http://ascenteq.com/project/epdp

ሰልፊ ዲሞክራሲ ህዝቢ ኤርትራ (EPDP) ጨንፈር ማእከል ፍራንክፎርትን (Frankfurt) ከባቢኡን ሃገረ ጀርመን ራብዓይ ምዱብ ኣኼብኡ ኣብ ዕለት 19.04.2015 ኣካይዱ፡፡

ኣብቲ ልሙድ ኣዳራሽ መኣከቢኡ Kirch Platz Bockenheim ከተማ Frankfurt A.M. ብዕለት 19-04-2015 ዓ.ም. ካብ ሰዓት 14.00 ክሳዕ ሰዓት 17.30 ዝወሰደ ዕዉት ኣኼባ ከም ዘካየደ ዝመጸና ሓበሬታ እነሆ።

ኣቶ ሕጂ ሳልሕ ስዒድ ኣቦ መንበር ጨንፈር ማእከል ንኣባላት ብእንቋዕ ደሓን መጻእኩምን ንኣመንቲ ክርስትና ድማ ርሑስ ብዓል ፋሲካ ይግበረልኩም ብምባል'ዩ ንኣኼባ ከፊትዎ። ኣስዒቡ ብዛዕባ ህሉው ኵነታት ሃገርናን ህዝብናን ኣገዳሲ ሓበሬታት ናይ ሰልፊ ዲሞክራሲ ህዝቢ ኤርትራ ገሊጹ።

ብምቕጻል ኣቶ ሓጂ ሳልሕ ስዒድ ንናይ ዕለት 19.04..2015 ኣኼባ ጨንፈር ማእከል ኣጀንድኡ ምሕጻይ ኣባላት መሪሕነት ካልኣይ ጕባኤ ሰዲህኤ ኢዩ ነይሩ። ሓጻይት ሽማግለ ብመሰረት ቅዋም ሰልፊ ዓንቀጽ (6.1.17 ) ብማእከላይ ባይቶ ሰልፊ ዲሞክራሲ ህዝቢ ኤርትራ ዝቖመት ኣካል ኢያ። መልእኽቲ ሓጻይት ሽማግለ ኣብ ቀዳማይ ጉባኤ ሰልፊ ዝተኣታተወ ኣጋባብ ኣማራርጻ ንማእከልያ ሽማግለ ዝምረጹ ኣባላት ሰልፊ፡ ካብ ታሕቶዋይ ጽፍሒ ስርርዕ ክሳብ ላዕሎዋይ ስርርዕ ኩሎም ኣባላት ሐደ መሰል ሃልይዎም ዝሓጽይሉን ዝሕጸይሉን መስርሕ ሰነድ እዩ። እቲ ኣጀንዳ ብመሰረቱ ዓቢ ኣጀንዳ ብምንባሩ ነዊሕ ሰዓታት ዝወሰደ ሕጹያት ምስሊ ኤርትራ ክህልዎም ስለዘሎዎ ልቦና ዝመልኦ ሕጽያ ተኻይዱ። 

ኣብ መወዳእታ ጨንፈር ማእከል ሰልፊ ዲሞክራሲ ህዝቢ ኤርትራ ሃገር ጀርመን ኣብዚ ቅንያት ንዘጋጠመ ሐደጋታትን ኣረመኒያዊ ተግባርትን ኣብ ማእከላይ ባሕርን፡ ገማግም ባሕሪ ሃገረ ሊብያን፡ ኮምኡውን ደቡብ ኣፍሪቃን ዝተሰምዖ መሪር ሓዘን እናገለጸ ንኹሎም በተሰብ በዚ ጉዳያትዚ ዝተጠቅዑ ብዘይ ዜጋዊ ፍልልይ ጽንዓት ይሃቦም ይብል፡፡

