ህዝቢ ትግራይ ወፅዓን ባርነትን ኣይቅበልን ኢሉ ህዝባዊ ዕላማ ተሓንጊጡ ቃልሲ ዝጀመረሉ መበል 44 ዓመት ነኽብር ኣለና። በዓል 11 ለካቲት ናይ ቃልስን ዓወትን ጉዕዞና እንዝክረላን ንናይ ሎምን ፅባሕን ዘይነፅፍ ትምህርቲ እንወስደላን ዕለት እያ። ህዝቢ ትግራይ ካብ ወጋሕትኡ ብመሪሕ ውድቡ ህወሓት እናተመርሐ ቃልሲ እንትጅመር እንተሎ ነቲ ኣብ ልዕሊ ህዝብታት ሃገርና ተፃዒኑ ዝነበረ ፍፁም ፀረ ህዝቢ ስርዓት ብምግላስ ኩሎም ህዝብታት ብማዕርነት ዝነብሩላ ሓዳሽ ዲሞክራስያዊት ኢትዮዽያ ንምፍጣር ዝብል ዕላማ ሒዙ እዩ ተቓሊሱ። ህዝቢ ትግራይ ብረት ኣልዒሉ ዝተቓለሰ ባህጊ ኩናት ሃልይዎ እንተይኮነስ ነዚ ቅኑዕ ዕላማ ኣብ ግብሪ ንምውዓል ካሊእ መማረፂ ስለዝተስኣነ እዩ። መሰሉን ረብሓታቱን ክሕለወሉ እምበር ናይ ካሊእ መሰልን ረብሓን ንምድፋእ ኣይነበረን። ጭቆናን ግፍዕን ንምውጋድ ‘ምበር ንሓደ ጭቆናን ግፍዕን ብካሊእ ጭቆናን ግፍዕን ንምትካእ ኣይነበረን።

ህዝቢ ትግራይ: ብሄር ብሄረሰባትን ህዝብታትን ኢትዮዽያ ብሰላም፣ ብማዕርነትን ሕውነትን ንምንባር፤ ብፃዕርና ብራሃፅና ካብ ድኽነትን ጥምየትን ሓራ ንምውፃእ ኢሉ እዩ ክባር ዋጋ ከፊሉ። ነቲ ዝተሓላለኸን ዓቐብ፣ ቁልቁል ዝበዝሖ ቃልሲ ኣብ ሃገርና ዝነበረ ዘይተመጣጠነ ቃልሲ መብረ ከይሓተተ ነቲ ከቢድ ሸከም ሓላፍነት ወሲዱ ንምግማቱ ዘፅግም ከቢድ መስዋእቲ ከፊሉ እዩ። ንዝሓለፉ 27 ዓመታት ኣብ ሃገርና ብዝተፈጠረ ሓዱሽ ምዕራፍ ናይ ድኽነትን ጥምየትን ተምሳሌት ዝነበረት ሃገር ብዝሓዝናዮ ህዝባዊ ቅኑዕ መስመርን ብናይ ህዝብና ዘይተሓለለ ፃዕርን ቃልስን ካብ ናይ ምብትታንን ምንቁልቋልን ሓደጋ ወፂኣ ከም ሃገር ናብ ሓዱሽ ምዕራፍ ክትሰጋገርን ምስሊ ሃገርና ብመሰረቱ ክቅየር ገይርና ኢና።

ነቲ ዝጀመርናዮ ለውጥን ምዕባለን ህያው ብምግባር ብሓያልነት ልምዓታውን ዲሞክራስያውን መስመርናን ኣብ ፅላል እዚ መስመር ዓሲሉ ተኣምር ዝሰርሕ ፅኑዕ ተቓላሳይ ህዝብናን ሒዝና ዳግም ዘሕብን ናይ ቃልሲ ምዕራፍ ንምስራሕ ኣብ መንገዲ ብሩህ ጉዕዞ ኮይና 27 ዓመታት ተጓዒዝና ኢና። ሓላል ህዝብና ንክብርን ምዕባለን እዛ ሃገር ኩሉ ዝኽፈል ኸፊሉ እዩ። ከይሰሰዐ ደም ገቢሩ፣ ነቲ ከቢድ ፃውራ ተሸኪምዎ ሓሊፉ። ብጥምየት፣ ብመከራ፣ ብግፍዒ ከይተሰኮነ ሰብ ክፃወሮ ይኽእል እዩ ተባሂሉ ካብ ዝግመት ሽግርን መከራን ንላዕሊ ተፃዊሩ ብፅንዓት ተቓሊሱ ናብ ዓወት በፂሑ እዩ። ድሕሪኡ እውን እንተኾነ ምስ ተፈጥሮ ገጢሙ ጎቦ ፃሕቲሩ ድኽነት ክስዕር ልዑል ርብርብ እናገበረ ፀኒሑን ኣሎን። ሕልፊ ገቢረ እየ እሞ ሓለፉ ይዋሃበኒ እንተይበለ፤ ሓለፉ ይትረፍ እቲ ዝግበኦ እኳ ከይረኸበ ቅልፅሙን ጭዋድኡን ኣሚኑ ኣብ ፀረ ድኽነት ቃልሲ ወፊሩ ተስፋ ዝህብ ለውጥን ብርሃንን ክርኢ በቒዑ እዩ።

