http://ascenteq.com/project/epdp

እቲ ብዕለት 23 ጥቅምቲ 2015 ኣብ ከተማ ዮተቦርግ ሃገረ ሽወደን”ኤርትራ ኣብ ልብና !!! ”ዘርእስቱ ኣገዳሲ ሰሚናር ንኩሉም ኣብ ከተማ ዮተቦርግ ምስ ስደተኛታት ዝሰርሑን መማህራን ብዘሕደሮ ጽልዋን፡ ሲዒቡ እውን ኣብ ናይ ሃገር ሽወደን ተለቪዝዮን ልክዕ ሓቀኛ ሃለዋት ሃገርና ስለ ዝተቃልሔ እንሆ ንቀጻልነቱ ብግዱሳት ሽወደናውያን ፈተውቲ ህዝብን ሃገረ ኤርትራን፡ ኤርትራውያንን ብሓባር ማሕበር ኣቊሞም፡ ዓመታዊ ጉባኤ ብዕለት 28/03/2016 ኣካይዶም ስሩዕ ንጥፈታቶም ከም ዝጀመሩ ነበስር። እዚ ምሕዝነት ሽወደናዊ ኤርትራዊ ናይ ባህሊ ማሕበር ብ ”ኤርትራ ኣብ ልብና!!!”ዝፍለጥ ኮይኑ ኣብ ክብሪ ሰብኣዊ መሰላትን ዲሞክራስያዊ ሕብረተሰብኣዊ ማዕርነትን ዉህደትን ዝሰረቱ እዩ። ኣርማን መለለይን ማሕበር ከኣ ሰንደቅ ዕላማ ሃገር ሽወደን ብቅርጺ ልቢ ኮይና ፡ ኣብ ማእከላ ከኣ ብሰማያዊት ሕብሪ ቅርጺ ኤርትራ ክኸውን ትርጉም ሓዘልን ዘኩርዕን ኣርማ ኮይኑሎም ብሙሉእ ድምጽን ጣቅዒትን ብደስታን ኣርጊኦምዎ። ቀጺሎም ብዲሞክራስያዊ ኣገባብ ከኣ ንዓመተ 2016-2017 እተማእክል ሽማገለ መንእሰያትን ሽወደናውያን ዝኣባላታ መሪጾምመስራቲ ጉባኤ ብዓወት ዛዚሞም።

في الثامن من ابريل 2016م اجتمع الأخ/ تسفاي ولد ميكائيل ( دقيقة ) مسئول دائرة الشؤون التنظيمية بالمكتب التنفيذي لحزب الشعب الديمقراطي الارتري بفرع الحزب بأديس أبابا. تناول الاجتماع بالشرح المفصل مبادرة حركة مدرخ لجمع الصف الارتري المعارض في لقاء نيروبي ونتائجها وما تمخض عنها من لجنة اتصال الأخ/ دقيقة عضوٌ بها ثم تطرق الي مجمل الوضع الحزبي الخاص والارتري العام.

وبخصوص لجنة الاتصال المؤقتة ذكر دقيقة أن اللجنة بالإضافة الي اجتماعها التفاكري بأديس أبابا التقت بجميع القوى المعارضة، سواء تلك المشاركة في لقاء نيروبي أو التي لم تشارك، واتفق الجميع علي أهمية مواصلة اللقاءات الثنائية كانت أو الجماعية.

من جهةٍ أخرى أبان دقيقة أن الحزب بذل ولا يزال يبذل أقصى جهد ممكن في سبيل تذليل العقبات أمام انعقاد لقاء تشاوري شامل لجميع قوى المعارضة الارترية، وأضاف أن علي الجميع أن يضع هذا الهم في أول سلـَّــم أولوياته للعمل سوياً من أجل الخروج من هذا المأزق الذي أعاق بل شلَّ حركة المعارضة عن كل حراكٍ إيجابيٍّ شامل. وشدد علي أن وضع ارتريا اليوم لا يحتمل التمهل والتلكؤ في جمع الصف للتعجيل بوضع الحد لحالة التداعي والانهيار التي يتعرض لها الوطن. وعلي ذات النمط وجه النداء الحار لقوى المرأة والشباب بالالتحاق بهذا الحراك النضالي المتسارع للجماهير الارترية.

بعد إتاحة الفرصة لعضوية الاجتماع وردت الي المنصة الأسئلة والملاحظات التالية: ما العقبات والتحديات الماثلة أمام لجنة اتصال مبادرة نيروبي؟ ما أهم إنجازات المبادرة حتى الآن؟ ما تقييمكم لمدى انتشار وتنامي روح العمل المشترك في أوساط مكونات المعارضة؟ ما دور ومكانة منظمات المجتمع المدني في المبادرة؟ هل أحرز الحزب تقدماً إيجابياً في النشاطات ذات الطابع الجماهيري والمشترك؟

هذا وقد وجدت الأسئلة الإجابات الشافية، وفي ختام اللقاء أكد دقيقة أن مهمة إسقاط الدكتاتورية وتنصيب الديمقراطية ليست بمهمة أحادية المسئولية، بل مسئولية مشتركة تخص جميع قوى الديمقراطية والتغيير سواء العامل منها في حقل النشاط النضالي أو الجالس علي رصيف العمل الوطني العام.            

