Subscribe to this RSS feed
Monday, 15 August 2016 09:56

ቃል ኣቦ መንበር ሰዲህኤ ኣብ ዋዕላ ምህናጽ ሕድሕድ ምትእምማን 2016

Written by
ቃል ኣቦ መንበር ሰዲህኤ ኣብ ዋዕላ ምህናጽ ሕድሕድ ምትእምማን 2016

ዝኸበርኩምንዝኸበርክንን ተኻፈልቲ ዋዕላ ምህናጽ ሕድሕድ ምትእምማን

 

ኣቐዲመ፡ ንዕድመና ኣኽቢርኩምን ኣኽቢርክንን ካብ ርሑቕን ቀረባን ዝመጻእኩምን ዝመጻእኽንን ኣጋይሽና ብሓበራ፡ ነቶም ወረቓቕቲ ዘቕረብኩምን ንውድባትኩም ወኪልኩም ዝመጻእኩም ኣባላት መሪሕነትን ድማ ብፍላይ ብስመይን ብስም ሰልፊ ዲሞክራሲ ህዝቢ ኤርትራ (ሰዲህኤ) እንቋዕ ደሓን መጻእኩም እንቋዕ ድሓን መጻእክን ክብል እፈቱ። ቀጺለ ነዚ ዎርክሾፕ እዚ ኣብ ምድላዉ ክነጥፉ ንዝጸንሑ ኣባላት ኣሰናዳኢት ሽማግለ ክብ ዝበለ ምስጋናይ እናቕረብኩ፤ ካብ’ዚ ብምቕጻል መደረይ ንኽልቲኡ ጾታታት ዘመልክት ምዃኑ ጠቒሰ ናብ ዘዳለኽዎ ቃል ክኣቱ ኣፍቅዱለይ።

 

ክቡራንን ክቡራትን

 

ኣዳሊናዮ ዘለና ዋዕላ/ዎርክሾፕ ከመይ ይመስል?

 

ኣብ ናይሮቢ ዝተኻየደ ዋዕላ፡ ንኵሎም ተቓወምቲ ፖለቲካዊ ሓይልታት፡ ኣብ ክሊ ሓባራዊ ራኢ ንምጥርናፍ ዝሕልን መስርሕ ወይ መድረኽ ኢዩ። ብኻልእ ሸነኽ ድማ፡ ንተቓወምቲ ፖለቲካውን ሲቪላውን ማሕበራት ንምጥርናፍ ዝዓለመ፡ ብኤርትራዊ ሃገራዊ ባይቶ ንዲሞክራስያዊ ለውጢ ዝፍለጥ ምንቅስቓስ ክካየድ ጸኒሑን ኣሎን። ሰልፊ ዲሞክራሲ ህዝቢ ኤርትራ ኣዳልይዎ ዘሎ ዋዕላ ወይ ወርክሾፕ ግን፡ ካብ ክልቲኡ ፍልይ ዝበለ ኰይኑ፡ ተመሳሳሊ ፖለቲካዊ መደብ ዕዮ ኣለዎም ኢሉ ንዝኣመነሎም ውድባትን ሰልፍታትን ብምቅርራብን ብምጥርናፍን ሃገራዊ መደብ ዕዮ ናይ መሪሕ ግደ ክጻወት ንምግባር ዝሕልን ኢዩ።

Workshop 5

ሓቢርካ ምስራሕ ሓይሊ ምዃኑ ኵላትና እንሰማምዓሉ ጕዳይ ኢዩ። ነዚ ዘረጋግጽ ምስላታት ህዝብና እውን ማእለያ የብሉን። ገለ ንምጥቃስ ዝኣክል፡ ኣሕዋት ምስ ዝፋቐሩ ጸላኢ የባርሩ፤ ሓቢረን ዝጸመዳ ኣጻብዕ፡ ኣርቃይ የጸምብዓ፤ ኣድቂቕካ ዝመተርካዮን ሓቢርካ ዝመኸርካዮን፡ እቲ ነይሓንቕ፡ እቲ ከኣ ነይሓምቕ ዝብሉ ኢዮም።

 

ብርእይቶና፡ ኵሉም ተቓወምቲ ፖለቲካዊ ውድባት ኣብ ዝተሓተ ናይ ስምምዕ ነጥቢ ተመርኵሶም ብሓባር ክሰርሕሉ ዝኽእሉ መድረኽ ክፍጠር ኣለዎ ዝብል እምነት ኣሎና። ስለ’ዚ ኢና እውን ኣካል ናይ’ቲ ኣብ ናይሮቢ ዝካየድ ዘሎ ዋዕላ ተቓወምቲ ውድባት ዝዀና።

 

ብኻልእ ሸነኽ ከኣ፡ ሰዲህኤ፡ ፖለቲካውን ሲቪላውን ውድባት/ማሕበራት ንተመሳሳሊ ዕላማ ዝቖሙ ኰይኖም ኣገባብ ኣቀላልሳኦም ግን ከምዝፈላለ ይኣምን። ፖለቲካዊ ውድባት ንስልጣን ዝቃለሱ ኣካላት ክዀኑ ከለው፡ ሲቪላውያን ማሕበራት ግን ንዲሞክራስያውን ሰብኣውን መሰላት ደቂ ሰብ ዝጣበቑ፡ ብሰብ ሰርሖ ይኹን ባህርያዊ ምኽንያታት ኣብ ልዕሊ ህዝቢ ንዝወርዱ ጸገማት ዘቃልሉ፡ ዘይመንግስታውያን ናይ ጾታ፡ ሞያን ንቓባውያን ማሕበራት ምጥርናፋት ኢዮም ዝብል ርድኢት ኣሎና።

Workshop 4

ስለ’ዚ፡ ፖለቲካውን ሲቪላውያን ውድባትና፡ መሰላት ደቂ ሰባት ዝኽበረሉ ዲሞክራስያዊ ስርዓት ኣብ ምህናጽ ተማላላኢ ግደ ዝጻወቱ ደኣ’ምበር ተታኻኻእቲ ወይ ተጻረርቲ ከምዘይኰኑ ኢና እንግንዘብን ተዋሃሂዶም ክሰርሑ ድማ ነተባብዕን ንድግፍን።

 

ብኻልእ ሸነኽ፡ ደምበ ተቓውሞና ዝሳቐየሉ ከቢድ ዝዀነ ብኵራት ናይ ሕድሕድ ምትእምማን ከምዘሎ ኢና ንግንዘብ። እዚ ኵነታት’ዚ ሓንሳብ ሃይማኖታዊ፡ ሓንሳብ ብሄራዊ፡ ሓንሳብ ኣውራጃዊ መልክዓት እናለበሰ ኣብ ህዝብና ክልሑኽ ውን ንዕዘብ ኣሎና። ንረብሓኦም ክብሉ፡ ነዚ ናይ ዘይምትእምማን መንፈስ ዘሳውሩ ውሽጣውያንን ግዳማውያንን ሓይልታት እውን ምህላዎም እውን ክንዝንግዕ ኣይግባእን።

 

ብርእይቶና፡ ንዲክታቶርያዊ ስርዓት ኤርትራ ኣውዲቕና፡ ብቅዋማዊ ዲሞክራስያዊ ስርዓት ክንትክኦ እንተደኣኰይና፡ ንህዝብና ዝጥርንፍን ዝመርሕን ሃገራውን ዲሞክራስያውን መደብ ዕዮን ውደባን ክንውንን ይግብኣና። ነዚ መደብ ዕዮ’ዚ ድማ፡ ብልፍንቲ ይኹን ከም ውልቀ-ውድባት ንምዕዋቱ ከይተሓለልና ክንሰርሕ የድሊ። ናይ ብሄር፡ ናይ ሃይማኖት ወይ ናይ ከባቢ/ኣውራጃ መደብ ዕዮታትን ውደባን ንመልኣ ህዝቢ ዝጥርንፍ ስለዘይኰነ፡ ሃገር ዝምርሓሎም ፕሮግራማት ክዀኑ ኣይክእሉን ኢዮም። እቲ ዝመርሕ ፕሮግራም፡ ንዅሉ ዜጋ ብዘይ ኣፈላላይ ዝጽውዕን ዘካፍልን ክኸውን ኣለዎ ዝብል መርገጽ ብንጹር ቃላት ኣስሚረ ክገልጾ እፈቱ።