ዝኸበርካ ህዝቢ ትግራይ

ዝኸበርኩም ኣባላት ህወሓት

መበል 44 ዓመት ልደት ቃልስና እንትነኽብር ብሓደ ገፅ ኣብ ዝሓለፈ ናይ ቃልሲ ጉዕዞና ዘመዝገብናዮም ዓወታት ንምዕቃብን ንምስፋሕን ርብርብ ኣብ ንገብረሉ መድረኽ ኮይና፤ ብካሊእ ገፅ ሃገርና ካብቲ ጀሚራቶ ዝነበረት ፈታውን ፀላእን ዝመስከርሉ ለውጥን ምዕባለን ንድሕሪት ኣብ ዝምለሰሉ፤ ካብቲ ዘሕፍር ናይ ድኽነት ታሪኽና ወፂና ብርሃን ምርኣይ ኣብ ዝጀመርናሉ እዋን እዚ ኩሉ ተስፋን ዕድልን ናብ ስግኣትን ጭንቅን ዝተቐየርሉ መድረኽ ኮይና ኢና ነኽብራ ዘለና።
ኣብዚ እዋን ኣብ ብዙሕ ከባቢታት ሃገርና ስእነት ሰላም እናተጋፈሐ፤ መሰረታዊ ሕቶታት ህዝቢ ልምዓትን ዲሞክራስን ንጎኒ ተገዲፉ ተጀሚሩ ዝነበረ ተስፋ ህዝቢ ስሉጥ ልምዓት ኣብ ሓደጋ ዝኣትወሉ፤ ምውፃእ ተጀሚሩ ዝነበረ ዓቐብ ምቕፃል ኣብዩ ቁልቁል ምውራድ ዝተጀመረሉ ኩነታት ይረአ ኣሎ። ን27 ዓመታት ሰላማ ተሓልዩ፣ ክብርን ልእላውነትን ሃገርና ተኸቢሩ፤ ብኩለ መዳይ ተምሳሌት ለውጥን ምዕባለን ዝነበረት ዓዲ ሎሚ ንባዕላ ምኳን ኣብይዋ፤ ዜጋታት ቀሲኖም ዘይነብሩላ፣ ብመንነቶም ምኽንያት ኣብ ልዕሊ ዜጋታት ግፍዒ ዝፍፀመሉ፣ ንብረቶምን ሂወቶምን ውሕስና ዝሳኣንሉ፤ ኣብ ታሪኽ እዛ ሃገር ተራእዩ ዘይፈልጥ ጎንፅን ምፍንቓልን ዝተጋፈሐሉ ግዜ እዩ። ዋሕስ ህዝብታት ዝኾነ ፈደራላውን ሕገ-መንግስታውን ስርዓትና ብፀሓይ ቀትሪ ይሕግሐግን ይፈርስን ኣሎ። ብሽም ለውጢ ንክብርን ህልውናን እዛ ሃገር ዕድመ ልክዖም ዝተቓለሱ ዝርገምሉን ዝኹነንሉን፤ ኣብ ታሪኽ እዛ ሃገር ተራእዩ ዘይፈልጥ ግፍዕን በደልን ዝፈፀሙ፣ ክብሪ ሃገርና ኣሕሊፎም ዝሃቡን ምስ ሕዱራት ፀላእቲ ኢትዮዽያ ብሓባር ኮይኖም ዓዲ ዝወግኡ ዝነበሩ ዝምስገንሉን ክብሪ ክረኽቡ ዝግበረሉ ዘመነ ክሕደት በፂሕና።

ሕግን ልዕልነት ሕግን ይከበር፣ ሕገ-መንግስቲ ይከበር፣ ዋሕስ ብሄር ብሄረሰባት ዝኾነ ፈደራል ስርዓትና ይከበር ዝበለ እንትግፋዕ ሕገ-መንግስቲ ንዝጠሓሱ፣ ሕንከት ብዘይብሉ ስርዓት ፈደራሊዝም ንዘፍርሱ፣ ንዜጋታት ዘፈናቕሉን ዘርኢ ዝፈለየ መጥቃዕቲ ብጉሁድ ንዝፈፀሙ ዝሽለምሉ ግዜ ንርኢ ኣለና። ናይዚ ኩሉ ሽግር ምኽንያት ኣብ ውሽጢ ኢህወደግ እናተዋህለለ ዝመፀ ፅግዕተኛ ናይ ምብስባስ ሓደጋ ናብ ዝኸፈአ ደረጃ በፂሑ ብምህላው እዩ። መሪሕነት ኢህወደግ ኣብ ውሽጡ ዝጀመሮ ናይ ምህዳስ ምንቅስቓስ ከይተዓወተ ስለዝተረፈን ናይ ግዳም ኢድ ኣእታውነት ተሓዊስዎ ዘጋጥም ዘሎ ፀገም እዩ።

ሕዚ ዘላ ኢትዮዽያ ዘይጠዓመቶም ሓይልታት ነቲ ዋሕስ ህዝብታት እዛ ሃገር ዝኾነ ስርዓት ከፍርሱ ላሕ ይብሉ ኣለው። እዚ ንምግባር ድማ ነቲ ፅኑዕ እምነት ሒዙ ዝቃለስ ዘሎ ህዝቢ ትግራይን መሪሕ ውድቡ ህወሓትን ንምስኳንን ንምምብርኻኽን ለይትን ቀትርን ይረባረቡ ኣለው። ኣብ ኩሉ ዓለምን ከባብን ተበቲኑ ዝነብር ዝነበረ ደንበ ትምክሕቲ ሎሚ ግንባር ፈጢሩ ካሊእ ከምዘየለ ብዘምስል ተወዲቦም ኣብ ልዕሊ ህዝቢ ትግራይን ህወሓትን ክዘምቱ ንርኢ ንሰምዕ ኣለና። ናይ ኩሉ ጥፍኣት ተሓታቲ ወያነ፣ ኣብ ኩሉ ከባቢ ገልጠም ዝበለ እንተይተረፈ ወያነ እናበሉ ካብቲ ሓው ዝኾነ ህዝቢ ኢትዮዽያ ንምንፃል ሰፊሕ ፃዕሪ ይገብሩ ኣለው።

ብናሃቶም ትርጉም ወያነ ኣረኣእያ፣ እምነት፣ ዕላማን ናይ ሚልዮናት ህዝብታት ረብሓ ዘረጋገፀ ምዃኑ ተሪፉ፣ ትግራዋይ ንምውቓዕ ናይ ውሱን ሓይሊ ወይ ህዝቢ ገይሮም ክስእልዎ ይፅዕሩ ኣለው። ልዕሊ መሰልን ክብርን ህዝቢ ንመሬት፣ ንጎቦን ሽንጥሮን ዘፍቅሩ፣ ንናይ ህዝቢ ዘይትካእ ዓቕሚ ኣምኪኖም ብናይ ግዳም ደገፍ ንምንባር ይፍትኑ ኣለው። እዚ ክገብሩ እንተኾይኖም ነቲ ምሕላፍ ከሊኡና ዝብልዎ ህዝቢ ትግራይን መሪሕ ውድቡ ህወሓትን ምስኳን ዝቐለለ ኮይኑ ተራእይዎም። ብተደጋጋሚ ንህዝቢ ትግራይ ንምምብርካኽ፣ ንምስኳንን ብዘይ መሪሕ ንምትራፍን ካብ ደገ ታዓሲቡ ዝመፀ’ስ ኣብ ውሽጢ ዓዲ ዝተኣከበስ ብሓባር ተወዲቦም ካብ ሓደ ጫፍ ናብቲ ካሊእ ጫፍ ሸኾርተት ክብሉ ንርኢ ኣለና።

