ኣብ ግብጺ ኣብ ልዕሊ ኤርትራውያን ስደተኛታት ዝፍጸም ግፍዒ ይገድዳ’ሎ
Monday, 02 February 2026 21:28 Written by ቤት ጽሕፈት ዜና ሰዲህኤ
ኣብ ግብጺ ዝርከቡ ኤርትራውያን ስደተኛታት፡ ኣብ ልዕሊኦም ዝፈጸም፡ ቅሉዕ ማእሰርቲ፡ ካልእ ግህሰታትን ኣገዲድካ ናብ ኤርትራ ምምላስን እናገደደ ይኸይድ ከም ዘሎ፡ ሓልዮት ሰብኣዊ መሰል ኤርትራን ዝተፈላለያ ማዕከናት ዜናን ገሊጸን። እቲ ኣብ ልዕሊ እቶም ስደተኛታት ዝፍጸም ዘሎ ግህሰታት ብቐጥታ ኣንጻርቲ ንመሰል ስደተኛታት ዝምልከት ዓለም ለኻዊ ሕግታት ምዃኑ እውን ተሓቢሩ።
በቲ ዜና መሰረት፡ ኤርትራውያን ኣብ ግብጺ ብቐጻሊ፡ ካብ ጐደናታት፡ ዕዳጋታትን ኣገልግሎት መጐዓዝያን ከምኡ እውን ካብ መንበሪ ኣባይቶም ተገፊፎም ይእሰሩ። እቶም ኤርትራውያን ኣብ ሕቡራት ሃገራት ጉዳይ ስደተኛታት’ኳ እንተተመዝገቡ፡ ብሰበብ ዘይምርካብ መንበሪ ፈቓድ ቆጸራ እናሃለዎም ከይተረፈ ብቐጻሊ እዮም ዝእሰሩ። እዞም ስደተኛታት ግዳይ እዚ ዝተጠቕሰ ሕሰማት ዝኾኑ ዘለዉ፡ ብሰንኪ ኣብታ ሃገር ዘሎ ምምሕዳራዊ ቅልውላው ምዃኑ እውን እቶም ምንጭታት ይሕብሩ።
እቲ ጉዳይ ስደተኛታት ዝምልከቶ ኣካል ዝህቦ ቆጸራታት ክሳብ 2 ዓመት ከም ዝበጽሕን ኣብቲ መንጎ ብዝፍጠር ብኩራት መንበሪ ፈቓድ ከም ዝእሰሩ እቲ ሓበሬታ ጠቒሱ፡ እዚ ከኣ ንዕለታዊ ማእሰርቲ የቃለዖም። እቶም ግዳያት ክሕተቱ እንከለዉ፡ ነቲ ናይ ቆጸራ ወረቐት ከርእዩ እንከለዉ በቶም ናይ ጸጥታ ኣካላት ኣፍልጦ ኣይወሃቦን። ኣብ መንጎቲ ናይ ምምዝጋብን ናይ ምጽራይ ግዜ ዘሎ ፍልልይ ከኣ ነቶም ስደተኛታት ማህሰይቲ የጋጥሞም ኣሎ።
ከም ውጽኢት ናይዚ ኤርትራውያን ተገዲዶም ናብታ ብሰንኪ መወዳእታ ዘየብሉ ውትህድርና፡ ማእሰርትን ምስዋርን፡ ገዲፈምዋ ዝተሰዱ ኤርትራ ከም ዝምለሱ ኣብቲ ጸብጻብ ተሓቢሩ። እቲ ኣገዲድካ ናብ ኤርትራ ምምላስ፡ ኣደታት፡ ህጻናትን ብዕድመ ዝደፍኡን ከም ዘጠቓልል ከኣ ተጠቒሱ። ኣደታት ብዘይደቀን ዝስጐጓል ዘሕዝን ኣጋጣሚ ከም ዝፍጠር እውን ተገሊጹ።
ኣብ ርእሲዚ ብሰንክቲ ብጾታዊ ዓመጽ ካልእ ዘይሰብኣዊ በደላትን ኣእምሮኦም ዝህሰዩ ወገናት ከም ዘለዉን፡ እቶም ደሓን ዝበሃሉ ከኣ ናይ ምስራሕ፡ ናይ ትምህርትን ብዘይስግኣት ናይ ምንባርን መሰሎም ዘይውሑስ ኮይኑ፡ ኣብ ስግኣት ናይ ማእሰርትን ምስጓጉን ከም ዝነበሩ ተጠቒሱ።
1ይ ክፋል
ምምሕዳር ውደባዊ ቤት ጽሕፈት ፖለቲካዊ ሓይልታት ኤርትራ (ፖ.ሓ.ኤ) ብዕለት 22 ጥሪ 2026 ስሩዕ ኣኼባኡ ኣሰላሲሉ። ዕላማ ናይ’ዚ ኣኼባ፡ ነቲ ብጻውዒት ጥምሮ ኣብያተ-ጽሕፈት ፖ.ሓ.ኤ ብዕለት 17ን 18ን ጥሪ 2026 ዝተኻየዱ ናይ ኣባላት ሓፈሻዊ ኣኼባታት ምግምጋምን ክሳብ መጻኢ ስሩዕ ኣኼባ ቤት ጽሕፈት ክፍጸሙ ዝግብኦም መደብ ስርሓት ንምትላምን እዩ ነይሩ።
