4ይ ስሩዕ ኣኼባ ኣባላት ሰዲህኤ ጨንፈር ቁ.2 ሃገር ሽወደንን ደንማርክን ተካይዱ

2018-02-24 21:53:39 Written by  ሽማግለ ጨንፈር Published in EPDP News Read 2572 times

ኣባላት ሰአልፊ ድሞክራሲ ህዝቢ ኤርትራ ጨንፈር ቁ.2 ሃገር ሽወደንን ደንማርክን ብዕለት 23 ለካቲት 2018 ብመራኸቢ ብዙሓን 4ይ ምዱብ ኣኼባኡ ኣካይዱ።

ኣኼባ ብኣቦ-መንበር ጨንፈር ሓው ጸሃየ ቀለታ ብናይ እንቋዕ ደሓን መጻእኩምን ሰላምታን ጀሚሩ 3ተ ኣጀንዳ ኣጽዲቁ፡ ስፍሓት ህልዊ ኣባላት ጨንፈር ብዝርዝር ሓቢሩ። ቀጺሉ ህልዊ ኩነታት ሰልፍን ደምበ ተቓውሞን ብዝምልከት ብዝርዝር ሓቢሩ። ብፍላይ ኣብ ከተማ ስቶኮልም ተጀሚሩ ዘሎ ዕዉት ርክብ ናይ 10 ዉድባትን፡ ነቲ ብሰልፊ ዲምክራሲ ህዝቢ ኤሪትራ ዝቀረበ እማመ ሐባራዊ ጽላል ምቋም ዝዕድም በዚ ኣቢልካ ድማ ሓባራዊ ስራሕ ንምክያድ ዝዓለመ እማመ፡ ኣብዚ እዋንዚ ብገለ ውድባት ጠመተ ይረክብ ብምህላዉ ገሊጹ። ኣስዒቡ ተሓዝ ገንዘብ ጨንፈር ብዝርርዝር ናይ ዓመተ 2017 ንዕቤት ሰልፊ ዝተወፈየ ገንዘብ ብንጹር ኣቅሪቡ። ኣብ 3ይ ኣጀንዳኦም ከኣ ነቲ መሪሕነት ሰልፊ ኣውጽኢዎ ዘሎ መደባት ንምዕዋት ናይ ገንዝብ ወፈያ ብምጅማር ንጊዜኡ ኣብ ኣኼባ ዝተረኹ ኣባላት ጥራሕ 7000,00 ክራውን ከወፍዩ ከለዉ፡ ብምኽንያት መገሻን ስራሕን ኣብቲ ኣኼባ ዘይተሳተፉ ገና እቲ ወፈያ ቀጻሊ ምህላዉ እውን ኣረጋጊጾም። ኣብ መደምደምታ ኣባላት ኣግደስቲ ለዉባታት ብምቅራብን፡ መሪሕነት ሰልፊ ዘካይዶ ዘሎ ሙሉእ ሕጋዊ ጽፉፍ መደባት ኣሞጒሶም ንምትግባሩ ብስጥመትን ብልዙብ ምርድዳእን ክቃለሱ ኣስሚሮምሉ።

Last modified on Saturday, 24 February 2018 23:23