http://ascenteq.com/project/epdp

ህዝቢ ኤርትራ ድሕሪ እቲ ነዊሕ አዝዩ መሪርን ጽንኩር ን 30 ዓመታት ዝተኻየደ ብረታዊ ተጋድሎ ዓርቢ መዓልቲ ከተማ አስመራ ናጻ ምስ ወጸት እዩ ኔሩ ናጽነቱ ዝጨበጠ። ዓርቢ 24 ግንቦት 1991 ዓ.ም ድማ አብ ታሪኽ ህዝቢ ኤርትራ መወዳድርቲ ዘይርከባ ክብርቲ ዕለት እያ። ድሕሪ እታ ታሪኻዊት ዓርቢ አብ ቅድሜና ዝተራእየና መጻኢ ህንጸት ሃገር፡ ቁጠባዊ ምዕባለ፡ ፍትሒ፡ ሰላምን ቅሳነት እዩ ዝነበረ። ሕልምና ግና ብአግኡ በኒኑ ተሪፉ። ናጽነትና ጨቢጥና ክንስና አብ ኢድ ጠላም ውልቀ መላኺ ስለዝወደቕና፤ አብ እዋን መግዛእቲ ርእይናዮ አብ ዘይንፈልጥ ባርነትን ብቓላት ክትገልጾ አብ ዘጸግም ጭቆናን ሓሰረ መከራን ወዲቕና። ሕጂ ተመሊስካ እንክትግምግሞ ዘካየድናዮ ቃልሲ ባንዴራ ንምስቃልን ሉአላዊት ሃገር ንምውናን እምበር ዲሞክራስያዊትን ብስርዓተ ሕጊ እትመሓደርን ሃገር ንኽንተክል አይሓሰብናሉን ክንብል ንደፍር። እዚ ወሪዱና ዘሎ ኩሉ መዳያዊ ግህሰት ሰብአዊ መሰላት ደቂ ሃገር ድማ ውጽኢት ናይቲ ዘይምሉእ ቃልሲ ምዃኑ ዘማትእ ኣይኮነን።

ሕጂ ብዛዕባ ዝሓለፈ ምቑዛምን ነቲ ዝሓለፈ ድኽመታት ወግሐ ጸብሐ እንዳምጻኻ ምኒን ምባልን ምንም ዝርከቦ ፋይዳ የብሉን። እንታይ ደአ መለበሚ አይግበርካ መለበሚ ግና አይኽላእካ እኳ ዝበሃል፤ ትማሊ መለበሚ ስለዝኾንና ሕጂ ከይንዕሹ ሃየ ደአ ዓይንና ከም ዓይኒ ዓሳ ብዘይ ሰለም ቋሕ ነብሎ። እወ ብየማን ብጸጋም ብላዕሊ ብታሕቲ ምቁማት አይንሕመቕ። ቃልስና ንኢሰያስ ካብ ስልጣን ምውራድ ጥራይ ከይከውን እሞ ወዮ ጉዳይና ወጮ እንተገምጠልካዮስ ወጮ ኮይኑ ከይተርፍ ንሕሰብ። ኢሰያስ መዓልቱን ሰዓቱን ሓልዩ ምኻዱ ዝጠራጠር ሰብ አሎ አይብልን፤ መን ንዘንተ እለት ምስ ነበረ እዩ’ሞ ኢሰያስ ንመዋእል ክነብር። ክንርስዖ ዘይብልና ኢሰያስ ዲክታቶር ወይ ጎብለል ኮይኑ አይኮነን ተወሊዱ እንታይ ደአ ጊዜን ኩነታትን ናብ ረብሕኡን ዊንታኡን ቀይሩ እዩ ናብዚ ሕጂ እንርእዮ ዘለና ኢሰያስ ዝተቐየረ።