ብጻይ ተስፋይ ወልደሚካኤል (ደጊጋ) ኣባል ፈጻሚት ሽማግለን ሓላፊ ቤት ጽሕፈት ውደባዊ ጉዳያትን ሰልፊ ዲሞክራሲ ህዝቢ ኤርትራ ብ8 ማዝያ 2016 ምስ ጨንፈር ኣዲስ ኣበባ ሰዲህኤ ኣኼባ ኣካይዱ። ንሱ ኣብዚ ኣብ ቤት ጽሕፈት ሰዲህኤ ዘካየዶ ኣኼባኡ ብዛዕባ ምንቅስቓስ እታ ኣብ ናይ ናይሮቢ ብተበግሶ መድረኽ ንሃገራዊ ዘተ፡ ዝተጋበአ ምምኽኻራዊ ኣኼባ ተቓወምቲ ውድባት ኤርትራ ዝቖመትን ንሱ ዝኣባላን ግዚያዊት ኮሚተን ዝተፈላለዩ ሰልፋውን ኤርትራውን ጉዳያትን ኣብዚ ኣኼባ መብርሂ ሂቡ። ኣብ’ዚ መብርሂኡ ከም ዝገለጾ፡ እታ ግዝያዊት ኮሚተ ኣብ ኣዲስ ኣበባ ኣኼባኣ ኣብ ርእሲ ምክያዳ፡ ምስ ኣብ ኣኼባ ናይሮቢ ዝተሳፋን ዘይተሳተፋን ተቓወምቲ ውድባት ሃነጽትን ኣብ ቀጻሊ ኣኼባ  ንምብጻሕ ዝሕግዙን ርካብት ኣካይዳ፡  ጠቐምቲ ሓሳባት ክትረክብ ከም ዝኸኣለት ሓቢሩ።

ብጻይ ተስፋይ ምስዚ ኣተሓሒዙ፡ ሰልፊ ዲሞክራሲ ህዝቢ ኤርትራ ናብቲ ንኹለን ተቓወምቲ ሓይልታት ኤርትራ ክሓቁፍን፡ ደንበ ተቓውሞ ካዚ ኣትይዎ ዘሎ ወጥሪ ከውጽእ ተስፋ ዝተነብረሉን መጻኢ ምምኽኻራዊ ኣኼባ ንምብጻሕ ኩሉ ዝከኣሎ ክገብር ቅሩብ ከም ዘሎ ገሊጹ። ምስዚ ኣተሓሒዙ ድማ ኣብ ክንዲ ኣብቲ ክሳብ ሕጂ ዘየዕወተና ኣካይዳ እንነብር፡ ሓድሽ ኣተሓሳስባ ኣጥሪና ናብ ሓድሽ ምዕራፍ ክንሰግር ከም ዝግበኣና ብምጥቃስ ሰፊሕ መግለጺ ኣቕሪቡ። ኣብዚ እዋንዚ ኣብ ኤርትራ ዘሎ ሃለዋት ኣዝዩ ዘሰክፍ ምዃኑ ምስ ገለጸ ከኣ፡ እቲ መዋጸኦ ሓቢርካ እምበር በበይንኻ ዝመጽእ ከም ዘይኮነ ኣመልኪቱ። ኣብዚ መብርሂኡ ንግደ መንእሰያትን ደቂ ኣንስትዮን ኣብዚ ንኸዶ ዘለና ናይ ለውጢ መስርሕ ወሳኒ ምኻኑ ጠቒሱ ተሳትፎኦም ክሕይሉ ጸዊዑ።

