http://ascenteq.com/project/epdp

ካብ ርሑቅን ቀረባን ኩርናዓት ሃገረ ኖርወይ ብብዝሒ ኤርትራውያን ኖርወጃውያንን ዝተሳተፍዎ ዓቢይ ሰላማዊ ሰልፊ ብዕለት 28  መስከረም 2016 ኣብ ከተማ ኦስሎ ኖርወይ ተኻዪዱ። እቲ ሰላማዊ ሰልፊ  ብደለይቲ ፍትሒ ዝኾና ኤርትራውያን ኣደታት ንሰላም ተቀማጦ ኦስሎ ዝተዳለወ ኮይኑ፣ ምልካዊ ስሮዓት  ኣብ ኤርትራ ዝውግድን፣ ነቲ ብወኪል ቁንስላዊ ቤት ጽሕፈት ስርዓት ህግዲፍ ኣብ ኦስሎ ኣቢሉ ዝኽፈል ሕጋውነት ዘይብሉ 2% ብትሪ ዝቃወምን እዩ።

ብመሳሪዕ ተወዲቦም ኣብ ከባቢ ሰዓት 2 ድሕሪ ቀትሪ ካብ ማእከል ከተማ ኦስሎ ዝነቀሉ ሰልፈኛታት፣ ብቀዳምነት ኣብ ኣፍደገ ናይ ረብሓ ቤት ጽሕፈት ቁንስላዊ ጉዳያት ህግደፍ ብምቋም፣ እዚ ቤት ጽሕፈትዚ ይተዓጾ! ክብሉ ንገለ ደቃይቅ ተቃውሞኦም ኣስሚዖም። ሰልፈኛታት ብምቅጻል፣ ልክዕ ሰዓት ክልተን ፈረቃን ኣብ ቅርዓት ቤት መንግስቲ ኖርወይ በጺሖም። ኣብኡውን ንንውሕ ዝበለ ግዜ ብክብ ዝበለ ድምጺ ተቃውሞኦም ንስርዓት ህግደፍን፣ ምኽፋል ዘይሕጋዊ ዝኾነ 2% ንስርዓት ኣስመራን ኣስሚዕም፣ መንግስቲ ኖርወይ ሓቀኛ ስጉምቲ ክወስድ ከምዘለዎውን ኣተሓሳሲቦም። ብርክት ዝበሉ መደረታትን ኣስተምህሮታትን ብዝተፈላለዩ ተሳተፍቲ ናይቲ ሰላማዊ ሰልፊ ተዋሂቦም።

መደረ ካብ ዘስምዑ ሓያለይ ሰባት ሓደ፣ ፊን ቮገ (FINN VAAGE) ዝተባህለ ኖርወጃዊ ኣባል ማሕበር ኤርትራውያን ኖርወጃውያንን ደለይቲ ፍትሒ ኣብ ከተማ ስታቫንገር ኮይኑ፣ ናብቲ ሰላማዊ ሰልፊ ንኽሳተፍ ኣስታት 7 ሰዓታት ብባቡር ተሳፊሩ ዝመጸ ነበረ። ፊን ቮገ ኣብ መደረኡ፣ ኤርትራውያን ጥዑማትን ሕያዎትን ኢኹም። እንተኾነ ፖለቲካዊ ሓይሊ ኣብ ሃገርኩም ብሓደ መላኽን ጨቋንን ዝኾነ ስርዓት ስለዝተገበተ እዚ እንርእዩ ዘሎና መከራ ክበጽሓኩም ኪኢሉ ከምዘሎ እፈልጥ ክብል ጀሚሩ ሰፊሕ መደረ ኣስሚዑ። ኣብ መወዳእታ ዘረብኡ ኣቶ ፊን ንሕና ኣብ ከተማ ስታቫንገር ዘሎና ኤርትራውያንን ኖርወጃውያንን ኣብ ማሕበር ተጠርኒፍና ንዲክታቶርያዊ ስርዓት ኣስመራ ንምክቶ ኣሎና፣ እዚ ከምዚ ዓይነት ጥርናፈ ድማ ብቀዳምነት ኣብ ዝተፈላለያ ከተማታት ኖርወይ ተመስሪቱ ክምዕብል ኣለዎ፣ ካብኡ ቀጺሉ ድማ ኣብ ዝተፈላለየ ሃገራት ኤውሮጳ ክላሓም ሓቢርና ክንሰርሕ የድልየና ክብል ኣተሓሳሲቡ።

