ጨንፈር ሳንድየጎ ንዘካየዶ ኵሉ-ሸነኻዊ ቃልሲ ንምግምጋም ብ11 ሰነ 2016 ዓ.ም. ሓሙሽተ ሰዓታት ዝወሰደ ኣኼባ ኣብ ከተማ ሳንድየጎ ኣሰላሲሉ። ኣብዘን ዝስዕባ ዛዕባታት ኣትኵሩ ድማ ብዛዕባ ሕሉፍ መደባቱ ተመያይጡን ገምጊሙን ከምኡ’ውን ናይ መጻኢ ዕማማቱ ሓንጺጹ፡

• ብዛዕባ ኵነታት ሃገርናን ህዝብናን ዝሓልፎ ዘሎ መሪር ጭቆናን ብሓፈሻ፤ ኵነታት ደምበ ተቓውሞን                     ብድሆታቱን ድማ ብፍላይ ኣመልኪቱ ብዕምቆት ተመያይጡ። ጨቋኒ ስርዓት ህግደፍ ኣብ ልዕሊ መንእሰያት ዝጽዕኖ ደረት ኣልቦ ሃገራዊ ኣገልግሎትን ዘስዓቦ ጭንቀትን ተስፋ ምቝራጽን ዘኸተሎ ዋሕዚ ስደት፣  ኣብ ምድረበዳን ባሕርን ንመንእሰይትና ዘጋጥሞም ዘሎ ህልቀትን ብፍላይ ኣብ ዝሓለፈ ወርሒ ዘጋጠመ ምጥሓል ናይ ሒዛቶም ትጕዓዝ ዝነበረት መርከብ ብምዝካር ሓዘኖም ገሊጾም።

• ጨቋኒ ምልካዊ ስርዓት ህግደፍ ኣልጊስካ ብፍትሓውን ደሞክራስያውን ስርዓት ንምትክኡ፣ ሰልፍና ዘካይዶ ዘሎ መኸተ ብምድጋፍ፣ ጨንፈርና ኵሉ ዝከኣሎ ከበርክት ምዃኑ ደጊሙ ኣረጋጊጹ።

• ናይ 2015 ዓ.ም. ናይ ኣባላት ግቡኣትን ጨንፈራዊ ሕሳባትን ኣጻፊፉ ድሕሪ ምዝዛም፣ ተሪፉ ዘሎ ናይ 2016 ሕሳባት ኣብ ዝሓጸረ እዋን ክዓጹ ውሳኔ ኣሕሊፉ። ኣብ ዝመጽእ ዘሎ ወርሒ ነሓሰ ኣኼብኡ ድማ ክግምግሞ ምዃኑ ኣሚቱ።

• ጨንፈርና ነቲ ኣብ ወርሒ መስከረም ክካየድ ዝዳሎ ዘሎ ናይ ሰሜን ኣሜሪካ ዞባዊ ጉባአ ንምዕዋት ዘድሊ ተሳትፎን ምትሕብባርን ክገብር ምዃኑ ኣስሚሩሉ።

ዓወት ንፍትሓውን ደሞክራስያውን ቃልሲ ህዝቢ ኤርትራ

ሃይለማርያም ውሩይ

          ኣቦ መንበር ጨንፈር ሳንድየጎ

በይ -ኤርያ ኤርትራውያን ንዲሞክራስያዊ በዚ ኣጋጢሙ ዘሎ ዘስካሕክሕ ህልቂት ዜጋታትና ዘተሰምዓ መሪር ሐዘን እናገለጸ ንግዳያት መንግስተ ሰማያት ንቤተሰብ ግዳያት  ብፍላይ ንመቅርብን መላእ ህዝቢ ኤርትራን ድማ ጽንዓት ይሃብ ይብል።

እዚ ከምዚ ዓይነት ሞትን ወረሞትን ካብ ኤርትራዊ ዜጋ ከይተፈለየ ዓመታት እካ ኣቁጺሩ እንተሃለወ እዚናይ ሎሚ ጃምላዊ ህልቂት ግን ንህልቂት ላምፔዱሳ ዘዛካክረና ኾይኑ ብዓይነቱ ዝዓበየን’ዩ።

