epdp

Subscribe to this RSS feed

Thursday, 19 May 2016 21:21

Radio Demtsi Harnnet ራዲዮ ድምጺ ሓርነት 14, 05,2016

Written by Radio Voice of Liberty Sweden

Published in Radio

ብዕራይሲ ዝበልዖ ሳዕሪ’ምበር፡ ዝጽበዮ ጸድፊ ኣይርኣዮን

Written by ድራር መንታይ

ህዝቢ ኤርትራ እቲ ኩሉ መከራ፡ ግፍዕን ኣደራዕን ተጻዊሩ፡ ተኸታተልቲ መግዛእታዊ ስርዓታት በዲሁ ሃገራዊ መንነቱን ክብሩን ኣዕቊቡ እዩ። ነዛ ድሕሪ ነዊሕ ዓመታት ዝረኸባ ሃገር ከኣ ከም ብሌን ዓይኑ ክሕልዋን ክከላኸለላን ናይ ግድን እዩ።

ሕማቕ ዕድል ኮይኑ ግና፡ ህዝቢ ኤርትራ ሎሚ ነቲ ናይ 30 ዓመታት ዝደመዮን ዝኸፈሎ ክቡር ዋጋን ኣስተርሕዩ ከስተማቕሮ ኣይከኣለን። ካብ መግዛእታዊ ሓዊ ወጺኡ ኣብ ዲክታቶርያዊ ሲኦል ተሸኺሉ ብኣደዳ ጥሜት፥ ድኽነትን፥ ሕገ-ኣልቦነትን ይልብለብ ኣሎ። እዚ ኩሉ ዓደራዕ ዝወርዶ ዘሎ ብደቂ ሃገር ምዃኑ ከኣ፡ እታ ብኽንደይ መስገደላት ሓለፉ ዘረጋገጻ ናጽነት ተመሊሳ ካብ ኢዱ ከይትሞልቆ ከኣ ተዓጊሱ ይርከብ። እወ! ህዝቢ ኤርትራ ነታ ተቓሊሱ ዘምጽኣ ናጽነት ኣብ ትሕቲ ዝኾነ ይኹን ጽንኩር ኩነታት ዓመት መጸት ከብዕላን ክዝክራን ናይ ግድን እዩ። ምኽንያቱ እቶም ምእንቲ ናጽነት ክብሉ በጃ ዝሓለፉ ደቁ ክዝክሮምን ከመስግኖምን፡ ነታ መደበስታኦም ዝኾነት ናጽነት ከኽብሩ ንቡር እዩ። ክብሪ ናጽነት ብዝኾነ መዕቀኒ ክልካዕ ኣንከሎ ልዑል ስለ ዝኾነ ኤርትራውያን ከብዕልዋን ግቡእን ናይ ግድንን እዩ።

ሎሚ ሎሚ ነዚ ክቡር ዋጋ ዝተኸፍሎ ናጽነት ዝለበሰት ሃገር ናጻ ኣይኮነትን፡ እንታይ ደኣ ኣብ ባርነት እያ ዘላ እናበሉ፥ ግደ ሓፋሽ ህዝቢ ዘንጊዖምን ጠምዚዞምን፡ ብኢሰይያስ ከም ዝመጸትን ናይ ኢሳያስ ከምዝኾነትን ኣምሲሎም ዝመዝኑ ወገናት ይቀላቐሉ ኣለዉ። ናጽነትና ምስቲ ቅኑዕ ዲሞክራሲያዊ ምሕደራ ኣልቦ ዝኾነ ምልካዊ ስርዓት ምትካሉ ኣዛሚዶም፡ ብደም ደቅና፡ ኣሓትና፡ ኣሕዋትና፡ ኣቦታትናን ኣደታትናን ዝተረኽበት ክነሳ “ኣይናትናን እያ” ዝብሉ ተዳፈርቲ ወገናት’ውን ይቀላቐሉ ኣለዉ። ካብዚ ሓሊፉ እታ ፈቲና ጸሊእና ኤርትራ ኣብ ዓለምለኻዊ መድረኻት ትልለየላ ዘላ ባንደራ፡ ናይ ኢሳይያስ እምበር ናትና ኣይኮነትን ብምባል ኣብ ዘይተደልየ ህውተታን ፍልልያትን ንምእታው ዝግበር ፈተነ ሽርሒ ምዃኑ ህዝብና ክርዳእ የድሊ።

እምበኣር ንናጽነት ከም ባርነት ካብ ቆጸርዎ፡ ጸገምና ኣብ ክንዲ ምልካዊ ስርዓት ዝኸውን እቲ ናጻ ምውጻእና’ዩ ይብሉ ምህላዎምዶ ዘንጊዐምዎ ይኾኑ? ናብቲ ቅድሚ ናጽነት ዝነበርናዮ መግዛእታዊ ኩነት ንመለስ ማለቶም ምዃኑኸ የስተብህሉሉዶ ይህልዉ።? ከም ዝመስለኒ ከምቲ ‘’በዕራይሲ ዝበልዖ ሳዕሪ’ምበር፡ ዝጽበዮ ገድል ኣይርእዮን’’ ዝበሃል እዚ ኹሉ ንኢሳይያስን ሰዓብቱን ስለ ዝጸላእካ ንናጽነት ክትሕሰም ማለት ናብታ ምስ ኢትዮጵያ ዝነበርናያ ኩነታት ንመለስ ይብሉና ኣለዉ’ምበር ንናጽነት ተሓሲሞም ደኣ ነየነይቲ ሃገር እዮም ዲሞክራስን ፍትሕን ከልብስዋ ዝሓስቡ ዘለዉ?

ስለዚ ነቲ ብሳላ ዝተስርሐ ቅያ፡ ዝተመዝገበ ናጽነትን ሓድነትን ክንዕቅብ ዘኽኣለና ታሪኽ ኣፍሪስካ ካልእ ታሪኽ ክስራሕ ከምዘይከኣል ክርድኡ ይግባእ። ናጽነት ብቃልስና ምምጻኣ ዲዩ ከይንሓብር፡ ከይንሰምርን ከይንቀራረብን ገይሩና ዘሎ? እቲ ናጽነት ድዩ’ኸ ነዚ መላኺ ስርዓት ተቃሊስና ከይነወግዶ ዓንቂጹና ዘሎ? ወይ እቲ ዲክታቶርያዊ ስርዓት እዩ ጸገምና? ክርድኡ ዘይምኽኣሎም ዘገርም እዩ። ሽግርና እምበኣር፡ ንናጽነት ምኽባርን ዝኽርታቱ ምብዓልን ዘይኮነ፡ ህላዌ መላኺ ስርዓትን ድሑር፡ ዘይምዕቡልን ዝንቡዕን ኣተሓሳስባኡን እዩ። ደሓር ከኣ ሓደሓደ ወገናት እቲ ኣብ መንጎ ናጽነትን ሓርነትን ዘሎ ፍልልይ ኣዳቒቖም ከይፈለጡ ብሃውሪ ኣፍራሲ ተራ ይጻወቱ ኣለዉ።

እዞም ወገናት ዝተጸንዐ ዘረባ ዝዛረቡ ዘለዉ መሲልዎም፡ ኣፎም ዝሃቦም ዘይጽጹይ ቃላት ብምጥቃም፥ ንናጽነት ከነውሩ ኣንከለዉ፡ ንህዝቢ ዝድብሱ ዘለው ይመስሎም ይኸውን። “ናጽነትና ኣይናኣምነሉን” ኢና ክብሉና ከለዉኸ ነቲ ትማሊ ብረፈረንዱም ወይ ህዝባዊ ወኸሳ ኣቢልና ዘረጋገጽናዮ ልኡላውነት’ኮ እዮም ኣሉ ንምባል ዝመጣጠሩ ዘለዉ። ሳዕቤን ናይ ከምዚ ዝዓይነቱ ግጉይ ወስታታትከ ጽባሕ ንግሆ ኣብ ምንታይ ገደል ከእትወና ከምዝኽእል ክንዝንግዕ ኣይግበኣናን።

ሎሚ ንሕና ነቒሕና ኢልና፡ እሞ ብሱል ፖለቲካዊ ኣፍልጦ ዘይብልካ፡ ምሁራትን ተመራመርትን መሲልካ ክትቀርብ ምፍታን ክሳብ ከንደይ ኣብ ሕማቕ ኩነታት ከም ዘለና ዘርኢ እዩ። ስለዚ በዚ ኣጋጣሚ’ዚ ብምኽንያት 24 ጉንበት 2016 ናብ መላእ ህዝቢ ኤርትራ ናይ ዮውሃና መልእኽቲ ነተሓላልፍ። ንኹሎም ኤርትራውያን ሰማእታት ከኣ ዘለኣለማዊ ክብርን ዝኽርን ይብጸሓዮም።

ድራር መንታይ

Thursday, 19 May 2016 11:49

ኢሳያስ ኣፈወርቅ መቐጸልታ ባዕዳውያን ገዛእቲዶ?

Written by ክብሮም ግረነት

ባዕዳዊ ገዛኢ ክብሃል እንከሎ ካብ ድገ ዝመጸ ፖሊቲካዊ ሓይሊ ኮይኑ፡ ነቶም ደቂ ሃገር እናኣሰረን እናቐተለን ነቲ ጸጋታት ሃገር እናመዝመዘ ክነብር ዝደሊ ሓይሊ እዩ። ኣብ ኤርትራ ዝተፈላለዩ ባዕዳውያን ገዛእቲ ተቐልቂሎም ነይሮም እዮም ።እንተኾነ እቲ ብዝያዳ ዝፍለጥ መግዛእቲ ጣልያን እዩ። ጣልያን ፍሪያምን ዝበለጸን መሬት ኤርትራ ንዜጋታቱ እናዓደለ ፣ ንኤርትራውያን መንእሰያት ኣብ ወተሃደራዊ ወራራት ኪኲናት ሶማል፡ ሊብያን ኢትዮጵያን እናለኣኸ ፣ንህዝብና ዘሳቐየን ዝቐተለን ባዕዳዊ ገዛኢ ነይሩ።ጉጅለ ህግደፍ ከኣ ንኤርትራውያን መንእሰያት ኣብ ኩናት ሓኒሽ፣ ሱዳን፣ ኢትዮጵያ፡ ሶማልን ኮንጎን ሕጂ ድማ ባሕሪ ስጊሩ ናብ ኲናት ሕድሕድ የመን መንእሰያትና ክስውኡን ክስንክሉን እዩ ዝገብር ዘሎ። እዚ ተግባራት እዚ ብኽመይ ካብ ናይ ባዕዳውያን ገዛእቲ ፈሊና ክንርእዮን ንኽእል ?

ጣልያን ኣብ ኤርትራ ክነብር ዝብል እምነት ስለ ዝነበሮ፡ ንከተማ ኣስመራ ተምሳል ሮማ ገይሩ ክሃንጻ ተራእዩ። እንግሊዝ ከኣ ካብ ኤርትራ ክወጽእ ምዃኑ ምስ ፈለጠ፣ ንብረት ህዝቢ ኤርትራ ክዘምትን ክሸይጥን ህንጻታት ክዕኑን ከፍርስን ተራእዩ ። ክነብር ዝብል ሕማቕ እናሰርሐ ጽቡቕ እውን ይሰርሕ እዩ ።ክኸይድ ምኳኑ ዝፈልጥ ግን ኣጥፊእኻ ምጥፋእ እዩ ዝመርጽ። ህግደፍ ከኣ ኣጥፊእኻ ምጥፋእ ዝመረጸ ጉጅለ እዩ ።

ኢሳያስ ኣፈወቂ ንሜዳ ኤርትራ ክውጽእ እንከሎ፣ታሪኽ ከም ዝሕብሮ ኩነታት ምዕብልና ኤርትራ ሚእቲ ካብ ሚእቲ ሃገራት ኣፍሪቃ ካብ ዝነበሮኦ ዝሓሽን ዝበለጸን ነይሩ ። ኤርትራ እታ ቀዳመይቲ ሃገር ድሕሪ ደቡብ ኣፍሪቃ ቅዋም ዝነበራ ሃገር ነይራ። እሞ ኣብቲ ግዜ እቲ ኢሳያስ ኣፈውርቂ ናይ ህዝቢ ኤርትራ ሓሊዮት ሓዲሩዎ ንዝሓሸ መሰላትን ሞዕባለን ከምጽእ ክጋደል ዝተሰለፈ ሰብ ካብ ነበረ፤ ሎሚ ህዝቢ ኤርትራ ካብቲ ዝነበሮ ናይቲ ግዜ እቲ መነባብሮ ኣብ ዝኸፍአ ህልቀትን ምርሳይ ንብረቱ፡ ደቁን ሰብኣዊ መሰላቱን ዝዓለመ ፖሊሲ ሓንጺጹ ከጽንቶ ዝመረጸሉ ምኽንያት ፣ እንታይ ስለ ዝኾነ እዩ ?