ንመንግስቲ ኖርወይን ንሰልፉን ወኪሉ ናይቲ ሰልፊ መልእኽቲ ዝተቀበለን ንሰልፈኛታት መደረ ዘስመዐን ሓደ ካልእ ወኪል መድደረ። ንሱ ኣብ ዘስምዖ መደረ ኤርትራውያን ከምዚ ተወዲብኩም ክትሰርሑን ተኣኪብኩም ክትመጹናን ደስ ይብለና፣ ቀጽሉ። ኣአውን ንመንግስቲ ኖርወይ ወኪለ ኣብ ውድብ ሕቡራት ሃገራት ተዓዛቢ ስለዝኾንኩ ንጉዳይኩም ኣብ ባይቶ መንግስቲ ኖርወይን ባይቶ ህቡራት ሃገራትን ከምዝለጳልን ከምዝዝረበሉን ክገብር ብዝከኣለኒ ዓቅሚ ክጽዕር እየ ኢሉ።

ብተወሳኺ፣ ነዚ ሰላማዊ ሰልፊዚ ኣብ መድያታት ኖርወይ ንምቅላሕ ወከልቲ ዝተፈላለዩ መድያታት ከምዝተሳተፉን ንከይዲ ናይቲ ሰላማዊ ሰልፊ ከምዝቀረጹን ክፍለጥ ተኻኢሉ ኣሎ።

ወኪል ዜና ሰልፊ ደሞክራሲ ህዝቢ ኤርትራ ጨንፈር ኖርወይ

ብዕለት 28 መስከረም 2016 ኣብ ከተማ ኦስሎ ብማሕበር መንእሰያት ንለውጢ ኦስሎን ከባቢኣን፣ ሰልፊ ደሞክራሲ ህዝቢ ኤርትራ ጨንፈር ኖርወይን ዝተዳለወ ክፉት ህዝባዊ ኣኼባ ተኻዪዱ። እቲ ንሰላማዊ ሰልፊ ክብል ዝተኣከበ ህዝቢ ኣብ ጎደናታት ጨሪሑን ደምጺ ተቃውሞኡ ኣስሚዑን ጥራሕ ካብ ዝሰናበት፣ ድሕሪ ሰላማዊ ሰልፊውን ተራኹቡን ኮፍ ኢሉን፣ ብዛዕባ ሃለዋቱ ዝመኻኸረሉን ዝላዘበሉን ባይታ ክፍጠረሉ ኣለዎ ብማለት፣ ኣወሃሃዲ ሽማገለ ክልቲኡ ማሕበራት ድሕሪቲ ኣብ ዕለት 28 መስከረም ኣብ ሰዓታት 2 ክሳብ 4 ዝተኻየደ ሰላማዊ ሰልፊ፣ መአከቢ ኣደራሽ ብምድላ ክፉት ህዝባዊ ኣኼባ ጸዊዑ። ተሳተፍቲ ሰላማዊ ሰልፍውን ነዚ ዕድልዚ ብምጥቃም፣ ነዊሕ ግዜ ዝወሰደ ናይ ምምኽኻርን ምምዕዓድን ዘተ ኣካይዶም።