ኣባላት ምምሕዳር ኣቐዲሙ ዝተሰላሰለ ሓፈሻዊ ኣኼባ ብትሕዝቶን ተሳትፎን እወንታዊ ምንባሩ ድሕሪ ምግላጽ፡ ኣብ ምብጻሕ ዕድመ ኣኼባ፡ ኣብ’ቶም ኣብ ጨናፍር ኰነ ዞባዊ ስርርዓት ጌና ዘይኣተዉ ዘለዉ ባእታታት ሓበሬታ ብኣግኡ ክበጽሖም ዘይምኽኣሉ ሓደ ካብ’ቲ ሕጽረታት ምንባሩ ተጠቒሱ። ኣኼባ ምምሕዳር ክሳብ መጠረስታ ለካቲት 2026 ክፍጸሙ ዘለዎም ክልተ ኣገደስቲ ናይ ትግባረ-መደባት ድሕሪ ምንጻር፡ ኣባላት ኣብ ከባቢኦም ብትግሃት ንምፍጻሞም ክጽዕቱ ተማሕጺኑ።
ብዕለት 17 ጥሪ ነቲ ኣብ ሰፊሕ ክፋል ክፍለ-ዓለማት ኣመሪካ፡ ኣውሮጳ፡ ኣፍሪቃ እስያን፥ ብ18 ጥሪ 2026 ከኣ፡ ነቲ ብጀኦግራፊካዊ ኣቐማምጣኡ ናይ ሰዓታት ፍልልይ ዘለዎ ኣብ ኣውስትራልያን ኒዩዚላንድን ዝርከቡ ኣባላት ዘጠቓለለ ኣኼባታት ፖ.ሓ.ኤ ኢዩ ተኻይዱ። ኣኼባታት፡ ሓውቲ ኣድያም ተፈራ ብዘቕረበቶ መእተዊ ቃል’ዩ ተኸፊቱ። እቲ ኣኼባ ድሕርቲ ኣብ ሕዳር ዝተኻየደ ካልኣይ ስሩዕ ኣኼባ ማእከላይ መሪሕነት ንፈለማ ዝካየድ ዘሎ ኰይኑ፡ ዕላማኡ ኣብያተ- ጽሕፈት ፖሓኤ ዘሰላስልዎ ዕማማትን ናይ መጻኢ መደባትን ንምሕባር እዩ ነይሩ።
ድሕሪ ምንጻር ዕላማ ናይቲ ኣኼባታት፡ ሓለፍቲ ነፍስወከፍ ቤት ጽሕፈት ፈጻሚ ኣካል ብተርታ መግለጺኦም ከቅርቡ ምዃኖም’ውን ተሓቢሩ። በዚ መሰረት፡ ሓው ገረዝጊሄር ተወልደ፡ ኦቦ መንበር ፖሓኤ፡ ንተሳተፍትን ኣዳለውትን ኣኼባ ብምምስጋን ሰናይ ኣኼባታት ክኸውን ትምኒቱ ገሊጹ፡፡ ኣብ ሃገራዊ፡ ዞባውን ኣህጉራውን ኲነታት ኣመልኪቱ ኣብ ዘቕረቦ መግለጺ፡ ሃገርና ኣብ ዝኸፍአ ኩነታት ምህላዋ፥ ካብ ዘላቶ ሃለዋት ንምውጻእ ቃልስታትና ከነሐይል ከምዘድልየና፥ ከባቢና ብምልኡ ብኲናት ይሕመስ ምህላዉን ዓለምና ሓያላት ንኣህጉራዊ ውዕላትን ስምምዓትን እናጠሓሱ ድላዮም ዝገብሩላ እንዳዀነት ትኸይድ ምህላዋን ኣብሪሁ። ኣብ ርእስ’ዚ፡ ኣብ መንጎ ኤርትራን ኢትዮጵያን ካብ 2023 ጀሚሩ ዘየቋርጽ ዘመተን ናይ ውግእን ወረ ውግእን ደበናን የንጸላሉ ብምህላዉ ኣዝዩ ኣሻቓሊ ኰይኑ ኣሎ ኢሉ። ህዝቢ ኤርትራ ነቲ ብቓልስን መስዋእትን ዘረጋገጾ ልዑላውነትን ናጽነትን ኣሕሊፉ ከምዘይህብ እምነት ፖ.ሓ.ኤ ምዃኑ ኣስሚርሉ። ጉዳይ ሓድነትን ሓባራዊ ስራሕን ብዝምልከት ከኣ፡ ኣብ ንጹር መትከላትን ኣብ መጽናዕትን ዝተመርኰሰ ክኸውን ብዕቱብነት ይስርሓሉ ከምዘሎ ኣሚቱ።
