http://ascenteq.com/project/epdp

ፈጻሚ ሽማግለ ሰልፊ ዲሞክራሲ ህዝቢ ኤርትራ፡ ብ7ን 8ን ጉንበት 2017 ስሩዕ ኣኺኣቡ ኣካይዱ። ፈጻሚ ሽማግለ ኣብዚ ድሕሪ 2ይ ጉባአ ሰልፊ ን5ይ ግዜ ዘካየዶ ስሩዕ ኣኼባኡ ናይ ኩለን ኣብያተ-ጽሕፈት ሰልፊ ጸብጻባት ሰሚዑን ኣብ ነፍሲ ወከፍ ጸብጻብ ዓሚቕ ምይይጥ ኣካይዱን። ድሕሪኡ ድማ ኣብቲ ጸብጻባት ኣድላይ ምትዕርራያት ብምክያድን ኣድላይ ዝበሎ ውሳነታት ብውሳንን ከም ሰነዳት ሰልፊ ኣጽዲቕዎ።

ኣኼባ ፈጻሚ ሽማግለ ኣብ ርእሲ እዚ ጸብጻባት፡ ኣገደስትን እውናውያንን ኣብ ዝበሎም ሰልፋዊ፡ ሃገራውን ዞናውን ጉዳያትት ተመያይጡን ገምጊሙን። ኣብዚ  ዝያዳ ቆላሕታ ካብ ዝሃቦም፡ ውሽጣዊ ሃለዋትን መስርሕ ተሓድሶን ሰልፊ፡ ስርዓት ህግደፍ ኣብ ከባቢና ዘካይዶ ዘሎ ዘይንጹር ዝምድናታትን ሓደገኛ ሳዕቤናቱን፡ ጉዳይ ሓድነት ተቓወምቲ ሓይልታት ኤርትራ፡ ግደ መንእሰያትን ደቂ ኣንስትዮን፡ ስርዓት ህግደፍ ዝፈጥሮ ዘሎ ረቂቕ ኣገባብ ጭቆናን ኣብ ልዕሊ ህዝብና ዘውርዶ ዘሎ ኣሉታዊ ሳዕቤንን፡ ኤርትራውያን ሓይልታት ለውጢ ኣብ ወጻኢ ኣንጻር ወጻዒ ጉጅለ ህግደፍ ዘካይድዎ ዘለዉ ዕዉት ቃልስን፡ መንግስቲ ኢትዮጵያ ንዝምድናኡ ምስ ኤርትራ ኣብ ዝምልከት ከተኣታትዎ ዝደሊ ዘሎ ሓድሽ ፖሊሲን ዘበገሶ ክተዓትን  ዝተፈላለዩ ወገናት ዝህብዎ ዘለዉ ግምታትን ካብቶም ግቡእ ግዜ ወሲዱ ዝተመያየጠሎም እዮም።

ፈጻሚ ሽማግለ ኣብዞም ኣቐዲሞም ዝተጠቕሱ ብፉሉይ ዝገምገሞም ዛዕባታት፡ ንዝጸንሖ ሰልፋዊ መርገጺ ዳግማይ ኣነጺሩ። ጉዳይ ሓድነት ሓይልታት ተቓውሞ ኤርትራ ዘይስገር መሰረታዊ ጉዳይ ክነሱ፡ ኣብዚ እዋንዚ ጠጠው ኢሉ ዘሎ ምዃኑ መዚኑ፡ ንመጻኢ ንምብርባሩ ኣብ ዝግበር ቃልሲ ሰደህኤ እጃሙ ከበርክት ድልዊ ምህላዉ ኣመልኪቱ።  ኤርትራውያን ናይ ለውጢ ሓይልታት ነቲ ኣብ ሃገር ሆላንድ ጀሚሩ ዘሎ መኸተ ኣንጻር ህግደፍ ምቕጻሉ ኣገዳሲ ምዃኑ ተገንዚቡ። ሓድሽ ፖሊሲ ዝምድና መንግስቲ ኢትዮጵያ ምስ ኤርትራ፡ ሰላምን ርግኣትን ክልቲኡ ህዝብታት ዘውሕስን  ልኡላውነት ኤርትራ ዝዕቅብን ክኸውን ዘለዎ እምነት ኣነጺሩ።

ኣብ መወዳእታት ፈጻሚ ሽማግለ ካብ ዝተፈላለዩ ኣካላት ሰልፊ ብዛዕባ ዝተፈላለዩ ዛዕባታት ዝቐረብሉ ለበዋታት መዚኑ። ድሕሪ ሚዛን ኣብ ሓያሎ ጉዳያት ውሳነታት ክውስን እንከሎ፡ ናብ ማእከላይ ባይቶ ክምርሑ ዝግበኦም ጉዳያት ድማ ኣለልዩ። ኣኼባ ፈጻሚ ሽማግለ ሰዲህኤ ብመሰረት ዓንቀጽ 6፡2፡4 ቅዋም ሰልፊ፡ ኣብ ዓመት 3ተ ግዜ ዝካየድ እዩ።

