http://ascenteq.com/project/epdp

ነቲ ብኮሚሽን ምጽራይ ሕቡራት ሃገራት ዝቐረበ ንግህሰታት ሰብኣዊ መሰላት ኣመልኪቱ ኣብ ጀነቫ ተጋቢኡ ዝቐነየ ባይቶ ዝቐረበ ጸብጻብ ብምድጋፍ ካብ መላእ ኤውሮጳን ካልእ ክፍልታታት ዓለምን ዝመጹ ኤርትራውያን፡ እኳደኣ ደቂ ኣንስትዮን ደቂ ተባዕትዮን ዝተሳተፍዎ ሰላማዊ ሰልፊ ብኽብ ዝበለ ድምቀትን ዓወትን ብዕለት 26 ሰነ 2015 ኣብ ከተማ ጀነቫ ስዊዘርላንድ ተኻዪዱ።

እዚ ንኹሉ ዳላይ ፍትሒ ኣሕጉሱ ዘሎ ሰላማዊ ሰልፊ’ዚ፡ ብኸምዚ ዝኣመሰለ ድምቀትን ብዘየወላውል ትኹረትን ተማእኪሉ ብዘይ ዋላ ሓንቲ ጸገም ዝተኻየደ ምስ ምንባሩ፡ ብርግጽ እቲ ኣንጻር ምልኪ ዝኸይድ ዘሎ ግጥምያ ናብ ዝበለጸን ዝሓሸን ደርጃ ዓሪጉ ምህላዉ ዘርኢ ምልክት’ዩ።

እዚ ኣብ ማክያቨልያዊ ስልቲ ተንጠልጢሉ “መጹኹም! በልዑኹም! ፈጠሩኹም!” ብምባል፡ ንጸገማቱ ክሓብእ ዝውዕልን ዝሓድርን ቁርዲድ ሃገር ኮይኑ ዘሎ መንግስቲ’ዚ፡ ንድኽመታቱን ፈጺሙ ዘይቅበል ግናይ ስርዓት ስለዝኾነ፡ እምበኣርከስ ሕጂ’ውን ከም ቀደሙ፡ ብርኽቲ ሃገርና ደም እንዳኣንጠብጠበት፡ መንእሰያታ ኣብ ውሽጢ ሃገርን ኣብ ወጻእን ዘይክዉን ኮይኖምን ኣብ ፈቐደድኡ ንዋያ ተዛሕዚሖምን ተጓሒፎምን ኣለዉ። ንሓንቲ ክልኢት’ውን ትኹን ሓላፍነት ብዘይምውሳድ፡ ክመጻደቕን ኣብ ጥራሕ ጐልጐል ክትፍነንን መስሓቅ ሸራፋት ኮይኑ ኣሎ።

እዚ ሕጂ ዓለም ፈሊጠዮ ኣሎኹ ኢላ ንኽትምስክረሉ ድንዕ ድንዕ ትብለሉ ዘላ ተግባራት ሕሱም መላኺ ስርዓት ህግደፍ፡ ንዓና ንኤርትራውያን ካብ’ቲ ኣብ ጽባሕ ረፈረንዱም ዝተጋህደ ማእሰርቲ ተጋደልቲ ኣትሒዝና እንፈልጦ ዘይቅዱስ ተግባር ብምዃኑ፡ ደጊም ብዝሓጸረ ልዕሊ 20 ዓመታት እንፈልጦን እተሞኮርናዮን፡ እዩ’ሞ ኣይሕደሰናን’ዩ።

ከምቲ ኣብ ዝሓለፈ ሰሙን ብሰልፍና ተሓቢሩ ዝነበረ፡ ኣባላትን መሪሕነትን ሰልፊ ዲሞክራሲ ሕዝቢ ኤርትራ ኣብዚ ዕዉት ሰላማዊ ሰልፊ ብኣካልን ብገንዘብን ዝተሳተፉዎ ብዙሓት ኮይኖም፡ ብተወሳኺ’ውን ብስም ሰልፊና’ውን 1000 ዩሮ ንኣዳለውቲ ሰላማዊ ሰልፊ ምብርካቱ ዝዝከር እዩ።

