ንዘርእዮ ተወፋይነትን ዘካየዶ ጽፉፍ ስራሕን ዘመዝገቦ ዓወታትን ብልቢ ኣመስጊኖም። ሰልፊ ኣብ ኩሉ ስደተኛ ህዝብና ብብዝሒ ዝርከቦ ቦታታት ተመሳሳሊ ዑደታት ከካይድ ተላብዮም። “ምንጪ ሓይሊ ሰልፍና ንሕና ኢና” ካብ ዝብል ተረድኦ ነዚ ኣብ ሓጺር ግዜ ዝተመዝገበ ዓቢ ዓወታት ብምድናቕ ብስም ስዉእትናን ኣብ ማእሰርቲ ምልኪ ኤርትራ ዝሳቐዩ ዘለዉ ብጾትናን ንድራር እዞም ክልተ መደብ ሰልፍና ዘዐወቱ ብጾትና ሓው ትኩእ ተስፋይን ሓውቲ ፈቨን ጊደዎንን ናብ ሳጹን ሰልፊ ዝኣቱ ብተበግሶ ኣባላት ናይ ገንዘብ ውጽኢት ወፈራ ክካየድ ተወሲኑ። ድሮ ድማ ብዙሓት ኣባላት ኣወፍዮም። እቲ ወፈያ ንኽቅጽል ድማ ሽማግለ ቆይማ።

ኣብ መደምደምታ መስርሕ ሓባራዊ ጉዕዞ ተቓወምቲ ሓይልታት ንምዕዋት ሰልፍና ዘካይዶ ዘሎ ጻዕርታትን ዘተታት በጺሑዎ ዘሎ ምዕባሌታትን ብዝምልከት ሓው ተስፋይ ደጊጋ ጽማቝ መግለጺ ሂቡ።

ኣባላት ብዝተዋህቦም መግለጺ ኣዝዮም ሕጉሳት ምዃኖምን ብሓፈሽኡ ኣብ ሰልፍና ብፍላይ ድማ ኣብ ካናዳ ዝርአ ዘሎ ምዕብልና ንኢዶም። ኣኼባ ፍናን ኣባላት ሓፍ ዘበለ ኮይኑ ተዛዚሙ።

ክንዕወት ኢና!

ውድቀት ንምልካዊ ስርዓት! ክብርን ዘልኣለማዊ ዝኽርን ንስዉኣትና!

ቤት ጽሕፈት ዜናን ባህልን

ዞባ ሰሜን ኣሜሪካ ሰ.ድ.ህ.ኤ.

6 ጉንበት 2018

ኣባላት ጨንፈራት ሳን ሆዘን ኦክላንድን ስሩዕ ኣኼባ ኣካይዶም

Tuesday, 08 May 2018 01:37 Written by EPDP Information Office in NA

ብቀዳም ዕለት 5 ግንቦት ኣባላት ጨንፈራት ሳን ሆዘን ኦክላንድን (በይ ኤርያ) ስሩዕ ኣኼባኦም ኣካይዶም። ሰልፊ ዲሞክራሲ ህዝቢ ኤርትራ (ሰ.ዲ.ህ.ኤ.) ኣብ ዞባ ሰሜን ኣመሪካ ዘርእዮ ዘሎ ዕቤት ገምጊሞም።

ልኡኽ ሰልፊ ናብ ሃገር እስራኤል ምስ መንእሰያት ኤርትራውያንን እስራኤላውያን ተጣበቅቲ መሰላት ደቂ-ሰባት ዝገበሮ ምይይጥን ስምምዕን ንኢዶም። ነቶም ንህግደፍ ካብ ስሩ ንምጽራግ ምስ መስመር ህዝቢ ዝኾነ ሰ.ዲ.ህ.ኤ. ተጸንቢሮም ክቃለሱ ዝወሰኑ መንእሰያት ኣገናዕ ኢሎም። ኣብ መጨረሻ ናይ መጻኢ መደባት መዝጊቦም ኣኼባ ተደምዲሙ።

መስመር ህዝቢ ኩሉ ግዜ ተዓዋታይ እዩ!