ኢሳያስ ኣፈወርቂ ኣብ ቓልሲ ኤርትራ ክስለፍ እንከሎ፣ ናይ ነዊሕ ጉዑዞ እተጸንዐ ፖለቲካዊ መደብ ሓንጺጹ ከተግብሮ ቆሪጹ ዝተበገሰ ሰብ ነይሩ። ስለዚ እቶም ዝበዝሑ ተጋደልቲ ሃገራዊ ናጽነት ከምጽኡ ንመስዋእትነት ድሉዋት ክኾኑ እንከለዉ ፣ ኢሳያስ ኣፈወርቂ ግን መልእኽቱ ፈጺሙ ክምለስ ዘተኣማምኖ ዱልዱል ሓይሊ ኣብ ድሕሪኡ ስለ ዘቐመጠ ኣብ ልዕሊ ተጋደልቲ በብዓይነቱ ገበናት ክፍጽም ሓጊዙዎ እዩ። ኮ/ል ፍስሃ ደስታ ኣብዚ ሕጂ ዝደረሶ መጽሓፍ “ ኢሳያስ ኣፈውርቂ እቲ ብማእከልነት ተስፋሚካል ጆርጆ (ህግደፍ ድሕሪ ናጻነት ኣብ ኣዲስ ኣበባ ኢትዮጵያል) ኣብ ቓኛው ዝተሳተፎ ኣኼባ ነቲ ዝፈረሰ ፈደረሸን ክመልስ እምበር ንናጽነት ኤርትራ ከምዘይኮነ ነቶም ኣሜሪካውያን ቃል ከምዝኣተወሎም ” ክብል ይገልጽ። እቲ ርክብ ናይ ልዑል ኣስራተ ካሳ ቡራኼን ኣፍልጦን ከምዝነብሮ እውን ይገልጽ ። ብተወሳኪ ኮ/ል ፍስሃ ደስታ ኣብ ቅድሚ ምጅማር ወራር ቀይሕ ኮኸብ ኩሉ ምድላዋት ምስ ተወደአ፣ኢሳያስ ኣፈወርቂ ብሚኒስተር ዶ/ር ሳሊም ኣሕመድ ሳሊም ናይ ታንዛንያ ኣቢሉ ምስ ደርጊ ክዓርቆ ከምዝሓተተን፡ እንተኾነ መንግስቱ “ውንበዴ ኢዱ ክህብን ምስ ሰራዊት ኢትዮጵያ ክሕወስን እንተዘይኮይኑ ዝኾነ ነገር ከምዘይቅበል ኣቕቢጹ” ይብል ። እዚ ጥራሕ ኣይኮነን፤ እንደገና ኢሳይስ ኣፈውርቂ ምስቶም ብ1989 ንመንግስቱ ክግምጥሉ ዝተላዕሉ ጀነራላት (መርዕድ ንጉሰን ፈንታ በላይን) ቀንዲ ተሓባባሪ ከምዝነበረ ንጉዳይ ኤርትራ ብዘይ ቅድመ ኩነት፣ ኣብ ጣውላ ምስኦም ኮፍ ኢሉ ክፈትሖ ድልውነቱ ኣረጋጊጽሎም ነይሩ ይብል ።ንክልተ ሰሙን ተኹሲ ደው ክብል እውን ኣዊጁ ነበረ። ኣብዚ ተበግሶ እዚ ወያኔ እምቢ ከምዝበሉ ይገልጽ ።

ኢሳያስ ኣፈወርቂ ኣብ ሜዳ ምስ ወጸ ምቹእ ባይታ ጸኒሕዎ እዩ። እቲ ብበዓል ወልዳይ ካሕሳይን ብጾቱን ኣብ ኤትዮጵያ ኢድ ምሃብ ተረቢሹ ዝጸንሔ መሪሕነት ተሓኤ፣ ኣቶ ኢሳያስ ምስ መጸ ከም መፍትሒ ናይቲ ሽግር ብዙሕ ከይጸንሐ ሓደ ምሁርን ከበሳውን ተረኺቡ ተባሂሉ ንቻይና ተላእከ ። እዚ ዕድል እዚ ንኣቶ ኢሳያስ ኣፈውርቂ መደባቱ ከማዕብል ዕድል ከፊቱሉ እዩ ። እቲ ጀብሃ ክትሓቅቕ እያ ዝብል ትንቢቱ ብዘይ ምክንያት ኣይነበረን። ኣብቲ ኣብ ቓኘው ዝተገብረ ርክብ ጀብሃ ከም ናይ ኣስላም ተሓላቒት ተወሲዳ ጽልዋ ምስልምና ንኣሜሪካን ኢትዮጵያን ስለ ዘስገአን ኢሳያስ ኣፈወቂ ከምተልእኮ ብጀብሃ ክጅምር ሌነይሩዎ። ስለዚ ከምቲ እዞም ላዕለዎት ኢትዮጵያውያን ሓለፊቲ ዝገልጽዎ ዘለዉ፤ ሕልምን ድሌትን ኢሳያሳ ኣፈወቂ ናጽነት ኤርትራ ከምዘይነበረ እቲ ኩሉ ምስጢራት ሕጂ ብዝያዳ እናበርሀ መጺኡ ኣሎ ።ኢሳያስ ኣፈወርቂ እቲ ድልየትን ባህግን ህዝቢ ኤርትራ ንናጽነት ስለ ዝበርትዖ እምበር ኩሉ ግዜ መንነቱ ኣይገደፈን። ኢሳያስ ሕልሙን ድሌቱን ፍሉይ ስለ ዝነበረ፡ ንኹሉ ጻዕርታት ዕርቅን ዘተን ክነጽግን ክሕሰምን ጸኒሑ፣ መሻርኽቱ ዝነበሩ ህዝባዊ ሓይልት፤ ናይ ወጻኢ፣ ሓይሉ ምስ ኣደልደለ ጠሊሙ፣ ኣብ ሜዳ ኤርትራ ንወያኔ ዓዲሙ ኣብ ኹናት ሕድሕድ ኣሳቲፉ ። ድሕሪ ናጽነት ከኣ ኣብ 1991 ሓደ ውድብ ህግ እንተዝይኮይኑ ብዙሕነት ከምዘይቅበል ኣዊጁ እዩ። ካብዚ ጉዑዞ እዚ እንመሃሮ ነገር እንተሎ ፣ ምልኪ ጥራሕ ዘይኮነ ፣ ቀጻልነት መግዛእቲ እውን ዝኣመተ እዩ። ሃገራዊ ኣገልግሎት ንሰላምን ጸጥታን ሃገር ዝድለ’ኳ እንተኾነ ፣ ኢሳያስ ኣፈወርቂ ግን ስልጣኑ ንደቡብ ክስፍሕን ናጻ ጉልበት መንእሰያት ክምዝምዝን ክጥቀመሉ መስሪቱዎ ።

ኣብዘን 50 ናይ ስልጣን ዓመታቱ፣ እንታይ ከም ዝፈጸመ እክብ ድምር ኣቢልና እንተ መዘንናዮ ፣ ኣብ ልዕሊ ህዝቢ ኤርትራ ተወጢሑ እናቐተለን እናዓመጸን ነታ ካብ ልቡ ዝነቐለላ ዕላማ ምውራስ ስልጣን ዓባይ ሃገር ከረጋግጽ ይቓለስ ኣሎ። ኣብ ኮንፈረንስ ኣዲስ 1991 ሓደ ኢትዮጵያዊ ደጀዝማች ካብ ኤርትራ ትፍለ ንስኻ ናይ ኢትዮጵያ መራሒ ዘይትኸውን ክብልዎ እንከለው ኣብ ገጹ ዝተወለዐ ብርሃን ካሊእ እዩ ነይሩ ። እንተኾነ ወያነ እንከለዉ’ሞ ኣበይ ክረኽቦ። ስለዚ እዩ ንኹሉ ሽግራቱ ኣብ ክሳድ ወያነ ጠምጢሙ ወግሐ ጸብሐ ወያነ እንዳበለ ክጻረፍ ዝውዕልን ዝሓድርን ዘሎ። ሓደሓደ ኤርትራውያን ናይ ፖለቲካ ተንተንቲ ክገልጹ እንከለዉ ”ንሕና ዘገድሰና ተግባራት ኢሳያስ ኣፈወርቂ እምበር፡ ዘርኢ ወይ መበቆል ኣይኮነን ክብሉ ይስምዑ እዮም። እዚ ኣበሃህላ እዚ እወ ሓቂ እዩ። ተግባር ሚዛን ናይ ሓቅነት ስለ ዝኾነ። እንተኾነ ህዝብን ሃገርን ንክዕኑ ዝመረጸ ዜጋ፣ ኣብ ምልክት ሕቶ ክኣቱ ናይ ግድነት እዩ ።

ኢሳያስ ኣፈወርቂ ነቶም ምኩራት መራሕቲ ኹናት ተጋደልቲ ኣደስኪሉ፣ ከምቲ ናታቶም ሽምን ዝናን ክረክብ ባዕሉ ኲናት መሪሑን ተሳዒሩን። ሓደ ሚልዮንን ፈረቓን ካብ ህዝቢ ኤርትራ ካብ ንብረቱን መሬቱን ተሰዲዱ። 25 ኪ/ሜ ልዑላዊ መሬት ኤርትራ ኣብ ትሕቲ ሓይሊ ሕ/ሃ ክኣቱ ከይፈተወ ዝፈረመ ሰብ እዩ ። ጉጅለ 15 ጉድለታትና ንኣርም። ህዝቢ ንብድል ኣሎና። ስለ ዝበሉ ኣሲሩ ክሳብ ሎሚ ይሳቕዮም ኣሎ። ንዝዓረፉ ብጾቱ ሜትሮን ፈረቓ ጉድጓድ መቓብር ዝኽልእ፣ እቲ ዘገርም ሓደሓደ ተቓለስቲ ኢና በሃልቲ፣ መራሒና እናበሉ ክውድስዎን ዲሞክራሲ ከምጸኣሎም ዝጽበዩን ከኣ ኣለዉ።

ኲናት ኣንጻር ኢትዮጵያ ኣብ ሓሳብ ህዝብን ተጋደልትን ኣይነበረን። ኤርትራ ነ

ናጻ ኣብ ዝወጸትሉ 1991 ኣብ ሲነማ ኦድዮን ዝተጋብኡ ዓበይቲ ዓዲ ዝሃብዎ ለበዋ “ድሕሪ ሕጂ ምስዛ ኢትዮጵያ እትብሃል ሃገር ኲናት ኣይንደልን” ዝብል ነበረ። እምበኣር እዚ ውግእ ብሃንደበት ዝተላዕለ ኮይኑ ብቕልጡፍ ፍታሕ ክርከቦ እዩ ዝብል ትጽቢት ህዝቢ ነይሩ። ከምኡ ስለ ዝነበረ እቲ ኣታሓሳስባ፣ ኣባል ጉጅለ 15 ተጋዳላይ ሃይለ ወልደትንሳኤ ኣብ ጀርመን ድሕሪ ውዕል ኣልጀርስ ኣብ ዝገበሮ ናይ ህዝቢ ኣኼባ “ወተሃደራት ሕ/ሃ ኣብ መንጎ ስለ ዝኣተዉ፣ ሕጂ ኣብ ጉዳይ ቅዋምን ጽቡቕ ምሕደራን ክንሰርሕ ኢና“ ኢሉ መዲሩ ነይሩ። እዚ ኣበሃህላ እዚ እቲ ኣብ ኩሉ ልቢ ኤርትራዊ ዝነበረ ሓሳብ እዪ። ተጋ/ ሃይለ ወልድትንሳኤ እዚ ክብል እንከሎ እቲ ማንታ ብህሪያት መቓልስቱ ኢሳያስ ኣፈወርቂ ብፍጹም ይፈልጦ ኣይነበረን ።

ኢሳያስ ኣፈወርቂ ኣብዘን 25 በዘይቅዋም ዝገዘኣለን ናይ ድሕሪ ናጽነት ዓመታት፣ ከምቶም ካልኦት ኣፍሪቃውያን ዲክታተራት፣ ሓደ ግዜ እውን ንይምሰል ምርጫ ገይሩ 100% ተዓዊተ ክብል እውን ኣይፈተንን ። ሓቦን ምትእምማንን ስለ ዘይውንን። ሓደ ግዜ ሓጎስ ገብሪሂወት( ክሻ) “ ኢሳያስ ኣፈወርቂ እንተ ዝወዳደር ዝስዕሮ የለን” ክብል ፈኪሩ ነይሩ። እሞከ ደኣ እንተ ክስዕር ርግጸኛ ኮይኑ፣ እታ ሳንዱቕ ናይ ድምጺ ምሃብ ኩሉና ኤርትራውያን ን25 ዓመታት እንጽበያ ዘሎና ዘየቕርበልና እሞ ናይ ብሓቂ ከኣ ፕረሲደንት ሃገር ኤርትራ ክንብል መጸዋዕናዮ። እዚ ካብ ሬሳታት ስዉኣት ዝፈርሕ፣ ሕጂ ከኣ ርሃጽ ድኻታት ዘሚቱ ከይኣኽሎ፣ እተን ኣብ ጅባኹም ተሪፈን ዘለዋ ክጽንቅቐን ኢየ እናበለ ይፍክር ምህላዉ እዩ ዝንገር ዘሎ ። ኢሳያስ ኣፈወርቂ ምረጹኒ ክብል ዓዲ ዓዲ ክዘውር ዘይምዃኑ ኣቐዲሙ ኣብ ዓዲ ጣላያን ኣብ ዝገበሮ ቓለ ምሕትት ገሊጹዎ ነይሩ ። ምኽንያቱ ጉዳይ ምርጫ ከምዘይተዋጽኦ ስለ ዝፈልጥ ።

እቶም መሳርሕቱን መሳትይቱን ዝነበሩ ሰትዩ ክሰክር እንከሎ እንታይ ከምዝብል ገሊጾምልና ስለ ዝኾኑ ምድጋም ዘድልዮ ኣይኮነን። ብተወሳኺ እውን ካብ ኣፉ ዝሰምዓናዮ ብንዕቀትን ብድዔን “ኣዚ ህዝቢ እዚስ ! በጊዕ ዶ ሓሙስ ሓሙስ ክንሓርደሉ ድልዩና ?” እናበለ ናይ ንዕቀት ፈኸራ ኣስሚዑና እዩ። ንህዝቢ ኤርትራ ማይ ዝደለየ ኣብ ማይ ዘለዎ ቦታ ይኺድ ክብል እውን ሓቢሩና እዩ። ብዛዕባ ሽግር ህዝቢ ኤርትራ ሻቕሎት ዘለዎ ኣይኮነን። ከምቶም ቀዳሞት ወረርቲ ዓዲ ተኽላይ ሰፊሮም ዘመሓድሩ ዝነበሩ፣ ንሱ እውን ዓዲ ሃሎ ንክቕመጥ ምምራጹ ትዝታታት ኣሕዲርሉ እዩ ዝኸውን ።

ቀዳሞት ሰበ ስልጣን መግዝእቲ ኢትዮጵያ ንኤርትራውያን ዓበይቲ ዓዲ ኣኪቦም መሬት እምበር፣ ህዝቢ ኤርትራ ኣየድልየናን ክብሉ ደጋጊሞም ፍኪሮም ነይሮም። እንተኾነ ፍትሓዊ ቃልሲ ህዝቢ ኤርትራ ንስርዓት ሃጸይ ሃይለስላሴን ደርግን ቁጠባ ኢትዮጵያ ኣብ ዘይጻወሮ ድልሃመት ኣእትዩ ሓደ ድሕሪ እቲ ሓደ ስዒቡ ከም ዝወድቕ ገይሩ እዩ። እንተኾነ ኢሳያስ ኣፈወርቂ ከምቶም ኢትዮጵያውያን ገዛእቲ ዝሓለምዎ ንኤርትራውያን መንእሰያት ኣብ ደረት- ኣልቦ ባርነት ቆሪኑ፣ ናብራ መሪሩዎም ሃገር ገዲፎም ከምዝጠፍኡሉ ይገብር ኣሎ። ካብ ብድመ ብሽምግልና ኣሜሪካን ሩዋንዳን ክወጽእ ኣብ ዝተሓተሉ ፣ ጸሓይ ተፈጥራዊ ዑደታ እንተ ኣቋረጸት እውን ከምዘይወጽእ ፍኪሩ ተሪፉ። ኣብ መወዳእታ ከኣ ተሳዒሩ። እዚ ኢትዮጵያ ካብ ባድመ ስለ ዘይወጸት ናይ ኣይሰላምን ኣይኲናት ኩነታት ተፈጢሩ ዘሎ ተሓታቲ ስርዓት ህግደፍ እዩ። ኢትዮጵያ ካብ ባድመ ወጸት ማለት፤ ህዝቢ ኤርትራ ካብ ኢሳያስ ኣፈወርቂ ሰላም ረኺቡ ማለት ዘበት እዩ። ሰላም ክርከብ ጉጅለ ህግደፍ ክውገድ ኣለዎ ።