ኣባል ኣወሃሃዲ ሽማገለ ናይ ክልቲኡ ማሕበራት ዝኾነ ብጻይ መድሃኔ ሃብተዝጊ፣ ድሕሪ ምዉቅ ሰላምታን ቃል ዕንቋዕ ብደሓን መጻእኩን ንተሳተፍቲ ኣኼባ፣ መአከቢ ዛዕባ ኩነታት ህዝብን ሃገርን፣ ኩነታት ደምበ ደለይቲ ፍትሕን፣ ሚዛን ሕብረት ኤውሮጳን መንግስታት ዓለምን ኣብ ሊዕሊ ደምበ ተቃውሞን ኣብ ሊዕሊ ስርዓት ህግደፍን ምድህሳስን ምግምጋም እዩ ክብል ኣብሪሁ። መብሪሂኡ ብምቅጻል ብጻይ መድሃኔ ፍትሕን ደሞክራስን ዝሰፈና ኤርትራ ብምፍጣር ህይወት ህዝብና ንምድሓን ሓያል ቃልሲ እነካይድ እኳ እንተኾና፣ ቃልስና ብመንጽር ዓወትና ክግምገም እንከሎ ግን፣ ድኻሙን ክሳራኡ ከምዝዛይድ ሓቢሩ። ንሱ ኣብ መብሪሂኡ ብኩራት ሓቢርካ ምስራሕ ኣብ ቃልሲ፣ ሊዕሊ ማንም ንዓና ነቶ ተቃለሲ ኣድኪሙና፣ ነቲ ድሕነቱ ብቃልሱ ከረጋግጽ ንዝደሊ ህዝብናውን ሃገራውነትን ሓድነትን ዝመለለይ መቃለሲ ባይታ ፈጢርና ከይነሳትፎን ከይንኸስቦውን መኸላእታ ኮይኑና። እቲ ዝገደደ ድማ መንግስታት ዓለምን ሕብረት ኤውሮጳው ከይተረፉ፣ ንዘይመሓየሽ ድኽመታትን ፍልልያትን ደለቲ ለውጢ ንነውሕ ግዜ ድሕሪ ምዕዛብ፣ ኣብዚ እዋንዚ ምዕልቅላቅ ዋሕዚ ሰደተኛታት ዝያዳ ኹሉ ስለዝዓጠጦም፣ ካብ ደምበ ደለይቲ ለውጢ ለውጢ ካብ ምጽባይሲ፣ ዝከኣል እንተኾይኑ ዝኣክል ሓገዛት ብምብርካት እውን እንተኾነ ንስርዓት ህግደፍ ክተመሓይሽ ምፍታ ይሓይሽ ኣብ ዝብል መርገጺ ወሲዶም ይርከቡ ኣለዉ ክብል ድሕሪ ምግላጽ፣ ደምበ ደለይቲ ፍትሒ ንኩነታት ብግቡእ ተገንዚብና ኣብ ጉዕዞ ቃልስና ናይ ምውህሃድን ሓቢርካ ምስራሕን ባህርይ ከነተኣታቱ ኣሎና ክብ ጻዊዕት ኣቅሪቡ።

ውከልቲ ማሕበር ኤርትራውያን መንእሰያት ንለውጢ ኦስሎን ከባቢኣን ዝኾኑ ብጾት መሓረና ገብረእግዚኣብሔርን ሚካኤል ፓጋነሊን ብወገኖም፣ ኩላቶም ተሳተፍቲ ኣኼባ ብናይ ሓባር ስምምዕ ካብ ዘለዎም ጥርጣረታትን ስኽፍታታትን ናጻ ብምውጻእን፣ ኣወንታዊ ሓሳባት ብምውናንን ንጥርናፈን ምውህሃድን ደለይቲ ለውጢ ዝኾኑ ሓይልታት ኩሎም ዘቀላጥፍ ናይ ሓባር ሽማገለ ክምዝዙ ጸዊዖም። 

