http://ascenteq.com/project/epdp

ኣባል ማእከላይ ባይቶ ሰልፊ ደሞክራሲ ህዝቢ ኤርትራ (ሰደህኤ) ዝነበረ መሓመድ ዓሊ ኢብራሂም ካብ ሱዳናዊት ከተማ ከሰላ ብ14 ለካቲት 2012 ካብ ዝስወር እነሆ ኣብዚ ሰሙንዚ 4 ዓመቱ መሊኡ። ናይ ቃልሲ ብጾቱ ባላት ፈጻሚት ሽማግለ ተጋድሎ ሓርነት ኤርትራ-ሰውራዊ ባይቶ ዝነበሩ፡ ወልደማርያም ባህልብን ተኽለብርሃን ገብረጻድቕ (ወዲ ባሻይ)ን ካብ ዝስወሩ ድማ ዝመጽእ ዘሎ ወርሒ ሚያዝያ 24 ዓመት ክኸውን እዩ። ሰለስቲኦም ኣብታ ኩሉ ዋጋ ዝኸፈሉላ ሃገሮም ኤርትራ ኣብ ቤት ማእሰርቲ ከም ዝተራእዩ ሓበሬታ ኣሎ።

ቁጽሪ ናይቶም ዝተሰወሩ ኤርትራውያን ብኸምቲ ዝተጠቕሰ እንዳወሰኸ ዝኸይድ እዩ። ኣብዚ ዝሓለፈ 25 ዓመታት ካብ ሱዳን ዝተሰወሩ ኤርትራውያን ብኣማኢት ዝቑጸሩ እዮም። ዝተፈላለዩ ተዓዘብትን ኤርትራውያንን ናይዚ ጭውያታት ተሓታቲ እቲ ኣብ ኣስመራ ዘሎ ገበነኛ መንግስቲ ምዃኑ ይኣምኑ።

ኣብቲ ናይ 2015 ናብ ናይ ሕቡራታ መንግስታት መርማሪ ኮሚሽን መርትዖታት ናይ ምቕራብ መስርሕ፡ ኤርትራውያን ነናቶም ነዊሕ ዝርዝር ግዳያት ናይቲ ገበነኛ ጉጅለ ናይ ዝኾኑ ኣቕሪቦም እዮም። እዚ ኣብ ታሕቲ ተጠቐሱ ዘሎ ሓደ ሰብ ናይ ዝፈልጦም ግዳያት ዝርዝር እዩ።

መሓመድ ዓሊ ኢብራሂም

.

• ኣብ ከሰላ ካብ ዝርከብ ገዝኡ ብ14 ለካቲት 2012 ንግሆ ብሳትክል ወጺኡ። እታ ሳይክል በይና ኣብ ከተማ ተረኺባ።
• ኣብቲ ንግሆ ቁጽሪ ሰሌዳ ዘየብላ ጸሊም ዝመስትያታ መኪና ካብ ማእከል ከተማ ናብቲ መሓመድ ዓሊ ዝመጸሉ ዝነበረ ኣቕጣጫ ትንቀሳቐስ ነይራ።
• ሞባይል ተለፎኑ ድሕሪ 4 መዓልታት ምስዋሩ መሊሳ። እቲ መልሲ ብጽሩይ ናይ ሱዳን ቋንቋ ዓረብ ኮይኑ፡ “ንመሓመድ ዓሊ ብቐሊሉ ክትረኽብዎ ኣይትኽእሉን ኢኹም” ዝብል ነይሩ። ድሕሪኡ ተዓጽዩ።
• ምስ ተኣሰረ ድሕሪ ዝተወሰነ ኣዋርሕ በዓልቲ ቤቱ ፋጥማን ደቁ መጅድን ናስርን መሓመድ ዓሊ ኣብ ምዕራባዊ ቆላ ኤርትራ ጥቓ ከተማ ሓጋዝ ኣሎ ዝብል ዘይጭቡጥ ወረ ሰሚዕም።
• መሓመድ ዓሊ ኢብራሂም ወዲ 17 ዓመት እንከሎ ብ1967 እዩ ኣብ ቃልሲ ተሰሊፉ። ክሳብዛ ዝተጨውየላ ግዜ ድማ ኣብ ቀጻሊ ቃልሲ ጸኒሑ።
• ኣብቲ ዝተኣስረሉ ግዜ ናይ ሰልፊ ደሞክራሲ ህዝቢ ኤርትራ (ሰደህኤ) ኣባል ማይቶ ነይሩ።

ወልደማርያም ባህልብን ተክለብርሃን ገብረጻድቕ (ወዲ ባሻይ

• ክልቲኦም ኣባላት ፈጻሚት ሽማግለ ተጋድሎ ሓርነት ኤርትራ ሰውራዊ ባይቶ ነይሮም። ሓላፍነቶም ድማ ወተሃደራውን ጸጥታውን ጉዳያት ነይሩ። ንሳቶም ብ26 ማዝያ 1992 ካብ ከተማ ከሰላ እዮም ብናይ ሽዑ መንግስቲ ኤርትራ ብምትሕብባር ናይ ሱዳን ጸጥታ ተጨውዮም
• ዝተጨውይሉ ዕለት በዓል ትንሳኤ ነይሩ። ንሳቶም ተስፋጼን ገብረየሱስ ብዝበሃል ደጋፊ ናይ ሽዑ መንግስቲ ኤርትራ ኣብ ገዝኡ ንቁርሲ ተዓዲሞም። በዓልቲ ቤቱ ንተስፋጼን ዘመድ ወልደማርያም እያ። እዚ ዓዳማይ ኣዛምዱ ንምሕታት ካብ ሱዕድያ ናብ ሱዳን ዝመጸ እዩ ነይሩ። ምስ ቆረሱ ክኸዱ እንተደለዩ ንሱ ብዙሕ መደናጐዪ ምኽንያታት ምዝሎም። ከም መደናጐዪ ንክኾኖ ንወዱ ንሳይክል ናይቶም ግዳያት ኣትሒዙ ልኢኽዎ። ምእንቲ ነታ ሳይክል ንክጽበዩ ክደናጐዩ።

• ኣብ መወዳእታ ጉዳዮም ወዲኦም ካብቲ ናይ ዕድመ ገዛ ክወጹ እንከለዉ ናይ ሱዳን ኣባላት ጽጥታ ዩኒፎርም ዝተኸድኑ ሰባት ንኣገዳሲ ጉዳይ ኣብ ጸጥታ ሱዳን ትድለዩ ኣለኹም ኢለምዎም። ንሳቶም ድማ ቅድሚኡ ብጉዳይ ኤርትራውያን ናብ ጸጥታ ምኻድ ዘዘውትርዎ ስለ ዝነብሩ ነቲ ዝተባህልዎ ተቐቢለምዎ።

