×

Warning

JUser: :_load: Unable to load user with ID: 21

ነጻነት ኤርትራ ተረጋጊጹ፡ ህዝቢ ብዓወቱ ሓጎሱ ከይወደአን፡ ብመስዋእቲ ደቁ ሓዚኑ ከይተደበሰን፡ መብጽዓ ስውኣት ተጠሊሙ፡ ሃገርና ኤርትራን ህዝባን ብሕጊ-ኣልቦ ውልቀ ምሕደራ፡ ኣብ 21 ክፍለ-ዘመን መዳርግቲ ኣብ ዘይርከቦ ጭቆናን መግዛእትን ወዲቓ ትርከብ። እዚ ሕጊ-ኣልቦ ውልቀ-ምሕደራ’ዚ፡ ጸጋታት ሃገር ተጠቂሙ፡ ወተሃደራዊ ዓቕሙ ኣደልዲሉን ናይ ስለያ መጋበርያታቱ ኣዋፊሩን፡ ስድራ-ቤታት ኣብ ምብትታንን ሃገር ኣብ ምዕናውን ኣብ ቀጻሊ ተግባር ተጸሚዱ ይርከብ።

ዝጸደቐ ሃገራዊ ቅዋም ደርብዩ፡ ኤርትራ ብዘይ ቅዋም ንልዕሊ 23 ዓመታት ክትመሓደር ምግባር፡ ዜጋታት ብዘይ ፍርዲ ብግፍዒ ምእሳርን ምሕቃቕን፡ ዓያዪ ዓቕሚ ሰብና ኣብ መወዳእታ ዘይብሉ ግዱድ ዕስክርና ብምቑራን ተስፋ ቆሪጾም ንኣደዳ ሕሱም ስደት ከምዝቃልዑ ምግባር፡ ነጋዶን ክኢላታትን ኣሰናቢዱ ሃገር ገዲፎም እንዳማቶም ሃገር ንኸማዕብሉ ምድፍፋእ፡ ጸጋታት ህዝብን ሃገርን እናመንዘዐ ኣብ ወጻኢ-ሃገር ባንክታት ብመሻርኽቱ ውልቀ-ሰባት ስም ከምዝቕመጥ ምግባር ወዘተ እዚ ኩሉ ገለ ኣብነታት መግለጺ ናይቲ ኣዕናውን በታንን ኣካይድኡ ኢዩ። ኣብዚ ቅንያት’ዚ እንሰምዖ ዘሎና “ምፍራስ ኣባይቲ” በብ ዓዱ (ኣርባዕተ-ኣስመራ፡ጸሎት፡ዳዕሮቃውሎስ፡ዓዲ ቀይሕ ደቀምሓረ፡ሰንዓፈ፡ወዘተ..) ከኣ መቐጸልታ ናይቲ ጸይቂ ኣካይድኡ ኢዩ። እቲ ዘስደምም ከኣ፡ ብልዕልና ሕጊ ዘይኣምን ክነሱ፡ ንኩሉ’ቲ ኣቀዲሙ ዝፈጸሞ ይኹን ሕጂ ዝፍጽሞ ዘሎ ኣዕናዊ ተግባራቱ ንምሽፋን ዝጥቀመሉ መመኽነይታ፡ ልዕልና ሕጊ ንምኽባር ዝብል ጉልባብ ኢዩ። ሓባልሲ መጠመቲኣ ትኮሓል ከምዝበሃል።

ተቐማጦ ዓዲ ቐይሕ ዘርኣይዎ ተቓውሞን መኸተን ከኣ፡ ሓደ መግለጺ ናይቲ ዝተገፍዐ ህዝብና ዘካይዶ ዘሎ ግብረ-መልሲ ኢዩ። ብዘርኣይዎ ተባዕ መኸተ ከኣ ጀጋኑ ብኣኹም ተሓቢና ክንብሎም ንፈቱ። ንስድራ ቤት ምዉታት ከኣ ጽንዓት ይሃብኩም ንብለ። ይኹን’በር እዚ ኮነ ኢሉ ሃገር ኣብ ምዕናውን ህዝቢ ኣብ ምብራስን ተጸሚዱ ዝርከብ ስርዓት ብዝተበታተነን ዝተጎጃጀልን ቃልሲ ምምካቱ ዘይከኣል ምዃኑ ብሩህ ኢዩ።