Workshop 3

ሎሚ ተኣኪብና ብዕምቈት ክንዛረበሉ ዝመረጽናዮ ቴማ ወይ ኣርእስቲ “ምትእምማን ምህናጽ” (Trust Building) ዝብል ክኸውን ኢዩ። ነዚ ቴማ’ዚ ንምሕጋዝ ተባሂሎም ድማ፡ ገለገለ ኣርእስታት መሪጽና ብምሁራትን ክኢላታትን ክቐርቡ ጌርና ኣሎና። እቶም ኣብ’ዚ ወርክሾፕ ዝቐርቡልና ኣርእስታት ድማ፡

  1. ዕርቂ
  2. ኣፈታትሓ ግርጭት
  3. ሃለዋት ክብርታትናን ባህልታትናን
  4. ተራ ሚድያ ኣብ ምህናጽ ምትእምማን
  5. ስደት፡ ጠንቁን መፍትሒታቱን
  6. ጠንቂ ዘይምትእምማና እንታይ ኢዮም? ዝብሉ’ዮም።

ስለምንታይ ኢና ናይ’ዚ ዎርክሾፕና ቀንዲ ቴማ “ናይ ምትእምማን መንፈስ ምህናጽ” ዝብል ክኸውን ዝመረጽና?

 

እወ፡ ፖለቲካውያን ውድባትና ይኹና ሲቪላውያን ውድባትን ብስእነት ምትእምማን ይሳቐዩ ምህላዎም ኵላትና እንከታተሎ ዘለና ጕዳይ ኢዩ። ዋላ እውን እዞም ኣብ’ዚ ዎርክሾፕ ተዓዲምና ዘለና ፖለቲካዊ ውድባት ብደረጀ ፖለቲካዊ መደብ ዕዮና ክንርአ እንከሎ ብዙሕ ናይ ኣርኣእያ ፍልልይ ዘይብልና ክነስና፡ ኣብ መንጐና ዘሎ ዘይምትእምማን ግን፡ ካብ’ቲ ምስ ካልኦት ውድባት ዘሎ ዘይምትእምማን ዝኸፍአ እንተዘይኰይኑ ካብኡ ዝሓሸ ኣይኰነን ክንብል ዘድፍር ኢዩ።

 

ጠንቅታት ናይ ዘይምትእምማን መንፈስ ምስፋን እንታይ ምዃኖም፡ ድሕር ኢሉ በቶም ክኢላታት ዝቐርብ ወረቐት ብዕምቈት ክዛረብሉ’ኳ እንተዀነ፡ ነፍስወከፍና ግን፡ ኣብ ዘይምትእምማን መንፈስ ምፍጣር ይዕበ ይንኣስ ተራ ከምእተጻወትና ክንእመን ዘድልየና ኰይኑ ይስምዓኒ። ፖለቲካዊ ውድባት ኤርትራ፡ ካብ’ቲ ናይ 60ታትን ሰብዓታትን ኣተሓሳስባታት ጌና ሓራ ኣይወጻእናን ዘሎና። ነፍስወከፍና ንውድቡ ወይ ሰልፉ ኣሐይሉ፡ ነቲ ካልእ ከዳኽም ኢዩ ክሰርሕ ጸኒሑን ዘሎን። ሕጂ ግን፡ ምስ’ዚ ዘለናዮ መዋእል ዘሳኒ፡ ንብዙሕነት ብዅሉ መልክዓቱ ዝቕበል ኣተሓሳስባ ክንውንንን፡ ሓቢርና እንሕይለሉን እንዓብየሉን ኵነታት ንምፍጣርን ዘኽእለና ኣተሓሳስባን ኣገባብን ክንምህዝ መድረኽ ይጠልበና ኣሎ።

Workshop 6

 

ክቡራትን ክቡራንን

 

ምትእምማን ብመስርሕ ዝረጋገጽ ኣምር እምበር፡ ብሓደ ወርክሾፕ ወይ ብሓደ ርክብ፡ ወይ ብሓደ ውሳኔ ዝረጋገጽ ኣይኰነን። እምነት ክትረክብ እምነት ክትህብ ኣሎካ። ከም’ቲ ካልኦት እምነት ከንብሩልካ እትደሊ፡ ንስኻ እውን ኣብ ልዕሊ ካልኦት እምነት ከተንብር ክትክእል ኣሎካ። እዚ ድማ፡ ነዊሕ ግዜ ዝወስድ፡ ብኣፍ ጥራሕ ዘይኰነስ፡ ብግብሪ ክስነ ዘለዎ መስርሕ ምዃኑ ክንግንዘብ ይግባእ።

 

ናይ ሕድሕድ ምትእምማን ዘይብሉ ጋንታ/Team ወይ ውድብ፡ ናይ ብሓቂ ውድብ ወይ ጋንታ ኣይኰነን። ዝተኣከቡ ግን ዘየድምዑን ንቕድሚት ዘይስጕሙን ምትእኽኻብ ናይ ውልቀሰባት ኰይኖም ኢዮም ዝተርፉ። ሓበሬታታት ብግልጺ ኣይውሃሃቡን፡ ኣብ መሰላትን ግቡኣትን ይመናጨቱ፡ ኣይደጋገፉን፡ ንነብሶምን ንረብሓኦምን ጥራሕ ኣብ ምክልኻል ይኣትዉ። እንተደኣ ኣብ ውሽጢ ውድብ ምትእምማን ዘይሃልዩ ኣባላቱ ብዝለዓለ ብቕዓት ክዋስኡ ኣይክእሉን ኢዮም። ብዘይ ምትእምማን ናይ ምምሃዝ ዓቕምታት ክዓቢ፡ ናይ ምድግጋፍ መንፈስ ክሰፍን፡ ኣድማዒ ስራሕ ክፍጸም ኣይከኣልን ኢዩ።

ስለ’ዚ፡ ኣብ ዘራኽቡና ጕዳያት ምትኳር፡ ቃልናን ግብርናን ሓደ ምዃን፡ ቀጻልን ግሉጽን ዝርርብ ምክያድ፡ ሕድገታት ምግባር . . .ወዘተ ካብ’ቶም ክንውንኖም ዘሎና ክብርታት ምዃኖም ክንዝንግዕ ኣይግባእን።

 

 

ክቡራንን ክቡራትን

 

ኣብ መደምደምታ፡ ገለ ነጥብታት ኣስሚረ፡ ዘረባይ ክዛዝም ኣፍቅዱለይ። ዲክታቶርያዊ ስርዓት ኤርትራን ደገፍቱን ካብ ዕለት ናብ ዕለት እናደኸሙን ድምጾም እውን እናነከየን ክኸይድ እንከሎ፤ ብኣንጻሩ ፡ ደምበ ተቓውሞ ብዓቐን ካብ ግዜ ናብ ግዜ እናዓበየ ይመጽእ ምህላዉ ዘይከሓድ ሓቂ ኢዩ። ድሕሪ ናጽነት ንግዝያዊ መንግስቲ ኤርትራ ዝነበሮ ደገፍን ሎሚ ንስርዓት ህግደፍ ዘሎ ናይ ህዝቢ ደገፍን ዓብዪ ፍልልይ ከምዘለዎ ንምርኣይ ዘጸግም ኣይመስለንን። ሎሚ ስርዓት ህግደፍ ብህዝቡ ተኻዒቡ ብዓለም ዝዅነን ዘሎ ስርዓት ኢዩ። ኣብ ውሽጢ ሓሓሊፎም ዝግሃዱ ተቓውሞታት፡ ኣብ ግዳም ብደለይቲ ፍትሒ ዝካየዱ ዘለዉ ድሙቓትን ኣድማዕትን ሰላማዊ ሰልፍታት፡ ጸብጻባት ኮሚሽን ሰብኣዊ መሰላት ሕቡራት ሃገራት፡ መርገጽ መንግስቲ ሆላንድን ፈረንሳን ኣብ ልዕሊ ተግባራት ስርዓት ህግደፍ ገለ ካብ’ቶም ነዚ ሓቂ’ዚ ዝምስክሩ ጭብጥታት ኢዮም።

