UNHCR Logo

 

 

ጀነቫ

 

ናይ ሕቡራት ሃገራት ትካል ስደተኛታት መንግስቲ እስራኤል ኣብ ሃገሩ ንዘለው ብኣሽሓት ዝቑጸሩ ኤርትራዊያንን ሱዳናዊያን ስደተኛታትን ሓተቲ ዑቕባን ብዘይፍቓዶም ናብ ካልኦት ሃገራት ትሕተሰሃራ ከየጣይስ ተማሕጺኑ።

እስራኤል ኣብ ሃገራ ዘለው ኣፍሪቃዊያን ስደተኛታት ናብ ካልኦት ሃገራት ናይ ምጥያስ ፖሊሲ ኣብ 2016 .ዝጀመረ እንተኾነ ክሳብ ሕጂ ከይተተግብረ ከም ዝጸንሓ ዝሓበሩ ወሃቢ ቃል ናይ ሕቡራት ሃገራት ትካል ስደተኛታት ዊልያም ስፒንድለር እንተኾነ እዚ ካብ ጥሪ 1,2018 ክትግብር ዝተገልጸ ኤርትራዊያን ሱዳናዊያን ስደተኛታት ብዘይፍቓዶም ናብ ሳልሳይ ሃገር ምጥያስ ዝብል ፖሊሲን ትካሎም ከም ዘተሓሳሰቦም ገሊጾም።

ወግዓዊ መግለጺ እቲ ፖሊሲ ነቶም ናይ ዑቕባ ሕትኦም ኣብ መስርሕ ንዘሎውን ዝምልከት ምዃኑ ወይውን ሓተቲ ዑቕባ ብመቑሕ ተአሲሮም ናብ መዓርፎ ነፈርቲ ክውሰዱ ይኽእሉዮም ምባሉ ዘሰኽፍዩ። ብዘይፍቓዶም ናብ ውጽኢታዊ ሓለዋ ዘይብለን ሃገራት ምጥያስ እዞም ሰባት ዝቕጽል ስጉምቶም ብሊብያ ኣቢሎም ኣውሮጳ ንምብጻሕ ምጉዓዝ ምዃኑ ምርዳእ ድማ ዝያዳ ዘተሓሳስብዩ።

ኣብዚ ሕጂ እዋን ኣስታት 27,000 ኤርትራዊያንን 7,700 ሱዳናውያን ስደተኛታት ኣብ እስራኤል ዝርኸቡ ምዃኖምን መንግስቲ ነቲ ናይ ዑቕባ መስርሕ ካብ ናይ ሕቡራት ሃገራት ትካል ስደተኛታት ኣብ 2009 .ድሕሪ ምቕባሉ ድማ 10 ኤርትራዊያን 1 ሱዳናዊያን ጥራይ ከም ስደተኛታት ኣፍልጦ ምርኻቦም እቲ ትካል ወሲኹ ይሕብር።

እቲ ትካል ካብ ሕዳር, 2015 ክሳብ ታሕሳስ, 2017 ኣብ ከተማ ሮማ ዘዘራረቦም 80 ኤርትራዊያን ስደተኛታትን ሓተቲ ዑቕባን ብዘፍቓዶም ካብ እስራኤል ናብ ካልእ ሃገራት ምጥያሶም ከም ዝገለጹ ዝሓበሩ ወሃቢ ቃል እቲ ትካል እዚ ድማ ንሓደገኛነት እቲ ፖሊሲ ዘርእይኢሎም።

ንሶም ብተወሳኺ መብዛሕትኦም ኣብ እስራኤል ዝርኸቡ ኤርትራዊያን ብምድረበዳ ሲናይ ድሕሪ ብዙሕ ስቕያትን መስቀይትን ዝሓለፉ ምዃኖም ብምግላጽ ትካሎም እስራኤል ነቶም ስደተኛታት ናብ ካልእ ሃገር ዝጣየስሉ መንገዲ ኣብ ምድላውን መፍትሒ ንምርኻብን ምስ መንግስቲ እስራኤል ንምስራሕ ድልው ምዃኑ ሓቢሮም።

Source=https://tigrigna.voanews.com/a/unhcr-on-israel-policy-to-relocate-african-migrants/4199986.html

ዋሽንግተን

 

ናይ ኤርትራ ፕረዚደንት ኢሳያስ ኣፈወርቂን ናይ ግብፂ መዘንኦም ዓብድልፈታህ ኤል-ሲሲስን ሎሚ ሶሉስ ኣብ ካይሮ ተራኺቦም፡ ተዘራሪቦም።

እቶም መራሕቲ ክልቲአን ሃገራት እናዓበየ ይኸይድ ዘሎን ዝበሉዎ ርክባት ንግድን ኢንቨስትመንት ከምኡ ውን ዞባውን ዓለምለኻውን ጉዳያት ክዘራረቡ እዮም ክብሉ ናይ ኤርትራ ሚንስትር ሓበሬታ ኣቶ የማነ ገብረመስቀል ሎሚ ኣብ ዘውፅኡዎ ናይ ቲዊተር መልእኽቲ ገሊፆም ኣለው።

VOA

ኣብ ፕረዚደንታዊ ቤትመንግስቲ ኢትሓዲያ ምርኻቦም ዝገለፀት ጋዜጣ ኣል-ኣሕራም ብወገና ክልቲኣዊ ርክባት ንምዕዛዝ ከምኡ እውን ኣብ ሃገራት ወሓይዝ ናይልን ኣብ ቀርኒ ኣፍሪቃን ዘሎ ምዕባለታትን ብዝምልከት ከም ዝዘተዩ ፀብፂባላ።ፕረዚዳንት ኢሳያስ ናይ ክልተ መዓልታት ወግዓዊ ዑደት ከም ዘካይዱ ተሓቢሩሎ።