እዚ መወዳእታ ዘይብሉ ሞትን ህልቂትን’ዚ ብሰንክቲ ብደም ህዝብና ዝገበለ ስርዓት ዝወርድ ዘሎ መከራ እንተደይ ትደፋኒ መን መጽደፍኒ መንእሰያትና ነታ ተወሊዶምላ’በር ዘይሐንቀቁላን ዝየስተማቀርዋን ሃገሮም ንድሕሪት ገዲፎም ብሐደገኛ ጉዕዞ ክስደዱን ኣብዚ ሓደገኛ ጉዕዞ’ዚ ድማ ኣደዳ ባሕርን ሳሃራ በደዊንን ይኮኑ ኣለዉ።

እዚ ናይ ሎሚ ተረክቦ ሐዘን እንባኣር ደርብ ሐዘን’ዩ። ምክንያቱ ድማ እቶም ኣእላፋት ጀጋኑ ምእንቲ ኣብ ንፈተዋ ሀገርና ብሰላምን ቅሳነት ክነብርበጃ ዝሐለፉ መዓልቲ ዝክሮም 20 ሰነ ኣብ ምዝካር እንቃራረበሉ ዘሎና ሕድሮም ተጠሊሙ ከምዚ ዓይነት ኣብ ግዜ ባዕዳዊ ገዛኢ እኻ ዘይተራእየን ምዝንታዉ ዘጸግም ህልቂት ኣዴታት ጸጉረን ከይተፈትሔ ብደርሙ የዒንተን ከይጸፈፈ ምስ ንብዓቱ ቁሩብ ሐይሊ ዘረከባ ድማ ካብቲ ሕሱም ምሐደራ ንምህዳም
መረብተን ዓጺየን ህጻናተን ሒዘን ክስደዳን ምስ ህጻናተንን መንእሰያት ደቅንን የሕዋተንን ኣብ ባሕሪ ክጥሕሉን ንቡር ሞት ሲኢኖም ትረፍ ሐርገጽን ዓሳን ከም እንስሳ ተዘቂቆም ካብ ባሕሪ ክወጹ ንዓና ኤርትራውያን ይትረፍሲ ንማንም ሕልና ዘለዎ ፍጡር ወዲ ኣዳምውን ዘሰንብድ’ዩ። ወለዲ ንቡር መርድእ ወሉዳቶም ሲኢኖም ዓሰርተ ሞት ኾይንዎም ሃህ ኢልካ ዘይትበክዮ ሞት ሕጹይ ኣብታ ብጽምዋን ሕሰም መበባብሮን ዝተዋሕጠት ጎጀኦም ንበይኖም
ሐዘኖምን ሐሳረ መከረኦምን ይርእዩ ኣለዉ። እዚ ሕድሪ ጀጋኑና ጠሊሙ ንሃገርናን ህዝብናን ኣጽኒቱ ሞቱ ዘይተርፎ ተተርኢሱና ክጠፍእ  ትዓቲቁ ዘሎ ግፍዔኛ ስርዓት ሐላይ ህዝቡን ሃገሩን ክመስል ኣብ ቅድሚ ዓለም እካ እንትጭ በርበረ በትሪ ሐቅስ ትቀጥን’በር ኣይትስበርያ ማስጣ እዞም ንጹሃት ዜጋታት ድማ ሓቀኛ ገጸ ባህሪ ናቱ ይቃላዕ ኣሎ።

በዚ ኣጋጣሚ ድማ እቲ ብመርማርት ኮምሽን ውዱብ ሕቡራት ሃገራት ኣብ ኤርትራ ዝወጸ ጸብጻብ ካሕሳ ናይ’ዞም ብክንቱ ዝጠፍኡ ዘለዉ ዜጋታትናን ውጹዕ ህዝብናን እዩ’ሞ ደገፍና ንገልጽ። እቶም ነዚ ህልቂት እዚ እናራኣዩ ንሕና ንሱ ንሱ ንሕና ኢሎም ንሰለማዊ ሰልፊ ናይ ስርዓት ህግደፍ ንምድጋፍ ዝህቅኑ ዘለዉ ኤርትራውያን ድማ ዋላኻ ተምጽእዋ ለውጢ እንትዘይሃለወ ንሕልናክምን ንሕልና ህዝብኩምን ክትዕገሱ ንምሕጸን።

በዚ ኣጋጣሚ በይ ኤርያ ኤርትራውያን ንዲሞክራስያዊ ለውጢ ንግዳይትን ንመዓልቲ 20 ሰነን ንዕለት 18/6/ 2016 ኣብ ኦክላንድ ናይ ሽምዓ ዝክሪ ክንገብር መዲብና ሰለ ዘሎና ኩሉ በዚ ሐደጋዚ ዝግደስ ክሳቶፎ ንሕብር።

ክብርን ዝክርን ንኩሎም ሰማእታትና !!