• ናብ ቤት ጽሕፈት ጸጥታ ከሰላ ክውሰዱ እንከለዉ ናይ ዓይኒ መሰኻኽር ሪአምዎም እዮም። .ኣብቲ ዝተታሕዝሉ መዓልቲ ኣብ ሓንቲ ናብ ዶብ ኤርትራ ገጻ ብኣዝዩ ቅልጡፍ ፍልጥነት ተኸይድ ዝነበረት መኪና ተራእዮም።

• እቲ ዝዓደሞም ተሓባባሪ መንግስቲ ኤርትራ ተስፋጼን ገብረየሱስ እቲ ኩነታት ስ ተሰምዐ፡ “እንታይ ጸገም ኣለዎ ዘይናብዓዶም እዮም ከይዶም” ክብል ተሰሚዑ።

• ብጾት ናይዞም ዝተጨውዩ፡ ኣብ ከተማ ከሰላ ኣብቲ ምጭዋይ ተስፋጼን ገብረየሱስ ተሓታቲ ምዃኑ ንጸጥታ ሱዳን ሓቢሮም። ሓለፍቲ ሱዳን ጉዳዩ ከም ዝረአ ገሊጾም ነይሮም። እንተኾነ ኣብቲ ግዜቲ እቲ ገበነኛ ተስፋጼን ካብ ሱዳን ወጻኢ እዩ ነይሩ።

• ዋላ’ኳ ካብ ሓደ ቤት ማእሰርቲ ናብቲ ሓደ ከርተት የብልዎም ኣለዉ ዝብል ወረ እንተሃለወ፡ እቲ ተረኽቦ መወዳእታ ናይ ምንባሮም ትርጉም እዩ።

ኣብ 1990ታት ካብ ዝጠፍኡ

1. መምህር ግርማይ ገበረህይወት፡ ገዲም ተጋዳላይ ተጋድሎ ሓርነት ኤርትራ ዝነበረ እሞ ኣብ ኣስመራ ብ194 ምስ ተኣሰረ ኣሰሩ ዝጠፈአ፡
2. መሓመድ ምፍታሕ ኣብ 1996 ዝጠፈአ
3. መሓመድ ባኒ፡ገዲም ተጋዳላይ ተጋድሎ ሓርነት ኤርትራ ዝነበረ ድሕሪ ናጽነት ናብ ሃገሩ ምስ ተመለሰ ኣብ ከተማ ዓዲ ቀይሕ ተኣሲሩ ዝጠፈአ።
4. እምባየ ሕድሩ፡ሊባን ዝዓዱ፡ 1996 ኣብ ባረንቱ ዝተኣስረ። ቅድሚ ናብ ኤርትራ ምምላሱ ኣብ ሱዳን ወዲ ሸሪፈይ ዝነብር ዝነበረ።
5. ወልደስላሴ ቻንቹ
6. ገብረ ብርሃን ዘርአ፡ ብ4 ለካቲት 1997 ኣብ ዶብ ኤርትራን ኢትዮጵያን ምስ ተጨወ ደሃይ ዘየብሉ

ኣብ ሓንቲ መዓልቲ ብ16 ታሕሳስ 2002 ዝተሰወሩ 10 ገዳይም ናይ ነጻነት ተቓለስቲ

እዞም ዝስዕቡ 3 መንግስቲ ኤርትራ ብ1992 ኣብ ከባቢ ጋሽ ኣብ ልዕሊ ተጋደልቲ፡ ተጋድሎ ሓርነት ኤርትራ ሰውራዊ ባይቶ መጥቃዕቲ ምስ ወሰደ ዝተኣስሩ እዮም። ኣብ 2000 ካብ ማእሰርቲ ምስ ወጹ ክሳብታ ብ16 ታሕሳስ ዳግማይ ዝተኣስሩላ፡ ገሊኦም ኣብ ሲቪላዊ ስራሕ ገሊኦም ድማ ኣብ ትምህርቲ እዮም ተዋፊሮም ነይሮም። ድሕሪ ዳግማይ ምእሳሮም ግና ዝኾነ ሰብ ኣይረኣዮምን

1. ገብረልኡል ዓንደጼን፡(ቀንዲ ዓዱ ዓዲ ያቆብ ኣብ ኣውራጃ ሓማሴን) ሓደ ቆልዓ ዝወለደ ናብ ቦታ ስርሑ እንዳኸደ ዝተኣሰረ
2. ሃብተሚካኤል በርሀ፡(ቀንዲ ዓዱ ኮርባርያ ኣውራጃ ኣከለጉዛይ) ናብቲ ዝመሃረሉ ዝነበረ ዩኒቨርስቲ ኣስመራ እንዳኸደ ዝተኣሰረ። ፡ ክሳብ ድሕሪ ነጻነት ናብ ኤርትራ ዝምለስ ካብ 1975 ጀሚሩ ተጋዳላይ ትጋድሎ ሓርነት ኤርትራ ዝነበረ።
3. ዓንደብርሃ ኪዳነ፡ (ቀንዲ ዓዱ ኣሕሰኣ ኣውራጃ ሰራየ)

         ገብረ ልኡል ዓንደጼን                 ሃብተማርያም በርሀ                ዓንደብርሃን ኪዳን

እዞም ዝስዕቡ 2 ሓርበኛታት ድሕሪ ናጽነት ማሕበራዊ መነባብረኦም ንክመርሑ ናብ ኣስመራ ዝተመልሱ እዮም። ክሳብቲ ናይ 16 ታሕሳስ ማእሰርቲ ድማ ሕጊ ኣኽቢሮም ዝኸዱ ዜጋታት እዮም ነይሮም።

1. መምህር ሃይለስላሴ ገብረኪሮስ፡(ቀንዲ ዓዱ ሓድሽ ዓዲ ኣከለጉዛይ) ናብቲ ዘስተምህረሉ ቤት ትምህርቲ እንዳኸደ ዝተኣሰረ። ሳይክሉ ኣብ ኣብ ሓደ ጐደና ከተማ ኣስመራ ተደርብያ ተረኺባ።
2. ኣማነዝጊ ተኸስተ፡(ቀንዲ ዓዱ ዓዲ ንኣምን ኣውራጃ ሓማሴን) ካብ መንግዲ ተኣሲሩ ታክሲ ብዝዓይነታ መኪና ዝተወስደ ሳይክሉ ኣብ ጐደና ዝተረኽበት።