 

እንተዀነ ግን፡ ደምበ ተቓውሞ ብዓቐን እናወሰኸ ይኺድ’ምበር፡ ዝመርሖ ፖለቲካዊ ውዳበ፡ ክሳብ እዛ ሰዓት’ዚኣ ክረክብ ኣይከኣለን ዘሎ። ዘይተወደበ ህዝባዊ ተቓውሞታት ድማ፥ ዝዀነ ዝተወደበ ሓይሊ ክጨውዮ ከምዝኽእል ከኣ፡ ናይ ግብጺ፡ ሊብያን የመንን ተመኵሮታት እኹል ኣስተምህሮ ኰይኑና ኢዩ።

 

ስለ’ዚ ደምበ ተቓውሞና ካብ ኣትይዎ ዘሎ ዓዘቕትን ደውታን ወጺኡ መሪሕ ግዴኡ ክጻውት፡ ብሓባር እንሰርሓሉ ባይታ ጽባሕ ዘይኰነስ ሎሚ ክንረክብ ንጥለብ ኣሎና። ማዕረ’ዚ ሓላፍነት’ዚ ክንከውን እንተዘይበቒዕና ድማ፡ ኵላትና ብታሪኽ ተሓተቲ ካብ ምዃን ሓራ ክንወጽእ ኣይንኽእልን ኢና።

ዕዉት ዋዕላ ክዀነልና እናተመነኹ፡ ጽን ኢልኩም ብምስማዕኩም አመስግን።

 

ንምዕዋት ህዝባውን ዲሞክራስያውን ዕላማታት ብሓባር ንበገስ

 

መንግስተኣብ ኣስመሮም

ኣቦ መንበር ሰዲህኤ

ዕለት 10 ነሓሰ 2016

Monday, 15 August 2016 09:36

ብጓልነገር ያኢ ክሃድም!

Written by

ብውሽጢ ይኹን ብደገ ኣብ ልዕሊ ጉጅለ ህግደፍ ዝፍጠር ዘሎ ተጽዕኖ፡ ቅልጣፍኡ’ኳ ዘገምታዊ እንተኾነ፡ ቀጻሊ ምህላዉ ንዕዘቦ ኣለና። ምናዳምናዳ ንሓንሳብ እቲ መስርሕ ይቕልጥፍ እሞ፡ ንህግደፍ ድማ ብኽንድኡ ደረጃ የሻቕሎን የሰንብዶን። እቲ ጉጀ ከምዚ ዓይነት መሸንቦባ ክመጾ እንከሎ መኸወሊ ክፈጥር ባህርያዊ እዩ። እተኾነ እቲ ዝፈጥሮ መኸወሊ ኣብ ግዚያዊ መዕገሲ እምበር ኣብቲ ቀንዲ ዝሕተተሉ መሰረታዊ ጉዳያት ዘትከለ ኣይከውንን። ምኽንያቱ ከምኡ እንተኾይኑ ካብ ሱሩ ክብርቁቖ ስለ ዝኾነ።

ብፍላይ ኣብዚ ዝሓለፈ ኣዋርሕ ጉዳይ ሰብኣዊ መሰላት ኤርትራ ካብ ኢድ እቲ ጉጅለ ተመንዚዑ፡ ኣብ ዓለም ለኻዊ መድረኻት መዛረቢ ኣጀንዳ ኣብ ዝኾነሉ፡ ኣብ እንዳ ህግደፍ ዓብይ ሻቕሎትን ራዕድን ፈጢሩ ኣሎ። እቲ ጉጀል ብወገኑ ካብዚ መሸንቦባ ነብሱ ንምኽዋል፡ ብዙሓት ዘይመስረታዊ እሞ ድማ ዘይትግበሩ መብጸዓታት እንዳቕረበ መናውሒ ዕድመ ክገብር ፈቲኑ። ከም ኣካል ናይዚ ፈተንኡ፡ “ኣብ ምኽባር ሰብኣዊ መሰል ክሰርሕ እየ፡ እሱራት እቲ ጉዳይ ብዝምልከቶም ኣካላት ዝብጽሕሉ ኩነታት ክፈጥር እየ፡ ኣዜ ኣገልግሎት ግዱድ ዕስክርና ክግድብ እየ፡ ዓለም ለኻዊ ኣኼባታት ኣብ ኣስመራ ይካየዱ ኣለዉ፡ ምስ ጉዳይ የመን ብዝተተሓሓዘ ምስ ዝተወሰና ሃገራት ኣዕራብ ዝምድና ፈጢረ፡ 10 ዓመት ዝተኣስሩ ፓትሪያርክ ኤርትራ ንመንግስቲ ይቕረታ ሓቲቶም፡ ልኡኸይ ናብ ሃገር ቻይና ገይሹ … ወዘተ” ዝብሉ ግዳማዊ መመላኽዕታት ይነዝሕ ኣሎ።

እንተኾነ እዚ መመላኽዕታት፡ ምስቲ መሰረታዊ ሕቶ ህዝቢ ኤርትራ ዝምድና ዘየብሉ ተፈታሕካዮስ ቁጻር ጥራይ’ዩ። ንዋላ ሓደ ካብቲ መሰረታዊ ጠለባት ህዝቢ ኤርትራ ከኣ ኣይምልስን። ከምኡ ስለ ዝኾነ ኢና ድማ ጓልነገር ወይ ግዚያዊ መመላኽዒ ንብሎ ዘለና። እዚ ጥራይ ኣይኮነን እቲ ጉጅለ ኣብዚ መሰረታዊ ዘይኮነ ጉዳያት’ውን ግብራዊ ስጉምቲ ኣይክወስድን እዩ። ኣነቓቕላኡ ምዕሸውን መሸመቲ ግዜ ንምርካብን ዝመሃዞ ስለ ዝኾነ። እንተኾነ ካብዚ ሸንኮለል ምሉእ ብምሉእ ጥራይ ኢዱ ክወጽእ እዩ ማለት ኣይኮነን። እነሆ’ኳ ሓደሓደ ትማሊ በላሕቲ ተቓወምቱ ዝመስሉ ዝነበሩ “ንዕኡ ኣውዲቕና ዝሓሸ ክንፈጥር ዓቕሚ ስለ ዘየብልና፡ ምስኡ ንመሳሰል” ዝቓንኡ ሓሳብ በጨቕ ከብሉ ንዕዘብ ኣለና። እቲ ዝስማዕ ምኽንያቶም “ዓቕሚ የብልናን” ዝብል እዩ። ብርኢቶይ ዓቕሚ ተዘይብልና እቲ ክበሃል ዝነበሮ “ሓቢርና ዓቅሚ ንፍጠር” እምበር ናብኡ ተመሊስና ንስገድ ኣይኮነን። እቲ በዂሩ ዘሎ ናይ ለውጢ ዓቕሚ ንምፍጣር ኢና ከኣ ንቃለስ ዘለና።

ብዙሓት ወገናት ከምዘይስሕትዎ፡ ድሕሪ ሕጂ ጉጅለ ህግደፍ ድሌትን ባህግን ህዝቢ ኤርትራ ዘማልእ ስርዓት ዝተክል ክኸውን ኣይክእልን እዩ። ነዚ ዝምልከት መስመር ሓሊፉስ ኣብ ቦታ ወጻዒ ህዝቢ ኤርትራ ካብ ዝኹየጥ ነዊሕ ኮይኑ እዩ። ስለዚ ብእዉጅ ኣንጻርካ ካብ ዝተሰለፈ ሓይሉ ንጽቡቕካ ኣይትጽበዮን ኢኻ። ህዝቢ ኤርትራ እውን ነዚ ኣጸቢቑ ይረደኦ እዩ። እቲ ጉጅለ እውን ኣብ ልቢ ህዝቢ ኤርትራ ዝነበሮ ባይታ ከም ዝነቐጸ ይርዳእ እዩ። ኣብ ከምዚ ኩነታት ድማ ኣብ ስልጣን ንክነብር እቲ ዘዋጸኦ ንህዝቢ ከረድእ ዘይኮነስ፡ ከገድድ ክፈላልን ጥራይ ምዃኑ ይፈልጥ እዩ። ከምኡ ድማ እዩ ዝገብር ዘሎ።