ህዝባዊትን ዲሞክራስያዊት ኤርትራ ብደም ሰማእታታ ክትጥጥዕ’ያ !!
    

                                                                 14/6/2016

ጨንፈር ደቡብ ጀርመን ሰልፊ ዲሞክራሲ ህዝቢ ኤርትራ ዝጸውዖ ህዝባዊ ኣኼባ  ኣብ ከተማ ሽቱትጋርት ብዕለት 11 ሰነ 2016 ተኻይዱ። ኣኼባ ብሓው ተኽልዝጊ ሚካኤል ኣቦ-መንበር ጨንፈር  ንተሳተፍቲ ብዘቕረቦ ምስጋናን ሰናት ትምኒትን እዩ ተኸፊቱ። ሓው ተኽልዝጊ ነቶም ካብዚ ጨካን ምሕዳራ መላኺ ስርዓት ኤርትራ ኣምሊጦም ናብ ሃገራት ኤውሮጳ ንምስጋር ክብሉ ኣብ ምድረ-በዳ ልብያን ማእከላይ ባሕርን ብጅምላ ዝሃልቁ ንዘለዉ መንእሰያት ንምዝካር፡ ነፍሲ-ወከፍኣኼበኛ ጨንፈር ካብ ዝተቐረቦምሽምዓ ክውልዕ ድሕሪ ምሕባርን፡ ንኩሎም ሰማእታት ኤርትራ ብሓፈሻ፣ ነቲ ኣብዚ ቀረባ ማዓልታት ዝተፈልየና ተቓላሳይ ኣልኣዛር ቀለተን ንምዝካር ብዝተገብረ ናይ ሕልና ጸሎት እዩ፣ ኣኼባ ብሓው ንጉሰ ጸጋይ ኣባል ማእከላይ ባይቶ ሰዲህኤ ከምኡውን ሓው ኢሳቕ ወልደማርያም ኣቦ-መንበር ዞባ ኤውሮጳ ንኽምራሕ ዘመሓላለፈ።

ሐውንጉሰጸጋይ፡ ንህልዊኲነታትኤርትራብሓፈሻ  ብምዝካር፡ ነቲ ኣብ መበል 25 ዓመት ናጽነት ኤርትራ ኢሳያስ ድሕሪ 25 ዓመታት የራኽበና ዝበሎ መግለጺ፡ ኣሽካዕላል ኣብ ልዕሊ ህዝቢ ኤርትራ ብሓፈሻ፡ ኣብ ልዕሊ ደምበ ተቓውሞ ድማ ብፍላይ ምዃኑ ጥራሕ ዘይኮነስ፡ ፈተነ እዩ። ደምበ ተቓውሞ ነዚ ኣብ ምዕጻፍ እትውስኽ ዓመት ዘይኮነትስ ማዓልትውን እንተተጸብዩ፡ ምንዋሕ ሕሰምን ምብትታን ህዝቢ ኤርትራን፡  ኤርትራዊ ሃገርነት ኣብ ሓደጋ ክኣቱ ከምዝኽእልን ኣመልኪቱ። ኣስዒቡ፡ ስርዓት ህግዲፍ ባዕሉ ብዝፈጠሮ ሽግር ንስዕረቱ ዘቀላጥፉ ኣባትር  ንደምበ ተቓውሞ ካብዘረክብን ደጋፊ ኣህጉራዊ ባይታ ናይ ቃልሲ ካብዝፍጠርን ልዕሊ 15 ዓመታት ኰይኑ ኣሎ፡ ይኹን እምበር፡ ነፍሲ-ወከፍ ፖለቲካዊ ሓይሊ፡ በርጌሳዊ ማሕበር ኮነ ውልቀ-ተቓዋሚ ነቲ ዝተረኽበ ባይታ ተጠቂምሉ ዶ ኣይተጠቕመሉን ንዝብል ነፍሱ መርሚሩ ብሓድሽ ክብገስ ከምዝግባእ ገሊጹ።