ኣኼባ ለበዋታቱ ብምትሕልላፍ ፡ ብዝሕሪ ሰማእታት ተዛዚሙ።

ናይ ሽምዓ መብራህቲ ንኤርትራውያን ኢትዮጵያውያንን አፍሪቃውያንን ግዳያት

ቀዳም 25 ሚያዝያ 2015 ዓ.ም ኤርትራውያንን ኢትዮጵያውያንን ነበርቲ ኦክላንድ ቤይ ኤርያ አብ ለይክ ሜሪት አብ ዝርከብ ፓርክ ነቶም 350 አብ ባሕሪ ሜዲተራንያን ዝሃለቑ፡ ነቶም ብአኽራሪ ጉጅለ ዳዒሽ ተሓሪዶምን ተረሺኖምን ዝተቐትሉን ነቶም ብጽልኢ ወጻእተኛታት አብ ደቡብ ተጨፍጨኢፎም ዝተቐትሉ ንምዝካር ናይ ሽምዓ መብራህቲ አካይዶም።

እቶም አብቲ ቦታ ዝተአከቡ ተሳተፍቲ ብሰንኪ እቲ ዝወረደ ህልቂት ዓሙቕ ቁጥዔን ሕርቃንን ከም ዝተሰምዖም ገሊጾም። ከም አፍሪቃውያን ጥራይ ዘይኮነስ ከም ፍጡራት ደቂ ሰባት ድማ ነቲ አስካሕካሒ ተረኽቦ ኮኒኖሞ።

ሓደ ሓደ ተሳተፍቲ ነቲ እኩብ ህዝቢ መልእኽቶም አብ ዘመሓላለፉሉ እዋን ዓለምለኻዊ መሰል ደቂ ሰባት ብዘይ አፋላላይ ክኽበር ተላብዮም፡ ሰላም ፍቕርን አብ ሙሉእ ዓለም ንኽሰፍን ድማ ተመንዮም።

አብ መዛዘሚ ኩሎም ተሳተፍቲ ንግዳያት ናይ ዘልአለማዊ ዕረፍቲ ክረኽቡ፡ ስድራን መቕርብን ግዳያት ድማ ጽንዓት ንኽረኽቡ ናይ ሓባር ጸሎት አካይዶም።

አዳላዊት ኮሚቴ ናይ ሽምዓ ምብራህ መደብ - ኦክላንድ

ኣብ ኣትላንታ ጆርጅያ ብ April 25, 2015፡ ንዝኽሪ ግዳያት መዲትራንያን ባሕርን ግብረሽበራዊ ቅትለት ናይ ንነብሱ ብ ISIS ዝፈልጣ ግብረሽበራዊ ጉጅለን ንምዝካር ኣብ ዝተገብረ ናይ ሽምዓ ምውላዕ ስነ-ስርዓት፡ ብ ኣቦና ኣቶ ፍቕረማርያም ማሓሪ ዝቐረበ ቃል።

ደቕና! ረኸብቲ መከራ!
ደቕና! ረኸብቲ ጋዶ! ረኸብቲ መግደራ!
ደቅና! ሰብ-ቃላይ-ዳግማይ ሰቲሞ!

