ሓርነት ኦርግ ድሕርቲ ዝተረኽበ ውጽኢት ዓወት ደሞክራስያዊ ምርጫ ህዝቢ ጋምብያ ብ1 ታሕሳስ 2016 ኣመልኪቱ ነቲ ብሰላም ተኻይዱ ውጽኢቱ ድማ: ዝነበረ ፕረሲደንት ጋምብያ ተቐቢለዮ ምባሉን: ንህዝቢ ኣፍሪቃ ኣየር ደሞክራሲ ዘተንበሀ ፍጻመ ምንባሩን ኣብ ዓምድታቱ ኣስፊርዎ ነይሩ። ጸኒሑ ግን ዝነበረ ፕረሲደንት ስልጣነይ ኣየረክብን ኢሉ ሓንጊዱ ምጽንሑን ኣበይ ከም ዝውድእን ነቲ ምዕባለ ኣብ ምጽንታው ዝጸንሐ ዓለምን ህዝቢ ጋምብያን: ብሓይልታት ደገፍቲ ምርጫ ህዝቢ ጋምብያ ብፍላይ ሰነጋል ውረድ ወይ ድማ ብሓይሊ ከነልግሰካ ኢና ዝብል ናይ ሕቡራት ሃገራት ቡራኬ ዝተሓወሶ ስምዕታ: ያሕያ ጃሚህ ከዕጠጢ ድሕሪ ምጽናሕ ነታ ሃገር ገዲፉ ክወጽእ ተቐሲቡስ እቲ ዝሰዓረ ፕረሲደንት ኣዳማ ባረው ክትክኦ ኣብ ምድላው ኣሎ። ኣብዚ ዝጸንሐ ደሞክራስያዊ ምውጣጥ ናይ ስላጣን ሰራዊት ጋምብያ ንውጽኢት ብዝሒ ድምጺ ህዝቢ ጋምብያ ደጊፉ ድው ምባሉ ንኻልኦት ሰብ ጹረራ ትምህርትዩ።

ህዝቢ ጋምብያ 1,849,285 ሚልዮን ኮይኑ: ጋምብያ ብመጠን ስፍሓታ; ጻዕቂ ህዝቢ ዘለዋ ሃገርያ። ወግዓዊ ቋንቋ ህዝቢ ጋምብያ እንግሊዝዩ። መብዛሕትኡ ህዝቢ ጋምብያ ግን ቦታዊ ቋንቁኡዩ ዘዘውትር። ካብ ዓሰርተ ጋምብያውያን ትሽዓተ ሃይማኖት ምስልምናዮም ዝኽተሉ ኢዮም። ጋምብያ ረፓብልኪካዊት ሃገር ኮይና ብመሰረት ቁዋም’ታ ሃገር ደሞክራስን ብዝሐ ሰልፍታትንያ ክትመሓደር ዝግባእ። ይኹን እምበር ብግብርስ ኣብዚ ዝሓልፈ 22 ዓመት ብሓያል ምልካዊ ፕረሲደንት ያሕያ ጃሚህ ኢያ ክትደሃኽ ጸኒሓ። ብ1994 ብዕልዋ (ኩደታ) ኣብ ስልጣን ዝደየበ ጃሚህ ኣብቲ ግዜ 29 ዓመት ነይርዎ። ብገለ ክፋል ናይቲ ህዝቢ ደገፍ እኳ ይንበሮ እምበር ቀንዲ ንምልኩ ዝሓገዘ ረቛሕስ ዝተባታተነ ተቛውሞ ካብ ቀንዲዩ ነይሩ። በዚ ዝሰኸረ ጃሚህ ኣምላኽ እንትፈቒዱስ ንሚልያርድ ዓመታት ክመርሕየ ይብል ነይሩዩ።

ዕብዳን ስልጣን ዝዓዘሮ ያሕያ ጃሚህ ኣብ ሓደ ታሕሳስ ዝተኻየደ ውጽኢት ምርጫ ህዝቢ ጋምብያ ኣይቅበልን ብምባል ሓንጊዱ ጸኒሑ: ኣብቲ ምርጫ ኣዳማ ባረው ዝመርሖ ወገን ብ 45.5 ክዕወት ከሎ: ጃሚህ 36.7 ብምምጻእ ተሳዒሩ ኢዩ። እንተኾነ ዕውር ስስዐ ስልጣንን ብልሽው ዘይዓግብ ሸውሃቱን ካብ ምልኪ ብቐሊሉ ከገላግሎ ኣይከኣለን። ኣይወርድን ብምባል ክሕንግድ ፈቲኑ።

