Subscribe to this RSS feed
Sunday, 15 February 2015 10:16

ህዝቢ ኤርትራ እንተዝሓተናኸ?

Written by
ህዝቢ ኤርትራ እንተዝሓተናኸ?

ርእሰ-ዓንቀጽ

“ቃልስና ምእንቲ ህዝቢ ኤርትራ እዩ። ቃልስና ተዓዊቱ ዝበሃል ከኣ ናይ ህዝብና ጭንቂ ብራህዋ ምስተደብሰ እዩ። እቲ ናብዚ ዓውትዚ ዘብጸሓና ሓቀኛ ለውጢ ከኣ እቲ ካብቲ ዋና ለውጢ ህዝብና ዝነቅል እዩ ” ዝብሉ ሓረጋት ካብቶም ካብ ነዊሕ ግዜ ጀሚርና መውጽእ ኣፍና ጌርና ክንዝምሮም ዝጸናሕና ሓርጋት እዮም። ሓቅና ከኣ ንሱ እቲ ኣፍ ከለዎ ዝተለጉመ፡ ኢድ ከለዎ ዝተኣስረ፡ ብርሃን እንከሎ ዝጸልመቶ ህዝቢ ኤርትራ ስለ ዝኾነ ክንብጀወሉን ድምጹ ከነስመዓሉን ኢና ምባልና ዘምሕረልና እምበር ዘኽፍኣልና ኣይምኾነን። ኣካል ህዝብና ስለ ዝኾና ናይቲ ህዝብና ብቓልሱ ዘመዝግቦ ጸጋ ተጠቀምቲ ምዃና ኣይንዝንግዖን ኢና። እቲ ካባና ካብ ተቓወምቲ ዝድለ ናይቲ ከስመዖ ዝግብኦ ድምጺ እንከለዎ ልሳኑ ዝተዓጽወ ህዝቢ ልሳን ኮንካ ምብቃዕ እዩ። እዚ ከነማልእ ክሳብ ዘይከኣልና ንቃለስ ኣለና ምባል ኪኖ ድኻም ትርጉም ከም ዘየብሉ ፍጹም ክንስሕቶ ዘይግብኣና እዩ። እቲ ሕቶ እምበኣር ”እቲ ብስሙ እንብሎን እንገብሮን እቲ ናይ ልቡን ትጽቢቱን ድዩ ወይስ ንትጽቢታቱን ሃረርታኡን መዝሚዝና ኢና ጸቢብ ስምዒታትናን ህርፋናን ንነዝሕ ዘለና?” ዝብል እዩ። ዋላ’ኳ በቲ ካብ ልቢ ድዩ ካብ ክሳድ ንላዕሊ “ህዝቢ እዩ ወሳኒ” ዝብል ጭርሖ ብዙሓት ንደዓዓስ እንተኾና፡ ካብቲ ኣብ ደንበ ተቓውሞና ብስም ህዝቢ ዝቃልሕ ዳንኬራ መብዛሕትኡ ብስምቲ ሎሚ ዘይዛረብ ዘሎ ጽባሕ ግና ምዝራቡ ዘይተርፎ ህዝቢ ዝመሓልን ዝጠሓልን ናቱ ናይቲ ለውጢ ዝጽበ ዘሎ ህዝብና እዩ ክትብሎ ዘጸግመሉ ኩነታት ንዕዘብ ኢና።

ብፍላይ ንእዋናውነትን ቀዳምነታትን ዛዕባታት ብዝምልከት እሞ ከኣ፡ እቲ ጉዳይ ግልብጥሽ እዩ ዝመስል። ሎሚ ህዝብና ውሱናት፡ ሃይማኖቶም፡ ብሄሮም፡ ቋንቋኦም፡ ኣውራጅኦምን ድሕረባይተኦም ኣብ ቃልሲ ምእንቲ ነጻነት፡ ብዘየገድስ ጸረ ደሞክራሲ ባህሪኦም ዘጫነዎም ብዲክታቶር ኢሳያስ ኣፈወርቂ ዝተጠመቑ፡ ውሱናት ኣካላት እዮም ጸላእተይ እዩ ዝብል ዘሎ።። ብስንኪ እዚ ጸረ ደሞክራሲ ጉጅለ ዕድመ ስልጣኑ ንምንዋሕ ዝፈጠሮ ምፍልላይ እንተዘይኮይኑ፡ እቲ መናብርትናን ጸጋናን እምበር ሓድሽ ዘይኮነ ኩለመዳያዊ ብዙሕነትና ኣይኮነን ጸገምና ይብል ከም ዘሎ ኢና እንርዳእ። ርኢና ከምዘይረኣና ክንሓልፎ እንተዘይኮይና፡ ንዓና ነቶም ቃናኦም ክንልውጡ ዝጽዕሩ ዘለዉ እውን ይጠፍኦም እዩ ኣይንብልን። ምኽንያቱ ኣብኡ እንዲና ዓቢና። ነዚ ብዝሑነትና ዓቂብና እንዲና ቀዳማይ ምዕራፍ ቃልስና ኣዕዊትና። ህዝቢ ኤርትራ ከምቲ “ህበይሲ ካብቲ ኣብ መቐመጫይ ዘሎ እሾኽ እሞ ቅድም ኣገላግሉኒ፡ ነቲ ዝተረፈስ ኮፍ ምስ በልኩ የርክበሉ” በለት ዝበሃል፡ ናይ ህዝብና ናይ ቀዳምነታት ቀዳምነት ንጉጅለ ህግደፍ ሓጢጥካ ምድርባይ እዩ። እዚ ንሕና ተቓወምቲ እውን ፍልልያትን ስምምዓትን ንስራዕ ክንብል እንከለና እንብሎ’ዩ። እንተኾነ ብተግባር ክንመዝኖ እንከለና ገሌና ካብ ሓይልታት ተቓውሞ ከምቲ እንብሎ ክንከውን ከም ዘይበቓዕና ንርእዮ ዘለና እዩ።

ኣብ ክንዲ ምእንቲ ብሓባር ተጓዒዝና ኣብ ንህዝብናን ሃገርናን ኣብ ዘዕግብ ውጽኢት ምእንቲ ክንበጽሕ ነታ ዝርካባ ተራኽበና ኣውንታዊት መሰማምዒት ነጥቢ፡ ንኣብነት ምውዳቕ ጉጅለ ህግደፍ ከነዕብያ ንጽዕር፡ ንሓንሳብ ኣርሒቕና ንቕድሚት ብምቁማት ንሓንሳብ ድማ ኣርሒቕና ንድሕሪት ብምምዕዳው “ኣበይ ኣላ ዘይተሰማምዕ ነጥቢ” ኢልና ሃነፍነፍ ንብል እሞ፡ ነቲ ሓቢርካ ንቕድሚት ንምጉዓዝ ገታኢ ክኸውን ዘይግበኦ ዝነበረ ፍልልይ ኣተዓባቢና ሰማይ ነዕርጎ። ነቲ ፍልልይ ድማ ናብ ጽልኢ ነደይቦ። እቲ ብዛዕባቲ ጀማሪ ሰውራ ሓምድ እድሪስ ዓወተ ቅድሚ ዳርጋ ሰለስተ ዓመታት ዝተፈጥረ ህቦብላ ከም ኣብነት ምውሳድ ዝከኣል እዩ። ከምቲ ወለድና “ምስ ሓመምካ ምሓረኒ እምበር ስለምንታይ ኣሕመምካኒ ኣይበሃል’ዩ” ዝብልዎ፡ ካብ ተፈጥረ፡ “ስለምንታይ ዝፈላሊ ሓሳብ ይፍጠር? ዝብል ሕቶ ከነስተማቕር ኣይኮናን ግዜን ጉልበትን ከነባኽን ዝግበኣና። እቲ ናይ መስተውዓልትን ሓላፍነታውያን ሓላፍነት ክኸውን ዝግብኦ፡ ”ከመይ ጌርና ነቲ ፍልልይ ከነወግዶ ንራታዕ ዘይኮነስ ከመይ ጌርና ንዓኡ ወጊና፡ ነቶም ዘሰማምዑና ንመጻኢና ብኣሉታ ክጸልው ብዘይክእል ኣገባብ መስመር ነትሕዞም’ዩ ክኸውን ዝግብኦ። “ዝገበረኒ ክገብርሲ፡ ዓዲ ነየጋብር” ዝብል ምስላ ወለዲ ምስዚ ኩነታት ከም ዝኸይድ ኣይንስሕቶን ኢና።