መናእሰይ ካብ ምድሪ ዓደቦኹም ዘንፍጸኩም ዘበርግገኩም ዘሎ፥ ኣብ ኢድ ኣረሜናውያን ክትወድቁ፤ ክጋናዘይልኩም ዕድል ዝህብ ዘሎ፣ምቹእ ኵነታት ዝፈጥር ዘሎ መን ኢዩ? ሰበቡን ተግባራት ገባሪኡን እንርእዮ ዘሎና ኢዩ።እዚ ግን ንሓዋሩ ኣይኰነ። ኤርትራዊያን ብሕብረት ከም ጥንትና ተሓቛቚፍና ክሳዕ እንትንስእ ጥራሕ ኢዩ። ሓቢርና ክንዝቲ፣ ዝጐድኣናን ዝጠቕመናን ክንፈልጥ፣ዘባእስና መሰረታዊ ነገር ከም ዘየሎ ከነለሊ ምስ ከኣልና ኢዩ።ፍቕሪ ናይ ኣሕዋት ዘይደልዩ በቲ ዓቢ ምድዋኦም ሰለ ዝሸርዉናን፥ ሓድሕድና ስለ ዘጋራጪውናን እንሆ ሓደ ኣካል ንምዃን ግዜ ወሲዱልና ይርከብ። ግዜ ክንዲ ዝወሰደልና ድማ እንሆና ንጠፍእ፣ደቕና ይብርግጉ፣ቀለብ ዓሳ ይዀኑ፣ማዕበል ሑጻ ይደፍኖም፣ብኢድ ኣረማያን ይቕተሉ፡ ኣብ መዓሙቝ ባሕር ይሰጥሙ ኣለዉ።እንታይ’ኮን ኢና ኰይና፡ ቑሩብ ዘይነስተውዕል፣ቑሩብ ፊኒሕኒሕ ዘይንብል።ብኣንጻሩ፡ክንዲ ንፋቐር ንጻላእ፣ክንዲ ንሓብር ንበታተን፡ክንዲ ንከባበር ንነኣእስ፣ክንዲ ንቀራረብ ንረሓሓቕ። እዚ ዓይነት ተርእዮ ወለድና ዘውረሱና ኣይከነን። ጐራሓትን ሕሱማትን ኣንቀላዊጦም ካብ ደገ ዝጐተቱልና ኢዩ።ነቲ ዘስምረና ገዲፍና ነቲ ዘባእሰናን ዝበታትነናን ንመርጽ፣ንምብትታን ንፈጥን።ከመይ ዝበለ ዕሽነት ኢዩ ሻቢቡና ዘሎ።ነፍስና ወኪልና እንተ-ንቀራረብ ኩሉ ሽግርና ዓይኒ ንርእአ፡ ንፈናተይ፡ዝርግርግ ይኣትወና፣ደቕና በብሓደ ይነፍጹ፣ገበጣ ክሳዕ ዝውዳእ ክንጻወት ንፍትን ኣሎና። ኣብዚ ኵሉ ሕሰምን መከራን ዘእትወና ዘሎ፣ከም ኣቦታትና “ካብዚ ንንዮው ዓዲ የለን” ዝብሉ ሓራናት ስለ ዝሰኣንና ኢዩ።

ዛንታ ጀጋኑ ሃገርና ምስ እንፍትሽ፣ምስ ዝተፈላለየ ሽግራትን፣ ጸላእትን ወትሩ ብሕብረት ምስ ተሓናነቑ ኢዮም። ኣብ ጽንኩር ግዜ፡ ኣዋጅ ጀጋኑና “ካብዚ ንንዮው ዓዲ የለን” ዝብል’ዩ። እንታይ ማለቶም’ዩ ? ጀጋኑና ሓድሓደ ግዜ ንቕድሚት ዝሰጥሉን ደው ዝብልሉን ደረት ወይ ቀይሕ መስመር ኣለዎም። እቶም ጀጋኑ ካብዚ ንንዮው ዓዲ የለን ዝብል ቃል እንተ-ኣስሚዖም፣ብጸላኢኦም፣ክድፍኡ ጸኒሖም ናይ ግድን ጠጠው ዝብልሉ ኢዩ። ንሱ ከኣ “ካብዚ ንንዮው ዓዲ የለን” ዝብል ድምጺ ምስ ኣቃልሑ ዝፍጸም ኢዩ። ካብዚ ንንዮ ዓዲ የለን ምስ ተባህለ ሓቢሮም ምስ ጸላኢኦም ኣትኪሎም ክሳዕ መወዳእታ ዝተሓናነቕሉ ግዜ ማለት ኢዩ። ምኽኒያቱ ክኒዮ’ዚ ዓዲ የለን ስለ ዝተባህለ። ኣቦታትና በዚ እምነት’ዚ ነታ ሃገርን ንታሪኻን ዓቂቦሞ።በዚ ታሪኽ’ዚ ነዛ ምድሪ ካብ ኢድ ዓመጽቲ ኣናጊፎማ።ሎሚ ካብዚ ንንዮ ዓዲ የለን ዝብሉ ጀጋኑ ጌና ኣይረኸብናን። ደቕና ኽጠፍኡ ከለዉ ስቕ፣ ፍትሒ ክጠፍእ ከሎ ስቕ፣ ክብሪ ደቂ ሰባት ክገሃስ ከሎ ስቕ።ካብዚ ንንዮ ዓዲ የለን ዝብሉ ሓራናት ኣይተረኽቡን። ጠፊኦም ማለት ግን ኣይኰነን፤ስለ ዘይተበራበሩ ኢዩ።