ኣብ ዝሓለፈ ሰሙን ኣብ ከባቢ ወደባዊት ከተማ ዓሰብ ካብ ዝርከብ መደበረን ዝዋፈራ ነፈርቲ ዓረብ ኤምረይትስ ኢድሪስ ራድዮ ዝበሃል ኤርትራዊ ዓፋር ቀቲለን 6 ካለኦት ከም ዘቑሰላ “ገዳብ ነውስ” ሓቢራ። ካብዞም ዓሳ እንዳገፈፉ ግዳያት ዝኾኑ ሓደ ኣጋፍፋ ዓሳ ዝለማመድ ዝነበረ ህጻን ጥራይ ብዘይጉድእት ከም ዝደሓነ ተፈሊጡ።  እዞም ኤርትራውያን ዝተቐትሉን ዝቖሰሉን፡ ካብ ወደብ ዕዲ ንውሽጢ ኣብ ናይ 8 ኪሎሜተር ርሕቀት ኣብ ጥቓ ኣበይል  ዝተባህለ ንእሽቶ ደሴት እዩ። ነቶም ግዳያት ካብቲ ሓደጋ ዘጋጠመሉ ቦታ ናብ ሕክምና ዓሰብ ዝወሰድዎም ኣካላት መንግስቲ ኤርትራ ወይ ዓረብ ኤምረይትስ ዘይኮኑ ከምኣቶም ኣብ ምግፋፍ ዓሳ ተዋፊሮም ዝነበሩ ዜጋታት እዮም።

እቲ ዜና ከም ዝጠቐሶ፡ እዚ ጉድኣት ዘውረደ ደብዳብ ኣካል ናይቲ ኣብቲ ከባቢ ዝካየድ ዘሎ ቀጻሊ ደባባት እዩ። ምግፋፍ ዓሳ ኣብቲ ቦታ ኣዝማድን ቤተሰብ ብሓባር ዘካይድዎ ስለ ዝኾነ እቲ ዝሞተ ሓው ናይ ክልተ ካብቶም ዝቖሰሉ 6 እዩ። መብደብ ሓይሊ ኣየር ዓረብ ኤምረይትስ ካብ ከተማ ዓሰብ ንወገን ደቡብ ኣብ ጥቓ ዶብ ኤርትራን ጅቡትን እዩ ዝርከብ።

ኤምረይትስ ኣካል ናይቲ ብሳዑዲ ዓረብያ ዝምራሕ  ኣብዚ እዋንዚ ኣብቲ ንከተማታት የመን ዘዕነወን እዚ ኢልካ ክትገልጾ ዘጸግም ሰብእዊ ውድቀት ዘኸትለን  ኣንጻር ዓሌት ሆውቲ ዝካየድ ምሕነት ውግእ  እያ። ኣብዚ እዋንዚ መነባብራኦም ኣብ ልምዳዊ ምግፋፍ ዓሳ ዝተመስረተ ኣብ ገማግም ባሕሪ ዝነብሩ ኤርትራያን ብሰንክቲ ዝካየድ ውግኣት ኣብ ጸገም ወዲቖም ኣለዉ።

ገዳብ ንማዕከን ዜና ዘጋርድያን ጠቒሱ ከም ዝገለጾ ከኣ ቅድሚ ሕጂ እውን ኣብ ገማግም ቀይሕ ባሕሪ የመን 42 ሶማላውያን  ስደተኛታት ብናይ ሄሊኮፕተር ደብዳብ ተቐቲሎም እዮም። ተቓዋሚ ውድብ፡ “ደሞክራሲያዊ ውድብ ዓፋር ቀይሕ ባሕሪ” ነዚ ኩነታት ብምቅዋም መግለጺ ከም ዘውጸአ እውን ኣብቲ ካብ ገዳብ ዝተረኽበ ሓበረታ ተመልኪቱ።

ኣብ ወርሓዊ ኣስተምህሮኣዊ መደብ ኣባላት ሰልፊ ደሞክራሲ ህዝቢ ኤርትራ “ቃለ መጠይቕ፡ ትርጉሙ፡ ኣተገባብራኡን ኣገዳስነቱን” ኣብ ትሕቲ ዝብል ኣርእስቲ ኣስተምህሮ ተዋሂቡ። ኣብዚ ናይ 6 ጉንበት 2017 መደብ ኣስተምህሮ ዝሃበ ኣቶ ደበሳይ በየነ ሓላፊ ቤት ጽሕፈት ዜና ሰዲህኤ እዩ። ኣቶ ደበሳይ ኣብቲ ኣስተምህሮኡ ካብቲ ሰፊሕ ትርጉም ቃለመጠይቕ ዝተወሰነ ነጥብታት ጠቒሹ። ከም ሓፈሻዊ መግለጺ “ቃለመጠይቕ ኣብ መንጎ ሓታትን መላስን ዘሎ ናይ ሓሳባት እንካን ሃባን እዩ” ብዝብል ጠቒሱ።

ብዘይካዚ ቅድሚ ቃለ መተይቕ ምክያድ ክግበር ዝግበኦ ምድላው፡ ዓይነታት ቃለመጠይቕ፡ ትሕዝቶ ቃለ መጠይቕ ዝልከዓሉ ነጥብታት፡ ቃለ መጠይቕ ዝካየደሉ ዛዕባ ምስ መረጽካ ዘተግብሮ ኣካል ኣብ ምምራጽ ዝግበር ጥንቃቐ፡ ቃለ መጠይቕ ከካይድ ዝተመዘ ክኢላ ከካይዶ ዝግበኦ ቅድመ ምድላውን ምድላው መሳርሕታትን ዝብሉ ዛዕባታት ካብቶም ሰፊሕ መብርሂ ዝሃበሎም ነጥብታት ነይሮም። ኣስዒቡ ድማ ቃለ መጠይቕ ክድገፍ ዝግበኦ ተረኽቦ ንምስፋሕ ጥራይ ዘይኮነ ክቃላዕ ዝግበኦ ንምቅላዕ እውን ከም ዝካየድ ኣብሪሁ።