ብተመሳሳሊ ዜና ቀዳማይ ሚንስትር ኢትዮጵያ ሃይለማሪያም ደሳለኝ ምስ ሓለቓ ስታፍ ሱዳን ሌቴናል ጀነራል ኤማድ ኣል-ዲን ሙስጣፋ ኣዳዊ ትማሊ ኣብ ኣዲስ ኣበባ ምዝርራቦም ፋና ብሮድካስቲንግ ኮርፖረሽን ፀብፂባ።

እቶም ጀነራል ካብ ፕረዚዳንት ዑማር ኣል-በሽር ዝተለኣኸ ደብዳበ ከም ዘረከቡ ተሓቢሩሎ።

ጠመተ ናይቲ ዝርርብ ኣብ መንጎ ክልቲአን ሃገራት ዘሎ ርክባት ንምሕያል ምዃኑን ፕሮጀክት ዓብዪ ግድብ ህዳሴ ካብ ዝጅምር እቲ ርክብ እናሓየለ ከም ዝመፀን ኣብ ቤት ፅሕፈት ቀዳማይ ሚንስትር ሓላፊ ሚዲያን ርክባት ህዝብን ዛዲግ ኣብርሃ ዝጠቐሰ ፋና ፀብፂቡ።

ብኻልእ ዜና ናይ ኢትዮጵያ ሚንስትር ጉዳያት ወፃኢ /ወርቅነህ ገበየሁ ኣብ ሕቡራት ዓረብ ኢማራት ዑደት ይፍፅሙ ከም ዘለው ተፈሊጡሎ።

 

Source=https://tigrigna.voanews.com/a/eritrean-president-meets-egypt-president/4200086.html

  • By maggie michael, associated press

Issaias and Abdulfetah

In this photo provided by Egypt's state news agency, MENA, Eritrean President Isaias Afwerki, left, meets with Egyptian President Abdel-Fattah el-Sissi at the presidential

more +

Egypt's president and his Eritrean counterpart met in Cairo on Monday amid heightened tensions with Sudan and Ethiopia over border disputes and the construction of a massive upstream Nile dam.

Egypt fears the soon-to-be completed dam in Ethiopia could cut into its share of the river, which provides nearly all its freshwater. Eritrea and Ethiopia have long been bitter rivals and went to war in the late 1990s. Ethiopia denies it is cutting into Egypt's share of the Nile, and has accused Eritrea of training rebels to carry out sabotage attacks on the dam.

Egyptian President Abdel-Fattah el-Sissi hosted Isaias Afwerki at the presidential palace. "The two sides have agreed on continuing intensive cooperation in all issues related to the current situation to support the security and stability in the region," Egyptian presidency spokesman Bassam Radi said, referring to the Horn of Africa and the Red Sea strait of Bab al-Mandab as two major areas for ensuring stability.

The Qatar-based Al-Jazeera network recently reported that Egypt is deploying troops in Eritrea. The Red Sea Afar Democratic Organization, an Eritrean opposition group, last year claimed that Egypt is building a military base on Eritrea's Dahlak island and will deploy up to 30,000 Egyptian naval forces.

Eritrean Information Minister Yemane G. Meske denied the Al-Jazeera report in a tweet this week, saying: "Al-Jazeera News Channel seems to relish propagating false and preposterous news on Eritrea: latest is phantom deployment of Egyptian troops/weapons!"

Egypt's relations with Sudan, which has lent support to Ethiopia in the Nile dispute, have meanwhile deteriorated.

Sudan recalled its ambassador for consultation last week, and has said a 2016 maritime demarcation agreement between Egypt and Saudi Arabia infringes on its territorial waters. The waters in question are off the coast of an Egyptian-held border region claimed by Sudan. Egypt's pro-government media have accused Sudan of conspiring against Cairo with Turkey and Qatar.

Ethiopia says the $5 billion dam is essential for its economic development, noting that the vast majority of its 95 million people lack electricity. The dam's hydroelectric plant will generate over 6,400 megawatts, a massive boost to the country's current production of 4,000 Megawatts.

Egypt, with a population roughly equal to Ethiopia's, receives the lion's share of the Nile's waters under agreements from 1929 and 1959 that other Nile nations say are unfair and ignore the needs of their own large and growing populations.

Source=http://abcnews.go.com/International/wireStory/egypt-building-water-purification-plant-face-shortages-52229414

ስርዓት ኣስመራ ብገዛእ ኢዱ ዝፈጠሮ ሓምቢሱ ኣብ ክወጸሉ ዘይክእል ፖለቲካዊ ቅልውላው ተሸሚሙ ይርከብ። እዚ ስርዓት እዚ ካብ ግዜ ቃልሲ ምእንቲ ነጻነት ኣትሒዙ ዝጻወቶ ዝነበረ ፖለቲካዊ ምንዝርና ህዝብና ክርደኦን ከስተውዕለሉን ኣይከኣለን። ኩሉ ንሱ ዝወስዶ ስጉምቲ ከኣ ጽባሕ ንግሆ እንታይ ክወልድ እዩ ኢሉ ዝመራመር እውን ኣይተረኽበን። ብግስ ከይበለ ምስ መጋበርያ ስርዓት ሃጸያዊ መንግስቲ ኢትዮጵያ ኣብ ኣስመራ ዝነበረ ኣስራተ ካሳ ክራኸብ እንከሎ ክሳብ ሕጂ ኣሉ ይብል ኣሎ።