ብሰንኪ ኤርትራ ናብ ሓንቲ ዓባይ ቤት ማእሰርቲ ተቐይራ ምህላዋን፡ ናትና ሰርሲርካ ናብ ህዝቢ ክትኣትው ዘይምኽእልን ተደማሚሩ፡ ህዝብና ወጻኢ ካብ ኤርትራ እንታይ ይግበር ከም ዘሎ ብዝምልከት ዓሚቝ ቀጻሊ ሓበሬታ የብሉን ይኸውን። እንተኾነ ናይ ግዜ ብረታዊ ቃልስና ተመኩሮ ተመሊስና እንተ ዳህሲስናዮ፡ እሞ ምስዚ ሎሚ ዘሎ ናይ ቴክኖሎጂ ዕቤት ተተዛሚድናዮ ግና ብውሕዱ፡ ነቲ ዝኾነ ውድብ ድዩ ማሕበር ከምዚ’ዩ ፖለቲካዊ እምነተይ ኣብ መጻኢት ኤርትራ ኢሉ ዘቕርቦ ሓሳብ ዋላ ብጩራ ኣይፈልጦን እዩ ማለት ኣይኮነን። ብሓባር ኮይኑ’ኳ ክቃለሖ ተዘይከኣለ፡ ህዝብና ዋላ በብውልቁ እሞ ድማ ኣብ ገገዝኡ ኮይኑ፡ በቲ ኣውንታና ተስፋ ከም ዝሰኩዕ፡ በቲ ድኽመትና ድማ መዓንጣ ከብዱ ከም ዝሓርር ምግማቱ ዘጸግም ኣይኮነን። ንሕና ክንምልሶም ዝግብኣና ሕቶታት እውን ኣለውዎ። “እንታይ እዩ እቲ ብሓባር ኣንጻር እዚ ስጋና ልሒጹ ዓጽምና ዝቑርጥም ዘሎ ጉጅለ ህግደፍ ዘየሰልፎም ዘሎ? ንሕና ንጽበዮም ዘለና ንጉጅለ ህግደፍ ከተኣልዩናሞ፡ ደሓር ዝተረፈ ጉዳይና ኣብ ትሕቲ መትከል እሂንምሂን እናተባሃሃልና ንዓምም ኣንዳበልና፣ ነዚ ሸለል ኢሎም፡ ክብደትን ቀዳምነትን ዘይንህቦ ፍልልያት ክትተዃትኹ ትውዕሉ ስለምንታይ?፡ ኣንቱም ሰባት፡ ዘለናዮ ጸልማት እዩ። ካብዚ ጸልማት መውጽኢ መንገዲባ ሓብሩ? ….” ዝብሉ ሕቶታት ኢዮም። እቲ ህዝብና ዝጽበዮ መልሲ ከኣ ኣብ ጠረጴዛን ወረቐትን ዘኹድድ ዘይኮነስ ኣብ ባይታ ዝረአን እንሀኹ ዝብልን እዩ።

ከምቲ “ርሑቕ ዓድስ መሐሰዊ” ዝበሃል ኩልና ሐሒዝናዮ ንዘለና ፖለቲካዊ ፖሊሲ ንህዝብና ዘዕግቦን ዝቕበሎን ከም ዝኾነ ኢና ንኣምን። ከምዚ ምእማናስ ኣይመጸገም፡ እቲ ህዝቢ ብቕምጡ ርግጸኛ ኮይንካ ምቕራብኳ ዘሰክፍ እንተኾነ፡ እቲ ጸገምስ ነቲ ኣነ ዝኣምነሉ እንተዘይተቐቢልኩም ኣዝማድ ህግደፍ ኢኹም ኢልካ ንነብስኻ ብጹእ ናይ ብጹኣት ጌርካ ከተቕርብ ምምጥጣር ይቀላቐል ምህላዉ’ዩ። እንተኾነ ከምቲ ህዝብና ዋላኳ ብኣካል ረኺቡ ከዛርበና ዕድል እንተዘይረኸበ፡ ብዛዕባኡ እንታይ ክንብል ከም እንውዕል ግና ኣይጠፍኦን እዩ፡ እቶም ናይዚ ጌጋ በሃልቲ’ውን፡ ክዕምጹ እንተዘይደልዮም ከሎ ጌና በቲ ሓደ ወገን እቲ ህዝብና ዝድግፎን ክበሃለሉ ዝደልዮን፡ በቲ ካልእ ወገን ከኣ እቲ ኣይኮነንዶ ናተይ ክብሎ፡ ክዝረብን ክጸሓፍን እንከሎ ዕረ ዝጥዕሞን ዝቃወሞን ኣይፈልጥዎን እዮም ማለት ኣይኮነን። እቲ ካብ ልቢ ህዝብና ንዘይነቅል ሓሳብ፡ “ናይ ህዝቢ ድሌት እዩ” እንዳበልካ ሒዝካዮ ምዃድ፡ ኣብ ውሽጡ ጽባሕ ህዝቢ እንተተቐበሎ ጽቡቕ፡ እንተዘይተቐበሎ ከኣ ነገድዶ ዝብል ተመኩሮ ጉጅለ ህግደፍ ዝደግም ብደዐ ከይህልዎ፡ ዘየስግእ ኣይኮነን። ንርእሶም መሪሕን ደሞክራሲያውያንን ውድብ ወይ ምንቅስቓስ ብዝብሉ ቅጽላት ኣመላኺዖም “ህዝብና ዝጠቕሞን ዝጐድኦን ስለ ዘይፈልጥ ንሕና ከምዚ ይሕሸካ ከምዚ እዩ ወጽዓኻ ክንብሎ ናይ ግድን እዩ” ብዝብል ስርንጢጥ ክኣትዉ ዝደልዩ እውን ኣለዉ። እቲ ናይ ደሞክራሲያውነት መለክዒኦም እንተንዝርዝሮ እሞ ድማ መሊሱ ዝያዳ መስደመመና።

እቲ ጉዳይ “ግደ ዓዳላይ ደልዳላይ” ዝዓይነቱ እዩ። እዚ ኣገላልጸኦም ብዛዕባ ግደ ህዝቢ፡ ምስቲ ህግደፍ “ህዝብና ስለ ዘይነቐሐ ከብዱ እንተመሊእካሉ ደሞክራሲ ኣየድልዮን እዩ” ዝብሎ ኣሽካዕላል ዘየሳኒ’ውን ኣይኮነን። ንኣብነት ሓድነት ህዝብን መሬት ኤርትራ ኣጽኒዕካ ምሓዝን ምዕቃብን ኣብ ኩሉ ዝሓለፈ መድረኻት ናይ ሓያልነቱ ምስጢር ምንባሩ ህዝቢ ኤርትራ ይፈልጦ እዩ። ካብ ምፍላጥ ሓሊፍሉ፡ ነዚ ሓድነቱ ገጢምሉ፡ ደሪስሉ፡ መዲርሉን ኣዝይምሉን እዩ። ነዚ ዘንጊዕካ፡ ሓድነታ ኣብ ዝተሓለወት ኤርትራ ደሞክራሲ ክትከል ኣይክእል እዩ ናብ ዝብል መደምደምታ ዘምርሕ ዕላል ምስማዕ ዘገርም ኮይኑ ዘሎ እዩ። ኣቦና ሱናባራ መሓመድ ደበና ምስ ዓረፉ፡ ሓደ ብዛዕባኦም ሰፊሕ ኣፍልጦ ዝነበሮም ኤርትራዊ፡ ቃል ሓዘኖም ክገልጹ እንከለዉ፡ መዋቲ ብህይወት እንከለዉ የስምዕዎ ካብ ዝነበሩ ወርቃዊ ቃላት “ንሕና ኤርትራውያን ከም ጸባ ሓንቲ ላምን እቶት ሓንቲ ዓውድን ኢና” ዝበልዋ ጠቒሱ። ካብዚ ወርትግ ዘይሃስስ ላዛ ሓድነት ነቒሉ ህዝብና ሎሚ ብኣካል ረኺቡ ሚዛና ኣብ ዕዙዝዝነት ሓድነት ከነንጽረሉ እንተዝሓተና፡ መልስና እንታይ መኾነ እንድዒ። ካብዚ ናይ ሎሚ ኣተሓሕዛና ሓደ ዓይነት መልሲ ከምዘይንህቦ ግና ንጹር እዩ። ንሕና ኣብ ደገ ኮይና ኪኖ ናይቲ ኣባላቱ ዝኾና ውድብ ወይ ማሕበር ናይ ህዝቢ ውክልና ዘይብልና ክንስና ”ህዝብና ከምዚ’ዩ ዝደሊ ክንብል እንዳወዓልና፡ መስመር ቀይርና “ህዝቢ መጻኢ ዕድሉ ባዕሉ እምበር ካልእ ዝውስነሉ የለን” እንዳበልካ ምምጽራይሲ ምስ ምንታይኮን ይቑጸር። ንሕለየሉ ደኣ ንመላሳይ እምበር እዚ እውን ህዝባዊ ሕቶ ዘየልዕል ኣይኮነን።

ሓደ ግዜ ኣብ ገለ ክፋል ደንበ ተቓውሞና፡ ብዙሓት ኤርትራውያን ብሓባር ስለ ዝተኣከብና ህዝባዊ ውክልና ኣለና ዝብል ዘረባ ከይዱ ሳዕሪሩ ነይሩ። ግዚያዊዶ ናይ ስደት መንግስቲ ክንምስርት ኢና ዝብሉ ወረታትውን ይነፍስ ነይሩ። ደሓር ግና ገለ ህድግለነ ዘለዎም መስተውዓልቲ ግዲ ተረኺቦም፡ ኣዚ ኣበሃህላዚ ኣብ ሓጺር ግዜ ቅሂሙ። ኣብ ክንድኡ፡” ኣይኮነንዶ ንህዝቢ ኤርትራ ንብመላኡስ ንደንበ ተቓውሞ’ውን ኣይንውክልን፡ ውክልናና ነተን ኣብቲ መገባእያ ዝወዓላ ውድባት፡ ማሕበራትን ውልቀሰባት ጥራይ እዩ” ብዝብል ተተኪኡ። ግና “ምእራሙስ ጽቡቕ፡ እቲ ምድንዳንከ እንታይ ኣምጸኦ? ዝብል ናይ ህዝቢ ሕቶ ምልዓሉ’ውን ኣይተረፈን።