ሰብኣዊ ክብሪ ዜጋታት ዘረጋግጽን፡ ዲሞክራስያዊ መሰል ዜጋታት ዘውሕስን ፓለቲካዊ ሃዋሁዉ ንምፍጣር ዝሕግዝ ኩሉ ዝሳተፎ መሰጋገሪ መንግስቲ/ስርዓት ኣብ ሃገርና ክሳዕ ዝምስረት፡ ኣብ ውሽጥን ወጻእን ዝርከብ ህዝብና፡ ፖለቲካዊ ፍልልያቱ ንጊዚኡ ኣወንዚፉ ጸጋታቱን
ዓቕምታቱን ኣወሃሂዱ ኣትሪሩ ክቃልስ የድሊ።ስለዚ ዋሕስ ዓወትና ስምረትና ካብ ኮነ፡ ንኣድማዒ ተቓውሞ፡ ኩሉ ዜጋ እጃሙ ከበርክት በዚ ኣጋጣሚ’ዚ መጸዋዕታና ነቕርብ።

ዓወት ንደሞክራሲያዊ ቃልሲ ህዝቢ ኤርትራ!!!
ዘልኣለማዊ ዝኽሪ ንሰማኣታትና
ኤ.ኣ.ሲ.ማ ቦርድ
ቦስተን፡፡

HAILEMELEKOT BITEW HAILE: JANUARY 15, 1953 – FEBRUARY 15, 2015

ዝኸበርኩም ኣብ ርሑቕን ኣብ ቀረባን እትርከቡ ቤተሰብን፡ ፈተውትን፡ ናይ ከባቢ ሎስ ኣንጀለስ ኣብያተ-ክርስቲያናትን፡ ናይ ኤርትራ ማሕበረኮምን ንኹሉቲ ፍቑር ሓውናን ኣቦናን ሃይለመልኮት ቢቶው ካብ ዚሓመመሉ ግዜ  ክሳብ ዓሪፉ ሓመድ ኣዳም ዚለበሰላ እዋን፡ ዝገብርኩሞ ዘይስልኪ ጸሎት፡  ዘርኣኽሞ ወሰን ዘይብሉ ፍቕሪ፡ ዚለገስኩሞ ደረት ዘይብሉ ደገፍ ልባዊ ምስጋናና ነቕርብ። 

ብኣካል ተረኺብኩም ይኹን ብስልኪ  ብጽሑፍተሳተፍቲ ናይ ሓዘና ምዃንኩም ብምግላጽ ዘጸናናዕኩምና፡ ምስጋናና ወሰን የብሉን።

የቐንየልና! ሕሰም ኣይትርከቡ::

ስድራቤት ኣቶ ሃይለመለኮት ቢቶው ሃይለ

 

We would like to sincerely thank our dear family, friends, all of the churches, and our community for your constant prayers, love, and support. There are no words that can express our gratitude for all that you have done. May God Bless You.