“እንታይ’ዩ እቲ ኣብ ኤርትራ ክትግበር ዘይተኻእለ መሰረታዊ ድሌት ህዝቢ ኤርትራ?” ዝብል ሕቶ ምናልባት ነቲ ጉዳይ ብቐረባ ብዘይተኸታተልዎ ዘይኤርትራዊ ወገናት ይለዓል ይኸውን። ብህዝቢ ኤርትራ ግና ሎሚ ኣይለዓልን እዩ። መውጽእ ኣፉ ካብ ዝገብሮ ነዊሕ ዓመታት ስለ ዘሕለፈ። ህዝቢ ኤርትራ፡ ሕገመንግስታዊ ውሕስነት ዘለዎ፡ ልዕልና ህዝቢ ኣብ መንግስቲ ብንጹር ዘርእን ዘተግብርን፡ ማዕርነት፡ ደሞክራሲ፡ ፍትሒ፡ ልምዓትን ድሕንነትን ዝማእከሉ ምምሕዳር ከም ዝደሊ ብሩህን ንጹርን እዩ። እቲ ጉጅለ ህግደፍ ዝኸዶ ዘሎ ናይ ሸፈጥ መንገዲ ጥዑይ ድዩ ሕሙም ንምምዛን ከኣ በዚ ጥራይ እዩ ክዕቀን ዝግበኦ። ክሳብ ሕጂ ብእንዕዘቦ ዘለና ኩሉ መንገዲ ህግደፍ ነዞም ድሌት ህዝቢ ኤርትራ ኢልና ዝጠቐስናዮም ዘራጉድ ዘይኮነስ ብኣንጻሩ ዘዳኽሞም እዩ። እታ ሓንቲ ኣምጺእዋ ዘሎ ፈሊጥ ከኣ ንኤርትራ ካብ ናታ ኣብ ዝኸፈአ ደረጃ ኣለዋ ዝብለን ሃገራት ሃስስ እንዳበለ ኣወዳዲሩ “ንሕና ንሓይሽ” ዝብል ስብከት ምቅላሕ እዩ። ህዝቢ ኤርትራ ግና ካባይ ስኸፈኣን ኣለዋ ኢሉ ዝደዓዓስ ዘይኮነስ ዘይተፈትሐ ሕቶ ከም ዘለዎ ኣሚኑ እዩ ዝቃለስ ዘሎ። ስለምንታይ እዩኸ ህዝቢ ኤርትራ ኣብ ክንዲ ዝሓሸ ስርዓት ምስ ዝተኸላ ሃገራትን ህዝብን ምውድዳር ናብተን ካብኡ ንታሕቲ ዘለዋ ንቑልቁል ክጥምት ጥራይ ዝቕሰብ?

Saturday, 13 August 2016 08:50

The Importance of Social and Cultural Values Eritrean Trust Building Conference

Written by
The Importance of Social and Cultural Values Eritrean Trust Building Conference

Frankfurt - Germany
10th – 11th August 2016

By: Abdurahman Sayed

This email address is being protected from spambots. You need JavaScript enabled to view it.
+44-7500223914

Contents:

1/ Definition
2/ Role of SCV in Post
Conflict/Dictatorship Societies
3/ The State of our SC Values Today
4/ What Can and Should We Do?    
5/ End  

1/ Definition of SC Values

According to BusinessDictionary.com:
The commonly held standards of what is acceptable or unacceptable, important or unimportant, right or wrong, workable or unworkable, etc., in a community or society.

Source: http://www.businessdictionary.com/definition/cultural-values.html

2/ Role of SCV in Post Conflict/Dictatorship Societies
- Maintains communal harmony
- Enables Conflict Management/Resolution
- Promotes Social Welfare and Solidarity from Family, to Neighbourhood, to Region and Nationwide
- Stabilises Governance e.g. Turkey’s conflict between imposed values and existing values

4/ What Can and Should We Do?

- Study the level and impact of SCV absence in Eri society inside Eritrea and in the diaspora
- Preserve and Promote SCV through different methods, including Media and Art
- Provide Support to young generation through community and cultural networks
- Bridge Inter-Generational Gaps

Saturday, 13 August 2016 04:54

ኤርትራውያን ምሁራትን ንጡፋትን “ምህናጽ ምትእምማን” ብዝምልከት ኣብ ፍራንክፈርት ናይ 3 መዓልታት ዋዕላ ኣካይዶም

Written by
ኤርትራውያን ምሁራትን ንጡፋትን “ምህናጽ ምትእምማን” ብዝምልከት ኣብ ፍራንክፈርት ናይ 3 መዓልታት ዋዕላ ኣካይዶም

ብሰልፊ ደሞክራሲ ህዝቢ ኤርትራ ዝተወደበ፡ ምህናጽ ምትእምማን ኣብ ማሕበራውን ፖለቲካውን ኩነታት ኤርትራ ዝምልከት ናይ 3 መዓልታት ዋዕላ ተኻይዱ። ኣብዚ ዋዕላ ብ10ን 11ን ነሃሰ 2016 ብዓሰርተ ሓደ ፍሉጣት ኤርትራውያን ኣገደስቲ መጽናዕታዊ ጽሑፋት ቀሪቦም።

TesfaiDegiga

.

እዚ ኣገዳሲ ዋዕላ ብናይ ኣቶ ተስፋይ ወልደሚካኤል (ደጊጋ) ናይ እንኳዕ ደሓን መጻእኩም ቃል እዩ ተኸፊቱ። ኣቶ ተስፋይ እንኳዕ ደሓን መጻእኩም ምስ በለ፡ ኣቦመንበር ሰልፊ ደሞክራሲ ህዝቢ ኤርትራ ኣቶ መንግስተኣብ ኣስመሮም መኽፈቲ ቃል ንከስምዕ ዓዲምዎ። ኣቶ መንግስተኣብ ኣብ ዘስመዖ መኽፈቲ ቃል፡ ኣብ ኤርትራ ናይ ዕርቅን ሓቢርካ ምስራሕ ህጹጽነት ጠቒሱ እቲ ዋዕላ ዕዉት ንክኸውን ምንዮቱ ገሊጹ።

MenghesteabAsmerom 1

እቲ ዋዕላ ብላዕለዎት ሓለፍቲ ሰደህኤ ኣለም ዮሃንስ ሓላፊ ቤት ጽሕፈት ማሕበራዊ ጉዳያት፡ ኤርትራ ኣልኣዛር ሓላፊት ቤት ጽሕፈት ጉዳይ ደቂ ኣንስትዮን መድሃኔ ህብትዝጊ ሓላፊ ቤት ጽሕፈት ጉዳይ መንእሰያትን እንዳትመርሐ ብዛዕባ ሽዱሽተ ኣገደስቲ መጽናጣዊ ጽሑፋት ተመያይጡ።

Alemertramedhanie

 