ኣህጉራዊ መዓልቲ ነጻ ፕረስ ኣብ ሓያሎ ሃገራት ከቢራ ዊዒላ

Saturday, 05 May 2018 23:41 Written by ድምጺ ሓርነት ካብ ሽወደን

ዕለት 3 ኣህጉራዊ መዓልቲ ነጻ ፕረስ ብደረጃ ሕቡራት መንግስታት ዓለም ዝተወሰነ ኣብ ሓያሎ ሃገራት ከቢራ ዊዒላ። ሃገረ ኤርትራ ብድምጺ ህዝባ፡ ህዝባዊ ረፈረንዱም ኣካይዳ ብ99.8% ውጽኢት ናጽነታ ኣረጋጊጻ ኢሉ እዩ ውልቀ መላኺ ስርዓት ህግደፍ ኣብ ባይቶ ሕቡራት መንስታት ኣቅሪቡ ፡ ኣብ መደበር ባይቶ ሕቡራት ሃገራት ሰንደቓ ዕላማኣ ተሰቂላ ዘምበልበለትሉ ዓመተ 1993 እዩ። ( ብእምንቶናን እቲ ሓቅን ግና ተባዕ ተጋዳላይ ህዝቢ ኤርትራን ጀጋኑ ተጋደልቲ ደቁን፡ ጀመርቲ ተ. ሓ .ኤ . ደምደምቲ ከኣ ደቁ ተጋደልቲ ህዝባዊ ግንባር ፡ንባዕዳዊ ጸላኢ ግዝኣት ኢትዮጵያ ብወተሃደራዊ ዉግእ ሲዒሮም እዮም ሃገሮም ነጻ ኣውጺኦምዋ። ኮይኑ ግና እቲ ከዳዕ ህግደፍ ምስ ጓና ወያኔ ትግራይ ዉዲት ዝኣተዎ ዉዕል ክትግብር ብሃንደበት ህዝቢ ዘይተጸበዮ ናብ ረፈርንዱም ኣምበርኪኹ ንዝነበረ መሪር ተጋድሎ ከበቲ መስዋእትን ዝኸፈለሉ መሪር ቃልሲ ፡ ዝነበሮ ጽማኣት ትጽቢት ናጽነት ብርግጽ 100% ብዘየማትእ ነጻነት ሃገሩ ከም ዘድመጸ ኢና ነረጋግጽ። 0,02 ህግደፍ ብሓሶት ከደናግር ዝፈጠሮ ምኻኑ ኢና ንኣምን) ሲዒቡ ሓፈሻዊ ጉባኤ ባይቶ ሕቡራት ሃገራት፡ ንእማመ ሓፈሻዊ ጉባኤ ዩኔስኮ ጸብጻባቱን ተቐቢሉ፡ ንግንቦት 03 ዓለማዊ መዓልቲ ናጽነት ፕረስ ክትከውን ወሲኑ። እታ ሎሚ ዘላ ኣኤርትራ ህግደፍ ከኣ ተቀቢላቶ እያ። ኮይኑ ግና ፡ እታ ንመግዛእታዊ ጎበጣ ስዒራ ብኸቢድ መስዋእቲ ናጽነታ ኣረጋጊጻ ኩሉ ዓይነት ሰብኣዊ መሰላት ከተኽብር ትጽቢት ዝተገብረላ ኤርትራ ግን ኣብ 1996 ንዝጀመራ ናይ ብሕቲ ጋዜጣታት፤ ብሰንኪ ኣተሓሕዛ ኣልያ ኩናት ኢትዮ ኤርትራ፤ ኣብ መንጎ መራሕቲ መንግስትን ግንባርን ብዝተኸስተ ጎንጺ፤ ርእይቶ ነቐፍቲ መንግስቲ ሕማቅ መናባብሮ ህዝብን ጉጉይ ምሕደራን ንዲሞክራስያዊ ክብሪ ኤርትራውያን ንክዕረን ክእረምን ክመሓየሽን ስለ ዝሓበራ ስለ ዝመሃራ ስለዘአንገዳን ካብ መስከረም 2001 ክሳብ ሕጂ መላኺ ስርዓት ህግደፍ ንኩለን ናይ ብሕቲ ጋዜጣታት ከም ዝዕጸዋ ጌሩ።