እምበአርከስ ነታ ታሪኻዊት ዓርቢ መዓልቲ ናጽነት ዘዘኻኸረትና ዓርቢ ሰነ 26 መዓልቲ ማዕርነት ኤርትራ ክብላ ይደፍር። ነዚ ክብል ዝደረኸኒ ደምበ ተቓውሞ ንኹሉ ደላይ ፍትሒ እየ በሃሊ ብማዕርነት ዘየአንግድ ገለ ከምድላዩ ዝዕንድረሉ ገለ ድማ ብዘይ ዋላ ሓደ አበሳ ብሰንኪ መበቆሉ ወይ እምነቱ ዝሽቑረረሉ ደምበ ኮይኑ እዩ ጸኒሑ። ካብኡ ተበጊስካ ጄኔቫ ንመላእ ህዝቢ ኤርትራ ዓቢ ትምህርቲ’ያ ለጊሳትልና ሓሊፋ ክበሃል ይከአል። ደገፍቲ ስርዓት ህግደፍ ሓይሊ ሓፋሽ ዓጋቲ ከምዘይርከቦ ዝተመሃሩላ ዕለት እንተኔራ ብዘይምግናን ዓርቢ ሰነ 26 እያ ኔራ። ድሮ እኳ አብ ውሻጠ ገዝኦም ደጊም ዘመነ ኢሰያስ አብቂዑ እዩ ይብሉ ከምዘልው ይስማዕ አሎ። መዓስ ግና ሰብ ንሕና ንሱ ጥራይ፤ እቶም ብዘይብአና ደምበ ተቓውሞ ሕቖ የብሉን፤ ንሕና ዘይባረኽናዮ ሰላማዊ ሰልፍን አኼባን ብደምበ ተቓውሞ ውጉዝ’ዩ እንዳበሉ ብቃልሲ ሓፋሽ ከባጭው ዝረአናዮም፤ ንተቓለስትን ደለይቲ ፍትሒ ሃገራውያንን ከጸልሙን ክንጽሉን ጸሊም ፈላላዪ ከዋድዱ ዝጸንሑ በደልቲ ብዱላት ኩርኳሕ ቃልሲ ሓርነት ዓቢ ትምህርቲ ሂባቶም እያ ሓሊፋ ዓርቢ 26 ሰነ መዓልቲ ማዕርነት ኤርትራውያን። ቀደሙ እኮ “ዘአወገዘ በከንቱ፡ ወተወገዘ ብእንቱ” ተባሂሉ እዩ። በዚ አጋጣሚ ነቶም ካብ ቃልሲ ክትንጸሉን ተስፋ ቆሪጽኩም ገዛኹም ኮፍ ንኽትብሉን ተፈሪድኩም ክንስኹም፤ እዛ ኤርትራና ንመን ቀሪባቶስ ንመንከ ትርሕቆ ኢልኩም አንጻር ኩሉ ተጻብኦ ስንኹም ነኺስኩም ዝመከትኩም ደቂ ህዝቢ ወያ ጽንዓትኩም እንሆ ፍረ ክትህብ ጀሚራ ክብል ይደልይ ዋላ’ኳ ሕጂ’ውን ገና እቲ ተንኮላት ተወዲኡ እዩ እንተዘይተባህለ። ሕጂ’ውን ፈቲና ጸሊእና ማዕርነት ህዝቢ ዘየረጋገጸ ቃልሲ ብንምን መለኪዒ ዲሞክራሲያውን ፍትሓውን ቃልሲ ክኸውን አይክእልን እዩ።

ህዝቢ ኤርትራ ባዕሉ ተቓሊሱ ሓርነቱ ከም ዝጭብጥ ውዕሎ ጄኔቫ አረጋጊጹልና ክኸውን ተስፋ ይገብር። እዚ ሕጸ እዩ ደቂ ዓድና፤ ገና ጽባሕ ካልእ መርዓ ክትርእዩ ኢኹም። ወዲ መታሕት ወዲ ከበሳ፤ አስላማይ ክርስትያን፤ ወዲ ኩለን አውራጃን ብሄራትን ኤርትራ በተግ ኢሉ ምስ ወጸ፤ ወያ አይትጽርኒ ትም ሕትም ክትከውን እያ። ለባም ሰብን ርዙን ሕብረተሰብን ካብ ሕሉፍ ጌጋታት እዮም ዝመሃሩ። እቶም ገና ነዚ ብህዝባዊ ተሳትፎ ሓፋሽ ዝተዓወተ ሰላማዊ ሰልፊ ጄኔቫን ውጽኢት ጸብጻብ ኮሚሽን ምጽራይ ሰብአዊ መሰላትን ኤርትራ ናብ ውልቃዊ ዝናናን ውድባዊ ረብሓን ከትውዕልዎ ህርዲግ ትብሉ ዘለኹም አደብ እንተትገብሩ ዝሓሸየ እዩ፡ ደጊምና ናብ ጭርጭር ዓበደ መታን ከይንምለስ። ይትረፍ ግዳ ህዝቢ ኤርትራ ህግደፍ እውን ባዕሉ ይፈልጥ’ዩ መን’ዩ አብዚ ጉዳይ ሰለሎ ዘእተወትሉን ንዓመታት ዝደኸመን እሞ፤ እቶም ነዛ ዘይሕለል ጻዕሪ ዝገበረት ዋዕሮ ግቡእ ክብራ ዝኸላእኩምን ስማ ንምጽዋዕ ዝተጸየንኩም ጽባሕ ንግሆ መዛግብቲ ታሪኽ ንስማ እምበር ስማ ንምህሳስ ንዝተገብረ ሽርሒ አብ ገጻቶምን ዓንቀጻቶምን ኣይከስፍርዎን እዮም።    

