The Eritrean People's Democratic Party (EPDP) sent a message of gratitude to Holland for its Government's action on 17 January rendering the Eritrean Charge d'Affaires in the Hague persona non grata for his continued abusive practices related to collection of the illegal 2% tax and threats to Eritreans in performing its illicit collections.

The EPDP message, addressed to Dutch Foreign Ministry in the early hours of 18 January 2018, request Foreign Minister Halbe Zijstra to kindly convey  to the people and Government of Holland the gratitude and salutations of the  EPDP  sent on behalf of its rank and file and "many suffering Eritreans who are waiting similar and, hopefully also more stern, measures against the abusive regime and its agents who continue to extort 2% taxes and other illegal collections from Eritreans around the globe". 

The EPDP message further expressed "heartfelt delight and sigh of relief" on behalf of many for this long awaited action against the Eritrean Embassy Charge d'Affaires, Mr. Tekeste Ghebre-Medhin. It terms the measure "a great step forward" and hoped that the rest of Europe and others "will emulate this appropriate example".

The message added: "As the Kingdom of the Netherlands knows it well, the regime in Asmara is lawless and constantly works to spread its lawlessness beyond its territory.  What the Dutch Parliament, your judiciary system and the Dutch Cabinet have been doing to check the abuses of the agents of the Eritrean regime were always commendable. And now, this action against the abusive Charge D'Affaires is a great step forward."

ብሰንኪ’ቲ መንግስቲ ኤርትራ ካብ ስደተኛታትን ትውልዲ ኤርትራውያንን ዘካይዶ ብዘይሕጋዊ ኣገባብ ዝእክቦ ናይ “ዳያስፖራ ግብሪ” (2%) ዝተፈጥረ ዲፕሎማስያዊ ምስሕሓብ፡  ናይ ኤምባሲ ኤርትራ ዝለዓለ ተጸዋዒ (charge d'affaires) ካብ ሆላንድ ክባረር ካቢነ ሆላንድ ወሲኑ።

“ብሰንኪ’ቲ ኣብ ልዕሊ ኤርትራውያን ኣብ ሆላንድ ክካየድ ዝጸንሐ ን2% ግብሪ ምኽፋል ዝምልከት ቀጻሊ ምፍርራሕን ምግዳድን ከም ሳዕቤኑ ዝተኸስተ ማሕበራውን ፖለቲካውን ዘይቅሱን ኵነታትን፡ ካቢነ ሆላንድ ንመንግስቲ ኤርትራ ሓያል መልእኽቲ ከመሓላልፈሉ ተገዲዱ ኢዩ” ኢሉ፡ ኣቶ ሃልበ ሲልስትራ፡ ሓላፊ ወጻኢ ጕዳያት ሆላንድ።

ሚንስተር ወጻኢ ጕዳያት ሆላንድ፡ ኣቶ ሃልበ ስልስትራ

ስለ’ዚ፡ ኣቶ ተኸስተ ገብረመድህን ዘሙይ፡ ላዕለዋይ ተጸዋዒ ኤምባሲ ኤርትራ፡ ካብ ሆላንድ ክወጽእ ከምዝተወሰነ፡ ሚኒስተር ወጻኢ ጕዳያት፡ ኣቶ ሲልስትራ ንፓርላማ ሆላንድ ሓቢሩ።

ኣቶ ተኸስተ፡ ብዛዕባ’ዚ ውሳኔ’ዚ፡ ውግዓዊ መልእኽቲ ከምዝተዋህቦ፡ እቲ ሚኒስተር ድሕሪ ምሕባር፣ ከም’ዚ ዝኣመሰለ ስጕምቲ ኣብ ሆላንድ ሳሕቲ ኢዩ ዝውሰድ ኢሉ።

እዚ ስጕምቲ’ዚ ዝውሰድ ዘሎ ድሕር’ቲ መንግስቲ ሆላንድ ንኣምባሳደር ኤርትራ ኣብ ብራሰልስ ጸዊዑ፡ ብዛዕባ’ቲ ዝካየድ ዘሎ ዘይሕጋዊ ኣጋባብ ኣተኣኻኽባ 2% ግብሪ መጠንቀቕታ ምሃቡ ምዃኑ ዝዝከር ኢዩ። መንግስቲ ኤርትራ ድማ፡ ንኣሰራርሓኡ ምቕያሩ ዘመልክት ዝዀነ ይኹን ስጕምቲ ኣይወሰደን።