12 ኣዳለውትን ጸሓፍትን ጋዜጠኛታት ተኣሲሮም። ክሳብ ሕጂ ብዘይካ በቶም ተቐይዶሙሉ ኣብ ዝነበሩ ኣብያተ ማእሰርቲ ቀዳማይ መደበር ፖሊስ ኣስመራ፡ እምባትካላን ዒራዒሮን ሓለውቶም ዝነበሩ ገለ ገለ ጽቡቅ ዕድል ረኺቦም ዝሃደሙ እሞ ካብ ሃገር ዝወጽኡ ሰባት ዝተዛረብዎ እንተዘኮይኑ ብወገን መንግስቲ ህግደፍዝተዋህበ ዝኾነ ይኹን መግለጽን ሓበሬታን የሎን። ይኹን እምበር እቶም ጋዜጠኛታትን ከምኦም ምምሕዳር ጌጋ ኣሎ ህዝቢ ይሓሚ ኣሎ ዝወጻእናሉ ዕላማን፡ ሕድሪ ሱዉኣትና ይገኣስ ኣሎ፡ ህዝባዊ ዲሞክራስያዊ መንግስቲ ንግበር ዝበሉ 11 ሚኒስተራትን ጀነራላትን ዝርከቡዎም ላዕለዎት ሓለፍቲ ህግደፍ ዝነበሩ ኣብ ትሕቲ ምድሪ ተቀፊዶምስ ብዝተፋለለየ ምኽንያት ሕማም ስቅያት ግፍIዒታትን ከምዝሞቱ ብዘይወግዓዊ መገዲ ይግለጽ ጸኒሑን ኣሎን። መላኺ መንግስቲ ህግደፍ ነቲ ኣብ መስከረም 2001 ዝዓጸዎ ህላዌ ብሕታዊ ሕትመት መዓስ ከምዘልዕሎን ከምዝኸፍቶን ኣብ ዝሕተተሉ እዋን፡ ብሰንኪ ጎበጣ ልዑላዊ መሬት ኤርትራ ዝተፈጥረ ሃዋሁወ ኣይ ኩናት ኣይ ሰላም ክሳብ ዘይተፈትሐን ብምኽንያት ሃገራዊ ድሕነትን ውሕስነትን ከምዘየልዕሎ እዩ ዝዛረብ። ኣብዚ ጉዳይ'ዚ ብጋዜጠኝነት ንኣስታት 16 ዓመታት ኣብ ሚኒስትሪ ዜና ኤርትራ ዝሰርሐ ጋዜጠኛ ዓብዱ መሓመድ ዓንዱ፡ " ኣብ ኤርትራ ኣፈኛ ናይ መንግስቲ ኮንካ ኢኻ ትሰርሕ 'ምበር ነጻ ጋዜጠኛ ኮነካ ናጽነት ተሰሚዑካ ንጉድለታት ክትነቅፍን ከም ድላይካ ክትጽሕፍን ኣዝዩ ኣሸጋሪ ኢዩ" ይብል።