ቃልለመጠይቕ፡ ካብኡ ነቒልካ ሓተታ፡ ዜና፡ ርእሰ-ዓንቀጽን ጸብጻብን እተዳልወሉ፡ ናይ ኩሉ ጋዜጣዊ ስረሓት መበገሲ ስለ ዝኾነ ኣገዳስነቱ ዕዙዝ ምዃኑ ኣብዚ ኣስተምህሮ ተገሊጹ። ንቓለመጠይቕ ከቢድን ጥንቃቐ ዘድልዮን ካብ ዝገብርዎ ጉዳያት፡ ኤክትሮኒካዊ መሳርሒ ጠዊቕካ ከም ዝሰርሕ ምግባር ዘይኮነ፡ ክኢላ ሰብ ብዛዕባቲ ከም ሸቶ ዝሓዝካዮ ዛዕባ ከም ዝዛረብ ምግባር ስለ ዝኾነ ምዃኑ ኣቶ ደበሳይ ኣብቲ ስተምህሮኡ ገሊጹ። ኣብ መወዳእታ ድማ ቃለ መጠይቕ ከም ኩሉ ጋዜጣዊ ዛዕባ ናይቶም ኣብኡ ዝሳተፉ ህርኩትና ዝሓትትን ምስ ኩለመዳያዊ መሰረታዊ ትሕዝቶኡ ከይቀየረ ኩነታት ኣብ ግምት እንዳእተወ ዝለዋወጥን እምበር ከም ተፈጥሮኣዊ ሳይነስ ብዘይቅየር ከዋሚ ቀጥዕታት ዝቕየደ ከምዘይኮነ ገሉጹ።

ድሕሪቲ ኣስተምህሮ ኣብ ዝተኸፍተ መድረኽ እቶን ርኢቶን ምስተኸፍተ፡ ተሳተፍቲ ብሓባራ ኣገዳስነት ናይቲ ኣስተምህሮ ኣንጸባሪቖም ከምዚ ዓይነት መድረኽ ምሕያል ውሽጣዊ ዓቕሚ ብዛዕባ ኣገደስቲ ዛዕባታት ቀጻሊ ክኸውን ተላብዮም። ካብዚ ሓሊፍ እቲ ኣስተምህሮ ሓፈሻዊ ጥራይ ዘይኮነ፡ ኣብ ጸቢብ መድረኽ ብዝዓሞቐ ኣገባብ ዝካየደሉ መደብ ክስራዕ፡ በዚ ኣስተምህሮ ብዝረኸብናዮ ግንዛበ ብዘለና ዓቕሚ ናብ ተግባር ክንዋፈር ይግበኣና፡ እዚ ኣስተምህሮ ብደረጃ ጽሑፍት ተዳልዩ ክዝርጋሕ ዝብሉ ቅቡላት ሓሳባት  ቀሪቦም።

ብዘይካዚ፡ ካብ ሓደ ኣካል ሓበሬታ ንክንረክብ ክንሓቶ ዝግበኣና ሕቶ ብኸመይ ንውስን? ኣብ መስርሕ ቃለመጠይቕ፡ ሓታቲ ጥራይ ዘይኮነ፡ ተሓተቲ (ወሃብቲ ቃለመጠይቕ) ኮይና ክንቀርብ እንከለና ክንክተሎ ዝግበኣና ኣገባብ ከመይ እዩ?፡ ዝብሉን ካለኦት ኣብ ሓፈሻዊ ሚዛናዊ ኣሰራርሓ ሚድያ ዘተኮሩን ሕቶታት ቀሪቦም ብወሃቢ ኣስተምህሮን ተሳተፍትን መልሲታት ተዋሂብዎም።

ኣብ መወዳእታ ኣቶ ደበሳይ ቃለመጠይቕ ጥራይ ዘይኮነ፡ ኩሉ ስረሓት ዜና ብባህሪኡ ብዙሓት ዝሰምዕዎ፡ ዘንብብዎን ዝዕዘብዎን ጥራይ ዘይኮነ ብዙሓት ዝሳተፍዎ ስለ ዝኾነ ተሳተፍቲ ናይቲ ኣስተምህሮ ኣብ ምሕያል ዜናዊ ስረሓት ሰልፊ ዘዝዓቕሞም ከወፍዩ ተላብዩ። ነቲ ናይ ኣስተምህሮ መደብ ንዝወደበ ቤት ጽሕፈት ውደባዊ ጉዳያት ብፍላይ ከኣ ክፍሊ ፓልቶክን ተሳተፍትን ከኣ ምስጋናኡ ኣቕሪቡ።

ብዕለት 30 ሚያዝያ 2017 ሰልፊ ደሞክራሲ ህዝቢ ኤርትራ ጨንፈር ኖርወይ ሊዕሊ 6 ሰዓታት ዘህለኸ ዕዉት ሰሚናር ኣካይዱ። እዚ ሰሚናርዚ ምቐጸልታ ናይቲ ኣብ ዕለታት 24-26 መጋቢት ኣብ ከተማ ፍራንክፎርት ጀርመን ዝተኻየደ ኮንረንስ መላእ ዞባ ኤውሮጳ ኮይኑ፣ ተሳተፍቲ ኣኼባ ኣብ ተመሳሳሊ ዛዕባታት ሰፊሕ ምይይጥ ከምዝገብሩ ካብቲ ቦታ ዝመጸና ጸብጻባት ኣረጋጊጹ።