ሓያለይ ካብ ተሳተፍቲ ኣኼባ ብወገኖም፣ ኣብ ዝተኸፍተ መኣዲ ዘተ፣ ኣብ ሓቀኛ ገምጋም ፖለቲካዊ ኩነታት ኤርትራን፣ ሚዛን ማሕበረ ሰብ ዓለም ኣብ ኩነታት ኤርትራን፣ ከምኡውን ብሃናጺ ለበዋታትን ምኽርታትን ነቲ ከይዲ ዘተ ኣጓሃሂሮሞ። ንጽላል ደለይቲ ለውጢ ዝኾኑ ሓይልታት ኣብ ኖርወይ ክነሓይሎን ክነስርሖን ዘይምኽኣል፣ ንኤርትራዊ ማሕበረኮም ኣብ ኦስሎ ኣብኡ ዓሲልና ክነበርትዖን ክነስርሖን ዘይምኽኣል፣ መአከቢ ኣደራሽ ወይ ብዋንነት ወይ ብክራይ ክንውንን ዘይምኽኣልና፣ ብደረጃ ኦስሎን ከባብን ድማ ኣብ ኣድማዒን ዝተዋሃሃደ  ናይ ሓባር  ስራሕን ዝተጸምደ ሓደ ሓያል ጥርናፈ ናይ ፖለቲካውያንን በርገሳውያንን ማሕበር ወይ ጥርናፈ ዘይምህላዉ፣ ድማ ገለ ካብቶም ኣብቲ ናይ  ከባብያዊ ገምጋም ከም ድኽመታት ዝተጠቅሱን፣ ንምፍዋሶምን ምሕያሎምን ስምምዓት ዝተገብረሎምን ነጥብታት ነበሩ።

ክፍሊ ዜናን ሓበረታን ማሕበር ኤርትራውያን መንእሰያት ንለውጢ ኦስሎን ከባብን ሰልፊ ደሞክራሲ ህዝቢ ኤርትራ ጨንፈር ኖርወይን

29 መስከረም 2016

Dear Madam/ Sir,

The human rights situation in Eritrea, in general, and the condition of the Eritrean political prisoners, in particular, has been worsening every time for the past several years until it has become a big concern at global level. As Professor Kjetil Tronvoll, a Norwegian human rights activist has aptly described it in his booklet on human rights in Eritrea (1991-2009), what prevails in that country since 1991 is a prison-like situation of a people in a siege. The endless and ever increasing exodus of people out of Eritrea is a concrete evidence for the truth of this expression. At this epoch, it is difficult to imagine for an entire nation to live for 25 long years under total deprivation and gross violation of the very basic human and political rights. Needless to say, Eritreans have been and are condemned by their own regime to live without any civil and political space one can think of: no national constitution, no national elections, no independent judiciary, no freedom of expression, no freedom of association, no freedom of religion, no freedom of mobility .. the list of no's is endless.

Only to stress, all the economic and political power is dominated by the small clique in the so-called People's Front for Democracy and Justice (PFDJ). The unjustifiable covers used to justify absolute control of economic and political life of the people include "nation-building, internal security, stability, national unity and the protection of state sovereignty."  In a word, the present and the future of the nation has been stolen - especially of its young generation, who had been hijacked by the illegitimate regime and forced to indefinite service (forced labour) nowadays being rightly equated with modern-day slavery.

The erroneous policies of the repressive regime in Asmara, including its meaningless 'self-reliance', have brought the disaster we are witnessing in Eritrea today. The only areas where the regime excelled are inhumane treatment of its own people, and building over 360 prisons where tens of thousands languished for years, and many died of bad treatment. Since the territorial 'liberation' of the country, persons  with different opinion, especially those thought to be influential to mobilize people such as senior cadres of its own and from the opposition camp, religious leaders, human rights activists, journalists, nationalistic singers, and a number of other recognized individual in the society have been kept in prisons for decades, or just disappeared.

Some reliable information from prison escapees and ex-members of prison staff discloses that many of the detainees lost their lives and others are paralyzed physically and mentally because of torture, inhumane living conditions, including inadequate food, water, health services.   

