http://ascenteq.com/project/epdp

መርድእ ዕረፍቲ ብ1949 ዝተወልደ ገዲም ተጋዳላይ ገቢል በየነ፡ ብ26 ነሃሰ 2025  ምስ ሰማዕና ኣዝዩ መሪር ሓዘን ተሰሚዑና። ነዊሕን ጽንኩርን ናይ ቃልሲ ተመኩሮ ዝነበሮ ሓርበኛ ገቢል በየነ፡ ቅድም ኣብ ከተማ ኣስመራ  ኣባል ውሽጣዊ ስርርዕ ኮይኑ  ብትብዓትን ትግሃትን ተቓሊሱ። ምስጢራዊ ኣባል ተጋድሎ ሓርነት ኤርትራ (ተሓኤ) ምንባሩ ምስ ተፈለጠ ከኣ ብ1974 ናብ ሜዳ ወጺኡ።

ኣብ ሜዳ መባእታዊ ፖለቲካውን ወተሃደራውን ትምህርቱ ምስተኸታተለ ኣብ ተዋጋኢ ሰራዊት ተመዲቡ። ድሕሪ ካለኣይ ሃገራዊ ጉባአ ተሓአ ድማ ናብ ማሕበር ሰራሕተኛታት ተመዲቡ ክሳብ 1981 ብተወፋይነት ተቓሊሱ። ገቢል ተባዕን ንብጾቱ ዝርህርህን ተረዳዳኣይን ተቓላሳይ ምንባሩ ከኣ ብቐረባ ዝፈልጥዎ መቓልስቱ ይምስክርሉ።

ኣብ ስደት ሕቡራት መንግስታት ኣሜሪካ ግዝኣት ካሊፎርኒያ ከተማ በርክሊ ብሕክምና ክሕገዘ ድሕሪ ምጽንሑ እዩ  ዓሪፉ። እምበኣር ካብ ኮነ ዝግበር የለን’ሞ፡ ብስም ኩሎም ኣባላት ሰልፊ ዲሞክራሲ ህዝቢ ኤርትራ፡ ናይቲ ሓዘን ተኻፈልቲ ምዃና እናገለጽኩ፡ ንስዉእ መንንግስተ-ሰማይ ከዋርሶ፡ ንቤተሰቡን መቓልስቱን ከኣ ጽንዓት ኣኻእሎን ክህቦም እምነ።

ገረዝጊሄር ተወልደ

ኣቦመንበር ሰዲህኤ