ሃገራት ምዕራብ ኣፍሪቃ ብፍላይ ሰንጋል ግን ምስ ውጽኢት ምርጫ ህዝቢ ጋምብያ ደው ብምባል: እንተዘወሪድካ ሓይሊ ክንጥቀም ኢና ዝብል መልእኽቶም ነታ ሕብእቲ ፍርሒ ምልካውነት ያሕያ ፊሒራ ምስ ኣውጸአት: ሕራይ ክብል ተቐሲቡስ ሃገር ገዲፉ ወጺኡ። ኣብ ውሽጢ ናይ 22 ዓመት ምልካውነቱ ንብረት ህዝቢ ጋምብያ ክዘርፍ ዝጸንሐ ጃሚህ: መላእ ዝዘረፎ ንብረት ዛጊት ኣይተፈልጠን ዘሎ። ካብታ ሃገር ክወጽእ ከሎ ግን ዓሰርተ ናተይ ዝብለን መካይን ክማላእ ሓቲቱ ተቐባልነት ኣይረኸበን። ህዝቢ ጋምብያ ኸኣ ምልካዊ ያሕያ ካብታ ሃገር ለቒቑ ክወጽእን ብዝረኸቦ ደሞክራስያዊ ድምጹ ክዛነን ጀሚሩ ኣሎ።

ዓለምና ብክልተ ተጻረርቲ ነገራት ዝቖመት ምዃና ንኹልና ብሩህ እዩ። እዚ ተጻረርቲ ገሊኡ ናብ ጐነጽ፥ ገሊኡ ከኣ ናብ ሰናይ ነገራት ዝውዕል እዩ። እዚ ተጻረርነት  ኣብ ኩሉ ከም ዝርከብ ንምብራህ እዞም ዝስዕቡ ነጥብታት ምጥቃስ ይከኣል። ኣብ ምሕደራ ወጻዕን ተወጻዕን፥ ኣብ ኩነታት ኣየር ሙቐትን ዛሕልን ... እናበለ ዝኸይድ እዩ።

ኣብ ሓደ  ለውጢ ንምምጻእ ዝግበር ቃልሲ እውን ከይተረፈ ክልተ ተጻረርቲ ክህልዉ ናይ ግድን እዩ። እቲ ሓደ ብናተይ ሓሳብ ተመርሑ ክብል፥ ብካልእ ሸነኽ ከኣ የለን ብናይ ሓባር ኣተሓሳስባ ንመራሕ ኣብ ዝብል። ከምኡ እውን ንዲሞክራሲ ዝቕበልን ምልኪ ዝመርጽን፥ ሓቢርካ ምስራሕን በበይንኻ ክትከይድ ምድላይን፥ ውዱብ መንገዲ ዝድግፍን ውልቃውነት ዘምልኽን፥ ብሕጊ ዝቕየድን ልዕሊ ሕጊ ክኸውን ዝደናደንን ... ወዘተ ዝኣመሰሉ ንጽጽራት፡ ምስቲ ባህሪ ዝፈጥሮ ጠባይ ተደሚሮም ዝፈጥርዎ ምፍሕፋሓት ውጽኢት ናይዚ ክልተ ተጻራሪ ጉዳያት እዩ። እዚ ውጽኢት እዚ ሃናጽን ኣዕናውን ናይ ምዃን ባህሪ ኣለዎ። ንኣብነት ማይ ብክልተ በበይኑ ዝቁምነገሮም ሃድሮጅንን ኦክሲጅንን ዝምስረት እዩ። ናይዚ ተጻራርነት ውጺኢት ዝኾነ ማይ ኣብ ህልውናና ወሳኒ ክኸውን እንከሎ፡  ኣመና ምስ ዝበዝሕ እሞ መዕገቲ እንተዘይገርካሉ ከኣ ሓያል ውሕጅ ኮይኑ ከቢድ ጉድኣት የውርድ።

