http://ascenteq.com/project/epdp

ዝኽብርካ ኣቦ/ወንበርን ኣባላትን ኣሳናዳኢት ሽማግል ሰልፊ ዲሞክራሲ ህዝቢ ኤርትራ

ዝኽብርክንን ዝኽብርኩምን ኣ/ወበርን ኣባላት መሪሕነትን ሰልፊ-ዲሞክራሲ ህዝቢ ኤርትራ

ዝኽበርክንን ዝኽብርኩምን ዕዱማት   ኣጋይሽ

ዝኽብርክንን ዝኽበርኩምን ተሳትፍቲ ፈስቲቫል ብሓባር

ኣቐዲምና ኣብ ኩነታት ጥዕናኹም ድሕነት ንሓትት ኣብ እትገብርዎ ናይ ለውጥን ሰላምን ርግኣትን ሃገረ አርትራ ኣሳልጦን ዓወትን እምንየልኩም። ኣስዒብና ኣብ እተካይድዎ ዘለኹም ሰፊሕ ፈስትቲቫል ኤርትራ 2016 ብዓወት ክዛዘም ድልየትናን ባህግናን ምዃኑ ንሕብር። ነዚ ኣጋጣሚ“ዚ ተጠቒምና ድማ ኣብዚ ፈስቲቫል ተሳተፍቲ ክንከዉን ንዝተገብረልና ዕድመ ልዑል ክብርን ምስጋናን ኢና እንህቦ።

ዝኸበርክንን ዝኸበርኩምን ተሳተፍቲ እዚ ፈስቲቫል ፍራንክፈርት ኣብ‘ዚ ፈስቲቫል‘ዚ   ተላዒሎም ዘለውን ክለዓሉ ዝኽእሉን ዛዕባታት ኣብ ተግባር እንተነውዕሎም ህዝብና ካብ ዘለዎ ጨንቅን መከራን ምተናገፈ ንሕናዉን ከም ውድባትን ሲቪክ ማሕበራትን ው/ሰባትን ብጠቕላላ ጽላል ደንበ/ፍትሒ ዝብሃል ንእሽቶ ታሪኽ መትረፍና ስኽፍትታናውን መውረድና። ነዚ ኣብ ግምት ዘእተወ ከም ውድብ ግሃደኤ-ሕድሪ ምስ ኩሉ እዚ ኣብ ላዕሊ ዝጠቐስናዮ ጽላል ደንበ ፍትሒ ኼና ካባና ዝጥለብ ዘበለ ኩሉ ክንፍጽም ድሉዋት ከም ዘለና ክንሕብርን ከነስምረሉን ንደሊ። እዚ ኣባሃህላ‘ዚ ሕጂዉን ከም ቀደሙ መዓስ‘ከ ሕማቕ ትዛረቡ ልሙድ እንዳእሉ ተባሂሉ ዝሕለፍ ግን ኣይኮነን እቲ ምኽንያትን እቲ ግዝያትን ናብ ከምኡ ዕድል ዝህብ ስለዘይኮነ እሞ ንሕሰበሉ።

ኣብ ዓለም ንጎታ ክሸጡ ከይትቕተል ተባሂሉ ንሓርማዝ ምኽልኻል ክግበረላ ከሎ ንኤርትራዊ ግን ብሂወቱ ኮላሊቱ ልቡን ካልእ ውሽጣዊ ኣካላቱን ወጺኡ ኽሽየጥ መን ይከላኸለሉ? ወዲ-ሰብ ብናይ መዋእለ- እንስሳ ሃድን ተራእዩ ብዘይፈልጥ ብወተጉ ከም ገመል ኽሕረድ ዝተራእየ ኣብ ሊብያ ወዲ-መን‘ዩ? ኣብ ዝኾነ ባሕሪ ሰሃራ ምድረበዳ ሞይቱ ተረኺቡ ሬስኡ ኣይንደልዮን ኣይንወስዶን ተባሂሉ ዝተፈንፈነ ወዲ-ኣየነይቲ ዓዲ እዩ? እዚኣ እንድያ እታ ኤርትራ ንብላ እዚ ኩሉ ምኽኒታት ሽጎማኖ መጕሓፊ መመኽነይ ከይፈራሕና ንእሳያስ ኢና እንህቦ?

እሳያስ ሕሙምን ጽሉልን ኮይኑ እንተተረኺቡ‘ኸ መን እዩ እቲ ካልኣይ ሓላፍነት ዝስከም ኣነ? ንስኻ? ንስኺ? ንስኹም? እንዶዒ ሕስብሉ ንሕሰበሉ። መልሲ ናይ እዚ እታ ኣብ ላዕሊ ዝጠቐስኩዋ ከም ውድብ ኣብ እጃምና ምልዓል ኣሎና ሎሚ ግን ትማሊ ከምዘይኮነት ንምእማት ተባሂሉ ዝመጸ ኣዩ።

ሎሚ ብዛዕባ ህግድፍ ብዙሕ ክንምድር ኣይግዛኡን ህግድፍ ቃል ብቓሉ ጸረ ብልጽግንና ጸረ ሰላም ጸረ ፍጡር ጸረ ድኹማት ጸረ መንእሰያት ጸረ ደቂ ኣንስትዮ ጸረ ኣካለ-ስንኩላን ካብ ዝኸዉን ድሮ ካብ 25 ዓመት ንላዕሊ ኣቝጺሩ እዩ። ኣብ መደምደምታ ድማ ካብ‘ዚ ሒዝናዮ ዘሎና ዓመት ኣብ ካላኣይ ኢዮበል የራኽብና ኢሉና እዚ ማለት ብርእይቶ ናይ መብዛሕትና እንተመትኩዉን ሬሳይ ኽገዛኩም እዩ ዘስምዕ !!!!!ኪኖ እዚኣ ሕልፈት ዝበሃል ዘሎ ኣይመስለናን እሞ ብኤኮኖሚ ድዩ ብፖሎቲካ ብሕብረተሰባዊ ድዩ ብፖሊሲ ብዲክተይተር ድዩ ብዶብ ዝብል ትንትና ጌርና ሰብ ኣይነዳኽም ኣይንድከም ፍታሕ ነናዲ። ብርእይቶና   እቲ ሓደ ካብ ፍትሓት ይኸዉን እዩ ኢልና ንኣምነሉ ከም ውድብ ሓንሳብን ንሓዋሩን ተመኩሮና ምምዛንን ድኻማትናን ዘሎና ነቄፌታት ብግሉጽ ምሎዓልን ጽቡቝ መበገሲን ናብ ትስፉው መደምደሚ ከብጽሓና ይኽእል እዩ ንብል።

ደጊመ ጽን ኢልኩም ዝሰማዕኩሙኒ የመስግን

ህዝብን ሃገርን ልዕሊ ኩሉ ኩሉ

ዓወት ንሓፋሽ ብተግባር

ውድቀት ንህግደፍ

12/08/2016