አብ መወዳእታ ንዓወት ጄኔቫ ከመይ ናብ ረብሓ ህዝቢ ነውዕሎ ዝብል ዕዮ ገዛ ኣብ አእምሮ ነፍሲ ወከፍና ክድይብን ክወርድን ይግባእ። ብጊዜያዊ ዓወት ሰላማዊ ሰልፊ ጄኔቫ ክንዛነ የብልናን። ሳጥናኤል ኢሰያስ ክንደይ መንቀራቕሮታት ዝሰገረ ከም ዱሙ ሸውዓተ ትንፋስ ዘለዎ ጋኔል ምዃኑ አይንረስዕ። አብ መዛዘሚ ጹሑፈይ፤ ህዝቢ ኤርትራ ከምቲ ለባማት ቀዳሞት ወለዶ ወርቂ ሚዛን ዝበልዎ እቶት ሓንቲ ግራትን ጸባ ሓንቲ ላምን ምዃኑ ካብ ጄኔቭ ተማሂርና ኢድ ንኢድ ተታሓሒዝና ንቕድሚት ንመርሽ። ንሳ እያ እታ እንኮ መገዲ ድሕነት ህዝብን ሃገርን ኤርትራ።

(ደቂ ሰባት ድምጾም ብዓውታ ከስምዑ እንከለው ንምንታይ ድምጾም የስምዑ ኢሉ ዝቑጣዕ ወይ ካልእ ላቔባ ዘጠምቕ እቲ ድምጺ ውጹዓት ዓፊኑ ረብሕኡ ከህጥር ዝጽዕር ጥራይ እዩ።)

ሰሎሙን ገብረእየሱስ

(ኦክላንድ ካሊፎርንያ)

The organizing committee of the historic June 26 demonstration of justice-seeking Eritreans in Geneva submitted a petition to the UN Human Rights Council fully supporting the report of the UN Commission of Inquiry on Eritrea and urging for concrete action against the cruel regime in Asmara.

The petition stated that the thousands of demonstrators were “glad to know that the international community is now paying due attention to the dire state of human rights in Eritrea”. It further noted that although the UN report was an important step forward in the fight to end impunity but demanded that those perpetrators of so many crimes in Eritrea for a prolonged period of time should be brought to a court of justice.

Below is the full petition submitted on behalf of thousands of Eritreans who trekked to Geneva that day from many countries in Europe as well as some from North America and the Middle East.

***

To the President of the United Nations Human Rights Council

Geneva

Adopt appropriate measures to end impunity in Eritrea

Your Excellency,

This letter is addressed to you by a huge crowd of justice-seeking Eritrean exiles, who are congregating in Geneva on the 26th of June 2015, for a mass demonstration that coveys our unflinching support to the report of the UN-mandated Commission of Inquiry on Human Rights in Eritrea (COIE).

We are conducting our mass demonstration at a time when the crisis of human rights in Eritrea has reached a very crucial level, which involves a possible situation of crimes against humanity. We are glad to know that the international community is now paying due attention to the dire state of human rights in Eritrea. While we see this as a very important development in our fight to end impunity, we also note that some crucial measures still need to be taken urgently in order to avoid further human suffering in our country.