ሓላፊ ኣህጉራዊ ዝምድናታት ብወገኑ፡ ንዝሓለፈ ተመኩሮና ኣብ ግምት ብምእታው፡ እቲ በይናዊ ምንቅስቓስን ዲፕሎማስያዊ ርክባትን ናይ ውድባት ኣዐዋቲ ከምዘይነበረ ብምግንዛብ፥ ነቲ ኣብ 2024 ዓ.ም ብደረጃ ሰለስተ ጽላላት ክዕመም ዝተጀመረ ሓባራዊ ወፍርን ኣብ 2025 ዝተፈጸሙ ኣብ ኣርባዕተ ጉዳያት፡ ማለት ኣብ ጉዳይ ስደተኛታት ኤርትራውያን፡ ኣብ ህዝቢ ኤርትራ ዘሎ ሕሰም መነባብሮን ክማላእ ዘለዎ ውሕስነታትን፡ ኣብ መንጎ ኤርትራን ኢትዮጵያን ዘሎ ወጥሪ ብሰላማዊ ኣገባብ ክፍታሕን ኣብ ሕድሕድ ምክብባር ዝተመርኰሰ ልዑላውነትን ሃገራት ምኽባርን ብኣውራኡ ድማ ምቅላዕ ንጨቋኒ ስርዓት ኤርትራን ዝብሉ ዛዕባታት ሓቢሮም ክሰርሑ ምጽንሖም ሓው የውሃንስ ኣስመላሽ ኣብሪሁ። ከምኡ’ውን፡ ምስ ህልዊ ኩነታት ንምግምጋምን ንምግጣምን ርክብ ናይ ሰለስቲኡ ጽላላት ኣብ ሓጺር ሓጺር ግዜ ክግበር ኣብ ስምምዕ ተበጺሑ ምህላዉ ሓቢሩ።
ሓላፊ ቤት ጽሕፈት ዜና፡ ምምሕዳር ድሕሪ ምቛሙ፡ እቶም ክሳብ ሕጂ ክሰላሰሉ ዝጸንሑ ዕማማት ንደገ ዘትኮረ ዘይኮኑስ፡ ኣብ ውሽጢ’ቲ ጽላል ንዝካየድ ንጥፈታት ቀዳምነት ብምሃብ ክሰርሑን ንዘለዎም ሕጽረት ዓቕሚ ሰብ ንምምላእን ኣብ ቀጻሊ ጻዕርታት ምጽናሖምን ንተሳተፍቲ ድሕሪ ምሕባር፥ ክሳብቲ ዕለተ ኣኼባ ንጥፈታት ፖሓኤ ብጽሑፋትን ብድምጽን ኣብ ህዝቢ ንምብጻሕን ክስርሓሉ ከምዝጸንሐ ሓው ኢስማዒል ገባይታ ሓቢሩ። ዜናዊ ስርሓት ፖ.ሓ.ኤ ናይ ህዝብን ናይ ኩሉ ኣባል ተሳትፎን ምትሕግጋዝን ከምዘድልዮ ድማ ኣሚቱ።
ቀጺሉ ሓላፊ ውደባዊ ጉዳያት ቤት ጽሕፈት፡ ሓው ተስፋይ ወልደሚካኤል (ደጊጋ)፡ ብዛዕባ ውደባ ክንዛረብ እንከለና ብዛዕባ ውሽጣዊ ጉዳይና ንዛረብ ኣለና ማለት ኢዩ ኢሉ። መበገሲ መደብ ዕዮ ውደባዊ ጉዳያት ቤት ጽሕፈት ድማ ኣብ ሰለስተ ስርዒታዊ መሰላል ማለት ጉባኤ፡ ማእከላይ መሪሕነትን ፈጻሚ ኣካልን ብዝህብዎ ዕማማት ከምዝብገስ፡ ነዚ ዕማማት’ዚ ንምፍጻም ድማ ኣብ ውሽጢ ኣባላትን መሪሕነትን ፖሓኤ ሰለስተ ነገራት ከምዘድልዩ ኣመልኪቱ። እቲ ቀዳማይ ሞራላዊ ቅሩብነትን ድልውነትን ኰይኑ፡ ውሽጣዊ ሓያልነት ዝፈጥር እዩ። ሓያልነት ናይ ፖሓኤ ድማ ኣብ ውሽጣዊ ሓያልነት ናይ ውልቀ ነቲ ጽላል ዘቑማ ውድባት ከምዝምርኮስ፥ እቲ ካልኣይ ውደባዊ ዕዮን ቀጻልነቱን ዝምልከት ክኸውን ከሎ፡ ውደባ መወዳእታ ዘይብሉ ቀጻሊ መስርሕ ከምዝኾነ፡ ብኣሰራርሓ ዝግዛእ፡ ሕጽረታትን ዓወትን ዘለዎ መስርሕ እዩ ክብል ኣብሪሁ። ብዘይካዚ ባዕላዊ ሕጽረታት ናይ ውሽጥና ስለዝኾነ ክንውግዶ ከምእንኽልን ነቲ ወድዓዊ ሕጽረታት ድማ ክንገጥሞ ክምዝግባእ’ውን ጠቂሱ።
ኣስዒቡ፡ ኣብ ቅድሜና ዓበይቲ ዓመታዊ ዕማማት ምህላዎምን ከነዐውቶም ክንንጽሮም ከምዘለናን ድሕሪ ምምልካት፡ ኣብቲ ብሓባር ዘለናሉ ቦታታት ብናይ ሓባር ኣባላት ዝቆማ ዘባታትን ገለ ጨናፍርን ምህላወን፡ ኣብቲ ክሳብ ሕጂ ክንበጽሖ ዘይከኣልና ቦታታት’ውን ስርርዓትና ንኽንስርት ከምዝግባእን ኣብ ውሽጥና ድልዱል ምትእስሳርን ምትእምማንን ፈጢርና ናብ ህዝቢ ክንወርድ ኣብ ቅድሜና ዘሎ ዕማም ምዃኑን ኣብሪሁ።፡
ይቕጽል……………..