                 ሃይለስላሴ ገብረክርስቶስ                                   ኣማነዝጊ ተኸስተ

1. ገብረህይወት ቀለታ፡ መጀምርያ ካብ ሱዳን እዩ ተጨውዩ። ደሓር ድሕሪ 8 ዓመታት ኣብ ቤት ማእሰርቲ ምጽናሕ፡   ኣብ 2000 ተፈቲሑ። ብ2001 ዳግማይ ምስ ተኣሰረ ሃለዋቱ ኣይተፈለጠን

እዞም ዝስዕቡ 5 ክሳብ ናጽነት ኤርትራ ኣንጻር መግዛእቲ ኢትዮጵያ ንተጋደልቲ ሓበሬታ ዝህቡ ዝነበሩ ሲቪል እዮም። ድሕሪ ናጻነት ኤርትራ ክሳብ ብህግደፍ ኣብ 16 ታሕሳስ 2002 ዝእሰሩ ንቡር ህወቶም ዝመርሑ ዝነበሩ እዮም። ኣብ መወዳእታ ብህግደፍ ምስ ተኣስሩ ኣሰር ዘየብሎም ጠፊኦም።

1. መምህር መሓሪ ሃይለመለኮት መሓሪ፡ኣብ ኣስመራ ዝተኣስረ (ቀንዲ ዓዱ ታራ እምኒ ኣውራጃ ሰራየ)
2. መምህር መሓሪ ደበሳይ፡ኣብ ከረን ዝተኣስረ። ሓደ እዋን ተፈቲሑ ኣስመራ ትራክ ቢ ኣብ ዝተባህለ ቦታ ተራእዩ ተባሂሉ ዝነበረ ደሓር ግና ዝጠፈአ።
3. መምህር ዮሃንስ ኣይዝጊ፡ኣብ ኣስመራ ዝተኣስረ (ቀንዲ ዓዱ ኣውራጃ ኣከለጉዛይ።
4. መምህር ሓድጉ ተኽለ፡ኣብ ኣቑርደት ዝተኣስረ። (ዓዱ ኣብ ውራጃ ሓማሴን)
5. ወልደኣብ ዓንደማርያም፡ ኣካያዲ ንግዳዊ ባንኪ ኣብ ከተማ ኣስመራ ዝተኣስረ። (ቀንዲ ዓዱ ዓዲ ያቆብ ኣውራጃ ሓማሴን)

طالعنا عبر وسائل الإعلام ومن خلال بيان اللجنة التنفيذية لجبهة التحرير الارترية النبأ المؤسف بقيام السلطات السودانية بالخرطوم في الثلاثين من يناير 2016م باعتقال كلٍّ من الأخ/ حسين خليفة رئيس جبهة التحرير الارترية والأخ/ عبد الله حمدوي العضو باللجنة التنفيذية بها.

لقد ألحقت هذه الخطوة المؤلمة أذىً جسيماً بحركة ومسيرة نضال الشعب الارتري من أجل الحرية والديمقراطية وشكلت عقاباً في غير محله لقادة هذا الحراك النضالي الجماهيري المشروع من جهة ولطخت ثوب العلاقات الأزلية الناصع بين حكومات وشعب السودان الشقيق من جهة أخرى، خاصةً وأن تلك العلاقة قد تميزت عبر تاريخها الطويل باحتضان نضالات الشعب الارتري من أجل التحرر الوطني من لحظة انطلاقه الي لحظة اكتمال عملية تحرير التراب الاتري، وإزاء ذلك السجل الحافل بالمواقف النبيلة والعلاقات المتميزة بين الشعبين الشقيقين لا نملك نحن في حزب الشعب الديمقراطي الارتري إلا أن نطالب الحكومة السودانية بالإفراج الفوري عن المناضلين المعتقلين اللذين يقبعان بسجونها منذ أواخر يناير 2016م.

هذا والمناشدة موصولة الي كل الجهات السودانية وغير السودانية المعنية بالدفاع عن حقوق الانسان أن تنضم الي جهود المطالبة بالإفراج العاجل عن المعتقلين وأن يجدا المعاملة الإنسانية الكريمة التي تليق بالسجناء السياسيين وأصحاب القضايا النضالية المشروعة.

النصر للنضال الديمقراطي العادل للشعب الارتري

منقستئاب أسمروم

رئيس حزب الشعب الديمقراطي الارتري

قامت السلطات السودانية بالخرطوم في الثلاثين من يناير 2016م باعتقال السيد/ حسين خليفة رئيس القيادة المركزية للتحالف الديمقراطي الارتري ورئيس جبهة التحرير الارترية ثم أردفت في ذات الليلة باعتقال السيد/ عبد الله حمدوي زميله في اللجنة التنفيذية للتنظيم، هذا ولم يعلن السودان شيئاً عن ذلك الاعتقال المفاجئ.

نشر النبأ أول ما نشر بموقع أدوليس الارتري المستقل، ثم تلقت قيادة حزبنا التأكيد من السيد/ حسن أسد نائب رئيس التنظيم. علماً أن حكومة السودان تعتبر في هذه الآونة من أقرب الأصدقاء المقربين للنظام الدكتاتوري في ارتريا. لذا تتخوف الكثير من الجهات المعنية من أن لا تكون الخطوة بفعل أو بإيحاء من نظام أسمرا الدكتاتوري.

          تخلي برهان قبر طادق ( وَدِّي باشاي )                   ولد ماريام بهلبي                          محمد علي ابراهيم

علي صعيدٍ ذي صلة يجدر بالذكر أنه وقبل أربع سنوات، أي في الرابع عشر من فبراير 2012م اختفى المناضل محمد علي ابراهيم العضو القيادي بحزب الشعب الديمقراطي الارتري المقيم بكسلا بشرق السودان. ثم وردت بعد فترة طويلة أنباء تفيد بوجوده في أحد سجون نظام اسمرا الثلاثمئة وستين ( 360 )، هذا وقد ظلت جهات مراقبة لصيقة تؤكد أن أمر اختطاف المناضل محمد علي ابراهيم قد جرى بالتعاون بين أجهزة الأمن والاستخبارات في البلدين.