ደምበተቕውሞ፡ ንምልኪ ብዲሞክራስያዊ ኣገባብ ምሕደራ ንምትካኣ ኣብዘካይዶ ዘሎ ቃልሲ፡ ክስዕሮም ዘለዎ ብድሆታት ብዙሓት እዃ ይዃኑ እምበር፡  ካብ ጸኒሓዊ ኣገባባ ናይ ቃልስን ኣተሓሳስባን ክወጽእ፡ ኣብ ሕድሕዱ ካብ ምጽባእ ቀዳምነታት ናይ ቃልሲ ሰሪዑ ክብገስ፡ ድልየታት ህዝቢ ኣለልዩ፣ ንህዝቢ ካብ ቃልሲ ዘርሕቕ ዘይኮነስ ንህዝቢ ኣብ ተቓውሞ ከሰልፍ ዝኽእል  ጭርሖታት ከቐድም፡ ብውሑዱ ሓባራዊ ዕዮ ናይ ዓወት መቕድም ምዃኑ ፈሊጡ፤ ካብ ዝታሓተ ክሳብ ዝላዓለ ትካላቱ ሓቢሩ ክሰርሓሉ ዝኽእል ናይ ቃልሲ ናውቲ ክሰርዕ፡  ግደን ተራን ፖለቲካዊ ሓይልታትን በርጌሳውያን ማሕበራት ካብ ምድውዋስ ሓራ ክኸውን ዓብዪ ተደላይነት ከምዘለዎ ብዝርዝር ኣብሪሁ። ብዘይካዚ ኣብ ሓደ ከባቢ ዝርከቡ ኣባላት ፖለቲካዊ ሓይልታት ኮኑ ተቓወምቲ ዜጋታት፡ መምርሒታት ከየተጸበዩ ኣብ ክሊ ስርዒታዊ ሓላፍነቶም ኣብ ህዝባውን ዜናውን ርኽክባውን ዕማማት ሓቢሮም ክሰርሑን ደረኽቲ ናይ ለውጥን ሓድነታዊ ዕዮን  ምዃኖም ከረጋግጹ ከምዝግባእ ሓቢሩ።

እቲ ኣብዚ እዋን'ዚ ኣቓልቦ ክግበረሉ ዘለዎ  ተወሳኺ ጸገምና፡ ኤርትራዊ ናይ ኩሉ ዓይነት ሞያ ክኢላን ፈላጥን ክመስል፡ ንጀግንነታዊ ታሪኽ ቃልሲ ህዝቢ ኤርትራ ክድምስስ፡ ባህላዊ መንነትና ከጥፍእ፡ ናይ ፈጠራ ታሪኽ እንዳማሃዘ ኣብ ምግጋይ ዝውዕል ንሓድነት ናይ ቃልሲ ዝዝርግ ወፈራታት ይካየድ ብምህላዉ፡ ደምበ ተቓውሞ ንዘለዎ ሕጽረታት ናይ ምልመላ ክስዕርን ብቕዓት ካድራቱ ክብ ንምባል ክጽዕርን ጸዊዑ። ካብዚ ዝተጠቕሰ ሕጽረታት ወጺና ኢና ድማ፡ ነፍሲ ወከፍ ፖለቲካዊ ሓይሊ ነቲ ዝብህጎን ዝጥምቶምን፣ ዕላማን፡ ራእይን ተልእኮን ከረጋግጽ ዝኽእል ካብዝብል፡ ሰዲህኤ ካብዘስፈሮ ራእይን ተልእኾን ዕላማን ኣብሪሁ።

ብድሕርዚ፡ ሓው ኢሳቕ ወልደማርያም ቦታዊ ስርርዕ ሰዲሓኤ ኣብ ሓባራዊ ስራሕ ዘለዎ ግደን ብግቡእ ኣብሪሁ። ኣብ መወዳእታተሳተፍቲኣኼባነቲንውሕዝበለመግለጺ ብጽሞና ድሕሪ ምክትታል፡ ንዘቕረብዎም ሕቶታት ኣገዳሲ መብርሂታት ብምቕራብ፣ ተሳተፍቲ ኣኼባ ብዝሖም ብዘየገድስ ተሳትፋኦም ክብ ዝበለ ኣብርእሲ ምንባሩ፣ ንዝቐረበ ሓሳባትብምድጋፍ፡ ሃናጽን ኣታባባዕን ርኢቶታታት ኣቕሪቦም ኣኼባ ተደምዲኡ።