With Much Love,

Hailemelekot’s  Family



 ሐዳስ  ዓመት ናይ ሰላም ኩንልና ናይ ቅሳነት

 ናይ ፍትሒ ኩንልና ናይ ሓድነት

 ይ ኣክል በለና ናብራ ስደት

                                   ነዚ መሪር ስቃይ ዋሕዚ ናይ ስደትና

                                   ነዚ ሕሱም ህልቂት ብርሰት ናይ ህዝብና

                                   መዕገቲ ረኪቡ ስላም ክነግሰና

                                   ነዚ ጨካን ስርዓት ኣምላክ ይእለየልና

                                   ነዚ ጨካን ስርዓት ኣምላክ ይእለየልና

                                   ሰቃይ በዚሑ ጸምያ ሃገርና

                                   ብሒም ዘዝበለ ኣብ ጉድጋድ ዓፈና

                                   ነፍሲ ወከፍ ስድራስ ዝርንዛሕ ነቢዕና         

                                   ክሳብ ማኣስ ኢና ከነብር ከምዚልና

እዞም ኣረመናውያን ሕልናኦም ዝሸጡ

መራሕቲ ናይ ህግደፍ ዓበይቲ ወጣጡ

ኣብ ኩርሲ ኮፍ ኢሎም ንህዝቦ ዘጽንቱ

ብናይ ሐፋሻ ገንዘብ ከብዶም ዝተመጡ

 ብሕሰም ናይ ህዝቦም እፎይታ ዝረከቡ

ሸይቦም  ከለዉ ጽጉሮ ዘጽልሙ

ኣብ ምንዝርና ዝሓድሩ ከም ናይ ሓክሊ ድሙ

ኣብ ኣጋዱ ሰንበል ብዳንሲ ዝተሸለሙ

ግዜ  ይ ኣክል’ዩ ዘሎ ናበይ ከይትሃድሙ

                               ሃገርና በሪሳ ቆላ ምስ ከበሳ

                               ህዝባን እንስሳን ብሐደ በሪሳ

                               ሸቃ ላይ ጠፊኡ በዓል ሞደሻ ኣፈራዛ

                               ተማሃራይ ወጺኡ እቲ በዓል ቦርሳ

                               ሐረስታይ ከተረፈ እቲ ንእሹቶይ ጋሳ

                              ኣብ ክንዲ ህንጸትሲ መቓብር ናይ ሬሳ

ገረብ ከይንተክል ንዓኪመጽለሊ

መሬት ክይንግድብ ከይነፍሪ እክሊ

ገሌና ኣብ እስርቤት ኣብ ጉድጋድ ንበሊ

ገሌና ከም ጫማ ጉልበትና ይበሊ

ገሌና ትሑዛት ከም እስርቲ በቅሊ

ገሌና ንስደት እንጀራ ክንደሊ

ኣብ ዘይናትና ባሕሪ  ድማ ረጊፍና ከም ቆጽሊ

ህዝቢ ተዓፊኑ መሰል ሐቢምዎ

ውሉድ ካብ ውለዱ ብሓይሊ ፈልይዎ

ካብዚ ንክሃድም ባሕሪ ውሒጥዎ

ንሬሳ ውላዱ ንቡር ከሊእዎ

                   እዚ ናኢስዎስ ብደዐ ወሲክዎ

                 ነቲ ቅዋም ሃገር መይቱ’ዩ ኢሉዎ

                 ነዚ ብሊሕ ህዝብ ደንቆሮ ጌርዎ

ንናይ ባዕሉ ድካም ክኮኖ መሸፈኒ

ብ ኣሜርካ ይጅምር ይሰግር ናብ ወያኒ

ንሶም’ዮም   ወራር ጀሚሮም ዘተዓናቀፉኒ

እምበር ምትግባሩ መኣስ ጠፊኡኒ

ሕጂ ብዝሞተ ቅዋም ኣይትሕተቱኒ

ኽነዽፈልኩም ‘የ ንዓይ ብዝሕሸኒ

                ኣንታ እምበር’ ዶ ጥዑዩ እቲ ኣእምሮካ

                ገና እይፈለጥካያን ንነብስካ

                ሓላማይ’ዶ ሲዪንካ የእኪልካ ዝብለካ

                ክንዲ ስቅ ኢልካ ትጽብ ግዜካ

                ንቅዋም ክትቀብርስ ኣብ ሚድያ ወጽእካ
                ቅዋምስ ኣይሞተን ንስካ ኢካ መትካ
 

                መርድ ንዓኣቶም’ዩ ነቶም ደገፍትካ

 