أيضاً وقبل أربع وعشرين عاماً، أي في السادس العشرين من أبريل 1992م وفي ظروف وبحيثيات مماثلة اختفى المناضلان ولد ماريام بهلبي وتخلي برهان قبر طادق ( وَدِّي باشاي ) العضوين القياديين بتنظيم ما كان يعرف بجبهة التحرير الارترية/ المجلس الثوري من كسلا بشرق السودان، وهما بدورهما لم يعرف لهما أثر حتى الآن سوى رؤيتهما في أحد سجون ارتريا في التسعينيات.

هذا ويقبع في السجون الارترية منذ سنين عديدة العديد من معارضي نظام اسمرا سياسياً أو فكرياً اختطفوا من السودان بذات الطريقة وفي ذات الظروف.

ኣቦመንበር ሰልፊ ደሞክራሲ ህዝቢ ኤርትራ ብጻይ መንግስተኣብ ኣስመሮም ብ14 ለካቲት 2016 ናይ መላእ ኣባላት ሰልፊ ኣኼባ ኣካይዱ። ናይዚ ንዝያዳ 4 ሰዓታት ዝቐጸለ ናይ ፓልቶክ ኣኼባ ኣጀንዳ፡ ናይ ሰልፊ ሃለዋት ድሕሪ 2ይ ጉባአ እንታይ ከም ዝመስል ንምግላጽን ንመሰረታት ብግቡእ ሓበሬታ ንምዕጣቕን እዩ።

ኣቦመንበር ኣብዚ ኣኼባኡ፡ መሪሕነት ሰልፊ ካብ ምምራጽ ፈጻሚት ሽማግለ ጀሚሩ ዝተፈላለዩ ኣብያተ-ጽሕፈትን ትካላትን ንምቛምን ዝምርሕሉ ሕግታት ንምጽዳቕን፡ ሰልፊ ምስ ተቓወምቲ ሓይልታት ኤርትራን ካለኦት ኣካላትን ዝህልዎ ዝምድና ንምንጻር ዘኽእሉ ፖሊሲታት ንምሕንጻጽን ዝተኻየደ መስርሕ ከመይ ከም ዝነበረ ኣብሪሁ። ምስዚ ኣተሓሒዙ ድማ መሪሕነት ኣብ ዘካየዶ ኩለመዳያዊ ምንቅስቓስ ዝተመዝገበ ዓወትን ኣብ ምዕዋቱ ዝነበረ ናይ ኣባላት ሰልፊ ዕዙዝ ኣበርክቶን ብምጥቃስ ብዛዕባ ኩለን ኣብያተ ጽሕፈት ፈጻሚት ሽማግለ ሓጸርቲ ጸብጻብ ኣቕሪቡ። ካብዚ ሓሊፉ፡ ምስ ዝተፈላለዩ ኤርትራዊ ፖለቲካዊ ውድባትን በርገሳዊ ማሕበራትን ዝተገብሩ ርክባትን ንመጻኢ ንምምዕባሉ ዝተታሕዙ መደባትን ብዝምልከት’ውን ኣብሪሁ።

ምስዚ ኣተሓሒዙ ተበግሶ ዓውደ-መጽናዕቲ ጀርመን ፍራክፈርትን ምምኽኻራዊ ኣኼባ ናይሮብን ብዝምልከት ሰፊሕ መብርሂ ሂቡ፡ ሚዛን ሰልፊ ኣብዚ መስርሕን መጻኢ ምዕባለ ናይዞም ተበግሶታት ግደ ሰደህኤን ዝምልከት መግለጺ ወሲኹ።

ድሕሪ’ዚ ሰፊሕ መግለጺ ኣቦመንበር፡ መድረኽ ሕቶን መልስን ምስ ተኸፈተ ተሳተፍቲ፡ ንምምዕባል ሰልፋዊ ትካላዊ ኣሰራርሓን ምትራር ሰልፋዊ ሓድነትን፡ ዝምድና ሰልፍና ምስ ዝተፈላለያ ኣካላት፡ ኣሰራርሓን ሓላፍነትን ናይታ ኣብ ናይሮቢ ዝቖመት ግዝያዊት ሽማግለን ኣመኻኽታ እቲ ሓሓሊፉ ብገለ ኣካላት ዝረአ ንሰደህኤ ብጉጉይ ናይ ምግላጽ ዝንባለታትን ኣትኪሎም ሕቶታት ቀሪቦም። ኣቦመንበር መንግስተኣብ ነዞም ሕቶታት ዝርዝርን ብጭብጥታት ዝተሰነዩን መልስታት ሂቡ። ተሳተፍቲ ብወገኖም በቲ ዝተዋህበ መብርህን መልስታትን ዕጉባት ምዃኖም ድሕሪ ምግላጽ፡ ሰልፊ ደሞክራሲ ህዝቢ ኤርትራ ነቲ ሒዝዎ ዘሎ ንፖለቲካዊ ኩነታት ሃገርና ብግቡእ ኣብ ግምት ዘእተወን ተቐባልነቱ እንዳዓበየ ዝኸይድ ዘሎን ፖለቲካዊ ዕላማኡ ኣብ ምዕዋት ካብኣቶም ዝድለ ኩሉ ክገብሩ ምዃኖም ዳግማይ ቅሩብነቶም ኣረጋጊጾም።

ኣብ መወዳእታ ኣቦመንበር ንኹሉ ዘይሕለል ጻዕርን ተሳፍቶ ኣብ ኼባን ኣባላት ሰልፊ ኣመጒሱ፡ ነቶም ነቲ ኣኼባ ዝወደቡ ኣካላት ሰልፊ ድማ ኣዕዚዙ ንኢዱ። ኣተሓሒዙ ድማ እዚ በቲ ሓደ ወገን መሰረታት ብዛዕባ ሃለዋት ሰልፎም ንጹር ሓበሬታ ዝረኽብሉ፡ በቲ ካልእ ወገን ድማ መሪሕነት ርኢቶ መሰረታቱ ብቐረባ ሰሚዑ ዝመሃረሉ መድረኽ ከከም ኣድላይነቱ ክቕጽል ምዃኑ ቃል ኣትዩ።