ኣብቲ ንትሻዕተ ሰዓታት ዝኣክል ብረቡዕ 10 ነሃሰ 2016 ዝተኻየደ ምይይጥ፡ ትርጉም ፖለቲካዊ ዕርቂ፡ ኣተገባብርኡን ጽልዋኡን ኣብ ኤርትራ፡ ብዝብል ኣርእስቲ ዝተዳለወ ጽሑፍ ብዶ/ር ዓንደብርሃን ወልደጊዮርጊስ ኣባል መሪሕነት ኤርትራዊ መድረኽ ንሃገራዊ ዘተን ኣቶ ገ/እግዚኣብሄር ተወልደ ወኪል ኣቦመንበር ሰደህኤ ኣብ ሰሜን ኣሜሪካን ቀሪቡ። እቲ ቀዳማይ ኣቕራቢ ኣድላይነት ምትእትታው ዕርቂ ኣብቶም ኣብ ወጻኢ ዘለዉ ሓይልታትን ማሕበራትን ብምጥቃስ ኣብዚ መዳይዚ ናይ ኤርትራዊ መድረኽ ንሃገራዊ ዘተ ግደ ኣቃሊሑ። ካለኣይ ኣቕራቢ ድማ ንዕርቂ ከም ሓደ ቅኑዕ መንገዲ ኣብ ምፍታሕ ግርጭት ተንቲኑ፡ ከም ኣብነት ከኣ ንይቕረ ምብህሃል ጠቒሱ። ነቲ ኣኼባ ዝመርሑ ዝነበሩ ከም ዝገለጽዎ እዞም ብግቡእ ተዳልዮም ብውሕሉል ኣገባብ ዝቐረቡ ጽሑፋት ኣብ ቀረባ ግዜ ናብ ህዝቢ ዝቐርብሉ ኩነታት ክፍጠር’ዩ።

AndebrhanGherezghiher

 

ፕሮፍርሶር ግርማይ ነጋሽ ካብ ኦሃዮ ዩኒቨርሲቲ ሕቡራት መንግስታት ኣሜሪካን ኣቶ ዓብዱራሕማ ኣሰይድ (ኣቡ ሃሽም) ኣብ ዓባይ ብሪታንያ ኣብ ጉዳይ ሰብኣዊ መሰልን ደሞክራስን ዝነጥፍን ብዛዕባ ኤርትራዊ ማሕበራውን ባህላውን ክብርታት ዝምልከት ኣቕሪቦም። ፕሮፍርሶር ግርማይ ነዊሕ ግዜ ወሲዱ ብዛዕባ እቲ ኣፍልጦኡ እንዳሃሰሰ ዝኸይድ ዘሎ ባህላዊ ሕጊ ኣብሪሁ። ኣቶ ዓብዱራሕማን ድማ ብዛዕባ ባህላዊ ክብርታት ኣብ ሕብረተሰብ ንሰላማዊ ምስግጋር ዘለዎ ግደ ኣብሪሁ።

GhirmaiAbdurahman

.

ኣብ 3ይ ክፋል ኣኼባ ናይቲ ዕለት ዝቐረበ ጽሑፍ ንግደ ሚድያ ኣብ ምህናጽ ምትእምማን ዝምልከት’ዩ ነይሩ። ኣብዚ ዛዕባዚ ጽሑፋት ዘቕረቡ፡ ዶ/ር ርእሶም መስፍን፡ ኣቶ ጸጋይ ነጋሽ ካብ ሰሜን ኣሚሪካ፡ ደራሲ ኣብ ሰብኣዊ መሰልን ደሞክራስን ዝነጥፍን ኣቶ ሳልሕ ጆሃር (ቃዲ) መስራትን ዲረክተርን ናይ መርበብ ሓበሬታን ማሕበርን ዓዋተ ኣብ ሰሜን ኣሜሪካን እዮም። ኣብዚ ኣርእስቲ ዶ/ር ርእሶም ብዛዕባ ውሽጣዊ ዝምድና፡ ኣገዳስነት ናይ ቀረባ ግዜ ዑደቱ ናብ ኤርትራውያን ስደተኛታት ኣብ ኢትዮጵያን ኣብቲ ቦታ ምስ ዝርከቡ ኤርትራውያን ንጡፋት ዝገበሮ ርክባትን ዝምልከት ኣብሪሁ። ንነዊሕ ግዜ ናይ ለውጥን ደሞክራስን ንጡፍን ተሳታፍን ቃዲ ድማ ቅድሚ ኩሉ ኤርራውያን ድሕሪ ውድቀት ዲክታቶር ብዛዕባ ዝምርሕሉ ኣገባብ ክእምቱ ይግበኦም ኢሉ።

SalehRussomTsegai

ሓሙስ ንግሆ ምፍታሕ ግርጭት ዝብል መጽናዕቲ ብኣንበሳድር ኣድሓኖም ገብረማርያም ሰልፊ ደሞክራሲ ኤርትራን ዶ/ር ኣልማዝ ዘርኣይ ናይ ሕክምና ምህርትን ኣባል መሪሕነት መርበብ ደቂ ኣንስትዮ ኤውሮጳ ካብ ጀርመንን ቀሪቡ። ኣንበሳደር ኣድሓኖም ኣብቲ ዘቕረቦ ጽሑፍ ንዝሓለፈ ፍልልያት ረሲዕካ ይቕረታ ብዛዕባ ምባልን ንለውጢ ዘቀላጥፍ ሓድሽ ምዕራፍ ምኽፋትን መብርሂ ሂቡ። ዶ/ር ኣልማዝ ብወገና ብዛዕባ ዝተፈላለዩ ኣገባብ ኣፈታትሓ ግርጭት ኣብ ኤርትራ መግለጺ ኣቕሪባ።

AdhanomAlmaz

መንእሰይ በረኸትኣብ ዮሃንስ ኣባል መሪሕነት ኤርትራውያን መንእሰያት ንለውጢ (ኤመለ) ካብ ከናዳ፡ ናይቲ ኣብ ኤርትራ ዝረአ ዘሎ ፍልሰት ናብ ስደት ምኽንያትን መፍትሕታቱን ዝምልከት ንኡድ መልእኽቲ ኣቕሪቡ። እቲ ንሱ ዘቕረቦ ውሕሉል መልእኽቲ ንሰፊሕ ንግደ መንእሰያት ኣብ ምምራሕን ምዕዋትን ናይ ለውጢ ቃልሲ ዝምልከት ምይይጥ ዓዲሙ።

Bereketeab Yowhannes

እቲ 6ይን ናይ መወዳእታን ጽሑፍ ነቲ ቀጻሊ ዘይምትእምማን ኣብ ኤርትራውያን ተቓወምቲ ዝምልከት፡ ብገዲም ተጋዳሊት፡ ኣብ ጉዳይ ደቂ ኣንስትዮ እትነጥፍን ላዕለወይቲ ካደር ሰደህኤ ኣብ ሰሜን ኣሜሪካን ኣስገደት ምሕረተኣብ እያ ኣቕሪባቶ። ኣስገደት ኣብዚ መጽናዕታ ነቲ ዘይምትእምማን ምኽንያት ዝኾኑ ብዙሓት ጠንቅታትን ኣፈታትሓኦምን ዝምልከት ብግቡእ ዳህሲሳ።

AsghedetMehreteab

 

 

ኩሉቲ ዝቐርብ ዝነበረ ጽሑፋት ብሕቶን መልስን ዓሚቕ ምይይጥን ዝተሰነየ እዩ ነይሩ።

 

ኣቶ ፍሰሃጼን ገብረ ኣባል መሪሕነት ግንባር ሃገራዊ ድሕነት ኤርትር-ሕድሪ (ግሃድኤ-ሕድሪ)ን ኣቶ ወደብ ቴድሮስ ኣባል ኤርትራውያን መንእሰያት ምሕዝነትን ለውጥን (ኤመምለ)ን ከምኡ እውን ሓያሎ ኣባላት መሪሕነት ሰደህኤ ካብቶም ኣብቲ ዋዕላ ዝተሳተፉ ነይሮም።

Workshop 1

 

እቶም ኣብዚ ናይ ሰለስተ መዓልታት ዋዕላ ብዛዕባ ዝተፈላለዩ ኣርእስታት መጽናዕታዊ ጽሑፋት ዘቕረቡ ኣብ ቀዳም 13 ነሃሰ 2016 ኣብቲ ንተወከቲ ቤት ጽሕፈት ከንቲባ ከተማ ፍራንክፈርት ወሲኽካ ብዙሓት ዕዱማት ዝሳተፍዎ ፈስቲቫል ኤርትራ ፍራንክፈርት ተረኺቦም ሓፈሻዊ መብርሂ ክህቡ እዮም።