ሎሚ ነታ ኣቦታትኩምን ኣሕዋትኩምን ጸላኢ ኣባሪሮም ነጻ ዝገበርዋ፡ምድሪ ዓደበኹም ገዲፍኹም፡ ነፊጽኩም ኽትጠፍኡ ዝደፍኣኩም ዘሎ ኵነት እንታይ’ዩ!። ብርግጽ ሓቢርና ካብዚ ንንዮ ዓዲ የለን ስለ ዘይበልና ኢዩ።

እወ፡ገለ ብዱዓት ጸጊቦም ክብልኹም ንሰምዕ ኢና። “ ዓሻ ሰበይቲ ወዲ ሓሙታ ዘይወዳ ይመስላ” ከም ዝተባህለ።እዚ ኣበሃህላ’ዚ ኣብ ዘይለዓቱ ኢዩ። እንታይ ዘጽግብ ምስ ረኸብኩም’ሞ!።
እቲ ምኽኒያት’ስ ካልእ ኢዩ። ዓው ኢልኩም ክትዛረብዎ ዘይከኣልኩም፣ ”ዓው ኢልካ ዘይብከይ ሞት ሕጹይ” ዝዀይንኩም ነገር’ስ ኣሎ። እቶም ጸጊቦም’ዮም ዝብልኹም፣ ወያ ጽጋብኩም ጽጋቦም ትኹን እንተበልናዮም መርገም ከይኮኖም፣ኣሕዋትና’ዮም። ውዒልና ሓዲርና ጡብ ኣዴና ኤርትራ ዝዓርቀና ኣሕዋት ኢና።

ከምኡ እንተበሉ’ውን ካብ ልቦም ዝመጸ ኣይኰነን። ከምቲ ዝስሞዓና ይስምዖም ኢዩ። ፈጺሙ ጠፊእዎም ክበሃል ኣይከኣልን፤እንታይ’ደኣ ብመውረርያ ትሑዛት ኢዮም፤ገጽ-ርኣይነት ስለ ዝሓየሎም’ዩ ኢዩ።እዛ ሓላፊት ዓለም ነባሪት ስለ ዝመሰለቶም፣ብልሳነን-ቅብጥር ዝበልዎ ኢዩ። ልቦም ግን ይዕዘቦም ኣሎ። ”ኣፍ ክዛረብ ልቢ ይንዕቕ” ከም ዝተባህለ። ሓቂ ተዛሪብካ ምሙዋት ዓቢ ክብሪ ምዃኑ ተረሲዑ። ምሕረቱ ይልኣኸልና። ኣብ ርእሲ ኵልና ዝደየበ፡ ግዜ ዝበልዐ ስኽራን ቀልጢፉ ካብ ሰብነትና ይውጸኣልና። ካብዚ ሓሊፉ ግን መን ኢዩ እናረኣየ እናሰምዐ ኣብ ሓዊ ክትጥበስን፣ብኻራ ከም ጤል ክሕረድን፣ኣብ መዓሙቕ ባሕሪ ክትሰጥምን ዝመርጽ?። ከመይ’ሉ ከምኡ ዝብል ሓሳብ ኣብ ኣእምሮ ደቂ ሰብ ይመጽእ። ሕጂ’ውን እቲ ጸገም ዝፍታሓልና ”ካብዚ ንንዮ ዓዲ የለን “ ኢልና ምስ እንትንስእ ጥራሕ ኢዩ።

ዋይ! ዋይ! ዋይ! ስለ መከረኛታት ‘ደቅና!