እዚ ተጻራሪ ኣተሓሳስባ ኣብ ፖለቲካዊ መዳይ እውን ይንጸባረቕ እዩ። ንርእይቶ ብዙሓት ተቐቢልካ ከተብቅዕ፡ ንርኢቶኻ ከኣ ብሕጋዊ መንገዲድን ብውሕልነትን ንኹሉ የርብሕ ዲዩ ኣየርብሕን ከይመመኻ ምቕራብ ናብ ጐነጽን ግርጭትን ዘምርሕ ኢዩ።  ውድባት ካብ ከምዚ ኣምር ናጻ ስለዘይኮና ወትሩ ምፍሕፋሓት የጋጥመን። ምስ እዚ ኹሉ ግና ህላዌ ፖለቲካዊ  ውድባት ከም ናይ ቃልሲ መሳርሒ ኣገዳሲ እዩ። ምኽንያቱ ኣብ ፖለቲካዊ ንጥፈታት ዝሳተፍ ኣካል ሓላፍነት ወሲዱ ዝቃለሰሉ መስርዕ ስለ ዝኾነ። ካብዚ ሓሊፉ ብናይ ሓባር  ሓላፍነትን ኣበርክቶን ናብ ናይ ሓባር ዓወት ስለ ዝወስድ። እዚ ዝኸውን ግና፡ በቲ ቅኑዕ ትርጉም ፖለቲካ፡ ፖለቲካ ንኣገባብ ምሕደራ፡ ፖለቲካውን ቁጠባውን ኣብ ምትእስሳር ዝሕግዝ ስነፍልጠት ምዃኑ ገርና ምስ እንርድኦ እዩ። ምሕደራ ክበሃል እንከሎ  ፖለቲካን ቁጠባን ኣወሃሂዱ እምበር፡ ፈላልዩ ከመሓድር ምስ ዝፍተን ቅሳነት፡ ናጽነትን ፍትሕን ይጠፍእ እዩ። ስለዚ ነዚ ፖለቲካውን ቁጠባውን ጥምረት’ዚ ክወሃሃድን ህዝቢ ብዘይጭቈነሉን ዘይምዝመዘሉን ኣገባብ ንምትላም ድማ ፖለቲካዊ ሰልፍታትን ስቪላዊ ማሕበራትን ተሓጋጊዘን ንዲሞክራሲያዊ መትከልን ኣተሓሳስባን ከተባብዓ ዓቢ ገደ ኣለወን።

ፖለቲካዊ ሰልፍታትን ውድባትን ዲሞክራሲያዊ ኣተሓሳስባ ዝውንናን  ንሓባራዊ ፖለቲካዊ ስምማዓትን ድሌታትን ኣብ ግብሪ ንምውዓል ኣብ ስልጣን ንዝፍጠር ቁርቁስን ምስሕሓብን ሰላማውን ዲሞክራሲያውን ኣገባብ ተጠቒመን መልክዕ ብምትሓዝ ይመርሓ። እዚ ከኣ ዓበይቲ ጉዳያት ህዝብን ሃገርን ሰላማውን ዲሞክራሲያውን ኣገባብ ተኸቲልካ ብምኻድ ኣተዓራቒ መንፈስን ዲሞክራሲያዊ ኣተሓሳስባን ክድንፍዕ ይሕግዝ። ግርጭት ክለዓል እንከሎ እውን መንፈስ ናይ ምርድዳእን ነቲ ግርጭት ተጸዋዊርካ ብሓባር ናይ ምፍታሕ ዕግበትን ይሃንጽ። ካብዚ ወጻኢ ኣብ ዝኽየድ መንገዲ፡ እቲ ኣብ ምስሕሓብ ረብሓ ዘለዎ ወገን ነቲ ፍታሕ ክቕበል ድልው ስለዘይከውን ነቲ ዲሞክራሲያዊ መስርሕ ኣይመርጾን። በዚ ዝኣክል ኣብ መንጎ ሕድሕድ ሰልፍታትን ኣብ ወውሽጠንን  ፍልልያት ክህሉን ክርአን ውሁብ እዩ።

 ኣብቲ ዝፍጠር ናይ ኣተሓሳስባ ፍልልያትን ምፍሕፋሕን ሓደ ካብቶም ተዋሳእቲ ነቲ ኩነታት ኣብ ረብሓኡ ከውዕሎ እሞ ኣተሓሳባኡ ቅኑዕ ንሱ ድማ ዘይጋገ ኮይኑ ክቐርብ እንተ ተመጣጠረ ርዱእ እምበር ዘሰንብድ ኣይከውንን። እቲ ናብዚ ክበጽሕ ዝመርጾ መንገዲ ግና ደሞክራሲያዊ ድዩ ኣይኮነን ከዛርብ ይኽእል። ካብዚ ጥዑይ መንገዲ ወጺእካ  ብስዉር ይኹን ብግሉጽ መንገዲ፡  ከምቲ ምስላ ዓረብኛ ’’ደረበኒ በካ ዎ ሰበቐኒ እሽተካ’’ ማለት ሃሪሙኒ በኽዩ ቀዲሙኒ ጠሪዑ ዝብሎ’ዩ ዝኸውን። እዚ ኣካይዳ መሰረታዊ ብዘይኮኑን ሓድነት ብዝሃስዩን ስምዒታት ክስነይ እንከሎ ከኣ ሃሳይነቱ ዝያዳ ይዓርግ። እቲ ኣዝዩ ዝጐድእ ከኣ ሓደ ኣካል ንገዛእ ርእሱ ልዕሊ ሕጊ ክሰርዕን ንደሞክራስያዊ ዝምድና ኣብ ምልክት ሕቶ ከተእትውን ክትፍትን እንከሎ እዩ። ኣብ ከምዚ ኩነታት ዝካየድ ኣሉታዊ ጐስጓሳት ብዙሓት ዘይሓቀኛታት ክንሶም ቅኑዓት መሲሎምን ተጠሚዚዞምን ዝቐርቡ ዛዕባታት ንግዜኡ ቦታ ክረኽቡ ይኽእሉ። ዘይሩ ዘይሩ ሓቂ ሓቂ ሓሶት ድማ ሓሶት ካብ ምዃኑ’ኳ ዘይተርፍ እንተኾነ ዝገድፎ ስንብራት ግና ቀሊል ኣይከውንን።