ካብ ባድመ ብሰላም ክወጽእ ዝተሓተ መራሕ ጉጅለ ህግደፍ፣ እምቢ ድሕሪ ምባል ኣብ ግንባር ዓሰብ ተደፊእና ክብልን ንወደባዊት ከተማ ዓሰብ ንጻላኢ ክትርፍ፣ ንሰራዊት ከንሳሕብ ዝኣዘዘ መራሒ ኣይኮነን ድዩ? እዚ’ኮ ናብ ፍርዲ እንተዝኸይድ ብጥልመት ናይ ሞት ብይን ምተውሃቦ ነይሩ ። ኢትዮጵያ ደኣ ዓሰብ እንተዝወሃባ እዚ ኩሉ ኲናት መዓስ መመጸ ነይሩ። ባድመ ብሕመቑ ምስ ተታሕዘት ክትመልስዋ ኣሎኩም ኢሉ ብምእዛዝ ክሳብ 2,000 ሽሕ ዝኸውን መንእሰይ ብዘይ ተጸንዔ እስትራተጂ ብጠያይቲ ወያነ ከም ዝጠፍኡ ዝገበረ ሽፍታ እንድዩ። ምስዚ ኩሉ መላግቦ ምስ ህዝቢ ኤርትራ ስለ ዘይውንን ክስምዖ ዝኽእል ቓንዛ የለን ።

እቲ ኣብ ማእኸል ከተማ ኣስመራ ብዕለት 4/3/16 ብጉጅለ ህግደፍ ኣብ ልዕሊ መንእሰያት ሃገራዊ ኣገልግሎት ዝተፈጸመ ቅትለትን ስንክልናን፣ ኣብ መዋእል እቲ ጉጅለ ሓዲሽ ነገር እኳ እንተዘይኮነ፣ ዘምሓላለፎ ዘየወላውል መልእኽቲ፡ ህዝብናንን መንእሰያትናን ብዘይ ፍርሓት “ድጊም ይኣክል ናብራ ባርነት” ብምባል ነቲ ተቓውሞ ኣብ ዝለዓለ ጽፍሒ ኣሰጋጊረምዎ ከምዘለዉ የረደኣና ።

እዚ መቕዘፍቲ ናይዞም መንእሰያት ዝኣዘዘ ጉጅለ፣ ብከምዚ ተግባራት ካብ ውድቀት ዝድሕን ይመስሎ ይኸውን ። እንተኾነ እቲ ፍርሒ ካብ ህዝብናን መንእሰያትናን ተቐንጢጡ ስለ ዘሎ፣ ኣብ ቀጻሊ ዝግበር ምግጫው መወዳእታ ናይቲ ጉጅለ ኽክውን እዩ። እዚ ሽፍታ ጉጅለ እዚ ሕጂ ዝወሰዶ ስጉምቲ ንዑኡ ናይ ሞትን ሕየትን ምዃኑ ኣይንዘንግዕ። ህዝባዊ ተቓውሞ ካብ ግዜ ናብ ግዜ እናበረኸ ይመጽእ ከምዘሎ ይዕዘብ ስለ ዘሎ፣ ሓደ መዓልቲ ሃብቲ ሃገር ዘሚቱ ክሃድም እዩ። ካብ ስደት ናብ ስደት እናኾብለለ ከኣ ክነብር እዩ ።

ደሕሪ 25 ዓመታት ናጽነት ሃገርና እቶም መሰረታውያን ዝኾኑ ነገራት ማለት ዝስተ ማይ፣ መብራህቲ፣ሕክምና፡ መጎዓዝያ፡ .. ወዘተ ክትስእን እንከላ፣ መንግስቲ ኣሎ ክብሃል ዝክኣል ኣይኮነን። ብሓጺሩ ዲክታተር ተባሂሉ ምጽውዑ እኹል ኣይኮነን። ስለዚ ልክዕ ከም ባዕዳዊ ገዛኢ ተራእዩ፣ እቲ ዓይነት ቓልሲ ብሓዲሽ ኣጋባብ ክውደብ ኣሎዎ። ኣብ ውሽጢ ሃገር ዘለለኹም ተቓለስቲ፣ 24 ግንቦት ድርብ ዓወት ክትገብሩልናን ኤርትራና ዓዲ ሰላምን ፍትሕን ንክትከውንን ጻዕርኹም ኣዛይዱ ።

ዝኽሪ ነቶም ነዛ ዕለት ህያው ንዝገበሩ ስዉኣትና !

ክብሮም ግረነት

5/19/16

Thursday, 19 May 2016 06:34

ኤርትራ ርብዒ-ዘመን ድሕሪ ናጽነት

Written by ተኽኣ ጸጋይ

ኣብ ፖለቲካዊ ታሪኽ ኤርትራ፡ ህዝብና ኣብ ትሕቲ ዝተፈላለዩ ባዕዳውያን ገዛእቲ-ሐይልታት ክጭኾን ድሕሪ ምጽንሑ፡ ንስለ ናጽነቱን ሓርነቱን ሰውራ ብምብጋስ፡ ን 30 ዓመታት መሪር ቓልሲ ኣካይዱ፡ ሂወት ኣሽሐት ብሉጻት ደቑ ከፊሉ፡ ኣብ 1993 ልኡላዊት ሃገር ከረጋግጽ ኪኢሉ። ኮይኑ ግን፡ ብኣቶ ኢሳያስ ኣፈወርቒ ዝምርሑ ውሑዳት ጉጅለ፡ መብጽዓ ኣሽሐት ሰማእታትናን ህዝብን ብምጥላም፡ ኣብዚ እዋን እዚ፡ ድሕሪ 25 ዓመታት ምርግጋጽ ልእላዊት ነጻ ሃገር፡ ህዝቢ ኤርትራ ሰላም-ተሓሪምዎ፡ ኣብ ዘይቕሱን ፖለቲካዊ ሃዋሁ ናይ ውግእ፡ ማእሰርቲ፡ ሞት፡ ስንክልና፡ ስደት፡ ድኽነትን፡ ኮታ ኩሎም ሕሰማት መነባርሮ ሂውቱ፡ ካብቲ ኣብ ትሕቲ ባዕዳውያን ገዛእቲ ዘሕለፎ ብዝኸፍኣ መልክዑ ይቕጽል ኣሎ። ናይዚ እዋን እዚ ጭኾና ፍሉይ ዝገብሮ ከኣ፡ ንታሪኽን ዝና-ቓልሲ ህዝቢ ኤርትራ ዘሕስርን ዘህስስን ኮይኑ፡ ንህላወ ሃገርን ህዝብን ብዝፈታተን ደረጃ ኣብ ፕለቲካውን ቑጠባውን ከምኡውን ማሕበራዊ ዕንወት ኣቲና ንርከብ።

ኣብ 60ታት መብዛሕትኣን ኣብ ትሕቲ ኤውሮጳዊ ግዝኣት ዝነበራ ናይ ኣፍሪቓ ሃገራት፡ ናጽነተን ረኺበን ናብ ህንጻ ሃገራውነት ክብገሳ እንከለዋ፡ ህዝቢ ኤርትራ ግን፡ ብሰሪ ናይ ወጻኢ ሐይልታት ፖለቲካዊ ሽርሕታት፡ ባህጊ ናጽነቱን ሓርነቱን ስለ ተነፍጎ፡ ሰብኣውን ሃገራውን ክብሩ ንከውሕስ፡ ኣብቲ ነዊሕ ናይ 30 ዓመታት መሪር ዕጥቓዊ ቓልሲ፡ ሂወት ከልተ ብሉጻት ወሎዶታት ደቑ ክኸፍል ተገዲዱ እዩ። ኣብ 50ታትን 60ታትን ኤርትራ ብተዛማዲ ምስ ካልኦት ኣፍሪቓውያን ሃገራት፡ ብቑጠባዊ-ትሕተ-ቕርጺ ይኹን ብደረጃ ዓቕሚ ሰብ፡ ሓንቲ ካብተን ኣብ ጽቡቕ ኣንፈት ደረጃ ምዕባለ ዝነበራ ኣፍሪቓውያን ሃገራት እያ ኔራ። ኮይኑን ግን፡ ብድሕሪ ንጉስ ሃይለ ስላሴ ፈደራላዊ ሕጊ ብምጥሓስ፡ ንኤርትራ ምስ ጎበጠ፡ ነቲ ሃገርና በጺሓቶ ዝነበረት ቑጠባዊ-ግስጋሰ ይኹን ኪኢላዊ ዓቕሚ ሰብ፡ ብረቒቕ ሜላ ናብ ኢትዮጵያ ክምዝግዕዝ ብምግባር፡ ነቲ ምዕባሌ ንረብሓ ሃገሩ ከምዝውዕል ጌሩዎ። ከም ሳዕቤኑ ከኣ፡ ኤርትራዊ ኪኢላ-ዓቕሚ ስራሕ ከምኡውን ትምህርቲ ንኽረክብ፡ ገለ ናብ ኢትዮጵያ፡ ገለ ንሜዳ፡ ገለ ከኣ ናብ ሕሱም መነባብሮ ስደት ክበታተን ጀመረ።

ከም ሳዕቤኑ ከኣ፡ ዓለምና ናብ ቅልጡፍ ቑጠባዊ ዕብየት ክትስጉም ከላ፡ ህዝቢ ኤርትራ ግን ናጽነቱን ሓርነቱን ከረጋግጽ ኣብ ናይ 30 ዓመታት ከቢድ ዕጥቃዊ ቃልሲ ተጸሚዱ ድሕሪ ምጽንሑ፡ ኣብ 1991 ሃገሩ ካብ ባዕዲ ነጻ ክገብር ከሎ፡ ብንዋታውን ሰብኣውን ዓቕሚ ዝዓነወት ሃገር እዩ ተረኪቡ። ኣብ ቑጠባዊ ዕብየት ናይ ዝኾነ ሕብረተ ሰብ፡ ደረጃ ምዕባሌ ዓቕሚ--ሰብ ወሳኒ ረቓሒ ስለ ዝኾነ፡ ህዝቢ ኤርትራ ድሕሪ ናጽነት ንዝሐለፎ ዕድል ተኪኡ ምስ ዓለም ክጎዓዝ፡ ቑልጡፍ ናይ ተሃድሶን ህንጻ-ሃገርን ህዝብን፡ ብፍላይ ከኣ ናብ መንእሰይ ዘተኮረ ናይ ትምህርትን ስልጠናን ሰፊሕ ወፍሪ ምክያድ፡ ካብ ሐደ ንረብሓ ህዝብን ሃገርን ዝሐሊ መንግስቲ ትጽበዮ ቐንዲ ስርሕ ክኸውን ግቡእን ኩልና ተጸበናዮ እዩ ኔሩ።

ኮይኑ ግን እቲ ዘይተዓደለ ህዝቢ ኤርትራ፡ ከምቲ ሊዒሉ ዝተጠቕሰ፡ ካብ ናይ ነዊሕ ዓመታት በሰላ-ውግእ ትንፋስ ከይመለሰ እንከሎ፡ ኣብ ቐጻሊ ውግኣት ምስ ኩለን ጎረባብቲ ሃገራት፡ ቐጺሉ ከኣ ኣብቲ ብኣጋ ክእለ ዝኽእል ዝነበረ ዝዓበየን ትርጉም ኣልቦ ዝኾነ ውግእ ናይ 1998 ምስ ኢትዮጵያ ተኣትዩ። ኣብዚ ናይ ክልተ ዓመታት ውግእ ከኣ፡ ዝተኸፍለ ቑጽሪ ሂወት ኤርትራዊ፡ ካብቲ ኣብ ናይ 30 ዓመታት ንናጽነት ዝተኸፍለ ሂወት ዝበዝሐን ዝኸፍአን ኮይኑ፡ ኣብ ህዝብና ከቢድ ሞራላዊ ሃስያ ኣከቲሉ። እዚ ከኣ ሐደ ካብቶም ቕንዲ መርኣያ ጭካነን ጥልመትን ኣቶ ኢሳያስ ኣፈወርቒ ኮይኑ ስለ ህዝቢ ኤርትራ ቅንጣብ ሓልዮት ዘይብሉ መራሒ ምኻኑ ዘመስከረ ፍጻሜ እዩ። ንህዝቢ ኤርትራ ከኣ፡ ኣብታ ዘላታ ተወሰኸታ ኮይናቶ፡ ከቢድ ሰብኣውን ንዋታውን ዕንወት ገዲፉሉ ጥርይ ዘይኮነ፡ ሓደ ካብቶም ቐንዲ ረቓሒ ወይ እምነ ኩርናዕ ናብዚ ሕጂ ኣቲናዮ ዘለና ናይ ጥፍኣት እዋን እዩ። ኣብዞም ዝሓለፉ 25 ዓመታት ድሕሪ ናጽነት፡ ሰብኣዊ-መሰል ህዝቢ ኤርትራ ቀስ ብቐስ እንዳተጋህሰ ክመጽእ ድሕሪ ምምጽኡ፡ ብፍላይ ድሕሪ ውግእ ናይ 1998 ግን፡ እቲ ጥልመትን ዓመጽ ኣብ ልዕሊ ህዝቢን ኣዝዩ ግሁድን ሰፊሕን እንዳኾነ መጺኡ። ኣብዚ እዋን እዚ ከኣ፡ ንህላውነት ሃገርን ህዝብን ኣብ ዝፈታተን ደረጃ በጺሑ ኣብ ሓደገኛ ፕለቲካዊን ቑጠባዊን ማሕበራዊን ኩነታት ተኣትዩ።

ኣብ ፖለቲካዊ መዳይ፡ ኤርትራ ድሕሪ 25 ዓመታት ናጽነት፡ ሕጋዊ-ውዕል ዝምድና ህዝብን-መንግስትን ዘውሕስ ሃገራዊ ቅዋም የብላን፡ ከምኡውን ብምርጫ ህዝቢ ዝቖመ ሕጋዊ መንግስቲ፡ ማለት ሃገራዊ-ባይቶ ይኹን፡ ነጻ ትካላት መንግስቲ እውን የብልናን። ሓሳባትካ ናይ ምግላጽ መባእታዊ መሰል ደቒ-ሰብ እውን ስለዘየለ፡ ርእይትኦም ዝሃቡ ኣሽሐት ደቒ-ሃገር ብዘይፍርድን ብሕማቕ ኣተሓሕዛን ንዓመታት ሃለዋቶም ኣይፍለጥን። ስለ ዝኮነ ካኣ፡ ኤርትራውያን ሎሚ ኣብታ ምእንቲ ሐርነቶም ከቢድ ዝተኸፈሉላ ኤርትራ፡ ጉዳይ ሃገሮም ከምዘይምልከቶም ተቖጺሮም ፡ ከምኡውን ኣብዚ ዘለናዮ ምዕቡል ዘመን፡ ብሐርነት ክምሃሩን ክምዕብሉን ዕድል ተነፊግዎም ደንቒሮም ከም ባራዩ ተኣዘዝቲ ጥራይ ኮይኖም ኣብ ራዕዲ ክነብሩ ብስርዓት ህግደፍ ተፈሪድዎም ኣሎ።