እዚ ናይ ተበለጽቲ ፖለቲካዊ ሽጣራታት ንግዚኡ እወንታዊ ውጽኢ ዝህልዎ እኳ እንተመሰለ ውዒሉ ሓዲሩ ግና ንሃገርን ህዝብን ኣብ ከቢድ ቅልውላው ክምዘእቱ እዚ ሕጂ ዝኸይድ ዘሎ መስርሓት እኹል ምስክር እዩ። ከምቲ ኣፍዑት ዓፈፋኡ ዝቐያይር ስርዓት ኣስመራ ከኣ ሕብሩ እናቐያየረን  ነቲ ህዝቢ እናታለለን ክመጽእ ዝጸንሐ ስርዓት እዩ። ኣብታ ኣብ መንቀራቕሮ ዝኣትወላ ሰዓት ምስቲ ዝጐራፈጦን ዝሕንፍጦን ዝነበረ ምእንቲ ጸቢብ ረብሓኡ ክዕረቕን ክጽጋዕን ግዜ ዝወስደሉ ኣይኮነን።

ረብሓኡ እተውሕስ ዝኾነት ትኹን ምሕዝነት ክገብርን ክሰማማዕን ዝእግሞ ኣይኮነን። ትማሊ ምስ ኢራን ተጸጊዑ ንካልኦት ከምዘየጥቀዐ፥ ሎሚ ንኢራን ገዲፉ ምስ ሱዑድያን ኢማራትን ተመሓዝዩ ስልጣኑ ዘናውሓሉ ኣጋጣሚ ሃሰውሃሰው ኣብ ምባል ይርከብ። እቲ ዝነበረ ምሕዝነታት ገሊኡ ክብተኽ እንከሎ ገሊኡ ድማ ይተርር ምህላዉ ከኣ ከከም ገጹ ክገላበጥ ብዙሕ ዘሰክፎ ኣይኮነን። እነሆ ከኣ ሎሚ እቲ ምስ ሱዳን ዝነበሮ ዝምድና ከም ኣመሉ ናብ ዝብተኸሉ ደረጃ ይገማገም ኣሎ።

ሱዳንን ኢትዮጵያን ዝሓሸ ዝምድና እናመስረታ ይኸዳ ኣለዋ። ሱዳን ምስ ግብጺ ዘነበራ ዝምድና ከምቲ ናይ ቀደም ከምዘይኮነ፡ እቲ ኢትዮጵያ ኣብ ፈለግ ኣባይ ግድብ ንምህናጽ ዝወሰደቶ ስጉምቲ ንረብሓ ግብጺ ኣይኮነን ብዝብል፡ ናይቲ ዝምድና ስንከለክል ምባልን ምኽንያት ኮይኑ ኣሎ። ስለዚ ሱዳን፡ ኢትዮጵያ፡ ኤርትራን ግብጽን ኣብ ቀርኒ ኣፍሪቃ ኣብ ሕድሕደን ሰላምን ምርግጋእን ክፈጥራ ዝግበአን ክንሰን ምሕዝነታተን መምስረብሐአን ይጠላለፍ ስለዘሎ ኣብ ነንሓድሕድን ዶባተን ክሳብ ዝዓጽዋ ኣብ ዝኸዳሉ መድረኽ ኢና እንዕዘብ ዘሎና።

እዚ ነቲ ኣፍሪቃዊ ዘይኮነ ደጋዊ ሓይሊ ናይ ምእታው ኣፍደገ ክፉት ንክኸውን ዕድል ዝህብ እዩ። በዚ ዝኣክል እነሆ ሱዑዲ ዓረብያ፥ ኢማራትን ቱርክን ኣብ ውሽጢ ጉዳይ ቀርኒ ኣፍሪቃ ክኣትዋ ዕድል ረኺበን ኣለዋ። እዘን ሰለስተ ሃገራት ነናይ ገዛእ ርእሰን ኣህጉራዊ ዝምድናታት ዘለወን ክኾና እንከለዋ ንቀርኒ ኣፍሪቃ በቲ ዘለውን ኣህጉራዊ ዝምድና፡ ምትእስሳርን ሃብትን ክጸልዋ ምዃነን ርጉጽ እዩ። ውጽኢት ናይዚ ከኣ እቲ ብርሑቕ ኮይኑ ዝዝውር ኣህጉራዊ ሓይልታት ጽልዋኡ እጃም ከም ዝህልዎ ዝከሓድ ኣይኮነን። ስለዚ እቲ ፖለቲካዊ ሃዋህው ናበይ ገጹ እዩ ዝዛዙ ዘሎ ምስትብሃል ናይ ኩልና ግደ ክኸውን ኣለዎ። ምኽንያቱ ሃፈጽታ ናይቲ ሃልሃልታ ንመላእ ኣህዛብ ቀርኒ ኣፍሪቃ፡ ብፍላይ ከኣ ነቲ ብድኽነት ዝሳቐ ዘሎ ህዝቢ ኤርትራ ዝሃሲ ብምዃኑ ሸለል ኢልካ ዝሕለፍ ኣይኮነን።

ኢሰያስ ኣፈወርቂ ናይ መን መልእኽቲ እዩ ዘተግብር ዘሎ እውን ክንመራመረሉ የድሊ። እዚ ሰብ እዚ ንድሕነት ህዝቢ ኤርትራ ዘይኮነስ ንረብሓኡን መናውሒ ዕድመ ስልጣኑን ዝገበሮ ዘሎ ሽጣራታት ደም ንጽሃት ደቅና ብኸንቱ ምፍሳስ ጥራሕ ዘይኮነ፡ ሓድነትን ጥምረትን ህዝቢ ኤርትራ ክበታተን እሞ ኣብ ዝደኸመ ደረጃ ከውድቖ ዝኣልሞ ዘሎ ውዲታት እዩ።  ኤርትራን ህዝባን ምስ ደኸሙ ከኣ ተኸቲሉ ዝመጽእ ሳዕቤን ከምዘሎ ክንዝንግዕ ኣይግባእን። ናይ ስዑዳውያን፡ ዒማራታውያንን ግብጻውያንን ኣብ ሃገርና ምእታው እዚ ዘይበሃል መዘዝ ከም ዘስዕብ ኣቐዲምና ክንግንዘቦን ክንቃለሶን ይግበኣና።