ብፍረወይኒ  ገርግሽ 

ኣብዚ ሓዲሽ ዓመት 2015 እንኣትወሉ ዘሎና ፣ እቲ ቀንዲ ኣብ ልዕሊ ህግደፍ  ክዕውትና ዝክእል መንእሰያትና ኣብ ውሽጥን ኣብ ወጻእን ክውደቡ እንተ በቂዖም ጥራሕ እዩ። ምክንያቱ ከይተወደበ ዝተዓወተ ምንቅስቓስ የለን ። ውደባ ክብሃል እንከሎ ግን ኣብ ልዑላዊ ራኢ ሕመረት ዝገበርን ብቁጠባዊ ዓቅሚ ዝተሃንጸን ሓጺናዊ ዲሲፕሊን ክውንን እንከሎካ ጥራሕ እዩ ። ሃገራዊ ዕማም ናይዚ ውደባ እዚ ንጉጂለ ህግደፍ ኣወጊድካ ፍትሕን ማዕርነትን ዝነገሳ ዲሞክራሲያዊት ኤርትራ ምህናጽ እዩ ።ውደባ ብኣውራጃ ፣ ውደባ ብሃይማኖት፣ ወደባ ብብሔር ፣ ውደባ ንጥቅምን ረብሓን ኩሉ ናይ ትሕቲ ሃገራውነት ንዝተቀበለ ዜጋ ጥራሕ እዩ ።

EPDP Information Office

The 20 November issue of Le Matin, a daily French newspaper in Switzerland, carried a small item on Abba/Father Mussie Zerai entitled “Miraculous: This Priest Saves Lives from a distance by his mobile phone”, in which the writer believed the Eritrean priest is a yet little known hero who is viewed by some people as a potential future candidate for Nobel Prize for Peace.

A quick translation of the item goes like this:

Aba-Mussie2“His name may, for sure, mean nothing to you (the reader). Yet, this Eritrean priest who lives in Erlinsbach (Swiss Canton of Solothurn), and viewed by some people as a future Nobel Peace Prize winner, is a hero. Since 2003, through repeatedly sending his mobile telephone number to  all directions, he has saved thousands of lives of migrants lost between Africa and Italy by informing coast guards about their situation. These contributions give him the legitimacy to have enjoined recently at law court to Europe to come out of its ‘logic of militarized fortress’”. 

Fr/Abba Mussie Zerai is currently assigned to Switzerland by the Eritrean Catholic Church in Asmara to serve the community of believers by a hectic shuttle in visiting 13 urban centres in Switzerland. On top of this, he is always on the phone communicating with Eritrean refugees in distress – both at sea, those in North Africa and others facing acute problems while inside Europe.

A googled piece also reads as follows him:

“Father Mussie Zerai has been working with refugees and emigrants to Europe since 1995. Though not an ordained priest by then, he dedicated his life to helping the refugees entering Europe by boat from North Africa. He uses satellite phone, which makes his contacts with the refugees easier; as he can access them directly in the middle of the Mediterranean Sea as they make dangerous attempts of crossing into Europe.
In desperation, many emigrants attempt to cross the Mediterranean in rickety wooden boats or inflatables. Many of the refugees run away from the Libyan detention centres, known as Kufra, where they undergo a lot of torture. Unfortunately many of the victims who contacted Fr. Mussie lost their lives while in detention centres”.

