Subscribe to this RSS feed
Sunday, 17 January 2016 15:05

ቃለ- መጠይቕ ምስ ኣቶ ወልደየሱስ ዓማር

Written by
ቃለ- መጠይቕ ምስ ኣቶ ወልደየሱስ ዓማር

ኣቶ ወልደየሱስ ዓማር ጌና ካብ ግዜ ንእስነቱ ምስ ቃልሲ ህዝቢ ኤርትራ ዝተላለየን ካብ ሽዑ ጀሚሩ ክሳብ ሕጂ ከይሰልከየ ዝቕጽል ዘሎን እዩ። ኣብ ዝሓለፈን ቀጻሊ ዘሎን ናይ ነጻነትን ሓርነትን ዝተናወሐ መስርሕ ቃልስና ኣብ ዝተፈላለየ ሓላፍነትን ናይ ቃልሲ ዓውድታትን ክቃለስ ጸኒሑን ኣሎን። ኣብ ግዜ ሰውርዊ ባይቶ፡ ኣብ ግዜ ሰልፊ ህዝቢ ኤርትራን ኣብ መስርሕ ምስግጋር ናብ ሰልፊ ደሞክራሲ ህዝቢ ኤርትራን ብኣቦመንበርነት መሪሑ፡ ነቲ ዝድፈር ዘይመስርል ዝነበረ ናይ ጀብሃ-ሻዕብያ ፍልልይ ኣብ ምስዓር ልሉይ እጃም ካብ ዘበርከቱ  መራሕቲ ሓደ እዩ። እነሆ ድማ ሎሚ እውን ናይ ሰደህኤ ሓላፊ ቤት ጽሕፈት ኣህጉራዊ ዝምድናታት ኮይኑ፡ በቲ ሓደ ወገን ፖሊሲታት ሰደህኤ ኣብ ምስራጽ በቲ ካልእ ወገን ድማ ንጸረ-ህዝቢ ተግባራት ጉጅለ ህግደፍ ኣብ ዲፕሎማስያዊ መድረኽ ብምቅላዕ ኣብነታዊ ኣበርክቶኡ ይቕጽል። እምበኣር ምስኡ ዝገብርናዮ ቃለ-መጠይቕ ብኣገደስቲ ሰነዳት ኣሰኒና ነቕርቦ ኣሎና። ሰናይ ንባብ ይኹነልና።

 

ሓርነት፡ 2ይ ጉባአ ሰደህኤ ንኣህጉራዊ ዝምድና ሰልፊ ዝሃቦ ቆላሕታ ከመይ ነይሩ?

 

ኣቶ ወልደየሱስ፡ ኣቐዲመ ነዚ ኣጋጣሚ'ዚ ብምርካበይ ንቤ/ጽ ዜና ሰደህኤ ኤመስግን። ኣብዚ ሕጂ ንሓደ መላኺ ስርዓትን፡ ነቲ ንሱ ዝተኸሎ ናይ ዓመጽ ኣገባባትን ባህልን ክንኣሊ፣ ካብኡ ቀጺልና ከኣ ዲሞክራሲያዊት ኤርትራ ኣብ ምህናጽ ብብቕዓት ተዳሊና ክንጸንሕ ኣብ እንጥለበሉ መድረኽ፡ ሰልፊ ዲሞክራሲ ህዝቢ ኤርትራን (ሰዲህኤ) መላእ ትካላቱንኣባላቱን ዓበይቲ ዕማማት ቃልሲ ከም ዝጽበይዎም ርዱእ ኢዩ። ንክብደት ዝጽበየናዘሎ ዓማማት ኣብ ግምት ብምእታው፡ 2ይ ጉባኤ ሰዲህኤ ንኣህጉራዊ ዝምድናታትና ብዝምልከት፡ ኣገዳሲ ውሳኔታት ኣመሓላሊፉ። እቲ ዝጸደቐ መደባትን ውሳኔታትን ከኣ ንዘሎናዮ መድረኽ ኣብ ርእሲ ምንጽብራቑ፡ ከም ሰልፊ ነቲ ድሕሪ ውድቀት መላኺ ስርዓት እንኽተሎ ናይ ወጻኢ እስትራተጅን ፓሊሲታትን እውን ክጸሉ ዘማዕደወ ኢዩ። ብመሰረት ውሳኔታት 2ይ ጉባኤ፡ ምስ ዝዀነ ሃገር ዝህልወና ዝምድና ሓባራዊ ረብሓ ንምዕዋት ዝዓለመ ኰይኑ፡ ብፍላይ ግን፡-

  • ምስ ሱዳንን ኢትዮጵያን ጅቡትን ካልኦት ኣብ ዞናና ዝርከቡ ጐረባብትን ዝህልወና ዝምድና ኣብ ሓባራዊ ዕብየትና ኣገዳሲ ግደ ክጻወት ከም ዝኽእል ገይሩ 2ይ ጉባኤ ሰሪዕዎ ኣሎ።

  • ብመሰረት ቀያዲ ኣህጉራዊ ሕጊ፡ ልዑላውነት ሕድሕድ ዘይምድፋር፣ ኣብ ውሽጣዊ ጉዳያት ሕድሕድ ዘይምትእትታው፣ ቀጺልካ ከኣ ንሰላምን ቍጠባዊ ዕብየትን ብሓባር ክንስርሕ ከም ዘድልየናን ከም ዝግባኣናን ጉባኤ ኣስሚርሉ።

  • ስርዓት ህግደፍ ንሃገርና (ከም ሰሜን ኮረያን ናይ ፓልፖት ካምቦድያ ናይ 70ታትን) ካብ ዓለም ነጺሉ፡ ካብ ኣህጉራዊ ዝምድናታት ክርከብ ካብ ዝኽእል ረብሓታት ኣግሊሉዋ ኣሎ። እዚ ተነጽሎ'ዚ ተሪፉ ሃገርና ምስ ኩሉ መንግስታትን ኣህዛብን ዓለም ተመሓዝያ ንቀንዲ ጸላእቲ ህዝቢ ዝኾኑ ድኽነት፡ ድንቁርናን ሕማምን ንምስዓር ቃልሲ ክትጅምር ከም ዘሎዋ ብውሳኔ ጉብኤ በሪሁ።    

ብሓፈሻ ክርኤ እንከሎ፡ ውሳኔታት 2ይ ጉባኤ ሰዲህኤ፡ ነቲ ድሮ ሰልፍና ከዐውቶ ዝቃለሰሉ ዘሎ ዕማማት ዝድግፍን ብዝለዓለ ተወፋይነት ክድረኸሉ ዝጠልብን ኢዩ። ኣንበብትን ተዓዘብትን ቃልስና ክመዝኑዎ ከም ዝኽእሉ ከኣ፡ ሰዲህኤ ምስ መሓዙት ሰልፍታት ዓለም፣ ምስ መንግስታውያን፣ ዘይመንግስታውያን ከምኡ ከኣ ምስ ኣህጕራውያን ትካላት እናተራኸበን እናተመሓዘወን፡ ነቲ ብስርዓት ህግደፍ ዝግበር ተነጽሎ ሃገርናን ህዝብናን ብትሪ ይቃለሶ ኣሎ። ከምኡ'ውን ንሃለዋት ስደተኛታት ኤርትራ ድምጺ እንኾነሉ ኣገባባትን፡ ክሕገዙሉ ዝኽእሉ መንገድታትን ኣብ ምንዳይ እናነጠፍና ጸኒሕናን ኣሎናን።

 

ሓርነት፡ ድሕሪ 2ይ ጉባአ ሰልፍና ብሓፈሻ ውሳነታት ጉባአ፡ ብፍላይ ድማ ጠመተ ሰልፍና ኣብ ኣህጉራዊ ዝምድናታት ንምብራህ ዝተገብረ ምንቅስቓስ ብኸመይ ይግለጽ?

 

ኣቶ ወልደየሱስ፡  ብርእይቶ ሰልፍና፡ ውሳኔታት 2ይ ጉባኤ ሰዲህኤ ምብራህ ማለት፡ መእተዊኡ፡ ንህዝብና ናይ ቃልሲ መደባትካ ኣነጽር! ቃልስኻ ኣሓድስ! ተቃላሳይ ህዝቢ ተስፋ ኣይቈረጽን’ዩ! ክትዕወት ኢኻ! ዝብል መልእኽቲ ምምሕልላፍ ማለት ኢዩ። ከመይ እቲ ዝዓበየ መልእኽቲ ውሳኔታት ጉባኤ ከምኡ ስለ ዝኾነ። ንመላእ ህዝቢ ዝምልከት እውን ስለዝኾነ።

 

ካልኣይ ጉባኤ ሰዲህኤ ብ30 ሓምለ 2015 ምስ ተዛዘመ፡ ድሕሪ 3 መዓልታት፡ እቲ ቀንዲ ፖለቲካዊ ውሳኔታት ጉባኤ ብኣቦ መንበር ሰልፊ ኣብ ዓመታዊ ፈስፍቲቫል ፍራንክፎርት ንህዝቢ ተኣዊጁ እዩ። ቀጺሉ'ውን ብመራኸቢ ብዙሓን ናብ ዝሰፍሐ ኣንባቢ ከም ዝበጽሕ ተገይሩ። ንዕኡ ብዝምልከት ርእሰ-ዓንቀጻትን በብዓይነቱ ገላጺ ጽሑፋትን ብቤት ጽሕፈት ዜናን ካልኦት ኣባላት ክግለጽ ጸኒሑ። ብኣቦ መንበር ሰልፊ ኣብ ሃገራት እስካንዲናቭያ ዝተገብረ ርክባት እውን ንውጽኢት ጉባኤን ንፖሊሲታት ኣህጉራዊ ዝምድናናን ዘብርህ ነይሩ። ኣብ ውሽጢ ዘሎናዮ ወርሒ እውን ብደረጃ ላዕለዋይ መሪሕነት ሰፊሕ ገለጻ ኣብ ዓባይ ብሪጣንያ ክግበር ኢዩ። ብሓጺሩ፡ ኣህጉራዊ ዝምድናታት ኣካል ናይቲ ጠቕላልል ውሳኔታት ጉባኤ ስለዝኾነ ብሰፊሑ ክግለጽ ጸኒሑ ኢዩ። ብፍላይ ከኣ ብመልክዕ ጽሑፋት ክግለጽ ጸኒሑ ኣሎ። ንኣብነት ብጽሑፋት ጀረጃ ካብ ዘቕረብናዮ እቲ ድሕሪ 2ይ ጉባኤ እተጻሕፈን እተዓደለን ሓጺር መግለጺ ሰዲህኤ (EPDP Profile)፣ 3 ሕታማት መጽሔት ሊበርቲ (Liberty) ወዘተ እውን ንመደባትን ንምንቅስቓሳትን ቤት ጽሕፈት ኣህጉራዊ ዝምድናታት ዘብርህ’ዩ ነይሩ።

 

ሓርነት፡ ምስ መትከላት ሰልፍና ዝሰማማዕ ፖሊሲታት ምስ ዝኽተሉ ናይ ዝተፈላለዩ ሃገራት ሰልፍታት ዘለና ዝምድና ከመይ ይቕጽል ኣሎ?