Friday, 12 August 2016 01:51

ዋዕላ ምህናጽ ሕድሕድ ምትእምማን

Written by
ዋዕላ ምህናጽ ሕድሕድ ምትእምማን

“ናይ ሕድሕድ ምትእምማን መንፈስ ምህናጽ” ኣብ ትሕቲ ዝብል ቴማ ብሰልፊ ደሞክራሲ ህዝቢ ኤርትራ (ሰዲህኤ) ዝተዳለወ ዋዕላ፡ ብዕለት 10 ነሓሰ 2016 ልክዕ ሰዓት 09:30 ብኣቶ ተስፋይ ወልደሚካኤል፡ ኣባል ፈጻሚ ሽማግለን ሓላፊ ቤት ጽሕፈት ውደባን ናይ እንቋዕ ደሓን መጻእኩም ዝብል መልእኽቲ ተኸፊቱ። ቀጺሉ፡ ኣቶ መንግስተኣብ ኣስመሮም፡ ኣቦ መንበር ሰልፊ ዲሞክራሲ ህዝቢ ኤርትራ፡ ቃል ሰዲህኤ ኣስሚዑ። 

TesfaiDegigaብድሕር’ዚ ኣቶ ኣለም ዮውሃንስ፡ ሓላፊ ቤት ጽሕፈት ማሕበራዊ ጕዳያት፡ ብኣቦ መንበርነት ዝመርሖ፤ ወይዘሮ ኤርትራ ኣልኣዛር፡ ሓላፊት ቤት ጽሕፈት ጕዳያት ደቂ ኣንስትዮን ሓው መድሃኔ ህብትዝጊ፡ ሓላፊ ቤት ጽሕፈት ጕዳያት መንእሰያትን ዝርከብዎ ዝመርሕዎን ዘውሃሃድዎን ብኽኢላታትን ምሁራትን ዝቐረበ ናይ መጽናዕቲ ወረቓቕቲ ናብ ተኻፈልቲ ዋዕላ ቀሪቡ። ተኻፈልቲ ዋዕላ ኣብ’ቲ ዝቐረበ ወረቓቕቲ ርእይቶታትን ሕቶታትን ብምቕራብ ነቲ መጽናዕትታ ኣሀብቲሞሞ። እዚ ቀዳማይ ውዕሎ፡ ካብ ሰዓት 9፡30 ናይ ንግሆ ጀሚሩ ክሳብ ሰዓት 9፡45 ናይ ምሸት ኢዩ ቀጺሉ።

Alemertramedhanie

ኣብ’ዚ ዋዕላ’ዚ ዝተዓደማ ውድባት፡ ምስ’ቲ ናይ ሰዲህኤ ዝመሳሰል መደብ ዕዮ ዘለወን ውድባት ኢየን ነይረን። ንሳተን ድማ፡ ሰልፊ ደሞክራሲ ኤርትራ፡ ግንባር ሃገራዊ ድሕነት ኤርትራ-ሕድሪ፡ ግንባር ሃገራዊ ድሕነት ኤርትራን ተሓኤን ኢየን። ተጋድሎ ሓርነት ኤርትራን ግንባር ሃገራዊ ድሕነት ኤርትራን ብዘይተፈልጠ ምኽንያት ኣይተኻፈላን።

ኣምባሳደር ዓንደብርሃን ወልደገርጊስን (መድረኽ) ኣቶ ገረዝጊሄር ተወልደን (ሰዲህኤ) ብዛዕባ ዕርቂ፤ ኣምባሳደር ኣድሓኖም ገብረማርያምን (ስደኤ) ዶክተር ኣልማዝ ዘርኣይን (መደኣኤ) ብዛዕባ ኣፈታትሓ ግጭት፤ ፕሮፈሰር ግርማይ ነጋሽን ኣቶ ዓብዱራሕማን ሰይድን ብዛዕባ ሃለዋት ባህልታትናን ክብርታትናን፤ ኣቶ ጸጋይ ነጋሽ፡ ዶክተር ርእሶም መስፍንን ኣቶ ሳልሕ ጀውሃርን ብዛዕባ ተራ ሚድያ ኣብ ምህናጽ ምትእምማን፤ ኣቶ በረኸተኣብ ዮውሃንስን (EYSC- NA) ብዛዕባ ጠንቂ ስደት፡ ሳዕቤናቱን መፍትሒታቱን ጠቐምቲ ኣስተምህሮታት ዝሃቡ ወረቓቕቲ ኣቕሪቦም፡፡ መንእሰይ ወደብ ተድሮስ (EYSC) እውን ኣዝዩ ዝንኣድ ኣበርክቶ ኢዩ ገይሩ።

Workshop 1

እዚ ዋዕላ’ዚ፡ ነቲ ተቓወምቲ ውድባትና ብሓባር ንኸይሰርሑ ዓጊቱ ሒዝዎ ዘሎ ብኵራት ናይ ሕድሕድ ምትእምማን ኣብ ምፍዋስን ንፍልልያት ኣብ ምጽባብን ሓጋዚ ተራ ክጻወት’ዩ ዝብል ተስፋ ኣሎና።

ዝርዝር ናይቲ ዝተኻየደ ውዕሎታት ድማ፡ ሓደ ብሓደ ብተኸታታሊ ከነስዕበልኩም ኢና።

Friday, 12 August 2016 00:35

Eritrean Scholars, Activists Hold 3-Day 'Trust Building' Conference in Frankfurt

Written by
Eritrean Scholars, Activists Hold 3-Day 'Trust Building' Conference in Frankfurt

A highly enlightening three-day conference on trust building in the Eritrean social and political landscape was organized by the Eritrean People's Democratic Party (EPDP) on Wednesday and Thursday received presentations by eleven distinguished panelists coming from different parts of the world.

TesfaiDegiga

The conference was opened by welcoming remarks made by Mr. Tesfai Woldemichael (Degiga, and invited to the podium the EPDP chairman, Mr. Menghesteab Asmerom, who made an inspiring opening speech on the urgency for reconciliation and unity among Eritrean forces and wished the conference a resounding success.

MenghesteabAsmerom 1

In the past two days, the conference raised and discussed six themes that were ably moderated alternately by Mr. Alem Yohannes, EPDP head of Social Affairs Office; Ms Eritrea Alazar, head of Women's Affairs, and Mr. Medhanie Habtizghi, head of Youth Affairs.

Alemertramedhanie

During nearly 9-hours of discussions on Wednesday, the meaning of political reconciliation, its practice and implications in Eritrea were presented by Dr/Ambassador Andebrhan Weldegiorgis, leadership member of the Eritrean Forum for National Dialogue (EFND), and Mr. Ghebre-Egziabher Tewelde, representative of the EPDP Chair Office in North America. The first panelist stressed the need of promoting reconciliation among the diaspora forces and communities, and expounded the objectives of the EFND in this aspect. The second speaker defines reconciliation as the sure path to conflict resolution and raised examples on forgiveness. (As stated by the moderators, all the richly researched and effectively presented papers will be made public in the coming few days.)

AndebrhanGherezghiher

Professor Ghirmai Negash of Ohio University, USA, and Mr. Abdurahman al-Said (Bohashem), a human rights and democracy activist from UK, extensively dwelt on Eritrean social and cultural values. Prof. Ghirmai, talked on great length on customary laws and the eroding original/indigenous knowledge which need be revived. Bohashem believed that cultural values would help smoothen transition in the society.

GhirmaiAbdurahman

 

The day's third session was on the role of media in trust building. Papers on this theme were presented by Dr. Russom Mesfin; Mr. Tzegai Negash, author, human rights and democracy activist in north America, and Mr. Saleh Johar (Gadi), founder-director of Awate website and Foundation in north America. Dr. Russom narrated, inter alia, the significance of his recent tour to Eritrean refugee communities in Ethiopia and his talks with many Eritrean activists in the region. A long-time change and democracy activist Gadi stated, among other things, that the Eritrean people need to draw as of now the silhouette of their future state in the post-dictatorship period.