እንተኾነ ግን ባህግን ድልየትን ህዝቢ ትግራይን ህወሓትን እዚ ኣይኮነን። ኣጀንዳና ሰላም፣ ልምዓት፣ ዲሞክራስን ኣብ ማዕርነት ዝተመስረተ ንኹሎም ህዝብታት ብማዕረ ዕድል ዝህብ ሕገ-መንግስታዊ ፌደራላዊ ስርዓት ከይትንከፍ ምቅላስ እዩ። ሕገ-መንግስትን ፈደራል ስርዓትን ንምፍራስ ዝግበር ዘሎ ሽርሕን ሸበድበድን ብፍፁም ተቐባልነት የብሉን ጥራሕ እንተይኮነ ህወሓትን ህዝቢ ትግራይን በዙይ ከምዘይደራደሩ ኩሉ ክግንዘቦ ይግባእ። ህዝቢ ትግራይ በዚ መስመርን ስርዓትን ዓወትን ውፅኢትን ኣብ ዝዓተረሉ እዋን ዝቅይሮ ወይ ዝትክኦ ሓዱሽ ዕላማ ኣይብሉን። ህዝቢ ትግራይ ኣብ መፃብብ ኣእቲኻ ርእሱ ከድንን ይኽእል እዩ ኢሎም ዝግምቱ እንተደኣ ሃልዮም ንህዝቢ ትግራይ ዘይፈልጡ ወይ ሕሉፍ ታሪኽ ዝረስዑ እዮም። ኣብ ድሕንነት ሃለዋትን ህዝብና ዘነፃፀረ ዝኾነ ይኹን ውዲት ፍፁም ከምዘይንፈቅድን ከምዘይኾነሎምን ክግንዘቡ ይግባእ። ህዝቢ ትግራይ ይትረፍ ሎሚ ኣብቲ ክፉእ ግዜ እኳ ኣይተሰኮነን፣ ኣይተንበርከኸን፣ ርእሱ ኣየድነነን። ሓድግን ሕላገትን ህዝቢ ትግራይ ትዕግስቲ፣ ዓቕሊ፣ ቃልሲ፣ ፅንዓትን ተዓዋታይነትን እዩ። ሕዚ እውን እንተኾነ ፍትሓዊ ቃልሲ ክሳብ ዘካየድና፤ ፅሩይ መስመርና ክሳብ ዝሓዝና፤ ፈተኽ ዘይብል ተቓላሳይ ህዝብና ሒዝና ዘይንሰግሮ ፈተና ኣይህሉን።

ዝኸበርካ ህዝቢ ትግራይ

ፅኑዕ ህዝብና ሎሚ እውን እንተኾነ ከምቲ ሕሉፍ ኣብ ዙርያ መስመርካን መሪሕ ውድብካን ዓሲልካ ብዘግርም ንቕሓትን ትዕግስትን ፀኒዕኻ ትቃለስ ኣለኻ። ንውድብካ እናፅረኻን እናጎልበትካን ዕጥቅኻ መስመርካ ገይርካ ብመትከላዊ ፅንዓትካ፣ ብውሕሉል ኣካይድኻን ጥበብካን ኣብ ጉዕዞ ቃልስኻ ንዘጋጥመካ ፈተናን ማሕለኻታትን እናሰገርካ ንቅድሚት ትምርሽ ኣለኻ። ኣብ ጉዕዞ ቃልስኻ ብዙሓት ፈተንቲ ኩነታት ሰጊርካ ኢኻ። ቀፃሊ ጉዕዞኻ እውን እንተኾነ ፈተና ኣይገጥምን ማለት ኣይኮነን። ኣብዚ እዋን ኣብ ልዕሌኻ ማእለያ ዘይብሉ ሓሶትን ፀለመን እናኾመሩ ካብቲ ዝሓዝካዮ መንገዲ ከውፅኡኻ ላዕልን ታሕትን ይብሉ ኣለው። ንሓድነትካን ፅንዓትካን ክዘርጉ ዝፅዕሩ ጉላላት እውን ኣይተሳኣኑን። ነቲ ትማሊ ምእንቲ ኩሎም ውፅዓት ህዝብታት ሕልፊ መስዋእትን መጉዳእትን ዝኸፈልካዮ እቶም ትማሊ ብቃልስኻ ዝስዓርካዮም ሓይልታት ከራኽስዎ ይፅዕሩ ኣለው።

ስለዝኾነ ናይዞም ፀላእትኻ ስልትን ሽርሕን ምኳኑ ተገንዚብካ ከምቲ ልማድካ ብስሚዒት እንተይኮነስ ብውሕሉል መንገዲ ጉርድን እኽልን እናፈለኻ ብንቕሓት፣ ብብስለትን ትዕግስትን ውዲቶም ትምክቶ ኣለኻ። ናይ ክልልካ ሰላም ሓሊኻ ንሃገር ኣብነት ዝኾነ ተግባር ትፍፅም ኣለኻ። ንቅድሚት እውን ሰላምካ ውሕስ ኮይኑ ክቕፅል ዝጀመርካዮ ቃልሲ ኣጠናኺርካ ክትቅፅል ይግባእ። ልዕሊ ኹሉ ድማ ዝጀመርካዮ ፀረ ድኽነት ቃልሲ ካብ ዝኾነ እዋን ንላዕሊ ኣጠናኺርካ ክትቅፅል ይግባእ። ድሕንነትካን ሃለዋትካን ውሑስ ንምግባር ሓድነትካ ኣስጢምካ ኣብ ዙርያ መስመርካን ውድብካን ዕሰል። ዝበሉ እንተበሉ ኣብ ዕላማኻ ፅናዕ፤ ውሕስናኻ ኣብ ስጡም ሓድነትካን ፅንዓትካን እዩ። ልክዕ ከምቲ ናይ ትማሊ ብሓደ ሰሚርካን ረቢብካን ኩሉ ሻዕ ኩነታት ብንቕሓት ተኸታተል። ናይ ክሳብ ሕዚ ቃልስን ፅንዓትካን ማእኸላይ ኮሚቴ ህወሓት ዝላዓለ ክብርን ናእድኡን እናገለፀ ንዝበለፀ ቃልስን ዓወትን ክትዳሎ ፃውዒቱ የቅርብ።