 

ኣቶ ወልደየሱሱ፡ ኣገዳሲ ሕቶ ኢዩ። ሓደ ካብ ውሳኔታት 2ይ ጉባኤና ከምዚ ይብል፡- "ምስ ፕሮግራም ሰልፊ ዝሳነ ፕሮግራም ዘለወን ዞናውን ኣህጕራውን ሰልፍታት፡ ጥቡቕ ሕውነታዊ ዝምድናታት ከምዝፍጠርን ከም ዝምዕብልን ምግባር።" ከም ዝፍለጥ ከኣ ሰዲህኤ ነዚ ንናይ ሎሚ ቃልስን ንናይ ጽባሕ ኤርትራ ጥቕምን ዘገልግል ጥቡቕ ምሕዝነታት ምምስራት ተተታሒዝዎ ጸኒሑን ኣሎን። ኣብነት ንምጥቃስ፡ ሰዲህኤ ኣብቲ ከባቢ 100 ኣባል ሰልፍታት ዘሎዎ ገስጋሲ ምሕዝነት መስራቲት ኣባል ካብ እንኸውን ድሮ ሰለስተ ዓመት ኰይኑ። ኣብቲ ካብ ምሉእ ዓለም 160 ኣባል ሰልፍታት ዝርከብኦ ሶሻሊስት ኢተርናሽናል እውን ናይ ተዓዛባይ ኣባልነት ኣሎና።

 

ምስናይዚ ሕቶ መልሲ ኣተሓሒዘ ክጠቕሶ ዝደሊ ነገር ኣሎ። ነፍስ-ወከፍ ኣብ ደንበ ተቓውሞ ዘሎ ውድብ፡ ኣብ ነፍስ-ወከፍ ዓመተ ስራሕ እንታይ ከም ዝገበረ፡ ንነብሱ ክሓትትን ንህዝቢ መግለጺ ክህብን ይግባእ። ሰዲህኤ ከምኡ ክገብር ጸኒሑን ኣሎን። ንኣብነት፡ ከም ኩሉ ትካላት ሰልፊ፡ ቤት ጽሕፈት ኣህጉራዊ ዝምድናታት ሰዲህኤ ዓመታዊ ጸብጻባት ብመራኸቢ ብዙሓን ገይሩ ክገልጽ ጸኒሑ ኢዩ። ሕጂ'ውን እንተኾነ ነቲ ኣብ 2ይ ጉባኤ ሰዲህኤ ዝቐረበ ጸብጻብ ቤት ጽሕፈት ኣህጉራዊ ዝምድናና፡ ኣንባቢ ገለ ስእሊ ናይ ንጥፈታትና ብመንግዲድ ቤ/ጽ ዜና ክትዝርግሕዎ ዝከኣል ኢዩ። ኣብኡ ተጠቒሱ ከም ዘሎ፡ እዚ እተጠቕሰ ቤት ጽሕፈት ሰዲህኤ፡ ካብ ቀዳማይ ጉባኤ ክሳዕ ካልኣይ ጉባኤ ሰልፊ፡ 54 ዑደታት(ርክባት) ናብ እተፈላለያ ሃገራት ብምግባር ምስ መንግስታትን ሰልፍታትን ማሕበራትን ተራኺቡ፤፣ 99 ኣገዳሲ መዘክራት ጽሒፉን መልስታት ረኺቡን፤ 24 ፍሉይ ንዲፕሎማሲያዊ ንጥፈታት ሰልፊ ዝገልጽ መጽሔታት ኣዳላዩ ብስፍሓት ዘርጊሑ።

  

ሓርነት፡ ኣብዚ ቀረባ ግዜ ኣብ ጀርመን ፍራንክፈርትን ኬንያ ናይሮብን ኣብ ዝተኻየዱ ኮንፈረንስን ምኽኻራዊ ኣኼባን ተሳትፎ ሰደህኤ ከመይ ነይሩ፡ኣብ መጻኢኸ ካብዚ ተጀሚሩ ዘሎ ተበግሶታት እንታይ ኢና እንጽበ።

 

ኣቶ ወልደየሱስ፡ ከምቲ ኣብ ዜናዊ ማዕከናት እተገልጸ፡ ኣብቲ ብጀርመናዊ ማሕበር ተዳልዩ ካብ 13 ክሳዕ 14 ሕዳር 2015 እተኻየድ መጽናዕታዊ-መድረኽworkshop)፡ ሰልፍና ብክልተ ኣባላት መሪሕነት ተወኪሉ ነይሩ (ወልደሱስ ዓማርን፡ ንጉሰ ጸጋይን)።

 

ከምቲ መጽናዕታዊ-መድረኽ ዝጠለቦ ኣገባብ እውን፡ ብልኡኻት ሰልፍና ንራኢን መትከላትን ሰዲህኤ ኣብ ዝምልከት ኣርእስትታት ሰፊሕ መግለጺ ቀሪቡ።

ንኣብነት ካብቲ ኣርእስትታት ምይይጥ፡ ንመድረኽ ፖለቲካዊ ምስግጋር፣ ንሰልፍታት፣ንድሕሪ ውድቀት ህግደፍ ክህሉ ኣንደልዮ ቅርጻ ምሕደራ (ዘይምእኩል ምሕደራ)፣ ኣብ ልዕሊ ሓይልታት ምክልኻልን ህግደፍን ዘሎና ኣረኣእያ ዝምልከት ነይሩ። እቲ ዘቕረብናዮ መደረን ብደረጃ ዓውደ-መጽናዕቲ እተበጽሔ ምርድዳኣትን ብሰፊሑ ክግለጽ ስለ ዝጸንሔ፡ ግዱሳት ኣንበብቲ ኣብ መርበባት ሓበረታ ክውከስዎ እውን ቀሊል ኢዩ።

 

ብሓፈሽኡ ግን፡ እቲ ዘተን እተበጽሔ ነጥበ ስምምዓትን ንዘሎናዮ መድረኽ ቃልሲ ኣዝዩ ጠቓሚ ነይሩ። ከምኡ ከይተገብረ ከኣ ኣብ ምርድዳእን ስምምዓትን ክብጻሕ ኣይከኣልን።

 

ሓርነት፡ ኣብቲ ናይ ናይሮቢ ምምኽኻራዊ ኣኼባ ዘቕረብካዮ መጽናዕታዊ ጽሑፍ እንታይ ዝምልከትዩ ነይሩ?

 

ኣቶ ወልደየሱስ፡ ኣብ ናይሮቢ ዘቕረብኩዎ መጽናዕታዊ ጽሑፍ፡ ንፖለቲካዊ ምስግጋር ዝምልከት ነይሩ። ማለት ካብ ምልኪ ናብ ዲሞክራሲያዊ ስርዓት ክትሰጋገርእከሎኻ ንዘሎ ጸገማት ከመይ ከም እትፈትሖ ዝእምት ነይሩ። ብላህመታዊ ተረድኦ፡ ንምልኪ ምልጋስ ዝኸበደ ዕማም ኰይኑ ይርኤ ይኸውን። ሓያለይ መጽናዕትታት ከም ዝሕብሮ ግን፡ ካብ ንምልኪ ምልጋስ፡ ካብ ምልኪ ዝሓሸ ምሕደራ ከተታኣታቱ ዝግበር ቃልሲ ኣዝዩ ከቢድን ሓደገኛን እዩ።

እቲ ብወገነይ እተዳለው ጽሑፍ፡ ነዚ ሓደጋታት እዚ ዝእምትን፡ ብካልኦት ንእተወስደ መሰጋገሪ መስርሓትከም ተመኩሮ ዝጠቅስ ነይሩ። እቲ ጽሑፍቅድም ብቛንቛ እንግሊዝ ናብ ኣንበብቲ ተዘርጊሑ ኣሎ።ስዒቡ እውን ናብ ትግርኛ ተተርጒሙ ኣብዚ ቀረባ ግዜ ኣብ መርበብ ሓበሬታ ወጺኡ እዩ።

እምበኣር ከምቲ ኣብቲ ኣቐዲመ ዝሃብኩዎ መልስታት ዝጠቐስኩዎ፡ ነዚ ቃለ መተይቕ ንምርጓድ በዚ ዝስዕብ ጽማቛት ኣሰንየዮ ኣለኹ፡

 

1፡ ጽማቝ ንጥፈታት ቤት ጽሕፈት ኣህጉራዊ ዝምድናታት ሰዲህኤ (ነሃሰ 2011-ሓምለ 2015)

 