SalehRussomTsegai

On Thursday morning, conflict resolution was presented by Ambassador Adhanom Ghebremariam, leadership member of the Eritrean Democratic Party (EDP), and Dr. Almaz Zerai, a physician from Germany and leading member of the Eritrean women's network in Europe. Ambassador Adhanom focused on the need of forgiving and forgetting past differences and starting anew for a speedy change in Eritrea. Dr Almaz's illustrated presentation defined the different aspects conflict resolution in the Eritrean arena.

AdhanomAlmaz

Young Beredketab Yohannes, a leadership member of the Eritrean Youth for Change (EYC) from Canada, made another lively presentation on the causes and possible solutions of the exodus of the Eritrean refugees. His well-received presentation raised extended discussion on the role of youth on bequeathing and leading the struggle for change and existing generational problems faced at the present.

Bereketeab Yowhannes

 

The sixth and final session on Thursday was on the persisting mistrust in the Eritrean opposition camp presented by Ms Asghedet Mehreteab, a long-time freedom fighter, women's rights activist and a senior EPDP cadre in North America. Ms Asghedet explored many aspects and instances that have been reinforcing mistrust in the Eritrean opposition camp and what could be done to overcome them.

AsghedetMehreteab

Every presentation was followed by exhaustive discussion and question and answer sessions.

Mr. Fessehazion Ghebre, leadership member of the Eritrean National Salvation Front (ENSF- Hidri); Mr. Wedeb Tedros, member of the Eritrean Youth Solidarity for change (EYSC), as well as many leadership members of the EPDP were among the invited participants at the conference.

Workshop 1

The conference is scheduled to continue the whole day Friday discussing and drafting a memorandum of understanding on the way out drawn from the issues raised under the six themes raised and discussed on Wednesday and Thursday.    

All the panelists at the three-day conference will also making general briefings at the Festival Panel on Saturday which is expected to be attended by other invited guests representing German parties and the office of the Mayor of Frankfurt.

Thursday, 11 August 2016 00:48

መልእኽቲ ንተሳተፍቲ ዓውደ መጽናዕቲ ፍራንክፎርት፡

Written by

ዝኸበርክንን ዝኸበርኩምን ኣባላት ዓውደ መጽናዕቲ ፍራንክፎርት፡

ዕዙዝ ልባዊ ሰላምታይ ብምቕዳም ኣብ እተካይድዎ ኣገዳሲ ዓውደ መጽናዕቲ ዓወት እናተመነኹ ነዛ ሓጻር መልእኽተይ ከታሓላልፍ ከለኹ ብተገዳስነት ክትርይዋ ብምትእምማን እዬ።

ዕላማ መጽናዕትኹምን ትጋብኡሉ ዘሎኹምን ብሓደ ወገን፡ ሃገርናን ህዝብናን ኣብ ዝለዓለ ህጹጽ ናይ ምድሓን መንገዲ ዘናድየሉ ዘሎ ኸኣ ብኻልእ ወገን ይኻየድ ብምህላዉ፣ ረዚን ሓላፍነት ዘሰክም ፈታኒ እዋን ምዃኑ ተረዲኩም መድረኽ ዝጠልቦ ናብ ሓቀኛ መፍትሒ ዝወስድ ቅኑዕ ጎደና ዘማእዝን ውጽኢት ሒዝኩም ክትወጹ ተስፋን ትጽቢትን ኩሉ ደላይ ፍትሒ ብፍላይ፡ ኩሉ ኣብ ትሕቲ ስቓይ ስርዓት ህ ግ ደ ፍ ዝነብር ህዝቢ ኤርትራ ኸኣ ብሓፈሻ ምዃኑ አረጋግጸልኩም።

ብኡ መጠን ድማ ክእለትኩም ዝፍተነሉ መድረኽ ምዃኑ ተረዲእኩም ነቲ ብሓደ ኴንና ኣንጻር ናይ ሓባር ጸላኢና ክንልዓል ዘየኽኣለና ምኽንያት ብግሉጽ ኣብ ምድህሳስ ልዑል ተራ ክትጻወቱ ሓደራ እብል። እዚ ክብል ከሎኹ ንሓደ ገኒሕኩም ንሓደ ምዒድኩም ኣብ ሓንቲ ድስቲ ግዒትኩም ክትቅርቡልና ወይ ድማ ጠቢሕኩምን ሓጒምኩምን ካብ ውሽጣዊ ሕማማትና ከተሕውዩና ዝብል ናይ የዋሃት መልእኽቲ ንምትሕልላፍ ኣይኮነን፡ እንተ ንደልዮ‘ውን ተግባራዊ ኣይከውንን። እንተኾነ እተካይድዎ ዓውደ መጽናዕቲ፡ ነዚ ንኩልና ዘሳቒ ዘሎ ብቱን ኩነታት ግቡእ መኣዝኑ ኣብ ምትሓዝ ዝሕግዝ ብዝተፈላለየ እዋናት ዝተኻየዱ መጽናዕትታትን ገምጋም ሕሉፋት ተሞኮሮታትን ከም መወከሲ ተጠቒምኩም፡ እንታይ ነይሮምን ከመይ ተሰሪሑሎምን ወይ ስለ ምንታይ ኣይሰርሑን ብርጡብ ዳህሲስኩምን ምስ ናታትኩም ተሞክሮታት ደሚርኩም ፡ ሓይሊ ደንበ ደለይቲ ፍትሒ ብሓደ ኣብ ቓልሲ ንድሕነት ሃገር ዝጽመደሉ ንጹር ጎደና ምእማት እምበር ብበይንኹም ዝውዳእ ከም ዘይኾነ ንኩሉ ርዱእ እመስለኒ።

እቲ ድሒሩ ዝስዕብ ውጽኢት ዕዉት መጽናዕትኩም ኽኣ ኣብ ግብሪ ናይ ምውዓሉ መደብን ነዚ ኣብ ንምቕጻል ዝሕግዝ እተማእከለ ኣካል ኣብ ምምዛዝ ከብጽሓና ምኽኣለ ኢለ እኣምን። ሎሚ ተመን ኣብ እግርኻ በትሪ ኣብ ኢድካ ወሳኒ ባዕልኻ ዝብል ምስላ ወለድና ዘዘካኽር እዋን ኢና ዘሎና፡ እዚ ማለት ኸኣ ብከም ህ ግ ደ ፍ ዝበለ ኣረመናዊ ስርዓት ንርብዒ ዘመን እናተሳቐኻ ሓቢርካ ንምልጋሱ ዘይምቅላስ ናይ ባዕልና ጸገም እምበር ነመኻንየሉ ኣካል የለን። ኣብዚ ህዝብና ደም ዝነብዓሉን ዝበርሰሉን ዘሎ እዋን ወይ ደላይ ፍትሒ ኢኻ ብትብዓት ትቓለስ ወይ ደጋፍ ጸረ ህዝቢ ኢኻ ምስኡ ትድምሰስ እምበር ሳልሳይ መማረጺ ሕልንኦም ናይ ዘዕረቡ ዘጋታት ጥራሕ‘ዩ ክኸውን ዝኽእል፡ ካብኡ ይሰውረና።

ስለ ዝኾነ እቲ ከርሰነገር ናይ‘ቲ ዓውደ መጽናዕቲ ኣብዚ ዘተኮረ ክኸውንን ብዘይንሓፍነት ክጉርጐርን ክጋለጽን እምበር ብላዕሊ ላዕሊ ሸፈፍ ኢልካ ዝሕለፍ ክኸውን ኣይግባእን። ኣብዚ መዳይዚ ኩሉ ዝክኣለኩም ዓቕሚ ወፊኹም ብዓወት ክትዛዝሙ ብውጽኢት ስራሕኩም ድማ ክትምጎሱን ብተስፋ እጽበ።