ሰሚናር ኣባል ጨንፈር ኖርወይን፣ ላዕላዋይ ሓላፊ ኣብ ቤት ጽሕፈት ጉዳያት መንእሰያት ዝኾነን ብጻይ መድሃኔ ሃብተዝጊ ዝተመርሐ ኮይኑ፣ ኣቦ መንበር ጨንፈር ብጻይ ማሕደር ዕቁባዝጊ ንተጋባእቲ ሰሚናር ብናይ ዕንቛዕ ብደሓን መጻእኩም ቃልን፣ ነቶም ነዊሕ መንገዲ ተጓዒዞምን ብዙሕ ወጻኢታት ገሮምን ገንዘቦምን ግዝዪኦምን ወፍዮም ተሳተፍቲ ናይቲ ሰሚናር ዝኾኑ ኣባላት ፍሉይ ሞጎሱ ብምቅዳም፣ መኽትፈቲ ቃል ብምስማዕ ነቲ ሰሚናር ከፊቱ መድረኽ ንብጻይ መድሃኔ ኣረኪቡ።

ኣቦ መንበር ቤት ጽሕፈት ጉዳያት መንእሰያት ሰደህኤ ዝኾነ ብጻይ መድሃኔ ሃብተዝጊ፣ ድሕሪ ናይ እንቛዕ ብደሓን መጻእኩም ሰላምታ ንተሳተፍቲ ሰሚናር፣ ንተደላይነት ናይቲ ሰሚናር ምስ መደብ ምሕዳስ ሰልፊ ኣዛሚዱ እኹል መብሪሂ ድሕሪ ምሃብ፣ ኣስዒቡ ኣብቲ ቐንዲ ኣጀንዳታት ናይቲ ሰሚናር ኣምሪሑ።

ከም ዝዝከር ኮንፈረንስ መላእ ዞባ ኤውሮጳ ኣብ

1.   ደሞክራስን፣ ግዝኣተ ሕግን፣ ትካላዊ ኣሰራርሓን ኣብ ሰልፊ

2.   ዝምድናታት ሰልፊ ምስ ኤርትራውያንን ዘይኤርትራውያንን ፖለቲካውን በርገሳውን ሓይልታት

3.   ኣብ ተሓድሶ ሰልፊ እንታይ ክግበር ይከኣል? መዓስከ?

ኣብ ዝብል ዛዕባታት ተጸሚዱ ናይ ሰለስተ መዓልታት ጽዑቕ ዓውደ መጸናዕቲ ኣካይዱ ነይሩ። መቐጸልታኡ ዝኾነ ሰሚናር ጨንፈር ኖርወይውን ካብዚ ዛዕባታትዚ ከይወጸ፣ ኣብ ህይወት ሰልፍን ጨንፈርን ኣተኲሩ ዓሚቊ ክትዓት ኣካይዱ። ተሳተፍቲ ሰሚናር ኣብቲ ብብጻይ መድሃኔ ዝቀረበ ወረቃቅትን ዝተዋህበ መደረን ንዘይ በርሀን ዝያዳ መብሪሂ ንዘድልዮን ነገራት ከም ሕቶ ኣልዒሎም ኣዕጋቢ መልሲ ድሕሪ ምርካብ፣ ኣብ ናይ ለበዋ መድረኽ ተሰጋገሩ። ኣብ ለብዋኦም እውን ደምበ ደለይቲ ፍትሒ ብሓፈሻ ብምፍልላይን ምፍንጫልን ዝልለ ኮይኑ፣ ሰደህኤ እውን ኣብ ናይ ዝሓለፉ ዓመታት ተሞክሮኡ ካብዚ ጽልዋዚ ከምዘይደሓነ ብምዝኽኻር፣ ኣብ ሰልፍና ዳግማይ ምፍንጫል ንኸየጋጥም ነፍሲ ወከፍ ባእታ ኮነ መሪሕነት ሰልፊ ንህልው ኩነታት ህዝብናን ሃገርናን ኣብ ቅድሚት ሰሪዑ ክቃለስ እንክምሕጸኑ፣ ጥሕሰት ዝተሰማመዕካሉ ሕግታት ተጻዊርካ ብምኻድ ዝመጽሕ ሓድነት ከምዘየሎ ግን ተሳተፍቲ ሰሚናር ብትሪ ኣስሚሮምሉ።

ኣብ መወዳእታውን፣ ተሳተፍቲ ሰሚናር ኣብ ክንደይ ናይ ጉዕዞን ድርብ ናይቲ ምዱብ ወርሓዊ ውጺኢቶምን ፣ ንምሕያል ሰልፍናን፣ ንምዕዋት ፖለቲካዊ መደባትናን፣ ንምትብባዕ መሪሕነትናን ብምባል ናይ ኣስታት 1000፣ ሓደ ሽሕ፣ አውሮ ወፈያ ኣበርኪቶም።