ኣብ ኤርትራ ብሰንኪ ጉጅለ ህግደፍ ኣብ ልዕሊ ህዝብና ክወርድ ዝጸነሐን ዘሎን ወጽዓ ብብዝሑ ኮነ ብክብደቱ ብዙሕን ዓሚቕን ምዃኑ ተደጋጊሙ ክግለጽ ዝጸንሐ እዩ። እቲ ዝዓበየ ክፋል ናይዚ ወጽዓ ምስ ግህሰት መሰረታዊ መሰል ደቂ ሰባት ዝተሓሓዝ እዩ። እዚ በደላት ንምውጋድ ህዝቢ ኤርትራን ፖለቲካዊ ውድባቱን ኣብ ርእሲ እቲ ዘካይድዎ ቃልሲ፡ እቲ ጉዳይ ብቐጥታ ናይ ዝምልከቶም ዓለም ለኻዊ ትካላትን ማሕበራትን ሓገዝን ምትሕብባር ክሓቱ ጸኒሖም እዮም። ጉጅለ ህግደፍ ብኣንጻሩ ገበናቱ ሓቢኡ በቲ ጻዕርን ቃልስን ክሕጭጭን ክወራዘን ጸኒሑ።

ድሕሪ ዝተወሰነ ግዜ እቲ ኣብ ልዕሊ ህዝብና ዝፍጸም ግህሰታት ገንፊሉ ምስ ወጸ ግና ብሓፈሻ ሕብረተሰብ ዓለም ብፍላይ ከኣ ኣብ ውድብ ሕቡራት ሃገራት ክሚሽን ሰብኣዊ መሰላት ናብ ኤርትራ ገጹ ከመዓዱ ናይ ግድን ኮይኑ። ንጉጅለ ህግደፍ ከኣ ካብ ግህሰት መሰረታዊ ሰብኣዊ መሰላት ኢዱ ከልዕል ተደጋጋሚ መጸዋዕታ ኣቕሪብሉ። ናይቲ ጉጅለ ናይ “ዝገሃስኩዎ መሰል የለን” ክሕደት ኣብ ኤርትራ ኣትዩ ከጻሪ ዝገበሮ ፈተነ’ውን ብሰንኪ ኣብያ ናይቲ ጉጅለ ኣይተዓወተን። እንተኾነ እቲ ኮሚሽን በዚ ናይ ህግደፍ “ኣሉ ቀጣን” ከይተዓግተ፡ ብናይ ገዛእ ርእሱ መንገዲ ንምጽራይ ቅድሚ ክልተ ዓመታት መርማሪት ኮሚሽን ሰብኣዊ መሰል ኣብ ኤርትራ ኣቚሙ ክሰርሕ ጸኒሑስ ኣብዚ ቀረባ እዋን ናይቲ መርማሪ ኮሚሽን ውጽኢት ብወግዒ ተገሊጹ ኣሎ። ነዚ ጸብጻብ መሰረት ብምግባር ነቲ ጉጅለ ክንድቲ ግብሩ ኣብ ዝቐጽዕ ውሳነ ክብጻሕ ከኣ ትጽቢት ኣሎ።

ነቲ እቲ ኮሚሽን ዘቕረቦ ምርመራዊ ጸብጻብ ዝተፈላለዩ ወገናት ነናቶም ሚዛን ክህብሉ ጀሚሮም ኣለዉ። ናይ ኩሎም ወገናት ምላሽ ካብ ትጽቢትና ወጻኢ ኣይኮነን። ጉጅለ ህግደፍ ወዮ “ኣሉ” ክብልን፡ ነቲ ርኡይ ሓቂ ምስ ክተሓሓዙ ዘይግበኦም ጉዳያት እንዳተሓሓዘ ካብቲ ኮሚሽን ክሃድም ስለ ዝጸንሕ፡ ሕጂ ነቲ ጸብጻብ “ኣይቅበሎን እየ” እንተበለ ዘገርም ኣይኮነን። ከምኡ ከኣ ይብል ኣሎ። እንተኾነ ሎሚ እቲ ኩነታት ከምቲ ዝለመዶ ንክሃድም ገፊሕ መንገዲ ዝኸፍተሉ ኣይመስልን። ኩሉ ግዜ ብህዝቢ ክትሕጭጭ ምንባር ስለ ዘይከኣል። ብኣንጻሩ ዝተፈላለዩ፡ ኣብ ኤርትራ ዘሎ ግህሰት ሰብኣዊ መሰል ከቐንዝዎም ዝጸንሐ ወገናት፡ ነቲ ጸብጻብ ደጊፎም ኣብ ዝረአ ናይ መወዳእታ ፍረ ንክበጽሕ ዘለዎም ተስፋን ደገፍን ይገልጹ ኣለዉ።