መእተዊ፣

ካብ ቀዳማይ ጉባኤ ሰልፊ ጀሚሩ ናብ ማእከላይ ባይቶ ዝቐረበ ዓመታዊ ጸብጻባት ናብ ኩሉ ኣባል መሪሕነት ክመሓላልፍ ዝጸንሔ ብምዃኑ: ነፍስ-ወከፍና ኣድላይ ኰይኑ ምስ እንረኽቦ: ነቲ ዝርዝራዊ ጸብጻባት ተመሊስና ክንውከሶ ዝከኣል ኢዩ። ኣብ ምድላው ነፍስ-ወከፍ ዓመታዊ ጸብጻብ: ነዚ ዝስዕብ ቅጥዒ ኣቀራርባ ክንክተል ጸኒሕና:-

  1. ኣብ ዓመታዊ ስሩዕ ኣኼባ ማእከላይ ባይቶ ንእተነድፈ መድረኻዊ መደብ ዕዮ ቤት ጽሕፈት ብደረጃ ፈጻሚ ሽማግለ ድሕሪ ምጽፋፍ: ምምሕዳር ቤት ጽሕፈት ብከመይ ቅርጺ ከመይ ከም ዝቖመ ምሕባር፣ ንቦታውያን ሽማግለታት እተመሓላለፈ መምርሕታትን ሓዲሽ ስራሓትን ምዝርዛር።  
  2. ኣብ ውሽጢ ሓደ ዓመት እተኻየደ ወግዓውን ህዝባውን ዲፕሎማሲያዊ ዑደታት፣ ኣኼባታት፣ ከምኡ ከኣ ተሳትፎ ልኡኻት ኣብ ኮንፈረንሳት ምግላጽ። እዚ ነቲ ብላዕለዎት መሪሕነታዊ ኣካላትን ብቦታውያን ሽማግለታትን እተኻየደ ንጥፈታት ዘጠቓልል ኢዩ።
  3. ብዝሕን ዕላማን ኣብ ውሽጢ ሓደ ዓመት እተላእከ መዘክራት ሰልፊ ብዝርዝር ኣስማት ተቐበልትን ዕለታትን ምሕባር፣ ብእተኻእለ ከኣ ንእተረኽበ መልስታትን ውጽኢት መዘክራትን ምጥቃስ።
  4. ንዲፕሎማሲያዊ መደባት ሰልፊ ንምዕዋት ብመንገዲ ሚድያ (ብጽሑፋትን ብቓልን) እንታይ ከም እተዓመ ምጥቃስ የጠቓልል።

2፡ ኣብ 4 ዓመታትዝተኻየዱ 54 ዑደታት

ካብቲ መጀመርያ ዑደት ናይ ድሕረ-ጉባኤ መድረኽ: ማለት ካብቲ ብ4 ጥቅምቲ 2011 ብክልተ ኣባላት መሪሕነት (መስፍን ሓጐስን ወልደሱስ ዓማርን) ንሃገረ ሆላንድ እተኻየደ ብጽሖት : ክሳዕ ናይ 22-23 ግንቦት 2015 ኮንፈረንስ ገስጋሲ ምሕዝነት ኣብ ሆላንድ (ኣቦ መንበር ሰልፊ መንግስተኣብ ኣስመሮን: ወልደሱስን: ኣድያም ተፈርን መሓሪ ተስፋማርያምን እተኻፈልዎ): ልኡኻት ሰልፊ ዲሞክራሲ ህዝቢ ኤርትራ 54 ብጽሖታት ኣካይዶም። ኣብ ቀዳማይ ዓመት ናብ 11 ሃገራት እተገብረ 21 ርክባት ነይሩ (ነቲ ብናይ 2011 ኣቦ መንበር ሓምድ ድራር ኣብ ወሽመጥ ዓረብ እተገብረ ህዝባዊ ዲፕሎማሲ ወሲኽካ።) ኣብ ካልኣይ ዓመተ-ስራሕ: 8 ሃገራት ዘጠቓለለ 17 ብላዕለዎት ልኡኻት ሰልፊ እተገብረ ዑደታት፣ ኣብ ካልሳይ ዓመት ኣብ ሓሙሽተ ሃገራት እተገብረ 9 ዕላዊ ዑደታት : ኣብዚ ሕጂ ዝዛዘም ዘሎ ራብዓይ ዓመተ-ስራሕ ከኣ ሓሙሽተ ሃገራት እተገብረ 7 ናይ ልኡኻት ዑደታት ነይሩ።

ንመንግስታዊ ትካላትን: ሰልፍታትን ንምርካብ: ከምኡ ኸኣ ኣብ ሰፊሕ ኮንፈረንሳት ንምክፋል ላዕለዎት ልኡኻት ሰልፍና ዝበጽሑወን ሃገራት (ንገሊኤን ብተደጋጋሚ) እዘን ዝስዕባ ይርከብኤን ነይረን፣

  • ኣፍሪቃን ማእከላይ ምስራቕን:- ኣዲስ ኣበባ፣ 3 ከተማታት ወሽመጥ ዓረብ፣ እስታንቡል/ቱርኪ፣ ኒያሚ/ኒጀር፣ ቱኒስ፣ ደቡብ ኣፍሪቃ።
  • ምዕራብ ኤውሮጳ:- ሆላንድ፣ ብራሰልስ/በልጁም፣ ኢጣልያ፣ ስዊስ፣ ጀርመን፣ ዓዲ እንግሊዝ፣ ኖርወይ፣ ሽወዴን።
  • ሰሜን ኣሜሪካ:- ዋሽንግቶን ዲሲ (ናብ እስተይት ዲፓርትመንት)።

    

እተረኽበ ውጽኢት:- ብርግጽ ነቲ ዝረኸብናዮ መኽሰብ/ውጽኢት ብቐሊሉ ክንትምኖ ዝከኣል ኣይከውንን። ግንከ ነቲ ገለ-ገለ ዝጭበጥ ውጽኢታት ምስ እንጠቅስ ከንቱ ዝኸደ ጻዕሪ ዘይምዃኑ ክንርኢ ንኽእል። ንኣብነት:

  • ኣብ ገስጋሲ ምሕዝነት ኣባልነት ረኺብና: ኣብ 5 ኮንፈረንሳቱ ምስታፍናን፣ ልዕሊ 100 ምስ ዝኾኑ ኣገደስቲ ሰልፍታት ዓለም ብጽሑፍን ብኣካልን ተራኺብና ጸገማት ህዝብና ክንገልጽ ምኽኣልና ንሰልፍናን ንመላእ ደንበ ተቓውሞን ከም ዓወት ክቍጸር ይከኣል። ኣብ ሶሻሊስት ኢንተርናሽናል ዘሎና ናይ ተዓዛቢ ኣባልነት እውን ነቲ ርክባትናን ብሚድያ እንገብሮ ዝርጋሔ ጽሑፋትና ኣስፊሕዎ ጸኒሑ ኢዩ።
  • ብጐስጓስ ሰልፍና ኣቢሉ: ማሕበረ-ዲሞክራሲያዊ ሰልፊ ሽወደን ኣብ መበል 37 ጉባኤኡ ንተቓውሞ ኤርትራ ደጊፉ ዝበጽሔን ክልተ ውሳኔታት ኣገዳስነተን ክብ ዝበለ ኢዩ።
  • ኣፍሪቃዊት ኮሚተ ፓርላማ ሃገር ኢጣልያ: “ንጒዳይ ኤርትራ ብዝምልከት ንዝሓለፈ70 ዓመታት ኣቓልቦ ኣይሃብናን፣ ብሕጂ ክንገብሮ ዘሎና ኣብ ፓርላማ ከነቕርቦ ኢና” ኢላ ምውሳና ንብድሕሪ ሕጂ ተስፋ ዝህብ ኣንፈት ኢዩ።
  • ሲቪካዊ ማሕበራት 15 ሃገራት ደቡባዊ ክፋል ኣፍሪቃ ንጒዳይ ዲሞክራሲ ኣብ ኤርትራ ክከታተልኦ ምጅማረንን ምሳና ርክብ ምግባረንን እውን ተስፋ ዝህብ ተበግሶ ኢዩ።
  • ሰዲህኤ ንብድሕሪ ሕጂ ክዓብን ክድልድልን ኣንፈት ዝሃበ ርክባት ምስ ዝቐርበና ሰልፍታት ሽወዴንን: ጀርመንን: ስዊዘርላንድን: ሆላንድን: ኢጣልያን ጀሚሩ ኣሎ። ብእተደጋገመ ብጽሖታትን ርክባትን ክብርኽ ዝኽእል ምሕዝነት ኢዩ።

ቦታውያን ሽማግለታት ኣህጉራዊ ቤት ጽሕፈትን ካልኦት ኣባላት ሰልፍን ኣብ ሰሜን ኣሜሪካን ኤውሮጳን ዘበገስዎ ህዝባዊ ዲፕሎማሲ ጠቓሚ ምንባሩ ከይተጠቕሰ ክሓልፍ ኣይግባእን። ንኣባላት ፓርላማን: ንመንእሰያትን ተመሃሮን ማሕበረ-ኮማትን ረኺብካ ጒዳይ ሃገርን ህዝብን ምግላጽ ዓቢ ፍረ ክህብ ትጽቢት ይግበረሉ። ስለዝኾነ ከኣ ንክሰፍሕ ክተባባዕ ዘለዎ ዕማም ሰልፊ ኢዩ።

  

3፡ ኣብ 4 ዓመታት ዝተላእኩ 99 መዘክራትን ዝተመዝገቡ ዲፕሎማስያዊ ጽልዋታትን

ኣብ ውሽጢ ዝሓለፈ ኣርባዕተ ዓመታት: ሰዲህኤ ብቤት ጽሕፈታት ኣቦ መንበር ሰልፍን ሓላፊ ወጻኢ ቤት ጽሕፈትን ኣቢሉ 98 መዘክራት ናብ ኣገዳሲ ዓለም-ለኸ ማሕበራትን: ዞባውያን ትካላትን: መንግስታትን ሰልፍታትን ኣመሓላሊፉ። ኣብ ቀዳማይ ዓመተ-ስራሕ (2011-2012): 28 መዘክራት: ኣብ ካልኣይ ዓመት 31 መዘክራት: ኣብ ሳልሳይን ራብዓይን ዓመታት ከኣ 27ን 13ን መዘክራት ተመሓላሊፈን።