We therefore call on the Human Rights Council to ensure that those most responsible for a possible situation of crimes against humanity in Eritrea are held accountable pursuant to the existing legal framework of international criminal justice. Indeed, it is time for the international community to devise appropriate methods by which accountability for gross human rights violations is ensured meaningfully. Such measures shall include, among other things, the adoption of effective targeted sanctions against those who appear to be most responsible for a possible situation of crimes against humanity in Eritrea.

As noted by the report of the COIE, we also urge the Human Right Council to adopt appropriate follow-up measures, with a view to providing conclusive findings on the issue of crimes against humanity in Eritrea. In this regard, we also believe that the renewal of the mandate of the Special Rapporteur (Ms. Sheila B Keetharuth) is another important step.

Pending the adoption of appropriate accountability measures, we urge the Human Rights Council to give due consideration to the Eritrean refugee crisis, by advising recipient countries to continue providing appropriate legal protection to all Eritrean asylum seekers and refugees wherever they are.

Your Excellency, we hope that you will give your utmost consideration to the issues of concern we have pointed out above, and we look forward to reading a resolution of your Council that adequately captures these considerations.

Thank you in anticipation of your kind cooperation, and we will look forward to hearing from you.

Coordinating Committee of the Demonstration of Eritreans in Geneva

26 June 2015

Geneva

Email: This email address is being protected from spambots. You need JavaScript enabled to view it.

CC: To all Members of the Human Rights Council(through their diplomatic missions in Geneva)

ሰልፊ ዲሚክራሲ ህዝቢ ኤርትራ ጨንፈር ኖርወይ ብ21 ሰኔ 2015 ከም መቀጸልታ ሰሚናር ኣባላቱ ክፉት ናይ ህዝቢ ኣኼባ ኣካይዱ። እቲ ኣኼባ ኣብ ኩነታት ኤርትራውያን ደቂ ኣንስትዮን ኣንፈት ፖለቲካዊ ሃገራዊ ቃልስና ናበይ ገጹ ናብ ዝብሉ ዓበይቲ ኣጀንዳታት ዘዛተየ ኮይኑ፣ ካብ ሰዓት 5 30 ናይ ድሕሪ ቀትሪ ክሳብ 9 ናይ ምሸት ብዉዕዉዕ መንፈስ ቀጺሉ። ኣባላት ዝተፈላለዩ ፖለቲካውያንን በርገሳውያንን ማሕበራትን ውልቀ ተቃለስትን ዝኾኑ ብቁጽሮም ሓያለይ ዝኾኑ ሰባት ድማ ተሳቲፎም።

ኣቦ መንበር ጨንፈር ብጻይ ዳዊት ኣርኣያ ነቲ ኣኼባ ብዝኽረ ሰማዕታትን ብምዉቅ ናይ እንቋዕ ብደሓን መጻእኩም ቃልን ከፊቱ መድረኽ ንመደርትን ካድራት፣ ወኪል ደቂ ኣንስትዮ ኣብ ሰልፊ ዲሞክራሲ ህዝቢ ኤርትራ ዝኾነት ብጸይቲ ገርጊሽ ነጋሽን ብጸይቲ ኣልጋነጽ ኢሳቅን ብጻይ ሹማይ በርሀን ኣረኪቡ።

ወሃብቲ መደረ ወጽዓ ኤርትራዊት ጓል ኣንስተይቲ ብዝብል ዛዕባ ብምፍላም በቢእብረ ሰፊሕ ኣስተምህሮ ሂቦም። ቀጺሉ ኣብ ካልኣይ ኣርእስተ ኣኼባ ቅድሚ ምስጋር ናይ ሕቶን፣ ምልስን፣ ርኢቶን መድረኽ ተኸፊቱ። ግዜ ዝደረቶ ማኣለያ ዘይብሉ ሃብታምን ሃናጽን ሪኢቶታትን ሕቶታትን ድማ ካብ ተኻፈልቲ ኣኼባ ዘነበ። ገለ ካብ ሪቶኢቶታት ተሳተፍቲ፣