ዘሎናዮ እዋን እምበኣር ምስግጋር ካብ ምልኪ ናብ ዲሞክራሲ ስለዝኾነ፡ ኩሉ ወገናት ዲሞክራሲ ብማዕረ ዝብጽሖ ምዃኑ ምእማን ብተግባር ክሕለቐሉ ናይ ግድን ይኸውን። ምኽንያቱ እቲ ነዚ ዲሞክራሲ ዝጠልቦ ሕግን ምእዙዝነትን ጥሒስካ ምኻድ ዘስዕቦ ፍንውነት፥ ነቲ ሓቢርካ ብሰላም ናይ ምንባር ህይወት ስለ ዝዘርጎ።

إلى شعبنا الإرتري الصامد في كل مكان !!

إلى أسرة الفقيد ومناضلي جبهة الإنقاذ الوطني الإرترية !!

إلى القوى الوطنية المناضلة ضد النظام الديكتاتوري في إرتريا..

إلى كل من يطمح ويسعي لغد أفضل لوطننا الغالي..  إلى المدافعين عن حقوق الانسان في كل مكان..

إلى أشقاء وأصدقاء الشعب الإرتري المناضل !!

نعزيكم جميعا فى وفاه المناضل الرمز الدكتور هبتي تسفاماريام، رئيس الهيئة التنفيذية لجبهة الإنقاذ الوطني الإرترية، الذي وافته المنية مساء يوم الجمعة الموافق 13 يناير 2017.

حقيقة تعجز الحروف والكلمات عن التعبير عن حجم الحزن والأسى في استشهاد المناضل الدكتور هبتي تسفاماريام، فلا شك أن المصاب جلل، إذ فقدنا وفقدت الحركة الوطنية الإرترية والشعب الإرتري مناضلاً عظيمًا وقائدا محنكا أفنى عمره كله في خدمة قضايا شعبه ووطنه.

كان الشهيد الدكتور هبتي تسفا ماريام وحدويًّا وذا مواقف وطنية عظيمة وإسهامات كبيرة وحضورًا مشرّفًا على الصعيدين الإرتري والخارجي .. لقد فقدت الحركة الوطنية الإرترية بغيابه أحد أركانها ورجالها العظام حيث كانت له إسهامات نضالية لا تخطئها العين،  وآراء وطنية متقدمة في كل المجالات التي عمل بها.

يعجز المرء عن تعداد مآثر الفقيد الكثيرة والتي من أبرزها حرصه الشديد على وحدة الشعب الإرتري وبُعده عن أية ممارسة تنم منها الطائفية والجهوية ، وكان بحق أحد الرموز الوطنية الذين يحتذى بهم. كان الدكتور هبتي  رجلاً من خيرة الرجال حُبًّا لوطنه وعطاءً وتضحية وشجاعة، وثابتًا على مواقفه لا تهزه المصاعب والمحن، لم يتنازل عن مواقفه المبدئية ولاعن حقوق شعبه في الحرية والديمقراطية ، رغم الظروف القاسية التي مرت بها جبهة التحرير الإرترية التي كان أحد أبرز قياداتها. فاستمر صامدًا ومثابرًا إلى آخر لحظة من حياته.

إن عزاءنا في هذا المصاب الجلل هو ما تركه لنا من تاريخ نضالي كبير سنستقي، بالتأكيد، من معينه ما يُعيننا في مواصلة مسيرة تحرير الشعب الإرتري من النظام الديكتاتوري وبناء نظام ديمقراطي يتمتع في ظله شعبنا، بمختلف مكوناته، بالعدالة والمساواة والعيش الكريم.  