 

መበገሲ መዘክራት ሰልፍና ኣዝዩ ብዙሕ እኳ እንተነበረ: እቲ ቀንዲ ትሕዝቶታት ግን: ንውሽጣዊ ሃለዋት ህዝብና፣ ንህጹጽ ጸገማትን ጠለባትን ስደተኛታት ኤርትራ ዝገልጽን መፍትሒ ዝጠልብን፣ ንደንበ ተቓውሞ ኤርትራ ቈላሕታ ዝሓትትን ነይሩ።

ብጻዕቂ ነመዘክራትና ብቐጥታ ይኹን ብቕዳሕ መልክዕ ክቕበሉ ዝጸንሑ ሸነኻት እዞም ዝስዕቡ ይርከብዎም:-

  • ምዕራብ ኤውሮጳ:- ኤውሮጳዊ ሕብረት (ማለት ኮሚሽንን ፓርላማን ወከልቲ 28 ሃገራት ሕብረት ኤውሮጳን)፣ ትካላት ሕቡራት መንግስታት (ኣወራ ከኣ UNHCR)፣ ናብ ወጻኢ ምኒስትሪታትን መሓዙት ሰልፍታትን ናይ ስዊዘርላንድ: ኢጣልያ: ጀርመን: ሆላንድ: ሽወዴን: ዓዲ እንግሊዝ: ኖርወይ፣ ከምኡ ከኣ ናብ ጳጳስ ቫቲካን ካልኦት ኣንጻር ንግዲ ደቂ-ሰብ እተሓባበሩ መራሕቲ ሃይማኖታትን።
  • ኣብ ኣፍሪቃን ማእከላይ ምስራቕን:- ኮሚሽን ሕብረት ኣፍሪቃ፣ ግብጺ፣ እስራኤል (ናብ ዝምልከቶም ሰበ ስልጣንን)፣ ኢትዮጵያ: ሱዳን: ጅቡቲ።
  • ካልኦት:- እስተይት ዲፓርትመት፣ ወጻኢ ምኒስትሪታት ካናዳ፣ ኣውስትራልያ።

መዘክራት ሰልፍና ጽልዋ ክገብር ምጽንሑ እንድህስሶ በቲ ሓሓሊፍና እንቕበሎ መልስታት ጥራሕ አይኮነ፣ ኣብ ኣኼባታ ምስ ሓለፍቲ ሰልፍታትን ምኒስትሪታትን ክንራኸብ እንከሎና እውን ሓበረታና ከም ዝበጽሖም ይገልጹ ኢዮም።

 

 

ንመዘክራትና ብቐጻሊ መልሲ ካብ ዝህቡ ሸነኻት: ትካላት ኤውሮጳዊ ሕብረትን: ወጻኢ ምኒስትሪታት ጀርመንን: ስዊዘርላንድን: ኢጣልያን ኣውስትራልያን ይርከብዎም።

 

ብፍላይ ከኣ: ቤት ጽሕፈት ፕረዚደንትን ናይ ወጻኢ ቤት ጽሕፈት ሕብረት ኤውሮጳን ብዘይ ምቍራጽ ንሕቶታት መዘክራትና ይምልሹ፣ ብጒዳይ ሕቶ ሰብኣዊ መሰላትን ስደተኛታትን ከኣ እንታይ ኣብ ምግባር ከም ዘለዉ ክሕብሩና ጸኒሖም ኢዮም። ሓደ ልኡኽ ሕብረት ኤውሮጳ ንኣስመራ ብዝኽደሉ ጊዜ እውን ንመዘክር ሰልፍና ሒዙ ካብ መንግስቲ ህግደፍ መልስታት ክረክብ ይሓቶምን ይውጥሮምን ከም ዝነበረ ተሓቢርና ኢና። እዚ ነቲ ብመዘክራት ኣቢልና እንዓሞ ስራሕ ሓባሪ ኢዩ።

 

ብ24 ሕታማትመጽሐት ሓርነት(Liberty) መጽሔትን ዝተዓመ ዲፕሎማስያዊ ስራሕ፡

ኣብ ውሽጢ ዝሓለፈ 4 ዓመታት: 24 ሕታማት መጽሔት ሊበርቲ ኣብ ከክልተ ወርሒ እናተሓትመት: ነቲ ኣብ ውሽጢ ክልተ ኣዋርሕ ንእተገብረ ዕላውን ህዝባውን ዲፕሎማሲ ሰልፊ (official diplomacy ምስ መንግስታትን ሰልፍታትን public diplomacy ከኣ ምስ መሓዙት ዝኾኑ እህዛብን ትካላቱን) ብቛንቋ እንግሊዝ ከተቃልሕ ጸኒሓ።

 

ትሕዝቶ መጽሔት: ነቲ ኣብ መርበብ ሓበረታ ሰልፊ ይኹን ኣብ ካልእ ማዕከናት ዝወጸ: እሞ ወጻእተኛታት ብቐሊሉ ክርእይዎ ዘይክእሉ: ንሃለዋት ህዝብናን ምንቅስቓሳት ሰልፍናን ዝድህስስ ጽሑፋት የጠቓልል።

 

ከምኡውን: ህጹጽ መዘክራት ይኹን ንህዝብና ኣዝዩ ዘሻቕል ዜናታት ምስ ዝርከብ: ብሓላፊ ቤት ጽሕፈትን ቦታውያን ሽማግለታትን ናብ ኢመይላት መሓዙት ሰልፍታትን: ማሕበራትን ኣገደስቲ ውልቀ-ሰባትን ከም ዝዝርጋሕ ይግበር። መጽሔት ሊበርቲን ካልእ ጽሑፋትን ቤት ጽሕፈት (መጠኑ ድኣ ኣይፍለጥን እንበር) ብካልኦት ኣባላት ሰልፊ እውን ይዝርጋሕ ኢዩ።

 

ነፍስ-ወከፍ ቦታውያን ሽማግለታት ቤት ጽሕፈት ባዕለን ዝመርጽኦን ዝኣከብኦን ኢመይላት ይውንና ኢየን። ንኣብነት ናይ ሆላንድ ሽማግለ ወጻኢ ቤት ጽሕፈት ሰልፊ: በብጊዜኡ ኣብቲ ሃገር ንዝርከቡ 50 ኤምባስታት: ልዕሊ 20 ንዝኾኑ መንግስታውን ሰልፋውን ትካላት: ካልኦት ውልቀ-ሰባት ብኢመይ ኣቢላ ጽሑፋት ተብጽሕ። ካልኦት ቦታውያን ሽማግለታት እውን ከምኡ።

 

ነቲ ስፍሓት ዝርጋሔ ጽሑፋትና ንምግማት: ብሓላፊ ቤት ጽሕፈት ጥራይ ብኢመይል ናብ ልዕሊ 800 ኣድራሻታት ናይ ዘይኣባላት ሰልፊ ይልኣኽ ምንባሩ ምጥቃስ ጠቓሚ ኢዩ።

 

ሓላፊ ቤት ጽሕፈትን ገለ ኣባላት ቦታውያን ሽማግለታትን (ሎሚ ኣባላት ጥምሮ ቤት ጽሕፈት) ኣብ ዜናዊ ንጥፈታት ሰልፊ እውን ክጥቀስ ዝግብኦ ኣበርክቶ ነይሩዎም።    

Saturday, 16 January 2016 12:00

መተሓሳሰቢ ንኹሉ ኤርትራዊ ኣብ ደቡብ ኣፍሪቃ

Written by

EMDHRLogo

ኩላትና ከምዝተኸታተልናዮ ኤምባሲ ኤርትራ ኣብ ደቡብ ኣፍሪቃ ንጸብጻብ ኮምሽን ውዱብ ሕቡራት ሃገራት ንምብርዓን፡ እንተስ ብምትላል እንተስ ጸቕጢ ብምግባር ኣብ ኤርትራ ምግሃስ ሰብኣዊ መሰል ከምዘየሎ ዘረጋግጽ ክታም ካብ ኤርትራውያን ክእክብ ተዋፊሩ ይርከብ።

እቲ ሓቂ ኩሉ ከምዝፈልጦ ግና ጠንቂ ስደትን፡ ሕስረትን፡ ምብትታንን፡ ሞትን ኤርትራውያን ብሰንኪ ጉድለት ግዝኣተ ሕጊ እዩ። ምስ ባርነት ዝዳረግ መወዳእታ ዘይብሉ ሃገራዊ ኣገልግሎት፡ ኩሉ ዓይነት ምግሃስ ሰብኣዊ መሰላት ተወሲኽዎ ኤርትራዊ ኣብ ሃገሩ ክነብር ኣብ ዘይክእለሉ ደረጃ ስለዝበጽሐ፡ ዓዱ ገዲፉ፡ ብብረት ዝሕሎ ዶባት ሰጊሩ ናብ ዓዲ ጓና ክስደድ ተቀሲቡ ኣደዳ ሓሳረ መከራ ኮይኑ ኣሎ።

ኣዝዮም ውሑዳት ኤርትራውያን ግና ነቲ ሓቂ እንዳፈለጡ እንተስ ብፍርሒ፡ እንተስ ብረብሓ፡ እንተስ “ዘይሰንኻ ሑጻ ቖርጥመሉ” ዝብል ኣተሓሳስባ፡ መጋበሪ ኤምባሲ ክኾኑ መሪጾም ኣለዉ። እዞም ሰባት እዚኦም መንግስቲ ኤርትራ ኣጋፊዑና፡ ኣብ ዓድና ክነብር ኣይከኣልናን ብምባል ዑቕባ ሓቲቶም ክንሶም፡ ተገምጢሎም ግና መንግስቲ ዝበደሎ የብሉን፡ ውዱብ ሕቡራት ሃገራት እዮም ብሓሶት ንመንግስትና ዝጥቅኑዎ ዘለዉ እንዳበሉ ነዚ ብህይወት ዜጋታቱ ዝጻወትን ብመጻኢ ዕድል ንኡስ ኤርትራዊ ወለዶ ዝጣላዕን ዘሎ ኣረሜናዊ መንግስቲ ክሕለቕሉ ዝፍትኑ ዘለዉ።