15 ለካቲት 2016

ካብ ዝተፈላለያ ጨናፍር ሰልፊ ደሞክራሲ ህዝቢ ኤርትራ ዝተዋጽኡ ኣስታት ዓሰርተ ኣብ ዝተፈላለየ ዜናዊ ስረሓት ክሳተፉ ቅርቡነት ንዘርኣዩ ኣባላት ኣብ ዝሓለፈ ኣዋርሕ ክከታተልዎ ዝጸንሑ ንዜናዊ ክእለት ዝምልከት ስልጠና ፈጺሞም። እዞም ዝሰልጠና ዝወሰዱ ኣብዚ እዋንዚ ኣብ ስሩዕ ስራሕ ንምእታው ኣብ ዝለዓለ ምቅርራብ ይርከቡ።ነቲ ስልጠና ክህብ ዝጸንሓ ብጻይ ተስፋይ ወልደሚካኤል ሓላፊ ቤት ጽሕፈት ውደባዊ ጉዳያት ሰደህኤ እዩ። ኣብዚ ውሽጣዊ ሰልፋዊ ዓቕሚ ንምምዕባል ብኤልክትሮኒካዊ መንግዲ ክወሃብ ዝጸንሐ ስልጠና፡ ቆላሕታ ዝተገብረሎም ዛዕባታ ዝያዳ ንዜና ዝምልከቱ ኮይኖም፡ ፓብሊሸር፥ ሙቪ-መከር ከምኡ እውን ናብ መርበብ ሓበረታ ናይ ምጽዓን ኣገባብ ዝብሉ ይርከብዎም።

እዚ ስልጠና ናይ መጀመርያ እምበር ናይ መወዳእታ ስለ ዘይኮነ ኣብ መጻኢ እውን ካልእ ዙር ስልጠና ክወሃብ ዝተታሕዘ መደብ ከም ዘሎ፡ ነቲ መደብ ብቐረባ ከተሓባብር ዝጸንሐ ብጻይ ድራር ማንታይ ምክትል ሓላፊ ቤት ጽሕፈት ዜና ሰደህኤ ገሊጹ። ኣተሓሒዙ ድማ ኣብ ቀጻሊ ዙር ስልጠና ክሳተፉ ዝደልዩ ብጾት ቅሩባት ንክኾኑ መጸዋዕታ ኣቕሪቡ።

እዚ ስልጠና ናይቲ ቤት ጽሕፈት ዜና ሰልፊ ደሞክራሲ ህዝቢ ኤርትራ ከም ዓመታዊ መደብ ዕዮኡ ሒዝዎ ዘሎ ዕማማት ኣካል ምዃኑ ካብቲ ቤት ጽሕፈት ዝተረኽበ ሓበሬታ ገሊጹ እዩ።

ሓድሽ ኮሚሽነር ላዕለዋይ ኮሚሽን ጉዳይ ስደተኛታት ምስ ኤርትራውያን ስደተኛታት ኣብ ሰሜን ኢትዮጵያ

ሰደህኤ ኣቶ ፊሊፖ ግራንዲ ኮሚሽነር ላዕለዋይ ኮሚሽን ጉዳይ ደተኛታት ብ2 ለካቲት 2016 ኣብ ሰሜን ኢትዮጵያ ኣብ ዘለዉ ኤርትራውያን ስደተኛታት በጺሖም ኩነታቶም ክመሓየሸሎም ንዘቕረብሎም ሓሳባት ስለ ዝሰምዑ ዕዙዝ ሞስጋናኡ ገሊጹ። እዚ ናይቶም ሓድሽ ኮሚሽነር ናይ መጀመርያ ናይ ኣፍሪቃ መገሸኦም እዩ።

ከምኡ እውን እቲ ብ10 ለካቲት 2016 ብሰልፊ ደሞክራሲ ህዝቢ ኤርትራ ናብ ኮሚሽነር ግራንዲ ዝቐረበ መዘክር፡ ናብዚ ሓላፍነትዚ ብምብጽሖም ዝተሰመዖ ሓጐስ ገሊጹ። ኣተሓሒዙ ድማ ከምቲ ኣብቲ ኣብ ሰሜን ኢትዮጵያ ዝርከብ መደበር ኤርትራውያን ስደተኛታት ህጻጽ ዝተዓዘብዎ፡ ኣቶም ኣብ ሃገሮም ምንባር ስኢኖም ናብ ስደት ዝውሕዙ ዘለዉ ኤርትራውያን ስደተኛታት መብዛሕትኦም መንእሰያት እዮም። በዚ መሰረት ኩነታቶም ኣዝዩ ፍሉይ ቆላሕታ ዘድልዮ ምዃኑ እቲ መዘክር ጠቒሱ። ብምቕጻል ኣቲ መዘክር ኣቶም ስደተኛታት ናብቶም ኮሚሽነር ዘቕረብዎ ጠለባት ኣቐዲሞም ብኤርትራውያን ተቓወምቲ ክለዓሉ ዝጸንሑ ምዃኖም ኣዘኻኺሩ።

እቶም ኮሚሽነር ኣብቲ ምስቶም ስደተኛታት ዝገበርዎ ርክብ ኣብ መጻኢ ኩነታት’ቲ መደበር ብምምሕያሽ መነባብሮ ስደተኛታት ንምምሕያሽ ላዕለዋይ ኮሚሽን ጉዳይ ስደተኛታት ዝከኣሎ ከም ዝገብር ገሊጸምሎም። ኣተሓሒዞም ድማ ዘቕረብኩምዎ ነጥብታት ብግቡእ ተታሒዙ ስለ ዘሎ ኣይትሻቐሉ፡ ዝከኣል ንምግባር ኣይርሰዕን እየ። በዚ መሰረት ኩነታት ንምምሕያሽ ዘኽእል ነገራት ከነቕርብ ኢና ኢሎም ቃል ኣትየምሎም።

ከም ዝዝከር ቅድሚ ሕጂ’ውን ናይ ቅድም ኮሚሽነር ላዕለዋይ ኮሚሽን ጉዳይ ስደተኛታት ሕቡራት መንግስታት ኣብ ወርሒ ጥሪ 2012 ኣብ መደበር ስደተኛታት ሸገራብ ሱዳን ንኤርትራውያን ስደተኛታት በጺሖም ነይሮም። ኣብቲ ምብጸሓም ንኤርትራውያን ስደተኛታት ዘተኣማምን ጸጥታን ምምሕያሽ መነባብሮን ተመባጺዐምሎም ነይሮም። እተኾነ እቲ ቃል ዝተኣትወሉ ምምሕያሻት ክሳብ ሕጂ ኣይተረጋገጸን።

