ደረጃታቱ ደኣ ይፈላለ እምበር፡ ፍጹም ምፍልላይ ፍጹም ምስምማዕ ዝበሃል የለን። ምናልባት እውን እቲ ሓደ ነቲ ሓደ መመቀሪኡ እዩ ምባል ይከኣል ይኸውን። ኣብ ሓደ ጉዳይ ምምፍልላይ ዝመጽእ ተፈላለይቲ ነናቶም ተረድኦ ሒዞም ተገቲሮም እቲ ሓደ ናይቲ ካልእ ሓቂ ክቕበል ቅሩብ ስለ ዘይከውን እዩ። ከምቲ ግቡእ ግና ኣብቲ ግጉይ ኢልካ እትነጽጎ ሓሳብ ቅኑዕን ዘቀራርብን ከም ዝህሉ፡ ኣብቲ ቅኑዕን ኢልካ ናተይ እትብሎ ከኣ ዘይቅኑዕ ከም ዝህሉ ክትቅበል ዘይምኽኣል ዘምጸኦ ጸገም እዩ። እቲ ዝኸብድን ኣብ ዘይምስምማዕ ዘነብርን ከኣ ነቲ ኣብቲ ግጉይ እትብሎ ዘሎ ሓቅን ኣብቲ ቅኑዕ እትብሎ ዘሎ ድኽመትን ከተለሊ ምብቃዕን ዘይምብቃዕን እዩ።

እምበኣር እቲ ጸገም ኣብቲ ፍልልይ ምፍጣሩ ወይ ምግጣሙ ኣይኮነን ዘሎ።  ኣብ ኣተሓሕዛኡ እዩ ዝፍጠር። ብዓብይኡ ከኣ ንኹሉ ጉዳያት ከከም ጠባዩ ከመሓድር ዝኽእል ሰፊሕ ኣተሓሳስባን ክጾሮ ዝኽእል ሃብታም ትዕግስትን ክትውንን ዘይምብቃዕ እዩ። ነቲ ጌጋ ግጉይ፡ ነቲ ቅኑዕ ከኣ ቅኑዕ ክትብል ርትዓዊ ምዃን የድሊ። እዚ እንተዘየልዩ ግና ወርትግ ነታ ሓቂ ዝበልካያ ናባኻ ክጐትት ነታ ግግይቲ ዝበልካያ ድማ ናብ ካልእ ክትደፍእ ኢኻ እትነብር። እዚ ምስሓብን ምድፋእን ኣብ ርትዓዊ መሰረት ስለ ዘይተመስረተ ትደክም እምበር ሓቀኛ ውጽኢት ወይ ፍታሕ ዘይተመዝግበሉ እዩ።

እዚ ማለት ንቅኑዕ ኣይትንኣድ ወይ ኣይተተባብዕ፡ ንጌጋ ከኣ ጌጋ ኣይትበል ማለት ኣይኮነን። እንታይ ደኣ ንሓቂ ክትንእድ እንከለኻ ነቲ ናትካ ሓቂ ጥራይ ዘይኮነ ነቲ ናይ ካልኦት ሓቂ’ውን ካብቲ ጌጋኦም እትብሎ ፈሊኻ ምንኣድ ኣገዳሲ እዩ። ንጌጋ ክትነቅፍ እንከለኻ እውን ነቲ ናይ ካልኦት ድኽመት እትብሎ ጥራይ ዘይኮነ ኣብቲ ንስኻ ከም ሓቂ ሓቚፍካዮ ዘለኻ ዘሎ ናትካ ሕጽረት እውን ካልእ ክሳብ ዝነግረካ ከይተጸበኻ ኣሚንካ ንቐፎ ንምባል ዝኣክል እዩ። ንናትካ ጌጋ ኣሚንካ ምንቃፍ ኣብ መጻኢ ኣሪምካ ብዝሓሸ ቅኑዕ ክትትከኦ ስለ ዘኽእለካ ርትዓዊ እዩ። ካብዚ ሓሊፉ ነቲ ንስኻ ቅኑዕ እትብሎ ግጉይ ዝብልዎ፡ ነቲ ግጉይ እትብሎ ድማ ቅኑዕ ዝብልዎ ወገናት  ከም ዘለዉ ምእማን ኣብ  ኣተሓሕዛ ጉዳያት ነብሱ ዝኸኣለ ውሕልነት እዩ። ንስኻ ዘይረኣኻዮ ጌጋ ዘርእየካ ከኣ ሓጋዚኻ እምበር ጸላኢኻ ጌርካ ክትወስዶ ኣይግባእን። “ብጻይካ መስትያትካ’ዩ” ከም ዝበሃል።