سيرة ذاتية مختصرة

عن فقيد الوطن الدكتور هبتي تسفاماريام

ولد الفقيد في عدي خوالا في ١٦ يوليو ١٩٤٣ ثم انتقل مع أسرته إلى أسمرا، حيث عاش هناك وتلقى فيها دراسته حتى المرحلة الثانوية. وبعد إكمال الدراسة الثانوية التحق بمعهد إعداد المعلمين وتخرج منه ثم عمل مدرسًا لفترة قصيرة ..  وبعد ذلك انتقل إلى مدينة هرر في إثيوبيا، لتلقيى التعليم العالي في كلية البيطرة في "ألمايا كولج". وبعد أن أكمل دراسته هناك، سافر الى بولندا  للالتحاق بجامعة وارسو لنيل الماجستير في مجال الطب البيطري. وفور تخرجه من هناك انتقل الى جامعة برلين حيث حصل على شهادة الدكتوراهفي تخصصه بامتياز، وعمل في جامعة برلين لفترة قصيرة كمساعد مدرس فيها.

ارتبط فقيد الوطن الدكتور هبتي تسفاماريام مبكرًا بالعمل الوطني؛ حيث كان عضوًا في الخلايا السرية لحركة تحرير إرتريا .. وبعد انتقاله إلى أوروبا واصل نشاطه الوطني في إطار العمل الطلابي الإرتري وفي إطار جبهة التحرير الإرترية، وكان من مؤسسي الاتحاد العام لطلبة إرتريا في أوروبا وأصبح أول رئيس لها، وسافر إلى القاهرة وبغداد ودمشق للمساهمة في المساعي التي كانت تبذل لتوحيد الحركة الطلابية الإرترية التي كانت منقسمة بين فرعي القاهرة وبغداد، حيث تكللت تلك المساعي بالنجاح، وشارك الفقيد في المؤتمر التأسيسي للاتحاد العام لطلبة إرتريا (GUES) الذي افتتح أعماله في مقر البرلمان السوري في دمشق في الثامن عشر من ديسمبر 1968. 

كان الفقيد من أبرز الرافضين لأن تكون الحركة الطلابية الإرترية جزءًا من الحركة الطلابية الإثيوبية التي كان تضم جميع الطلاب الإرتريين المبتعثين للدراسة إلى أوروبا من قبل الحكومة الإثيوبية.  وبصفته كادرًا متقدما في صفوف جبهة التحرير الإرترية، كان يلتقي برئيس وأعضاء المجلس الأعلى بشكل مستمر في زيارات العمل التي كان يقوم بها إلى البلدان العربية..

التحق الشهيد الدكتور هبتي تسفاماريام بالميدان؛ وشارك في المؤتمر الوطني الثاني لجبهة التحرير الإرترية الذي عقد في مايو 1975، واختير عضوا في المجلس الثوري. وفور انفضاض المؤتمر تم تعيينه مديرًا لمدرسة الكادر، ثم تم تكليفه كمسؤول للشؤون الأوروبية والأفريقية في مكتب العلاقات الخارجية الذي كان يرأسه آنذاك الشهيد المناضل الزين ياسين شيخ الدين.  وكان له دورٌ بارز في إيصال القضية الإرترية إلى المحافل الدولية والمنظمات القارية. 

يعتبر الشهيد الدكتور هبتي تسفاماريام من مؤسسي جمعية الهلال والصليب الأحمر الإرترية مع زميل دربه المناضل الدكتور يوسف برهانو أحمد الدين ... وكان لهما دورًا أساسيًّا في نقل معاناة اللاجئين الإرتريين في دول الجوار، أو المهجرين من قراهم ومناطقهم بسبب سياسة الأرض المحروقة التي كانت تتبعها قوات الاحتلال الإثيوبي، والذين كان يتم إيواءهم في المناطق التي كانت تحت إدارة جبهة التحرير الإرترية.. كما كان لهما الفضل في إقناع منظمة الأمم المتحدة للتربية والعلم والثقافة- اليونسكو (UNESCO) على فتح مدرسة ثانوية للاجئين الإرتريين في كسلا..

تنقل الشهيد الدكتور هبتي في مواقع ومسؤوليات نضالية عديدة ... واختير في 2014 رئيسًا للهيئة التنفيذية لجبهة الإنقاذ الوطني الإرتري. وكان عضوًا في المجلس الوطني الإرتري للتغيير الديمقراطي. وظل حتى آخر يوم في حياته، يؤدي مهامه النضالية بإخلاص وتفان.

الدكتور هبتي متزوج من السيدة أديام تخليت وأب لثلاثة.. ابنته البكر الدكتور ميلين؛ وابنيه سند وسهيل.

فتحية إكبار وتقدير للبطل الذى عاش مناضلاً ومات بطلاً. فالمجد كلّ المجد لك وقسما وعهدًا بأننا سنواصل مسيرتك النضالية حتى تتحقق الأهداف الوطنية التي ظللت تناضل من أجلها العمر كله.

المجد والخلود لشهدائنا الأبرار !!