15 ለካቲት 2015

Published in EPDP Editorial
Read more...
Saturday, 14 February 2015 16:53

Radio Eri-Voice Of Liberty Feb 14 2015

Written by
Radio Eri-Voice Of Liberty Feb 14 2015
Published in Radio
Read more...
Saturday, 14 February 2015 16:38

“ህዝቢ ኣስመራ ካብዛ ዲጋ’ዚኣ ሳንኪሎ ማይ ኣይረክብን’ዩ”፡ ናይ ኢሳያስ ፈኸራ

Written by

ብናይ ውልቀይ ህጹጽ ጉዳይ ካብ ኣሜሪካ ናብ ዓዲ ከይደ፡ ንእግሪ መገደይ፡ ኩነታት ሃገር ተገንዚበ ዝተመለስኩ ኤርትራዊት’ኢየ።

ኣብ ሃገርና ኣብ ዝጸናሕኩሉ ሓጺር ናይ ሽዱሽተ ሰሙን ግዜ ህሉው ኩነታት ሃገርናን ህዝብናን ክዕዘብ ኣኽኢሉኒ’ዩ።

ከም ትዕዝብተይ፡ እዞም ንኤርትራ ነመሓድራ ኣሎና ዝብሉ ህግደፍ፡ ንኤርትራ ሃገርና ደፊኦም ደፋፊኦም ኣብ ገምገም ጸድፊ ኣብጺሖማ ከም ዘለዉ መስክሩለይ ዘየድልዮ ሓቂ’ዩ። እታ ኣነ ቅድሚ ዓሰርተ ሓሙሽተ ዓመት ዝፈልጣ ዝነበርኩ ኤርትራ ብኩሉ መዳያ ቆሲላ ዝተረፋ የብላን እንተበልኩ ምግናን ኣይመስለንን።

ኣብ ዝኸድካዮ ቦታ እንትርፎ የለን ዝብል ቃል ካልእ ዘይትሰምዓላ ሃገር ጌሮማ። ገዛ የለን፡ መብራህቲ የለን፡ ማይ የለን፡ ነዳዲ የለን፡ ባኒ የለን፡ ብሓጺሩ፡ ዘሎ የለን። ልዕሊ ኩሉ ድማ መንእሰይ የለን። ህዝቢ ብሕሰም ተጨማዲዱ ዘይምሱል መሲሉ። 

ውልቀ-መላኺ ኢሳያስ ዲጋ እሰርሕ ኣሎኹ እንዳበለ ኣብ ዓዲ-ሃሎ ቤት ጽሕፈት ኣስሪሑ። ናይ ጸይቂ ስርሓት ክኣልም ይውዕል ከም ዘሎ ህዝቢ ኣስመራ ብሰፊሑ ዝዛረበሉ ዘሎ ጉዳይ ኢዩ። ሓደ መራሕ ሃገር ከም ሓደ ጂኦመትራ ኣብ ሓንቲ ንእሽቶ ዲጋ ተጸሚዱ ክውዕል ከሎ ብዙሕ ዘዛርብ’ዩ። ስለ ዝኾነ፡ ብዙሓት ሰባት ከም ዝተጸለለ፡ ገለ ከኣ ከም ንዕቀት ኣብ ልዕሊ ህዝቢ ኤርትራ፡ ክገልጹዎ ይስማዕ። ብዝኾነ፡ እቲ ኮይኑ እዚ፡ ህዝቢ ኤርትራ ብከምዚ ዓይነት መራሒ ክመሓደር ዘተሓሳስብ ጥራይ ዘይኮነ ዘሕፍር ኢዩ።

ኢሳያስ ካብቲ ኣረቂ ምዒጉ ምውቕ ምስ በሎ፡ “ህዝቢ ኣስመራ ካብዛ ዲጋ’ዚኣ ሳንኬሎ ማይ ኣይረክብን ኢዩ” ኢሉ ከም ዝህውትት መሳኽርቱን መዛውርቱን ዝምስክሩዎ ሓቂ’ዩ። እዚ ኣብ ልዕሊ ህዝቢ ኤርትራ ክሳብ ክንደይ ጽልኢን ንዕቀትን ከም ዘለዎ፡ ብሓደ ወገን፡ በቲ ካልእ ድማ፡ ክሳብ ክንደይ ተጸሊሉ ከም ዘሎ ዝእምት’ዩ። ስለዚ፡ እዛ ዲጋ ንመናወራ ኣብ ልምዓት ኢየ ተጸሚደ ዘሎኹ ንምባል ዝጀመራ’ምበር ተዛዚማ ኣብ መዓልኣ ከም ዘይትውዕል ኩሉ ህዝቢ ኣረጋጊጹ ኢዩ ዝዛረበላ ዘሎ። ኢሳያስ፡ “ህዝቢ ኣስመራ ካብዛ ዲጋ’ዚኣ ሳንኬሎ ማይ ኣይክረክብን’ዩ” ክብል እንከሎ ከኣ፡ ብዕላማ፡ ከም ዘይትዛዘም ስለ ዝፈልጥ ኢዩ። እስኪ ኢሳያስ እዛ ስራሕ’ዚኣ ዛዚሙ ኣብ መዓላኣ ኣውዒሉዋ ዝብል እንተሎ የብርሃልና ዝብሉ ተዓዘብቲ ውሑዳት ኣይኮኑን::

ብኣጠቓላሊ፡ ኣብ ሃገርና ብኢሳያስ ዝካየድ ኩሉ መደብ ስራሓት ክዕዘቦ ከሎኹ፡ ኢሳያስ፡ ንቡር ናይ መራሕ ሃገር ስራሕ ሰሪሑ ከም ዘይፈልጥ ኢየ ዝርዳእ። ድሕሪ 2001፡ እሞ ከኣ ካብ “ወፍሪ ዋርሳይ ይከኣሎ”  ክሳብ ሎሚ ናይ ጽላለ መደባት’ዩ  ዘካይድ  ዘሎ ::  ወፍሪ ዋርሳይ ይከኣሎ ብግቡእ ኣብ ዝግምገመሉ እዋን፡ ክሳብ ክንደይ ሰብኣውን ንዋታውን ጸጋታት ሃገርና ብብላሽ ከም ዝሃለቐን ከም ዝባኸነን ገምገምቲ ከም ዝስንዱዎ ርዱእ ኢዩ። ብዙሓት፡ ንወፍሪ ዋርሳይ ይከኣሎ ናይ ባርነት ወፍሪ ከም ዝኾነ ተንቲነም ኢዮም :: ወፍሪ ዋርሳይ ይከኣሎ ዝብሃል መደብ ዝያዳ ዝኸፍአ ዝገብሮ ባርነት ኣብ መበል 21 ክፍለ ዘመን ኮይኑ ህዝቢ ኤርትራ ይበታትን ብምህላው ኢዩ።           

ኢሳያስ ሓደ መራሕ ሃገር ክሰርሖ ዝግባእ ስራሕ ፈጺሙ ሓዲጉዎ ኢዩ ጥራይ ዘይኮነ ንክሰርሕ ዓቕሚ ኮነ ጥዕና የብሉን። ንኣብነት፡ ኣብ ከባቢ 2005 ቤት ጽሕፈት ኣብ ባጽዕ ከፊቱ፡ ኣንጻር ወያነ፡ ብቐንዱ ከኣ ንመለስ ክረክብ፡ ምስ ኣል-ሸባብ ተመሓዝዩ ከም ዝተጨማለቐ ዝዝከር ኢዩ። ከም ሳዕቤን ከኣ ሃገር ከም ዓዲ ሸፋቱ ተጸብጺባ ብእገዳ ከም ትኮራመት ኮይና። ሕጂ ድማ፡ ብተመሳሳሊ፡ ኣብ ዓዲ ሃሎ ቤት ጽሕፈቱ ኣስሪሑ ስልጣኑ ዝናውሓሉ ውዲታት ምስ ደምሒትን ካልኦትን ኮይኑ ይኣልም ከም ዘሎ ኢዩ ዝግመት። ከም ተወሳኺ፡ ጨርቁ ደርብዩ ተጸሊሉ ከይከውን’ውን ዘይግመት ኣይኮነን። ምኽንያቱ፡ ዝሰርሖ ዘሎ ስራሕ ናይ ጽሉላት ስለ ዝመስልን ስለ ዝኾነን። ቕዋም ክንነድፍ ኢና ማለት ንባዕሉ ዕብዳን’ዩ።    

ክንነብር ብሃልቲ ተበለጽቲ ሚኒስተራትን ኣመሓደርትን፡ ከምኡ’ውን መሰልቶምን፡ መራሕኦም ኣብ ከምዚ ጽላለ እንዳሃለወ፡ ናብ ዓዲ ሃሎ ከይዶም ኢዮም ብስራሕ ክረኽቡዎ ዝፍትኑ። ቤት ጽሕፈትካ ደኣ ስለምንታይ ኣብ በረኻ ጌርካዮ ዝብሎ የለን። ብዕሊ ዘይተኣወጀ ኮይኑ’ምበር፡ ብግብሪስ ንዓዲ ሃሎ ናብ ርእሲ ከተማ ኤርትራ ቀይረያ ኢየ ኢዩ ዝብለና ዘሎ።