ኣየናይ ቅኑዕ ኣየናይከ ግጉይ ኣብ ምልላይ ካብ ዘጸግሙና ምኽንያታት ንሓደ ተረኽቦ፡ ኣብ ክንዲ ብኹሉ ኩርነዓቱ ብሓደ ዓይኒ ጥራይ ምርኣይ እዩ። ንኣብነት ሓደ ሽግር ክትፈትሕ እንከለኻ ሓደ መዋጸኦ ኢልካ ዘቕረብካዮ ሓሳብ ምስራሕ ምስ ኣበየካ፡ ኣብ ክንዲ ግድን እዚኣ ጥራይ እያ እታ መንገዲ ኢልካ ኣብኣ ምድራቕ ወይ ድማ ዘይፍታሕ ግድል እዩ ኢልካ ካብ ቃልሲ ምብኳር ካልእ ኣማራጺ ሓሳብ ምድላይ፡ ሓደ መርኣያ ናይ ኣብ ሓደ ጉዳይ ዘይምድራቕ እዩ። ኣብ ሓደ ስጉምቲ ፈቲንካዮ ምስራሕ ዝኣበየ ሓሳብ፡ እንደገና ናብ ካልእ ፈተነ ሒዝካዮ ኣብ ክንዲ ምቕራብ፡ እቲ ካልእ ፈተነ ብኻልእ ሓድሽ ሓሳብ ክግጠም ይግበኦ። ንኣብነት ኣብ ደንበ ተቓውሞና ኩልና ከም ዘይዝንገዖ ኣብቲ ኣርባዕተ ቻርተራት ዘጽደቕናሉ መስርሕ ብሓባር ምስራሕ፡ ክፈላልዩና ዝጸንሑ ሓሳባት ኣብ መጻኢ ፈተናና መሊስና ሒዝናዮም ክንቀርብ ኣይግበኣና።

ብመሰረቱ ክሳብ ሕጂ ጽላል ፈጢርና ብሓባር ንምስራሕ ዝገበርናዮ ፈተነታት ኣይሰረሐን ኢልካ ጠጠው ኣይክበሃልን እዩ። ብኣንጻሩ “ሎምስ ክንዕወት ኢና” ኢልካ ናብ ሓድሽ መኣዲ ፈተነ ክትብገስ እንከለኻ ኣብ ከባቢ እቲ ክሳብ ሕጂ ክፈላልየካ ዝጸንሐ ጉዳያት ሓድሽ ኣተሓሳስባ ሒዝካ ምቕራብ ናይ ግድን እዩ። እቲ “ሎምስ ክንዕወት ኢና” ዘብለካ ከኣ እዚ ሓድሽ ኣተሓሳስባ ሒዝካ ምቕራብካ ጥራይ እዩ። ንኣተሓሳባኻ ናይ ብሓቂ ሓድሽ ዘብሎ ከኣ ናይ ርኢቶኻ ሓድሽነት ጥራይ ዘይኮነ፡ ብዘይቃለዓለም ብኽሱትነት ናይ ካልኦት ሓሳብ ዝቕበል ትዕግስትን ጹረትን ኣጥሪኻ እንተሊኻ እዩ።