ኣቦ-መንበር ሰልፊ ዲሞክራሲ ህዝቢ ኤርትራ (ሰዲህኤ) ብ8 ጥሪ 2018 ነቲ ኣብ ክልቲኡ ገማግም ቀይሕ ባሕሪ እንዳዓርገ ዝኸይድ ዘሎ ሓደገኛ ናይ ውግእ ደበና ብዝምልከት ዝሓደሮ ሻቕሎት ብዝምልከት መግለጺ ኣውጺኡ። ኣብ መግለጺኡ፡ ናይዚ ከባቢ መንግስታት ነቲ ኣብኣተን  ዝኽፈት ናይ ግዳም ወተሃደራዊ መደበራት ክዓጽዋን ካብቲ ንመሰረታዊ ረብሓታት ናይ ህዝበን ዘየዕቁብ ምትእኽኻባት ክወጻን ጸዊዑ።

ኣቦ-መንበር ሰዲህኤ ኣቶ መንግስተኣብ ኣስመሮም ኣብቲ ሰፊሕ ድሕረ ባይታ ናይቲ  ምስሕሓባትን ወጥርን ዝዳህሰሰ መግለጺኡ ዝምልከቶም ኣካላት ንፍልልያትን ምስሕሓባትን ብሰላማዊ ኣገባብ ጥራይ ክፈትሕዎ ጸዊዑ። 

 

እቲ መግለጺ ሰዲህኤ ንህዝቢ እዚ ዞባ ንነዊሕ ግዜ ግዳይ ክገብርዎ ዝጸንሑ፡ ዘይቅኑዕ ምምሕዳር፡ ወግኣትን ተፈጥሮኣዊ ሓደጋታትን ብሓፈሻ ጠቒሱ፡ ብፍላይ ድማ ናብ ኤርትራ ብምትኳር፡ ብሰንክቲ ኢጣልያዊ መግዛእቲ ዝፈጠሮ ሰንሰለታዊ ውግኣት ጥራይ ዘይኮነ ኣብ ዝሓለፈ 26 ናይ ናጽነት ዓመታት ኣብ ኤርትራ ዝተኻየዱ ሰለስተ ውግኣት ዘውረድዎ ጉድኣት’ውን ሓቢሩ።

 

ኣብ ርእሲ’ዚ እቲ መግለጺ ኣተሓሒዙ፡ ኤርትራውያን፡ ዞባውን ዓለም ለኻውን ረቛሕታት ንመጻኢ ኩነታት ኤርትራ ከም ዝጸልዉዎ ከስተውዕሉ ከም ዝግበኦም ኣተሓሳሲቡ። ስለዚ ኣብዚ እዋንዚ ናብ ዓብይ ስእሊ ናይ’ቲ ጸገም ከድህቡን ነቲ ናይ ሓባር ብደሆታት ብሓባራዊ ዓቕሚ ክገጥሞዎን ከም ዝግባእን ኣገንዚቡ።

The Chairman of the Eritrean People's Democratic Party (EPDP) issued a statement dated 8 January 2018 expressing deep concern about the dangerous "clouds of war gathering on both sides of the Red Sea"  and urged the governments of the region to "immediately close the military bases of external forces and withdraw from the alliances that do not serve the best interests of the peoples of the region".

EPDP Chairman Menghesteab Asmerom's statement, which provided abundant background to the conflicts and security tensions in the entire region, also asked all parties concerned to resolve their differences only peacefully.

EPDP Expresses Deep Concern about Regional Conflicts 1

 The EPDP statement referred to the bad governance, wars and natural calamities that victimized the peoples of the region for too long and in particular mentioned the suffering of Eritreans, not only because of a chain of wars since Italy colonized the territory over a century ago, but also of the three wars imposed on them in the past 26 years of their independent existence.

It also reminded Eritreans the be "fully aware of the fact that regional and international factors also influence and affect the future of Eritrea" and that it is time for them to see "bigger picture" and start to jointly face the challenges ahead of them. Printed below is the full text of the Statement.

.========

EPDP Statement on Tensions, Alliances

in the  Horn of Africa and Red Sea Basin:                                                                       The peoples of the Horn of Africa have been victims of bad governance, drought and armed hostilities for a long time. This fact is made clear and apparent by the number of Eritreans, Ethiopians, Somalis and Sudanese refugees scattered all over the globe.

 

The Eritrean people have, in particular, been subjected to the adverse effects of incessant wars and armed campaigns ever since the advent of  Italian colonialism [precisely 127 years ago].  Even in the past 26 years of its independent existence, Eritrea extended the list of wars by adding up  armed conflicts with Yemen, Ethiopia and Djibouti.

Yet, what is prevailing in the Horn of Africa and the Middle Easter region at this very moment is not peace, stability or prosperity but wanton destruction and suffering.

Unfortunately, peoples of the region are witnessing a proxy war in Yemen conducted by  a Saudi Arabia-led coalition in support of Yemeni President Abd-Rabbu  Mansour Hadi and the Houthi clansmen supported by Iran. Eritrea has become part of the ongoing hostilities by providing military base to the Saudi-led coalition in the Eritrean Red Sea province of Denkalia, and, according to some reports, it sent armed units to Yemen. In return, the Eritrean regime is receiving millions of dollars in cash and in the form of petroleum thus enabling itself to linger its dictatorial grip of power in the country. 

Egypt, with its unresolved misunderstanding with Ethiopia over the construction of a dam on the Nile River, has become part of the Gulf Coalition. The Sudan, which currently has its own problems with Egypt related to their unresolved border claims over the Halayeb Triangle and Sudan's intention to make full use of its share of Nile waters, opted to be in good terms with Ethiopia. On top of this, the ruling party in the Sudan (National Salvation Front) has not been happy with the action taken by the Egyptian President Abdulfatah al-Sissi against Sudan's friendly regime (Muslim Brotherhood) of deposed President Mursi. It is to be recalled that Turkey and Qatar provided political asylum to senior leaders of the Egyptian Muslim Brotherhood, while Turkey's President Erdogan suspected Egypt for having supported the attempted coup in his country. All these events fueled mutual mistrusts within the wider region.  