ሰልፊ ዲሚክራሲ ህዝቢ ኤርትራ ጨንፈር ኖርወይ ብ21 ሰኔ 2015 ከም መቀጸልታ ሰሚናር ኣባላቱ ክፉት ናይ ህዝቢ ኣኼባ ኣካይዱ። እቲ ኣኼባ ኣብ ኩነታት ኤርትራውያን ደቂ ኣንስትዮን ኣንፈት ፖለቲካዊ ሃገራዊ ቃልስና ናበይ ገጹ ናብ ዝብሉ ዓበይቲ ኣጀንዳታት ዘዛተየ ኮይኑ፣ ካብ ሰዓት 5 30 ናይ ድሕሪ ቀትሪ ክሳብ 9 ናይ ምሸት ብዉዕዉዕ መንፈስ ቀጺሉ። ኣባላት ዝተፈላለዩ ፖለቲካውያንን በርገሳውያንን ማሕበራትን ውልቀ ተቃለስትን ዝኾኑ ብቁጽሮም ሓያለይ ዝኾኑ ሰባት ድማ ተሳቲፎም።

ኣቦ መንበር ጨንፈር ብጻይ ዳዊት ኣርኣያ ነቲ ኣኼባ ብዝኽረ ሰማዕታትን ብምዉቅ ናይ እንቋዕ ብደሓን መጻእኩም ቃልን ከፊቱ መድረኽ ንመደርትን ካድራት፣ ወኪል ደቂ ኣንስትዮ ኣብ ሰልፊ ዲሞክራሲ ህዝቢ ኤርትራ ዝኾነት ብጸይቲ ገርጊሽ ነጋሽን ብጸይቲ ኣልጋነጽ ኢሳቅን ብጻይ ሹማይ በርሀን ኣረኪቡ።

ወሃብቲ መደረ ወጽዓ ኤርትራዊት ጓል ኣንስተይቲ ብዝብል ዛዕባ ብምፍላም በቢእብረ ሰፊሕ ኣስተምህሮ ሂቦም። ቀጺሉ ኣብ ካልኣይ ኣርእስተ ኣኼባ ቅድሚ ምስጋር ናይ ሕቶን፣ ምልስን፣ ርኢቶን መድረኽ ተኸፊቱ። ግዜ ዝደረቶ ማኣለያ ዘይብሉ ሃብታምን ሃናጽን ሪኢቶታትን ሕቶታትን ድማ ካብ ተኻፈልቲ ኣኼባ ዘነበ። ገለ ካብ ሪቶኢቶታት ተሳተፍቲ፣