ምሉእ ትሕዝቶ ናይቲ ናብ ኣቶ ግራንዲ ዝቐረበ መዘክር እዚ ዝስዕብ እዩ።

ናብ ክቡር ኣቶ ፊሊፖ ግራንዲ ፡ ላዕለዋይ ኮሚሽነር፡ ላዕለዋይ ኮሚሽን ጉዳይ ስደተኛታት ሕቡራት መንግስታት

ዕለት 10 ለካቲት 2016

ጉዳይ፡ ኣብ ሰሜን ኢትዮጵያ ንዝርከቡ ኤርትራውያን ንዝሃብዎ ቆላሕታ ንምምስጋን

ክቡር ኮሚሽነር

ንሕና ሰልፊ ደሞክራሲ ህዝቢ ኤርትራ (ሰደህኤ) ከም ኣገዳሲ ኣካል ኣብቲ ምእንቲ ደሞክራሲያዊ ለውጢ ኣብ ኤርትራ ዝቃለስ ዘሎ ተቓውሞ፡ ስለቲ ኣብ ሕቡራት መንግስታት ነዚ ዝግበኣኩም ሓላፍነት ብምብቃዕኩም ሓጐስና ንገልጸልኩም። ንኤርትራውያን ስደተኛታት ኣብ ሰሜን ኢትዮጵያ ግቡእ ቆላሕታ ብምሃብኩም ድማ ነመስግነኩም። እዚ ነቶም ግቡእ ቆላሕታ ከይረኸበቡ ዝጸንሑ ስደተኛታት ጽቡቕ ምምልክት እዩ።.

ክቡር ኣቶ ግራንዲ

ከምቲ ብኣካል ዝተዓዘምኩምዎን፡ ካብቶም ኣብ ሰሜን ኢትዮጵያ መደበር ህጻጽ ዘለዉ ስደተኛታት ዝሰማዕኩምዎን፡ ናይቶም ኣብ ኤርትራ ዘሎ ወጽዓ ምጽዋር ስኢነምዎ፡ ዝተሰዱን መሪር ሃለዋት ዘሕልፉ ዘለዉን መንእሰያት ኩነታት ቆላሕታ ዘድልዮ እዩ።

ከምቲ እቶም ዘዛረብኩምዎም መንግሰያት ዝገለጽልኩም፡ ብሓፈሻ ኩልና ተቓወምቲ ብፍላይ ከኣ ሰደህኤ፡ ላዕለዋይ ኮሚሽን ጉዳይ ስደተኛታት ሕቡራት መንግስታት፡ ቅድሚ ኣዞም መንእሰያት ሓደገኛ ጉዕዞታት ምጅማሮምን ግዳይ ሕማቕ ኩነታት ሲናይን ባሕሪ መዲተራንያንን ምኽዃኖም ኩነታቶማም ኣጽኒዑ መፍትሒ ዝኸውን ፕሮግራማት ክትልም ከነዘኻኽር ጸኒሕና ኢና። ካብ መዛግብ ናይቶም ቅድሜኹም ዝነበሩ ኮሚሽነር ንኤርትራ ኣብ ዝምልከት ፋይል ክትዕዘብዎ ከም እትኽእሉ፡ ናብ ላዕለዋይ ኮሚሽን ስደተኛታት ኮነ፡ ናብ ሕብረት ኤውሮጳን ካለኦት ዝምልከቶም ዓለም ለኻዊ ትካላትን መዘክራት ከነቕርብ ጸኒሕና ኢና። ኣብዚ መዘክራት ነቶም ስደተኛታት ደሓን መጽለሊ ክስረሓሎም፡ እኹል ናይ መግብን ጥዕናን ኣቕርቦት ክረኽቡ፡ ከምኡ እውን ኣብ ኢትዮጵያን ሱዳንን ዘለዉ መንእሰያት ስደተኛታት ኣካዳምያውን ሞያውን ትምህርቲ ሂብካ ድሕሪት ውድቀት ዲክታተርነት ኣብ ኤርትራ እውን ዝጠቅም ፍልጠት ክረኽቡ ክንጽውዕ ጸኒሕና ኢና። ካብዚ ሓሊፉ ወጻኢ ካብ ኤርትራ ምንባር እንተቐጺሎም ከኣ ኣብቲ ዕቑባ ዝሓትሉ ሃገር ብቑዓት ዜጋታት ከም ዝኾኑ ምኻኣሎም እውን ካልእ ጉዳይ እዩ። ነዚ ኣገዳሲ ፕሮግራም ዝኸውን ዓቕሚ ካብቲ ሃገራት ኣባል ሕብረት ኤውሮጳን ካለኦትን ብሰንኪ ሕማቕ ፖለቲካውን ሰብኣውን ተግባራቱ ንስርዓት ኣስመራ ዝተኸልአ፡ ስደተኛታት እግሪ ኣብ ምትካል ዘኽእል ተክኒካዊ ደገፍ ክርከብ መኸኣለ ዝብል እምነትና’ውን ክንገልጽ ጸኒሕና ኢና።

ክቡር ናይ ላዕለዋይ ኮሚሽን ጉዳይ ስደተኛታት ኮሚሽነር

ሎሚ ንጠለባት ናይቶም ጉድኣት ዘጋጥሞም ዘሎ ስደተኛታት ካብኣቶም ክትሰሞዎ ብምኻኣልኩም ሕጉሳት ኢና። ካብዚ ነቒልኩም ከምቲ ዝጠቐስናዮ ኣብ መስርዕ ናይዚ ን5 ዓመታት ትመርሕዎ ዓለምለኻዊ ስጉምትታት ቀዳምነት ሂብኩም ንኤርትራውያን ስደተኛታት ዝጠቅም ፕሮግራማት ከም እተበጋግሱ ድማ ንኣምን።

ምስ ኣኽብሮት

ወልደየሱስ ዓማር

ሓላፊ ቤ/ጽ ኣህጉራዊ ዝምድናታት ሰደህኤ

It is to be recalled that the former UNHCR chief, Antonio Guterres, also visited Eritrean refugees in Shagarab, eastern Sudan, in January 2012, and promised them better security and improvement in their situation. But better security and improvement in the living condition of refugees is still to come...

Printed below is the full text of the EPDP foreign office memo to the new UNHCR Commissioner, Mr. Grandi.

To: H.E. Mr. Filippo Grandi, High Commissioner, UNHCR Geneva,

Date: February 10, 2016

Subject: Gratitude for Your Attention to Eritrean Refugees in N. Ethiopia

Dear High Commissioner,  

We in the Eritrean People's Democratic Party (EPDP), a mainstream Eritrean opposition organization struggling for democratic change in Eritrea, wish to congratulate you for taking up this high post in the UN system that you well deserved, and to also express our profound gratefulness for your kind attention to Eritrean refugees in northern Ethiopia. This is a promising gesture to those refugees whose needs have not been addressed adequately.