It is clear that Egypt and Eritrea are on the opposite alignment of the joint Sudan and Ethiopia front. Eritrea's Isaias Afeworki visited the United Arab Emirates, and the Ethiopian President Hailemariam Desalegn toured Qatar. The recent visit of senior Egyptian military officials to Eritrea, the rumoured supply of arms, and the initiation of training centers in Eritrea's Sawa for forces opposed to governments in the region seem to have provoked Sudan's declaration of a state of emergency in the Kassala region. It also closed its border with Eritrea by sending thousands from its special rapid deployment units to the area. These developments did indeed heighten security tension between the two.  

It is observed that Sudan, which formally remains part of the Gulf Coalition, it nevertheless continues to strengthen relations with Turkey, probably on the basis of religious and ideological grounds (Muslim Brotherhood) that both share with Qatar as opposed to the Wahabist Sunni line of Saudi Arabia. In the midst of this contest for political influence in the Horn of Africa and Red Sea Basin, Turkey is establishing military bases at Sewakin in the Sudan and in Somalia thus igniting Egyptian and Arab fears of  old Ottoman-Turkish like expansionist move to the Red Sea which Arabs wish to call their own backyard.

The clouds of war gathering on both sides of the Red Sea are big threats to this important commercial route and hazardous to the peoples of the region. The Eritrean People's Democratic Party (EPDP) thus expresses its deep concern about the ongoing formation of military alignments recounted above in addition to the Russo-Turkish-Iranian front opposed to the US-Israeli alliance, and President Donald Trump's recognition of Jerusalem as the capital of Israel, a fact opposed by many parties in addition to the Muslim-Arab world. The intensification of the simmering conflicts and crises appears to be adding fuel to existing problems in the Horn of Africa countries and thus plunge the peoples of the region to the worst situation imaginable.

We therefore strongly call upon governments of the Horn of Africa region to resolve their problems peacefully and immediately close the military bases of external forces and withdraw from the alliances that do not serve the best interests of the peoples of region.

Also at this critical juncture, the EPDP wishes to again ring the bell to the Eritrean people and our organizations opposed to the ruling regime to be fully aware of the fact that regional and international factors also influence and affect the future of Eritrea. Therefore, it is high time that they thus stop petty squabbles within the family and instead look at the bigger picture and start to jointly face the challenges before them and their state.

In conclusion, we appeal to all concerned parties for restraint and cessation of hostilities in Yemen and also ensure the most immediate provision of humanitarian assistance to the suffering people in Yemen.

Happy New Year!

Menghesteab Asmerom,

Chairman, the Eritrean People's Democratic Party (EPDP)

8 January, 2018

ኣህዛብ  ዞባ ቀርኒ ኣፍሪቃ፡ ንነዊሕ እዋን ግዳይ ሕማቕ ምሕደራ፡ ግዳይ ድርቅን ውግእን ኰይኖም ጸኒሖምን ኣለዉን ኢዮም። ኣብ ዓለም ተሰዲዶም ዝርከቡ ኤርትራውያን፡ ኢትዮጵያውያን፡ ሱዳናውያንን ሶማልያውያን ድማ ነዚ ሓቂ’ዚ ዘረጋግጹ ህያው ምስክርነት ኢዮም።

ህዝቢ ኤርትራ ድማ፡ ካብ ወራር ጣልያን ጀሚሩ ክሳብ ሕጂ ብውግእን ሳዕቤናቱን እናተሳቐየ ኢዩ ዝነብር ዘሎ። ኤርትራ ኣብ’ዘን ዝሓለፋ 26 ናይ ናጽነት ዓመታት ጥራሕ እኳ ምስ የመን፡ ኢትዮጵያን ጅቡትን ኣብ ውግእ ምእታዋ ኣብ መዛግብ ታሪኽ ሰፊሩ ዝርከብ ሓቂ ኢዩ። ደቡብ ሱዳን እውን ካብ ናጽነት እተጓናጸፈትሉ ዕለት ክሳብ ሕጂ ኣብ ናይ ሕድሕድ ውግእ ኢያ ተሸሚማ ትርከብ።

ሕጂ እውን ኣብ ዞባ ቀርኒ ኣፍሪቃን ማእከላይ ምብራቕን ዝዝንቢ ዘሎ ሓደጋታት ብርሰትን ዕነወትን እምበር ምልክታት ናይ ሰላምን ርግኣትን ብልጽግናን ኣይኰነን።

ኣብ የመን ዝካየድ ዘሎ ውግእ ናይ ስዑዲን ኢራንን ውግእ ብውክልና ኢዩ። ኢራን ንሓይልታት ሖትይን ክትድግፍ ከላ፡ ብስዑዲ ዓረብ ዝምራሕ ልፍንቲ ሃገራት ወሽመጥ ዓረብ ድማ ንፕረሲደንት የመን፡ ዓብዱሮቦ መንሱርን ይድግፉ ኣለዉ።

ኤርትራ ድማ፡ ነቲ ብስዑዲ ዓረብ ዝምራሕ ልፍንቲ፡ ኣብ ገማግም ደንካልያ፡ ኣንጻር ሖትይን ዝግልገለሉ ወተሃደራዊ መደበር ኣፍቂዳትሉ ኣላ። ካብኡ ሓሊፉ እውን ኤርትራ ገለ ወተሃደራዊ ኣሃዱታት ናብ የመን ልኢኻ ኣብ ውግእ ትሳተፍ ምህላዋ ዝዛረቡ ምንጪታት ኣለዉ። በዚ ድማ፡ ኣካል ናይ’ቲ ኣብ ምብራቓዊ ቀይሕ ባሕሪ ዝካየድ ዘሎ ውግእ ኰይና ኣላ። ኣምሳያ ናይ’ዚ ኣበርክቶ’ዚ ከኣ፡ ኤርትራ ብሚልዮናት ዝቝጸር ዶላራትን ነዳድን ትረክብን ዕድመ ዲክታቶርያዊ ስርዓት ከተናውሕን ክኢላ ኣላ።