እዚ ስጕምቲ’ዚ ግን ምዕጻው ኤምባሲ ኤርትራ ኣብ ሀግ ማለት ኣይኰነን ኢኡ እቲ ሆላንዳዊ በዓል ስልጣን።

ኣብ ዝሓለፉ ቀረባ ዓመታት ሆላንድ ካብ ዝተቐበለቶም ዝበዝሑ ስደተኛታት ሱርያውያን ከይኖም ድሕሪኦም ከኣ ኤርትራውያን ስደተኛታት ኢዮም ።

ኣቶ ኢሳይያስ ኣፈወርቂ ከምቲ ናይ ቅድሚ ሕጂ ብዙሕ ቅድመ-ምውዕዋዕ ዘይተገብረሉ ብ14 ጥሪ 2018 ምስተን ኣብ ኤርትራ በይነን ብሒተን ዘለዋ ሚድያታቱ ቃለ መጠይቕ ኣካይዱ። እዚ ዘካየዶ ቃለመጠይቕ ፍሉይ ዝገብሮ ኣቐዲምካ ናይ ሰማዕትን ተዓዘብትን ናይ ተኸታተሉ መጸዋዕታ ዘይተገብረሉ ምንባሩ ጥራይ ዘይኮነ፡ ብዘይተለምደ ኣገባብ ብቐጥታ ኣብ ኤርትራዊ ዘይኮነ  ዞባዊ ዛዕባ እዩ ኣትዩ። ናይዚ ምኽንያት ድማ ህልዊ ዞባዊ ወጥሪ ዝያዳቲ ኤርትራዊ ስግኣት ስለ ዘሕደረሉ ምዃኑ ብዙሓት ተዓዘብቲ ዝሰማምዕሉ እዩ።

እዚ ቃለመጠይቕ ዝተገብረሉ ግዜ በቲ ሓደ ወገን ኤርትራ እትርከበሉ ብሳዑዲ ዝምራሕ፡ በቲ ካልእ ወገን ድማ ሱዳን እትርከበሉ ብቐጠር ዝምራሕ ጋንታት ዘሎ ምፍጣጥ ናብ ከባቢ ቀይሕ ባሕርን ቅርኒ ኣፍሪቃን ዘሳፍሓሉ እዩ። ነዚ ምትእስሳራት ኣብዚ ከባቢና ክንዕዘቦ እንከለና ኤርትራን ግብጽን በቲ ሓደ ወገን፡ ሱዳንን ኢትዮጵያን ድማ በቲ ካልእ ወገን ኮይነን ዝጠማመታሉ ዘለዋ ኩነታት እዩ። ኣብ መንጎ ኤርትራን ኢትዮጵያን ዘሎ ኩነታት ነዊሕ ዕድመ ዘለዎ ህይወትን ንብረትን ዝዓነወሉ ምዃኑ ርዱእ እዩ። በቲ ካልእ ወገን ኣብ መንጎ ግብጽን ሱዳንን ብዙሕ  ምኽንያታትን ነዊሕ ዕድመን ዘለዎ ምስሕሓብ ሕጂ ድሕሪ ኣብ መንጎ ሱዳንን ቱርክን ዝጸንሐ ዝምድና ምሕዳስ ተወሲኽዎ መሊሱ ዝዓረገ እዩ።