Wednesday, 10 August 2016 23:54

استعدادات مهرجان ارتريا 2016م بفرانكفورت تجري علي قدمٍ وساق

Written by
استعدادات مهرجان ارتريا 2016م بفرانكفورت تجري علي قدمٍ وساق

في اجتماعها المعقود في الثاني والعشرين من يوليو 2016م قيمت اللجنة التحضيرية لمهرجان ارتريا 2016م بفرانكفورت أعمالها وخططها لإقامة المهرجان هذا العام تحت شعار ( انتصار شعبنا بنضالنا المشترك )، تناول الاجتماع بالتقييم الدقيق مدى تقدم التحضير لكلٍّ من الإعداد الفني للمهرجان واستقبال الضيوف وبرنامج دور ومشاركة الشباب في المهرجان. من أهم مميزات مهرجان هذا العام، أنه سيشهد تلبية نداء حزب الشعب الديمقراطي الارتري لممثلين للقوى السياسية والمثقفين والأكاديميين الارتريين للتحاور وطرح أفكارهم ورؤاهم علي مائدة المهرجان. كما سيشهد المهرجان التحاور والتلاقي المباشر مع جمهور المهرجان الذي سوف يقوم به رئيس لجنة اتصالات مبادرة نيروبي الداعية الي لم شمل المعارضة الارترية. ثالثاً هناك دراسة سياسية أكاديمية قيــِّــمة من إعداد وتقديم السيد/ توماس مانقسون عضو الحزب الاشتراكي السويدي ورئيس جمعية السلام السويدية تؤكد نجاح الأسلوب السلمي في تحقيق التغيير الديمقراطي واستدامته وفشل أي تعجـُّــل لهذا التغيير عن طريق التدخل الأجنبي في الأوضاع المحلية في أي بلد من البلدان. رابعاً سوف تقدم رابطة شباب الحزب أعمالاً فنية وفكرية تعالج المشكلات والمعوقات التي تحول دون تعاون الشيب والشباب في العمل ضد النظام الدكتاتوري القائم في البلاد.

 

بعد تقييم ما تقدم من عمل التحضير للمهرجان وضعت اللجنة خطة عملها للأيام القليلة المتبقية من العد التنازلي لقيام المهرجان، هذا وقد تعهدت التحضيرية أن تجعل مهرجان 2016م أكثر تميزاً وحضوراً ومشاركةً كمية ونوعية.   

Wednesday, 10 August 2016 23:47

مهرجان ارتريا السنوي

Written by
مهرجان ارتريا السنوي

بما أن المناسبة التي نحن بصدد الحديث عنها اليوم ذات تاريخ طويل وماضٍ عريق لا يمكن تلخيصه في هذه الأسطر القليلة، سوف نكتفي بشرح ضرورة ومبررات حزب الشعب الديمقراطي الارتري في إقامة هذا المهرجان بصورة سنوية راتبة. ما يسمى بالمهرجان أو الاحتفال يأتي علي صور كثيرة، فقد يكون حفل عرس، أو علي شكل احتفالات دينية، ثقافية، وطنية، اقليمية...الخ. والاحتفالات من هذا النوع الراتب هي عبارة عن أعياد للتلاقي وتبادل الفرحة والأفكار والمقترحات وطيب التمنيات وعاطر الذكريات. فضلاً عن أنه نوع من الهروب من روتين الحياة وفرصة سانحة لتجديد الفكر والنشاط.

 

المهرجانات فرصة للراحة والاستجمام، كما هي علي المستوى الوطني مدارس لتعلم تاريخ وجغرافيا وفنون وعادات وثقافات الوطن والشعب واكتساب الجديد من الصداقات ومعرفة المزيد من المعلومات عن حقول شتى. الراحة والاستجمام والشعور بالمسرة التي يوفرها المهرجان نعني بها تجديد وإنعاش المخ والروح الذي نحس به ونحن نحضر تلك المهرجانات. إنها أيضاً تنعش وتجدد روحك الوطنية عندما تشاهد وطنك وشعبك مجسدين علي أرض الواقع رغم بعد المسافات وتباين بلدان القدوم والإقامة.

 

في مهرجان ارتريا السنوي علي الرغم من محدودية الوقت تكتسب العديد من الفوائد والمعلومات حيث تتعرف علي أبناء وطنك وأصدقاء وطنك من الأجانب المعجبين بالشعب الارتري وتجاربه النضالية. ومن ناحية اجتماعية فالمهرجان فرصة للتلاقي مع أصدقاء ومعارف قدامى وجدد كنا قد افتقدناهم طويلاً واشتقنا اليهم كثيراً.

 

المهرجان الوطني السياسي لا يقتصر علي الترفيه فقط، وإنما يؤدي وينقل الي أجيال اليوم رسالة وطنية ثقافية، تاريخية، بطولية، رسالة حزب الشعب الديمقراطي الارتري من هذا المهرجان السنوي من حيث الشكل والمضمون رسالة تراثية وسياسية، والرسالة السياسية موجهة في المقام الأول الي الشباب بهدف تأهيلهم لاستلام المسئولية السياسية مسترشدين بتجارب الماضي والحاضر. لذا يهدف الحزب من الحرص علي الاستمرار علي إقامة المهرجان ليتعرف الشباب بأشخاص ومعارف كانوا بعيدين عنها معنوياً وجسدياً. كما يعتبر المهرجان مكاناً تعكس فيه رؤيتك حول مختلف شؤون وطنك.

 

المهرجان أيضاً منبر لاستفادة الحضور من الشباب من كل ما يقدم فيه من إسهامات فكرية وعلمية وسياسية لينقلها بدوره الي أكبر قطاع ممكن من مختلف المشارب الشبابية ومن ثم تأمين أكبر مشاركة نضالية في عملية التغيير. لذا فالمؤتمر منبر وطني يقوي الروابط بين الشعب والوطن وينشر المحبة والوفاق بين أبناء الوطن. وبذا يكون المهرجان قد قدم الإجابة الشافية علي سؤال: ( ماذا قدمت لوطني؟ ).

Published in EPDP Editorial
Read more...
Wednesday, 10 August 2016 05:25

2ይ ጉባኤ ዞባ ኤውሮጳ ሰዲህኤ

Written by
2ይ ጉባኤ ዞባ ኤውሮጳ ሰዲህኤ

ኣሳናዳኢት ሽማግለ 2ይ ጉባኤ ዞባ ኤውሮጳ ሰዲህኤ ስራሓታ ብምዕሩግ ኣገባብ ተዳሉ ምህላዋ ተሓቢሩ ኣሎ:: ቅድሚ 6 ኣዋርሕ ዝተመዘዘት ኣሳናዳኢት ሽማግለ ጉባኤ ዞባ ኤውሮጳ እነሆ ድሕሪ ሓያሎይ ርኽክባትን መጽናዕትን: ንነብሳ ኣብ ናይ ዕማም ጉጅለታት ከፋፊላ ክትሰርሕ ብምጽናሕ ኣብ ጽቡቕ ምድላዋት ከምይበጽሐት ኣብ ናይ ዕለት 18ን 25 ሓምለ 2016 ዘካየደቶ ኣኼባታት ኣስመረትሉ::  ኣስዒባ እዚ ታሪኻዊ 2ይ ጉባኤ ዞባ ኤውሮጳ እዚ: ትካላዊ ኣሰራርሓን ዲሞክራስያዊ ተመኩሮን ንምሕያል ንቃለስ!! ኣብ ትሕቲ ዝብል ጭርሖ ኣብ ከተማ ፍራንክፎርት ጀርመን ንዕለት 11 ነሓሰ 2016 ክጋባእ ምኻኑ ወሲና::  ኣሳናዳኢት ሽማግለ ቀንዲ መሰረታዊ ሰነዳት ስርሓ ንምስራዕ ዘድሊ ቁጽሪ ተሳተፍቲ ወከልቲ መሰረታት ጨናፍር ኤውሮጳ ምርካቡን ዝተጻፈፈ ኣጀንዳን ሰነዳት ጉባኤን ኣዳልያ ምህላዋ ሓቢራ::

ኣሳናዳኢት ሽማግለ 2ይ ጉባኤ ዞባ ኤውሮጳ

Page 484 of 616