ሃገርና ብሕጽረት ዝተፈላለዩ ሃለኽቲ ነገራት እንዳ ተሓመሰት፡ ንበይና ተነጺላ መኣዝና እንዳ ሰሓተት፡ ከምኡ’ውን መንእሰይ ኮነ ቆልዓ-ሰበይቲ ብእኩብ ካብ ሃገር፡ እሞ ድማ ናብታ ጸላኢት ሃገር እንዳ ተባህለት ብህግደፍ እትንገሮም ሃገረ-ኢትዮጵያ እንዳ ተሰዱ፡ ንሱ ኣብ ዓዲ ሃሎ ተሓቢኡ ንባዕሉ ዘገድሶ ተንኮላት ክፍሕስ ይውዕል ኣሎ። “ኣብ በረኻ ክውዕል ከሎኹ የእምሮይ ይሕይል” ከም ዝብል’ውን መሳኽርቱ ይዛረቡዮም።

ኣገልገልቱ ጀነራላትን ኮሎኔላትን ከኣ ንሳዋ ምኻድ ዝኣበዩ መንእሰያትን ናብ ታዕሊም ምኻድ ዝኣበዩ ዓበይቲን ክሃድኑን ክገፉን ሰብ ድቃስ ከሊኦም ኣለዉ።

ካልእ፡ ኤርትራ ብጋህዲ መነሃርያ ጸሊም ዕዳጋ ኮይና ከም ዝተረፈት ኢየ ተገንዚበ። ካብ ግዜ ሰውራ ጀሚሩ ናይ ኮንትራባንድ ስርሓት የካይድ ከም ዝነበረ ዝንገረሉ ነስረዲን በኺት (ወዲ በኺት)፡ ነቲ ንስሙ ሚኒስትሪ ንግድን ኢንዱስትሪን ዝብሃል ትካል ኣጠቓሊሉ፡ ኣብ ተሰነይ-ገሉጅ ኮይኑ፡ ናይ ሚኒስተር መዓርግ ለቢሱ ከም ዘመሓድሮ ገይሩዎ   ኣሎ። ኩሉ’ቲ ዕላዊ ክኸውን ዝግብኦ ንግዳዊ ስርሓት ብጸሊም ዕዳጋ ተለዊጡ ኢዩ ዝካየድ ዘሎ። ብሚኒስትሪ ንግድን ኢንዱስትሪን ዝፍለጥ ዝነበረ ኣብ ጎደና ሰማእታት ዝርከብ ህንጻ፡ ገረውረው ዝብል ህንጻ ጥራይ ኮይኑ ተሪፉ። ስራሕ የብሉን።

ኣብ ልዕሊ’ዚ፡ ኣብ ከተማታት ኤርትራ ዝነበራ መዐደሊታት ነዳዲ (በንዚንን ናፍታን) ሎሚ-ጽባሕ ስርሐን ክጅምራ ኢየን እንዳ ተባህለ፡ ስርሐን ጠጠው ኣቢለን ተዓዚበ። ሚኒስተር ወዲ በኺት ብኮንትራባንድ ዘእትዎ ዘሎ በንዚንን ናፍታን ኣብ ፈቐዶ ጎደናታት ብናኣሽቱ ጀሪካናት ብክቡር ዋጋ ክሽየጥ ተዓዚበ።

እቲ ካልእ ኣገራሚ ጉዳይ፡ ኣብ ኤርትራ ዝርከባ ባንኪታት፡ ናይ 100ን ናይ 50ን ናቕፋ ባጤራ የብለንን። ናይ ዓሰርተን ናይ ሓሙሽተን ናቕፋ ባጤራ ጥራይ ኢዩ ዝወሃብ። ንዕኡ ክትረክብ’ውን ብክንደይ ልማኖ’ዩ። ባንኪታት ሰልዲ የብልናን ዝብላሉ ግዜ’ውን ኣሎ። እቲ ናይ 100 ኮነ ናይ 50 ባጤራ ኣብቲ ብክብሪ ዝኣክል ምኽኣሉ ተሳኢኑ ዘሎ ጸሊም ዕዳጋ ከም ዝተዋፈረን ምስ ህግደፍ ዘውደልዱሉ፡ ከም ብዓል ወዲ በኺትን ወዲ ለገሰን ዝኣመሰሉ፡ ካብ ባንኪታት ተለቂሖም ስለ ዘይመለሱዎን ምዃኑ ይግለጽ። እታ ዓዲ ፍጹም ዓዲ ሸፋቱ ኮይና ስለ ዘላ፡ ዝሓዝካ-ሒዝካ ምሽፋት’ዩ ዘሎ። መራሕቲ ህግደፍ ነብሶም ክንዲ ዝፍትሹ፡ ሓንሳብ ብኣሜሪካ፡ ሓንሳብ ድማ ብናይ ውሽጢ ተጻባእቲ፡ ወዘተ እንዳመሳመሱ፡ ዓዲ ቀቲሎማ ኢዮም። ንባዕሎም ከም ጲላጦሳት ጌሮም ኢዮም ዝወስዱዋ። ኣይሓፍሩ ኣይሓንኩ፡ ህዝቢ ብሕማምን ብጥሜትን እንዳ ተሓመሰ ሽቶታት ዓለም ወቒዕና ክብሉ’ውን ኩልና ንሰሞዖ ዘሎና’ዩ።

ንሃገርና ቀቲሉዋ ዘሎ፡ ልዕሊ ኩሉ፡ ውልቀ-ምልካዊ ኣሰራርሓ ኮይኑ፡ ከም ተወሳኺ ዝኾነ ይኹን ሃገራዊ  ናይ ምዕባለ ስትራተጂ ወይ ውጥን ዘይምህላውን ፍጹም ዝኾነ ናይ ምሕደራ ውድቀትን ኢዩ። ከም ሳዕቤን ከኣ፡ ሰበ-ስልጣን ህግደፍ ብጉቦን ካልእ ብልሽውናን ተቖማጢዖም ኢዮም። ሰበ-ስልጣን ህግደፍ ኣስሪጸሞ ዘለዉ ብልሹው ኣሰራርሓ ንሓዋሩ ሓደ ባዕሉ ዝኸኣለ መንሹሮ ኢዩ። ነዚ ሕማምዚ ንምእላይ መጻኢ ትውልዲ ብዙሕ ስራሕ ክሓቶ ኢዩ።

ናብ ኣስመራ ካብ ዝኣቶኹላ መዓልቲ ጀሚረ ክሳብ ዝወጽእ፡ ቀጻሊ ዝተዓዘብኩዎ ነገር እንተልዩ ሃገር መዓልታዊ ኢያ ትሩኽመሽ ዘላ። እቲ ውድቀት፡ ሰሉስ ካብ ሰኑይ፡ ረቡዕ ካብ ሰሉስ፡ ሓሙስ ካብ ረቡዕ፡ ወዘተ፡ ዝያዳ እንዳ በኣሰን እንዳ ከፍአን ይኸይድ። ናይ ሃገርና ኩነታት ዘረባ የብሉን። ብሓቂ፡ ንክትገልጾ ቀሊል ኣይኮነን። ኣብ ውሽጢ ዝነብር ህዝቢ ኤርትራ፡ ሃገር መዓልታዊ ክትዓኑ ብግብሪ ይግንዘብ ኣሎ። ካብ ኣውያት ሓሊፉ ክገብሮ ዝኽእል ግና የለን።

ስለዚ፡ ብውልቀሰብ እትመሓደር ዓዲ ቀድያ ነይትቐዲ ጥራይ ዘይኮነ ኣብ ገምገም ጸድፊ’ውን ስለ እትርከብ፡ ንሓዋሩ መታን ከይንጸድፍ፡ ኣብ ውሽጢን ደገን ዘሎና ደቂ ሃገር ብሓባር፡ ምስቲ ከርተት ዝብል ዘሎ ሰራዊትና ኰንና፡ ነዚ ንከይንህሉ ብመደብ ዝሰርሕ ዘሎ ስርዓት ክንድምስስ ገለ ክንገብር ይግባእ። ቀዳማይ ጸላኢ ህዝቢ ኤርትራ እዚ ዘሎ ህግደፋዊ ስርዓት’ዩ። ብድሕሪ’ዚ ህግደፋዊ ስርዓት ዝስራዕ ጸላኢ ከኣ ድኽነትን ድንቍርናን ኢዩ።

ስለዝኾነ፡ ሎሚ ተዓዘብቲ እንኾነሉ መድረኽ ኣይኮነን። ሃገር ከም ሃገር ከነድሕነሉ ዝግባእ ግዜ ኢዩ። ከም ሃገርን ህዝብን ናይ ምህላው ሕቶ ኢና በጺሕና ዘሎና። ብሓባር ኰንና “ኣይፋል” እንብለላ እዋን ሕጂ’ያ። 

ሎሚ፡ ካብ ደጋፊ መንግስቲ’ባ ተቓዋሚ’ባ ዝብሃል ግዜኡ ዘሕለፈ ድሑር ሃበስ-ቀደስ ወጺእና ሃገርናን ህዝብናን ከነድሕን እንብገሰሉ መድረኽ ኢዩ። ምኽንያቱ፡ መንግስቲ የብልናን፡ ናይ ሸፋቱ ጉጅለ’ዩ ንመላእ ሃገር ናብ ገደል ዝመርሓ ዘሎ። ዝኸውን ምስ ኮነ ዋይ-ዋይ ፋይዳ የብሉን። ማእለያ ዘይብሉ ሂወትን ደምን የዕጽምትን ግዜን ተኸፊሉዋ ዝተረኽበት ሃገር፡ እንዳ ረአናያ ብመደብ ናይ ሓደ ዕላላ ውልቀ-መላኺ ትራኸስ ኣላ። ኤርትራዊ ተበራበር!!! ብዘይ ውዓል-ሕደርን ብምጽውዋርን ሃገር ካብ ዘላቶ ንምድሓን መድረኽ ይጠልበና ኣሎ። ኣይንዳህለል!!! እንዳበልኩ ኣውያተይ ንህዝቢ አስምዕ።

ካብ በጻሕቲ ሃገር ሓንቲ።

Friday, 13 February 2015 20:26

Voice of Assenna: Panel Discussion Constitution P3

Voice of Assenna: Panel Discussion Constitution P3
Wednesday, 11 February 2015 23:47

Over 300 Persons 'Swallowed Up by the Waves' in the Mediterranean

Written by

The United Nations announced on Wednesday that as many as 300 migrants are thought to have perished in the Mediterranean Sea this week after their boats overturned while attempting to cross from Libya to Italy. Vincent Cochetel, the regional director of the United Nations High Commissioner for Refugees, called the incident a "tragedy on an enormous scale."