ዓዲ እንግሊዝ ዝምቕማጡ ኣቦ መንበር ሰልፊ ነበር ክቡር ብጻይ ሓምድ ድራር እውን ብናይ ኣጋጣሚ መገሻ ኣብቲ ሰሚናር ተረኺቡ፣ ኣብ ነፍሲ ወከፍ ህሞት ተወሳኺ መብሪሂ ብምሃብ፣ ነቲ ክትዓት ሰሚናር ኣብ ምጥርናፍን ምውህሃድን ዓቢ ግደ ከምዝተጻወተን፣ ኣብ ሰልፍና ንምሕያል ዝሕግዝ ናይ ሪኢቶ ፍልልያት እምበር ናብ ምፍንጫል ዘምርሕ ፍልልያት የለን፣ ስለዚ ዳግማይ ፍልልያት ንኸይህሉ ካብ ዝብል ስኽፍታ ተገላገሉ ብምባል ቃለ ጽንዓትን ተወፋይነትን ብምስማዕውን ንኣባላት ጨንፈር ሞራላዊ ሓይሊ ከምዘሰንቀዎምን ከምዘተባበዖምን ጸብጻባት ናይቲ ሰሚናር የረጋግጽ።

ዓወት ንፍትሓዊ ቃልስና!!!

ክፍሊ ዜናን ሓበረታን ሰደህኤ ጨንፈር ኖርወይ  

ኣሳናዳኢት ሽማግለ ናይቲ ካብ ዕለት 04-06 ነሓሰ 2017 ዝካያድ ብኤርትራዊ ዲሞክራስያዊ  ማሕበር ኣብ ጀርመንን ጨናፍር ሰዲህኤ ኣብ ኤውሮጳን ኣብ ምድላው ዘሎ ፈስቲቫል ፍራንክፎርት ብዕለት 01.05.2017 ኣኼባኡ ኣሰላሲሉ። ዕላማ ናይቲ ኣኼባ ተበጺሑ ዘሎ መስርሕ ምስንዳእ ንምግምጋምን መጻኢ ስራሓት  ፈስቲቫል ኣብ ምምላእ ክውሰድ ዘለዎ ስጉምትታት ንምርኣይን እዩ ነይሩ።

ኣሳናዳኢት ሽማግለ ፈስቲቫል 2017፡ ናይ ሎሚ ዓመት ፈስቲቫል ሓያሎይ ኣገደስቲ መደባት ንምእንጋድ ኣብ ምስራዕ ኣብርእሲ ምህላዉ ብፍላይ ብምትእስሳር መንእሰያት ሰልፊ ዲሞክራሲ ህዝቢ ኤርትራ መድረኻውያን ዝኮኑ ድራማታትን ኩነታት መእሰያት ኤርትራ ዘመልክት ኣስተምህሮታት  ኣብምስንዳእ ብምህላዎምን ፍሉይን ኣገዳስን ዝገብሮ ምዃንኑ ርእዩ። ብዘይካዚ ፈስቲቫል ኮነ ካልእ ኣንጻር ምልኪ ደው ብዝበሉ ተቓወምቲ ኣካላት ዝጽዋዕን ዝዳሎን ዕማማት ናይ ኩለን ኤርትራውያን ፖለቲካዊ ሓይልትትን ማሕበራትን  ስራሕ ከምዝኾነ ብምግንዛብ ዓዳምን ተዓኣምን ዘድልዮ እዃ እንተዘይኮነ፡  ዝጸንሐ ኣታሓሕዛ ዕድመ ዳግመ ግምት ከምዘድልዮ ተሓቢሩ ኣሎ። በዚ መሰረት ናይዚ ዓመት ፈስቲቫል ፍራንክፎርት ሓቢርና ንቃለስ፣ ምልኪ ክድምሰስ!! ኣብትሕቲ ዝብል መሪሕ ጭርሖ ክካየድከምዝኾነ እውን ተፈሊጡ ኣሎ።

በዚ ኣጋጣሚ ኩሉ ደላይ ለውጢ ፈስቲቫል 2017 ፍራንክፎርት ውራይ ናይ ኩልና ምዃኑ ተገንዚቡ ንኽሳተፍ ደጊምና ብኽብሪ ነዘኻኽር።

ሰልሲ ደሞክራሲ ህዝቢ  ኤርትራ (ሰደህኤ) ናብ ወጻኢ ጉዳይ ሚንስተራት ኢውሮጳ ኣብ ዝለኣኾ ተደጋጋሚ መዘክራት፡ መንግስታት ኤውሮጳ ኣብ 2016-2017 ነቲ ፓርላማ፡ ቤት ምኽሪ ሚንሲተራትን ናይ ፍርዲ ኣካላትን ሆላንድ ክወስድዎ ዝጸንሑ መርገጻትን ናይ 14 ማዝያ 2017 ውሳነ ከንቲባ ከተማ ቨልደሆቨን ንምእጋድ ኮንፈርንስ ደገፍቲ ጸረ-ህዝቢ መንግስቲ ኤርትራ እንተላይ እቶም ኤሪ-ደም ዝብል መለልይ ዝለጠፉ መንእሰያት እገዳ ኣስዒቡ እዩ። እዚ ኮንፈረንስ ብላዕለዋይ ኣማኻሪ ዲክታቶር ኢሳይያስን ካብቶም ብተደጋጋሚ ሰብኣዊ መሰል ብምግሃስ  ብሕቡራት መንግስታት ብገበን ካብ ዝኽሰሱ ሓደ ከም ዝኾነ ዝግመትን የማነ ገብረኣብ ክምራሕ ዝተመደበ እዩ ነይሩ። 