ሳሕቲ፤ ተኣማንነት ንምርካብ ወይ ንይምሰል መታለልን ነቀፈታዊ ጽሑፋት ክጽሕፉ ብናይ ቀረባ ሓለፍቱ ትእዛዝ ይወሃቦም ከም ዝነበረ እንተኾነ ግና ብጸቢብ ከም ዝሓልፍን ንሕትመት ዝበቅዕ ሒደት ምዃኑን ይገልጽ። ዓብዱ መሓመድ ዓንዱ ቀይዱ ዝሰገረ ቀጺሉ ዝብሎ ናጽነት ሕትመት፤ ህዝቢ ምስ ህዝቢ፤ ዓሌት ምስ ዓሌት ከናቑት ተኽእሎ ክህልዎ ከም ዝኽእል ብምዝኽኻር፤ ኣብ ኤርትራ ጉዳይ ናጽነት ሕትመት በይኑ ቆንጺልካ ክርአ ዝከኣል ዘይኮነን ነጻ ዝኾነ ፍርዳዊ ኣካል ብቕዋም ዝምእዘዝ መንግስቲ ዝኣመሰሉ ጉዳያት ከይተፈትሑ ናጽነት ሕትመት በይኑ ክመጽእ ከም ዘይክእል ይዛረብ። ብነጻነት ሓሳባትካ ናይ ምግላጽ ዕድላት ክህሉ ከሎን ብግቡእ ዝጥቀምሉ ትካላትን መራኸቢ ብዙሓንን ጋዜጠኛታትን ክህልዉ ከለዉ ግና "ንህዝቢ ከም ህዝቢ ዘቑሙን ንህዝቢ ከም ህዝቢ ዝሃንጹን ከም ህዝቢ ብሱል ኮይኑ ህይወቱ ክመርሕ ሓድነቱን ናጽነቱን ኣኽቢሩ ክነብር ዘኽእሎ ፕረስ ኢዩ" ይብል። ቀዳማይ ዲግሩ ካብ ኣስመራ ዩኒቨርሰቲ ካልኣይ ዲግሪ ከኣ ካብ ደልሂ ሃገረ ህንዲ ዝተቀበለ ጋዜጠኛን ጸሓፍን ቴድሮስ ኣብርሃም፤ ኣብ ኤርትራ ኣብዚ እዋን ብምምያ ከይሓለፈ ዝሕተምን ዝዝርጋሕን ጽሑፋት ከምዘየሎ ድሕሪ ምግላጽ ፤ ንናጽነት ፕረስ ኣብ ሓንቲ ሃገር ንዘለዎ ኣስተዋጽኦ ብኽመዚ ዝስዕብ የብርህ፤

"ናጽነት ፕረስ ንህዝቢ ግሉጽ ዝኾነ ሓበሬታ ኣብ ምልውዋጥን ፡ ከይሰገአ እቲ ክብሎን ክነቕፎን ዝደሊ ሃህ ኢሉ ክዛረብ ዝፈቕድ'ዩ ፡ ብዓቢኡ ሓንቲ ሃገር በየናይ ኣንፈት ምዕባለ ትኸይድ ኣላ ኣብ ዝብሉ ናጻ ምይይጣት ንክህሉ ዓቢ ሮቓሒ'ዩ " ድሕሪ ምባል ህዝቢ ብምንገዲ ናጽነት ፕረስ ካብ ቤላቤሎውን ኮንዶኾንን ዝኾኑ እንተታት ወጽዩ ሓቐኛን ውዱዕን ሓበሬታ ንኽረክብ ዝሕግዝ'ዩ ፡ ነቲ ህዝቢ'ውን መሰሉ'ዩ" ይብል።

ግንቦት 3፤ ዓመት ዓመት፦ ነቲ መሰረታዊ መትከላት ናይ ፕረስ ነጻነት ንምጽምባል፡ ንኩነታት ነጻነት ፕረስ ኣብ መላእ ዓለም ንምግምጋም፡ ኣብ ልዕሊ ናጽነት ሚድያ ንዝወርድ መጥቃዕቲ ንምክልኻልን፡ ኣብ ዕማም ጋዜጠኝነት ህይወቶም ንዝሰኣኑ ጋዜጠኛታት ንምዝካርን ዝጽምበል ዓለም ለኻዊ መዓልቲ ነጻ ፕረስ ኢዩ። ሎሚ ዓመት እዚ መዓልቲ ኣብ ትሕት "ንስልጣን ተሓታቲ ምግባር፡ ሚድያ፡ ፍትሒን ልዕልና ሕግን" ዝብል ቴማ ዝኽበር ክኸዉን ከሎ፡ንኣገዳስነት ሕጋዊ ሃዋሁው ንነጻነት ፕረስ ዘስምር ኮይኑ፡ ብፍላይ ድማ ነጻ ዝኾነ ፍርዳዊ ኣካል ኣብ ምርግጋጽ ሕጋዊ ውሕስነት ንነጻነት ፕረስን ኣብ ልዕሊ ጋዜጠኛታት ንዝፍጸም ገበናት ናብ ሕጊ ኣብ ምቕራብ ዘተኮረ ኢዩ። እቲ ቴማ ብተወሳኺ ብዛዕባ ርእሰኻ ናይ ምግላጽ ነጻነት ዘሎ ሕጋዊ ሓጓፋት ንምድህሳስ ዝዓለመ ኢዩ።