ድሕሪ’ቲ ሰፊሕ መግለጺኡ፡ መድረኽ ሕቶን መልስን ምስተኸፍተ ካብ ተሳተፍቲ ኣኼባ፡ ኣብ ቅድሚ ግዚያዊ ኮሚተ ናይሮቢ ዘሎ ብደሆ እንታይ’ዩ? ምምኽኻራዊ ርክብ ናይሮቢ ክሳብ ሕጂ እንታይ ኣውንታ ኣመዝጊቡ ክበሃል ይከኣል? ኣብ ውድባት ተጠርዩ ዘሎ ብሓባር ናይ ምስራሕ ዝንባለ ከመይ ትመዝኖ? ግደ በርገሳዊ ማሕበራት ኣብ መስርሕ ተበግሶ ናይሮቢ ከመይ ክኸውን’ዩ? ህልዊ ሓፈሻዊ ንጥፈታት ሰልፊ ደሞክራሲ ህዝቢ ኤርትራ ኣብ ከመይ ደረጃ ይርከብ … ዝብሉ ዝርከብዎም ብዙሓት ሕቶታት ቀሪበምሉ ዝርዝር ኣዕጋቢ መልስታት ሂቡ። ኣብ መወዳእታ ድማ እቲ ኣብ ቅድሜና ዘሎ ዲክታቶር ኣሊኻ ብደሞክራስያዊ ስርዓት ናይ ምትካእ ከቢድ ሓላፍነት፡ ንውሱናት ውድባት ጥራይ ዝምልከት ዘይኮነስ ናይ ኩሉ ለውጥን ራህዋን ዝብህግ ኤርትራዊ ሓላፍነት ምዃኑ ብምጥቃስ ኩሉ አእጃሙ ከበርክት ጸዊዑ። 

በይ-ኤርያ ኤርትራውያን ንዲሞክራስያዊ ልወጢ ነቲ ብሰንበት ሚያዝያ 3 2016 ኣብ ሕንብርቲ ከተማ ኣስመራ ዘጋጠመ ባርባራዊ ቅዝፈት መንእሰያትና ዝተሰማዓና መሪር ሐዘን እናገለጽና ንቤተሰብ ግዳያት ጽንዓት ይሃብ ንብል። በይ-ኤርያ ኤርትራውያን ንዲሞክራስያዊ ለውጢ ስቃይ እቲ ኣብ ማእከል ስርዓት ህግደፍ ኾይኑ ሐሳረ መከርኡ ዝሪኢ ዘሎ ህዝብና ንከብቅዕን ኩሉቲ ብስርዓት ህግደፍ ዝግበር ኣረሜናዊ ግፍዕታትን ካብ ምቅላዕን ምቁዋምን ሐንቲ ካሊእት’ውን ትኹን ዓዲ ውዒሉ ኣይፈልጥን። ስለዝኾነ ድማ  ነዚ ተረኺቡ ዘሎ ኣረሜናዊ ፍጻሜ ሐዘና ንምግላጽ ጥራሕ ዘይኾነስ ንህዝብና መጸዋዕታና እነቕርበሉ ሰዓት እውን’ዩ።

ኦ- ውጹዕ ህዝቢ ኤርትራ፡

እዚ ሎሚ ኣጋጢምካ ዘሎ ዘሕዝን ፍጻሜ መቀጸልታ ናይቶም ፍርቂ ኣካላቶም ኣብ በርካታት ኤርትራ ቀቢሮም ዝኣተዉ ሐርበኛታት ስንኩልላን ማይሓባር ዝተፍጸመ’ዩ። እዚ ፍጻሜ’ዚ መቀጸልታ ነቲ ንሱ ባዕሉ ብስዉር ዝወለዖ ወራር ዓደቦኦም ከይድፈር ጅግንነት ዝፍጸሙ ዋርሳይ ይከኣሎ ኣብ እስርቤት ዓዲ ኣቤቶ ብደ ርዘናት ዝፈጸሞ መቅዝፍቲ’ዩ ። ሎሚ ድማ ስጋብ ክንደይ ንጽንተትካ ተበጊሱ ምህላዉ የዓሪካ ክትፈልጦ መሬትካ’በር ንስካ ከምዘይ ተድልዮ ይነግረካ ምህላዉ ከተስተውዕል ይግባኣካ።እሞከደኣ ስቅታካ ክሳብ መኣስዩ። እዚ ሕሱም ኣረሜናዊ ስርዓት’ዚ ዳስ ሐዘን’በር ዳስ መርዓ ወይ ሓጎስ ክትተክል ዘይምነየልካ፡ ውሉዳትካ ካብ ቅድሚ ዓይንካ ሃጽ ኢሎም ክጠፍኡን ኣደዳ ባሕርን ሸየጥቲ ደቂ-ሰባትን ክኾኑ ንስካ ድማ መዓልታዊ ተቀባሊ መርድእ ኾንካ ክትነብር፡ ነቶም ኣብ ትሕቲኡ ዝትረፉ’ውን እንተኾነ ዕደመ ንእስነቶም ኣብ ዘይውዳእ ባርነት ቆሪኑ ጸልማት መጻኢ ሂወት ክሕልፉን ነዚ መሪርዎም እንተ ተቃወሙ ድማ ከምዚ ኣብ ቕድሚ ዓይንካ ዝረኣካዮ ብዘስካሕክሕ ኣረሜናዊ ግፍዒ ብጥይት ክቅለዉ ዝገብር ዘሎ ደመኛካ ሕሱር ስር ዓት ዓይንካ ከፊትካ ብትብዓት እትምክተሉ ሰዓት ሕጂዩ።