ንዓኻትኹም ዘይከውን እዋን መጺኡኩም።እዚ እዋን’ዚ ከምቲ ቀደም ዝሓለፈ ክፉእ ዘመን ዘይሓልፍ ኣይም’ሰ’ለና። ግድን ክሓልፍ’ዩ። እቲ ዘይሓልፍስ ሕማቕ ታሪኽ ጥራይ ኢዩ።
እዚ ባሕሪ’ዚ ናይ ኣቦሓጎታትኩም ስጋ ዝለመደ ኢዩ። ናይ ሰቲሞ ጥፍኣት’ኮ ነዚ ኢዩ ዘዘኻክረና።እቲ ምድግጋሙ ግን እንታይ ንበሎ!! ንሕና ዲና ካብ ኣምላኽ ርሒቕና፣ወይስ ኣምላኽ’ዩ ካባና ርሒቑ። መን’ዩ ቅድም ዝረሒቐ? ስለ ሓቂ ግን፡ንሕና ባዕላትና ኢና ክንርሓቕ ዝጀመርና ባዕላትና ምዃንና ዘይከሓድ’ኢዩ። ፈጠርትና ለኒንን ማኦን ምስ ገበርና። ሕጂ’ውን እቶም ንህልዊ ኣምላኽ እንኣምን፣እቶም ዓለም ሓላፊት ምዃና እንኣምን፣መከራና ክውድኣልና ነቲ ሰማይን ምድርን ዝፈጠረ ንንገሮ፣ንሱ ከድሕነና ኢዩ። እታ ጀጋኑ ምውላድ ዝለመደት ማሕጸን ኣዴና ኤርትራ’ውን ጀጋኑ ክትፈሪ ክትነብር እያ።እትመክን ኣይምሰሎም።
እዚ ጥፍኣት’ዚ ጠጠው’ዶ ነብሎ ወይስ ጨሪስና ክሳዕ ንጸንት ከምኡ’ሉ ይቐጽል።ኣዚዩ ከሻቕለና ዝግብኦ ነገር ኢዩ። ብርግጽ ደቂ ሃገር ሓድሕድና ስኒት ሓሪሙና፡ ጌና ክንጻላላእን ክንረሓሓቕን ብዓይኒ ትዕቢትን ጽልእን ቅርሕንትን ቀጻሊ ክንጣማመት እንተዄንና ኣብ ርእሲ ጥፍኣት ካልእ ጥፍኣት ምዕዳም ኢዩ።ስለዚ ሃየ ኣሕዋት ልቢ ነዕቢ!ንሰላምን ፍቕርን ሓቢርና ንወጥጥ!!

ዝፈሰሰ ደም ኣሕዋትና ከም ደም ኣቤል ኣብ ቅድሚ ኣምላክ ቀሪቡ ክጠርዓልና ሰላም ከምጽኣልና ኢዩ።
ዅልና ደቂ ሃገር ምስትውዓልን ልቦናን ይፍጠረልና።
ዝተቐያየሙ ኣሕዋት ዝተዓረቕሉ፣
ዝተጻልኡ-ዝፋቐርሉ፣
ዝተፈላለዩ ሓደ ዝዝኾንሉ፡
ብፍቕርን ብሓደ ሓሳብን ዝኸድሉ፣ብሓደ ቅልጽምን ዝምክትሉ፣
ሓቢርና ንዓድና ብሰላም ክንነብራ እንኽእለሉ ።እዋን ይምጸኣና።
ሃየ ምዕሻው ይኣክለና፣ምብትታን ይኣክለና፣ ኣብ ሕቝፊ ኣዴና ኤርትራ ንተሓቛቘፍ። ኵልና ነጻ ኴይና ንሕሰብ።እቲ ጉዳይ ናይ ኵልና ኢዩ፡ሓቢርና ንምከር።ንመፍቶ ወዲ መን’ከ ኢዩ፥ደርጒሕና ንዛራረብ።ዕጥቂ ኣቦታትና ኣይነዝልቕ ሓደራ።
ከምኡ እንተ ዘይገይርና ጥፍኣትናን ብርሰትናን ቀልጢፉ ክመጸና ብፍቓድና ንዕድሞ ከም ዘለና ኣይንስሓቶ!!
እታ ሃገር ብደም ናይ ክሎም ሃገራውያን ዝመጸት ምኳና’ውን ኣይንረስዓዮ፤ እቲ ቀንዲ ሰበብ ነዚ ምርሳዕና ኢዩ።
ንቤተሰብ ረኸብቲ መከራ ጽንዓት ይሃቦም!
መንግስተ ሰማያት ንሰማእታት ደቅና!

في الحادي عشر من ابريل 2015م وبمناسبة عيد الفصح أقام فرع حزب الشعب الديمقراطي الارتري بمدينة كلن الالمانية وضواحيها ندوة جماهيرية وأمسية موسيقية حاشدة.