The migrants were “swallowed up by the waves,” another United Nations official said. Over the course of the past few months, several incidents involving migrants and refugees have captured (quickly fleeting) attention. Earlier this year, two cargo "ghost ships," carrying nearly 1,500 asylum-seekers and set to autopilot by fleeing smugglers, were rescued before they crashed into the Italian coast. That group constituted a tiny fraction of the 170,000 people intercepted by Italian rescuers in just over one year.

According to experts, Mideast conflict is part of what's spurring the largest mass migration since World War II.  

Late last year, the International Organization for Migration estimated that over 3,000 migrants had died while trying to cross the Mediterranean in 2014. "There needs to be a united response to the question of migration," said Pope Francis, following the rescue of 600 migrants traveling from North Africa to Sicily in November. "We cannot allow the Mediterranean to become a vast cemetery."

This week's events involved four inflatable boats and severe weather. "The sea conditions were extreme," the AP reported, "with waves as high as eight metres (26 feet) and temperatures just a few degrees above zero. Twenty-nine died of hypothermia in the 18 hours it took the coast guard to ferry them to Italy."

The influx of migrants and refugees is coming from North Africa as well as the Middle East, where conflicts have spurred the largest mass migration since World War II—a time when, one expert told The Guardian, the migration was occurring in the opposite direction.

There are fears that the trend will only worsen. In October, Italy suspended Mare Nostrum, a search-and-rescue operation that was launched in 2013 following the deaths of several hundred migrants. Mare Nostrum was an aggressive undertaking that involved scanning the Libyan coastline looking for imperiled ships. Its replacement is Triton, a less-equipped European Union mission, which only monitors the waters close to Europe. However, by the time the boats get that far, it's often already too late.

Tuesday, 10 February 2015 21:04

ግዳይ ኣጀንዳ ህግደፍ ከይንኸውን!

Written by

ኣርዓዶም በርሀ

ኣብዚ እዋን’ዚ ኤርትራውያን ጸገምና ኣዝዩ ብዙሕን ዘይውግኑን እዩ። ንኤርትራ ብዝምልከት ኣጀንዳ መሪጽካ ክዝረብ እንከሎ መዛዘሚኡ ኣጨናቕን ዘየደቅስን እዩ ዝኸውን። ንብዙሓት ተመራመርቲ፡ ዝኾነ ንኤርትራ ዝምልከት ኣርእስቲ ሂብካ ተመራመሩ እንተትብሎም ውጽኢቱ ዘሰክፍን ሓላፍነት ዘሰክምን እምበር ዘሕጉስ ከም ዘይከውን ከም ርዱእ ዝተወስተደ ናይዚ እዋን መደምደምታ እዩ። ህልዊ ኩነታት ኤርትራ ዝያዳ ናይ ካለኦት በዚ ሕጂ ንሕና ንነብረሉ ዘለና ኩነታት ዝሓለፉ ኣካላት ፍሉይ ዝገብሮ፡ እቲ ጸገም ኣብቲ ኣንጻሩ እንቃለስ ዘለና መላኺ ጉጅለ ጥራይ ዘይኮነስ ኣብቲ “ኣነ ናይ ለውጢ ሓይሊ እየ” ዝብል ሸነኽ ተቓውሞ እውን ምህላዉ እዩ። ኣንጻር ጉጅለ ህግደፍ ተቓሊስና ንክንዕወት ካብቲ ንሱ እቲ ጉጅለ ዝመርጾ መንገዲ ጥፍኣት ዝተፈልየ እኳደኣ ዝጻረር፡ ናትና መንገዲ ቃልሲ ክህልወና ይግባእ። ሓያል ዓቕሚ እንተኣጥሪና ከዓ፡ ጉጅለ ህግደፍ ናቱ ኣጀንዳ ምሓዝ ስኢኑ ናይ ኣጀንዳና ግዙእን ኣብ ምክልኻል ዝተወሰነን ክንገብሮ ክንክእል ምተገበኣና። ነዚ ክሳብ ዘይበቓዕና ግና መሪሕ ናይ ለውጢ ሓይሊ ናይ ምዃን ዕድልና ኣዝዩ ጸቢብ እዩ። ኣብዚ ክንርስዖ ዘይግበኣና፡ ስርዓት ህግደፍ ኣንጻሩ እንቃለስ ኤርትራዊ ናይ ለውጢ ሓይልታት ከም ዘለና ብልሳኑ’ኳ እንተዘይተዛረቦ ልቡ ግና ዘይስሕቶ ምዃኑ ፍሉጥ እዩ። እዚ ካብ ኮነ ብውሽጡ ምሽቓሉ ዘይተርፍ እዩ። ነዚ ዘሻቕሎ ኩነታት ናብ ረብሓኡ ንምቕያር ካብ ዝጥቀመሉ ብልሓታት ድማ፡ ተቓወምቲ ናትና ኣጀንዳ ከም ዘይህልወና ገይሩ፡ ናይ ኣጀንዳኡ ግዙኣት እንኾነሉ ኩነታት ምፍጣር እዩ።

ንሕና ተቓወምቲ እምበኣር ኣብ ኩሉ መዳያት ኣንጻር ጉጅለ ህግደፍ ክንሓስብን ክንትልምን ባህርያዊ እንድዩ፡ እንተኽኢልና ጉጅለ ህግደፍ ብናትና ኣጀንዳ ከም ዝኸይድ ንምግዳዱ፡ ነዚ እንተዘይበቒዕና ከዓ ንሕና ናይ ኣጀንዳኡ ግዙኣት ከይንኸውን ክንጥንቀቕን ክንሰርሕን ባህርያዊ ሓላፍነትና እዩ። “እሞኸ ነዚ ግጥሚያዚ ክሳብ ክንደይ ንበቕዖ ኣለና?” ዝብል ሕቶ ክለዓል እንከሎ ግና ኣዝዩ ኣዘራራቢ እዩ። ጉጅለ ህግደፍ ንህዝብና ብኸምዚ ነእውየሉ ዘለና ኣሽካዕላል “ቸቸ” ንክብለሉ ክነዝሖ ካብ ዝነበሮ መርዚ ሓደ ነቲ ህዝቢ ኣብ ሕድሕዱ ከም ዘይተኣማመን ምግባሩ እዩ። ዕላማ ጉጅለ ህግደፍ ህዝቢ ኣብ ሕድሕዱ ከም ዘይተኣማመን ኣብ ምግባር ጥራይ ዝድረት ኣይኮነን። ከም ዝከፋፈልን እቲ ሓደ ኣንጻር እቲ ሓደ፡ ደማዊ”ኳ እንተዘይኮነ ሓሳባዊ ውግእ ከም ዝኸፍት ካብ ምጽዓት ኣይቁጠብን እዩ። ኣዚ ከፋፋሊ ተግባር ኣብ ህግደፍ ዝተጀመረ ዘይኮነስ ዝኾነ ህዝቢ እምነቱ ዝነፈጎ ስርዓት ዝሕበኣሉ በዓቲ እዩ። እዚ ከፋፋሊ ኣጀንዳ ናይ ጉጅለ ህግደፍ ጥራይ እንተዝኸውን፡ እምብዛ ኣይመሻቐለናን። ስለምንታይ እቲ ጉጅለ ንጽቡቕና ከም ዘይሰርሕ ኣቐዲምና ስለ እንርዳእ።