ዝኸበርኩም አባላት ህወሓት

ሕዚ ዘለናሉ ምዕራፍ ብሓደ ወገን ክልልና ኣብ ዝሓለፉ ዓመታት ብዝተመዝገቡ ዓወታት ዓቢይ ዓቕሚ ዝሃነፅናሉ ብካሊእ ገፅ ነዚ ጉዕዞና ዘተዓናቕፉ ናይ ዉሽጥን ደገን ፈተናታት ዘለውሉ መድረኽ እዩ። ስለዝኾነ ብሓደ ገፅ ናይ ልምዓትን ምንጋስ ሰናይ ምምሕዳርን ስራሕትና ንፃት እውን ከይተደናጎየ ሩኡይ ለውጢ ንምምፃእ በቲ ካሊእ ገፅ ዘጋጠመና ፈተና ብዝተወደበ ናይ ህዝብና ቃልሲ እንምክተሉ እዋን እዩ። ናይቶም ኣሽሓት ስውኣት ዝተቐበልናዮ ሕድሪ ኣሎ። ነዚ መስመርን ቃልስን ሒዙ ብፅንዓት ዝቃለስ ህዝቢ ኣሎ። ስለዚ መላእ ኣባላት ህወሓት ነዚ ተረዲኢኹም ንዝላዓለ ቃልስን ዓወትን ቅድመ ግንባር ኮይንኩም ክትቃለሱ ማእኸላይ ኮሚቴ ህወሓት ይፅውዕ።ዝኸበርኩም ስድራ ስውኣት፣ ጉድኣት ኩናት፣ ተጋደልትን ነባር ዓቕምታት ቃልስናደምን ኣዕፅምትን ተቓለስትና ኣብ ሙሉእ ሃገር ፈሊሱን ተዘሪኡን፤ ብሂወት ዘለኹም ድማ ንኩሉ ህዝቢ ኢልና ደምና፣ ኣካልና ገቢርና ዝመፀ ስርዓት ኣብ ሓደጋ ይኣቱ ኣሎ ዝብል ስግኣትን ቁጠዐን ከምዘለኩም ውድብኩም ህወሓት ዝግንዘቦ እዩ። እዙይ ብምዃኑ እውን በታ ዝተረፈት ኣካልኩምን ዕድመኹሙን ነዚ ስርዓትን መስመርን ንምሕላው ዘለኩም ፀገማት ንጎኒ ኣፅኒሕኹም ዕረፍቲ ስኢንኩም ትቃለሱ ኣለኹም።ንቕድሚት እውን ከምቲ ሕሉፍ ተወዲብና ብፅንዓት ካብ ምቅላስ ወፃእ ካሊእ መማረፂ የለን። ስለዚ ነቲ ኣብ ቅድሜና ዝኒሀ ቃልሲ በታ ዝተረፈት ኣካልኩምን ዕድመኹምን፣ ዘይነፅፍ ውህሉል ዓቕምኹም ተወዲብኩም ንድሕነትን ሃላዋትን ህዝብኹምን መስመርኩምን ከም ልማድኩም ብፅንዓት ቃልስኹም ክትቕፅሉ ውድብኩም ህወሓት ይፅውዕ።

ዝኸበርኩም መናእሰይ ትግራይ

እትገብርዎ ዘለኹም ምኽንያታዊ ቃልሲ ህወሓት ብዕምቆት ዝግንዘቦ እዩ። ኩነታት ምስተፈጠረ ሕድሪ ኣያታትኩም ኣይጠለምኩምን። ሓደራ ኣፅኒዕኹም ብግብሪ ቃልኩም ኣኽቢርኩም ታሪኽ ትሰርሑ ኣለኹም። ሳላ ብሱሉን ምኽንያታዊ ቃልስኹም ዘኩርዕን ዘሕብንን ታሪኽ ትሰርሑ ኣለኹም። ዘለኩም ፀገማትን ሽግራትን ንጎኒ ኣፅኒሕኹም ኣብ ሃለዋትን ድሕንነትን መስመርኩምን ህዝብኹምን ዓሲልኩም ትጋደሉ ኣለኹም። ኣብ ልዕሊ ናይ ኣያታትኩም ታሪኽ ናይ ባዕልኹም ሓዱሽ ታሪኽ ትፅሕፉ ኣለኹም። ንቅድሚት እውን ብስምዒት ከይተደፋእኹም ብዝተበረዘ ንፋስ ከይተደናገርኩም መንገዲ ከይሳሓትኩም ትገብርዎ ቃልሲ ክጠናኸር ይግባእ። ማእኸላይ ኮሚቴ ህወሓት በቲ ትገብርዎ ዘለኹም ቃልሲ ዝለዓለ ሓበንን ክብርን ይስምዖ። ንዝጀመርክምዎ ቃልሲ ምጥንኻር ጥራሕ እንተይኮነስ ንዘለኩም ፀገማት ንምፍታሕ ብልዑል ትኹረት ኣብ ቅድሜኹም ኮይኑ ከምዝቃለስ እውን ከረጋግፀልኩም ይፈቱ።

ዝኸበርክን ደቂ አንስትዮ ትግራይ

መስነቕትን መርኣያን ፅንዓትን ሓቦን ዝኾንክን ደቂ ኣንስትዮ ትግራይ: ኣብ ዕጥቂ ቃልሲ ታሪኽ ንዘልኣለም ዘይርሰዖ ቅያን ጅግንነትን ሰሪሕኽን ናብ ዓወት በፂሕኽን ኢኽን። ድሕሪ ምውጋድ ስርዓት ደርጊ እንተኾነ እውን እዛ ሃገር ሃገር ኮይና ንኽትቕፅልን ብሄርን ብሄረ ሰባትን ህዝብታትን ሃገርና ብማዕርነት ክነብሩ ዘኽእል ሕገ መንግስቲ ብምፅዳቅን ሃገርና ካብ ምብትታን ወፂኣ ናብ ህዳሰ ጉዕዞ ክትአቱ ዝተፃወትክንኦ ተራ መተካእታ ኣይነበሮን። እቲ ዝተቓለስክናሉ ዕላማ ሕዚ እዉን ገና ተጀሚሩ እምበር አይተወደአን። ኣብዚ እዋን ኣጋጢሙና ንዝኒሀ ፈተና እውን ብፅንዓት ትቃለሳ ኣለኽን። ኣብ ቀፃሊ እውን ዝማዕበለት ትግራይ ንምህናፅን ሰላም ትግራይ ውሑስ ንምግባርን አንፃር ትምክሕትን ፅግዕተኛታት አትገብርኦ ዘለኽን ቃልሲ አጠናኪርክን ክትቅፅላሉ ህወሓት ይፅውዕ።

ዝኸበርኩም ሙሁራትን ሰብ ሃፍትን ተጋሩ

መበገሲ ቃልሲ ህዝቢ ትግራይን ህወሓትን ነቲ ዋርድያ ድኽነት ዝኾነ ስርዓት አግሊስካ ቃልሲ ፀረ ድኽነት ብምጥንኻር ድሕረትን ጥምየትን ካብ ክልልና አወጊድካ ምዕብልቲ ሃገርን ክልልን ምህናፅ ምንባሩ እትፈልጥዎ ሓቂ እዩ። አብ ቃልሲ ፀረ ድኽነት ይኹን ሕዚ ዘጋጥመና ዘሎ ፈተና ኣብ ምብዳህ ብፍፁም ሓላፍነትን ብስለት ብዘለዎ መንገዲ ትገብርዎ ዘለኹም ቃልሲ ህወሓት ዘሎዎ ናእዳን ክብርን ክገልፀልኩም ይፈቱ። ንቅድሚት እውን ነቶም ዘለው ዕድላት ናብ ረብሓ ንምቅያርን ዘጋጥሙና ፈተናታት ድማ ብፅንዓት አብ ምምካትን ብዝለዓለ ደረጃ ንክልልኩምን ህዝብኹምን ክተውፍዩ ማእኸላይ ኮሚቴ ህወሓት ፃዊዒቱ የቐርብ።

