10 መነኮሳት ገዳማት ኤርትራ ኣብ ኢትዮጵያ ዑቕባ ከምዝሓተቱ ተሓቢሩ
2014-11-05 20:30:41 Written by Radio Erena: 05 November 2014 Published in Human Rights Read 10358 times-
font size
decrease font size
increase font size
Radio Erena: 05 November 2014
10 መነኮሳት ገዳማት ኤርትራ ኣብ ኢትዮጵያ ዑቕባ ከምዝሓተቱ ተዋህዶ ዶት ኦርግ ሓቢሩ።
ብመሰረት እቲ ሓበሬታ፣ እቶም 10 መነኮሳት ገዳማት ኤርትራ፣ ምስቲ ኣቐዲሙ ብመራሕቲ ገዳማት ኤርትራ ንምትእትታው ልኡኻት መንግስቲ ንምውጋዝ ዝተዘርግሐ ደብዳቤ ብዝተሓሓዝ፣ ንስኻትኩም ኢኹም ኣለዓዒልኩሞ ብዝብል ምኽንያት መንግስቲ ኤርትራ ንኽኣስሮም ይደናደን ከምዘሎ ምስ ኣረጋገጹ’ዮም ዝሓለፈ ሰሙን ናብ ኢትዮጵያ ሰጊምሮም።
እቶም 10 መነኮሳት፣ ሰለስተ ካብ ገዳም ጻዕዳ እምባ፣ ሰለስተ ካብ ገዳም ኣቡነ ሊባኖስ ሃም፣ ክልተ ካብ ገዳም ኣብራንዮስ፣ ሓደ ካብ ገዳም ኣቡነ ብሩኽ፣ ሓደ ኸኣ ካብ ገዳም ኣቡነ ዮናስ ምዃኖም’ውን እቲ ሓበሬታ ብተወሳኺ የረድእ።
ሽዱሽተ ገዳማት ኤርትራ፣ ንምትእትታው ልኡኻት መንግስቲ ኤርትራ ኣብ ኦርቶዶክስ ተዋህዶ ኤርትራ ዝውግዝ ውግዓዊ ደብዳቤ ከምዝዘርግሑ ዝፍለጥ’ዩ።