ሃገርን ህዝብን ካብ መንግስቲ ፈሊኻ ምርኣይ ብልሒ’ዩ። ነቲ "ብገበን ኣንጻር ሰብኣውነት" ዝኽሰስ ዘሎ መንግስቲ ምጥባቕ ማለት ኣብቲ ንሱ ዝገብሮ ዘሎ ገበን ተሳታፊ ምዃን ማለት እዩ።

በዚ ኣጋጣሚ ኤምዲሰመ ንኹሎም እቶም መጋበሪ መንግስቲ ክኾኑ ዝመረጹ፡ ናብ ልቦም ክምለሱ፡ ምስቲ ውጹዕ ህዝቦም ክውግኑ የተሓሳስብ። እንተዘይኮነ ግና ብሕጊ ተሓተቲ ምዃኖም ክግንዘቡ ይግባእ። ጸብጻቦም ናብ ዝምልከቶም ኣካላት መንግስቲ ደቡብ ኣፍሪቃ፡ ጠበቓታት ንሰብኣዊ መሰላትን፡ ሕቡራት መንግስታትን፡ ነተን መደብ ምጥያስ ስደተኛታት ዘለወን ሃገራት ኤምባሲታትን ከነመሓላልፎ ምዃንና ኣቐዲምና ነጠንቕቕ። ንዝመጽእ ሳዕቤን ተሓተቲ እቶም ምስ ኣሬመናዊ መንግስቲ ዝደናገጹ ውሑዳት ውልቀሰባት ምዃኖም ነፍልጥ።

ኤምዲሰመ

15 ጥሪ 2016

ፕሪቶርያ - ደቡብ ኣፍሪቃ

Saturday, 16 January 2016 11:52

ብዘይንጹር ራኢን ፖለቲካዊ መስመርን ዓወት የለን

Written by

ቅኑዕ ኣገባብ ፖለቲካዊ ቃልሲ ዘይሓዘን፥ ንኹሉ ዝሓቁፍ ቅኑዕ ራኢን ፖለቲካዊ ብስለትን ዘይውንን ሕብረተሰብ ከይዱከይዱ ፍልልያት ክጽሕትርን ኣብኡ ክሕባእን እዩ ዝፍትን። ከምኡ እውን ኣብ ነንሓድሕዱ ምትእምማን ስኢኑ ክወናጀልን ምናልባት እውን ክሳብ ዕንወት ናይ ሃገር ከስዕብ ይኽእል ይኽውን። ስለዚ ሓደ ሕብረተሰብ ናይ ምሕሳብ ዓቕሙ ይኹን ብቕዓቱ ከደልድልን ከበርትዕን ንነፍሱ እውን ሰሪዑ ብምዕቡል ኣገባብ ክመሓደር ናይ ስነፍልጠት ወናኒ ክኸውን ይግባእ።

 

ሎሚ፥ ብዙሓት ሃገራት ኣፍሪቃ ኣብ ትሕቲ ብልሽው ምምሕዳር ውልቀ-መለኽቲ ይመሓደራ ከም ዘለዋ እንዕዘቦ ዘለና ተርእዮ እዩ። እዚ ብልሽው ምሕደራ እዚ ዝፈጥሮ ሃስያ ከኣ ሳዕቤኑ ስደት፥ ድንቁርና፥ ምፍልላይ፥ እዩ። ገለ ካብቲ ካልእ ሰራም ውጽኢቱ ከእ እቲ ሕብረተሰብ ኣብ ነንሓድሕዱ ክጠራጠርን ክጻላእን ነቲ ናይ እምነትን ዓሌትን ምፍልላይ ከም መመኽነይታ ብምጥቃም መሳርሒ ኣብ ምብላሕ ግርጭት ክጥቀመሉ ይርከቡ። ከምኡ እውን ቅኑዕ ኣተሓሳስባ ስለ ዘይውንኑ ንኣቕጣጫ ፖለቲካዊ ቃልሲ ካብ ስነፍልጠት ወጻእን ስነምግባር ዝጐደሎ ፖለቲካዊ ኣተሓሳስባን ስለ ዝጎዓዝ ከኣ ዕድመ ስልጣን ናይቲ ምልኪ ከናዊሕ ምኽንያት ይኸውን።

ኣብ ከምዚ ህሞት እዚ ዝፍጠር ፖለቲካዊ ተቓውሞ እውን እንተኾነ ብዙሕ ሽግራት ከም ዘጋጥሞ ርዱእ እዩ። ምኽንያቱ ኩሉ ብዓይኒ ጥርጠራ ስለ ዝጥመትን ኣብ ልዕሊኡ እምነት ስለ ዘይንበርን እዩ። እዚ ከምዚ ዝዓይነት እምነት ምጉዳል ከኣ ዓቢ ነቓዕ ስለ ዝፈጥር ናብቲ ዝድለ ዕላማ ንምብጻሕ ብዙሕ መስገድላት ክስግር ኣለዎ።

እዚ ኣብ ኤርትራዊ ደምበ ተቓውሞ ዝርከብ ህዝቢ ካብዚ ኣምር እዚ ክሳብ ክንደይ ተላቒቑ ኣሎ? ክሳብ መዓስከ እዩ ኣብ ነንሓድሕዱ ተተፋኒኑ ክነብር? ልክዕ እዩ ሓደ ሕብረተሰብ ብስነምግባራውን ስነስርዓት ዝመልኦ ፖለቲካ ከካይድ ብቕዓት እንተዘይወኒኑ ካብዚ ዓዘቕቲ ናይ ምርሕሓቕን፥ ምትፍናንን ክወጽእ ወይ እውን ክልወጥ ግዜ ክወስድ ምዃኑ ዘጥራጥር ኣይኮነን።

እቲ ንኹልና ጐዲሉና ዘሎ ጉዳይ ክንጥምትን ክነስተብህልን ስለ ዘይከኣልና ከኣ እነሆ ነፍሲ ወከፍና ሓልዮትን ስነፍልጥትን ብዘንጸባርቕ ጉዕዞ ክንከይድ ኣይከኣልናን ዘሎና። ኣብ ስነፍልጠት ዘይተመርኰሰ እንኸዶ ጉዕዞ እምበኣር ንናይ ምሕሳብ ዓቕምናን ንገዛእ ርእስና ናይ ምልዋጥ ቅሩብነትን ኣብ ምድኻም ዓቢ ገደ ይጻወት ከም ዘሎ ምርዳእ ከድልየና እዩ። ምኽንያቱ ሓቂ ካብ ሓሶት፥ ቅኑዕ ካብ ጌጋ ከምኡ እውን ንስነፍለጠትን ንዘይስነፍልጠትን ፈላሊና ክንጥምት ዘኽእል ፍልጠት ክንድልብ እንተዘይክኢልና ንሽግራትና ፍታሕ ክነቕርብ ኣይክንክእልን ኢና።

ስለዚ ነዚ ሓቀኛ ፍልጠት ዘይምቕሳምና ንገዛእ ርእስና ምፍላጥን ንውሽጥና ተመልኪትና ካባና ዝጐድል ዘሎ ንምርዳእ ዘኽእለና ንጹህ ኣእምሮ ክህልወና ኣይበቓዕናን ዘሎና። እዚ ከኣ ናይ ተንኮልን ቅንእን ግዙኣት ክንከውን ስለ ዝደፋፋኣና ኣብ ሕንፍሽፍሽ ክንነብርን ኣርሒቕና ከይንጥምትን ገይሩና ይርከብ ኣሎ። ኩሉ ሽግራትና ባዕልና ብእንፈጥሮ ጸገም ናብ ፍልልያት ይነቚተና እሞ ከምቲ ብዓረብኛ ዝተመሰለ ‘’እዛ እትራፈሱ ኣስያድ ኣልሓሚር ያ በኸትል ሩኳብ’’ ማለት ዋናታት ኣእዱግ ምስ ዝገራጨዉ ወይ ምስ ዝበኣሱ ዕድል ናይ ተሳፈርቲ’’ ይኸውን እዩ ነገሩ።

ኣብ ከምዚ ኩነታት፡ “እንተይ ዳኣ እዩ እሞ ዝግበሮ”? ዝብል ሕቶ ከልዓል ባህሪያዊ እዩ። ንሱ ድማ ዝኾነ ይኹን ሰብ ብሄረይ፥ ሃይማኖተይ፥ ፖለቲካዊ ርኢቶይ፥ ዓሌተይ .... ወዘተ ካብ ካልእ ዝበልጸ እዩ ካብ ዝብል ኣተሓሳስባ ክወጽእ ኣለዎ። እዚ ምስ እንገብር ከኣ እዩ እቲ ኣብ ሃገርና ስልጣኔ ዝስፋሕፋሓሉን ምዕብልና ዝረጋገጸሉን ህዝቢ እውን ተሰማሚዑን ተኸባቢሩን ዝነብረሉ ሃውህው ዝፍጠር። እዚ ምስ እነዘውትር ከኣ ነቲ ፋሕ ዝበለ ናይ ለውጢ ዓቕሚ ተኸፋፊሉ ኣብ ክንዲ ኣብ ነንሓድሕዱ ሕኒን ዝብህሃል ንህዝብን ሃገርን ብዘገልግልን ዘርብሕን ኣቕጣጫ ሒዙ ንኽምርሽን ተላዚቡ ብሓባር ክስርሕን መኽኣሎ።