ግብጺ ከኣ፡ ኣካል ናይ’ቲ ብስዑዲ ዓረብ ዝምራሕ ልፍንቲ ሃገራት ወሽመጥ ኢያ። ግብጺ ብምኽንያት ምህናጽ ግድብ ትንሳኤ ኣብ ፈለግ ኒል፡ ምስ ኢትዮጵያ ኣብ ከቢድ ወጥሪ ኣትያ ትርከብ። ሱዳን እውን፡ ካብ ኣብ ፈለግ ኒል ዘለዋ ረብሓን ካብ’ቲ ምስ ግብጺ ዘስሓሕባ ናይ ዶብ ሕቶ (ሓላይብ)፡ ተበጊሳ ኣብ ጐድኒ ኢትዮጵያ ኢያ ደው ኢላ ዘላ። ኣብ ርእስ’ዚ፡ ኣብ  ሱዳን ዝመርሕ ዘሎ ናይ እኽዋን ኣልሙስልሚን (እስላምዊ ሕውነት) ስነሓሳብ ዝኽተል መንግስቲ ሃገራዊ ድሕነት ሱዳን (ኢንቃዝ) በቲ ኣብ ልዕሊ ናይ ስነ-ሓሳብ መሓዛኡ ዝዀነ ፕረሲደንት ሙርሲ ብፕረሲደንት ዓብዱልፈታሕ ኣልሲሲ እተኻየደ ዕልዋ ሕጉስ ኣይኰነን። ግብጺ እውን፡ ቱርክን ቀጠርን ንኣባላት ኣኽዋን ሙስልሚን ናይ ግብጺ ዑቝባ ምሃበን ሕጕስቲ ኣይኰነትን። ኣንጻር ፕረሲደንት ኣርዱኻን ናይ ቱርኪ ኣብ ዝተኻየደ ናይ ዕልዋ ፈተነ እውን፡ ቱርኪ ንግብጺ ኢድ ኣለዋ ኢላ ትኽሳ ኢያ። ስለዚ፡ ወተሃደራዊ መደበር ቱርኪ ኣብ ሰዋኪን ምህላው ንግብጺ ዘቕስን ኣይክኸውንን ኢዩ።

ስለ’ዚ፡ ኣብ’ቲ ናይ ቀርኒ ኣፍሪቃ ዘሎ ኣሰላልፋ ናይ ሓይልታት፡ ኤርትራን ግብጽን ኣብ ሓደ ሸነኽ፤ ኢትዮጵያን ሱዳንን ድማ ኣብ’ቲ ካልእ ሸነኽ ኣለዋ። ፕረሲደንት ኢሳያስ ኣብ ዓራብ ዓማራት ብጽሖት ክገበር እንከሎ፡ ቀዳማይ ሚኒስተር ሃይለማርያም ደሳለኝ ኣብ ቀጠር ኢዩ በጺሑ። ላዕለዎት ወተሃደራት ግብጺ ናብ ኤርትራ ይመላለሱ ምህላዎም፡ ኣብ መደበር ሳዋ ንተቓወምቲ ውድባት ናይ ጐረባብቲ ሃገራት ዘጠቓለለ ናይ ስልጠና መደባት ንሰራዊት ኤርትራ ክህቡ ምጅማሮምን ካልእ ወተሃደራዊ ሓገዛት ምሃቦምን ምስ ተሰምዐ፡ ሱዳን ብኡ ንብኡ ኣብ ኣውራጃ ከሰላ ናይ ህጹጽ ኵነት ኣዋጅ ምእዋጃን ምስ ኤርትራ ዘዳውብ ከባቢታታ በሽሓት ዝቝጸር ተወርዋሪ ሰራዊታ ብምልኣኽ ምዕጻዋን እቲ ሓደጋታት ኣብ ኣፍደገ ገዛና በጺሑ ምህላዉ ዝሕብር ምልክት ኢዩ።

ሱዳን ዋላ እኳ ብወግዒ ኣካል ናይ’ቲ ብስዑዲ ዝምራሕ ልፍንቲ እንተዀነት፡ ብግብሪ ግን ምስ ቱርኪ ዘለዋ ዝምድናታት ከተደልድል ኢያ ትርአ ዘላ። እቲ ዝግሃድ ዘሎ ምትእኽኻባትን ምፍልላያትን ሃይማኖታውን ስነ-ሓሳባውን ትሕዝቶ ዘለዎ ውን ኢዩ። ኣብ ውሽጢ እቲ ሱኒ ዝዀነ እስላማዊ ዓለም፡ ስዑዲ ዓረብ፡ ናይ ውሃብይን ሃይማኖት ተኸታሊት ክትከውን እንከላ፣ ቱርኪ፡ ሱዳንን ቀጠርን ድማ ናይ እኽዋን ኣልሙስልሚን ተኸተልቲ ኢየን። ካብ’ዚ ብምብጋስ፡ ኣብ’ዚ ኣብ ቀርኒ ኣፍሪቃን ቀይሕ ባሕርን ዝኸይድ ዘሎ ቅድድም ናይ ጽልዋታትካ ምስፋሕ፡ ቱርኪ ኣብ ወደብ ሰዋኪን ናይ ሱዳንን ኣብ ሶማልያን ወተሃደራዊ መደበር ክትምስርት ትርአ ኣላ። እዚ ድማ፡ ንሃገራት ዓረብ፡ ናይ ቀደም ዑስማናዊ ንግስነት ናይ ቱርኪ ናብ ባሕሪ ዓረብ ዝዀነ ቀይሕ ባሕሪ ይመጽእ ኣሎ ዝብል ስግኣታት ይፈጥረለን ኣሎ።