ግሪንላንድ ብጀኦግራፊ ሰሜን ኣሜሪካ እትርከብ ካብ ዓለምና ዝዓበየት ደሴት ኮይና፡ ብመዳይ ምምሕዳርን ባህልን ግና ምስ ሃገራት ኤውሮጳ፡ ነርወይን ደንማርክን ትዛመድ ተባሂላ እያ እትጥቀስ። መዋስንታ ከኣ ብምዕራብን ሰሜናዊ ምዕራብን ካናዳ፡ በቲ ካልእ ኣቕጣጫ ሰሜናዊ ዋልታ ሩሲያ፡ ብሰሜናዊ ምብራቕ ኣይስላን፡ ደሴት ፋሮ፡ ነርወይን ደንማርክን በቲ ዝተረፈ ድማ ካልኦት ሃገራት ኤውሮጳ እዩ።
ብዝሒ ህዝባ ብመሰረት ጸብጻብ 2022፡ ኣስታት 56,583 ይኸውን። መብዛሕትኡ ህዝባ ብሰንኪ ክሊማዊ ጽልዋ ኣብ ደቡባዊ ምዕራብ ገማግም ባሕሪ፡ ብኣዝዩ ሰፊሕ ሳሕዊ ሰፊሩ ይነብር። ግሪንድላንድ ካብ ዓለም ዝለዓለ ሳሕዊ ነበርቲ ዘለዋ ደሴት ምዃና ይንገረላ። ጠቕላላ ስፍሓት መሬት ግሪንላንድ 2.166 ሚልዮን ትርብዒት ኮሎሜተር እዩ።
ዝሰፈሐ መሬት ግሪንላንድ ሰብ ዘይነብሮ ኮይኑ፡ ሰመረሶቅ፡ ኩጃለቅ፡ ቁቃታን ቃሱቲሱቅን ዝበሃላ 4ተ ክፍሊ ምምሕዳራት ኣለዋኣ። ንከተማታት ዝምልከት ድማ ኑክ 20,085 ህዝቢ ዝነብራ ዋና ከተማ ናይታ ደሴት ክትከውን እንከላ፡ ሲሲሙት፡ ሉሊሳን ቃቆርቶቅን ድማ ብዝሕ ዝበለ ህዝቢ ዝነብረን ከተማታት እየን።
ግሪንላንድ ካብ መንግስቲ ደንማርክ ብዝረኸበቶ ፈቓድ፡ ካብ 1979 ጀሚራ ናይ ውሽጣዊ ምምሕዳር መሰል ኣለዋ። በቲ ዝተዋህባ ፈቓድ መሰረት፡ ንወጻኢ ጉዳይ፡ ምክልኻል፡ ገንዘብን ሕጋዊ መስርሕን ዝምልከት ኣብ ውሳነ ደንማርክ እያ እትምርኮስ። ኣብ ሓፈሻዊ ምቁጽጻር ከም ምህላዋ መጠን ዜጋታታ ናይ ደንማርክ ፓስፖርት እዮም ዝሕዙ።
ግሪንላንድ ብዝተፈላለዩ ማዕድናት ኣዝያ ዝሃብተመት ብምዃና፡ “ኣብ ካልእ ዓለም ዘይርከቡ” ተባሂሎም ዝጥቀሱ 36,100,000 ቶን ዝዓቐኖም ማዕድናት ክህልውዋ እንከለዉ፡ ሞሊበድዩም፣ ግራፋይት፡ ሃፍኑዩም፡ ታንታሌም፡ ቲታንዩም፡ ኒዮቢኡምን ፕላቲኑምን ድማ ካብቶም ኣብ ግሪንላድ ብብዝሒ ዝርከቡ ማዕድናት ተጠቀስቲ እዮም።
ኣብዚ እዋንዚ በቲ ሓደ ወገን፡ ኣሜሪካ “እንተዘይ ተቖጻጺረያ እሞ ብሩሲያ ወይ ብቻይና እንተተሒዛ ንጸጥታይ ሓደጋ እያ” ብዝብል ክትጥቕልላ ላዕልን ታሕትን ትብል ኣላ። ደንማርክ ድማ ግዝኣተይ ስለ ዝኾነ ካብ ኢደይ ኣይትወጽእን ትብል ኣላ። ሕብረት ኤውሮጳ ከኣ ኣብ ጐኒ ኣባሉ ዝኾነት ደንማርክ ስለ ዝተሰለፈ ኣብ መንጎ ሕብረት ኤውሮጳን ኣሜሪካ ናብ ውግእ ከይዓርግ ዘስግእ ወጥሪ ይውስኽ ከም ዘሎ ንዕዘቦ ዘለና እዩ።
ኣብ መዓርፎ ነፈርቲ ካርቱም ዝዓነዋ ናይ ሲቪል ነፈርቲ