الهيئة التنفيذية

لجبهة الإنقاذ الوطني الإرترية

20 يناير 2017

ጽኑዕ ተቓላሳይ ህዝቢ ኤርትራ ኣብ ውሽጢ ሃገርን ወጻእን !

ስድራ ቤት ስዉእን መላእ ኣባላት ግንባር ሃገራዊ ድሕነት ኤርትራን!

ኤርትራዊ ሃገራዊ ሓይልታትን ሃገራውያን ባእታታትን!

ኤርትራውያን ተጣበቕቲ ሰብኣዊ መሰላት ኣብ ኩሉ ኩርናዓት ዓለም!

ኣዕሩኽን መሓዙትን ተቓላሳይ ህዝቢ ኤርትራ።

ሓርበኛ ተቓላሳይ ዶክቶር ሃብተ ተስፋማርያም፣ ኣቦ መንበር ፈጻሚ ኣካል ግንባር ሃገራዊ ድሕነት ኤርትራ፣ ብዓርቢ ኣጋምሸት ዕለት 13 ጥሪ 2017 ድሕሪ ነዊሕ ሕማም ብማስዋእቲ ካብ’ዛ ዓለም ተፈሊዩና። መስዋእቱ ዝሕደጎ ዓሚቚን ከቢድን ሓዘን፣ ፊደላትን ቃላትን ጥራይ ዝገልጽዎ ኣይኮነን። ፈጻሚ ኣካል ግንባር ሃገራዊ ድሕነት ኤርትራ ንኩሉኹም ሃገራውያን ሕሱም ኣይትርከቡ ይብል።

ኣብ’ዚ ህልዊ ጽንኩር መድረኽ ቃልሲ’ዚ፡ መስዋእቲ ናይ’ቲ ዕድመኡ ብምሉኡ ምእንቲ ህዝቡን ሃገሩን ዘሕለፈ ክቡር ተጋዳላይን ሙኩር መራሕን ዶክቶር ሃብተ ተስፋማርያም፣ ንህዝቢ ኤርትራን መላእ ሃገራዊ ምንቅስቓስ ንዲሞክራስያዊ ለውጥን ዓቢ ክሳራ’ዩ። ስዉእ ዶክቶር ሃብተ ተስፋማርያም ኣብ ኩሉ ዝተሳተፈሉ ዓውደ ተጋድሎ፡ ገስጋስ ሃገራዊ ራእይን ጽኑዕ ሃገራዊ ሓድነታዊ መርገጻትን ዘመስከረ ሓርበኛ ኢዩ። ኣብ ሃገራውን ኣህጉራውን መጋባእያታት፣ ጉዳይ ፍትሓዊ ቃልሲ ህዝቢ ኤርትር ኣብ ምልላይ ዘይካሓድ ጭቡጥ ልዑል ግደታት ኣበርክቱ’ውን’ዩ።

ኣብ’ዛ ሓጻር ህሞት’ዚኣ ገድላዊ ኣበርክቶታት ስዉእ ዶር. ሃብተ ምዝርዛሩ ኣይከኣልን’ዩ። እንዳውን ኣውራጃውን ከምኡ’ውን ካብ ጉጅላውነትን ኣተሓሳስባን ኣሰራርሓን ሓራ ብምንባሩ፡ ኩሉ ዘይኽሕዶ፣ ፈታንን ጽንኩሩን ተረኽቦታት ዘየንቕንቖን፡ ካብ መትከላቱን፣ ኣብ ሓርነትን ዲሞክራስን መሰላት ህዝቡን ፈልከት ዘይብልን ተሪር ሓላዪ ሓድነት ህዝቢ ኤርትራን ጽኑዕ ተጋዳላይን መራሒን ነበረ። ፈታዊ ህዝቡን ሃገሩን ስለ ዝነበረ፡ ኩቡር ጅግንነታዊ መስዋእቲ ከፈለ። ሰለዝኾነ ካኣ፣ ምስ’ቲ ነታ ኣብ ምምራሓ ዓቢ እጃም ዝነበሮ፣ ተጋድሎ ሓርነት ኤርትራ ዘጋጠማ ጽንኩርን ዝተሓላለኽን ብድሆታት ንምስጋርን፣ ሃገራዊ መትከላታ ኣብ ምዕቋብን፣ ክሳብ ዕለተ መስዋእቱ ብጽንዓት ክቃለስ ጸኒሑ’ዩ። ሓዲጉልና ሓሊፉ ዘሎ ዓቢ ታሪኽ፡ ናይ መላእ ህዝቢ ኤርትራን ተቃለስቲ ደቁ ሓይልታቱን ገድላዊ ተውፊት ከም ምዃኑ መጠን፡ ኣብ ረብሓ ዲሞክራስን ሓርነትን ሰላምን ማዕርነትን ህዝቢ ኤርትራ ንምውዓል፡ ኣብዚ ዘለናዮ መድረኽ ምእንቲ ዲሞክራስያዊ ለውጢንምርግጋጽ እንካይዶ ዘሎና ተጋድሎ፡ ብቐዳምነት ምውዳቕ ዲክታቶርያዊ ስርዓት ንምቕልጣፍን፡ ዲሞክራስያዊት ኤርትራ ንምህናጽን ጥጡሕ ሰላማዊ ዲሞክራስያዊ ባይታ ንምምድማድን፡ መዕጥቖ ቃልስና ሸጥ ኣቢልና፡ መሳርዕን ናውትን ተቓውሞ ሓይልታት ንምጥርናፍ ክንዲ ዝተኽእለና ምስ ኩሉ ክንቃለስ ምዃና ነረጋግጽ።