As the main objectives of the Amnesty International Norge are seeking the release of political prisoners to upholding the whole spectrum of human rights, bringing torturers to justice, change oppressive laws, and free people jailed just for voicing their opinion including ensuring humane treatment and conditions of detention for all detainees regardless of the reasons for their arrest and detention and to alleviate the suffering of their families, particularly by facilitating communication between detainees and their relatives, we the Eritrean community in Norway, therefore, wish to remind your esteemed organization to take the necessary measure to help change the situation of Eritrean prisoners and their distress of their families.

Dear Madam/ Sir,

Through this modest memorandum, we once more wish to request the Amnesty International Norge to redouble its efforts in playing a tangible role in:

Ø  Helping stop torture and other forms of ill-treatment up on all Eritrean prisoners;

Ø  Release of all prisoners of conscience without conditions;

Ø  Address the ongoing disappearance of Eritreans and their incommunicado imprisonment;

Ø  Improvement of conditions of detention as regards food, water and health services Including an end to prolonged solitary confinement;

Ø  Effective legal process so that people can challenge their detention and treatment.

Ø  Independent Monitoring bodies make regular visits to detention places.

Ø  Rapid and regular access to lawyers, doctors and relatives.

Ø 

Ø  Restoring the right of family visitations to Eritrean prisons;

Ø  To ensure respect for legal safeguards and

Ø  Facilitate the release of the detainees and their return to their society.

Finally, we believe that the Amnesty International Norge, in cooperation with fraternal organizations like the International Amnesty, concerned Norwegian and Eritrean authorities, the Norwegian Red Cross and ICRC and other non-governmental organizations, would bring  change in the life and condition of the Eritrean prisoners.

Respectfully yours,

1, Medhanie Habtezghi                  (Eritrean Peoples’ Democratic Party) -------------------

2, Dawit Araya Tesfu                       (Eritrean Peoples’ Democratic Party) ------------------

3, Mebrat Berhane                           (Eritrean Peoples’ Democratic Party)  ------------------

4, Nureldaim A Mohammed           (Eritrean Youth for Change)               --------------------

5, Michele Pagallino                       (Eritrean Youth for Change)               -------------------

6, Senait Teweld Ilfu                       (Eritrean Youth for Change)               --------------------

Oslo, 26 09 2016

ንሰልፊ ደሞክራኢ ህዝቢ ኤርትራ ጨንፈር ኖርወይን ንስምረት ኤርትራውያን መንእሰያት ንለውጢ ኣብ ኦስሎን ከባቢኣን ዝውክል ሓደ ናይ ሓባር ልኡኽ ኣብ ማእከላይ ቤት ጽሕፈት ኣምነስትይ ኢንተርናሽናል  ኖርወይ (Amnesty Internationa Norway) ብዕለት 26 መስከረም 2016 ምብጻሕ ፈጺሙ። እቲ ጉጅለ ልኡኽ ብኣቦ መንበር ቤት ጽሕፈት ጉዳያት ሰልፊ ደሞክራሲ ህዝቢ ኤርትራ  ብጻይ መድሃኔ ሃብተዝጊ ዝተመርሐ ኮይኑ፣  ብጻይ ኢሳያስ ሓጎስ ካብ ሰልፊ ደሞክራሲ ህዝቢ ኤርትራ፣ ከምኡውን ወከልቲ ኣባላት ማሕበር መንእሰያት ንለውጢ ኦስሎን ከባቢኣን ዝኾኑ ብጾት ሰናይት ተዎልደ፣ ሚካኤል ፓጋነሊን፣ ኑርኣዳይም ኣደም መሓመድን  ዝቆመ ሓምሽተ ዝኣባላቱ ነበረ። ኣቀዲም ኣቢሉ ብዕለት 23 መስከረም 2016 እውን ሓደ ካልእ ጉጅለ ናይዚ ማሕበራት ብተመሳሳሊ ዕላማ ምስ ኣሰናዳዊ ዕለታዊ ዜና ናይ ኡትሮፕስ ዝተባህለ ጉጅለ ጋዜጠኛታት ዝኾነ ኣቶ ኣረ ቮግት ሞኡም ( Are Vogt Moum)ተራኺቡ ከምዝነበረን ተመሳሳሊ ሓበረታ ከምዝሃበን ክፍለጥ ተኻኢሉ ኣሎ።