ትብዓት ድፍረት ልግሲ … ወዘተ ዝብሉ ቃላት፡ ገሊኦም ካብ ትብዓትን ድፍረትን ንገሊኦም ድማ ካብ ነገራዊ ልግሲ ኢና እንመዝኖም። ምስዚ ሒዝናዮ ዘለና ኣርእስቲ ክንመዝኖም እንከለና ግና፡ “ኣብዚ ጉዳይ እቲ ቅኑዕ እዚ ጥራይ እዩ” ክትብል ጸኒሕካ፡ ድሓር ንስኻ ከይረኣኻዮ ብዝጸናሕካ ጭብጥን መርተዖን ዝጐልበተ፡ ካብቲ ናትካ ዝሓይሽ ሓሳብ ክቐርበልካ እንከሎ ንናትካ ገዲፍካ ክትቅበሎ ምኽኣል ትብዕት፡ ትብዓትን ልግስን እዩ እንተተባህለ ምግናን ኣይኮነን። መብዛሕትኡ ተጋዳላይ ዝነበረ ኤርትራዊ ከም ዝዝክሮ፡ ኣብ ኩሉ ህይወት እንተላይ ኣብ ሞትን ሕየትን “ቅድመይ ንዓኻ ይጥዓምካ፡ ኣነ በጃ ክሓልፈልካ” ዝብል ተወፋይነትን ለውሃትን፡ ባህሊ ኤርትራውያን ኮይኑ ከም ዝነበረ ንፈልጥ ኢና። ሎሚ ኢሳያስ ነቶም “ንስኻ ንበር ክንስወኣልካ” ዝብልዎ ዝነበሩ ብጾቱ ኣይኮነንዶ ክሞተሎም፡ ምእንቲ ስልጣን ክብል ከም ኣራዊት ኣብ ገዳጉዲ ኣስፊርዎም ኣሎ። እቶም ብሰንኪ ናይ ኣተሓሳስባ ፍልልይ ብሓባር ምስራሕ ስኢና ዘለናኸ፡ ምእንቲ እቲ ብሰንኪ ህግደፍ ጸቢብዎ ዘሎ ህዝብናን ብሞትን ስደትን መንእሰያትና ዝግለጽ ዘሎ ዝተደወነ ምስልና ናብ ንቡር ክምልስን ኢልና ሕድገት፡ ምጽውዋርን ምክእኣልን ምስኣና ምስ ምንታይ ይቑጸር? ምእንቲ ህዝቢ ኢሉ ዝስዋእ ዝነበረ ትውልድን ተካኢኡን ምእንቲ ህዝብን ሃገርን ኢሉ ፍልልያቱ ምግዳፍ ዘይኮነስ ምምሕዳሩ ክስእን እንከሎ ከኣ ካልእ ዘገርም እዩ እሞ ሕጂ እውን ረፊዱ እምበር ኣይዓረበን እሞ ንሕሰበሉ።

ርሑስ በዓል ትንሳኤ ንኣመንቲ ክርስትና!

Eritrese vluchtelingen op vakantie in land van herkomst

ኤርትራውያን ስደተኛታት ንዕርፍቲ ናብታ ዝመጹላ ሃገር ይኸዱ

Veel vluchtelingen uit Eritrea gaan nog altijd op vakantie naar het land waaruit ze gevlucht zijn. Het kabinet wil de verblijfsvergunning van deze vakantiegangers afpakken, maar dat gebeurt nog nauwelijks bij Eritreeërs.

Bij tientallen andere asielzoekers die tijdelijk terugreisden naar het land van herkomst heeft het kabinet wel hun verblijfsvergunning ingetrokken, schrijft de Telegraaf vanmorgen. Staatssecretaris Klaas Dijkhoff sprak eerder schande over het terugreizen naar het land van herkomst, omdat deze landen volgens de vluchtelingen extreem gevaarlijk zijn, waardoor ze moesten vluchten.

ቡዙሓት ኤርትራውያን ስደተኛታት ሕጂ ( እንትኾነ’ውን) ንዕረፍቲ ኢሎም ናብታ ሃዲሞም ዝወጹላ ሃገር ገና ይመላለሱ ኣለዉ። ካቢነ መንግስቲ ሆላንድ ነቲ መንበሪ ፍቓድ፣ ናይ ዞም ናይ መንበር ፍቓድ ድሕሪ ምቕባል፤ ንሃገሮም ንዕረፍቲ ዝገሹ ከሕድጎም ድሌት ኣለዎ። እንተ ኾነ ኣብዞም፣ ካብ ኤርትራ ሃዲሞም ንኽንሶም፡ ተመሊሶም ናብ ኤርትራ ዘመላለሱ ዘለዉ ኤርትራውያን፣ ጌና ኣይፈጾምን ዘሎ።   'እንትኾነ ግና መንግስቲ ሆላንድ ኣብ ካልኦት፣ ናብ ሃገሮም ዝመላለሱ ብዓሰርተታት ዝቑጸሩ ሓተቲ ዑቑባ፣ ናይ መምበሪ ፍቓድ ናይ ምስሓብ ስጉምቲ ከም ዝወሰደን ከም ዘወስድን እፍለጥ' ክትብለ ጋዜጣ ተለግራፍ ኣብ ናይ 7 ሚያዝያ 2017 ሕታማ ኣፍሊጣ። ሚኒስተር ክላስ ዳይክሆፍ ኣቐዲሙ ከም እተዛረቦ ''ከም ስደተኛታት ናብታ ናይ ትውልዲ ሃገር ተመሊስካ  ክትከይድ ብጣዕሚ ዘሕፍር እዩ፥ ምኽንያቱ ከም እቶም ስደተኛታት ዝብልዎ እዘን ሃገራት እዚአን ብጣዕሚ ሓደገኛታት እየን ሃገሮም ጠንጢኖም ንኽሃድሙ ምኽንያት ዝኾና ድማ ንሰን ኢየን።