ኣብ ከምዚ ኩነታት ኣቶ ኢሳይያስ ከምዚ ዝተኸታተልናዮ ትሕትና ዘለዎ ዝመስል ቃለ መጠይቕ ክህብ ዘገደድዎ ስግኣታት ብዙሓት ምዃኖም ናይ ብዙሓት ነቲ ቃለመጠይቕ ዝተኸታተልዎ ግምት እዩ። ብውሽጣዊ ዓይኒ ክረአ እንከሎ ኣብዚ እዋንዚ ህዝቢ ኤርትራ ምሒር ግዝኣት መሪርዎ ኣንጻር ህግደፍ ብግሁድ ትንዕምንዕ ዝጀመረሉ እዋን እዩ። እዚ ሓደ መመሊሱ ዝመውቕ ዘሎ ስግኣት እዩ። ብዘይካዚ ኤርትራ ምስ ጐረባብታ ዝነበራ ዝምድና ካብቲ ዝነበሮ ጸቢብ መሊሱ ጸቢቡ ምስ ኢትዮጵያ፡ ሱዳን፡ ጅቡትን የመንን ዘራኽባ ዶባት ዕጽዊ እዩ። ካብዘን ሃገራት ናብ ኤርትራ ዝመጽእ ነገራት የለን። ካብ ኤርትራ ናብኣተን ዝኸይድ’ውን የለን። እዚ ዕጽዊ ኩነታት ነቲ ኣብ ኤርትራ ዝጸንሐ ውጡር ቁጠባዊ ኩነታት ናብ ኣዝዩ ዝተወጠረ ከደይቦ ግድን እዩ። እዚ ወጥሪ’ዚ ነቲ ኣብ መንጎ ህግደፍን ህዝቢ ኤርትራን ዘሎ ወጥርን ሰዓቦ ጉተቶን መሊሱ ከም ዝውጥሮ ፍሉጥ እዩ። ምናልባት ጐንጺ እንተተፈጢሩ ከኣ ህዝቢ ኤርትራ ብጉልባብ ምዕቃብ ልኡላውነት ዕድመ ኣቶ ኢሳይያስ ኣብ ስልጣን ከናውሕ ኢሉ ክዋግ ዝህልዎ ቅሩብነትን ዓቕምን ንኣቶ ኢሳይያስን ጉጅለኡን ዘቕስኖም ኣይኮነን።  ኣንጻሩ ዘይምለስ ማዕበል ከይፍጠር’ውን ዘየስገኦ ኣይኮነን። እዚ ዘንጸላሉ ዘሎ ስግኣት ናብ ጕንጺ እንተማዕቢሉ ኤርትራ ዓውዲ ውግእ ናይ ምዃን ዕድላ ሰፊሕ ስለ ዝኸውን ዞባዊ ተሓታቲ ዝኸውን ንሱ ስለ ዝኾነ ካልእ ስግኣት ኣብ ልዕሊ ስግኣት ዝድርበሉ እዩ።

ኣቶ ኢሳይያስ ኣብዚ ቃለመጠይቑ  ገበኑን ፍሽለቱን ኣቐሚጡ ብዛዕባ ዝተፈላለዩ ወገናት ተወራዝዩ። ነቶም ደቂ ጋንታኡ ድማ ክዘርየሎም ሰሚዕና። በቲ ካልእ ወገን ንሱዳን ሸምጢጥዋ። ብዛዕባ ኢትዮጵያ እውን ብዙሕ ተመጻዲቑ። ብዛዕባ ኢትዮጵያ ዝያዳ ኢትዮጵያውያን ከም ዝፈልጥን ከም ዝሓልን ብዙሕ ሸንዳሕዳሕ ኢሉ። ኣብ ዝሓለፈ ዓመታት ዝነበሮም ዕድል ኣይሰርሕሉ እንዳበለ ከኣ ንብዙሓት መንግስታት ጠቅይሎም። ከም በዓል ሱሌማን ዘዝመተረሎም ዝኹልሱ ዘይኮነ፡ “ንስኻኸ ነቲ ዝባኸነ ዓመታት ድሕሪ ናጽነት እንታይ ጌርካሉ?” ኢሉ ዝሓቶ እንተዝርከብ መልሱ እንታይ መኾነ እንድዒ። እዚ ኩሉ ተደሚሩ እምበኣር ብዛዕባቲ ንሱ ብቐጥታ ዝሕተተሉ ኤርትራዊ ኩነታት ዝዛረበሉ ትብዓትን ባህርን ስለ ዘየብሉ፡ ህዝቢ ኣብ ክንዲ ናብ ውሽጢ ናብ ደገ ንክርኢ ዝመሃዞ ምጥምዛዝ እዩ።