ኣብ ዲፕሎማስያዊ-ጉዳይ እውን፡ ኣብዞም ዝሐለፉ 25 ዓመታት ድሕሪ ናጽነት፡ ሃግርና ኣብ ማሕበረ-ሰብ ዓለም፡ ምስቲ ስለ ናጽነት ዝኸፈለቶ ክቡር ዋጋ ዝዳረግ ክብሪ ንክትረክብ፡ ብውሕልነት ኣይተሰርሐሉን። ከም ሳዕቤን ናይቲ ዘይሕጋዊ ዓንዳሪ ኣካይዳ ዲክታትርያዊ ስርዓት ከኣ፡ ሃገርና ምስ ማሕበረ-ሰብ ዓለም ኣውንታዊን ሃናጺን ዝምድናታት ከተማዕብል ኣይከኣለትን ጥራይ ዘይኮነ፡ ካብ ኩለን ጎረባብቲ-ሃገራት ኮነ ካብ ኣለም ተነጺላ ትርከብ። ብተወሳኪ እውን ሕቡራት-ሃገራት ኣብ ልዕሊ መራሕቲ ኤርትራ ዘተኮረ ክልተ ማዕቐባት በይኑ። ብቐጻሊ እውን ሕቡራት-ሃገራት ኣብ ኤርትራ መጠነ-ሰፊሕ ግህሰት ሰብኣዊ-መሰላት ምህላዉ ስለ ዝገምገመ፡ መርማሪት ኮምሽን ብምቓም፡ እቲ ግህሰት-መሰል ስጋብ ገበን ኣንጻር ሰብኣውነት ክበጽሕ ይኽእል እዩ ኢሉ ስለዝገምገመ፡ ቐጻሊ መጽናዕቲ ኣብ ምክያድ ይርከብ። ከም ሳዕቤን ናይዚ ኹሉ ከኣ፡ ኣብ ዓለምና ሎሚ ካልኣይ መጸውዒ ስም ኤርትራ “ኣፍሪቓዊት ሰሜን ኮረያ” ኮይኑ ይርከብ።

ኣብ ቑጠባዊ መዳይ እውን፡ ድሕሪ ርብዒ ዘመን ናጽነት ኤርትራ፡ ሃገርና ብባጀት ይኹን ብግሉጽነትን ዝሰርሕ መንግስቲ የብላን። ንብረት ህዝባዊ ግንባር ንብረት ህዝቢ ከም ምኻኑ መጠን፡ ካብ ሜዳ ህ/ግ ክንደይ ዝኣክል ንብረት ሒዙ ኣትዩ ስጋዕ እዚ እዋን እዚ ንህዝቢ ኣይተገለጸን። ስለዝኾነ ከኣ፡ ኣብዞም ዝሐለፉ ዝያዳ 50 ዓመታት፡ ሃብቲ ሃገርና ብዉሑዳት ብሕጊ ዘይተመርጹ ሰባት ጥራይ ዝፍለጥ ኮይኑ፡ እቲ ዋንኡ ዝኾነ ህዝቢ ኤርትራ ብስእነት ኣሰቓቒ ሂወት እንዳሕለፈ ከሎ፡ ብዛዕባ ሃብቲ ሃገሩን ማዕድናቱ ይኹን ወደባቱ ንመን ይካረ ወዘተ ህዝቢ ኤርትራ ንክፈልጥ መሰሉ ተሓዲጉ ይርከብ።

በቲ ካልእ መዳይ እውን፡ ገለ ካብቶም ቐንዲ ንቑጠባ ሃገርና ረሚሶም ዘለዉ ፖሊሲታት ዲክታተርያዊ ስርዓት ህግደፍ፡ ኣብዚ ዘለናዮ ዓለም፡ ነቲ ኣፍራይን መሃዝን ዓቕሚ መንእሰይ-ሃገር ከም ባርያ ጅሆ ሒዝካ፡ ከምኡውን ካብ ሃገር ዝኣቱን ዝወጽእን ናውቲ ብምልኡ ብውሑዳት ብህግደፍ ዝውነና ትካላት ቢሒትካን፡ ዕንወት እንተዘይኮኑ፡ ክመጽእ ዝኽእል ቑጠባዊ ዕብየት የልቦን። ከምሳዕቤን ናይዚ ከኣ ብሕታዊ-ወፍሪ ክፋል ቑጠባ-ሃገር ዓንዩ፡ ከምኡውን ኣውፈርቲ ይኹኑ መንእሰያት ኤርትራ፡ ሃገሮም ራሕሪሖም ንዓለም ኣዛራቢ ኮይኑ ዘሎ፡ ብዝሒ ቑጽሪ ሰደተኛታት ኤርትራ ኣኸቲሉ ይርከብ። ስርዓት ህግደፍ ንብዝሒ ቑጽሪ ስደተኛ-ኤርትራ ክሐብኦ ኣብዘይክእል ደረጃ ስለ ዝበጽሐ፡ ከምኡውን ካብቲ ቐንዲ ጥንቒ ስደት ዝኮነ፡ ዝኽሰሰሉ ዘሎ ምግሃስ ሰብኣዊ መሰል ንምህዳም፡ ንህዝቢ ስራሕ ምፍጣር ሓላፍነት ፖሊሲታት-መንግስቲ ክንሱ፡ ንሕብረተ ሰብ-ዓለም ከዳናግር፡ ብዘይሕንከት፡ ጠንቒ ስደት ኤርትራውያን ናይ ቑጠባ እዩ ክብሉ ይስምዕ። ኣብ ቑጠባዊ መዳይ እምብኣር ኣብዞም ዝሓለፉ 25 ዓመታት ድሕሪ ናጽነት፡ ህዝቢ ኤርትራ ብሐርነት ጸጋታት ሃገሩ ተጠቒሙ ሰሪሑ ንቡር ሂወቱ ክመርሕ ስለዘይከኣለ፡ ኣብ ስደት ካብ ዝርከቡ መቕርቡን ቤተ-ሰቡን ናይ ዝሰድሉ ገንዘብ ተጸባይ ኮይኑ፡ ኣብ ኣዝዩ ሐደገኛ ተኣፋፊ ሂወት ይርከብ።

ጽሑፈይ ንምዝዛም፡ እዛ ከቢድ መስዋእቲ ዝተኸፍላ ሃገርና ኤርትራ፡ ከምዚ ሊዒሉ ተጠቕሰ፡ ድሕሪ ርብዒ-ዘመን ከም ልኡላዊት ነጻ ሃገር፡ ሎሚ ኣብ ከቢድ ፖለቲካዊ፡ ዲፕሎማስያዊ፡ ቑጠባውን ከምኡውን ማሕበራዊ ከቢድ ቕልውላው ኣትያ፡ ክሳብ ንህላውነት ሃገርን ህዝብን ዝፈታተን ደረጃ በጺሓ ትርከብ። ካብዚ ኣቲናዮ ዘለና ከቢድ እዋን ንምግልጋል ከኣ፡ ብፍላይ ኣብ ስደት እንርከብ ዜጋታት፡ ካብቲ ኣዕናዊ ተመኩሮ ገለ ኣፍሪቓውያን ሃገራት ተማሂርና፡ ከምኡውን ካብቲ ህግደፍ ዕድሚኡ ንምንዋሕ ብዕሱባት-ሃሱሳቱ ኣቢሉ ሓድነትና ንምድኻም ኣበርቲዑ ዝሰርሓሉ ዘሎ ጸበብቲ ኣረኣእያታት ናይ ብሄር፡ ሃይማኖት፡ ኣውራጃ፡ ውድበይ-ውድብካ ወጺእና፡ ብሃገራዊ ንቕሐት፡ ፖለቲካዊ ራኢና ኣበሪኽና፡ ሐንቲ ብግዝኣተ-ሕጊ እትምራሕ፡ ንኹልና ብማዕርነትን ሰላምን ፍትሕን እንነብረላ ሃገር ክንሃንጽ፡ እቲ ረብሐ ናይ ኹልና ስለዝኮነ፡ ናይዚ መበል 25 ዓመት ናጽነት ሃገርና መብጻዓ ኩልና ክትኸውን ይምሕጸን።

የቐንየለይ

ተኽኣ ጸጋይ

ካብ በርክሊ ካሊፎርንያ ሕ/መ/ኣ

ግንቦት 16 2016

Wednesday, 18 May 2016 23:30

ዕድመ ፡ ንሰፊሕ ህዝባዊ - ዘተ

Written by ኣወሃሃዲት ሽማግለ

ከም ኤርትራውያን መጠን፡ ህዝብናን ሃገርናን፡ ኣብ ኣዝዩ ጽንኩርን፡ ተሪርን እዋን፡ ከም እንርከብ፡ ንኹልና ብሩህ ጥራሕ ዘይኮነ፡ ኣዝዩ ኣሻቓሊ ውን እዩ ። ኩነታትና ካባና ሓሊፉ፡ ንዓለም’ውን ኣታሓሳሳቢ ኮይኑ ኣሎ። ሃገርና ምስላ ተደዊኑ ባዲማ፡ ህዝብና ውላዱ ስኢኑ ዘኽቲሙ፡ መንእሰያትና ተስፋ ቆሪጾም፡ እግሮም ናብ ዝመርሖም ተበታቲኖም፡ ኣብ ስደት እንነብር፡ ደለይቲ ፍትሒን ለውጥን’ውን፡ ሓቢርና ዓቕምታትና ኣወሃሂድና፡ ክንምክት ስለ ዘይበቓዕና፡ ኣብ ሓድሕዳዊ ግርጭት ተሸሚምና፡ ህዝብን ሃገርን ከነድሕንስ ይትረፍ፡ ንነብስና’ውን ክንከላኸል ኣብ ዘይንኽእለሉ ደረጃ ወሪድና ምህላውና ኩሉ ዝምስክሮ ሓቂ’ዩ።

ነዚ መሰረት ብምግባር እምብኣር፡ ካብ'ዚ ዓዘቕቲ'ዚ እንወጸሉ፡ ፍታሕ ንምንዳይ፡ ህዝቢ ኤርትራ (ፖለቲካዊ እምነቱን ኣባልነቱን ብዘየገድስ)፥ ፖለቲካዊ ውድባት፡ ሰልፍታትን ሲቪክ ማሕበራትን ፡ ተራኺብና እሂን ምሂን እንብሃለሉ፡ ናይ ሳልስቲ ዓውደ-ዘተ ኣዳሊና ኣለና። እዚ ብ “ሓቀኛ ዋና ኤርትራ ህዝባ’ዩ፡ ስልጣኔኡ ዋሕሳ ፍቕሪ ሓድሕዱ ከኣ ትንፋሳ” ዝብል ቴማ ዝተዳለወ ዘተን ፈስቲቫልን እዚ ንዕለታት 8፡ 9ን10ን ሓምለ 2016 (8, 9 & 10July 2016 ) ኣብ ጀርመን፡ ከተማ ካይዘርስ ላውተርን (Keiserslautern) ኢዩ ተዳልዩ ዘሎ። ብተገዳስነት ንኽትሳተፍዎ፡ ብኽብሪ እናዓደምና ከኣ ንኹለ-ሸነኻዊ እትገብርዎ ደገፍ ከኣ ኣቐዲምና ነመስግነኩም።

ኣብቲ ዘተ ምስታፍኩምን እቲ ንውድብኩም ወይ ማሕበርኩም ዝውክል ሰብን ኣቐዲምኩም ከተፍልጡና ትጽቢት ንገብር። ነቶም ተመዲቦም ዘለዉ ናይ ዛዕባታት ዘተ ማሕበርኩም ወይ ውድብኩም ንኣባላታ ኣቐዲማ ኣዛትያ ሓሳባ ናብ ኣወሃሃዲት ሽማግለ ከተቕርብ እንተደልያ ክትሕብሩና ንላቦ።

ንተወሳኺ ሓበሬታ ንዝዀነ ኣባል እታ ኣወሃሃዲት ሽማግለ ክትውከሱ ትኽእሉ።
ኣወሃሃዲት ሽማግለ

لا شك اننا كارتريين على علم بما هو عليه شعبنا من معاناة وما يمر به من اوقات عصيبة، وكلنا مشغول بهذا الوضع. لقد اصبح العالم ايضا مهتم بقضية شعبنا وما آلت اليه الاوضاع في بلادنا. البلاد في تدهور مستمر والشعب فقد فلزات اكباده، وشبابنا لم يعد له امل البقاء في البلاد فاصبح يهاجر الى كل اتجاهات العالم، وبسبب ضعفنا نحن طلاب العدالة وعدم قدرتنا على تسيق جهودنا، وبقاءنا في وحل الخلافات البينية، لم نعد نستطيع انقاذ شعبنا ووطننا، ولا حتى الدفاع عن انفسنا. هذا هو واقعنا الذي لا نستطيع انكاره. بناءا على هذا ندعو جميع التنظيمات السياسية ومنظمات المجتمع المدني للمشاركة في ندوة للحوار والبحث لايجاد حلول ومخارج من هذا الوحل.
سوف تعقد الندوة تحت شعار: "ارتريا هي ملك لشعبها، وتطور شعبها هو الضمانة لها، التآخي و المحبة بين ابناء الشعب هو متنفسها".
التاريخ: من 8 الى 10 يوليو - 2016
المكان: مدينة كايسرسلاوتم (Keiserslautern) – ألمانيا

يرجى من الجميع ابلاغ اللجنة المنسقة للندوة بمشاركتكم واراءكم حول بنود الحوار المطروحة، ونشكر لكم مقدما حسن تعاونكم في ذلك ودعمكم.

لمزيد من المعلومات بامكانكم التواصل مع اعضاء اللجنة التنسيقية الواردة امساءهم ادناه:

- السيدة اببا ابراها – كندا
- السيدة وجدان ديقول – استراليا
- السيد مرهاوي ولديميكائيل – نيوزيلاندا
- السيد تخلي-ماريام قبري-جيورجس – المانيا

الايميل: This email address is being protected from spambots. You need JavaScript enabled to view it.