ውጽዕ ህዝቢ ኤርትራ፡ ስቅታካ ከምዚ እንተ-ቀጺሉ ስቓይካ ክቅጽል ጥራሕ ዘይኾነስ ህላዌካ ከም ህዝቢ ኣብ ምልክት ሕቶ ዘእቱውን’ዩ። ውሉዳትካ ሲኢካ ከይኣክል ነታ ብፍርቂ ከብድኻ እናሓድርካ ተዓምጺጽካ እትሓድረላን መርድእ ወሉዳትካ ተዓጺኻ እትነብዓላን ጎጆካ ብዶዞራት ኣፍሪሱ ኣብ ኣሳሓይታን ንፋስን ተቃሊዕካ ኣደዳ ዘይፍወስ ሕማማትን ሞትን ክትቃላዕ ጌርካን ጌና’ውን ይቅጽል ኣሎ። እሞከዳኣ ኣብ ታሪኽ ናይ ዓለም ነባሪ ህዝቢ’በር ነባሪ ስርዓት ከምዘየለ፡ ቃልሲ ውጽዓት አንጻር ጨፍለቕቲ ስርዓታት ድማ ኩሉ ግዜ ከምዝዕወት ኣሚንካ ንመሰልካ እትለዓለሉ ግዜ ሎምን ሕጅን ጥራሕ’ዩሞ ንመሰልካን ክብርኻን ተለዓል።

መጸዋዕታ፣ ንደገፍትን ተደናግጽትን ስርዓት ህግደፍ፡

ስቃይን መክራን ፣ሞትን ብርሰትን ህዝብኹም እናራኣኩም ከምዘይ ራኣኩም፡ እናሰማዕኩም ከምዘይ ሰማዕኩም ንህዝብኹም ክትብድሉን ከተንብዑን ጸኒሕኩምን ገና’ውን አለኹም። እዚ ኣብ ታሪክ ህዝብኹም ዘይድምሰስ ኣበሳ በቲ  ንሱኹም እታኣምንሉን እተሳስይዎን ስርዓት መንእሰያት የሕዋትኩም ክጸንቱ፡ ሃገር ክትበርስ፡ የዒንቲ ኣደታትኩም ብንብዓት ሓዘን ክዓውር ፡ ስንኩላን ሓርበኛታትኩም ብመንግስቶም ክርሸኑ ደቂ-ኣንስትዮን ደቂ-ተባዕትዮን ሐርበኛታት የሕዋትኩምን ኣያታትኩምን ኣብ እስርቤት ብዘይ ፍርዲ ክሞቱን ክሳቐዩን እናራኣኹም ብውሽጥኹም እቲ ሐቂ እናበልዓኩም ንግዚያዊ ረብሓኹም ክትብሉ ብህዝብን ሃገርን ትጻወቱ ምህላውኩም ተገንዚብኩም ኣብ ጎኒ ውጽዕ ህዝብኹም ደው ክትብሉን፤ ዝተረፈ ህዝብኹም ካብ መከራን ስቃይን ክድሕን፡ ነዚ ኣብ ማእከል ከተማ ኣስመራ ኣጋጢሙ ዘሎ ዘሕዝን ፍጻሜ ተጠቂምኩም ነቲ ዓማጺ መንግስቲ ክትኩኑኑን መጸዋዕታ ካብ ውጹዕ ህዝብኹም ይቐርበልኩም ኣሎ።

እታ ክትጸንትን ክትበርስን ዓይንኩም ዓሚትኩም እተጥፍእዋ ዘለኹም ሃገር ምስየናይ ወሎዶ ክትነብሩላ ኢኹም ትሓልሙ ዘለኹም። ዘፍርን ዝወልድን መንእሰይ ንክጸንት ትፈርድዎ ከም ዘለኹም ይስቆረኩ’ድዩ። ስለዚ ነታ ሕጂ ብዋጋ ህዝብኹም እተውደኽድኹላ ዘለኩም ሃገር ጽባሕ ናይቶም ስቓይን መከራን ዘሕልፉ ዘለዉ ዜጋታት ደቃ ምካና ኣይትዘንግዑ። ሰለምንታይሲ ነባሪ ህዝቢ’በር ነባር  ስርዓት ሰለዘየለ። እምባኣር ነዚ ሓቂ’ዚ ተረዲእኩም ናብ ልብኹም ተመሊስኩም ኣብ ጎኒ ውጹዕ ህዝብኹም ክትስለፉ ዳግም ህጹጽ መጸዋዕታ ይቀርበልኩም ኣሎ።
                                                   
                                                                                 እንቢ ንምልኪ!!
                                                                                 እወ ንልዕልና ሕጊ!!                                                
                                                               በይ- ኤርያ ኤርትራውያን ንዲሞክራስያዊ ለውጢ
                                                                                                                       
ሚያዝያ 7 2016