መንእሰይ በረኸት ይፍጠር፡ ከዳነ፡ ንነዊሕ እዋን ድሕሪ ምሕማሙ፡ ብ ታሕሳስ 23 2014 ኣብ ሳንታሮዛ፡ ካሊፎርንያ፡ ብምዕራፉ፡ ንስድራ ቤቱን ኩሎም ፈተውቱን ወርዲዎም ዘሎ መሪር ሓዘን፡ ንሕና ኣባላት ሰልፊ ዲሞክራሲ በይ ኤርያ  ተኻፈልቲ ምዃና ንገልጽ።

መንእሰይ በረኸት፡ ኣሰር ስዉእ ኣቡኡ ኣባል ተሓኤ ሰውራዊ ባይቶ ነፍሰሄር ይፍጠር ኪዳነ ከይለቐቐ፡ ንኤርትራዊ  ሰላም፡ ንፍትሒ፡ ንስርዓተ ሕጊ ዝተቓለሰ፡ መንእሰይ ምዃኑ ንቤተ ሰቡ ጥራይ ዘይኰነስ ንዓና ሰዲህኤን ንመላእ ኤርትራዊ ማሕበረሰብን ዓቢ ክሳራ እዩ።

ሰልፊ ዲሞክራሲ ህዝቤ ኤርትራ፡ ንበረኸት፡ መንግስተሰማይ የዋርሶ እናበለ ንስዳቤቱን ንመላእ ኤርትራዊ ማሕበረ ሰብ ሳንታሮዛ ድማ ጽንዓት ይሃብኩም ይብል።

ሰልፊ ዲሞክራሲ ህዝቢ ኤርትራ

በይ ኤርያ፡ ካሊፎርንያ

ቀጺልና፡ ካብ ቤተ ሰብ ዝመንጨወ  ናይ ፍትሓትን ስነ ስርዓት ቀብርን ነስዕብ፥

 

ንዕለት 20 ታሕሳስ 2014 ካብ ሓያሎ ከተማታት ሃገር ሽወደን ዝመጹ ሓያሎ ደለይቲ ፍትሒ ኤርትራውያን ልዕሊ 95% ሓደስትን መንእሰያትን ዝተሳተፍዎ በዓል ንምቅባል ሓዳስ ዓመት 2015 ብኣሕዋት ተቀማጦ ስካራቦር ዝተዳለወ ካብ ሰዓት 18,00 ክሳብ ሰዓት 3,30 ወጋሕታ ኣብ ከተማ ሊድሾፒን ሙዉቅን ሰላማዉን በዓል ኣካይዶም። እቲ ልዕሊ 500 መንእሰያት ሓደስትን ገዳይምን ዝተሳተፍዎ በዓል ኮይኑ ብክልቲኦም ቋንቋታት ሃገርና ትግርኛን ዓረብን ናይ እንቋዕ ደሓን መጻእኩምን

Sweden Skaraborg New year2እቲ ቀንዲ ዕላም ናይቲ በዓል ከምቲ ናይ ህግዲፍ ንሳዕሲዒትን መስተን ምንጪ ገንዘብ ዘይኮነስ ብብሩህ ህልዊ መሪር ኩነታት ሃገርናን ህዝብናን ንቋራቆረሉን እንዝክረሉን ብሓድነት ኣቢልና ንመላኺ ስርዓት ኣልጊስና ህዝባዊ ዲሞክራስያዊ ብስርዓተ ሕጊ እትመሓደር ሃገር ንምምስራት ዕዮ ገዛና እንትግብረሉ ዝሕበር መደረ መልእኽቲ እዩ ተኸፊቱ። ፍሉይ ተረኽቦ ናይቲ በዓል ከኣ ልዕሊ 95% መንእሰያት ኮይኖም ክሳብ ትሕቲ ዕድመ ዝተሳተፍዎ በዓል ኮይኑ፡ 5ተ ደቂ ኣንስትዮ ነቲ ጨካን ሓለዋ ዶብ ህግዲፍ፡ ነቲ ዘይሰብኣዊ ድሑር ኣተሓሕዛ ደቂ ሰባት ኣብ ሱዳን ጸይረን፡ ነቲ ሃኪክ ጻምእ  ምደረበዳ ሰሃራ ሰንጢቀን፡ ነቲ ዘስካሕክሕ ክፉእ ኣተሓሕዛ ናይ ሊብያዉያን ፡ ንማእከላይ ባሕሪ ሰንጢቀን ኣብ ቀረባ ሰሙናት ንሃገር ሽወድን ዝኣተዋ ሕጻናት ትሕቲ ዕድመ ብኣላይተን ተሰንየ ኣብቲ በዓል መጺኤ ኣብ መድረኽ ቀሪበን ሰላም ምባለን ብሓቂ ንክትኣምኖ ዘሸግር ኣሰንባድን መሳጥን ህዝብናን ሃገርናን ክሳብ ክንደይ ኣብ ጸልማት ትርከብ ከም ዘላ ኩሉ ተሳታፊ በዓል ደላይ ፍትሒ ኣስተንተነ።