ኣብዚ ቃለመጠይቑ፡ ንሓንሳብ “ጐረቤት” ንሓንሳብ “ጎደቦ” ዝብሉ ቃላት እንዳደጋገመ ብዛዕባ ኣገዳስነት  ንዝምድና ምስ ጐረባብቲ ሃገራት ቀዳምነት ምሃብ ካብቲ ግዜኡ ዝነወሐ ዝወሰደሉ ነይሩ። ኣብዚ ግና ንሱን ጉጅለኡን ብሰንኪ ዘይዕጉስ ባህሪኡ ኣብ ዝተፈላለየ ግዜ ምስ ኣርባዕቲአን ጐረባብቱ ሃገራት ውግእ ዝኸፈተን ክሳብ ሕጂ ምስ ኩለን ውሕስነት ዘለዎ ስኒት ዘየብሉን ምዃኑ ክዝንጋዕ የብሉን። እቲ ካልእ ዘሕዝን፡ ዕዮ ገዝኡ ወዲኡ ያኢ መኻሪ ኮይኑ፡ እዘን ሃገራት መጻኢ ዕድለን ከመይ ምዃኑን ኣብ መጻኢ እንታይ ክገብራ ከም ዝግበአንን ብዙሕ ተዛሪቡ። እሞ ኣብ ኤርትራ ኣብ ዲሞክራሲ፡ ሰላም፡ ምኽባር ኩሉ መሰላት ክንዲ ፍረ ኣድሪ ዘይሰረሐን ናይ ህዝቢ ብሕገመንግስቲ ናይ ምምሕዳር መሰረታዊ መሰል ዝነፈገ ኣካል ከምዚ ዓይነት ፈዳሕዳሕ ክብል እንከሎስ ናይ መን ልቢ እዩ ክሰብር?

እቲ መኻሪ መሲሉ ዝቐርቦ ሓሳብ ናይ ልቢ ከምዘይኮነ ርዱእ እዩ። ግና ስለምንታይ ኣብዚ እዋንዚ ከምዚ ዝኣመሰለ ኣምስሉ ሰባኺ መሲሉ ክቐርብ ደልዩ ምርኣዩ የድሊ። ተፈትወ ተጸልኣ ናይዚ ምስጢር ካብቲ ከቢብዎ ዘሎ ስግኣት ዝወጸሉ ግዜ ናይ ምሽማት ዕላማ እዩ። እዚ ጥበቡ ሎሚ ዘምጸኦ ዘይኮነ መቐጸልታ ናይቲ “ዝብእስ ክሳብ ዝደልዎ ይሕንክስ” ዝብል ነባር ጥበቡ እዩ። ኣብዚ እዋንዚ ንጸቢብ ረብሓኡ ክብል ክስሕቦ ዝጸንሐ ውዲታዊ ኣግማድ ኣብ ኤርትራ ማእከል ስግእት ኮይኑ ምህላዉ ዝረአ ዘሎ እዩ።

እምበኣር ኣቶ ኢሳይያስ እኩይ ስርሑ እዩ ዝሰርሕ ዘሎ። ደጊም ካብዚ  ተግባሩ ክምለስ ኣይክእልን እዩ። ስለዚ ንሕና ናትና ኣቐሚጥና ብዛዕባ እከይ ተግባራቱ ምዝራብ ጥራይ ዘይኮነ፡ ብዛዕባ’ቲ ንሕና ክንገብሮ ዝግበኣና እጃም ድምጽና ከነስምዕ ይግበኣና። ከምቲ ናይ ክሳብ ሕጂ “ህዝቢ ኤርትራ ረብሓኡ ኣብ ምስ ጐረባብትኻ ምስናይ እምበር ምበኣስ ኣይኮንን” ዝብል ሓቀኛ ድምጽና ዓው ኢሉ ክስማዕ ይግበኦ። “ኤርትራ ንጸቢብ ጉጅላዊ ረብሓ ናይ ግዳም ሓይልታት መዕንደሪ ክትከውን የብላን”  ክንብል ሓላፍነትና’ዩ። ካብዚ ሓሊፉ ዝተፈላለዩ ወገናት ኣብ ናይ ሓባር ረብሓን ተዓዋትነትን ዝሰረተ ፍተሓት ክኽተሉ ድምጽና ከነስምዖም እዋኑ እዩ።