እቲ ዘሰክፍ፡ ዘሻቕል፡ ምናልባት እውን ዘስግእ እምበኣር ገለ ኣካላት ተቓወምቲ፡ እሞ ድማ “ንሕና ኢና ቁጽሪ ሓደ ተቓወምቲ” ክብሉ ዝደናደኑ፡ ናይ ጉጅለ ህግደፍ ዜማ፡ ግና ብዝተፈልየ ግጥሚ ከዝይሙ ክትሰምዕ እንከለኻ እዩ። “መንነትን ባህርያትን እቲ ጉጅለ ከመይ ይመስል?” ክበሃል እንከሎ፡ “ናይቲ ትግርኛ፡ ናይ ከበሳ”፡ አረ ኣይፋልኩምን ናብ ልብኹም ተመለሱ እንተተባህሉ ድማ መሊሶም ናይ ሓንቲ ከበሳዊት ኣውራጃ መንግስቲ እዩ ዝብሉ ወገናት ከም ዘለዉ፡ ቀደም ብወረወረ ንሰምዕ ኔርና፡ ሎሚሎሚ ግና፡ ሕንኮም ጠቕሊሎም ከምኡ እንዳበሉ፡ ኣንጻር ጉጅለ ህግደፍ ንቃለስ ኣለና ዝብሉ ወገናት ከም ዘለዉ ነስተብህል ኣለና። ካብዚ ዝንቡዕ ሚዛኖም ነቒሎም፡ ጉጅለ ህግደፍ ናይ ገለ ክፋል ህዝቢ ኤርትራ ፈታዊ ናይ ገለ ድማ ጸላኢ’ዩ ዝብሉ ኣካላት’ውን ውጥም ቅልቅል ይብሉ ኣለዉ። ነዚ ንምዕዛዝ ድማ ጉጅለ ህግደፍ ካብቲ ጸረ ኩሉ ኤርርትራዊ ባህርያቱ ነቒሉ፡ ኣብ ዝተፈልየ ኩርናዕ ንዝፈጸሞም ገበናት ጥራይ ቆንጢሮም ዝያዳ ከድምቑ ይህቅኑ። እቲ ጉጅለ ዕድመኡ እንተዘይሓጺሩ፡ ብመንጽርቲ ባህሪኡ፡ ሎሚ ንዘይቀተሎ ጽባሕ ከም ዝቐትሎ፡ ሎሚ ንዘይኣሰሮ ጽባሕ ከም ዝኣስሮ ኮነ ኢልካ ብምዝንጋዕ፡ ብፍላጥ ይኹን ብዘይፍላጥ ጉጅለ ህግደፍ ናይ መላእ ህዝቢ ኤርትራ ዘይኮነስ ናይ ዝተወሰነ ከባቢ ጸላኢ ኣምሲሎም ምስክርነቶም ይህቡ። እዞም ወገናት ከምዚ ክብሉ እንከለዉ ካብቲ ብርኡይ ብጉጅለ ህግደፍ ዝውጻዕ መላእ ህዝቢ ኤርትራ ንገለ ክፋሉ፡ “የለን ጉጅለ ህግደፍ ናትካ እዩ። ንስኻውን ናቱ ኢኻ፡ ክልቴኹም ድማ ጸላእትና ኢኹም” እንዳበሉ ዘለና ጸላኢ ንኢሱናስ ካልእ ጸላኢ ይዕድሙልና ከም ዘለዉ ይርደኦምዶ ይኸውን?

“ጉጅለ ህግደፍ ወዲ ሃገር ግና ድማ ጸላኢ ህዝብና ምዃኑ፡ ኣብ ኤርትራ ራህዋ ንክፍጠር እዚ ጉጅለ እዚ ክውገድ ናይ ግድን ምዃኑ፡ ካብ ውድቀት እዚ ጉጅለ ክሳብ ብደሞክራስያዊ ስርዓት ምትክኡ ዘሎ መሰጋገሪ መስርሕ ሰላማዊ ክኸውን ከም ዝግበኦ ... ወዘተ” ዝብሉ መትከላት ንኩላትና ተቓወምቲ ዘሰማምዑ ሓስባት እዮም ተባሂሎም ካብ ዝውሰዱ ነዊሕ ግዜ ኮይኑ እዩ። ሎሚ ጽንሕ ኢልና ክንዕዘብ እንከለና ግና ንነብሶም ባዕላቶም ደሞክራሲያዊ ቅብኣት ኣልቢሶም፡ ናብቲ ቅድሚ ሕጂ ዝተመሓደረን ብሕገመንግስታዊ ብይን ክውዳእ ዝግበኦን ፍልልያት ተመሊሶም “የለን ቅድሚ ዝኣገረ መሰል ብሔራት ክሳብ ምግንጻል ወይ ምትካል ሃይማኖታዊ መንግስቲ ተቐበሉ፡ ነዚ እንተዘይተቐቢልኩም ግና፡ ስምኩም እዩ ተቓዋሚ እምበር መስርዕኩም ምስ ጉጅለ ህግደፍ እዩ” ክብሉ ድንዕምንዕ ዝብሉ ኣካላት ከም ብሓዱሽ ክቀላቐሉ ንዕዘብ ኣለና። እቲ “ደቂ እገለ ኣውራጃ በይንና ክንውደብ ኢና። ደቂ እገለ ኣውራጃ ግና ደንጉየሙና ኣለዉ” ዝብልን በቲ ሒዝዎ ዘሎ ኣካይዳ ናብ ወረዳን ቁሸትን ምንቁልቋሉ ዘይተርፎ ጸቢብነት፡ ዘይሩዘይሩ ናብቲ ጉጅለ ህግደፍ ዝጥቀመሉ ናይ ምፍልላይ ዲጋ ዝፈስስ እዩ።

ሰልፊ ደሞክራሲ ህዝቢ ኤርትራ ንጉዳይ ብሄራት ይኹን ሃይማኖት ኣብ መጻኢት ኤርትራ፡ ኣብ ደንበ ተቓውሞ ኣብ ክሊ እዚ ዛዕባታት’ዚ ዝተወደቡ ውድባት ብምህላዎም ዘይኮነስ፡ ከም ኣገደስቲ ፖለቲካዊ ዛዕባታት ሸለል ኢልዎም ዝሓልፍ ኣይኮነን። ዝኾነ ኤርትራዊ ብሰንኪ ብሄሩ ኮነ ሃይማኖቱ ዝኾነ መሰል ከይንፈጎ፡ ብሄራት ኣብ ዝኾነ ኤርትራዊ ኩርናዕ ይሃልዉ፡ መንነቶም ቋንቋኦምን ባህሎም ከማዕብሉ፡ ኣብ ኩሉ መንግስታዊ ናይ ስልጣን ደረጃታት ግቡእ ቦታ ክህልዎም፡ ይቕበል እዩ ጥራይ ዘይኮነስ ሕብረ-ብሄራዊ ዕላምኡ እዩ። በቲ ካልእ መንገዲ ናይዚ ሎሚ ዝለዓል ዘሎ ብሄራዊ፡ ሃይማኖታውን ካልእ ዘይቅሱን ኩነታትን፡ ጠንቁ ወጽዓ ጉጅለ ህግደፍ ኣብ ልዕሊ ህዝብና ስለ ዝኾነ፡ እዚ ጉጅለ ተወጊዱ ብደሞክራሲያዊ ስርዓት ኣብ ዝተተከኣሉ ክውገድዩ ዝብል ጽኑዕ እምነት ሰደህኤ እዩ። እዚ ጉጅለ ኣብ ዘይተወገደሉ ንጸቢብ ስምዒታት ኣግዚፍካን ንቕድሚት ኣምጺእካን ሎሚ ክትውደኦ ምፍታን ኣሉታዊ ሳዕናቤቱ ብዙሕ ኮይኑ፡ ነቲ ነዚ ጉጅለ ከውድቕ ዝግበኦ ሓባራዊ ናይ ለውጢ ሓይሊ ዘዳኽም እዩ። ናይ’ዚ ሓይሊዚ ምድኻም ድማ ኣጀንዳ ህግደፍ ኣህጢሩ፡ ኣብ ምንዋሕ ዕድመ እዚ ጉጅለ ኣበርክቶ ምውፋይ ምዃኑ ዝዝንጋዕ ኣይኮነን።

ኩላትና “ካብዚ ዘለናዮ ናይ ዋግዋጎ ሃለዋት መዋጽኦ እዩ” እንብሎ ሓሳባት ኣለና። ”ጸገማትና ከምዚ እንተፈጺምና እዩ ፍታሕ ዝረክብ” እንብሎም ሃቐናታት እውን ኣለዉና። ኣብዚ መስርሕዚ ብዘይካ’ቲ ናይ ጉጅለ ህግደፍ ኣብ ሕድሕድና፡ እገለ ውድብ ወይ ማሕበር እዩ ዕንቅፋትና እንዳበልና በትሪ እነወጣውጠሎም ኣካላት እውን ኣለዉና። ኣብዚ ንነብሮ ዘለና ናይ ዕንይንይ መድረኽ ኮይና፡ ከምኡ ምባልና ከም ነውሪ ኣይምተወሰደን። እቲ ጸገም ካብቲ እትጽብጽቦ ጸገማት ናትካ ብጽሒት ከም ዝህልወካ ኣሚንካ እቲ ካልኦት ከካይድዎ እትደልዮ መእረምታ ካባኻ ክትጅምሮ ቅሩብ ዘይምዃን እዩ። ሎሚ ኣብ ደንበ ተቓውሞ ሳዕሪሮም ካብ ዘለዉ ዕንቅፋታት ሓደ ንፖለቲካዊ ናይ ርኢቶ ፍልልይ ብዓይኒ ቂምን ጽልእን ምርኣይ ብኣሉታዊ ኣብነት ዝጥቀስ እዩ። እቲ ኤርትራዊ ናይ ቃልሲ ሜዳ ናይ ኩልኻ ክነሱ፡ ኣብ ክንዲ ብኸመይ ሓቢርና ንቃለሰሉ፡ ከመይ ገይረ ነቲ መጻውተይ ኣርሒቐ ነቲ ሜዳ በይነይ ይወርሶ ዝብል ”ናይ ሓደ ሰዓሪ እቲ ካልእ ተሰዓሪ” ስምዒት እውን ካልእ መርኣያ ነጻጊ ባህርያት ደንበ ተቓውሞና ኮይኑ ኣሎ። ሓደ ውድብ ወይ ማሕበር፡ ካብ ናትካ ዝተፈልየ ርኢቶ ኣለኒ ኢሉ ናይ ገዛእ ርእሱ ውድብ ደኲኑ ከብቅዕ፡ ስለምንታይ ብዛዕባ ሓደ ጉዳይ በቲ ኣነ ዘይደልዮ ኣገባብ ዘይግለጽ ኢልካ ኣይትሓዙኒ ምባልን ንናይ ሓባር ጉዕዞ ምዕንቃፍን ካልእ ዘሻቕለና ዘሎ ጉዳይ እዩ። እዚ ነጻግን በሓትን ኣካይዳ፡ ብጉጅለ ህግደፍ ክፍጸም እንከሎ ዝውገዝ፡ ባዕልና ከነዘውትሮ እንከለና ኸዓ ሓላል ክኸውን ኣይክእልን እዩ። ነዚታት ስለ ዝዕዘቡ እዮም ከዓ ገለ ኣካላት ንደንበ ተቓውሞን ንጉጅለ ህግደፍን ብባህሪ ከመሳስልዎም ዝፍትኑ። ከምቲ ለባማት “እትፈትዎ ዓርኪ ክሳብ እትረክብ፡ ነቲ ዝተዓራሪኽካዮ ፍተዎ” ዝብልዎ፡ ኣብዚ እዋንዚ ናይ ድሕሪ ህግደፍ መተካእትኡ እንታይ እዩ ብዘየገድስ፡ ምስ ኣብ ምውዳቕ ኣቲ ጉጅለ ከማኻ ረብሓ ዘለዎ ኣካል መንገዲ ቀይስካ ሓቢርካ ምስራሕ፡ ምርጫ ዘይኮነስ መተካእታ ዘየብሉ ግድነት እዩ።