ሰደህኤ ናይ ኩሉ መዘክራቱ ቅዳሕ ናብ ሚኒስተር ወጻኢ ጉዳይ ሆላንድ ብርት ኮየንደርስ ካብ ምስዳድ ሓሊፉ፡  ንኹሎም ብዘይምስልካይ ንወጻዒ ተግባራት ኤምባሲ ኤርትራ ኣብ ሃገሮም መሳርሒ ህግደፍ ዝኾነ ክንፊ መንእሰይ ህግደፍን ክቃወሙ ንዝጸንሑ ናይታ ሃገር ላዕለዎት ሓለፍቲ ኣመስጊኑ። 

  “ብኽብረትኩም ንኣካላት ወጻዒ ኣካል ኤርትራ ኣብ ሃገራትኩም ዕድል ኣይትሃቡ” ኣብ ትሕቲ ዝብል ዝተዳለወ፡ መዘክራት  ሰደህኤ፡ ናብ እዞም ዝስዕቡ ወጻኢ ጉዳይ ሚኒስተራት ኤውሮጳ ተላኢኹ እዩ። ወ/ሮ ዋርጎት ዋልስትሮየም ናይ ሽወደን፡ ሲግማር ጋብርኤል ናይ ጀርመን፡ ቦሪስ ጆንሶን ናይ ዓባይ ብሪጣንያ፡ ላዩረንት ፋቡይስ ናይ ፈረንሳ፡ ኣንጀሊኖ ኣልፋኖ ናይ ጣልያን፡ ዲዴር ረይንደርስ ናይ በልጅም፡ ቦርጅ ብረንደ ናይ ኖርወ፡ ኣንድረስ ሳሙየልሰን ናይ ደንማርክን ዲዴር ቡርካልተር ናይ ስዊዘርላንድ።

ነቲ ኣብ ዝሓለፈ ዓመታት እዚ መሳርሒ ህግደፍ ዝኾነ ኤሪ-ደም እናተባህለ ዝጽዋዕ ኣካል ኮንፈረንሳት ከካይድ ክፍቀደሉ ዝጸንሐ ዕድላት ብዝምልከት፡ ሰደህኤ ኣብ መዘክራቱ እዚ መደብዚ ኣተሓሳስባ ኤርትራ ዝመበቆሎም ኤውሮጳውያን መንእሰያትን ስደተኛታትን  ንምብልሻውን ንምምራዝን፡ ከምኡ እውን ብዛዕባቲ ኣብ ኤርትራ ዘሎ ወጻዒ ጉጅለ ግጉይ መልእኽቲ ንምትሕልላፍ ምዃኑ ከመልክት ጸኒሑ እዩ።

ኣብ ክንፊ መንእሰይ ህግደፍ ጉጅለታት ኤሪ-ደም ወርትግ ንህውከት ቅሩባት እዮም

 ከምቲ ኩሉ ናይ ቅድሚኡ ዝነበረ፡ እዚ ናይዚ ቀረባ ግዜ ናይ ሆላንድ ፈስቲቫል መንእሰያት ህግደፍ ብኤርትራውያን ተሓለቕቲ ደሞክራሲ ተቓውሞ ከጋጥሞ ጸኒሑ እዩ። ደገፍቲ ህግደፍ ኩሉ ግዜ ንዕግርግርን ህውከትን ዝተሰለፉ ምዃኖም ብምርዳእ፡ ደገፍቲ ደሞክራሲ ብኣንጻሩ ወትሩ ሰላማዊ ኣገባብ ተቓውሞ እዮም ዝመርጹ። እቲ መዘክራት ናይ ኤርትራውያን ተሓለቕቲ ደሞክራሲ ኣብ ኤውሮጳ፡ ኣብዚ እዋንዚ በቲ ብንግስነት ሆላንድ ዝተወስደ ስጉምቲ ብኸምዚ ዝስዕብ ብዙሕ ምኽንያታት ዝተባብዕ  እዩ።  

• ተስፋ ዝህብ መርገጽ መሪሕ ሰልፍታት ሆላንድ ኣብ ፓርላማ ኣብ ወርሒ ሰነ 2016 ኣብ ልዕሊ ዘይሕጋዊ ተግባራት ኤምባሲ ኤርትራን ከም ክንፊ መንእሰያት ዝኣመሰሉ መሳርሕታቱን ስጉምቲ ክውሰድ ምጽውዖም።

• ቤት ፍርዲ ሆላንድ ኣንጻርቶም እዝንን ዓይንን ናይቲ ኣብ ኤርትራ ዘሎ ወጻዕን ጸረ-ህዝብን ጉጅለ ኮይኖም፡ ኣብ ልዕሊ ምእንት ሲቪላዊ መሰል ዝተሕለቑ ሆላንዳውያንን ኤርትራዊ ስደተኛታትን ብዝፈጠርዎ ስግኣት ኣብ ልዕሊኦም ዝወሰዶ ስጉምቲ።  

• ኣገዳሲ ተዓቅቦ ብቤት ምኽሪ ሚኒስተራት ሆላንድ ብዛዕባ ምክያድ ኮንፈረንስ መንእሰያት ህግደፍ 2017ን ብሓፈሻ ብላዕለዎት ሓለፍቲ እታ ሃገር ዝተዋህበ መፍትሒ ክሳብ ናብ ምዕጻው ኤምባሲ ኤርትራ ዝመጣጠር መጠንቀቕታን። እዚ ዝተጋህደ ድማ ኣባላት እቲ ኤምባሲ ካብ ዘይሕጋዊ ተግባራትን ዘይምኽኑይ ምውጻእ ገንዘብ ካብ መበቆል ኤርትራን ስለ ዘየቋረጽዎን እዩ።