ሓጺር ታሪኽ ሂወት

ስዉእ ዶክቶር ሃብተ ተስፋማርያም

ስዉእ ዶር. ሃብተ ብ16 ሓምለ 1943 ኣብ ዓዲዃላ ተወለደ። ናብ ኣስመራ ብምጒዓዝ ትምህርቱ ክሳብ ካልኣይ ደረጃ ኣሰላሰለ። ድሕሪኡ ኣብ ቤት ትምህርቲ ምስልጣን መማህራን (TTI) ቀጸለ። ድሕሪ ምምራቑ፣ ንሓጺር ግዜ ከም መምህር ኮይኑ ኣገልገለ። ላዕላዋይ ደረጃ ትምህርቱ ንምቕጻል ናብ ኢትዩጵያ፣ ከተማ ሃረር ብምኻድ፣ ኣብ ኣላማያ ኮለጅ ቨትሪናሪ ተማሂሩ። ትምህርቱ ንምቕጻል ናብ ፖላንድ ገይሹ። ኣብ ዋርሶ ዩነቨርሲቲ ኣብ መዳይ ስነፍልጠት ቨትሪናሪ ብማስተረይት ተመረቐ። ድሒሩ ኣብ ጀርመን ኣብ በርሊን ዩኒቨርሲቲ ኣብ ቨትሪናሪ PHD ብዝላዓለ ደረጃ ረኸበ። ንውሱን ግዜ ድማ ከም ተሓጋግዚ ፕሮፈሶር ኮይኑ ኣብ’ቲ ዩኒቨርስቲ ኣገልገል።

ስዉእ ዶር. ሃብተ ኣብ ሃገራዊ ዕዮ ኣንጊሁ ተሰለፈ። ኣባል ምንቅስቓስ ሓርነት ኤርትራ ኔሩ። ናብ ኤውሮጳ ምስ ተሳፈረ፡ ሃገራዊ ንጥፍታቱ ኣብ ክሊ ምንቅስቓስ ተማሃሮ ብምቕጻል፡ ዓቢ ሃገራዊ ተራ ተጻወተ። ምንቅስቓስ ተማሃሮ ኤርትራውያን ኣካል ምንቅስቓስ ተማሃሮ ኢትዮጵያ ዘይኮነስ፡ ርእሱ ዝኻኣለ ናጻ ኤርትራዊ ምንቅስቓስ ንምዃን ካብ ዝቃለሱ ዝነበሩ ልሉያት ሃገራውያን ነበረ። ስለዝኾነ ካኣ ሓደ ካብ’ቶም መስረቲ ጠቕላላ ማሕበር ተማሃሮ ኤርትራ ኣብ ኤሮጳን ቀዳማይ ኣቦ መንበሩን ኮነ። ኣብ’ቲ መዋእል’ቲ ስሙር ምንቕስቓስ ተማሃሮ ብዘይምንባሩ፣ ብፍላይ ድማ ኣብ መንጎ ምንቅስቓስ ተማሃሮ ኣብ ካይሮን ኣብ ባግዳድን ተመቓቒሉ ብምጽንሑ፣ ነዚ ንምእላይ ኣብ ዝካየድ ዝነበረ ጻዕርታት፣ እጃሙ ንምብርካት ንካይሮ ገሸ። እቲ ጻዕርታት ስለ ዝተዓወተ ድማ ኣብ ባይቶ ሶርያ ኣብ ከተማ ዳማስቆስ ዝተጋበአ መስራቲ ጉባኤ ጠቕላላ ማሕበር ተማሃሮ ኤርትራ ተሳተፈ። ከምኡ’ውን ንሃገራዊ ዕዮ ብዝምልከት፣ ናብ ሃገራት ዓረብ ኣብ ዝመላለሰሉ ዝነበረ ጊዜ፡ ምስ ኣቦ መንበርን ኣባላትን ላዕላዋይ ባይቶ ተጋድሎ ሓርነት ኤርትራ ብቐጻሊ ይራኸብ ነበረ።