ንሕና ኣብ ለውጢ ረብሓ ዘለና ደምበ ተቓውሞ ህዝብናን ሃገርናን ንምድሓን ኢልና ኢና ንቃለስ ዘለና ካብ በልና ድኽመታትና ኣሪምናን ፈሊጥናን ብውልቂ ዝመጽእ ዓወት የለን፡ እንተመጸ ከኣ ስፍሓትን ቀጻልነትን ዘየብሉ እዩ ዝኸውን ዝብል ተረድኦ ክህልወና ይግባእ። ድሌታትናን ምንዮታትናን ካብዚ ዘሎናዮ ሽግርን መከራን ግፍዕን ወጽዓን ተላቒቕና ሰላማውን ፍትሓውን ቅሳነት ዝመልኦ ናብራ ክህልወና ካብኮነ ናብዚ ገጹ ዝእምትን ኩሉ ዝኣምነሉን የጽለልኒ ዝብሎን ሓባራዊ መቃለሲ መድረኽ ክህልወና ናይ ግድን እዩ።

ብኣንጻርዚ ዝጠቐስናዮ ሃናጺ መንገዲ ዝረአ፡ ናይ ኣግላልነት ሓሳብን ተግባርን እንተዘይተወጊዱ፥ ንናይ በበይንኻ ጉዕዞ መፍትሒ እንተዘይተረኺብዎ ኣቲ መንገዲ ካብቲ እዚ ኣንጻሩ ንቃለስ ዘለና ስርዓት ሒዝዎ ዘሎ ኣዕናዊ ጐደና ዝሓሸ ከም ዘይከውን ርዱእ እዩ። ንሱ ከኣ ነቲ ኣነ እምበር ካልእ ቅኑዕ የለን ዝብል ኣተሓሳስባ፥ ከምቲ ናይ መለኽቲ ኣገባብ ኣካይዳ፡ ማለት እንተደለኹም እተዉ ኣነ እየ ገባሪ ሓዳጊ ኣቦኹም ዝዓይነቱ ፈለግ ካብ ሱሩ ከማሓው ይግባእ። ከምኡ እውን እቲ ኣነ ዝደልዮ ጥራይ ክኸውን ኣለዎ ከይበልና፡ ነቲ ናይ ሓባር ድሌት ቅድሚ ኩሉ ሰሪዕና ምጉዓዝ ካብ ልቢ ክንቅበል ይግበኣና። ስለዚ ነዚ ኩሉ እነማልእ ቅቡላት ኮይና ብ ሕልና ህዝብና ቅቡል ቦታ ክንረክብ፡ ናብዚ ዘብቅዕን ንጉዳያት ብኩሉ ኩርነዓት ዝጥምትን ሃናጽን ፖለቲካዊ ራኢ ክህልወና ይግባእ።

ድራር መንታይ

Saturday, 16 January 2016 11:47

تصريح صحفي

Written by
تصريح صحفي

 

يجب أن لا ننخدع بنداءات الهقدف التضليلية

 

عقد المكتب التنفيذي لحزب الشعب الديمقراطي الارتري اجتماعاً طارئاً في الحادي عشر من يناير 2016م، في هذا الاجتماع الخاص ناقش المكتب ما تعوَّده نظام الهقدف من استمراء الخداع والتضليل بصفة عامة، وأدان بصفة أخص ما أخذ يقوم به مؤخراً من محاولات لتجميل وترقيع وترميم وجهه المقرّح المتمثلة فيما أسماه ب(حملة التضامن الوطني الارتري لتكذيب افتراءات لجنة مفوضية حقوق الانسان الدولية في أوضاع حقوق الانسان في ارتريا...الخ) الذي يهدف من خلاله الي قلب الحقائق رأساً علي عقب، فيجعل الباطل حقاً والظلام نوراً والموت حياة، إلا أن المكتب التنفيذي أعرب عن ثقته التامة في وعي وبسالة جماهير شعبنا في التصدِّي لما يقوم به الهقدف وأعوانه من ترهيب وإرهاب المواطنين العزَّل وإجبارهم عنوةً علي تكذيب أنفسهم والتراجع عما اعتبروه بالأمس حقائق عن أوضاع حقوق الانسان في ارتريا، عساه بذلك يسترد بعض مساحيق ماء الوجه الذي أصبح سراباً يباباً.

 

إن نظام الهقدف سوف لن يستحيي أو يتوانى في حماية كرسي سلطته بممارسة المناورات التكتيكية وقلب الحقائق، إلا أن مثل هذه المحاولات لن تجد منا ومن شعبنا إلا الإدانة والتصدي الشجاع. لذلك يناشد المكتب التنفيذي لحزب الشعب الديمقراطي الارتري كافة قطاعات ومكونات شعبنا الأبي ألا تتعاطف مع هذه الأسطوانة المشروخة لمثل هذه النداءات التي تحاول دوماً أن تزيِّـن وجهها القبيح بِدَغْـدَغة العواطف الوطنية الجـَــيـَّــاشة. إن مواطنينا في المهجر بالذات والذين بذلوا من التضحيات الجسام فراراً من جحيم النظام في بلادهم ما جعلهم مستحقين لنيل حق اللجوء السياسي في مختلف بلدان العالم، عليهم أن يراجعوا أنفسهم مرتين وأكثر من الانخراط في مخططات النظام التخريبية والتضليلية والتي لن تسفر إلا عن إضاعة ما يتمتعون به من أمنٍ وحقوق بل ورفاهية في بلاد الملجأ من ناحية، ومن الناحية الأخرى التسبـُّـب في رفع وتيرة التشدُّد والتعقيد في إجراءات منح ذلك الحق لمن لم ينالوه بعد، أو هم علي مقربة من التمتع به.

 

بهذه المناسبة نجدِّد مناشدتنا لكل دعاة التغيير في بلادنا وجميع أفراد شعبنا وأصدقائه ومحبـِّـي الحرية والعدل في كافة أرجاء العالم أن يـُـفشِـلوا تلك المخططات الجهنـَّـمية لنظام الهقدف ويقدموا كل عونٍ ممكن للجنة التقصي الدولية عن أوضاع حقوق الانسان في ارتريا.

 

المكتب التنفيذي لحزب الشعب الديمقراطي الارتري

15 / 1 / 2016م          

Friday, 15 January 2016 15:52

ህግደፋዊ ንብዓት ሓርገጽ: ኣብ ልዕሊ መርማሪ ኮሚሽን

Written by
ህግደፋዊ ንብዓት ሓርገጽ: ኣብ ልዕሊ መርማሪ ኮሚሽን

ርእሰ ዓንቀጽ ሰደህኤ

ህዝቢ ኤርትራ ብምልካዊ ስርዓት ህግዲፍ ክዳሃኽ አነሆ ርብዒ ዘመን ኣቝጺሩ። ሕማቕ ዕድል ኮይኑ ስርዓት ኢሳያስ ኣብ ኮረሻ ስልጣን ተኾዲጩ ብዘይ ሕግን ቅዋምን ብሓይሊ ንህዝቢ ጅሆ  ሒዙ ኣደዳ ድኽነት ዳሪግዎን፤ ካብኡ ዝኸፍአ ድማ፡ ደይ መደይ ኢሉ መባእታዊ መሰሉ ብምግፋፍ ንመላአ ሃገርና ናብ ቤት ማአሰርቲ ቀይሩዋን ይርከብ።

 

 

ሃገራዊ ኣገልግሎት ብዝብል ምስምስ፡ ንመንእሰያት ኤርትራ ንዘይተወሰነ ዓመታት ኣብ ባርነት ብምቝራን፡ ከይምሃሩ፡ ስድራቤት ከይምስርቱ፡ ኣብ ምዕባለ ሃገር ከይሳተፉ ሓኒቑ ሒዝዎም ኣሎ።  ዒም ዝበለ ድማ፡ ኣብ’ተን ቁጽረን ካብ ናይ ዝሓለፉ ባዕዳውያን ገዛአቲ ብዓሰርተታት ዝብዝሕ ኣብያተ-ማእሰርቲ ይዳጐን።  ከም ውጺኢቱ ድማ መንእሰይ፡ ሃገሩ ሲኦል ኮይናቶ ነታ ዝፈትዋ ሃገሩን ነቶም ዝፈትዎም ወለዱን ስድርኡን ራሕሪሑ ግዳይ ምድረበዳ፡ ውቅያኖሳትን ግዳይ ዝተፈላለዩ ጸገማት ስደትን ይኸውን ኣሎ።

 

አቲ ዕድል ገይሩ፡ ነዚ ኵሉ መስገደል ሰጊሩ ኣብ ምዕቡላት ሃገራት  ናይ ፖለቲካ ዑቕባ  ረኺቡ፡ መነባብርኡ ክሰርዕ ዝፈተነ ድማ፡ ናይ ስርዓት ህግደፍ ናይ ስለላ መርበባትን መጋበርያታትን፡ እግር እግሩ እናስዓቡ፡ ናይ ቍጠባ እምበአር ናይ ፖለቲካ ስደተኛ ኣይኰንኩን፣ ደቀንስትዮ ኣብ መደበራት ታዕሊም ኣይተደፍራን፡ ንሃገርና ንምክልኻል ብፍቶትና ኢና ናብ ሃገራዊ ኣገልግሎት እንኸይድ፣ ተጣዒስና ወዘተ እናብልኩም ፈርሙ እናበለ ንዓፈናዊ ተግባራቱ ክሸፋፍን ይፍትን ኣሎ።

 

ኣብ ጎረባብቲ ሃገራትን ኣብ ርሑቕ ቦታታን ዝርከብ ኤርትራዊ ስደተኛን ዜጋን ብመሪሕ ተቓወምቲ ውድባቱ ኣቢሉ ነቲ ስርዓት ህግዲፍ ብኣልማማ ኮነ ኢሉ ዝፍጽሞ ዘሎ ግህሰት ሰብኣዊ መሰላት ንምቅላዕ ጥርዓኑ ናብ ዓለምና ንምቕራብ ሰፋሕትን ቀጸልትን ሰላማዊ ስልፍታት ብምግባርን: ጽሑፋት ብምዝርጋሕን ከይተሓለለ ተቓሊሱን ይቃለስን ኣሎን። ከም ውጺኢቱ ድማ ሕቡራት ሃገራት ኣቓልቦ ሂቡሉ ብውሳነ ደረጃ  ግህሰት ሰብኣዊ መሰላት ኣብ ኤርትራ እትምምር ኮሚሽን መዚዙ።