ወኪል ክልቲኡ ማሕበራት ዝኾነ ልኡኽ ኣብቲ ናይ ምብጻሕ ተልእኾኡ ኣብ  ጠረጴዛ ኣህጉራዊ ጉዳያት ንኩነታት ቀርኒ ኣፍሪቃ ምስ ዝከታተል በዓል መዚ ኣቶ ጀራልድ ካዶር ( GERALD KADOR FOLKVORD) ተራኺቡ፣ ምስቲ ብጽሑፍ ዘረከቦ መተሓሳስሰቢ ድማ እቲ ጉጅለ ልኡኽ ኣብ ኩነታት ሕልሉፍ ግህሰት ሰብኣዊ መሰላት ኣብ ኤርትራ ብሓፈሸ፣ ብፍላይ ድማ ኣብ ኩነታት ናይ ፖለቲካ እሱራትን ስድራቤታቶምን ኣተኲሩ ሰፊሕ መብሪሂ ሂቡ። እቲ ጉጅለ ኣብ መግለጺኡ ስርዓት ፕረሲደንት ኢሳያስ መሰል ደቂ ሰባት ዝሕመረቶም ዝተፈላለዩ ኣህጉራዊ ውዕላትን ስምምዓትን ንምትግባሮም ዝተቀበልን ዝፈረመኳ እንተኾነ፣ ንማሕበረ ሰብ ዓለም ኣደናጊሩ፣ ካብ ዝፈረመሉ ኣህጉራዊ ግቡኣቱ ሪሒቁ፣ ካብ 1991 ኣትሒዙ ክሳብ ሎሚ ብዘይ ዝኾነ ክስን ፍርድን ኣብ ዝተፈላለየ ኣብያተ ፍርዲ ዳጒኑ ዘጋፍዖምን ዘሳቅዮምን ዘለዉ ናይ ፖለቲካ እሱራት ማእለያ ከምዘይብሎም ገሊጹ። ኩሎም ናይ ፖለቲካ እሱራት ኣብ ኤርትራ ከምዝተኣሱሩ እንተዘይኮይኑ፣ ድሕሪ ምእሳሮም ኣብ ከመይ ኩነታት ከምዘለዉን ብምንታይ ምኽንያት ከምዘተኣስሩን ኣበየናይ ቦታን ኣብ ከመይ ኩነታት ከምዝርከቡን ክፍለጥ ከምዘይከኣል ድሕሪ ምሕባር፣ እዚ ኩነታትዚ ንኹሉ ማሕበረሰብ ዓለምን ህዝቢ ኤርትራን ዘሻቀለ ኮይኑ፣ ካብ ማንም ንላዕሊ ግን ንስድራቤታቶም ን10ታት ዓመታት ኣብ ከቢድ ሻቅሎት ከምዝነብሩ ዝገበረ ዘሕዝን ኩነታት እዩ ክብል እቲ ልኡኽ ኣምሪሩ ገሊጹ።