Dear Mr. Grandi,

As you personally witnessed the situation and also heard it from the refugees at the Hatsats camp in northern Ethiopia, the vast majority of Eritrean refugees fleeing from the unbearable repression in their country are very young and in need of great attention to their disquieting current situation and future prospects.

As those young refugees you talked told you, also we in the Eritrean opposition in general, and EPDP in particular, have been repeatedly reminding the UNHCR to initiate a pack programme to address their urgent needs before those young refugees resort to dangerous risks like what has been happening to them in the Sinai and the Mediterranean Sea. As you can check in your predecessor's archives on Eritrea, our memos to UNHCR and those to EU (copied to your agency) and other concerned world bodies stressed the need of providing them better shelter, food and health facilities as well as academic and vocational education with the aim of arming the young Eritrean refugees in the Ethiopian and Sudanese camps with essential skills that would benefit post-dictatorship Eritrea, or even make those refugees useful citizens of any country of their asylum, if they remained abroad. Such a grand programme could, we believed, acquire the necessary resources from grants of EU member countries and others that had suspended technical assistance grants to the regime in Asmara for its bad record in human and political rights of its own people.

Dear UNHCR High Commissioner,

We are now happy that you heard those same demands from the very affected young refugees, and we trust you will initiate such a programme as a matter of priority in the global humanitarian action you are to lead for the coming five years.

Respectfully yours,

Wolde-Yesus Ammar,

Head, EPDP Foreign Relations Office

“በትሪ ሓቂ ትቐጥን እምበር ኣይትስበርን”

ሓደ ቤት ፍርዲ ሆላንድ፥ ኣብ ከተማ ኣምስተርዳም፡ ሎሚ ዕለት 10 ለካቲት 2016 ኣብ ዝዋዓለ መጋባእያኡ፡ መሰረት ባህልቢ እተባህለ ኣባል መንእሰያት ህግደፍ፡ ኣብ ልዕሊ ሆላንዳዊት ፕሮፈሰር ሚርያም ቫን ራይዘን፥ ዘቕረቦ ክሲ ውዱቕ ኢዩ ክብል ወሲኑ።

ከሳሳይ ዘቕረቦ ኣጸሊማትኒ ዝብል ክሲ ዝወደቐሉ ምኽንያት ድማ፡ መንእሰያት ህግደፍ ዝተባህለ ማሕበር ኣካል ህግደፍ ምዃኑ፡ ንኤርትራውያን ተኸታቲሉ ጸብጻባት ከምዘቕርብን ንምርግጋጽ ብዙሕ ጻዕሪ ዘይድልዮ ሓቂ ስለዝዀነ ኢዩ።

እቲ ቤት ፍርዲ፥ ኣብ ጭብጥን መጽናዕትን ዝተመርኰሰ ሓሳብ ክዕገት ፈጺሙ ኣይከኣልን ኢዩ ብዝብል ምኽንያት ኢዩ ነቲ ብመንእሰይ መሰረት ባህልቢ ዝቐረበ ክሲ ነጺጉ ነቲ ናይ ፕሮፈሰር ሚርያም ቫን ራይዘን ሓሳባት ዝደገፎ።

ኣቦ መንበር ሰልፊ ዲሞክራሲ ህዝቢ ኤርትራ፥ ሓው መንግስተኣብ ኣስመሮም፥ ቤት ፍርዲ ኣምስተርዳም ዝሃቦ ብይን፡ ንፍትሒ ዘንግስ፡ ንሓቂ ረጊጾም ብዘይሕጋዊ ኣገባብ ክዕምጹ ንዝደልዩ ድማ ኣፍደገ ዝዓጹ ስለዝዀነ እንቋዕ ሓጐሰኪን ሓጐሰናን፡ ዝብል ናይ ደገፍ መልእኽቲ ኣመሓላሊፉ። ምእንቲ ሓቅን ፍትሕን እተካይድዮ ቃልሲ ብዙሕ ዕንቅፋታት ከጋጥሞ ምዃኑ ፈሊጥኪ፡ ክምህ ከይበልኪ ንዝጀመርክዮ ቅዱስ ዕላማ ናብ ዓወት ንምብጻሕ ጻዕርታትኪ ቀጽሊ ብምባል ድማ ኣተባቢዕዋ።

ብዕለት 07.02.2016 ጨንፈር ፍራንክፎርትን ከባቢኣን ስሩዕ ወርሓዊ ኣኼባኡ ኣካይዱ። ኣኼባ ብሓው ታደሰ ኣስመላሽ ኣቦ መንበር ጨንፈር ሰናይ ምንዮት እዩ ኸፊቱ። ቀጺሉ ኣብዚ ኣኼባዚ ክዝረበሎም ተታሒዞም ዘለዉ እዋናዋን ዛዕባታት ኣኼባ ሓቢሩ።

• ኣብ እዋናዊ ፡ሃገራውን ሰልፋውን ዞናውን ሓበሬታታት ምልውዋጥ፤
• መንእሰያት ኣባላት ምስ ሰዲህኤ ንምልላይ ዝግበር ኣስተምህሮ፤
•  ውጽኢት ሰሚናር  ንኡስ ዞባ ጀርመንን ናይ ዕለት 23.01.2016ን መጻኢ መደባትን
• ናይ መጻኢ ብጨንፈር ኣብ ምምሕያሽ ዝርከቡ ናይ ኣሰራርሓ ቅጥታትን ንኡስ ዞባ ዝተለሞም ዕማማትን፡