ኣባል በርገሳዊ ማሕበር ህብረት ኤርትራውያን ዝኾነ ብጻይ ወልደኣብ ፍሰሃጼን ሰልፊ ዲምክራሲ ህዝቢ ኤርትራ ክፋል ቃልስና ክኸውን ዝግብኦ ግን ከኣ ዳርጋ ዝተረሰዐን ዝተዘንገዐን ኣርእስቲ ኣልዒሉ ከዘኻኽረናን ከበራብብረናን ምፍታኑ ብልበይ ይምጉስ ድሕሪ ምባል፣ ቀጺሉ ወጽዓ ኤርትራዊት ጓል ኣንስተይቲ እንዳተመሓየሸ ኣብ ክንዲ ዝመጽእ አንዳ ተሓላለኸን እንዳ በኣሰን ከምዝመጽእ ሓቢሩ። ንሱ ኣብ መግለጺኡ ወጽዓ ደቂ ኣንስትዮ ሎሚ ኣብ ሃገርናን ኣብ ኤርትራዊ ማሕበረሰብን መውስቦኣዊ መልክዕ ዝሓዘ ርኡይ መሸጣ ደቂ ኣንስትዮ ይካየድ ከምዘሎ ብጭቡጥ ኣብነት ኣብሪሁ። ኣብ መብሪሂኡ ኣቶ ወልድኣብ ንነውሕ ግዜ ተሰዲዶም ኣብ ሃገራት ቀዳማይ ዓለም ዝርከቡ ኣብ ናይ ጥሮታን እርግናን ዕድመ ዝርከቡ ኣቦታት ዓዲ ይኸዱ፣ እሞ ናብ ሓንቲ ድኻ ስድራቤት ቀሪቦም ካብ ቦታ ስደቶም ዝተማልእዎ ዶላራት ኣርእዮም ክንዲ ጓል ጓሎም አትኸውን ሓንቲ ዘይትፈልጥ ጓል ድኻታት ተመርዒዮም ይምለሱ። ንዘይርትዓውነቱ ምኽኑይ ክገብሩ ክልተ መዋስብቲ ኤውሮጳ አንተኸደት ይሓልፈላ ንስድረኣ እውን ተኣሊ ብዝብል መመኽነይታ ብምስናይ ድንጋጸን ርሕራሐን ናይታ ውጽዕቲ ጓል ኮነ ናይታ ድኻ ስድራቤት ከምዝነበሮም ኣምሲሎም ብምዝራብ፣ ነቲ ርኡይ ጌጋታቶም ክሸፋፍኑን ከመኽንዩሉን ከምዝርከቡን ገሊጹ። እቲ ዘገርም ይብል ንሱ እቲ ዘገርም ነገር ግን ዋላ አቲ ኣቦ ጓል እውን ካብ ዝኣተዎ ናይ ድኽነት ኩነታት ንመውስቦ ሽፋን ተጠቂሙ ዓይኑ አንዳ ረኣየ ንጓሉ ናብ ሓደ ኣቦሓጎኣ ዝኸውን በዓል ዶላራት ሸይጡ ካብ ቁጠባዊ ጸገማቱ ክገላገል ምፍታኑ አዩ ክብል ኣስሚርሉ። ኣብ መወዳአታ ኣቶ ወልደኣብ እዚ ተግባራትዚ ንሕና ደለይቲ ፍትሒ ከም ክፋል ቃልስና ወሲድና ብዝተፈላለየ መልክዕን ውዳበን ክንውግዶን ክንኩንኖን ዘሎና ጉዳይ አዩ ክብል ኣተሓሳሲቡን ንናይ ሓባር ግብራዊ ስጉምቲ ጸዊዑን።