ስርዓት ኣስመራ ካብ 1991 ኣትሒዙ ንሊዕሊ 25 ዓመታት ብዘይ ቅዋምን ሕግን ዝመርሕ፣ ንግዝኣተ ሕጊ ዋጋ ዘይህብ፣ ዝኾነ ሃገራዊ ምርጫን ብዝሒ ሰልፍታትን ዘየፍቅድ፣ መትከላዊ ኣህጉራዊ መሰላት ሓሳባትካ ናይ ምግላጽ፣ ምንቅስቃስ፣ ምትእኽኻብ ወዘተ ዘየፍቅድ፣ ንኹሉ ኣፍራይን ኣድማዕን ሓይሊ ናይቲ ህዝቢ ኣብ ቲሕቲ ሃገራዊ ኣገልግሎት ዝብል ሽፋን ዘለዎ ሃገራዊ ባርነት ቆሪኑ ዝሓዘ፣ ኮታስ ንኹሉ ፖለቲካውን ቁጠባውን ሓይሊ ናይታ ሃገር ንበይኑ ገቢቱ ብምሓዝ ንህዝቢ ኣብ ትሕቲ ዕጹብ ኣርዑት ምልኪ ተምበርኪኹ ከምዝነብር እንዳ ፈለጠ፣ መንግስታት ኤውሮጳ ጥራሕ ዘይኮነስ ሕብረት ኤውሮጳውን ብቀንዱ ምስዚ መላኺ ስርዓትዚ ክደናገጽ ምፍታኑ፣ ዝሕዝንን ግርምቢጣዊ ኣካይዳን ከምዝኾነ እቲ ልኡኽ ወሲኹ ሓቢሩ።

ብምቅጻል እቲ ጉጅለ፣ ኣምነስትይ ኢንተርናሽናል ኖርወይ፣ ምስ ኩሎም ዝምልከቶም ኣህጉራውያንን ከባብያውያንን ኣካላት ተወሃሂዱ ብምስራሕ፣ ደሃይ ናይዞም ን10ተታት ዓመታት ሃለዋቶም ዝጠፍአ ናይ ፖለቲካ እሱራትን ስድራቤታቶምን ክገብርን፣ ንምፍትሖምን ብስድራቤታቶም ናይ ምብጻሕ ባይታ ንኽፍጠርን ጺዒቱ ክሰርሕ ተማሕጺኑ።

ኣቶ ጀራልድ ካዶር ብወገኑ፣ ምስቲ ኮሚሽሽን ምርማሪ ሰብኣዊ መሰላት ሓቡራት ሃገራት ኣብ ኤርትራን ዝሃገቶን፣ ዝተፈላለያ ሻራ ዘይብለን ኣህጉራውያን ዘይምንግስታውያን ትካላትን ዝወሃብ ሓበረታን፣ ምስቲ ካብ ቤት ጽሕፈት ኣምነስትይ ኢንተርናሽናል ኣብ ናይሮቢ ብቀጥታ ዝረኽቦ ጽጹይ ሓበረታን ወሲኹ፣ ኩነታት መሰል ደቂ ሰባት ብሓፈሻ ኩነታት ፖለቲካውያን እሱራት ድማ ብፍላይ ኣብ ኤርትራ ካብ ግዜ ናብ ግዜ ኣሻቃሊ እንዳኾነ መጺኡ ከምዘሎ ሓቢሩ። ሕብረት ኤውሮጳውን ኣብዚ ኣዋንዚ ካብ ዲክታቶርያዊ ባህርያት መንግስቲ ኤርትራን፣ ግህሰት ሰብኣዊ መሰላት ኣብ ኤርትራን ንላዕሊ፣ ብዝሒ ዋሕዚ ስደተኛታት ዝዓጠጦ ይመስል ክብል ስኽፍታኡን ቅረታኡን ገሊጹ። ንሱ ብተወሳኺ ብወገን ቤት ጽሕፈቱ፣ ዝኾነ ካብ ኤርትራን ዒራቅን ዝመጽእ ሓታቲ ዕቁባ ብግዲ ንዓዱ ክምለስ ከምዘይብሉ ደጋጊሙ ንመንግስቲ ኖርወይ ከተሓሳስብ ከምዝጸንሐ ሃቢሩ፣ ንኩነታት ሰብኣዊ መሰላት ኣብ ኤርትራ ድማ ወትሩ ከምዘከታተሎን ምስ ብጾቱ ኮይኑ ዝከኣሎ ክገብር ከምዝኾነን ተመባጺዑ።

ክፍሊ ዜናን ሓበረታን ሰልፊ ደሞክራሲ ህዝቢ ኤርትራ ጨንፈር ኖርወይን ማሕበር ኤርትራውያን መንእሰያት ንለውጢ ኦስሎን ከባቢኣን