لارسال دعمكم المادي:
Paypal ni Hizbawiezete tecle.ghebregergis@t- online.de Teclemariam Ghebregergis IBAN DE63500105175414573205 BIC INGDDEFF

Wednesday, 18 May 2016 23:08

ሰሚናር በይ ኤርያ ካሊፎርንያ- ዝሓለፋ 25 ዓመታት ድሕረት: ድኽነት: ስደት: ባርነትን መሰል ኣልቦነትን ዓመታት ክምዝነበራ ደምዲሙ

Written by ኤርትራውያን ንዲሞክራስያዊ ለውጢ ኣብ ቤይ ኤርያ (Bay Area Eritreans for Democratic Change- BAEDC)

EYCBA 1

በይ ኤርያ ኤርትራውያን ንዲሞክራስያዊ ለውጢ ብምክንያት 25 ዓመት ናጽነት ኤርትራሰፍሕን ዕዉትን ሰሚናር ግንቦት 7 (7/5/16) ኣብ ከተማ ኦክላንድ ካብ ሰዓት12 ክሳብ ሰዓት 8 ድሕሪ ኣካይዱ።

እቲ ብምክንያት 25 ዓመት ናጽነት ኤርትራ ዝተካየደ ሰሚናር ቀንዲ ዕላምኡ ነቲ ስርዓት ህግደፍ ብናይ ሐሶት ዳንኬራተዓጠቅ ትሸብሸብ ዝብለሉ ዘሎ ናይ ናጽነት ጽንብል ኤርትራ ኣብ ውሽጢ 25 ናይ ናጽነት ዓመታት ከምቲ ስርዓት ህግደፍ ዝብሎ ኣብ ጎደና ምዕባለ’ዶ ወይስ ከምቲ ኣብ ባይታ ዘሎ ኣብ መንገዲ ጥፍኣት ነዚ ሐቂ’ዚዘንጸባርቅ ብመርቶዓታት ዝተሰነየ ብሙሁራት ኪኢካታትን ካብ ሰሜን ኣሜርካን ኤውሮጳን ዘቅረብዎ ብዙሕ ህዝቢ ዝተሳተፎ ዕውት ሰሚናር ኔሩ።
እዚ ዕዉትን ኣገዳስን ሰሚናር ከምቲ ኣብ ላዕሊ ተጠቂሱ ዘሎ ኣቀዲሙ ክግበርዝተመርጸሉ ምክንያት ነቲ ስርዓት ህግደፍ ብሐሶትህዝብን ዓለምን ንምድንጋር ናይኣታዊታቱ ንምክዕባትን ዝግብሮ ሜላ ንምብዳህን ነቲ ዝዳናገር ዘሎ ህዝቢ እቲ ሐቂ ፈሊጡ ነቲ ስርዓት ዝግብሮ ዘሎ ናይ ሐሶት መናውራ ክቃውመን ካብ ምድግፉ ክቁጠብን ክሕግዞ ምእንቲ’ዩ።

EYCBA 2

ትሕዝቶ እቲ ሰሚናር ህዝቢ ኤርትራ ነቲ ብሉጻት ደቁ ከፊሉ ዘረጋገጾ ነጻነት ፍረጻማ መሪር ቃልሱን ዋጋ መስዋእቲ ብሉጻት ደቁን ሰለዝኾነ ብክብሪ ክዝክሮን ክብዕሎን ዘየማትእ እኻ እንትኾነ ህዝቢ ኤርትራ ግን ኣብ ውሽጢዚ 25 ዓመታት እቶምመብጽዓ ስውእቶም ዝጠለሙ ጭፍራ መራሕቲ ህግደፍ ንኤርትራን ህዝባን ኣብ ዘይወጻእ ዓዘቅቲ ሸሚሞማ እናሃለዉ ኤርትራ ከም ኣብ መንገዲ ግስጋሰን ልምዓትንዘላን ሃገር ጌሮም ንምብዓል ዝዳለዉሉ ዘለዉ ብሩራዊ ኢዮቤል ሐቅነት ዘይብሉ ፈከራ ምኻኑን እቲ ኣብ ባይታ ህዝቢ ኤርትራ ዘሎ ሐቂ ግን ብኣንጻሩ ሽግር፣ መከራ፣ጥሜትንሕማምን፣ ስደትን ሞትን፣ማእሰርትን ስቃይን ምኻኑ ንምምካት’ዩ።

እቶም ኣብዚ ሰሚናር ወረቃቕቲ ዘቕረቡ ከኣ ኤርትራውያን ሙራትን ኪኢላታትን ኮይኖም ገለ ክፋል ዕድሚኦም እንተ ኣብ ምንግስታዊ ወይ ከኣ ብሕታዊ ትካላት ኤርትራ ብምስራሕ ዘሕለፉ እዮም።

ቁጠባዊን ሰብኣውን ኩንታት ኤርትራ፡ ናጻነት ፕረስን መራኸቡ ብዙሓንን፡ ህሉዊ ኩነታት ተክኖሎጂ ኤርትራ ብመጽር ክበጽሖ ዝኽእል ዝነበሮ ደረጃ፡ ፖሊስታት መሪሕነት ህገድፍን ጽልዊኡ ኣብ ብሂራት ኤርትራ ብፍላይ ከኣ ብሄረ ዓፋር፡ መሰላት ደቂ ኣንስትዮ ኤርትራ፡ ህልዊ ኩነታት ናይቶም ቅድሚ ናጽነት ናብ ሱዳን ዝተሰደዱ ኤርትራውያን፡ ሚለንዮም ደቨሎፕመንት ጎልስን እቶም ኣብቲ ሰሚናር ዝተዘተየሎም ኣርእስታት እዮም ነይሮም።

ኣብ ቁጠባ ጕጅለ ህግደፍ ብዘተኸተሎ ውዱቕ ናይ ንግድን ወፍርን ፖሊሲ፡ ከምኡ ከኣ እቲ ብሰንኪ ድፕልዮማሳዊ ውድቀቱ ክፈትሖ ዘይከኣላ ናይ ዶብ ኩነታት ዘስዓቦ ሓደገኛ ፖለቲካዊ ሃዋሕውን ተደማሚሮም ነቲ ካብ ቱሪዝም፡ ዕደና፡ ናይ ወደብ ኣገልግሎትን፡ መሸጣ ምህርቲ ባሕርን ክርከብ ዝግብኦ ዝነበረ ዓቢ ናይ ቁጠባዊ መኽሰብ ከም ዘይ ተረክበን፡ ከም ሳዕቤኑ ከኣ ቁጠባ ኤርትራ ኣብዚ እዋን ዳርጋ ኣብ ኣፍሪቃ ኣብ ታሕቲ ደረጃ ከምዝርከብ ጭቡጥ ኣብነታት ብምቕራብ ኣረዲኡ። ነዚ መጽናዕቲ ዘቐረበ ኣቶ ሰንጋል ወልደ ትንሳኤ ( ሓው ን ሚንስተር ሃይለ ወልደትንሳኤ ) እዩ ነይሩ።

ጕጅለ ህግደፍ ብሰንኪ እቲ ዝተኸተሎ ናይ ምልኪ ስርዓት ኣዝዩ ዝጻረር ስለ ዝኾነ ንነጻነት ሓበሬታን፡ መራኻቢ ብዙሓናን፡ ምስኡ ኢድ ንኢድ ተተሓሒዙ ዝከይድ ናይ ተክኖሎጂ ሓበሬታን እውን ብጽኑዕ ከምዥቆጻጸሮን፡ ከም ሳዕቤኑ ከኣ ሎሚ ኤርትራ ካብተን ብቱሑት ዝርገሐ ሓበሬታ፡ ተክኖሎጅን፡ ናጽነት ፕረሰን ዝጥቀሳ ሃገራት ዓለም ኮይናን፡ እቲ ናይ ኣፍሪቃ ሰሜን ኮርያ ዝብል ቅጽል ለጊብዋ ከምዘሎ ነቲ ጸብጻብ ዝቕረበ ኣቶ ተወልደ እስቲፋሎስ ኣረዲኡ።

ብዘይካዚ እቲ ብመሪሕነት ስርዓት ህግደፍ ብዙሕ ዝዝረበሉ ሚለንዮም ደቨሎፕመንት ጎል እቲ ዝበዝሐ ንዕኡ ዝምልከት ሓቤሪታ ካብቲ ጕጅለ ህግደፍ ዝህቦ ዝብጻብ ዝተወስደ ምኻኑን እዚ ከኣ ብዙሕ ሓቅነት ክምዝጎድሎን እቲ ነቲ ሰሚናር ዝሃበ ኣቶ ሳሚኤል ብሰፊሕ ኣረዲኡ።

ደቀንስትዮ ኤርትራ ብሰንኪ እቲ ኣብ ኤርትራ ዘሎ ግዱድ ሃገራዊ ኣገልግሎት ተገዲደን ኣብ ኣባልት ሰረዊት ስለ ዝምደባ ብዘይ ድለተንን፡ ብሓይሊ ከም ዝድፈራን ካብቲ ኣብ ኣገልግሎት ብምኻድ ክወርደን ዝኽእል በደላት ንኽናገፋ ብዘይ ፍትወተን ኣብ ንኡስ ዕድሚን ይምርዓዋን ወይ ውን ናብ ስደት የምርሓ ምህላወንን ነቲ ጸብጸብ ዘቕረበት ወ/ሮ ኤልሳ ካብ ኣትላንታ እረዲኣ።

EYCBA 3 ጕጅለ ህግደፍ ንባህልን ልምንድን ብሄራት ኤርትራ ግዲ ዘይህብ ኣብ ርእሲ ምኾኑ፡ ነቶም ኣብ ብልምዳውን ባህላውን ምሕደራ ዝመሓደሩ ቢሄራት ኤርትራ ብኣስገዳድን ሓይሊ ብረትን ኣብቲ ናቱ ምስመር ከምዘእትዎምን ብሂረ ዓፋር ከኣ ናይዚ ሓደ ኣብነት ብኾኑን፡ ብስንኪ እዚ ከኣ ኣብ ደገ ዝርከቡ ተወልድቲ ብሄረ ዓፋር ናይ ገዛእ ርእሶም ምሕደራ ክህልውምን ፡ እዚ ክሳብ ዝተሓለወሎም ከኣ ኣብ ኣሕዋቶም ኤርትራውያን ኣብ ትሕቲ መሰላት ቤሂራት እተኽብር ሓንቲ ኤርትራ ሓቢሮም ንኽነብሩ ጸገም ከምዘይብሎም ነቲ ጸብጽብ ዘቕረበ ኣቶ ኣሕመድ ሞሓመድ ካብ ካናዳ ኣብ መደርኡ ኣረጋጊጹ ።

ሱዳን ንቶም ሎሚ ድሕሪ ናጽነት ብስነኪ ዓመጽን ውዱቕ ምሕደራን ስርዓት ህግደፍ ዝስደዱ ዘለዎ መብዛሕቲኦም መንእሰያት ዝኾኑ ኤርትራውያን ጥራይ ዘይኮነት ፡ ነቶም ኣብ ሱሳታት ብሰንኪ መግዛእቲ ህይለስለሴን ደርግን ዝተሰደዱ ኣብ መዓስከራት ስደተኛታት ሱዳን ንወለዶታት ዝሰረቱ ኤርትራውያን እውን እትእንግድ ጎረቤት ሃገር እያ። እዞም ኣብ ምዓስከራት ዝነብሩ ኤርትራውያን ቀረብ ዝስተ ማይ፡ ሕክምና፡ ትምህርትን ኣብ ዘይብሉ ኣዝዩ ሕሱም ሂወት ከምዝነብሩ ብሰፊሕ ዘገለጸት መንእሰይ ሳብሬና ኣማን (ካብ ሎስ ኣንጀለስ) ምስ ኣቦኣ ጀሚል ኣማን (ካብ ከባቢ ዋሺንግቶን ዲሲ)፡ ኩሉ ኤርትራዊ ዓቕሙ ብምውህሃድ ንኹነታት ሂወት እዞም ስደተኛንታት ንምምሕያሽ ክሰርሕ ኣዘካኪሮም። መንእሰይ ሳብሬና ነቲ ተዓዚባቶ ዝመጸት ኣስካሕካሒ ሂወት ኤርትራውያን ኣብ ሱዳን ኣብ ዶኪመንታሬ ፊልም ጌራ ንምቕራብ ኣብምድላው ትርከብ::

እዚ ሰሚናር በቲ ዘቕረቦ ትሕዝቶ፡ ነቲ ሰሚናር ንምክያድ ዝተጠቅመሉ ቴክኖሎጅን፡ ብዙሑነት ናይቶም ነቲ ሰሚናር ዘካየዱ ኤርትራውያን ኪኢላታትን ኣዝዩ ፍሉይ ምንባሩ፡ ብዙሓት ተሳተፍቲ ናይቲ ሰሚናር ይገልጹ። ከምዚ ዝዓይነቱ ሰሚናራት ብድሕሪ ሕጂ ንኽካየድ ከኣ ኣዘኻኺሮም።

ነቲ ዝነበረ ሰሚናር ንምክትታል ኣብዘን ዝስዐባ ሊንክስ (ጥብቆ) ተወከሱ:

Afar people suffering by Ahmed Mohamed (ጉዳይ ደቂ ዓፋር ዘሕለፍዎ ዘለዉ መከራን ድሌታቶምን ብ ኣሕመድ ሞሃመድ ካብ ካናዳ): https://youtu.be/QPDn7VJKq_A

Women's rights by Elsa Mesfin (አዋናዊ ሽግራት ኣብ መሰል ደቂ ኣንስትዮ- ኤልሳ መስፍን):

https://youtu.be/pUCZFba2OMI

ICT by Tewolde Stefanos (ዘመናዊ መራኸቢታትን ሓበሬታን ብ ተወልደ ስቲፋኖስ)

https://youtu.be/34cXXYJwWRs

Eritrean Refugees in Eastern Sudan by Sabrina and Jamil (ሃለዋት ስደተኛታት ምብራቓዊ ሱዳን ሳብሪና ጀሚልን ጀሚል ኣማን): https://youtu.be/J7loNq-eExI

Mass Media and Mellinium development goals by Samuel N. (መራኸቢ-ብዙሃን: ሚለንየም ዲቨሎፕምነት ሸቶን ብሳሙኤል): https://youtu.be/vTLHS7whiX8

Eritrean Economy by Sengal Woldetensae (ውድዓዊ ገምጋም- ግስጋሴ ቁጠባ ኤርትራ ብሰንጋል ዎልደትንሳኤ

https://youtu.be/e9q6uHLc_i4

ኣቅድም ኣቢሉ’ውን በይ-ኤርያ ኤርትራውያን ንዲሞክራስያዊ ለውጢ "ስደተኛታት፡ ፍልሰትኤርትራውያን" ("Refugees: The Eritrean Exodus") ዝብል ዶኪመንታሬ ፊልም ብህቡብ ኣመሪካዊ ዳህሳሲ ክሪስ ኮተር ብምርምርን ሞያውነትን ዝተዳለወ ስነዳ ፊልም ብዕለት 28/4/2016 ብዓወት ዛዚምዋ:: እዚ መደብ ካብ ኣመሓዳሪት ከተማ ሪችመንድ፡ ቤት ጽሕፈት ኣመሓዳሪት ከተ ከተማ ኦክላንድ፡ ሓለፍቲን ሰራሕተጛታትን ዘይመንግስታውያን ማሕበራትን ኣለይቲ ስደተኛታቶምን ክሳብ ውልቃውያን ተጣበቕቲ መሰል ደቂሰባት ብሃንቀውታ ዝተጸበይዋ ፊልምእዩኔ ሩ። ኤርትራውያን ብሰንኪ ሕሱም ምሕደራ ሃገሮም ኣብ ዝተፈላለየ ናይ ስደተኛታት ቦታ ዘሕልፍዎ ዘለዉ ግፍዕን ሐሰረ መከራን ዘሪኢ ንኩሉቲ ተሳታፋይ ልቡ ዝተንከፈ ኣብ ከተማ ኦክላንድ ዕዉት ስራሕ ኣካይዱ ኔሩ’ዩ።

ከም መቀጸልታ ናይ ብሩራዊ ኢዮበል ዝኽሪ ነቲ ጎብለል ኤርትራዊ ስነጥበባዊ ዮውሃነስ ትካቦ (ወዲ ትካቦ) ምስ ውሃ ዘበሉ ኣጀብቱ ን ምያዝይ 29 ኣብ ኦክላንድ ናይ ምሸታዊ ትልሂት ኣዳልዩ ከም ዘሎ ንሕብር::

ኤርትራውያን ንዲሞክራስያዊ ለውጢ ኣብ ቤይ ኤርያ (Bay Area Eritreans for Democratic Change- BAEDC)

ካሊፎርንያ - ሰሜን ኣመሪካ - This email address is being protected from spambots. You need JavaScript enabled to view it.