ዝበዝሐ ክፋል ዕድሚኣ ኣብ ህዝባዊ ግንባር ሓርነት ኤርትራ ተሰሊፋ ተቃሊሳን ኣቃሊሳን ድሕሪ መስዋኣቲ ኣሽሓት መቃልስታ ዓወትን ናጽነት ሒዛ ዝኣተወት፣ ሎሚ ግን ኣብታ ዝተቃለሰትላ ሃገር ኣብ ክንዲ ትነብርን ትኸብርን ኣብ ሃገረ ስደት ከርተት ትብል ዘላን፣ ኣብ ሰልፊ ዲሞክራሲ ህዝቢ ኤርትራ ተሰሊፋ ሕጂውን ፍትሕን ዲሞክራስን ኣብ ምምጻእ ኣብ ዝግበር ቃልሲ እጃማ እተበርክት ዘላ ብጸይቲ መብራት፠       ጓል ብርሂን ብወገና ንኤርትራውያን ደቂ ኣንስትዮ ካብቲ ብባህልን ብድሑርነት ወይ ካብ ዘይምንቃሕ ሕብረተሰብ ዘወረደን ዘሎ ወጽዓ በቲ መሰልን ማዕርነትን ደቂ ኣንስትዮ የኽብር ኣየ ዝብል ኣብ ኮረሻ ስልጣን ዝነብር ዘሎ ስርዓት ዝወርደን ዘሎ ወጽዓ ብዝተዓጻጸፈ ከም ዝዛይድ ኣብሪሃ። ጓል ብርሂን ኣስፊሓ ኣብ ዝሃበቶ መብሪሂ፣ ኤርትራውያን ደቂ ኣንስትዮ ውጹዓት ኳ እንተኾና፣ ህዝብን ሃገርን ናጻ ኣብ ናይ ምግብር ናይ ነዊሕዝየን መሪርን ዓውደ ኲናት ተሳቲፈን ተሰዊአን፣ ሰንኪለን፣ ናይ መርዓን፣ ሓዳርን፣ ውላድን ዕድላተን ንስለ ህዝብን ሃገርን ኣምኪነን ናጽነት ዘምጽኣ እንክንሰን ካብ ርእሳ ጀሚርካ ኣብ ክንዲ ተደቢሰንን ተኻሒሰንን ኣብ ሃገረን ዝነብራ፣ ኣብ ዝተፈላለየ ቦታ ስደት ናይ ከርተት ናብራ የሕልፋ ከምዘለዋ ብምረት ገሊጻ፣ ንልቢ ኩሉ ኣኼበኛውን ተንኪፋ። ጓል ብርሂን ኣብ መደረኣ፣ ድሒሪ ናጽነት ሃገር ያኢይሲ ሓለፋ ተቆጺርለይ፣ ቀዳምነት ንተጋደልቲ ነበር ደቂ ኣንስትዮ ተባሂሉስ፣ ኣብ ፓርከሪንግ መኻይን ናይ ምሕላውን ምሕጻብን ስረሓት፣ ውሕስነቱ ብዘየተኣማምን ኣገባብ ናብ ሃገራት ኣዕራብ ንኽድማና ምስዳድ ዝኣመሰሉ ዕድላት ከምዝተዋበን ብምሕባር እዚ ግን ንኤርትራዊ ጓል ኣንስተይቲ አሞኻኣ ንተጋደሊት ነበር ዋዕሮ፣ ሓገዝን ሓለፋን ዘይኮነስ ድርብ ወጽዓ እዩ አንክትብል ተንቲና። ንሳ ቀጺላ ቪዛ ንኽድምና አሞኸኣ ናብቲ መሰል ጓል ኣንስተይቲ ይትረፍስ ክሕሎ ከም ሕቶውን ፈጺሙ ዘይለዓለሉ ሃገራት ኣዕራብ፣ ቪዛ ዓውደ ትምህርቲ/ስኮላር ኣይነበረን ከም ሓለፋ ክቁጸር ድሕሪ ምባል ኩለን ደቂ ኣንስትዮ ሓቢረን ክሰርሓን፣ ብንቅሓት ክምክታን ከምዘለወን ገሊጻ።

ኣብ መወዳእታ ተኣተፍቲ ኣኼባ ኣባላት ዝተፈላለዩ ፖለቲካውያንን በርገሳውያንን ማሕበራት ዝኾኑ ኣብ ኖርወይ ንማዕርነታዊ መሰል ደቂ ኣንስትዮ ዝጣበቅ ነጻ ምንቅስቃስ ማሕበር ደቂ ኣንስትዮ ንምምስራት ኣብ ትሕቲ ጽላል ኖርወይ ኮይኖም ከመያየጡን ዝከኣል ክገብሩን ተዘራሪቦም።

ኣኼበኛታት ናብታ ኣንፈት ሃገራዊ ፖሎቲካዊ ቃልስና ናበይ ገጹ አዩ ናብ ዝብል ዛዕባ ሰጊሮም። ዋና ጸሓፊ ጨንፈር ዝኾነ ብጻይ መድሃኔ ሃብተዝጊ፣ ኣብ መእተዊ ናይዛ ካልኣይቲ ኣርእስቲ ኤርትራዊ ፖለቲካዊ ባህሊ ፍልልያት ቀንዲ መለለዪኡኳ አንተኾኾነ ቅድምን ድሕርን ናጽነት ኢልና ኣብ ክልተ ክፍለ ግዜ መቂልና ኣንተሪኢናዮ ግን፣ እቲ ድሕሪ ናጽነት ሃገር ዝረአ ዘሎፍ ፖለቲካዊ ፍልልያትና ዝስፈሕን ዝበዝሐን ጥራሕ ዘይኮነስ ኣብ ሊዕሊ ሓድነትን ስኒትን ህዝብን ሃገርን ዘለዎ ሓደገኛነት አውን ብኡ መጠን ኣሰካፊ አዩ፣ ከመይሲ ኣብ ምጅማር ሃገራዊ ፖለቲካና ማለት ኣብ 1950ታት ዝነበረ ፍልልያት ናጻ ኤርትራ፣ ምስ ኢትዮጵያ ዝሓበረት ኤርትራ ዝብሉን ካልእን ገፋሕቲ ግን ከኣ ብደረጃ ሃገር ዝጠመቱ አንክኾኑ መሰረት ናይ ሎሚ ፍልልያትና ግን ብሔር፣ ሃይማኖት፣ ቀኢላ፣ አንዳ፣ ዞባን ከባብን አዮም። ስለዚ ጉዕዞ ቃልስና ናብ ሃገራዊ ሓድነትን ናይ ህዝቢ ስኒትን ድዩ ዝመርሓና ወላስ ናብ ዝገደደ ፍልልያት ክንሓስበሉን ክንዘራረበሉ ዝግበኣና ጉዳይ አዩ ምባል መድረኽ ንሰመዕቲ ኣረኪቡ።