ስለ’ዚ፡ ሓደጋታት ናይ ውግእ ኣብ ልዕሊ ክልቲኡ ክፋላት ማለት ምብራቓውን ምዕራባውን ወይ ኣፍሪቃውን እስያውን ገማግም ቀይሕ ባሕሪ ኢዩ ዝዝንቢ ዘሎ። ክልቲኡ’ዚ ዞባ’ዚ ሰላም እንተደኣ ስኢኑ፡ ብቀይሕ ባሕሪ ዝሓለፍ ንግዲ እውን ኣብ ሓደጋ ክኣቱ ኢዩ።

ነዚ ኣብ ዞናና ንርእዮ ዘሎና ምቛም ናይ ምሕዝነታት፡ ምስ’ቲ ሩስያ፡ ቱርክን ኢራን ብሓደ ሸነኽ፡ ኣመሪካን እስራኤልን ድማ ብኻልእ ሸነኽ፡ ኣብ ማእከላይ ምብራቕ ዘካይድኦ ዘለዋ ውድድራት እንተደኣ ኣጣሚርናዮ፡ ኣብ ሃገራት ቀርኒ ኣፍሪቃ ዝፍጠር ውሽጣዊ ቅልውላው፡ ናብ ዓቢ ዞናዊ ባርዕ ክሰጋገር ዝኽእለሉ ዕድላት ሰፊሕ ምዃኑ ሰልፊ ዲሞክራሲ ህዝቢ ኤርትራ ይመዝን። ፕረሲደንት ዶናልድ ትራምፕ፡ ንየሩሳሌም ከም ርእሰ-ከተማ ናይ እስራኤል ምፍላጡ፡ ካብ ኵሉ ኵርንዓት ናይ ዓለም ብሓፈሻ፡ ካብ እስላማውን ዓረባውን ዓለምን ድማ ብፍላይ ብርቱዕ ናይ ተቓውሞ ድምጺ ምስዓቡ፡ እቲ ተደጕሉ ዘሎ ሓዊ ንኽባራዕ ክርቢት ጥራሕ ዝጽበ ዘሎ ምዃኑ ኢዩ ዝሕብር።   

ካብ’ዚ ገምጋምን ሚዛንን ብምብጋስ ከኣ፡ ሃገራት ቀርኒ ኣፍሪቃ፡ ኣብ መንጐአን ዘሎ ግርጭታት ብሰላማዊ ኣገባብ ክፈትሓ፡ ኣብ ሃሃገረን ዝርከብ ናይ ግዳም ሓይልታት ወተሃደራዊ መደበራት ብቕልጡፍ ከውጽኣን ካብ’ዚ ኣብ ረብሓ ናይ ኣህዛብ ዘይተመርኰሰ ምሕዝነታት ክወጻን ንጽውዕ።

ህዝብን ተቓወምቲ ውድባትን ኤርትራ ድማ፡ ካብ ሓጺርን ጸቢብን ኣጠማምታ ወጺኦም፡ ናይ ኤርትራ መጻኢ ብኤርትራውያን ጥራሕ ዘይኰነስ፡ ብዞባውያንን ኣህጕራውያንን ሓይልታት እውን ዝጽሎ ምዃኑ ክግንዘቡን ካብ ኣብ መንጐኦም ዘሎ ዘይመሰረታውን ንኣሽቱ ፍልልያትን ንዝዓበዩ ብድሆታት ክጥምቱን ኣርሒቖም ክሓስቡን ከነዘኻኽር ንፈቱ።

ኣብ መወዳእታ ድማ፡ ኣብ የመን ዝካየድ ዘሎ ውግእ ብዙሕ ዕንወትን ህልቂትን የስዕብ ስለዘሎ ብቕልጡፍ ደው ክብልን ሰብኣዊ ረዲኤት ናብ ህዝቢ ዝበጽሓሉ መገዲታት ክፉት ክኸውንን ንጽውዕ።

ርሑስ ሓድሽ ዓመት ይግበረልና

መንግስተኣብኣስመሮም

ኣቦመንበርሰዲህኤ

8 ጥሪ 2018

ኣብ ዶባት ኤርትራን ሱዳንን እቲ ሓጐጽጐጽ ነዊሕ ዕድመ ዘለዎ ኮይኑ ካብ 3 ጥሪ 2018 ጀሚሩ ግና ኣብ ደረጃ ምዕጻው ዘብጸሓ ቅልጡፍ ምቅይያራት የርኢ ከምዘሎ ነቲ ኩነታት ብቐረባ ይዕዘብዎ ብዘለዉ ምኝጭታትናን  ብዝተፈላለዩ ማዕከናት ዜናን  ተረጋጊጹ ኣሎ። ነቲ ናይ ምዕጻው ስጉምቲ ብወግዒ  ዝወሰደን ዝገለጸን መንግስቲ ሱዳን ኮይኑ መንግስቲ ኤርትራ ግና ብሰንክቲ ትዕቢተኛን ዘይግሉጽነትን ባህሪኡ ብዛዕባዚ ጉዳይዚ ንህዝቢ ዝገለጾ ወግዓዊ ነገር የለን። እቶም ምንጭታትን ማዕከናት ዜናን ከም ዝገለጽዎ መንግስቲ ሱዳን ነቲ ዶብ ክልቲአን ሃገራት “ሓይልታት ህጹጽ ሓገዝ (ቅዋት ኣልድዓም ኣልሰሪዕ)” ብዝበሃል ኣካል ሰራዊቱ ዓጽይዎ ኣሎ። ዝተፈላለዩ ተዓዘብቲ ነዚ ስጉምቲ ምስቲ ፕረሲደንት ሱዳን ዑመር ኣልበሽር ኣብዚ ቀረባ ግዜ ዘውጽእዎ ን6 ኣዋርሕ ዝጸንሕ ናይ ህጹጽ ግዜ ኣዋጅ ኣብ ግዝኣታት ኩርዶፋንን ከሰላን የዛምድዎ ኣለዉ።