Wednesday, 18 May 2016 04:38

ጨናፍር ሰ.ዲ.ህ.ኤ. ኣብ በይ-ኤርያ ናይ ሓባር ኣኼባ ኣካይዶም

Written by ክፍሊ ዜና ኣብ ሰሜን ኣሜርካ

ኣባላት ጨናፍር ሰልፊ ደሞክራሲ ህዝቢ ኤርትራ (ሰ.ደ.ህ.ኤ) ካብ ከተማታት በይ-ኤርያ ተጓዒዞም ኣብ ከተማ ኦክላንድ ተራኺቦም ብ14 ግንቦት 2016፣ ሓሙሽተ ሰዓታት ዝወሰደ ኣኼባ ኣካይዶም። ኣባል ፈጻሚ ሽማግለን ሓላፊ ስርርዓዊ ጉዳያትን ተጋዳላይ ተስፋይ ወልደሚካኤል (ደጊጋ)፣ ሓፈሻዊ ኣተሃላልዋ ሃገርናን ህዝብና ኣብ ትሕቲ ጨቋኒ ስርዓት ዘሕልፎ ዘሎ መሪር ናብራን ብሓፈሻ፣ ኵነታት ሰልፍናን ደምበ ተቓውሞን ድማ ብፍላይ ድሕሪ ምግላጹ፡ ብዛዕባ’ቲ ባዕሉ ዝተሳተፎ ኣብ መጀመርያ ወርሒ ሚያዝያ 2016 ኣብ ኣዲስኣበባ ብ “ግዜያዊ ኣካል ርኽክብ ምምኻራዊ ዋዕላ ናይሮቢ” ዝተኻየደ ኣኼባ ሓበሬታን መብርህን ሂቡ።

ተስፋይ መግለጺኡ ብምቕጻል፡ ዕማም ግዜያዊ ኣካል ርኽክብን በቲ ዝተዋህቦ ሓላፍነት መሰረት ዘሰላሰሎ ስራሓትን ዘጽደቖ ውሳኔታትን ብዝርዝር ሓቢሩ። እቶም ቀንዲ ካብኦም ድማ፡

· ነቶም ኣብ ዋዕላ ናይሮቢ ዝወዓሉን ዘይወዓሉን ፖሊቲካዊ ውድባት፡ ናብ ኩሉ ሓቆፍ ምምኻራዊ ዋዕላ ንምምጻእ ሰፊሕ ርኽክባት ከም ዘካየደ

· ቀጺሉ ኣብ ዝካየድ ምምኻራዊ ዋዕላ ንምይይጥ ዝቐርቡ ንድፊ ሰነዳት እተዳሉ ኣሰናዳኢት ሽማግለ ኣቝሙ ምህላዉ

· ተወጢኑ ዘሎ ካልኣይ ኩሉ ሓቆፍ ምምኻራዊ ዋዕላ፣ ብገምጋም ኣብ ክፍላ ነሓሰ 2016 ንኽካየድ

ተስፋይ ካብ ኣባላት ንዝቐረበሉ ሕቶታት መብርሂ ብምሃብ ዛዚሙ።

ቀጺሉ ኣባል ዞባ ሽማግለ ሰ.ደ.ህ.ኤ - ሰሜን ኣመሪካ፤ ኣብ ዞባና ክካየድ ዝጸንሐ ንጥፈታትን ተወጢኑ ዘሎ መደባትን ሓቢሩ። ንዞባ ዝምልከቱ ኣገደስቲ ጉዳያት ብምልዓል ኣኼበኛ ዓሚቝ ምይይጥ ኣካይዱ።

ጨንፈር ሳን ሆዘ ኣባዚሑ ዘቕረቦ፣ ንኣብ 2015 ዝተሰላሰለ 2ይ ጉባኤን ፈስቲቫልን ሰ.ደ.ህ.ኤ ዘንጸባርቕ ፖስተር ንኣባላት ተዓዲሉ ኣኼባ ተደምዲሙ።

ዓወት ንፍትሓውን ደሞክራስያውን ቃልስታት ህዝቢ ኤርትራ

ክብርን ዝኽርን ንሰማእታትና

ወኪል ክፍሊ ዜና ኣብ ሰሜን ኣሜርካ

Tuesday, 17 May 2016 19:30

ኣብ ቬስላ ሃገረ ጀርመን ሰላማዊ ሰልፊ ተኻይዱ

Written by ቤት ጽሕፈት ዜና ሰዲህኤ

ኣብ ቬስላ ሃገረ ጀርመን ሰላማዊ ሰልፊ ተኻይዱ

ብዕለት 15 ጉንቦት 2016 ስርዓት ህግደፍ ብስም ብሩራዊ በዓል ነጻነት ኤርትራ ኣብ ከተማ ቬስላ ከም ኣመሉ ህዝቢ ንምትላል ፈስቲቫል ኣዳልዩ። ይኹን እምበር፡ ደለይቲ ፍትሒ ድማ ነዚ ምድላዋትዚ ኣቐዲሞም ፈሊጦም ስለዝጸንሑ፡ ኣብ ፊት ኣዳራሽ ኣሬና ኮይኖም ነቲ ናይ ምትላል መደባት ህግደፍ ከቓልዑን ተቓውሞኦም ከስምዑን ውዒሎም።

ኣብዚ ዝተኻየደ ሰላማዊ ሰልፊዚ፡ ጀርመናውያን ከይተረፉ ዘይፍትሓዊ ምዃኑ ፈሊጦምስ ካብ ምድጋፉ ናብ ምቅዋሙ ዝኣተዉ ወኪል ምምሕዳር ከተማ ቬስላን ናይ ከተማ ቬስላ ናይ ባይቶ ወኪልን ናይ ካቶሊክን ኤቫንጀልሽን ኣብያተ ክርስትያናት ተወከልትን፡ ኣባላት ሓማላይ ሰልፊ ጊሰን ከምኒ ዶክቶር ክሮተ ክላውስ፡ ዶክቶር ሙለር ሓኪም ስደተኛታት ኣብ ጊሰን፡ ካብ ካስል ድማ ኣቶ ቶማስ ዝተባህሉ ኣክቲቪስትን ከምኡውን ካብ ዝተፈላለዩ ገበርቲ ሰናይ ማሕበራትን ኣርባዕተ ጋዜጠኛታትን ብፍላይ ሓደ ካብቶም ጋዜጣታት ናይ ግሮሰ-ቬስለር ኖየ-ሳይቱን ተሳቲፎም ምንባሮም ተፈሊጡ።

ኣብቲ ሰላማዊ ሰልፊ ክሳብ 30 ዝኾኑ ጀርመናውያን ከምዝተሳተፉን፡ ንሰልፈኛታት ዝከውን ዝተፈላለየ መግብን ማይን ልስሉስ መስተን ከምኡውን፡ ናይቲ ሰልፊ መለለይን መገረምን ዝኸውን፣ ሰለስተ ዝተፈላለየ ሕብሪ ዘለዎ በብዓይነቱ ቆቡዕ ንነፍሲ-ወከፍ ሰልፈኛ ብምዕዳል፣ ጭርሖታቶም ሒዞም ኣብ ጐኒ ሰልፈኛታት ምውዓሎም ተረጋጊጹ። ካብ ሰልፈኛታት ደለይቲ ፍትሒ 80 ሚእታዊ መንእሰያት ኰይኖም፡ ነቶም ኣብቲ ህግደፍ ዘዳለዎ ናይ ምድንጋር ስዕስዒትን ጓይላን ንምስታፍ ዝኣትዉ ዝነበሩ ምስኦም ንኩሎ ጸገማት ሰጊሮም ኣብ ዓዲ ሰላምን ፍትሕን ናይ ምንባር ዕድል ዝረኸቡ፣ ግደፉ ኣይቦታኹምን'ዩ፤ ጽባሕ ክትጥዓሱ ኢኹም፤ ሓውኻ ኣበይ ኣሎ ሓፍትኻ ኣበይ ኣላ፤ ስርዓት ህግደፍ ገብነኛ ኢዩ፤ ህግደፍ ጸረ ፍትሒዩ፤ እሱራትና ይፈትሑ፤ ቅዋም ይተግበር፤ ኤርትራ ብዘይ ቅዋም ትመሓደር ሃገር እያ፤ ምልጋስ ህግደፍ ራህዋ ንህዝብናዩ፤ መስዋእቲ ጀጋኑና ንመሰልን ፍትሕን እምበር ንባርነትን ዕንወትን ኣይኮነን፡ ሎሚ ዓገብ ምባል እምበር፡ ኣብ ዳስ ህግደፍ ምስዕሳዕ ገበንዩ፡ መሰል ወዲ-ሰብ ብኹሉ መለክዒታቱ ይከበር፡ ስልጣን ብዘይ ወዓል ሕደር ናብ ዋንኡ ዝኾነ ህዝቢ ይረከብ፡ ንቐንጻልን ኣዕናውን ተግባራት ህግደፍ ንኹንን ዝብሉን ካልኦትን ጭርሖታት ከቃልሑ ዉዒሎም። ደለይቲ ፍትሒ መንእሰያት፡ ብፍላይ ነቶም ዝፈልጥዎም በስማት እናጸውዑ ካብ ኤርትራ መውጺኢኻ ኣይትረስዕ፡ ተመለስ እናበሉ ማዕዳኦም ከማሓላልፉ ዉዒሎም።

እቶም ናብቲ ኣደራሽ ዝኣትዉ ዝነበሩን ዝነበራን ድማ ብጀካ ሓደ ክልተ ህልኽኛታት ገዲፍካ ካልእት ግን ሕልንኦም ስለዝወቐሶም ደኒኖም ገጾም ከዊሎም ይኣትዉ ነይሮም። ኣብ መደምደምታ ናይቲ ሰላማዊ ሰልፊ፡ ዶክቶር ክሮተ ክላውስ ኣባል ሓምላይ ሰልፊን ኣባል ባይቶ ከተማ ጊሰንን፣ "ነባሪ ዲክታቶር ስለዘየለ ቃልስኹም ቀጽሉ፡ ንሕና ጀርመናውያን ክልተ መለኽቲ ኣሕሊፍና ኢና ኣብዚ ዲሞክራስያዊ ስርዓት በጺሕና፡ ጽባሕ ኣስመራ ናይዞም ደገፍቲ ምልኪ ዘይኮነትስ ናትኩም እያ፡ ንሕና ድማ ኣብ ኣስመራ ምሳኻትኩም ኰይና ከነብዕል ኢና፡ ኣጆኹም" ብዝብል መግለጺ ተዛዚሙ። ትርጉም ናትና'ዩ።

ሰልፈኛታት ካብ ሰዓት ሓደ ዝጀመርዎ ሰላማዊ ሰልፊ፤ ምስ ፖሊስ ብምምስጋን ሰዓት ኣርባዕተ ነናብ ቦትኦም ብሰላም ከምዝተመልሱ ወኪል ድምጺ ሓርነት ሓቢሩ።

መን እዩ ተጋዳላይ ኣልኣዛር ቀለተ ዘርአ

ተጋዳላይ ኣልኣዛር፥ ካብ ኣቡኡ ኣቶ ቀለተ ዘርአን፡ ኣዲኡ ወ/ሮ ገብርኤላ ዘርአጋብርን ኣብ ከተማ ኣስመራ ገዛ ከኒሻ ተወሊዱ ኣብ ገዛ ባንዳ ጥልያን ዓብዩ።። ኣልኣዛር ጌና ንእሽቶ ተመሃራይ እንከሎ እዩ ኣብ ፖለቲካ ዓለም ዝኣተወ። እዚ ድማ ካብ ኣቦታቱ ዝወረሶ ሃገራዊ ሓርበኝነትን ስምዒትን ዝወረሶ እዩ ነይሩ። ኣልኣዛር በቲ ዝነበሮ ፍቕሪ ሃገር፡ ካብ ሱሳታት ኣትሒዙ ናብ ሃገራውን ፖለቲካውን ቃልሲ ዝተሳተፈ። በዚ ኣቢሉ ኣልኣዛር_ኣብ ማሕበር ሸውዓተ፡ ኣብቲ ናይ ኣስመራ ምስጢራዊ ስርዒት ኣባል ኮይኑ ክነጥፍ ጀመረ። ብድሕሪ እዚ ናብ ኣዲስ ኣበባ ከይዱ ብረት ከምጽእ ተላእከ። ካብ ኣዲስ ኣበባ ከምታ ዝተባህለቶ መደብ ብርክት ዝበለ ብረት ሒዙ ምስ ብጾቱ ናብ ኣስመራ ተመልሰ። ብረት ሒዙ ከም ዝመጸ ብኣባላት ስለያ ስርዓት ሃይለስላሴ ምስ ተፈልጠ፥ ንብጾቱን ነቲ ብረትን ከም ዝወጽእ ገበረ’ሞ ንሱ’ውን ክቃለስ ናብ ብጾቱ ተጸንበረ። ንኣልኣዛር ምሓዝ ዝሰኣነ ስለያ ጸላኢ ከኣ ንኣቡኡ ኣቶ ቀለተ ዘርኤን ንኣዲኡ ወ/ሮ ገብርኤላ ዘርኣጋብርን “ወድኹም ኣበይ ኣሎ? ኣምጽእዎ” ብምምባል ብዙሕ ኣሳቐዮም።