ብሰንክ’ቲ ብ2023 ኣብ ሱዳን ዝተባርዐ ውግእ፡ ኣብ ዓለምለኻዊ መዓርፎ ነፈርቲ ካርቱም ዝወረደ ሳዕቤን፡ ዕንወት 28 በብዓይነተን ናይ ሲቪል ነፈርቲ ከም ዘኸተለ፡ መንገዲ ኣየር ሱዳን ብ11 ጥሪ 2026 ብዘውጸኦ መግለጺ ኣፍሊጡ። እተን ዝዓነዋ ነፈርቲ ናይ ሰብ መጐኣዝያን ናይ ንብረት መጽዓንን ኮይነን፡ ዋንነተን ድማ ናይ መንግስትን ናይ ብሕትን ምንባረን ተፈሊጡ። ነተን ነፈርቲ ኮነ ኢሉ ዘዕነወን እቲ ብጀነራል ሕመቲ ዝምራሕ ተወርዋሪ ዕጡቕ ሓይሉ እዩ ዝብል ክሲ እውን ኣብቲ ዜና ተጠቒሱ።
ናይቲ ዓለምለኻዊ መንገዲ ኣየር ሓለፍቲ ብወገኖም፡ ንሱዳን ትሪቡን ከም ዝገለጹላ፡ እቲ መንገዲ ኣየር ናብ ንቡር ንምምላስ እቲ ዕንወት ዘሕድረሉ ሃጓፍ ዝለዓለ ኮይኑ፡ ዋላ ናይ መጀመሪ ርእሰማል ዓቕሙ እውን ኣዝዩ ውሱን ምዃኑ ተጠቒሱ። እዚ ዝተገልጸ ላዕለዎት ሓለፍቲ ልኡላዊ ኮሚተ ሱዳን ብ11 ጥሪ 2026 ኣብቲ መዓርፎ ነፈርቲ ኣብ ዝዓረፍሉ እዋን እዩ። ካብኡ ሓሊፉ እቲ መንገዲ ኣየር ቀዋሚ ዝሰፈሐ ኣገልግሎት ምሃብ ዝጅምረሉ ዕለት ከምዘይተፈልጠ እቲ ዜና ኣመልኪቱ።
ኣብዚ እዋን’ዚ ነቲ መንገዲ ኣየር ገጢምዎ ዘሎ ዝለዓለ ብደሆ፡ መሰረታዊ ምንቅስቓስ መጀመሪ ዓቕምን ኢንሹራንስን እዩ። ብሰንክ’ዚ ሕጽረት ከኣ ወነንቲ ነፈርቲ ኩባንያታት ነፈርተን ካብ ፖርት ሱዳን ናብ መዓርፎ ነፈርቲ ጐረባብቲ ሃገራት ለይቲለይቲ የውጸኣ ኣለዋ ክብል እቲ ዜና ሓቢሩ።
ብኻልእ ወገን ከኣ ምስዚ ምዕናው 28 ነፈርትን ዘሻቕል ጸጥታዊ ኩነታትን ገለ ናይ መጐዓዝያ ትካላት ኣካልቲ መንገዲ ኣየር ናይ ምዃን ድሌት የርእያ ኣለዋ ተባሂለን። ሳልማኣየር ዝተባህለት መንገዲ ኣየር ዑማን 27 ጥሪ 2026 ብቐጥታ ናብ ፖርት ሱዳን በረራ ብምምጅማር፡ ነቲ ምስቲ መንገዲ ኣየር ዝነበራ ዝምድና ናብ ንቡር ንምምላስ ካብ ሃገራት ወሽመጥ ናይ መጀመርያ ኮይና ከም ዘላ ተፈሊጡ።
اغتيال شاب إرتري وإصابة آخر في بلدة عد شوما
Monday, 12 January 2026 21:22 Written by EPDP Information Officeأفادت مصادر مطلعة من المنطقة أنه في السابع من يناير 2026 أقدم قائد فرقة في قوات الدفاع الإرتري، الملقب بـ ودي فرزون على اغتيال شاب إرتري يُدعى حسن إدريس، وإصابة شاب آخر يُدعى ودي سعيد بجروح بالغة، وذلك في بلدة عد شوماو الواقعة في ضواحي قاحتلاي بإقليم سمهر.