ዝኸበርኩም ኣብ ወፃኢ ትነብሩ ተጋሩ ከምቲ ኣብ ዕጥቃዊ ቃልስን ናይ ልምዓትን ሰላምን ቃልሲ ምስ ህዝብኹም ሰሚርኩም ዓወት ዝዓተርኩም ኣብዚ ግዜ ኣጋጢሙና ንዘሎ ፈተና ኣብ ምብዳህ እውን ከምቲ ናይ ትማሊ ፍፁም ናይ ዕላማ ሓድነትኩም ብምስጣም ዳግም ታሪኽ ክትሰርሑን ድምፂ ህዝቢ ትግራይ ኣብ ኩሉ ዓለም ክስማዕ ኣብ ምግባር መተካእታ ዘይብሉ ተራኹም ክትፃወቱን ኣብ ልምዓትን ምዕባለን ክልልኩም ተሳትፎኹም ክተሕይሉ ህወሓት ይፅውዕ።

ዝኸበርኩም ሓይልታት ወያናይ ዴሞክራሲን ማሓዙት ውድባትን

ሓቢርና ብዘካየድዎ ቃልሲ ኹሎም ህዝብታት ብማዕረ ዝነብሩላ፣ ብሩህ ተስፋን ዕድልን ዘለዋ ሃገር ክትህሉ ገይርና ኢና። ኣብዚ ብሓባር ዝገበርናዮ ቃልሲ ዘመዝገብናዮም ዓወታት ይኹን ዝተርኣዮ ድኽመታት ብሓባር ዝሰራሕናዮም ምኳኖም እትርድእዎ ሓቂ እዩ። ይኹን ‘ምበር ኣብ ውሽጢ 27 ዓመታት ብሓባር ዘመዝገብናዮ ለውጢ ፀለሎ ይኽደን አሎ። እቶም ብናይ ሓባር ቃልስና ዝሳዓርናዮም ተረፍመረፍ ደርግን ሓይልታት ትምክሕትን ዘካይድዎ ዘርአዊ መጥቃዕቲ ተጠናኺሩ እናቐፀለ ይርከብ። እዚ ኣካይዳ ብመሰረቱ ኣዕናዊን ሃገርና ናብ ሓደገኛ ናይ ጥፍኣት መንገዲ ዝወስድን ኣካይዳ ምዃኑ ህወሓት ብፅኑዕ ይኣምን። ስለዚ ሰላምናን ሕገ-መንግስታዊ ስርዓትናን ኣብ ምሕላው፤ ብዓብይኡ ድማ ህልውና ሃገርና ኣብ ምርግጋፅ ብሓላፍነት እንረባረበሉ እዋን እዩ። ብሽም ለውጢ ዓዲ ዝብትን ተግባር ደው ክብል ይግባእ። ህወሓትን ህዝቢ ትግራይን እውን ነዚ ብከቢድ መስዋእቲ ዘረጋገፅናዮ ህዝባዊ ስርዓት ብዝኾነ ይኹን መንገዲ ናብ ሓደጋ ንምእታዉ ዝግበር ዘሎ ምንቅስቓስ ብፅንዓት ንምምካት ሕዚ እውን ከም ቀደሙ ፅኑዕ መሓዛ ኮይኑ ከምዝራባረብ ከረጋግፀልኩም ይፈቱ።
ዝኸበርኩም ተቃወምቲ ውድባት ክልልናን ሃገርናን ብሓፈሻ ሓይልታት ሕገ-መንግስትን ፈደራል ስርዓትን ድማ ብፍላይ ህዝቢ ትግራይን መሪሕ ውድቡ ህወሓትን ኣብ ሃገርና ዲሞክራሲ ሰላምን ልምዓትን ንምርግጋፅ ንምግማቱ ብዝገርም ናይ ዕለማ ሓድነትን ፅንዓትን ዝኸፈልዎ መስዋእቲ እትርዱእዎ ሓቂ እዮ። ተቃወምቲ ውድባት ሃገርና እውን ውፅኢት ቃልሲ 11 ለካቲት ምኻንኩም ዘይካሓድ ሓቂ እዩ። እዚ ብከቢድ መስዋእቲ ዝተረኸበ ዓወት ካብ ሕገመንግስቲ ምኽባር ወፃኢ ቀፃልነት ክህልዎ ኣይኽእልን። ስለዚ ሕገመንግስትን ፌዴራላዊ ስርዓትን ንምሕላው ኣብ ዝግበር ምንቅስቃስን ህልውና ሃገርና ኣብ ምርግጋፅ ብሓባር ክንሰርሕ ህወሓት ይፅውዕ።

ዝኸበርኩም ብሄር፤ብሄረሰባትን ህዝብታትን ሃገርና

ብሓባር ዝገበርናዮ ቃልስን ዝተኸፈለ መስዋእትን መላእ ብሄር፤ብሄረሰባትን ህዝብታትን ኢትዮዽያን ኣብ ጉዳይ ሃገሮም ብማዕረ ዝውስንሉን ተጠቀምቲ ዝኾኑሉን ኩነታት ተፈጢሩ እዩ። ይኹን እምበር ኣብዚ ሕዚ እዋን ነቲ ተቓሊስና ዘረጋገፅናዮ ሕገ-መንግስትን ፌዴራላዊ ስርዓትን ንምፍራስ አብ ውሽጥና ዘሎ ናይ ትምክሕቲ ሓይሊን ምስ ፀረ ዕብየትና ዝኾኑ ናይ ደገ ሓይልታት ብምትእስሳር ከቢድ ምርብራብ እናተገበረ ይርከብ። ብመሰረቱ እዚ ሓላፍነት ዝጎደሎ ተግባር ሃገርና ናብ ከቢድ ምትህልላቅን ምፍርራስን ከእትዋ ዝኽእል ሓደገኛ አካይዳ ምኻኑ ተረዲእኹም መላእ ብሄር፤ብሄረሰባትን ህዝብታትን ብናይ ሓባር ቃልስና ሃገርና ክነድሕን ህወሓት ይፅዉዕ።