ምርድዳእ ማለት ፍልልያት ኣወጊድካ፡ ኣብ ኩሉ ነገራት ሓደ ዓይነት ተረድኦ ምውናን ማለት ኣይኮነን። ምርድዳእ ማለት ቅድም ኣበይ ከም እትሰማማዕን ኣበይ ከም እትፈላለን ምንጻር እዩ። ድሕሪኡ ድማ ብኸመይ ኣብቲ እትሰማምዖ ከም እትሰርሕን ብኸመይከ ነቲ ክሳብ ሕጂ ኣብ መንጎኻ ዘሎ ፍልልይ እንተኾነ ከተወግዶ እንተዘየለ ከዓ ከተጻብቦ ከም እትኽእል ቀጻሊ ኣፍደገ ልዝብ ከም እትኸፍት ምስምማዕ እዩ። ኣብቲ ዘሰማማዓካ ዝሓለፈ እንዳጸብጸብካ ዘይኮነስ፡ ብሩህ መጻኢ እንዳማዕደኻ ክትሰርሕ እንከለኻ እተርእዮ ግሉጽነትን ብቕዓትን ነቲ ዝጸንሓካ ፍልልይ ኣብ ምጽባብ ዓብይ ጽልዋ ኣለዎ። እዚ ብቐጻልን ዕጉስን ኣብ መትከል እንካን ሃባን ዝተሰረተ ዘተ እምበር ተመዓዳዲኻ ርእሲ እንዳነቕነቕካ ዝብጻሕ ኣይኮነን።

10 ለካቲት 2015

Tuesday, 10 February 2015 20:37

ኣኼባ ጥምሮ ቤት ጽሕፈት ኣቦ መንበር፡ ቤት ጽሕፈት ወጻኢ ጕዳያትን ቤት ጽሕፈት ዜናን ሰዲህኤ

Written by
ኣኼባ ጥምሮ ቤት ጽሕፈት ኣቦ መንበር፡ ቤት ጽሕፈት ወጻኢ ጕዳያትን ቤት ጽሕፈት ዜናን ሰዲህኤ

ኣብ መንጐ'ዘን ሰለስተ ኣብያተ-ጽሕፈታት ኣብ ከክልተ ኣዋርሕ ዝካየድ ኣኼባ ኣብ ዕለት 8 ናይ ዝሓለፈ ወርሒ ታሕሳስ 2014 ኢዩ ጀሚሩ። ካልኣይ ኣኼባኡ ድማ፡ ኣብ ዕለት 8 ለካቲት 2015 ኣካይዱ። ኣብ'ዚ ኣኼባ'ዚ ኣብ ልዕሊ'ቶም ሓለፍቲ ናይ'ዘን ኣብ ላዕሊ ተጠቒሰን ዘለዋ ኣብያተ-ጽሕፈታት፡ ሓለፍቲ ምምሕዳራትን ኣብ ናይ ወጻእን ዜናዊ መዳይን ዝዋስኡ ኣባላት ሰልፊ ዲሞክራሲ ህዝቢ ኤርትራ ተኻፊሎም ነይሮም።

ነቲ ኣኼባ፡ ሓው መንግስተኣብ ኣስመሮም፡ ኣቦ መንበር ሰልፊ ዲሞክራሲ ህዝቢ ኤርትራ ኢዩ ብናይ እንቋዕ ደሓን መጻእኩም መልእኽቲ ከፊትዎ። ቀጺሉ፡ ኣብ ዝሓለፉ 2 ኣዋርሕ ብቤት ጽሕፈት ኣቦ መንበርን ብቤት ጽሕፈት ዜናን ዝተኻየዱ ንጥፈታት ገሊጹ። ቀጺሉ ሓው ወልደሱስ ዓማር፡ ሓላፊ ቤት ጽሕፈት ወጻኢ ጕዳያት፡ ኣብ ዲፕሎማያዊ መዳያት ዝተኻየዱ ንጥፈታት ብዝርዝር ኣብሪሁ።

ተሳተፍቲ ኣኼባ፡ ኣብ ዘዝነብሩለን ሃገራትን ከተማታትን ዘካየደዎ ምንቅስቓሳት ብምውሳኽ ነቲ ብሓለፍቲ ኣብያተ-ጽሕፈታት ዝቐረበ ጸብጻባት ኣሀብቲሞሞ። ከምኡ'ውን፡ ኣብ ስርሓቶም ዘጋጥሞም ብድሆታትን መፍትሒ ዝብልዎም ሓሳባትን ኣቕሪቦም።

ሓደ ካብ'ቶም ኣብ'ዚ ኣኼባ ዝተዘርበሎም ጕዳያት ድማ፡ ን8 መጋቢት 2015 ክካየድ ተመዲቡ ዘሎ ንቤት ጽሕፈት ዜና ምሕያል ዝዓለመ ዎርክሾፕ ኢዩ። ኣብ'ዚ ዓመት'ዚ ብሰዲህኤ ንዝካየድ ፈስቲቫልን ካልኣይ ሰልፋዊ ጕባኤን ቤት ጽሕፈት ዜና ዘድሊ ምድላዋት ገይሩ ክጸንሕ ኣድላዪነቱ ዕዙዝ ምዃኑ ኣኼባ ኣስሚርሉ።

ብሰዲህኤ ዝመሓደራ ቦታውያን ናይ ረድዮን ተለቪዥን ማዕከናት ኣብ ጀርመንን ሽወደንን፣ ከምኡ ውን ናይ ሳይበርስፐይስ ረድዮን ከምዘለዋ ዝፍለጥ ኢዩ።