ናይቲ ምዕጻው ጭብጥን ትሕዝቶን ብዝምልከት ዝተፈላለዩ ወገናት ነናቶም ትርጉም ዝህብዎ ኮይኑ፡ ከምቲ ናይ ቅድሚ ሕጂ ፍንው ናይ ተሽከርከርቲ ምንቅስቓስን ዘይሕጋዊ ናይ ሰባት ምስግጋርን ዝኽልክል ኮይኑ፡ ካብ ናብን ዝሰጋገር ንብረት እውን ዝኽልክል እዩ። ብሕጋዊ ኣገባብን ዝተመርጹ ውሱናት ኣፍደገታትን ብጥንቃቐ ብዝተሓዝ ሕጋዊ ኣገባብን ናይ ሰባት ምንቅስቓስ ግና ዝኽልክል ኣይኮነን ዝብሉ ወገናት እውን ኣለዉ። ምስዚ ብዝተተሓሓዘ ሓይልታት ጸጥታ ሱዳን ናይቲ መንገስቲ ሰለይትን ንጸጥተኦም ዘስግኡን ከምኡ እውን ብህግደፍ ኣብ ዘይሕጋዊ ንግዲ ዝተዋፈሩ ዝበልዎም ኤርትራውያን ኣብ ምብራቕ ሱዳን ክኣስሩ ጀሚሮም ምህላዎም ይንገር ኣሎ።

ናብዚ ደረጃዚ ዘብጽሑ ምኽንያታ ብዝምልከት እቲ ዝበሃል ብዙሕ ኮይኑ፡ ካብቲ ጠንቅታት መንግስቲ ኤርትራ ዘካይዶ ዘይሕጋዊ ዕዳጋ (ኮንትሮባንድ) ላዕለዎት ሓለፍቱ ዘዘውትርዎ ዘይሕጋዊ ናይ ሰባት ምስግጋር ንግድን ሓደ ምዃኑ ይገልጹ። ካብዚ ሓሊፉ ኣብ ኤርትራ ዘለዉን በቲ መንግስቲ ዝሕገዙን ተቓወምቲ መንግስቲ ሱዳን እውን ካልእ ጠንቂ እዮም። ብዘይካዚ ነዚ ጉዳይ ምስቲ ኣብዚ ከባቢና ዝረአ ዘሎ ናይ ሓይልታት ኣሰላልፋ ዘተኣሳስርዎ ኣለዉ። ከምቲ ኣብ ምብራቓዊ ቆላ ኤርትራ ገማግም ቀይሕ ባሕሪ ብበዓልል ዓረብ ኢማራት ዝረአ ዘሎ ወተሃደራዊ ምንቅስቓሳት ኣብ ምዕራባዊ ቆላታት ኤርትራ’ውን ብፍላይ ከኣ ኣብ ከባቢ መደበር ታዕሊም ሳዋ፡ ማዕጢርን ሞልቤርን ናይ ግብጺ ወተሃደራዊ ክኢላታት ጽዑቕ ምንቅስቓሳት የካይዱ ምህላዎም ካብቲ ጠንቅታት ሓደ እዩ። እዞም ምንጭታት ከም ዝጠቕስዎ ወተሃደራዊ ክኢላታት ግብጺ፡ ንናይ ዳርፎር ተቓወምቲ ሓዊስካ መንግስቲ ኤርትራ ዝሕግዞም ናይ ዝተፈላለያ ሃገራት መንግስታት ተቓወምቲ ወተሃደራዊ ታዕሊም ይህቡ ምህላዎም እውን ካልእ ምኽንያት እዩ።

ካብዚ ሓሊፉ ግብጺ ንኤርትራ ወተሃደራዊ ታዕሊም ጥራይ ዘይኮነ ናይ ዘመናዊ ኣጽዋር ሓገዛት ትገብር ከምዘላን እዚ ናብ ዶብ ሱዳን ቀረባ ኣብ ዝኾነ ቦታታት ኤርትራ ይረአ ከም ዘሎን ዝተዕዘቡ ወገናት ይሕብሩ ኣለዉ። ሱዳንን ግብጽን ብሰንኪ ኣብ መንጎአን ዘሎ ናይ ሓላይብ ናይ ዶብ ጉዳይን ኣጠቓቕማ ሩባ ኒልን ክዓቢ ዝጸንሐ ጸገም ከም ዘለወን ፍሉጥ እዩ። ኣብዚ ምስሕሓብ መንግስቲ ኤርትራ ናብ ግብጺ ምውጋኑን ሱዳን ምስ ኢትዮጵያ ምስላፋን ከኣ ንሱዳንን ኤርትራን ካብ ዘሰሓሕብ ምኽንያታ ጌርካ ዝውሰድ እዩ። እዚ ኩሉ ተደሚሩ እምበኣር እቲ ዶባት ምስ ሱዳን ምዕጻዉ ኣብ ልዕሊ መሰረታዊ ቀረባት ኤርትራ ከስዕቦ ዝኽል ተጽዕኖን ናይ ዜጋታት ምምዝባልን ሓደ ኣሉታዊ ሳዕቤን ኮይኑ ንኤርትራ ዓውዲ ውግእ ናይ ምግባራ ሓደጋ ስለ ዝህልዎ ህዝቢ ኤርትራ ከሎ ጌና ክነቕሓሉ ዝግበኦ እዩ።

EPDP Magazines