ኣባል በርገሳዊ ማሕበር ህብረት ኤርትራውያን ዝኾነ ብጻይ ወልደኣብ ፍሰሃጼን ሰልፊ ዲምክራሲ ህዝቢ ኤርትራ ክፋል ቃልስና ክኸውን ዝግብኦ ግን ከኣ ዳርጋ ዝተረሰዐን ዝተዘንገዐን ኣርእስቲ ኣልዒሉ ከዘኻኽረናን ከበራብብረናን ምፍታኑ ብልበይ ይምጉስ ድሕሪ ምባል፣ ቀጺሉ ወጽዓ ኤርትራዊት ጓል ኣንስተይቲ እንዳተመሓየሸ ኣብ ክንዲ ዝመጽእ አንዳ ተሓላለኸን እንዳ በኣሰን ከምዝመጽእ ሓቢሩ። ንሱ ኣብ መግለጺኡ ወጽዓ ደቂ ኣንስትዮ ሎሚ ኣብ ሃገርናን ኣብ ኤርትራዊ ማሕበረሰብን መውስቦኣዊ መልክዕ ዝሓዘ ርኡይ መሸጣ ደቂ ኣንስትዮ ይካየድ ከምዘሎ ብጭቡጥ ኣብነት ኣብሪሁ። ኣብ መብሪሂኡ ኣቶ ወልድኣብ ንነውሕ ግዜ ተሰዲዶም ኣብ ሃገራት ቀዳማይ ዓለም ዝርከቡ ኣብ ናይ ጥሮታን እርግናን ዕድመ ዝርከቡ ኣቦታት ዓዲ ይኸዱ፣ እሞ ናብ ሓንቲ ድኻ ስድራቤት ቀሪቦም ካብ ቦታ ስደቶም ዝተማልእዎ ዶላራት ኣርእዮም ክንዲ ጓል ጓሎም አትኸውን ሓንቲ ዘይትፈልጥ ጓል ድኻታት ተመርዒዮም ይምለሱ። ንዘይርትዓውነቱ ምኽኑይ ክገብሩ ክልተ መዋስብቲ ኤውሮጳ አንተኸደት ይሓልፈላ ንስድረኣ እውን ተኣሊ ብዝብል መመኽነይታ ብምስናይ ድንጋጸን ርሕራሐን ናይታ ውጽዕቲ ጓል ኮነ ናይታ ድኻ ስድራቤት ከምዝነበሮም ኣምሲሎም ብምዝራብ፣ ነቲ ርኡይ ጌጋታቶም ክሸፋፍኑን ከመኽንዩሉን ከምዝርከቡን ገሊጹ። እቲ ዘገርም ይብል ንሱ እቲ ዘገርም ነገር ግን ዋላ አቲ ኣቦ ጓል እውን ካብ ዝኣተዎ ናይ ድኽነት ኩነታት ንመውስቦ ሽፋን ተጠቂሙ ዓይኑ አንዳ ረኣየ ንጓሉ ናብ ሓደ ኣቦሓጎኣ ዝኸውን በዓል ዶላራት ሸይጡ ካብ ቁጠባዊ ጸገማቱ ክገላገል ምፍታኑ አዩ ክብል ኣስሚርሉ። ኣብ መወዳአታ ኣቶ ወልደኣብ እዚ ተግባራትዚ ንሕና ደለይቲ ፍትሒ ከም ክፋል ቃልስና ወሲድና ብዝተፈላለየ መልክዕን ውዳበን ክንውግዶን ክንኩንኖን ዘሎና ጉዳይ አዩ ክብል ኣተሓሳሲቡን ንናይ ሓባር ግብራዊ ስጉምቲ ጸዊዑን።