ድሕሪ እዚ ሜዳ ወጺኡ እናተቃለሰ እንከሎ፡ ምስ ተወልደብርሃን ዝበሃል ብጻዩ ስንቂ ከምጽእ ምስ ተላእከ ኣብ በለዛ ብኮማንዲስ ተታሒዙ ተኣስረ። ኣብ ቤት ፍርዲ ቀሪቡ ከኣ ፈራዳይ፥ “ስለምንታይ ንሜዳ ወጺኢካ?” ኢሉ ሓተቶ። ኣልኣዛር ከኣ “ንባንደራይ ክብል እየ” ኢሉ መለሰ። ፈራዳይ ብዙሕ ባንደራታት ኣቕሪቡ ስለ ዝጸንሐ፥ “ኣየነይቲ ካብዚአን እያ ባንድራኻ?” ኢሉ ሓተቶ። ካብ ማእከል ብዙሓት ባንደራታት ድማ ፈልዩ “እዚኣ እያ ባንደራ ሃገረይ” ኢሉ ነታ ባንደራ ኤርትራ ኣልዒሉ ብድፍረት ኣርኣዮም። ድሕሪ’ዚ ብጻዕሪ ናይ ክቡር ወላዲኡ ኣቶ ቀለተ ዘርአ፥ ኣልኣዛር ካብ 1961 ክሳብ 1963 ካብ ዝተኣሰረላ ቤት ማእሰርቲ ናጻ ክወጽእ ከኣለ።

ካብ ቤት ማእሰርቲ ምስ ወጸ፡ ነቲ ኣብ ውሽጢ ኮይኑ ዝቃለሶ ዝነበረ ቃልሲ፥ በቲ ናይ ማእሰርቲ ርዒዱ ወይ ተዳሂሉ ኣየቋረጾን። ቀጺሉ ናብርኡ እንዳኣካየደ መጽሔታት ምዝርጋሕን ምውዳብን ካልእ ስራሓትን እንዳማለአ ይነጥፍ ነበረ። ሓደ ግዜ ካብቶም መጽሔት ዝዓደሎም ሓደ፡ ነታ መጽሐት ከንብባ ከሎ ብስለያ ይተሓዝ። እዚ ዝተታሕዘ ሰብ “ነዛ መጽሔት መን እዩ ሂቡካ?” ዝብል ሕቶ ምስ ተሓተተ “ኣልኣዛር ሂቡኒ” ኢሉ መለሰ። ስለያ ብቐጥታ ናብ እንዳ ቀለተ ዘርአ ይመጹ’ሞ ንመርዓ ኣልኣዛር ዳስ እንዳተሰርሐ፥ ኣልኣዛር ብማዕዶ ምስ ረኣዮም ንእሽቶ ወረቕት ጽሒፉ ካብቶም ኣብኡ ዝነበሩ ሰባት ንሓደ “ነቦይ ሃበለይ” ኢሉ ይህቦ። ስለያ ንኣልኣዛር ሒዞሞ ምስ ከዱ፡ ኣቶ ቀለተ ናብ ጠበቓ ኣቶ ተኽለ ካሳ ከዱ። ነቲ ጠበቓ “ወደይ ኣልኣዛር ኣብ ድሮ መርዓኡ ብወተሃደራት ተታሒዙ ኣሎ” ኢሎም ይሕብርዎ። እቲ ጠበቓ ከኣ መርዓዊ ክቡር ስለዝኾነ ክእሰር ኣይግባኣን’ዩ ብዝብል መጎት ናብ ቤት ፍርዲ ጥርዓን ኣቕረበ። ቀዳም መዓልቲ ከኣ ቤት ፍርዲተኸፊቱ ንኣልኣዛር ፍርዲ ተዋህቦ። እቲ ፍርዲ ከኣ ካብ ከተማ ኣስመራ ከይወጽእን፥ እንደገና ኣብ ከምዚ ስራሓት ምስ ዝዋፈርን ዝጽበዮ ናይ ሞት ፍርዲ ምዃኑ ብዝብል መጠንቀቕታ ካብ ቤት ማእሰርቲ ከምዝወጽእ ተገብረ።

እንተኾነ ሕጂ እውን ኣልኣዛር ነቲ ቃልሱ ብምቕጻል ምስ ተጋደልቲ እናተራኸበ፥ ተጋደልቲ ዝለኣኽዎ የማልእ ነበረ። ሓደ መዓልቲ ምስ ተጋደልቲ ክራኸብ ኣብ መዓልዲ መሬት ደቀ-ምሓረ ደምበዛን ይኸይድ”ሞ እንደገና ብኮማንዲስ ተታሕዘ። እቲ ዝሓዞ ኣባል ኮማንዲስ “ንስኻ ካብ ቤት ፍርዲ ዝተዋህበካ መጠንቀቕታ ኣሎካ፡ ኣብዚ እንታይ ክትገብር መጺእካ?” ክብል ንኣልእዛር ሓተቶ። ኣልኣዛር ከኣ እንዳ ኣባሓጎይ ክርኢ መጺኤ ክብል መልሲ ሃቦ። እቲ ኮማንዲስ ንመንግስቲ እንተ ኣረኪብዎ፥ ኣልኣዛር ሞት ክፍረድ ምዃኑን ስለ ዝተረደአ እሞ ድማ ንወለዲ ኣልኣዛር ይፈልጦም ስለ ዝነበረ ኣሕሊፉ ንጸላኢ ኣይሃቦን። ኣብ ክንድኡ ’’ ንስኻ በቲ መንግስቲ ተፈሪዱካ ዘሎ ሞት እዩ ዝጽበየካ፥ ግን ከኣ ምእንቲ እቶም ወለድኻ ምሒረካ ኣሎኹ” ኢሉ ኣጠንቂቑ ኣፋነዎ። ሕጂ’ውን ኣልኣዛር ጌና ከም ቀደሙ ነቲ ቃልሱ ቀጺልዎ እምበር ኣየቋረጾን። ከምዚ እናገበረ እንከሎ ኣብ ግዜ ደርግ እንደገና ስሙ ኣብ ዝርዝር ጥርጡራት ስለ ዝጸንሐ ወተሃደራት ናብታ ኣልኣዛር ዝሰርሓላ ዝነበረ ኣንዳ ባራቶሎ መጹ። ነቲ ሓላፊ ኢጣልያዊ ከኣ ስም ኣልኣዛር ጠቒሶም ኣምጸኣልና በልዎ። እቲ ኢጣልያዊ ኣልኣዛር ብምኽንያት ስራሕ ውጺኡ ኣሎ ኢሉ ኮፍ ኣበሎም። እዚ ኢጣልያዊ ንሰብኣይ ሓብቱ ብቋንቋ ጣልያን ገይሩ ንኣልኣዛር “ኣብዚ ከይትምለስ ኢልካ ንገሮ” በሎ። ሽዑ ኣልኣዛር ብኣ ኣቢሉ ብ1975 ናብ ሜዳ ወጺኡ።

ኣብ ሜዳ ምስ ተሰለፈ ነታ ቅድም ክብል ኣብ ዓዲ እንከሎ ዝነበረቶ ናይ ምምራሕ መኪና ሞያኡ ሓቢኡ ኣብ ሓይልታት ሰራዊት ማለት ኣብ ቦጦሎኒ 375 ኣብ ከቢድ ብረት ተመደበ። ሓደ እዋን ኣብ ኣውራጃ ኣከለጉዛይ ኣብ መንጎ ሰራዊት ሓርነትን ወተሃደራት ጸላእን ኣብ ዝተገብረ ውግእ መካይን ስለዝተማረኻ፥ ነተን ዝተማረኻ መካይን ንምውጻእ “መራሕቲ መካይን ዝነበርኩም” ከበሃል እንከሎ ተሳኢኖም ክጭነቑ ምስ ሰምዐ፡ ነቲ ሽግር ንምቅላል “ኣነ ኣሎኹ” ኢሉ ነተን ማካይን ከም ዝወጻ ካብ ዝገበሩ ሓደ ንሱ ነይሩ ። ከምኡ ተዘይገብር ግና ነተን ዝተማረኻ መካይን ጸላኢ መሊሱ መወሰደን ነይሩ። ካብ’ቲ እዋን’ቲ ኣትሒዙ ሞያኡ ምምራሕ መኪና ምዃኑ ተፈልጠ’ሞ ኣብ ክፍሊ መጎዓዝያ ተመዲቡ ንሰራዊትን ህዝብን ዝኸውን ኣድላዪ ነገራት ኣብ ምቕራብ ክሳብ 1981 ብትብዓትን ብቆራጸትን ተቓሊሱ።

ብድሕሪ 1981 ከኣ ከም ሰቡ ንሃገረ ጀርመን ተሰዲዱ። ኣብታ ዝነብረላ ዝነበረ ሃገር ጀርመን’ውን ከይተረፈ ብሓቦን ፍቕሪ ሃገርን ውጹዕ ህዝቢ ኤርትራ ከይዘንገዐ፡ ቅድም ኣብ ተጋድሎ ሓርነት ኤርትራ ሰራዊ ባይቶ ደሓር ድማ ኣብ ሰልፊ ዲሞክራሲ ህዝቢ ኤርትራ ቃልሱ ቀጺሉ። ኣልኣዛር ብህይወቱ እንከሎ፥ “ጸላኢ ኣይኮነንዶ፡ ህይወተይ፡ ሞይተ”ውን ረሳይ ኣይረክብን እዩ” ይብል ነይሩ። ቀጺሉ እዚ ኣብ ኤርትራ ዘሎ ስርዓት ከየልገሰ እንተ መይተ፡ ኣስከረነይን ኣስከሬን ብጾተይን ድሕሪ ውድቀት ስርዓት ኢስያስ’ዩ ናብ ዓዱ ተመሊሱ ዝቕበር’ውን ይብል ነይሩ።

ኣልኣዛር፡ ክሳብ ዕለተ ሞቱ ነታ ምእንቲ ሃገሩን ህዝቡን ኢሉ ዝተሰለፈላ ዕላማ የማን ጸጋም፥ ወለቕ ዘለቕ ከይበለ ብጉልበት ይኹን ብንዋት ከገልግል ድሕሪ ምጽናሕ ብዝሓደሮ ሕማም ብ16 ማዝያ 2016 ዓሪፉ። ብ22 ማዝያ 2016 ከኣ ኣብ ፕራግፍሪድሆፍ ሃገረ ጀርመን ሓመድ ኣዳም ለቢሱ። ኣልኣዛር ከምታ ባህታ ሓጎስ ሞይቶም ኣብ መሬት ዓደቦኦም ከይተቐብሩ ጸኒሖም ድሕሪ ሱሳ ዓመታት ኣስከረኖም ናብ ዓዶም ተመሊሱ ዝተቐብረ፥ ሕጂ እውን ኣስከረን ኣልኣዛርን ኩሎም ኤርትራውያን ሕስርብኛታትን ድሕሪ ውድቀት ኢሳያስ ኣብ ዓዶም ዝቕበረሉ ግዜ ክመጽእ’ዩ። ኣልኣዛር ዋላ’ኳ ካብ ዝፈትዎም ስድራቤቱን መቓልስቱን ብሞት እንተተፈልየ፡ ጽንዓቱን መትከሉን ግና ናብ ዝትክእዎ ደቁ ስለዘውረሰ ታሪኹ ህያው ኮይኑ ንዘለኣለም ክዝከር እዩ።

Published in Community Center

ዘሔጉስ ዜና

Written by Menghis

ንውጉኣት ሓርነት መደበር ከሰላ ብጉዱሳት ደቂ ኣንስትዮ ኤርትራውያንን ደቂኣንስትዮ ኣባላትማሕበር ኣካለ ጽጉማንን ኤርትራ ንዘዳለዋኦ ድራር ብዕለት 14-05-2016 ኣብ NIED SAALBAU FRANKFURT ብዓወት ተዛዚሙ።

ሎሚ ውን ከምቲ ወርትግ ሰናይ ኣገልግሎተን ከይተቘጠባ በዚ ዝተጠቕሰ ዕለትን ቦታን ካብ ሰዓት 15.00 ክሳዕ 23.00 ብዋዛን ቁምነገርን ዝተሰነዬ ምሸት 1.085.00 (ሓደ ሽሕን ሰማንያን ኤውሮ) ኣስተዋጽኦ ከም ዝተገበረ ንሕብር።

እዚ ዝተጠቕሰ ኣስተዋጽኦ ጥራይ ዘይኰነ እቶም ኣብዚ ምሸት እዚ ብግዜ ምሕጻር ዘይመጹ ኣካላት ብባንክ ይሰዱ ምህላዎም ክንገልጽ ንፈቱ።

ተኻፈልቲ ግዱሳት ዕዱማት ነዚ ነዊሕ ሰዓታት ዝወሰደ ጊዜ ብልዝብን ብሃናጺ ምኽርን፡ ብዋዛ ምስ ቁም ነገርን፡ ዝተሰነየ ዓወት ዝሓዘለ ምሸታዊ ዕድመ ነፍሲ ወከፍ ዕዱም ንኣዳለውቲ ድራር በቲ መኣዛ ዘለዎ መግቢን መስተን ብምቕራበን ጥራይ ዘይኰነ ነቲ ከይተሓለላ ዘካይደኦ ዘለዋ ሰናይ ኣገልግሎት ምስጋና ብምቕራብ ናይቲ በዓል መዛዘሚ ኰነ።

More...