ዝኸበርካ ህዝቢ ኤርትራ ንመሰልካን ሓርነትካን ኣብ ዘካየድካዮ ተጋድሎ ኣብ ጐኒኻ ኮይና ተቓሊስና ኢና። ኣብ ልዕሊ ቃልስናን ውድብናን ካብ የማን ፀጋም ማእለያ ዘይብሉ ፀለመን ወፍርን እናተገበረ እንተሎ እውን ሰገጥ መገጥ እንተይበልና ንመሰልካን ረብሓኻን ደጊፍና ተቓሊስና ኢና። ነፃነትካ ምስ ኣወጅካ እውን እንተኾነ ንውሳነኻ ደጊፍና ጠጠው ኢልና ኢና። ብናይ ባዕልኻ ቃልስን መስዋእትን ነፃነትካ ኣረጋጊፅካ ኢኻ። ሕዚ እውን እንተኾነ ንራህዋን ምዕባለን ኣብ ትገብሮ ቃልሲ ሎሚ እውን ከም ትማሊ ኣብ ጐንኻ ጠጠው ክንብል ኢና።

ኣብ ዝሓለፈ 20 ዓመታት ኣብ ዘይተደለየ ጐንፅን ኩናትን ፀኒሕና ኢና። ኣብ ታሪኽ እዞም ክልተ ኣሓት ህዝብታት ዝፈጠሮ በሰላ እውን ቀሊል ኣይኮነን። ይኹን ‘ምበር ሎሚ ሓዱሽ ናይ ሕውነትን ምትሕግጋዝን ምዕራፍ ተኸፊቱ ኣሎ። እዚ ዕድል ክጠናኸርን ክሰፍሕን ኣለዎ። ሓቢርና ተደጋጊፍና ናብ ምዕባለ ክንምርሽ ይግበኣና። ብዝህሉ ምንቅስቓስ ዝጥቀምን ዝጉዳእን ክልቲኡ ህዝቢ እዩ። ስለዚ ዝጀመርናዮ ሓዱሽ ራህዋን ሰላምን ውሑስ ክኸውን ናይ ክልቲኡ ህዝብታት ምትእስሳርን ርክብን ክጠናኸር ይግባእ። እዙይ ንምግባር ህወሓትን መላእ ህዝቢ ትግራይን ካብኦም ዝድለ ኩሉ ከምዝፍፀሙ ደጊምና ክነረጋግፀልካ ንፈቱ።

ዘልኣለማዊ ክብርን ሞጎስን ንስዋኣትና!!
ማእኸላይ ኮሚቴ ህወሓት!!
11 ለካቲት 2011 ዓ/ም

February 17, 2019 Martin Plaut Ethiopia, News

“Shaking up Ethiopia’s government risks exacerbating several long-simmering ethnic rivalries”

Source: James Jeffrey/IRIN

MEKELLE/ETHIOPIA, 14 February 2019

“Ethnic tensions are the biggest problem for Ethiopia right now,” Tewodrose Tirfe, chair of the Amhara Association of America, a US-based advocacy group that played a significant role in lobbying the US government to censor the former regime. “You’ve got millions of people displaced – it’s a humanitarian crisis, and it could get out of control.”

During the first half of 2018, Ethiopia’s rate of 1.4 million new internally displaced people exceeded Syria’s. By the end of last year, the IDP population had mushroomed to nearly 2.4 million.

Tigrayans comprise just six percent of Ethiopia’s population of 100 million people but are perceived as a powerful minority because of their ethnic affinity with the Tigray People’s Liberation Front. The TPLF wielded almost unlimited power for more than two decades until reforms within the ruling Ethiopian People’s Revolutionary Democratic Front last year.

Since coming to power in April 2018, Prime Minister Abiy – from the Oromo ethnic group, Ethiopia’s largest – has brought major changes to the politics of the country, including an unprecedented redistribution of power within the EPRDF and away from the TPLF.

The politics of ethnic tensions

Despite the conflicting interests and disagreements between ethnic groups, the Ethiopian government has managed to keep the peace on a national scale. But that juggling act has shown signs of strain in recent years.

“You’ve got millions of people displaced – it’s a humanitarian crisis, and it could get out of control.”

In 2017, an escalation in ethnic clashes in the Oromia and the Somali regions led to a spike in IDPs. This continued into 2018, when clashes between the Oromo and Gedeo ethnic groups displaced approximately 970,000 people in the West Guji and Gedeo zones of neighbouring Oromia and the Southern Nations, Nationalities and Peoples Region.

“The pace and scale of the change happening in Ethiopia is quite unbelievable,” said Ahmed Soliman, a research fellow with the Africa Programme at the London-based think tank Chatham House.

“The impact of inter-communal tensions and ethnic violence presents a serious challenge for the new leadership – in Tigray and elsewhere. Abiy’s aggressive reform agenda has won praise, but shaking up Ethiopia’s government risks exacerbating several long-simmering ethnic rivalries.”

Although clashes are sometimes fuelled by other disagreements, such as land or resources, people affected often claim that politicians across the spectrum use ethnic tensions as a means of divide and rule, or to consolidate their position as a perceived bulwark against further trouble.

“Sadly [around Ethiopia] ethnic bias and violence is affecting many people at the local level,” said a foreign humanitarian worker with an international organisation helping Ethiopian IDPs, who wished to remain anonymous due to the sensitivity of the issue. This includes fuelling the displacement crisis and worsening the humanitarian situation.

“The main humanitarian concern is that new displacements are occurring by the day, that due to the wide geographic scope, coordination and response in all locations is practically impossible,” the aid worker said.

“I would like to see more transparency as to what actions the government is taking to hold regional and zonal governments responsible for addressing conflict, for supporting reconciliation, and supporting humanitarian response.”

Tigray fears

Although Tigrayans constitute a relatively small part of overall IDP numbers so far, some Tigrayans fear the power shift in Addis Ababa away from the TPLF leaves them more vulnerable and exposed.

Already simmering anti-Tigrayan sentiments have led to violence, people told IRIN, from barricading roads and forcibly stopping traffic to looting and attacks on Tigrayan homes and businesses in the Amhara and Oromia regions.

James Jeffrey/IRIN

Tigrayans on the streets of Mekelle, the Tigray capital.

In the Tigray region’s capital of Mekelle, more than 750 kilometers north of the political changes taking place in Addis Ababa, many Tigrayans feel increasingly isolated from fellow Ethiopians.

“The rest of the country hates us,” Weyanay Gebremedhn, 25, told IRIN. Despite the reforms, Tigrayans say what hasn’t changed is the narrative that they are responsible by association for the ills of the TPLF.