Eritreeërs nauwelijks gecontroleerd

Uit, door de Telegraaf, opgevraagde documenten bij het ministerie van Justitie zou blijken dat sinds half 2015 geen enkele Eritreeër een verblijfsvergunning is onthouden vanwege een vakantie in het land van herkomst. Het kabinet beweert dat dit soort terugreizen niet spelen bij Eritreeërs, maar afgelopen zomer gingen er bijvoorbeeld al zo’n 1.000 Eritreeërs terug naar het land waar ze uit ‘gevlucht’ waren.

ኣብ ልዕሊ ናብ ህገሮም ዝኸዱ ኤርትራውያን ጌና ቁሉዕ ቁጽጽር ኣይተኻየደን ዘሎ፡

ካብ ሚኒስትሪ ናይ ፍርዲ ብብቴለግራፍ ትሓቲቱ ዝተረኽበ ጽበጻብ ከም ዝሕብሮ፣ ካብ ክፍላ 2015 ክሳብ ዝሓለፈ ሓጋይ ዋላ ሓደ ስደተኛ ኤርትራዊ ብምኽንያት ዕርፍቲ ንሃገሩ ብምምላሱ ናይ መምበሪኡ ፍቓድ ዝተወስዶ የለን። እቲ ካቢነት ከም ዝብሎ ድሕሪ ናይ ምምባር ፍቓድ ምውሳድ ንሃገርካ ምምልላስ ብስደተኛታት ኤርትራውያን ኣይተራእየን። ይኹን’ምበር ኣብ ዝሓለፈ ሓጋይ ንምሳሌ 1000 ዝኾኑ ስደተኛታት ኤርትራውያን ናብታ ብምህዳም ዝገደፉዋ ሃገር ንዕርፍቲ ከም ዝኸዱ ይፍለጥ።

Goudmijn voor Eritrees regime

De Eritrese overheid zou de ‘vluchtelingen’ met open armen ontvangen omdat ze veel geld uitgeven in het land van herkomst.

Journaliste Nikki Sterkenburg van Elsevier begrijpt niet zo goed waarom het kabinet deze Eritreeërs zo makkelijk laat lopen. “Als je kijkt naar het vliegverkeer daarnaartoe en de passagierslijsten bestudeert zou het niet zo moeilijk moeten zijn om erachter te komen wie dat zijn”, vertelt ze in de uitzending van Goedemorgen Nederland.

መዐደኒ ወርቂ ንስርዓት ኤርትራ

መንግስቲ ኤርትራ ንስደተኛታት መርሓባ ኢላ ትቕበለም። ምኽንያቱ እዞም ስደተኛታት እዚኣቶም ካብታ ዕቑባ ዝረኸቡላ ሃገር ናብታ ዝመጹላ ሃገር  ብምኻድ ብዙሕ ገንዘብ ስለ ዘጥፍኡ። ጋዜጠኛ ኒኪስተርከንበርኽ ናይ ኤልሰቪር ዝተባህለ ሰሙናዊ መጺሔት ኣዳላዊት ዝኾነት፤ ስለምንታይ እቲ ካቢነ ናይ ሆላንድ ነዚ ፍጻመ’ዚ ዓይኑ ብምጽቃጥ ሸለል ኢሉ ክርእዮ መሪጹ ክርድኣ ኣይከኣለን።

እንተ ድኣ ብዛዕባ ናብን ካብን ኤርትራ ዝግበር ናይ ነፈርቲ ጉዕዞን፣ ብዛዕባ ቁጽሪ ናብ ኤርትራ ዝኸዱ ተሳፈርትን መጽናዕቲ ተጌሩ፣ ክሳብ ክንድ’ዚ ኣሸጋሬ ኣይምኾነን፡ እቶም ድሕሪ ናይ መንበሪ ፍቓደ ምርካብ ንኤርትራ ዘመላለሱ ስደትኛታት ምፍላጥ፣ ክትብል ኣብ ናይ ጉድሞርኒንግ ነዘርላንድስ ፈነወ ዜና እቕሪባ።

Source=http://wnl.tv/2017/03/30/eritrese-vluchtelingen-massaal-op-vakantie-land-herkomst/