ንሕና እቶም ካብ መጀመርታኡ ኣብ ኤርትራ ክፍጸም ዝጸንሐ ግህሰት መሰረታዊ መሰላት፡ ከሎ ጌና እንተዘይተገቲኡ ሓደጋኡ ከምዚ ንርእዮ ዘለና ከቢድ ከም ዝኸውን ከነተንብህን፡ እቲ ኮሚሽን ምስ ቆመ’ውን ዓቕምና ዝፈቕዶ ክንተሓባበርን ዝጸናሕና፡ ንጸብጻብ እቲ ኮሚሽን ከም እንድግፍ ርዱእ እዩ። ካባና ዝድለ ግና ነቲ ጸብጻብ ኣብ ምድጋፍ ጥራይ ዝድረት ዘይኮነ፡ ግቡእ መስርሑ ተኸቲሉ፡ በቲ ሓደ ወገን ክብሪ ሰብኣዊ መሰል ኣብ ሃገርና ኣብ ዘተኣማምን ባይታ ከም ዝስረት ብዝሕግዝ፡ በቲ ካልእ ወገን ድማ ነቶም መሰል ህዝብና ክግህሱ ዝጸንሑ ወገናት ናይ ኢዶም ብዝህብ ኣገባብ ክዛዘም ቀጻሊ ጻዕሪ ክንገብር ናይ ግድን እዩ። እዚ ዕማም ከምቲ ዝተገልጸ ንብዙሓት ወገናት ዝምልከት’ኳ እንተኾነ እቲ ቀንዲ ሓላፍነት ግና ናትና ናይ ኤርትራውያን ደለይቲ ለውጥን ፍትሕን እዩ። ካብ’ዚ ሓሊፉ  ዘይኤርትራውያን ወገናት ካብ ሰብእውነት ተበጊሶም ክሳብ ክንድዚ በጃ ህዝብና ክስለፉን፡ ኣብዚ ጉዳይና ላዕልን ታሕትን ክብሉን እንከለዉ፡ ንሕና ዛሕቲልና፡ “ሓጋዚታ ተረኣየትስ መዲዳ ትሓብእ” ከይንበሃል ሓደራ።

ኣብ ኣተሓሕዛ እዚ ጉዳይ ብግቡእ ክረአ ዝግበኦ ቁምነገር፡ እቲ ጉጅለ ህግደፍ ገበኑ ክሓብእ ነቲ ኣብ ልዕሊ ግስሩጥ ምምሕዳሩ ኣንጸላልዩ ዘሎ ጸሊም ደበና ከም ኣብ ልዕሊ ኤርትራ ከም ሃገር ዝዓለመ ኣምሲሉ ዘቕርቦ ዘሎ እኩይ ምህዞ እዩ። እዚ ጸብጻብ ብንጹር ነቲ ኣካላት ናይቲ ሓላፊ መንግስቲ ኣብ ልዕሊ ኤርትራውያን ዝፈጸምዎ ገበናት እዩ ዘቃልዕ። እቲ መቕጻዕቲ እውን ኣብ ልዕሊኦም እምበር ኣብ ልዕሊ ሉኣላዊት ሃገረ ኤርትራን ህዝባን ከምዘይከውን ክንርዳእ ይግበኣና። ካብዚ ሓሊፉ ህልውና ሃገርና ኣብ ሓደጋ ዝወድቕ እዚ ጉጅለ ኣብ ልዕሊ ህዝቢ ብዝፈጸሞ ገበን ክቕጻዕ እንከሎ ዘይኮነስ፡ እቲ ጉጅለ በዚ ሒዝዎ ዘሎ ኣዕናዊ መንገዲ እንተቐጺሉ ምዃኑ ክንግንዘብ ከድልየና እዩ።

ንግብራውነት ናይዚ ጸብጻብ ክንድግፍን ክንሰርሕን ቅድሚ ኩሉ ብዝተፈላለዩ ኣገባባት ዕላዊ ኣፍልጦን ደገፍን ክንህቦ ይግበኣና። ካብቲ ነዚ ከነንጸባርቐሉ እንኽእል ኣገባብ ሓደ ድማ እዚ ኣብ 23 ሰነ 2016 ክካየድ ተሰሪዑ ዘሎ ሰላማዊ ሰልፊ ኣብ ጀነቫን ዝተፈላለዩ ኩርነዓት እዩ’ሞ ብግቡእ ክንቅረበሉ ይግበኣና። ሰልፊ ደሞክራሲ ህዝቢ ኤርትራ ነዚ ሰላማዊ ሰልፍታት ከም ሓደ ኣካል ናይ ዘይጐነጻዊ ኣገባብ ቃልሲ ስለ ዝወስዶ ዓቕሙ ብዝፈቕዶ ክደፍኣሉ እዩ።