ዝበዝሐ ክፋል ዕድሚኣ ኣብ ህዝባዊ ግንባር ሓርነት ኤርትራ ተሰሊፋ ተቃሊሳን ኣቃሊሳን ድሕሪ መስዋኣቲ ኣሽሓት መቃልስታ ዓወትን ናጽነት ሒዛ ዝኣተወት፣ ሎሚ ግን ኣብታ ዝተቃለሰትላ ሃገር ኣብ ክንዲ ትነብርን ትኸብርን ኣብ ሃገረ ስደት ከርተት ትብል ዘላን፣ ኣብ ሰልፊ ዲሞክራሲ ህዝቢ ኤርትራ ተሰሊፋ ሕጂውን ፍትሕን ዲሞክራስን ኣብ ምምጻእ ኣብ ዝግበር ቃልሲ እጃማ እተበርክት ዘላ ብጸይቲ መብራት፠       ጓል ብርሂን ብወገና ንኤርትራውያን ደቂ ኣንስትዮ ካብቲ ብባህልን ብድሑርነት ወይ ካብ ዘይምንቃሕ ሕብረተሰብ ዘወረደን ዘሎ ወጽዓ በቲ መሰልን ማዕርነትን ደቂ ኣንስትዮ የኽብር ኣየ ዝብል ኣብ ኮረሻ ስልጣን ዝነብር ዘሎ ስርዓት ዝወርደን ዘሎ ወጽዓ ብዝተዓጻጸፈ ከም ዝዛይድ ኣብሪሃ። ጓል ብርሂን ኣስፊሓ ኣብ ዝሃበቶ መብሪሂ፣ ኤርትራውያን ደቂ ኣንስትዮ ውጹዓት ኳ እንተኾና፣ ህዝብን ሃገርን ናጻ ኣብ ናይ ምግብር ናይ ነዊሕዝየን መሪርን ዓውደ ኲናት ተሳቲፈን ተሰዊአን፣ ሰንኪለን፣ ናይ መርዓን፣ ሓዳርን፣ ውላድን ዕድላተን ንስለ ህዝብን ሃገርን ኣምኪነን ናጽነት ዘምጽኣ እንክንሰን ካብ ርእሳ ጀሚርካ ኣብ ክንዲ ተደቢሰንን ተኻሒሰንን ኣብ ሃገረን ዝነብራ፣ ኣብ ዝተፈላለየ ቦታ ስደት ናይ ከርተት ናብራ የሕልፋ ከምዘለዋ ብምረት ገሊጻ፣ ንልቢ ኩሉ ኣኼበኛውን ተንኪፋ። ጓል ብርሂን ኣብ መደረኣ፣ ድሒሪ ናጽነት ሃገር ያኢይሲ ሓለፋ ተቆጺርለይ፣ ቀዳምነት ንተጋደልቲ ነበር ደቂ ኣንስትዮ ተባሂሉስ፣ ኣብ ፓርከሪንግ መኻይን ናይ ምሕላውን ምሕጻብን ስረሓት፣ ውሕስነቱ ብዘየተኣማምን ኣገባብ ናብ ሃገራት ኣዕራብ ንኽድማና ምስዳድ ዝኣመሰሉ ዕድላት ከምዝተዋበን ብምሕባር እዚ ግን ንኤርትራዊ ጓል ኣንስተይቲ አሞኻኣ ንተጋደሊት ነበር ዋዕሮ፣ ሓገዝን ሓለፋን ዘይኮነስ ድርብ ወጽዓ እዩ አንክትብል ተንቲና። ንሳ ቀጺላ ቪዛ ንኽድምና አሞኸኣ ናብቲ መሰል ጓል ኣንስተይቲ ይትረፍስ ክሕሎ ከም ሕቶውን ፈጺሙ ዘይለዓለሉ ሃገራት ኣዕራብ፣ ቪዛ ዓውደ ትምህርቲ/ስኮላር ኣይነበረን ከም ሓለፋ ክቁጸር ድሕሪ ምባል ኩለን ደቂ ኣንስትዮ ሓቢረን ክሰርሓን፣ ብንቅሓት ክምክታን ከምዘለወን ገሊጻ።

ኣብ መወዳእታ ተኣተፍቲ ኣኼባ ኣባላት ዝተፈላለዩ ፖለቲካውያንን በርገሳውያንን ማሕበራት ዝኾኑ ኣብ ኖርወይ ንማዕርነታዊ መሰል ደቂ ኣንስትዮ ዝጣበቅ ነጻ ምንቅስቃስ ማሕበር ደቂ ኣንስትዮ ንምምስራት ኣብ ትሕቲ ጽላል ኖርወይ ኮይኖም ከመያየጡን ዝከኣል ክገብሩን ተዘራሪቦም።