ብጻይ ሹማይ ወሲኹ አቲ ፍልልያት ከምዘሎን ሓደገኛነቱን ኣስሚሩ፣ ቅድም እሞ ንስርዓት ህግዲፍ ሓግሒግና ካብ ስልጣኑ ንእለዮ፣ ንፍልልያትና ድማ ድሕሪኡ ንፈትሖ ዝብል ናይ ዝበሐ ክፋል ደምበ ደለይቲ ፍትሒ ኣዘራርባውን የዋህ ኣዘራርባ ምኳኑ ሓቢሩ ሰፊሕ መሪሂ ሂቡ።

ተጋባእቲ በቢወገኖም ንሓቅነት ናይዚ ኣርእስቲዚ ዘይከሓድ ምዃኑ ብምሕባር፣ አዚ ብኤርትራውያን ደለይቲ ፍትሒ ማሕበራት ኣብ ኖርወይ ተመስሪቱ ዝስረሓሉ ሰሎ ጽላል ሎሚ ኣብ ቃልሲ ጽባሕ ኣብ ልምዓት ሃገር ከስረሓና ዝኽእል ጎደና/ሮድ ማፕ/ እዩ ሒዙ ዘሎ እሞ ንሱ ኽሕይልን ክሰፍሕን ካብ ዶባት ኖርወይ ሰጊሩ ኣብ ካልኦት ቦታታትውን ጽልዋ ከምዘሕድር ክንገብሮ ንጽዓር ብምባል፣ ፍልልያትና ንሓይልና ዘየድክም፣ ንሓድነትናን ስኒትና ድማ ዘየቁስል ክንገብሮ ንፈትን ኢሎም።

ኣብ መወዳአታ ድሕሪ ናይ ሓያለይ ውርቃዊ ሃናጺ ሪኢቶታትን ለበዋታትን ናይ ግዜ ድሩትነት ንከይዲ ኣኼባውን ደሪትዎ፣ ኣኼባ ልክዕ ሰዓት ትሽዓተ ናይ ምሸት ብምስጋናን ብዝኽረ ሰማዕታትን ተዓጽዩ።

ዓወት ንዲሞክራስያዊ ቃልስና!!! ክብርን ሞገስን ድማ ንሰማዕታትናን ንስንኩላትናን!!!

ወኪል ቤት ጽሕፈት ዜና ሰዲህኤ ኣብ ኖርወይ

ጽባሕ መዓልቲ ሰማእታት ኤርትራ፣ 21 ሰኔ 2015 ሰልፊ ዲሞክራሲ ህዝቢ ኤርትራ ጨንፈር ኖርወይ ኣብ ከተማ ኦስሎ ዕዉት ናይ ኣባላቱ ሰሚናር ኣካይዱ። ናይቲ ሰሚናር ናይ ምሉእ መዓልቲ መዛረቢ ኣጀንዳታት ኤርትራዊት ጓል ኣንስተይትን አትርከበሉ ኩነታትን ዝብልን፣ ገድሊ ህዝቢ ኤርትራን ውጺኢቱን ዝብልን ነበረ። ኣባል ሰልፊ ዲሞክራሲ ህዝቢ ኤርትራ ዝኾነ መንእሰይ ኢሰያስ ሓጎስ አውን ጎድኒ ንጎድኒ ናይቲ ሰሚናር ንተሳተፊቲ ኣኼባ ንህሉውን ሕሉፍን ኩነታት ገድሊ ኤርትራን ውጺኢቱን ዝገልጽ ስአላዊ ምርኢት ኣርኢዩ።