Although he now struggles to find work, 35-year-old Huey Berhe, who does mostly odd jobs to pay the bills, said he felt safer living among his own community in Mekelle.

Huey said he had been a student at Jimma University in western Ethiopia, until growing ethnic tensions sparked fights on campus and led to Tigrayans being targeted. “I left my studies at Jimma after the trouble there,” he said. “It was bad – it’s not something I like to discuss.”

‘A better evil’

“There is a lot of [lies] and propaganda, and the TPLF has been made the scapegoat for all vice,” said Gebre Weleslase, a Tigrayan law professor at Mekelle University. He criticised Abiy for not condemning ethnic attacks, which he said had contributed to tens of thousands of Tigrayans leaving Amhara for Tigray in recent years.

But Amhara Association of America’s Tewodrose said the feeling of “hate” that Ethiopians have toward the TPLF “doesn’t extend to Tigrayans”.

“There is resentment toward them when other Ethiopians hear of rallies in Tigray supporting the TPLF, because that seems like they aren’t supporting reform efforts,” he said. “But that doesn’t lead to them being targeted, otherwise there would have been more displacements.”

☰ Read more: The complex Tigray evolution

Tigrayans, however, aren’t as reassured. Despite the vast majority enduring years of poverty and struggle under the TPLF, which should give them as many reasons as most Ethiopians to feel betrayed, even those Tigrayans who dislike the TPLF now say that turning to its patronage may be their only means of seeking protection.

“The TPLF political machinery extended everywhere in the country – into the judiciary, the universities… it became like something out of George Orwell’s ‘1984’,” Huey said. “But the fact is now the TPLF may represent a better evil as we are being made to feel so unsafe – they seem our only ally as we are threatened by the rest of the country.”

Others note that Abiy has a delicate balance to strike, especially for the sake of Tigrayans.

“The prime minister needs to be careful not to allow his targeting of anti-reform elements within the TPLF, to become an attack on the people of Tigray,” said Soliman.

“The region has a history of resolute peoples and will have to be included with all other regions, in order for Abiy to accomplish his goals of reconciliation, socio-political integration and regional development, as well as long-term peace with Eritrea.”

Although the government has a big role to play, some Ethiopians told IRIN it is essential for the general population to also face up to the inherent prejudices and problems that lie at the core of their society.

“It’s about the people being willing and taking individual responsibility – the government can’t do everything,” Weyanay said. “People need to read more and challenge their assumptions and get new perspectives.”

James Jeffrey 

Freelance journalist specialising in Ethiopia and the Horn of Africa

Disagreements over land and resources between the 80 different ethnic groups in Ethiopia have often led to violence and mass displacement, but a fast and unprecedented shift of power led by reformist Prime Minister Abiy Ahmed is causing new strains, experts say.

Source=https://eritreahub.org/power-shift-creates-new-tensions-and-tigrayan-fears-in-ethiopia

ርእሰ-ዓንቀጽ ሰዲህኤ

ሓድነት ዝተበተነ ዓቕሚ፡ ንዋትን ግዜን ኣወሃህዱ ዘተኣማምን ብቕዓት ስለ ዘውሕስ ኣብ ኩሉ መዳያት ህይወትና ግደኡ በሪኽ እዩ። ከምዚ ስለ ዝኾነ ኢና ከኣ “ዝሓበራ ኣጻብዕቲ ኣርቃይ የጸንበዓ” ኢልና እንምስል። “ሺሕ ፈልጺ መእሰሪኡ ልሕጺ” ዝብል ዘረባ ኣበው እውን መንፈሱ ግደ ሓድነት ምዕዛዝ እዩ። ብኩራት ሓድነት ዘኸትሎ ኣሉታዊ ሳዕቤን ንምጥቃስ ከኣ “ብሓደ ኢድ ኣይጣቓዕን” ንብል። ንዕዙዝነት ሓድነት ኣገዳሲ ካብ ዝገብርዋ ቁምነገራት ሓደ ናይ ሓባር ረብሓ  መረጋገጺ መሳርሒት ምዃና እዩ። ሓድነት ከምቲ ስማ ዝሕብሮ ናይ ብሓቂ ሓድነት ንክትከውን ከቢድ ግና ድማ ዝከኣል ዋጋ ትሓትት እያ።

ሓድነት ኣብ ዘተኣማምን ባይታ ክትስረትን ቀዳልነታን ኣድማዕነታን ንከተውሕስን ናይቶም ፈጠርታ ቅሩብነትን መጽናዕትን የድልያ። ዝያዳ ኩሉ ከኣ ብሚዛናዊ ኣተሓሳስባ ክትስነ ናይ ግድነት እዩ። ከምኡ እንተዘይኮይኑ ወይ ኣድማዕነታ ይሓጽር ወይ ድማ ርትዓውነት ይጎድላ’ሞ ቀጻልነታ ኣብ ሓደጋ ይወድቕ። ካብቲ ብመጽናዕቲ ኣብ መስርሕ ሓድነት ዝረጋገጽ፡ ዘሰማምዓካን ዝፈላልየካን ኣሎዶ? እንተልዩኸ ኣየንኡ ይዓዝዝ? ዝብል በዚ መጽናዕቲ ኣቢልካ ይረጋገጽ። ድሕሪ እዚ እቲ ዝፈላሊ መሰረታዊ እንተዘይኮይኑ ክትሰግሮ ትብዓትን ቅሩብነትን የድሊ። ሎሚ ዘይኮነስ ጽባሕ ክትፈትሖ ዝገበኣካ፡ ህዝባዊ ተሳትፎን ሕገ-መንግስታዊ ቀጥዕን ዝሓትት ፍልልያት እንተልዩካ ከኣ ነቲ ጽባሕ ክዕመም ዝግበኦ ሎሚ ክትውድእ ጉልበትካ ኣብ ክንዲ እተባኽን፡ ከተመሓድሮ ምብቃዕ ካልእ ኣብ መስርሕ ሓድነት ዝሕተት ቀሊል ዝመስል ረዚን ውሕልነት እዩ። ልዕሊ ኩሉ ከኣ ንፍልልያት ከም ቁርን ኣስሓይታን ምፍራሑ ዘይኮነ ከም ናይ መማረጺ ሓሳባት ጽቡቕ ዕድል ጌርካ ምውሳዱ ዓብይ ጉዳይ እዩ። ብሓሳብ ንዝተፈልየካ ኣብ ክንዲ ከም መወዳድርትኻ ወሲድካ ብሓሳብ ምስዓር፡ መጻልእጥኻ ጌርካ ብምውሳድ ንከተጥፈኦ ከይደቀስካ ምሕዳር፡   ክውገድ ዝግበኦ እዩ። ዝያዳ ኩሉ ድማ ናይ ይከኣልን ኣውንታዊ ቅሩብነትን ብሩህ መጻኢ ምምዕዳውን የድሊ።