 

አታ ብወ/ሮ ኪታ ሩት ሸይላ አትምራሕ ብሹዱሽተ ኣባላት ዝቖመት ኮሚሽን ተልአኾኣ ንምጅማር ናብ ኤርትራ ንምእታው ዘቕረበቶ ናይ ቪዛ ጠለብ ስርዓት ህግደፍ ኣይተቐበሎን።  እቲ ስርዓት ንጠለባ ዝነጸገሉ ምኽንያት ጕደይ ክቓላዕ ኢዩ ካብ ዝብል ስግኣት ምዃኑ ርዱእ ኢዩ።  በዚ ድማ ኣብ ኤርትራ ኣትያ ስረሓታ ከተሰላስል ስለዘይከኣለት፡ ኣብ ወጻኢ ካብ ዝርከቡ ኤርትርውያንን ካልኦት ምንጪታትን ሓበሬታታት ክትእክብ ተገዲዳ።

 

ሎሚ፡ ካብ ጭቆናን ግፍዕታትን ህግደፍ ኣምሊጡ ኣብ ስደት ዝርከብ ኤርትራዊ ማእለያ የብሉን። ስለዝኾነ ከኣ፡ መርማሪት ኮሚሽን ግህሰት ሰብኣዊ መሰላት፡ ኤርትራውያን ረኺባ ሓበሬታ ንምእካብ ጸገም ኣይነበራን። ብኣማኢት ዝቑጸሩ ኤርትራውያን ረኺባ ከኣ ቃለ መጠይቕ ኣካይዳ።  ካብቲ ዝረኸበቶ መልሲ ድማ፡ 483 ገጻት ዝሓዘ ጸብጻብ ናብቲ ዝለኣኻ ባይቶ ሰብኣዊ መሰላት ሕቡራት ሃገራት ኣቕሪባ። ኣብቲ ጸብጻባ፡ ብገበን ኣንጻር ሰብኣውነት ከኽስስ ዝኽእል ምልክታት ከምዘሎ ብምእማት ንዝያዳ ምጽራይ ዕማማታ ንኽናዋሕ ዘቕረበቶ ጠለብ እውን በቲ ባይቶ ተቐባልነት ረኺቡ፡ ስርሓታ ንሓደ ዓመት ክትቅጽል ተወሲኑ ኣሎ።

 

ከምቲ ልሙድ ሓደ ስርዓት ኣብ ልዕሊ ህዝቢ ኮነ ኢሉ ገበን ኣንጻር ሰብኣውነት ምስ ዝፍጸም ጉዳዩ ብዓለም ለኻዊ ቤት ፍርዲ  ንክውሰን ናብ ኣህጕራዊ ቤት ፍርዲ ሄግ ኢዩ ዝቐርብ። ብመሰረት ዝቐርቦ ጭብጥታት ድማ ካሳብ  ናይ ሕልፈት ማእሰርቲ ይፍረዶ። ፕረዚደንት ኢሳያስ ከኣ ጉዳዩ ተመርሚሩ መርትዖታት እንተደኣ ተረኺብዎ ናብ’ዛ ቤት ፍርዲ ገጹ ኢዩ ክጐዓዝ። መረረ ኤርትራውያን ከኣ ዋጋ ክረክብ እዩ።

 

ዲክታቶር ኢሳያስ፡ ከም ኩሎም መለኽቲ ኣብ ልዕሊኡ ዘንጸላሉ ንዘሎ ፍርዲ: ኢዱ ኣጣሚሩ ክጽበ  ዘይሕሰብ ኢዩ። ከምኡ ስለዝኾነ ከኣ፡ ነብሱ ዝከላኸለሉ መንገዲ ብምምሃዝ ወይጦታቱ ኣዋፊሩ አድሑኑኒ ክብል አንጸበዮ ኢዩ። ካብ’ዚ ዝነቐለ ኢዩ፡ ሎሚ ቅነ “ሃየ ንፕረሲደንትና ነድሕን” ተባሂሉ ኣንጻር’ቲ ብመርማሪት ኮሚሽን ሰብኣዊ መሰላት ሕቡራት ሃገራት ዝቐረበ ጸብጻብ ዘቅንዐ ስርዓት ኢሳያስ ባዕሉ ዘዋፍሮ ኵሉ መዳያዊ ናይ ጠቐነ ስርሓት ዝካየድ ዘሎ።

ነዚ ዕማም’ዚ ተባሂሉ፡ ሰለስተ ገጻት ዘለዎ ቀጥዒ ተዳልዩ፡ ደገፍቲ’ቲ ስርዓት በቲ ዝተዋህቦም መምርሒ መሰረት ነቲ ቀጥዒ ፈሪሞም ክልእክዎ ጐስጓስ ይካየደሉ ኣሎ።  ኣብቲ ዘዳለውዎ ናይ ደገፍ መእከቢ ጽሑፍ (ፐቲሽን) ከስፍርዎ ዝተነግሮም ትሕዝቶ ድማ እዚ ዝስዕብ ይርከቦ፦ 

  • ኣብ ኤርትራ ፍጹም ግህሰት ሰብኣዊ መሰላት የለን።
  • ሃገራዊ ኣገልግሎት ናይ ባርነት ኣገልግሎት ኣይኮነን: ንሃገርካ ምክልኻል ኢዩ።
  • ኣብ ኤርትራ ዝተዓመጸት ጓል ኣንስተይቲ የላን።
  • ኣብ ኤርትራ ናይ ምጽሓፍ: ርእይቶ ምቕራብ: ምዝራብ: ሰላማዊ ሰልፊ ምግባር: ፍቑድ ኢዩ።
  • ኣብ ኤርትራ ፍትሓዊ፡ ብሃገራዊ ቅዋም ዝመሓደር መንግስቲ ኢዩ ዘሎ. . . ወዘተ።

 

እዝስ ዘስደምምዶ ኣይኮነን!!!! ጉጅለ ህግደፍ ብሓቂ ሕሱር’ዩ። ዓይንን እዝንን ህዝቢ ኤርትራ ዝርእን ዝሰምዕን ኣይመስሎን’ዩ። ምልካዊ ስርዓት ኢሳያስ፡ ክረግጽን ክምቁሕን ስለ ዝጸንሐን ዘሎን ግን፡ ንሓቂ ሓሶት: ንሞት ሂወት ክብል ዘሕፍሮ ኣይኮነን። ይኣክል! ይኣክል! ክንብሎን ብቓልስና ክንጉሕፎን ከኣ ግዜኡ ጽባሕ ዘይኮነስ ሎሚ እዩ።

Published in EPDP Editorial
Read more...
Friday, 15 January 2016 13:22

ጋዜጣዊ መግለጺ

Written by
ጋዜጣዊ መግለጺ

”ተመላኺዑ ብዝቐርብ ጻውዒት ህግደፍ ኣይንደናገር”

ፈጻሚ ሽማግለ ሰልፊ ደሞክራሲ ህዝቢ ኤርትራ ብ11 ጥሪ 2016 ፍሉይ ኣኼባ ኣካይዱ። ኣብዚ ፍሉይ ኣኼባኡ: ነቲ ጉጅለ ህግደፍ ዝገብሮ ልሙድን ነውራምን ናይ ምትላል ተግባራቱ ብሓፈሻ፡ ብፍላይ ከኣ ነዚ ናይ ሕጂ ”መኸተ ኩሉ ሃገራውን ሃገራውያን ማሕበራትን ምጽሓፍ ደብዳቤታት ናብ ቤት ምኽሪ ሰብኣዊ መሰላት ሕቡራት መንግስታት ጠቐነታት መርማሪ ኮምሽን ኩነታት ስብኣዊ መሰላት ኣብ ኤርትራ ንምቅላዕ” ዝብል ንሓቂ ብሓሶት: ንጸልማ ብብርሃን: ንሞት ብህይወት ዝገልጽ ኰኒኑ። ስርዓት ህግደፍ፡ ግህሰት ሰብኣዊ መሰላት ኣብ ኤርትራ ከምዘየለ ንወጻእተኛታት ንኸእምን ብመርበብ ስለያታቱን ኣዳኸርቱን ኣቢሉ ንዜጋታት ብምፍርራሕ ንዝገብሮ ዘሎ ጽዩፍ፡ ዓማጽን ፉንፉንን ማፍያዊ ተግባራቱ ንሕመቑ ክኸውል ዝገብሮ ዘሎ ከንቱ ፈተነ ደኣ’ምበር ምስ ሓቅነት ዝዀነ ይኹን ዝምድና ከምዘይብሉ ፈጻሚ ሽማግለ ሰደህኤ መዚኑ።

ከምዚ ዝኣመሰለ ግምጡል ሚዛንን ኣፍራስን ወፈራን: ጉጅለ ህግደፍ ኣብ ምልካዊ ወንበሩ ክሳብ ዘሎ ዝቕጽል ምዃኑ ርዱእ እዩ። እንተኾነ: ነዚ ናይ ሕጂ ናይቲ ጉጅለ ፖለቲካዊ ብድዐን ኣሳሰይቱ ዝገብርዎ ዘለዉ ላዕልን ታሕትን ሃስያኡ ብምርዳእ ፈጻሚ ሽማግለ ሰደህኤ ኣትሪሩ ኮኒንዎ። ብሓፈሻ ኤርትራውያን በዚ ሓቀኛ መርዛም ትሕዝቶኡ ሓቢኡ ተመላኺዑ ዝቐርብ ዘሎ መታለሊ ህግደፋዊ መጸዋዕታ ከይዕሸዉ ፈጻሚ ሽማግለ ኣትሪሩ ይጽውዕ። ብፍላይ ከኣ እቶም ካብ ገሃነብ ምምሕዳር ህግደፍ ወጺኦም ኣብ ዝተፋላለያ ክፍሊ ዓለማት ፖለቲካዊ ዑቚባ ዝሓቱን ሓቲቶም ፍቓድ ዝረኸቡን ኤርትራውያን: ኣብዚ መንፈንጠራ ጉጅለ ህግደፍ ኣትዮም መጻኢ መንባብሮኦም ኣባልሽዮም፡ ንኻልኦት ፖለቲካዊ ዑቚባ ዝሓቱ ሕጋዊ ዕንቅፋት ከይኮኑ ቅድሚ ናብ ጥፍኣት ምስጓሞም ክልተ ግዜ ክሓስቡ ነዘኻኽሮም።