Tuesday, 10 February 2015 20:31

ግጥሚ

Written by

ሐዳስ ዓመት ናይ ሰላም ኩንልና ናይ ቅሳነት

ናይ ፍትሒ ኩንልና ናይ ሓድነት

ይኣክል በለና ናብራ ስደት

                                ነዚ መሪር ስቃይ ዋሕዚ ናይ ስደትና

                                 ነዚ ሕሱም ህልቂት ብርሰት ናይ ህዝብና

                                 መዕገቲ ረኺቡ ሰላም ክነግሰና

                                 ነዚ ጨካን ስርዓት ኣምላኽ ይእለየልና

                                 ነዚ ጨካን ስርዓት ኣምላኽ ይእለየልና

                                  ሰቓይ በዚሑ ጸምያ ሃገርና

                                   ብሒም ዘዝበለ ኣብ ጉድጋድ ዓፈና

                                   ነፍሲ ወከፍ ስድራስ ዝርንዛሕ ነቢዕና        

                                    ክሳብ ማኣስ ኢና ከነብር ከምዚልና

እዞም ኣረመናውያን ሕልናኦም ዝሸጡ

መራሕቲ ናይ ህግደፍ ዓበይቲ ወጣጡ

ኣብ ኩርሲ ኮፍ ኢሎም ንህዝቦም ዘጽንቱ

ብናይ ሐፋሻ ገንዘብ ከብዶም ዝተመጡ

ብሕሰም ናይ ህዝቦም እፎይታ ዝረኸቡ

ሸይቦም ከለዉ ጽጉሮም ዘጽልሙ

ኣብ ምንዝርና ዝሓድሩ ከም ናይ ሓኽሊ ድሙ

ኣብ ኣጋዱ ሰንበል ብዳንሲ ዝተሸለሙ

ግዜ ይኣክል’ዩ ዘሎ ናበይ ከይትሃድሙ

                               ሃገርና በሪሳ ቆላ ምስ ከበሳ

                               ህዝባን እንስሳን ብሐደ በሪሳ

                               ሸቃላይ ጠፊኡ በዓል ሞደሻ ኣፈራዛ

                               ተማሃራይ ወጺኡ እቲ በዓል ቦርሳ

                               ሐረስታይ ከይተረፈ እቲ ንእሹቶይ ጓሳ

                             ኣብ ክንዲ ህንጸትሲ መቓብር ናይ ሬሳ

ገረብ ከይንተክል ንዓኺ መጽለሊ

መሬት ክይንግድብ ከይነፍሪ እኽሊ

ገሌና ኣብ እስርቤት ኣብ ጉድጋድ ንበሊ

ገሌና ከም ጫማ ጉልበትና ይበሊ

ገሌና ትሑዛት ከም እስርቲ በቕሊ

ገሌና ንስደት እንጀራ ክንደሊ

ኣብ ዘይናትና ባሕሪ ድማ ረጊፍና ከም ቆጽሊ

ህዝቢ ተዓፊኑ መሰል ሐቢምዎ

ውሉድ ካብ ውለዱ ብሓይሊ ፈልይዎ

ካብዚ ንኽሃድም ባሕሪ ውሒጥዎ

ንሬሳ ውላዱ ንቡር ከሊእዎ

                   እዚ ንኢስዎስ ብደዐ ወሲኽዎ

                 ነቲ ቅዋም ሃገር መይቱ’ዩ ኢሉዎ

                 ነዚ በሊሕ ህዝብ ደንቆሮ ጌርዎ

ንናይ ባዕሉ ድኻም ክኾኖ መሸፈኒ

ብኣሜርካ ይጅምር ይሰግር ናብ ወያኒ

ንሶም’ዮም ወራር ጀሚሮም ዘተዓናቀፉኒ

እምበር ምትግባሩ መኣስ ጠፊኡኒ

ሕጂ ብዝሞተ ቅዋም ኣይትሕተቱኒ

ክነዽፈልኩም የ ንዓይ ብዝሕሸኒ

ኣንታ እምበር’ ዶ ጥዑዩ እቲ ኣእምሮኻ

ገና እይፈለጥካያን ንነብስኻ

ሓላማይ’ዶ ስኢንካ የእኪልካ ዝብለካ

ክንዲ ስቕ ኢልካ ትጽብ ግዜኻ

ንቅዋም ክትቀብርስ ኣብ ሚድያ ወጺእካ

ቅዋምስ ኣይሞተን ንስኻ ኢኻ መትካ

መርድእ ንዓኣቶም’ዩ ነቶም ደገፍትኻ።

Tuesday, 10 February 2015 20:29

Twenty-nine migrants die of cold on Italian coast guard boats

Written by

ROME (Reuters) - Twenty-nine migrants died of hypothermia aboard Italian coast guard vessels on Monday after being picked up from a boat adrift near Libya, reigniting criticism of the government's decision to end a full-scale search-and rescue mission last year.

Two patrol boats picked up 105 people late on Sunday from an inflatable boat drifting in extreme sea conditions, with waves as high as 8 metres (26 feet) and temperatures just a few degrees above zero, the coast guard said in a statement.

The migrants who died spent 18 hours on the deck of one of the vessels taking them to the Italian island of Lampedusa, buffeted by high winds and spray. One survivor was taken by helicopter to Sicily in critical condition, Pietro Bartolo, Lampedusa's chief healthcare official, told Reuters.

Lampedusa's mayor, Giusi Nicolini, blamed last year's closure of Italy's search-and-rescue mission, known as Mare Nostrum, for the tragedy. Since then no navy ships capable of keeping large numbers of migrants below deck have patrolled the waters near the Libyan coast.

"Mare Nostrum was an emergency solution to a humanitarian crisis, so closing it was a huge and intolerable step backward," Nicolini told Reuters. Human rights groups had repeatedly warned that ending the mission would endanger lives.

"The small patrol boats were completely swallowed by the waves during the trip back. If Mare Nostrum were still going, the migrants would have been given shelter inside a large ship within an hour," Nicolini said.

Laura Boldrini, the president of Italy's lower house of parliament and a former spokeswoman for the UN refugee agency, said on Twitter the "horror" of "people dying not in a shipwreck but of cold" was due to the suspension of Mare Nostrum.

Mare Nostrum was abandoned by Prime Minister Matteo Renzi's government partly due to public concern over the 114 million euro ($129 million) cost of the mission in its first year. Renzi has not commented on Monday's events.

Former prime minister Enrico Letta started Mare Nostrum after more than 360 men, women and children -- mostly Eritreans -- drowned when their overcrowded boat flipped over within sight of Lampedusa in October, 2013.

Now the European Union runs a border control operation called Triton, with fewer ships and a much smaller area of operations.

Civil war in Syria and anarchy in Libya swelled the number of people crossing the Mediterranean last year. Many paid smugglers $1,000-$2,000 to travel.

The United Nations refugee agency says 160,000 people made the sea crossing to Italy between January and November 2014 and a further 40,000 landed in Greece. Thousands have died attempting the journey.

Bartolo said that the 29 victims were all young men from sub-Saharan Africa, but he did not know their nationalities.

"To organised crime it's not important if people make it across the sea alive or dead," Nicolini said. "But now, without Mare Nostrum, it's as if no one, and not just the criminals, cares if they live or die."

(Editing by Robin Pomeroy)

Source+http://news.yahoo.com/least-25-migrants-die-being-picked-sea-italian-154946598.html

Tuesday, 10 February 2015 06:32

ሪፖርታጅ ሰልፊ ዲሞክራሲ ህዝቢ ኤርትራ( EPDP) ጨንፈር ማእከል ፍራንክፎርት

Written by
ሪፖርታጅ ሰልፊ ዲሞክራሲ ህዝቢ ኤርትራ( EPDP) ጨንፈር ማእከል ፍራንክፎርት

 ሰልፊ ዲሞክራሲ ህዝቢ ኤርትራ( EPDP) ጨንፈር ማእከል ፍራንክፎርትን ( Frankfurt) ከባቢኡን ሃገረ ጀርመን ካልኣይ ምዱብ ኣኼብኡ ኣብ ዕለት 08.02.2015 ኣካይዱ፡፡

ኣብቲልሙድኣዳራሽመኣከቢኡ Kirch Platz Bockonhem ከተማ  Frankfurt a.M. ብዕለት  08-02-2015 ዓ.ም. ካብሰዓት  14.00 ክሳዕ ሰዓት 17.30 ዝወሰደ ዕዉት ኣኼባ ከም ዘካየደ ዝመጸና  ሓበሬታ እነሆ። 

 እቲ ኣኼባ ብሓው ሕጂ ሳልሕ ስዒድ ኣቦ መንበር ጨንፈር እንቋዕ ብደሓን መጽእኩም ብምባል፡ ኣስዒቡ ብዛዕባ ህሉው ኵነታት ሃገርናን ህዝብናን ኣገዳሲ ሓበሬታት ናይ ሰልፊ ዲሞክራሲ  ህዝቢኤርትራገሊጹ።

Frankfurt Branch meeting2 Feb2015ብምቅጻል ሓጂ ሳልሕ በቲ ሰልፊ ዲሞክራሲ ህዝቢ ኤርትራ ንካልእይ ጉብኤኡ ክገብር ተዳሊዩ ዘሎ ብኣማራጺት ሽማግለ ዝተሰደ መምርሒ መሰረት ብምግባር ነቲ ዝቐረበ መልእኽቲ ናይ ኣማራጺት ሽማግለ ብዝርዝር ኣንቢቡን ገሊጹን።                                          

ብድሕሪዚ ኣብቲ  ዝቐረበ ኣገዳሲ ኣርእስቲ ብጉዳይ ቅዋማዊ ኣሰራርሓ ዝምልከት ብስፍሕ ዝበለ ኣገላልጻ ሓው ንጉሰ ጸጋይ ኣባል ማእከላይ ባይቶ መብርሂ ሂቡ። ሓው ንጉሰ ጸጋይ ዝገለጾም ጉዳይት  ቁዋም እንታይ ማላት እዩ፡ቁዋምካኸ ምዓስ ተጽድቆ፡ቁዋም ንምንታይ የድልየካ፡ዝብሉ ዑሙቕ ዝበለ መግለጺ ጌሩ ሰፊሕ ኣስተምህሮ ሂቡ፡፡

Frankfurt Branch meeting3 Feb2015ከምኡውን ሓው ዓንዶም ገርጊስ ኣባል ምምሕዳር ንኡስ ዞባ ሽማግለ ጀርመን ብናይ ኣገባብ ኣመራርጻ ውክልና ኣብ ጨንፈር ተሞኩሮ ናይ ቀዳማይ ጉባኤ መሰረት ብምግባር ብስፍሕ ዝበለ መግለጺ ሂቡ። ኣስዒቡ ሓው ክብሮም ዓንዶም ተሓዝ ገንዘብ ጨንፈር ብጉዳይ መንእሰያት ኣልዒሉ ኣንጻር  ነቲ ኣብ ሃገርና ዝገዝእ ዘሎ ጨቛኒ ስርዓት ክምክቱ ከም ዘለዎም ንኣኼበኛ ኣተሓሳሲቡ።

Frankfurt Branch meeting4 Feb2015ብድሕሪዚ ብርክት ዝበሉ ኣባላት ጨንፈር ብጉዳይ መንእሰያት ኣልዒሎም ኣብቲ ዝነብርሉ ዘለዉ ኣዳራሻት ኣሰካፊ ዝኾነ ሕድሕድ ዘይምቅዳው ዘጋጥም ዘሎ ሓደጋታት ምጥንቃቕን ኣንዊሕካ ምሕሳብን  ካብ ወስታ ተቆጢብካ ምስ ዝምልከቶ ኣካል ናይቲ ቦታ ምሕባርን፡  ንዘየራዳድኣካ ጉዳይት ብሕጊ ናይ ምፍትሖም ከምዝከኣል ምሕሳብ ከምዘድሊ ሰፊሕ ምኽርን መታሓሳሰብን ተለጊሱ፡፡ ድሕሪዚ ኣኼባ ብዝኽሪ ሰማእታት  ተዛዚሙ።

Page 575 of 610