وذكرت المصادر التي نقلت الخبر أن الحادثة وقعت عقب تطويق البلدة بقوة عسكرية تابعة لقوات الدفاع الإرتري، قدمت من منطقة عد عيلا، وتتبع للفرقة التي يقودها ودي فرزون، وذلك في إطار حملة لاعتقال شباب البلدة قسراً بغرض التجنيد الإجباري.
وأضافت المصادر أنه أثناء محاولة عدد من شباب البلدة الخروج لتفادي الوقوع في أيدي الجنود، أطلق أفراد القوة العسكرية وابلاً من الرصاص عليهم، ما أدى إلى مقتل الشاب حسن إدريس على الفور، وإصابة زميله ودي سعيد بجروح خطيرة.
وعقب الحادثة، حاول أهالي القتيل، بمساندة سكان بلدة عد شوماو، الامتناع عن دفن الجثمان إلى حين معرفة ملابسات الجريمة، وتحديد هوية القاتل، مطالبين بنقل جثمان الضحية إلى مدينة قندع إلى حين استكمال الإجراءات.
إلا أن الرد جاء سريعاً من قائد الفرقة ودي فرزون، الذي أقرّ صراحةً بارتكاب الجريمة، وأمر الأهالي بدفن القتيل فوراً دون أي تحقيق، وأجبرهم على تنفيذ أوامره.
كما قام الأهالي برفع بلاغ إلى مركز الشرطة في المنطقة، غير أنهم تلقوا رداً من شرطة المنطقة يفيد بعدم قدرتها على التحري أو التحقيق في البلاغ، ليعودوا دون أي إجراء يُذكر.
وتجدر الإشارة إلى أن هذه الجريمة تُعد الثانية من نوعها خلال فترة قصيرة، بعد حادثة مقتل القاصر يافيت في بلدة قرانا خودو قبل نحو أسبوعين.
ኣብ ኢትዮጵያን ክልላት ትግራይን ዓፋርን 4.7 ሬክተር ስኬል ዝዓቐኑ ምንቅጥቃት መሬት፡ ብ4 ጥሪ 2026 ከም ዘጋጠመ ወጋሕታ ኣፍሪቃ (DAWN AFRICA) ዝተባህለ ትካል ሓቢሩ። እቲ ኣብ ሰዓት 5.05 ድሕሪ ቀጥሪ ዘጋጠመ ምንቅትቃጥ መሬት ኣብ ዓፋር ዳሎ ካብ ዝተባህለ ስፍራ፡ ሰሜናዊ ምብራቕ 47 ኪሎሜተር ካብ ከተማ መቐለ ድማ 60 ኪሎሜተር ሰሜን ምዕራብን ርሒቑ ምዃኑ እቲ ዜና ሓቢሩ።
ናይቲ ምንቅጥቃጥ ናይ ትሕቲ መሬት ዕምቆት ቀረባ ምንባሩ ዝገለጸ እቲ ዜና፡ ከምዚ ዝኣመሰለ ምንቅጥቃጥ ዝያዳ ስምዒት ዝፈጥር ኣብ ከባቢ እቲ ዘጋጠመ ቦታ ምዃኑ ተቒሱ፡ እዚ ሓድሽ ምግጣሙ ስምዒቱ ዝተረደኦም ከባብታት ውሑዳት ምዃኖም ቮልካኖ ዲስካቨሪ (Volcano Discovery) ዝተባህለ ማዕከን ብወገኑ ሓቢሩ።