ቅድሚ ሓያሎ ዓመታት ገዲም ተጋዳላይ ስዉእ ስዩም ዑቅባሚካኤን ብስዩም ሓረስታይ ዝፍለጥ፡ ከምቲ ኣብ ዝሓለፈ ቀዳም ራዲዮና ናይ 28/04/2018 ዘቃላሕናዮ ስዩም ኣብ ፈስቲቫል ጀርመን ዝሃቦ ታሪኻዊ ኣስተምህሮ …ነጻ ኤርትራዊ ዜና ማዕከን ክህሉ ሚዛን ስልጣን ክሕሎ ህዝቢ ከይብደል ከይጥለም ምእንቲ ፡ ናይ ዓወትና እስትርተጂ …ዉሕስነት ዲሞክራሲ … ክስተታት ዲሞክራሲ ክድኮን ሕጋዊ ሰረት ሂወት ህዝቢ ዉሑስ ክኸውን ነጻ ኤርትራዊ ዜና ማዕከንን ክህሉን ምቋም ነጻ ሕዝባውያን ማሕበራት ሕጂ …ካብ ውልቀ ጀሚሩ ዉድባት ክህሉ ኣሎዎ እዩ ኢሉና ሓሊፉ … ተሰዊኡ….

ኣብ ዝሓለፈ ሰሙን ትካል ተሓላቒ ነጻ ፕረስ ኣብ ዘዉጽኦ ጸብጻብ ንኤርትራ በቲ ንፕረስ እትህቦ ናጽነት ካብ 180 ሃገራት መበል 179 ሰሪዑዋ ኣሎ። ኣብቲ ን180 ሃገራት ዘመልክት ጸብጻብ ኤርትራ ን ሰሜን ኮርያ ጥራይ ቀዲማ መበል 179 ተርታ ሒዛ ኣላ። ኣብዚ ተርታ ኖርወይ ቀዳመይቲ ክትከዉን ከላ ሽወደንን ሆላንድን ካልኣይትን ሳልሰይትን ኮይነን ኣለዋ። ሓደ ካብቶም ኣብ 2001 ዝተኣሰሩ'ሞ ክሳብ ሕጂ ኣብ ቀይዲ ዝርከብ ጋዜጠኛታት ኤርትራዊ ሽዊድናዊ ዳዊት ኢሳቕ ብዙሕ ተዘሪቡሉ ተጻሒፉስ ክሳብ ኣብ 2017 ዩኔስኮ ናይ ጉሌርሞ ካኖ ዓለማዊ ሽልማት ናጽነት ፕረስ ጌሩ ከም ዝሸለሞ ይዝከር፡፡ ኮይኑ ግና ክሳብ ሎሚ ሃለዋት ዳዊት ይኹን እቶም 26 ድዮም 29 ህቡባት ጋዜጠኛታ ደሃይ የለን ዓለም ዋላ እውን እቲ ዝምልከቶ ማሕበር ማንም ለውጥ ኣየምጽኤን ስለምታይ ??? ... መልሲ ካብ ኩልና !!!

ነጻ ፕረስ መሪሕ ሂወት ናይ ዓለምና እዩ !!!

ምምሕዳር ድምጺ ሓርነት ካብ ሽወደን።