الأخ/ عند برهان يوهنس رئيس الفرع رحب بالحضور وأعرب عن تمنياته لهم بقضاء عيد سعيد ثم قدم ضيفي الندوة للجمهور، وهما الأستاذ/ منقستئاب اسمروم رئيس الحزب وتسفاماريام كبرئاب رئيس منطقة المانيا للحزب.

شرح اسمروم الأوضاع الارترية الراهنة علي كافة الأصعدة في الداخل والخارج فضلاً عن أوضاع ونشاطات الحزب، عن الداخل أوضح أن البلاد تعاني في ظل الدكتاتورية من انعدام الخدمات والحقوق الأساسية بشكلٍ مأساوي. وأضاف: أن الإجرام بحق الشعب بلغ بالنظام أن تتفطر عقليته الإجرامية عن هدم منازل المواطنين كآخر صيحة في التفنن في تعذيب الشعب وتضييق الحياة عليه.

أما عن معسكر المعارضة وطلاب العدل فقد أوضح اسمروم أن رقعة المطالبين بالتغيير تزداد اتساعاً وكثافة يوماً إثر آخر، وعن تصاعد وتيرة المعارضة خلال الفترة من التحرير وحتى الآن ذكر الأمثلة التالية علي ذلك: إضراب المناضلين في 1993م، حركة معاقي حرب التحرير، حركتا مجموعتي ال13 وال15، حركة 21 يناير 2013م، حركة بابوات الكنائس الكاثوليكية والأرثوذكسية، تجمعات وتظاهرات الشباب، التظاهرات الجماهيرية، حركة جمعة الحرية ...الخ. ثم عرج علي قضية هدم المنازل وأوضح أن المواطنين لم يتفرجوا صامتين علي هدم بيوتهم بل قاوموا ذلك بالتصدي بالحجارة لجنود وعمال النظام الذين شرعوا في هدم منازلهم تماماً كما يفعل الفلسطينيون إزاء قيام الاسرائيليين بهدم منازلهم.

بيد أن والحديث لأسمروم، فإن عدم تنظيم تلك الجهود والنضالات والتنسيق بينها أبطأ حركة التغيير وقلل من فعاليته، لذا يجب أن تتكاتف الجهود بالداخل والخارج لتحقيق وحدة المعارضة كي تتمكن من تحقيق أهدافها.

وعلي صعيد العلاقة بدول الجوار قال أسمروم: يجب أن تستند هذه العلاقة علي حسن الجوار والمصالح المشتركة والاحترام المتبادل بالإضافة علي حفاظها علي كل الإرث المشترك بيننا وبينها من علائق جغرافية، تاريخية وثقافية عريقة.

وعن الحزب قال اسمروم إنه الحزب المعارض الوحيد الذي رفضت قواه المؤسسة العيش أسرى التاريخ والحزازات القديمة وعملت كل ما في وسعها علي لملمة أطراف المعارضة علي أي مستوىً من مستويات التحالفات الجبهوية أو الاندماجية.

وعن نشاطات الحزب وعلاقاته الخارجية ذكر أسمروم أن الحزب عضو مراقب في منظومة أحزاب الاشتراكية الدولية، وعضو مؤسس في منظومة أحزاب الحلف التقدمي. وقد شارك الحزب في جميع ملتقيات هاتين المنظومتين في كلٍّ من النيجر، تونس، ألمانيا، السويد، كما حضر مع حزب مدرخ ملتقى جنوب افريقيا للتضامن مع شعوب ارتريا، فلسطين، الصحراء الغربية، سوازيلاند، والتقى الارتريين المقيمين هناك وأجرى العديد من المقابلات الاعلامية والجماهيرية.

وعن قضية اللاجئين وطالبي اللجوء الارتريين قدم الحزب العديد من المذكرات بشأنهم الي مختلف الدول والمنظمات الدولية والاقليمية المعنية.

وأخيراً اختتمت الندوة أعمالها بالاستماع والاجابة علي أسئلة واستفسارات وتعليقات وتوصيات وآراء الحضور، وفي المساء أحيى فنانون ارتريون مقتدرون ليلة غنائية موسيقية ساهرة أمتعت الجمهور.