ኣኼበኛታት ናብታ ኣንፈት ሃገራዊ ፖሎቲካዊ ቃልስና ናበይ ገጹ አዩ ናብ ዝብል ዛዕባ ሰጊሮም። ዋና ጸሓፊ ጨንፈር ዝኾነ ብጻይ መድሃኔ ሃብተዝጊ፣ ኣብ መእተዊ ናይዛ ካልኣይቲ ኣርእስቲ ኤርትራዊ ፖለቲካዊ ባህሊ ፍልልያት ቀንዲ መለለዪኡኳ አንተኾኾነ ቅድምን ድሕርን ናጽነት ኢልና ኣብ ክልተ ክፍለ ግዜ መቂልና ኣንተሪኢናዮ ግን፣ እቲ ድሕሪ ናጽነት ሃገር ዝረአ ዘሎፍ ፖለቲካዊ ፍልልያትና ዝስፈሕን ዝበዝሐን ጥራሕ ዘይኮነስ ኣብ ሊዕሊ ሓድነትን ስኒትን ህዝብን ሃገርን ዘለዎ ሓደገኛነት አውን ብኡ መጠን ኣሰካፊ አዩ፣ ከመይሲ ኣብ ምጅማር ሃገራዊ ፖለቲካና ማለት ኣብ 1950ታት ዝነበረ ፍልልያት ናጻ ኤርትራ፣ ምስ ኢትዮጵያ ዝሓበረት ኤርትራ ዝብሉን ካልእን ገፋሕቲ ግን ከኣ ብደረጃ ሃገር ዝጠመቱ አንክኾኑ መሰረት ናይ ሎሚ ፍልልያትና ግን ብሔር፣ ሃይማኖት፣ ቀኢላ፣ አንዳ፣ ዞባን ከባብን አዮም። ስለዚ ጉዕዞ ቃልስና ናብ ሃገራዊ ሓድነትን ናይ ህዝቢ ስኒትን ድዩ ዝመርሓና ወላስ ናብ ዝገደደ ፍልልያት ክንሓስበሉን ክንዘራረበሉ ዝግበኣና ጉዳይ አዩ ምባል መድረኽ ንሰመዕቲ ኣረኪቡ።

ብጻይ ሹማይ ወሲኹ አቲ ፍልልያት ከምዘሎን ሓደገኛነቱን ኣስሚሩ፣ ቅድም እሞ ንስርዓት ህግዲፍ ሓግሒግና ካብ ስልጣኑ ንእለዮ፣ ንፍልልያትና ድማ ድሕሪኡ ንፈትሖ ዝብል ናይ ዝበሐ ክፋል ደምበ ደለይቲ ፍትሒ ኣዘራርባውን የዋህ ኣዘራርባ ምኳኑ ሓቢሩ ሰፊሕ መሪሂ ሂቡ።

ተጋባእቲ በቢወገኖም ንሓቅነት ናይዚ ኣርእስቲዚ ዘይከሓድ ምዃኑ ብምሕባር፣ አዚ ብኤርትራውያን ደለይቲ ፍትሒ ማሕበራት ኣብ ኖርወይ ተመስሪቱ ዝስረሓሉ ሰሎ ጽላል ሎሚ ኣብ ቃልሲ ጽባሕ ኣብ ልምዓት ሃገር ከስረሓና ዝኽእል ጎደና/ሮድ ማፕ/ እዩ ሒዙ ዘሎ እሞ ንሱ ኽሕይልን ክሰፍሕን ካብ ዶባት ኖርወይ ሰጊሩ ኣብ ካልኦት ቦታታትውን ጽልዋ ከምዘሕድር ክንገብሮ ንጽዓር ብምባል፣ ፍልልያትና ንሓይልና ዘየድክም፣ ንሓድነትናን ስኒትና ድማ ዘየቁስል ክንገብሮ ንፈትን ኢሎም።

ኣብ መወዳአታ ድሕሪ ናይ ሓያለይ ውርቃዊ ሃናጺ ሪኢቶታትን ለበዋታትን ናይ ግዜ ድሩትነት ንከይዲ ኣኼባውን ደሪትዎ፣ ኣኼባ ልክዕ ሰዓት ትሽዓተ ናይ ምሸት ብምስጋናን ብዝኽረ ሰማዕታትን ተዓጽዩ።

ዓወት ንዲሞክራስያዊ ቃልስና!!! ክብርን ሞገስን ድማ ንሰማዕታትናን ንስንኩላትናን!!!

ወኪል ቤት ጽሕፈት ዜና ሰዲህኤ ኣብ ኖርወይ