ከምቲ ኩሉ ግዜ እንብሎ ሕጂ’ውን ኣብ ኤርትራዊ ፖለቲካዊ ናይ ለውጢ ባይታ ንዕዘቦ ዘለና ኣገዳስነት ምውሓስን ሓድነት፡ ግዜ ዘይህብን ዘይስገርን ኣጀንዳ ኮይኑ ኣሎ። በብወገና ነዚ ንምውሓስ ብዝተፈላለየ ኣገባባት ነርእዮ ዘለና ግና  ኣብቲ ንደልዮ ድማዕ ዘይበጽሐ ንቕሎታት ነዚ የመልክት። ከምቲ  መብዝሕትና ዘይንስሕቶ፡ ኣብ ከምዚ ተጸሚድናሉ ዘለና ናይ ለውጢ ቃልሲ ናይ ኣተሓሳስባ ፍልልይ ምሓዝ ኣባና ዝተጀመረ ኣይኮነን። ኣመሓዲርናዮ ንቕድሚት ክንደፍእ ዘይምኽኣልና ግና ቀይዱ ሒዙና ዘሎ ናይ ድኽመትና መርኣያ ክኸውን ይኽእል። ስለዚ እቲ ዘይንቡር ብሓሳብ ምፍልላይና ዘይኮነ ንኣምር ፍልልያዊ ሓድነት ከነተግብር ዘይምኽኣልና እዩ። ንሕና ንሓድነት ከም መሰረታዊ ናይ ዓወት መሳርሒ ክንወስዶ እንከለና፡ ከም ህግደፍ ዝኣመሰሉ ካብ ምፍልላይ ዝድረሩ ጸረ-ሓድነት ወገናት ግና፡ ንሓድነት ኣይቅበልዋን ጥራይ ዘይኮነ ክዘርግዋ ዘይፍንቅልዎ እምኒ ከምዘየለ ክንርደኦ ዝግበኣና እዩ።

ሃገራዊ ድሕነት ኤርትራ -ሕድርን ሰልፊ ዲሞክራሲ ህዝቢ ኤርትራን፡ እዚ ኣቐዲሙ ዝተጠቕሰ ዘየደቅስ ኣተሃላልዋ ኤርትራዊ ሓይልታት ለውጢ፡ ከም ኩሉ ሰልፍታት፡ ውድባት፡ ማሕበራትን ግዱሳት ኤርትራውያን ባእታታትን ከሻቕሎም ዝጸንሐን ዘሎን እዩ። ነቲ ሻቕሎት መፍትሒ ምርካብ እምበር፡ ንሻቕሎት ምኩምሳዕ፡ መፍትሒ ከም ዘይኮነ ክልቲኦም ወገናት ስለ ዝተረድኡ፡ መዋጽኦ ንምርካብ በብወገኖም ክሰርሑ ምስ ጸንሑ፡ ጻዕሮም ብሓደ ናይ ምጽማድ ተበግሶ ካብ ዝወስዱ ነዊሕ ኮይኑ። እቲ ናይ መጀመርያ ዳህሳሶም ከኣ በበይኖም ንክኾኑ ዘገድድ ምኽኑይ መንደቕ ከምዘየብሎም፡ እኳደኣ ብሓባር እንተሰሪሖም ኣብቲ ሓይልታት ለውጢ ናብ ናይ ሓባር ጽላል ንምምጻእ ዝገብሮ ዘሎ ጻዕሪ ኣበርክቶኦም ከም ዝብርኽ ስለ ዝተረድኡ ናብ ፍጹማዊ ሓድነት ክበጽሑ ተሰማሚዖም ብግብሪ ይሰርሕሉ ኣለዉ። በበይንኻ ጸኒሕካ ናብ ሓደ ውድብ ወይ ሰልፊ ምምጻኡ ከቢድ ስራሕን ረዚን ሓላፍነትን ዝሓትት እዩ። ምክእኣል፡ ምጽውዋርን ሓልዮትን ዝዕጥቁ ቅሩብነት እንተልዩና ግና ከም ዝከኣል ናይ ክሳብ ሕጂ ጉዕዞና ናብ ሓድነት ኣረዲኡና ኣሎ። ክሳብ ሕጂ በጺሕናዮ ዘለና መስርሕ፡ ተሪፉና ንዘሎ ንኡስ ጉዳያት ወጊንና፡ ብዘይስልኪ ኣበርክቶ መሰረታት ክልቲኡ ወገናት፡ ኣብ ዘተኣማምን ኣብነታዊ ሓድነት ከም እንበጽሕ  ኣውንታዊ ሓባሪ ምልክት ይህበና ኣሎ።

ኣብዚ ሓድነታዊ መስርሕ ክንኣቱ እንከለና፡ እቲ ገዚፍ ኤርትራዊ ናይ ለውጢ ሓይሊ ብሓባር ዝሰርሕ ናይ ዘይምብቃዕ ኣብ ቅድሜና ዘሎ ብደሆ፡ ብናትና ኣበርክቶ ጥራይ ከም ዝዕመም ብምእማን ኣይኮነን። ብእንጻሩ ግደን ተራን ናይ ካለኦት ናይ ለውጢ ሓይልታት ኣብ ቦታኡ ምዃኑ ከም ርዱእ ብምውሳድ እዩ። ከምኡ ስለ ዝኾነ ኢና ድማ ነዚ ተተሓሒዝናዮ ዘለና መስርሕ ፍጹማዊ ሓድነት ዓቂብና፡ ምስ ካለኦት ኤርትራዊ ሰልፍታት፡ ውድባት፡ ግንባራትን ማሕበራትን ዘተን ምቅርራባትን ንምግሃድ ንቕጽል ዘለና። እዚ ተበግሶታት’ዚ እውን ከከም ባህሪ ናይቲ ናይ ኣተሓሳስባ ፍልልያቱ ናብ ፍጹማዊ ሓድነት ወይ ድማ ናብ ፍልልያቱ ዘመሓደረን ቀዳምነታቱ ዝሰርዐን ጽኑዕን ቀጻልን ጽላላት ከም ዝምዕብል ርግጸኛታት ኢና። ህልዊ ኤርትራዊ ኩነታት ዝጠልቦ’ውን እዚ እዩ። ስለዚ ሓድነት ሓይሊ ካብ ኮነ፡ ኩልና ቅዳምነታትና በብምዕራፉ ሰሪዕና ወሳኒ ግደ ህዝቢ ኤርትራ ከይዘንጋዕና ክንሰርሓሉ ዝግበኣና ሓላፍነት እዩ።