ብሓፈሻ መላእ ደላይ ፍትሒ ህዝብናን ፈተውቲ ህዝብና ወገናትን ኣንጻርዚ ናይ ጥፍኣት ወፈራ ጉጅለ ህግደፍ ንክስለፉ፡ ብእንጻሩ ምስቲ ጉዳይ ሰብኣዊ መሰላት ኣብ ኤርትራ ዝምርምር ዘሎ ኮሚሽን ክተሓባበሩን በዚ ኣጋጣሚ ፈጻሚት ሽማግለ ሰደህኤ ጻዊዒቱ የቕርብ።

ፈጻሚ ሽማገለ ሰልፊ ደሞክራሲ ህዝቢ ኤርትራ

15 ጥሪ 2016

Friday, 15 January 2016 13:17

تدهور خطير في صحة التعليم في ارتريا

Written by
تدهور خطير في صحة التعليم في ارتريا

 

تقرير إخباري

 

حكـَـي طلبة وصلوا مؤخراً من ارتريا أن التعليم هناك مثله مثل سائر أوجه الحياة في ارتريا بات يتدهور من سيئ الي أسوأ، وحسب هؤلاء فإن أسباب ذلك كثيرة، لكن يأتي في مقدمتها خضوع العملية التعليمية في مراحلها الدراسية المصيرية بالذات لنظام عسكري لا يصلح لتوفير بيئة تعليمية مريحة ومشجعة علي التلقي أو الاستذكار، فمنذ المرحلة الثانوية ينتزع التلاميذ من حضن الرعاية الأسرية الي أتون التدريب العسكري في معسكر ساوا حيث يقضي الطالب الوقت مناصفةً بين التدريب وانضباطه وقسوته المفرطة من جهة والدراسة وما تحتاجه من أجواء أبعد ما تكون عن الجو العسكري الذي تختلف بيئته عن البيئة الدراسية اختلافاً كلياً.

 

ويضيف من عاشوا تلك التجربة طلاباً أو معلمين: أن المعلمين هناك علي قلتهم وتواضع خبرتهم ومستواهم التعليمي يتلقون معاملة قاسية من إدارة المعسكر تزيدهم زهداً وكراهة في مهنتهم ومجمل عملهم هناك وتشجعهم كسائر رصفائهم من الشباب علي النجاة بجلدهم هرباً. أما ما يتلقاه الطلبة من بصيص معرفة علمية لا تتجاوز القراءة والكتابة فإنما يتم عبر تعاونهم فيما بينهم، حيث ينظمون أنفسهم في مجموعات يراجع فيها الأفضل أكاديمياً الدروس للأقل مستوىً في الاستيعاب.

 

من جهةٍ أخرى فإن الطلبة يُــدارُون ويعاقـَـبـُـون عسكرياً، فعلـَـي أدق الأخطاء يتلقون عقوبات أقسى كثيراً من تلك التي يتلقاها العسكريون أنفسهم علي الأخطاء الكبيرة.

 

هذا وقد أجمع المراقبون للوضع في ارتريا علي أن تدهور التعليم فيها وتدفق هجرة الشباب منها سوف يكونان العاملين الذين يؤديان الي انهيارها مجتمعاً ودولة.      

Friday, 15 January 2016 13:14

نزع موبايلات الباباوات

Written by
نزع موبايلات الباباوات

بعد وفاة بطريرك الكنيسة الأرثوذكسية الرابع في الأيام القليلة الماضية، عـُـقـِــدَ اجتماع ترأسه أربع من كبار مسئولي حزب الهقدف الحاكم. شارك في الاجتماع باباوات مختلف مؤتمرات التبشير الارترية الي جانب أعضاء مجلس السينودس الأعلى. بند الاجتماع الرئيس والوحيد كان مناقشة تحديد من يخلف بصورة دائمة البطريرك المتوفى المخلوف حالياً بصورة مؤقتة. مصادر عاصمية مقربة من هذا الاجتماع الديني أوردت أن الاجتماع أكد بما يشبه الإجماع علي أن هذا المنصب من نصيب البطريرك الأسبق المتواري خلف الأسوار منذ أحد عشر (11) عاماً خلت.

 

وأضافت المصادر أن المسئولين الذين أداروا الاجتماع برعونتهم المعهودة اعترضوا علي مقترح الباباوات بأن مرشحهم عميل لجهاز المخابرات الامريكي (السي آي إيه) لذلك فترشيحه مرفوض، ثم إنهم وخوفاً من أن لا يجري المجتمعون اتصالاتهم بعد الاجتماع ويخلقون من خلال الاتصالات بالداخل والخارج وضعاً جديداً، قام المسئولون بتجريد الباباوات من هواتفهم الجوالة (موبايلاتهم) وأخبروهم بأنهم سوف يدعونهم ثانية أين ومتى ما رأوا ذلك مناسباً، ثم أوصلوا كلاً منهم الي مقره.

 

يأتي علي رأس أسباب اعتقال البطريرك السجين أنه قدم الاعتراضات التالية علي بعض الممارسات التعسفية لحكومة الهقدف: أ/ اعترض علي عسكرة أو تجنيد من يقومون بالواجبات الدينية الكبرى بالكنيسة، ذلك أن العسكرة تسلبهم الأهلية للقيام بتلك الواجبات. ب/ يحق للحكومة أن تعتقل، لكن عليها أن تعجل بالتحقيق مع المعتقلين فتبرئ وتطلق سراح من تثبت براءته وتقدم للمحاكمة من يُــتــَّـهم بالإجرام. أما الاعتقال بغير محاكمة ولا إدانة ولأمدٍ مفتوح فلا يقبله الشرع الديني ولا العلماني.      

يجدر بالذكر أن السلطات التي آلمها أن يتصدى لجرائمها ذلك البطريرك بما تمليه عليه مبادئه الدينية السمحة وضميره الحر والنبيل، سجنت قداسته بزعم أن ما قام به من إملاء (السي آي إيه).    

Friday, 15 January 2016 13:04

Personal reflections on the refugee camps at Calais and Dunkirk

Written by

Posted on January 14, 2016

Personal reflections on the refugee camps at Calais and Dunkirk

The sun shone last Friday. It was warm. For once it was not tipping down with rain. For the refugees it must have been a relief, yet it only underlined just how bleak the situation really is.

calais_visit_1.jpg

Late on Friday evening, I got off the Eurostar at St Pancras, made my way home, looked in on our young children (fast asleep in warm beds) and went to bed.

But I could not sleep.

 I had just returned from Calais and Dunkirk where thousands of migrants have set up temporary homes.

The conditions in both camps, but particularly Dunkirk, are so bad that describing them (even with accompanying photographs) cannot capture the squalor.

 calais_visit_3.jpg

You have to smell conditions like these, and feel the squelch of mud mixed with rain water, urine and much else through your boots to appreciate the true horror.

No one should have to live in such conditions and the fact that I saw children the same age as my own (and younger) settling down for yet another freezing, damp and hopeless night in a tent pitched in the muck kept playing on my mind.

Their lives so different to those of my family for no reason other than their place of birth.

calais_visit_4.jpg 

What makes the conditions in Calais and Dunkirk so troubling is not just that the camps are just one hour by Train from central London; it is also that they don’t need to be so bad.

British volunteers are doing extraordinary work across these sites.

Joe Friday  - who helped set up A Home for Winter – has been constructing hundreds of wooden homes in Calais to provide a minimum level of warmth and comfort.

  calais_visit_5.jpg

If the French authorities allowed volunteers to erect temporary shelters, toilets and water taps in Dunkirk, the situation could be improved within days.

But until very recently they have refused; for fear that to do so will encourage others to arrive.

 calais_visit_6.jpg

 If our government put as much emphasis on humanity as it does on security in its joint working agreements with the French authorities, things would be better. But it doesn’t.

Within both camps are mums, dads and children who are entitled to reunify with their families in the UK if the processing system worked.

But it doesn’t. And in both camps there are unaccompanied minors  - children, without help or guidance.

I sat in Calais and listened as a mother, with her four children, explain why she had to flee from Afghanistan. I won’t name her, for her safety.

 calais_visit_7.jpg

‘I have a brother and a nephew in the UK,’ she told me. She had applied for family re-unification under asylum rules accepted by the Home Office under the EU’s Dublin convention, but had heard nothing.

‘I have skills. I worked at the British Council in Kabul,’ she explained.  Her English is fluent and she would have little trouble in fitting in, if only she could cross the Channel.

‘I came by car, by truck and by walking. We are so tired. We are like a butterfly looking for somewhere to nest.’

 calais_visit_8.jpg

The emphasis of the authorities – French and British – is symbolised by the high security fencing and the CRS riot police, who patrol the area day and night.

I returned to London and the warmth and security of my family and our community. But my thoughts were in Calais.

Any human being making the visit I made last Friday would come away, as I did, uneasy with themselves and clear that, on all fronts, more needs to be done; and fast.

Source=http://www.keirstarmer.com/personal_reflections_on_the_refugee_camps_at_calais_and_dunkirk

Friday, 15 January 2016 01:12

ወ/ሮ ኣስገደት ምሕረተኣብ ኣብ ፓልቶክ ደምበ ድገና

ወ/ሮ ኣስገደት ምሕረተኣብ ኣብ ፓልቶክ ደምበ ድገና
Page 518 of 612