• ናይ 14 ማዝያ 2017 ውሳነ ከንቲባ ቨልድሆቨንን እዚ ውሳነኡ ብናይ ሆላንድ ናይ ፍትሒ ቤት ፍርዲ ደገፍ ምርካቡን።

መልእኽቲ ሰልፊ ደሞክራሲ ህዝቢ ኤርትራ (ሰደህኤ) ኣብ መዛዘሚ፡  መንግስታት ኤውሮጳ ንምንቅስቓስ ኤምባሲ ኤርትራ ኣብ ሃገራተን ብተገዳስነት ክከታተላን ንኤርትራውያን ተሓለቕቲ ደሞክራሲ ክሕግዛን ኣትሪሩ ጸዊዑ። ኣተሓሒዙ ድማ ንጉጅለ ህግደፍን ናይ ህውከትን ጽልእን ኣካላቱን ኣብ ኤውሮጳ ናይ ምግባእ ዕድል ከይረኽቡ ጸዊዑ። 

In  a chain of memorandums sent to European foreign ministries in the past few days, the Eritrean People's Democratic Party (EPDP) drew the attention of European Governments to the commendable position during 2016-2017 of the Dutch Parliament, the Cabinet, the judicial system, and, equally importantly, the 14 April 2017 decision by the Mayor of Veldhoven in the Netherlands, banning a conference of Eritrean regime supporters, including the Eri-Blood thugs,  that was due to be addressed by Yemane Ghebreab, the senior advisor of the Eritrean dictator, and highly probable to be one of those in a tentative UN inquiry commission list of perpetrators of 'crimes against humanity' in Eritrea.

Besides copies all memorandums to the Dutch Foreign Minister Bert Koenders, the EPDP also once more hailed concerned Dutch authorities for persistengly condemning and discouraging the continuation of abusive measures of the Eritrean embassy and regime agents like the Y-PFDJ in the Kingdom of the Netherlands.

Under the subject entitled "Kindly Deny Venue to Organs of the Eritrean Regime" country"  in your respective countries, the EPDP memorandums were addressed separately to the following European foreign ministers: Ms Margot wallstroem, Sweden; Messrs. Sigmar Gabriel, Germany; Boris Johnson, UK; Laurent Fabius, France; Angelino Alfano, Italy; Didier Reynders,  Belgium, Borge Brende, Norway;  Anders Samuelsen, Denmark,  and Didier Burkhalter, Switzerland.

Regretting the past undeserved permissions for conferences granted to the  so-called Young-PFDJ,named after the Eritrean regime's ruling party (the PFDJ/Popular Front for 'Democracy and Justice'), the EPDP memorandums informed the addressee Governments that such Asmara regime events were aimed to brainwash and poison young Europeans of Eritrean origin and Eritrean refugees with the wrong messages of the cruel regime in Eritrea. 

Like most of the Y-PFDJ festivals of the past, this event in the Netherlands was opposed by pro-democracy Eritreans; it eventually become detrimental to safely and security of peaceful residents and the demonstrators themselves because the Y-PFDJ and their Eri-Blood brigade of thugs are always prone to violence.

Eri-Blood units in the Y-PFDJ are always ready for intimidation and violence.

The memorandums further stated that Eritrean pro-democracy activists in Europe now have all the reasons to be encouraged by the measures started to be taken by concerned authorities in the Kingdom of the Netherlands, like:

Ø  The promising stand of major Dutch parties in Parliament in June 2016 vowing to take necessary action against illicit activities of the Eritrean embassy staff and its agents like the  Y-PFDJ in their country;

Ø  the Dutch court decision in January condemning Y-PFDJ funs as "eyes and ears" of the repressive regime in Eritrea and penalizing them for their egregious threats against ad Dutch civil rights advocates and Eritrean refugees in the Netherlands;

Ø  The serious reservations expressed by the Dutch Cabinet about the holding of the Y-PFDJ conference in 2017 and the general resolve of the Dutch authorities warning to go to the extent of shutting down the Eritrean diplomatic presence in the country if the embassy staff continue to misbehave and refuse to stop the illegitimate collection of funds from persons of Eritrean origin; and, most of all,

Ø  The decision of 14 April 2017 by the Mayor of Veldhoven to ban the conference, and the support given to that decision a Dutch court of law!

In conclusion, the EPDP messages strongly appealed to European Governments to follow up the sinister activities of the Eritrean embassies in their respective countries and kindly support pro-democracy Eritreans by denying any venue for meetings of PFDJ and its agents of hate, control and intimidation in Europe.

ንዝኽሪ ብጻይናን ሓውናን ኣልኣዛር ቀለተ፡ 16.04.16 ጀርመን ዝዓረፈላ ዕለት ኢያ። ነዛ ዕለት መሰረት ብምግባር ልክዕ ኣብ ዓመቱ ኣባላት ሰ.ዲ.ህ.ኤ ጀርመን ጨንፈር ደቡብን ቤተሰቡን፡ ብሓደ ንነውሕ ዓመታት ዝተጓዓዝና ብጾት መቃብሩ ክንበጽሕ ሕውነትና ክንምስክር ብጸሎትናን ክንዝክሮ ኣብ መዓልቱ መዲብና ኣብ መቃብሩ ብምብጻሕና ከነዘኻኽረኩም ንፈቱ።

