ልኡኽ ሰዲህኤ ኣብ እስራኤል ምስ ዘለዉ ኤርትራውያን ኣብ ጽዑቕ ኣኼባታት ተጸሚዱ’ሎ

2018-04-12 06:51:52 Written by  ቤት ጽሕፈት ዜና ሰዲህኤ Published in EPDP News Read 1120 times

ኣብ ከተማ ተልኣቪቭ ብ31 መጋቢት 2018 ዝኣተወ መሪሕነታዊ ልኡኽ ሰዲህኤ፡ ኣብ ዝተፈላለዩ ከባብታት እስራኤል ምስ ዝርከቡ ኤርትራውያን ብእኩብ ደረጃ ብዛዕባ ጉዳይ ፖለቲካዊ ዑቕባኦምን ተዛመድቲ ጉዳያትን ንምዝርራብ ጽዑቕ ናይ ኣኼባ መደባት የካይድ ኣሎ።

 

ኣባላት ማእከላይ ባይቶ ሰልፊ ዲሞክራሲ ህዝቢ ኤርትራ (ሰዲህኤ)፡ ወይዘሮ ፈቨን ጊደዎንን ኣቶ ትኩእ ተስፋይን ምስ መሪሕነት ኤርትራዊ ሓድነት ንፍትሒ ተራኺቦም ዘትዮም።   ከምኡ እውን ምስ ኮሚተ ኤርትራውያን ሓተቲ ዑቕባ ተራኺቦም ብዛዕባ ጸገማት ኤርትራውያን ሓተቲ ዑቕባ ተዘራሪቦም። ኣብ ርእሲ’ዚ ምስ መሪሕነት ጉጅለ ኤርትራውያን ስደተኛታ ደቂ ኣንስትዮ ተራኺቦም ብዛዕባ ዝገጥመን ጸገማት ተመያይጦም።

 

እዚ ልኡኽ ሰዲህኤ 13 ማዝያ 2018 ንሰለስተ ሰዓታት ዝቕጽል ኣኼባ ከካይድ መዲቡ ኣሎ። እዚ ኣኼባ ዝካየደሉ ሊባንዳ 18 ዝበሃል ቦታ ኮይኑ፡ ኣብዚ ኣኼባ ብዛዕባ ምስ ፖለቲካዊ ዑቕባ ዝተሓሓዙ ጸገማት ጥራይ ዘይኮነ፡ ብዛዕባ ኣብ አርትራ ዘሎ ኩነታትን ሃለዋት ኣንጻር ጨቋኒ ስርዓት ኤርትራ ዝቃወሙ ዘለዉ ኣካላትን’ውን ክዝረበሉ እዩ።

EPDP Delegation Holds in Group meetings with Asylum Seekers in Israel 2

Last modified on %AM, %12 %333 %2018 %08:%Apr