ነበርቲ ከተማታት ትግራይ፡ መቐለ፡ ዓዲ ግራት፡ ኣኽሱም፡ ማይጨው፡ ዉቕሮ፡ ዓዲ ጉደም፡ ዕዳጋ ሓሙስ፡ ዓድዋን ጐረባብቲ ትግራይ ዝኾኑ ቦታታት ክልል ዓፋርን ምዃኖም ድማ ኣብቲ ዜና ተጠቒሱ።
እቲ ዜና ክሳብ ዝተዳለወሉ ግዜ ብዛዕባ ኣብ ልዕሊ ህይወት ወይ ንብረት ዝወረደ ብርሰትን ሕልፈትን ዝተባህለ ኣይነበረን። ኣብዚ ከኣባቢ ኣብ ዝሓለፈ ወርሒ ጥቅምቲ እውን ኣብ ክልላት ትግራይ ዓፋርን ምንቅጥቃጥ ኣጋጢሙ ከም ዝነበረን ዝምልከቶም ኣካላት ንዝኾነ ነገር ቅድመ-ምድላው ክግበር ከምዘለዎ ከተሓሳቡ ምጽነሖን እው ተፈሊጡ።
ኣብዚ እዋንዚ ብሰንክቲ ኣሜሪካ ኣብ ልዕሊ ቬንዝዋላ ዝወሰደቶ ዓለም ዘዛርብ ዘሎ ስጉምቲ: ቬንዝዋላ ኣጀንዳ ብዙሓት ኮይና ኣላ። ካብዚ ብምንቃል ከኣ ብዙሓት ብዛዕበኣ ክሓቱ ባህርያዊ እዩ እሞ እዚ ዝስዕብ ሓጺር ን ሓፈሻውንሓበሬት እነሆ::
ቬንዝዋላ ኣብ ክፍለ-ዓለም ደቡብ ኣሜኢካ ካብ ዘለዋ 12 ሃገራት ሓንቲ እያ። ብምብራቕ ብጉያና፡ ብደቡብ ብብራዚል ብምዕራብ ብኮሎምቢያ ብሰሜን ከኣ ብባሕሪ ካርቢያን ትዳወብ።
ቬንዝዋላ 23 ምምሕዳራዊ ክፍልታት ኣለዋኣ። ካብኣተን፡ ኢስታዶስ፡ ኣማዞና፡ ኣንዞተጉ፡ ኣፑረ፡ ኣራጉዋ፡ ባሪናስ፡ ቦሊቫር፡ ካራዶቦ፡ ደልታ ኣማኩሮ፡ ደፐንደሲያ፡ ዲስትሪቶ፡ ፋልኮን፡ ጋሪኮን መሪዳን ይርከበን።
ስፍሓታ 916, 445 ትርብዒት ኪሎ ሜተር እዩ፡ ብዝሒ ህዝባ ድማ ብናይ 2023 ጸብጻብ 28,300,854 እዩ። ዋና ከተማኣ ከኣ ካራካስ ትበሃል። ስፍሓት ካራካስ 443 ትርብዒት ኪሎሜተር ክኸውን እንከሎ፡ ብዝዝሒ ነባሪእ ድማ 3,242,000 እዩ። ብዘይካ ካራካስ፡ ማራካቦ፡ ቫለንሲያ፡ መሪዳ፡ ባርኩይሲሞንተ፡ ሱዩዳድ፡ ፑየርቶን ባራቸሎናን ዓበይቲ ከተማታት ናይታ ሃገር እየን።
ኣብታ ሃገር ኣስታት 40 ቋንቋታት ዝዝውተር ኮይኑ፡ እቲ ብስፍሓት ዝዝረብ ድማ ስፓኒሽ እዩ። ቻይነኛ፡ ፖርቱጊዝን ጣልያነኛን ከኣ ብቕደም ሰዓብ ደድሕሪ ስፓኒሽ ብስፍሓት ዝዝረቡ እዮም። ኣብታ ሃገር ስታት 30 ዓሌታት ክህልዉ እንከለዉ፡ ዋዩ፡ ዋራኦ፡ ካሊና፡ ፐሞ፡ ኣኑ፡ ሃውቲጁ፡ ያኖማሞ፡ ያሩሮ፡ የኩናን ሞቲሎነን ዝበሃሉ ካብኣቶም እዮም።
ኣብ ቁጠባ ቬንዙዋላ ዝለዓለ ግደ ዘለዎ ተፈጥሮኣዊ ሃብቲ ነዳዲ ጋዝን ካልኦት ማዕድናትን እዮም። ቬንዙዋላ ብ1830 እያ ካብ መገዛእቲ ስፐይን ነጻ ሃገር ኮይና። ኣብ መበል 19 ክፍለዘመን ብሰንኪ ወተሃደራዊ ዓንተራት ብፖለቲካዊ ምቅይያራት ትሳቐ ከም ዝነበረት ይንገረላ። ካብ 1958 ንደሓር ግና ሓያሎ ብዲሞክራሲያዊ መንገዲ ዝተመርጹ መንግስታት ነይረሙዋ እዮም ይበሃል። እንተኾነ ኣብ ግዜ እዚ ተኣሲሩ ዘሎ መራሒ ቅስንቲ ከምዘይንበረት መጻኢኣ ዝኸፈአ ከይከውንን ስግኣት ኣሎ።
