ቡተፍሊቃ ንህዝቢ ኣልጀርያ እቕረታ ሓቲቱ

2019-04-04 19:02:57 Written by  ቤት ጽሕፈት ዜና ሰዲህኤ Published in ጽሑፋት ትግርኛ Read 1608 times

ናይ ኣልጀርያ ቁዋም ቤት ምኽሪ ንናይ ኣልጀርያ ፕረሲደንት ዓብደልዓዚዝ ቡተፍሊቃ ምሕዳግ ስልጣኑ ተቐቢልዎ። ንሱ ድማ ንህዝቢ ኣልጀርያ ወግዓዊ ይቕረታ ሓቲቱ። ንሱ ኣብ መግለጺ እቕረትኡ: ”ምውዳቕ ሰብኣዊ`´ዩ በዚ ድማ ንዂሉ ብቓል ይኹን ብግብሪ ኣንጻርኩም ንዝፈጸምክዎ ኩሉ በደል እቕረታ እሓትት” ዝብል`ዩ ዝርከቦ እቲ ኣብ ነዊሕ መልእኽቱ ዝሓተቶ እቕረታ ብመላእ ትሕዝተኡ ኣብቲ  ናይ ኣልጀርያ ዜናዊ ቤት ጽሕፈት ኣፐስ ተዘርጊሑ ዘሎ።

83 ዝዕድሚኡ ቡተፍሊቃ ካብ ስልጣኑ ዝሳናበት ዘሎ ድሕርቲ ህዝባዊ ሰላማዊ ናዕቢ ህዝቢ ኣልጀርያ ኢዩ። ሕጂ ድማ ህዝቢ ኣብ ማእከል ኣልጀር ብምእካብ ንምግዳፍ ስልጣን ፕረሲደንት ቡተፍሊቃ ብሓጎስ ተሊኡ ደስትኡ ይገልጽ ኣሎ። ንፕረሲደንት ቡተፍሊቃ ዝትክእ መን ምዃኑ ዛጊት ዝተፈልጠ ኣይኮነን።

ህዝባዊ ሃገራዊ ተለቭን ሽወደን

ዕለት 4-ሚያዝያ 2019

Last modified on Thursday, 04 April 2019 21:11