Sweden Skaraborg New year3እቲ በዓል ብምቅጻል ብወናማት መንእሰያት ወናማት እዋናዊ ናይ ደለይቲ ፍትሒ ዜማታት፡ ናይ ቀደም ገዳይም ደረፍትና ዝደርፍዎ መሃርትን ኣናፋቅትን መባራበርን ዜማታት ዝተሰነይ ሙሉእ ለይቲ ኣብ መንጎኡ ከኣ ብግጥምታትን ብኣውሎን ዝተሓዋወሶ ኣደናቂ በዓል ኣብቲ ቦታ ንመጀመርታ ዝተገብረ ብምኳኑ ብሓቂ ታሪኻዊ ዝኮነ ዕዉት በዓል ነበረ።

ሲዒቡ እውን እቲ ካልኣይ መልእኽቲ በዓል ንምቅባል ሓዲሽ ዓመት 2015 ናይ ስኒት ናይ ፍትሒ ናይ ዓወት ዓመት ትኹነልና ዝብል ጽንብል ብስድራቤት ዑመር ዝተወፈየት ናይ ሕብስቲ ቶርታ 2015 ዝተጻሕፋ 5ተ ጠራዕራዕ መብራቲ ተወሊኤን ሙሉእ ተሳታፋይ ሰናይ ምንዮቱ ገሊጺ ብዓበይቲ ተባሪኹ ተዓደለ።

Sweden Skaraborg New year4እቲ በዓል በቲ ወሓሉ ኣዴታት ዝተዳለዉ በብዓይነቱ መግቢ ከሉ ከም ዝደለዮ እናተማላለሰ ክበልዕ ሓደረ። ምስኡ እውን ናይ ቡንን ሻሕን ሕንባሻታትን ሙቁር ቅጫታትን እናኾምሰዔን እናተዘናግዔን ልክዕ ሰዓት 3,30 ናይ ንግሆ ወጋሕታ ብምምስግጋን ነናብ ቦታኡ ማለት ዮተቦርግ ቦሮስ ማልመ ስቶኮልም ኦረቡሩ ዮንሾፒን ፋልሾፒንግ ስካራቦርግ ብሰላም ተመሊሶም።  

እዚ ቀሪቡ ዘሎ ጽሑፍ፡ ንዝኽሪ ጃምላዊ ህልቂት ዖና  ብ 2004 ከምኡ'ውን ብ2005 ኣብ መርበብ ንሓርነት. ኦርግ  ተሓቲሙ ዝነበረ እዩ። ሕጂ ድማ ሰልፊ ዲሞክራሲ ኤርትራ፡  ነቲ  ኣብ ሓደ መዓልቲ ብስርዓት መንግስቲ ኢትዮጵያ ኣብ ልዕሊ ሰላማዊ ህዝብና ዝተፈጸመ  ኣስካሕካሒ ጃምላዊ ቅትለትን፡ ምንዳድ ዓድታትን ንምዝካርን፡ ምረት መግዛእቲ ብምስትብሃል ኩሉ ግዜ ተደላይነት  ሓርነታዊ ቃልሲ ንምዝኽኻርን፡ ደጊምና ከንውጽኦ መሪጽና።

ሰናይ ንባብ!