ምምሕዳር ውደባዊ ቤት ጽሕፈት ፖሓኤ ብዕለት 03 ጥሪ 2026 ምስ መሪሕነት ዞባ ሰሜን ኣመሪካን ኤውሮጳን ኣኼባ ኣካይዱ። ዕላማ ናይቲ ኣኼባ ዝጸንሐ ናይ ትግባረ መደብ መሰረት ዝገበረ፡ ድሕሪ ኣኼባ ማእከላይ መሪሕነትን ፈጻሚ ኣካልን ዝተኣታተወ ሓድሽ ናይ 2026 መደብ ንምርኣይ፡ ኣተሃላልዋ ጨናፍር ኣብ ክልቲኡ ዞባታት ንምክትታልን ዝሓለፈ ናይ ስራሕ ሕጽረታትን ኣብ ግምት ዘኣተወ መፍትሒታት ንምርካብ ዘመልከተ እዩ ነይሩ።
ኣኼባ ብኣቦ መንበር ምምሕዳር ሓው ተስፋይ ወልደሚካኤል (ደጊጋ) ዝተመርሐ ኮይኑ፡ ዋላ’ኳ ዝተዛመደ እንተኾነ፡ መጀመርታ ነፍሲ ወከፍ ኣባል ፖሓኤ ዝኾነ ኣካል ኣብ መንጎ ዕማማት ውልቀ ውድባትን ሰልፊን ኣብ መንጎ ሓባራዊ መደባት ፖሓኤን ዘሎ ፍልልይ ኣነጺሩ ክግንዘብን፡ ብኡ መጠን ነጢፉ ክሰርሕን ከምዝግባእ ብምጥቃስ፡ ዝጸንሐን ሓድሽን ኣብ 2026 ክዕመም ዘለዎ መጻኢ ትልሚ መደብ ስራሕ ምምሕዳር ቤት ጽሕፈትን ዞባታትን ብዝርዝር ኣቕሪቡ።
ስዒቡ መሪሕነት ዞባታት ብወገኖም፡ ኣብ ሰሜን ኣመሪካ ዘሎ ናይ ሓባር ጨናፍር ዝቆመሉ ቦታታት፡ ኣብ ኣሰራርሓ ዝጸንሔ ክምላእ ዝግባኦ ሕጽረታትን ዋላውን ብኣግኡ ዝተወገነ እንተኾነ ምትሕውዋስ ናይ ገለ መደባትን ዝመስል ምንባሩ ተሓቢሩ። ይኹን እምበር፡ ዞባ ሰሜን ኣመሪካ ቅድሚ ዋዕላ ፖሓኤ ዝጀመረ ምውህሃድ ሓባራዊ ስራሓት ምንባሩን፡ ሕጂውን ናይ ሓባር ጨናፍር ኣብ ዘይቆማሉ ቦታታት፡ ስርርዑ ከስፍሕን፡ ንዝቆማ ኣካላቱ ከደልድልን ኣብቲ ብብዝሒ ኣካላት ፖሓኤ ዝርከብሉ ቦታታት ንምሕያሉ ኣድላዪ ጻዕርታት ከካይድ ከምዘድልን ርእዩ። ብሸነክ ምምሕዳር ክማላእ ይግባኣ ዝብሎ ሓጋዚ ሓሳባት’ውን ኣቕሪቡ።
ምምሕዳር ዞባ ኤውሮጳ ብሸነኹ፡ ድሕሪ ዋዕላ ፖሓኤ ብተበግሶ ኣባላቱ ናይ ሓባር መራከቢ መስኖ ኣብ ዓዲ እንግሊዝ ዝቆመ ምንባሩን፡ ኣብ ኣርባዕተ ሃገራት ኤውሮጳ ንምምእካል ናይ ሓባር ጨናፍር ዝተመዘዙ ኣባላት ምንባሮምን ብምጥቃስ፡ ድሪሕ ዋዕላ ግን ኣብ ሐደ ውሱን ናይ ሓባር ስራሓት ብምጽማዶም ከምቲ ዝድለ ከምዘይሰጐመን ክገልጽ እንከሎ፡ ኣብዚ ሓድሽ ዓመት ግን ዘድሊ ምክትታልን ምትኽኻእን ክገብር፡ ናይ ሓባር ሽማግለታት ዘይቆመሉ ከተማታት’ውን ስርርዑ ንምስፋሕ ክጽዕት ምዃኑ ኣመልኪቱ።
ኣብ መጠረስታ ኣኼባ፡ ዝኾነ ይኹን ኣባል ከምቲ ብድልየቱ ዕላማይ ከዐውተለይ ይኽእል”ዩ፡ ኢሉ ኣሚኑ ዝተሰለፈሉ ውዳበ፡ ሕጂውን ንዝኣመናሉ ዕላማ ንምዕዋት ነፍሲ ወከፍና ብትግሃትን ተወፋይነትን ግቡእና ክንፍጽም እንተበቒዕና፡ ክንበጽሖ ንእንደሊ ክጽግመና ዝኽእል ነገር የለን ብዝብል ናይ ተስፋን ኒሕን ቃል እዩ ተደምዲሙ።
ብሓድነት ንሓርነት!!!