ናይ ኣልኣዛር ሓውናን ብጻይናን፡ ጽንዓቱን ቃልሱን ሕውንነቱን ዘይርሳዕ ኣብነታዊ ተመክሮ ስለ ዘርኣየና ምስጋና ይብጸሓዮ፡ ኣምላኽ ክኣ ዘለኣለማዊ ዕረፍቲ ይሃቦ፤ ንቤተሰቡን መቕርቦምን እውን ጽንዓት ይሃቦም። በዚ ኣጋጣሚ ንኵሉ ኤርትራዊ፡ ሞት ዝያዳ ንኣብ ስደት ዘሎና ዝትንክፍ ስለ ዝኾነ ንዅላትና ክእለትን ሓይልን ጽንዓትን ይሃበና።

መበል 13 ዓመታዊ ኣኼባ ናይቲ ኣብ ኤውሮጳ ንወጻዒ ስርዓት ህግደፍ ዘገልግል ኣካል ብናይ ሓባር ድምጽን ተግባርን ኣብ ኔዘርላንድስ ዝርከቡ ኤርትራውያን ብምትሕብባር ኣብ መላእ ኤውሮጳ ዘለዉ መቓልስቶም ኣበርዒኑ። ንተግባራት ህግደፍ ዝኹን መዘክራት ሰደህኤ እዚ ኣኼባ ንምክያድ ክንቀሳቀሱ እንከለዉ ኣብ ኢድ ሓለፍቲ ኔዘርላንድስ ነይሩ እዩ። እዚ ሓደ ኣካል ናይቲ ናይ ተቓውሞ መልእኽታት እዩ። እዚ ዓመታዊ ተረኽቦ ናይ መህግደፍ (ክንፊ መንእሰይ ናይቲ ኣብ ኣስመራ ዝዓረደ ህዝባዊ ግንባር ንደሞክራስን ፍትሕን)  ኣብ 13ን 17 ማዝያ 2017 ኣብ ሆላንድ ከተማ ቨልድሆቨን ክካየድ እዩ ተመዲቡ ነይሩ። እንተኾነ ቅድሚ ላዕለዋይ ኣማኻሪ ዲክታቶር ኢሳይያስ ኣፈወርቂ የማነ ገብረኣብ ከምቲ ዝለመዶ ምምዳሩ እዩ ምሉእ ብምሉእ ተኣጊዱ።

ከንቲባ ከተማ ቨልድሆቨንን ንሱ ዝመርሖ ሽማግለን ኣብ ከባቢ እቲ ኣኼባ ክግበረሉ ተሓሲቡ ዝነበረ ቦታ ይቃወሙ ካብ ዝነበሩ ኤርትራውያን 100 ዝኾኑ ምስተኣስሩ ናይ ጸጥታ ሓደጋ ከየስዕብ ብምስጋእ ብ14 ማዝያ እዮም ነቲ ኣኼባ ኣጊደምዎ። ናይቲ ኣብ ኤርትራ ዝፍጸም ዘሎ ገበናት ሃንዳሲ ዝኾነን ብሕቡራት ሃገራት ኣብ ዝርዝር ገበነኛታት ዝሰፈረን የማነ ገብረኣብ ኣብቲ ኣኼባ ክህሉ እዩ ምስተባህለ፡ ክሳብ 2,500 ዝኾኑ ኤርትራውያን ካብ ኔዘርላንድስ ወጻኢ ከባቢ ኤውሮጳ ኣብ 15 ማዝያ ናብቲ ቦታ ኣኼባ ክመጹ መደብ ከም ዝነበረ ዝሕብር ጸብጻባት ማርቲን ፕላውት  እውን ነይሩ እዩ።

ሰልፊ ዲሞክራሲ ህዝቢ ኤርትራ (ሰዲህኤ) ብዛዕባዚ ጉዳይ ንመንግስታት ጀርመን፡ ሽወደን፡ ኖርወይ፡ ኢጣልያ፡ ዋላውን ንኔዘርላንድስ ነዚ መንግስቲ ህግደፍ ኣተሓሳስባ መንእሰያት ንምብልሻው ዝጥቀመሉ ኣኼባ ከየፍዱ ከተሓሳስብ ጸኒሑ እዩ። ሰደህኤ ብኣድራሻ ወጻኢ ጉዳይ ሚኒስተር ንግስነት ኔዘርለንድስ ኣቶ በርት ኮአንደርስ ኣብ ዝለኣኾ፡ እዚ መሳርሒ ወጽዓ ህግደፍ ዝኾነ ፈስቲቫል ኣብ ኔዘርላንድስ ክጋባእ ፈቓድ ምርካቡ፡ ዓሚቕ ሻቕሎቱ ዘንጸባርቕ ናይ ተቓውሞ መዘክር፡ ልኢኹ’ዩ።  

 እቲ መዘክር፡ “ንሕና ሰዲህኤ እዚ ተግባር ነቲ ቅድሚ ሕጂ በቲ ንኔዘርላንድስ ዝመርሕ ዘሎ ፓርላማ ዝመርሖ ቤት ፍርዲ ብዛዕባዚ ሕጂ ክእከብ ዝደሊ ዘሎ ኣካል ንእተዋህበ ብይንን ተሪር መርገጽ መንግስቲ ኔዘርላንድስ ኣንጻር ግህሰታት ዲክታቶርያዊ ስርዓት ኤርትራን ዝጻባእ እዩ ዝብል እምነት ኣለና” ዝብል ትሕዝቶ ነይርዎ።