ቀዳማይ ዘሎ ኣጀንዳ ዝያዳ ግዜ ዝወሰደ ምርድዳኣት ዝተገብረሉ ኣዃ ኣንተነበረ፡ መንግስቲ ሱዳን ቅድሚ ሕጂ ዝወሰዶን ሕጂ‘ውን ዝወስዶ ዘሎ ንመራሕቲ ተቓወምቲ ውድባት ናይ ምእሳር ስጉምቲ፡ ብሓደ ሸነኽ፡ ንረብሓ ዲክታቶርያዊ ስርዓት ኤርትራ ዘገልግል፡  ንሽግራት ህዝቢ ኤርትራ ድማ ዘናውሕ ብምዃኑ፡ በቲ ካልእ መዳይ ድማ ንዝጸንሐ ዝምድናታት ክልቲኡ ኣህዛብ ዘበላሹ ብምዃኑ ዘይቅኑዕን ሃሳይን እዩ። ስለዚ እቲ ኣቦ መንበር ሰደህኤ ሓው መንግስትኣብ ኣስመሮም ብ4 የካቲት 2016 ዘውጽኦ መግለጽን፡ ካልኦት ኤውርትራውያን ውድባትን ህዝባዊ ትካላትን ዘውጽእዎ መግለጺታት ኣብ ቦታኡ ምዃኑ‘ውን ኣኼበኛ ኣስሚሩሉ። ከምኡ‘ውን ሰልፊ ዲሞክራሲ ህዝቢ ኤርትራ  ንዝገብሮ ዘሎ ዲፕሎማስያዊ ንጥፈታት ንኢዱ።

ኣኼበኛ፡ ነቲ ኣብ ኣዲስ ኣበባ ዝተኻየደ 6ይ ኣህጉራዊ ኣኼባ በርጌሳዊ ማሕበራት ዘመሓላለፎ መልእኽቲ እውን ኣገዳስነቱ ርእዩ። ዲክታቶርያዊ ስርዓት ኤርትራ፡ ነቲ ባዕሉ ዝፈጠሮ ውሽጣዊ ጸገማት ህዝብና፡ ብናይ ደገ ሓይልታት ዝመጸ ጌሩ ክገልጾን እንተክኢሉ ድማ ክሓብኦን ዝጸንሐ ጉዳይ፤ ሕጂ እዚ 6ይ ኣህጉራዊ በርጌሳዊ ማሕበራት ናይቲ ስርዓት ናይ መሰል ሰብ ምግሃስ ዝፈጠሮ ምዃኑ እዩ ኣቃሊዑ። ስለዚ ጉዳይ ኤርትራ ብደረጃ ክፍል-ዓለምና ኣቓልቦ ብምርካቡ፡ ንተነጽሎ እቲ ስርዓት ዘግድድ ክኸውን ከምዝኽእል እውን ተመልኪቱ። ነቲ ፍሊፖ ግራንዲ፡ ላዕለዋይ ልኡኽ ስደተኛታት ዓለም፡ ኣብዚ መጀመርያ ወርሒ 2016፡ ኣብቲ ኣብ ህጻት ዝተባህለ ኣብ ኢትዮጵያ ዝርከብ መደበር ስደተኛታት ኤርትራውያን ብኣካል ከይዱ ሽግራቶም ሰሚዑ ዝሃቦ ኣተባባዒ መብጽዓታት‘ውን ኣዎንታዊ ምዃኑ ተሓቢሩ።

ብድሕሪኡ መንእሰይ ክብሮም ዓንዶም፡ ንሕና መንእሰያት ተካእቲ ወለዶ ስለ ዝኾንና ሃገርናን ህዝብናን ካባና ብዙሕ እዩ ዝጽበ። ህዝብና እናጸነተ ስቕ ኢልና ምርኣይ‘ውን ዘሕትተና እዩ። ብዘይ ህዝቢ ሃገር ዝበሃል የለን፤ ሃገር ማለት ህዝቢ ማለት እዩ። ስለዚ ህዝብና ንዘጥፍእ ዘሎ ስርዓትሲ ብተወፋይነት ክንቃለሶ ኣሎና እምበር፡ ነቲ መላኺ ኢሳያስ ክህቦ ዝቐነየ ናይ ደሞዝ ምውሳኽን ካልእ መደናገሪ መደረታትን ከም ኣብነት ብምጥቓስ፤ ንሱ ብዝህቦ ናይ ሓሶት መግለጺታትን ምድንጋራትን ተታሊልና ካብ ቃልሲ ከነድሓርሕር ኣይገባእን። ናብቲ ዘጽንተና ዘሎ ተመሊስና ክንፍርምን ምስኡ ክንደናገጽን‘ውን ኣይግባእን፤ ህዝብናን ሃገርናን ካብ መላኺ ስርዓት ፈላሊና ክንርዮም ኣለና።  ንረብሓ ህዝቢ ክሰርሕ ዝኽእል እንተዝኸውን ቅድሚ ሎሚ‘ውን ክንደይ ሓገዛት ረኺቡ‘ዩ ብምባል ንውሕ ዝበለ ኣዝዩ መሃሪ መግለጺታት ኣቕሪቡ። መንእሰይ ክብሮም ብዘንቀሎ መግለጺ‘ውን ብዙሓት ኣኼበኛታት በብተራ ሰፊሕ መግለጺታት ኣቕሪቦም። 

ካብኡ ብምቕጻል፡ እቲ ኣኼበኛ እቲ ኣብ ሰሚናር ንኡስ ዞባ ጀርመን ብ23.01.2016 ዝተገብረ ድህሰሳን መጽናዕትን ዝተበጽሐ ናይ ስራሕ መደባትን ድሕሪ ምሕባር፡ ኣገደስቲ ሕቶታት ቀሪቦምን ግቡእ መብርሂ ድሕሪ ምቅራብ፡  ንተግባራውነቱ ብምሉኡ ተቐቢሉ፤ ንዝመጽእ ሓድሽ ኣገባብ ተኸቲሉ ክሰርሓሉ ምዃኑ ኣረጋጊጹ።

ኣብ መወዳእታ ናይቲ ኣኼባ ወይዘሮ መስከረም ግርማይ ዝተባህለት ኣባል፡ ኣነ ብሳላ ሰልፍን ጻዕርታት ኣባላት ናይዚ ሰልፊን ኣብ ጀርመን ናይ ምንባር ፍቓድ ረኺበ ኣለኹ፡ ኣነ ክጭነቕ ከለኹ ንዓካትኩም'ውን የሸግረኩም ነይረ ምሳይ እውን ትጭነቁ ኔርኩም፡ ሕጂ ኣብ ሓጐሰይ ድማ ምሳይ ንክትሕጐሱ፡ ነዞም ኣብዚ ኣኼባ ዘለኹም ምሳሕ ኣዳልየ ኣምጺኤ ኣለኹ፡ ክትብል ሓጎሳ ብምግላጽ፡ በብዓይነቱ መግቢ ተቀሪቡ ኣኼበኛ ተደሪሩ፡ ስለቲ ሰናይ ምግባርን ግደ ሰልፍን ጻዕርታት ኣባላቱን ክብሪ ምሃባን ብምምጓስ ኣኼባ ተደምዲሙ።