ህዝቡን ሃገሩን ኣብ ቀዳማይ ቦታ ይሰርዕ ብምንባሩ፣ ሃገራዊ ቃልሱ ንምብራኽ፣ ኣብ 1975 ዓ.ም. ንሜዳ ተሰለፈ። ኣብ ወርሒ ግንቦት 1975 ኣብ ዝተጋበአ 2^ይ ሃገራዊ ጉባኤ ተጋድሎ ሓርነት ኤርትራ ኣባል ሰውራዊ ባይቶ ኮይኑ ተመረጸ። ቀጥታ ድሕሪ ጉባኤ፣ ከም ሓላፊ ቤት ትምህርቲ ካድር ኮይኑ ተመደበ። ድሒሩ ኣብ’ቲ ብስዉእ ተጋዳላይ ኣዜን ያሲን ሸይኸዲን ዝምራሕ ዝነበረ ቤት ጽሕፈት ወጻኢ ዝምድናታት ከም ሓላፊ ዓንኬል ኣፍሪቃን ኤውሮጳን ኮይኑ ተመደበ። ፍትሓዊ ጉዳይ ኤርትራ ኣብ ኣህጉራዊ ዓውዲታትን ኣህጉራዊ ውድባትን ንምብጻሕ ልሉይ ግደ ነበሮ።

ከምኡ’ውን ስዉእ ዶር. ሃብተ ምስ ናይ ነዊሕ ዓመታት ዝኾነ ብጻዩ ዶር. ዩሱፍ ብርሃኑ ኮይኑ ሓደ ካብ’ቶም መስረቲ ማሕበር ቀይሕ መስቀልን ወርሕን ኤርትራ’ዩ። መግዛእታዊ ሰራዊት ኢትዮጵያ ኣብ ልዕሊ ህዝቢ ኤርትራ ብስንኪ ዝፍጽሞ ዝነበረ ግፍዕታት፡ ካብ ዓዲታቶም ንዝተመዛበሉን ዝተሰደዱን ኤርትራውያን ኣብ ትሕቲ ምምሕዳር ተጋድሎ ሓርነት ኤርትራ ኣብ ሓራ መሬት ብምዕቋብ ስቕያቶም ኣብ ምቅላል ስዉእ ዶር. ሃብተን መሳርሕቱን ኣገዳሲ ተራ ነይርዎም። ኣብ ርእሲ’ዚ ኣብ ትካል ሕቡራት ሃገራት ዮነስኮ ዓቢ ጻዕሪ ብምክያድ፡ ኣብ ከሰላ ንስደተኛታት ዝኸውን 2^ይ ደረጃ ቤት ትምህርቲ ኣብ ምኽፋት ወሳኒ ተራ ከም ዝነበሮም ኩሉ ዝፈልጦ ሓቂ ኢዩ።

ስዉእ ዶር. ሃብተ ተስፋማርያም፣ ኣብ ጉዕዞ ተጋድሎኡ ኣብ ሓያሎይ ሓላፍነታት ተመዲቡ ዓቢ ሃገራዊ ኣስተዋጽኦ ዘበርከተ ተቓላሳይ ኢዩ። ኣብ መወዳእታ፡ ኣባል ሃገራዊ ባይቶ ንዲሞክራስያዊ ለውጥን፣ ካብ 2014 ኣትሒዙ ድማ፣ ኣቦ መንበር ፈጻሚ ኣካል ግንባር ሃገራዊ ድሕነት ኤርትራን ኮይኑ ክሳብ ዕለተ መስዋእቱ ገድላዊ ዕማማቱ ብተፋይነት ዝፈጸመ ሓርበኛ ኢዩ።

ስዉእ ዶር. ሃብተ በዓል ሓዳር ኮይኑ ካብ ወይዘሮ ኣድያም ተኽሊት ሓንቲ ጓል (ዶክቶር ሚሌን)ን፡ ክልተ ኣዋዳትን ሰነድን ስሄልን ወለደ።

ሙሉእ ዕድመኡ ዝኸፈለሉ ሃገራዊ ዕላማታት ክሳብ ዝረጋገጽ፡ ኣሰሩን ኣሰር ኩሎም ጀጋኑ ስዉኣትናን ብምሓዝ ጎዕዞ ተጋድሎና ንቕድሚት ክሳብ ዓወት ኪንምርሽ ምኹንና ቃልና ነሕድስ።

ዝኽርን ዘልኣለማዊ ክብርን ንጀጋኑ ስዉኣትና !!

ፈጻሚ ኣካል ግንባር ሃገራዊ ድሕነት ኤርትራ።

20/1/2017