Sunday, 15 May 2016 19:51

A visa for Eritrea, the 'African North Korea'

Sunday, 15 May 2016 10:23

ብሽጣራታት ዝተዋሕጠ ስርዓት ኢሳይያስ

Written by ድራር መንታይ

ኣብ ህልዊ ምምሕዳር ስርዓት ኤርትራ ዝካየድ ሕጊ ኣልቦ ናይ መደናገርቲ ስራሓት፡ ጸብጺብካ ዝውዳእ ኣይኮነን። ብመንጽር ባህሪ ናይ መለኽቲ እንተለኪዒናዮ እውን ምምሕዳር ህግደፍ ካብቶም ኣብ ዓለም ዝተራእዩ መለኽቲ መዳርግቲ የብሉን። ገሊኦም መለኽቲ ንዜጋታቶም እንተወሓደ ሰሪሖም ክዕንገሉ ከምዘለዎም ይገብሩ እዮም። ኣብ ኤርትራ ዘሎ ምልኪ ግና ብመንጽር’ዚ ኣሉታውነቱ ፍሉይ እዩ እንተተባህለ ምግናን ኣይኮነን።

ብሰንኪ እኩይን መላኽን ምሕደራ ስርዓት ህግደፍ ዝፈጠሮ ሕገ- ኣልቦነት፥ ኣብ ኤርትራ ህዝቢ ኣብ ነንሓድሕዱ ኣገባብ ዘይብሉ፡ ውሽጠውሽጢ ዝመሃዝ ስምምዓት ከካይድ ይግደድ። ንኣብነት ኣብ መዳይ ኣካራይን ተኻራይን ካብ ሕጊ ወጻኢ ስምምዓት ይወዓዓሉን ይፈራረሙን። እቲ ኣካራይ ገዛ ንመንግስቲ ግብሪ ስለዝኸፍል’ሞ እቲ ግብሪ ከኣ ብዙሕ ብምዃኑ፥ ከጉድል ክብል ሕቡእ ሜላታት ክጥቀም ይግደድ።

እቲ ተኻራያይ ከኣ ዘጽልለሉ ገዛ ንኽረክብ በቲ ኣካራያይ ዝበሎ መሰረት ክቕበል ወይ ክሰማማዕ ናይ ግድን ይኸውን። ጭንቂ፡ መከራን ሕገ- ኣልቦ ምሕደራን ዘየምጽኦ መዘዝ የልቦን እሞ፡ ልክዕ ከምታ በዕራይ ነቲ ገደል ገዲፉ ነቲ ዝበልዖ ሳዕሪ ጥራይ ብምስትብሃል ዝጸድፍ፡ ክልቲኣቶም ኣካራያይን ተኻራያይን ሳዕቤኑ ዘንጊዖም ክበላሓቱ ይጽዕሩ። እዚ ኣብ ኤርትራ ዝፍጸም ዘሎ ተግባራት እዩ። እቲ መንግስቲ ከኣ ካብቲ ጎሪሐ ዝብል ኣካራይ ዝያዳ ጎራሕን ተንኮለኛን ብምዃኑ ነቲ ዝግበር ሽጣራታት ኣይስሕቶን እዩ። እዚ ተግባሩ ኣብ ውሽጢ ሃገር እውን ይዕለለሉ’ዩ።

እምበኣር ኣብ ነዚ ዝምልከት ግብራዊ ኣብነት ንመልከት፡ “በ” ዝበሃል ዋና ገዛን “መ” ዝበሃል ተኻራያይን ዝተወዓዓልዎ ስምምዕ ነይርዎም። እቲ ንገዝኡ ብ 6000 ናቕፋ ዘካሪ፡ ንሓደ መጽለሊ ስኢኑ ዝተሸገረ ተኻራያይ ንሰማማዕ እምበር ከካሪየካ እየ ይብሎ። እቲ ተኻራያይ ከኣ ጥራሕ ዘጽልለላ ገዛ ሃበኒ እምበር፡ ግዲ የለን ክንሰማማዕ ኢና ዝብል መልሲ ክህቦ ናይ ግድን ነይሩ። እቲ ስምምዕ ከኣ ከምዚ ዝስዕብ ኮነ። ኣካራያይ ንተኻራያይ እቲ ዋጋ ክራይ ገዛ ንወርሒ 6000 ናቕፋ ክኸውን፡ እቲ ስምምዕ ከኣ ንወርሒ ብሕሳብ 4000 ናቕፋ ኮይኑ ክሰፍር ይወዓዓሉ። ጉድ ናይቲ ዝፍጸም ዘሎ ሸፈጥ ንተዓዘብ። እቲ ዋና ገዛ እቲ ንግብሪ ዝኸፍሎ 20% እንተኾይኑ እቲ ዓቐን ገንዝብ ናይ 6000 ናቕፋ 1200 እዩ ዝኸውን።

ስለዚ በታ ዝገበርዋ ምስጢራዊት ስምምዕ ናይቲ 4000 ናቕፋ 20% ኣብ ወርሒ ንመንግስቲ ዝኸፍሎ 800 ናቕፋ ክኸውን እንከሎ እተን 2000 ናቕፋ ግና ግብሪ ዘይክፈለን እየን። ስለዚ እቲ ዋና ገዛ ኣብ ክንዲ ኣብ ወርሒ 6000-1200 = 4,800 ናቕፋ ጥራይ ዝረክብ፥ 6000-800 = 5,200 ናቕፋ ኣብ ኢዱ ‘’ኣታዊ ይኸውን። እቲ ዝያዳ ተንኮለኛ መንግስቲ ከኣ ንኽልቲኦም ንኽረክብ ከምቲ ኣበው “ክለተ ጎራሓትሲ ሓሙዂሽቲ ስንቆም” ዝብልዎ’ ይባላሕት። ሕጊ ኣልቦ ብምዃኑ ብዘይሕጊ ስምምዕ ከምዝካየድ ክፈልጥ ናይ ግድን እዩ። ስለዚ ነቲ ዘካረየን ዝተኻረየን ነቲ ዝተሰማምዕሉ ወርሓዊ ዓቐን ክቕርቡ ይሓቶም። ብድሕሪኡ እታ ገዛ ክሳብ ክንደይ ክትካረ ከምትኽእል ንምፍላጥ ሸነንቲ ወይ ገምገምቲ ይልእከላ። እቲ ተኻራያይ ዝበሎ ምስቲ እቶም ሸነንቲ ዝገመትዎ ዝመሳሰል እንተኾይኑ ቅቡል ይኸውን። ዘይመሳሰል እንተኾይኑ ድማ በቲ ባዕሉ ዘሸነኖ ከም ዝኽፈል ይገብር።

እዚ ማለት እታ ገዛ በታ 4000 ናቕፋ እንተ ተሸኒና ዕድል ናይቲ ተኻራያይ እዩ ኣብኣ ትጸድቀሉ። ካብኡ ዝተሓተ ዲዩ ወይ ዝለዓለ እንተኾይኑ እውን ከምኡ። እታ ገዛ ልዕሊ 4000 ናቕፋ ኣብ ወርሒ እንተ ተሸኒና ከኣ፡ እቲ ተኻራያይ ክኸፍል ዝኽእል እንተኾይኑ ይኸፍል። ልዕሊ ዓቕሙ እንተኾይኑ ድማ ካብታ ገዛ ክወጽእ ግድን’ዩ። ኣቲ ዓመጸኛ መንግስቲ ከኣ በዚ ኣገባብ እታ ኣብ ኢዱ ትኣቱ ግብሪ ብዘይ ሓደ ጎደል ኣብ ኢዱ ከምትበጽሕ ይገብር።

ድራር መንታይ

Saturday, 14 May 2016 21:11

الهقدف والشعب وجهاً لوجه

Written by اعلام حزب الشعب الديمقراطي الارتري

منذ مدة ليست بالقصيرة صار موضوع العلاقة بين الشعب الارتري وحكم الهقدف أحد أهم الأجندة السياسية المثيرة للجدل. ولأنه – الهقدف – يصول في البلاد بلا رقيب ولا حسيب ولا منافس سياسي أو اقتصادي، فلا أحد يقف أمامه متحدياً ليقول له هذا صحيح وهذا خاطئ. لذلك اعتبر البلاد إقطاعيته التي يتصرف فيها بما يحلو له، أما الشعب فمن أين له أن ينبس ببنت شفة وهو في هذا السجن الكبير.

الزمن خير حكم كما يقولون، لذا مزق الزمن كل أستار حيل وأكاذيب الهقدف حول علاقته بالشعب، وظهرت الحقيقة عاريةً غير قابلة للتدليس، إذ تأكد بما لا يدع مجالاً للشك، أن هذه العلاقة ما هي إلا علاقة مضطهد (بكسر الهاء) ومضطهد (بفتح الهاء)، سجان وسجين، قاتل ومقتول، إذاً لم تعد العلاقة بينهما كما كان يدعي أنهما روحان في جسدٍ واحد، بل هما ضدان متوازيان غير قابلين للتلاقي.

لم يعد اثنان يختلفان حول ما إذا كان الشعب والهقدف نقيضين لا يلتقيان، بل انتقل السؤال عن درجة تأثيرهما علي الرأي العام، من مع الشعب ومن مع الطرف النقيض، لا شك قد مرت علي الشعب الارتري أيام لم يكن فيها يسمح بالنيل من الهقدف، بل كان يرى نقد الهقدف من العيوب، إنها أيام سكرة الاستقلال، لكن الهقدف يوماً فيوماً، لم يزدد من الشعب إلا بعداً ونفوراً، فأصبحت العلاقة بالهقدف اليوم علي العكس عيباً وأيما عيب. وهذه خطوة كبيرة من خطوات تدهور الهقدف يمكنها أن تلعب دوراً كبيراً في إنجاح جهودنا الدبلوماسية وكل نشاطاتنا الخارجية علي الأصعدة الشعبية والرسمية. وهذه الدرجة من التدهور بين فريقي الشعب والهقدف من صالح قوى المعارضة والتغيير، هذه الحالة المثالية ليست هدية لنا من النظام وإنما حالة اضطرار جبرية ناتجة عن النضال الصابر والدؤوب الذي خاضته قوى المعارضة وهي يومئذٍ قليلة العدد ضئيلة الإمكانات لكنها كانت شديدة الإيمان بتغيـُّــر الموازين لصالحها، وها هو الوقت قد مضى سراعاً وانضم اليها أناس من النظام لم يكن أحد يتوقع انشقاقهم عنه، فأصبح الشعور بالعيب والخجل وقلة العدد من خصائص الهقدفيين لا من خصائص المعارضة.

ذلك لا يعني أن ليس هناك قلة منبوذة من الشعب ومعادية له ومصادقة للهقدف حتى اليوم تصدر من حين لآخر أصواتاً نشازاً تصادم إيقاع قلوب الشعب. حدث ذات يوم أن واحداً من مثقفي الهقدف وفي إجابة له علي سؤال مفاده: (لماذا لا يسلم الهقدف السلطة للشعب؟)، أجاب قائلاً: (بما أن الهقدف قد أتى بالاستقلال فمن حقه التمتع بالسلطة الي ما شاء)، والإجابة لا شك تدل علي مدى الهشاشة الفكرية لمؤيدي الهقدف مهما بلغت ثقافتهم وعلت درجاتهم الأكاديمية.

ذكرنا فيما مضى من السطور أن القوى المعارِضة للهقدف هي اليوم الأكثر من الناحية الكمية، لذلك أمامنا مهمة عظيمة ألا وهي تحويل هذه الطاقة الكمية الي طاقة نوعية فعالة تسرع من خطوات النصر. ومما يصعب مهمتنا أكثر أن الهقدف لن يألو جهداً في إمالة ميزان القوة لصالحه بشتى الوسائل، لذا فهو دعك من الشعب المرتهن بالداخل، لم يتخل عن السير في تغيير مواقف حتى الشباب الذين أخرجهم من بلادهم كرهاً وشتت شملهم في شتى المنافي بكتابة صكوك الاعتراف والتراجع عن خطأ أقوالهم بشأنه، ونحن هنا لا نجزم أنه لن يحصل علي نتيجة إيجابية من مسعاه هذا، لا شك سيؤثر علي قلة من السذج.

علينا نحن في معسكر المعارضة أن نعطل هذه الخطة الماكرة للنظام ونكشف محاولاته لإلهاء وتشتيت طاقات وأذهان قوى التغيير. نقوم بذلك بإصلاح الأحوال داخلنا في المقام الأول دون أن نعتمد علي تسقط أخطاء وأخبار الهقدف فقط. لدينا الكثير مما نقوم به بأنفسنا دون أن نتأثر بما يجري علي مسرح الهقدف، ويأتي علي رأس ذلك لملمة أطراف قوانا المبعثرة وتوجيهها الوجهة الصحيحة، وهذه المهمة علي وعورتها تتطلب التسامح والتحمل والاقتناع بعدم جدوى العمل فرادَى، والمهمة تبدو من الناحية المظهرية والنظرية سهلة المنال لكنها في الواقع العملي شديدة الصعوبة، فالقوى والطاقات متوفرة ولكن القدرة علي توحيدها وتنسيقها ما تزال ضئيلة والعزم عليها ما زال ضعيفاً. أقل ما يمكن أن نحذر منه داخلنا تبادل التصنيفات والتقليل من شؤون بعضنا، فالهقدف سوف يستفيد كثيراً من نعت بعضنا بعضاً بالقدامى والجدد، الشعبويين والجبهويين، المعارضة الناعمة والمعارضة الخشنة...الخ، أما الشعب فلم يعد بحاجة الي من يلقنه الدروس عن من عدوه ومن الصديق، فقد تعلم قبل كل شيء من سوط المعاناة الذي يلهب ظهره كل صباح، من أبنائه الذين أصبحوا بسبب الهقدف نهباً للموت برصاص قناصة حرس الحدود أو غرقاً في البحار وعطشاً في الصحاري والفيافي، لقد مضى عهد الخداع والتغني ب(نحن الشعب والشعب نحن)...الخ خزعبلات الهقدف.

Published in EPDP Editorial

Ethiopia says foiled Eritrea-backed terror attack

Written by By Tesfa-Alem Tekle

May 12, 2016 (ADDIS ABABA) — Ethiopia authorities said Thursday that they foiled what they described as a "plot" by Eritrean mercenaries to stage a terror attack in the country.


Eritrea, which borders Sudan and Ethiopia, has been dubbed the North Korea of Africa (HRW)

The National Intelligence and Security Service and Federal counter-terrorism taskforce claimed the armed Eritrea’s mercenaries were caught by Ethiopian security forces in the country’s southern regional state.

The heavy armed mercenaries were captured in a jungle at the southern tip of the country and were conspiring to launch a terrorist attack.

According to the task force, they were captured in a surprise military operation carried out by security forces on 6 May 2016.

Officials told Sudan Tribune that the Ethiopian intelligence agency had the information over the planned attack before the armed mercenaries depart from Eritrea.

According to the officials security forces captured most of the terrorists with their armaments however refuse to disclose on their total number.

Unspecified number of the armed group who tried to escape were also killed.

The terrorists whose travel documents shows to have been prepared by the Eritrean regime traversed Ethiopian borders from Moyale in neighbouring Kenya.

“The terrorists first travelled to Uganda, and they made their way to Kenya before they arrived at their final destination, South Ethiopia”

The captured militants were allegedly trained and armed by the regime in Asmara.

Ethiopia repeatedly accuses the Red Sea nation of deploying terrorists to destabilise nation, an allegation Eritrea denies.

Eritrea gained independence from Ethiopia in 1993 after a 30-year guerrilla war however the two neighbours fought a war during 1998-2000 over territorial disputes which killed over 70,000 people.

As their border dispute never settled the two countries remain at No war - No peace situation.

Both countries routinely trade accusations of arming and supporting one the others’ rebel group.

Ethiopia has often foiled Eritrea-backed attacks and have captured a number of terrorist groups while trying to sneak into the country

At a press conference with local journalists, Communication minister Getachew Reda today hinted that the Ethiopian government will consider actions to stop these unfolding Eritrean provocations.

Previously, Ethiopian forces have penetrated deep into Eritrean territories and attacked several military bases including those bases used by militants who are given sanctuary by Eritrea to carry out attacks against Ethiopian targets.

(ST)

Source=http://www.sudantribune.com/spip.php?page=imprimable&id_article=58943