ኣብቲ ናይ ሓደ ምሉእ መዓልቲ ሰሚናር ኣቦ መንበር ጨንፈር ብጻይ ዳዊት ኣርኣያ ነቲ ሰሚናር ብዝኽረ ሰማዕታት ድሕሪ ምኽፋት ንካብ ርሑቅን ቀረባን ተንቀሳቂሶም ተሳተፍቲ ናይቲ ሰሚናር ንዝኾኑ ኣባላት ሰልፊ ናይ አንቋዕ ብደሓን መጻኩም ምዉቅ ሰላምታ ኣቅሪቡ። ንሱ ሰልፊ ብዘይሕለል ተወፋይነት ነፍሲ ወከፍ ኣባሉ ንቅድሚት ይግስግስ ከምዘሎ ድሕሪ ምግላጽ፣ ነቶም ንምዕዋት 2ይ ጉባኤ ሰልፊ ዓቅሞም ዘይበቀቁ ብፍላይ ድማ ሓተቲ ዕቁባ ኮይኖም ኣብ ተጸባይነት አንዳነበሩ ካብ ዘይብሎም ዝርካቦም ዝለገሱ ኣባላት ብልቡ ሞጒሱ።

ስዒቡ ብኣቦ መንበር ሻማገለ ዞባ ኤውሮጳ ብጻይ ብርሃነ ገብረክርስቶ ዝተጻሕፈ ናይ ዮሃናን ስናይ ድለትን መልእክቲ ብዋና ጸሓፊ ጨንፈር ምስ ተነበ፣ መድረኽ ካብ ስዊድን ተንቀሳቂሰን ተኻፋልቲ ናይቲ ሰሚናር ንዝኾና ምዑታት ካድራት ብጾት ኣልጋነሽ ኢሳቅን፣ ወኪል ደቂ ኣንስትዮዯ ኣብ ዞባ ኤውሮጳ ንዝኾነት ብጸይቲ ገርጊሽ ነጋሽን ተዋሂቡ።

ፈላሚት መደረ ዝኾነት ብጸይቲ ኣልጋአሽ ኢሳቅ መድረኽ ተረኪባ ወጽዓ ጓል ኣንስተይቲ ኣብ መላእ ዓለም ብሓፈሻ ወጽዓ ኤርትራዊት ጓል ኣንስተይሪ ድማ ክሳብ ክንደይ ምዃኑ ስፊሕ መብሪሂ ሂባ። ቀጺላ ብጸይቲ ኣልጋነሽ ንመኸተ ወጽዓ ደቂ ኣንስትዮን፣ ታሪኻዊ ኣመዓባብላኡን፣ ኣብ መስርሕ ቃልሲ ዘጋጠመ ኩላፋታትን፣ ንዝተመዝገበ ዓወታትን ብደረጃ ዓለም በቢመድረኹ ገሊጻ። ነቲ ሰፊሕ መደረኣ ብጸይቲ ኣልጋነጽ፣ ኣብዚ ዝማዕበለ ክፍል ዓለምና ተበጺሑ ዘሎ ማዕርነትን ምሕላው መሰል ጓል ኣንስተይትን ውጺእት ሓደ ኰንካ ምስራሕን ንመሰልካ ምቅላስን ከምዝኾነ ኣረዲኣ፣ ኤርትራውያን ደቂ ኣንስትዮውን ንወጽዓና ኣብ ክንዲ ኣሜን ኢልና ምቅባልን፣ ብሸልልትነት ምርኣይን፣ ሓቢርናን ሓደ ኰናን አንተንሰርሕ መፍትሕን ልውጢን መምጻእና አንክትብል ተላብያ። ንሳ ኣብ መደረኣ ኣበርክቶ ኤርትራዊት ጓል ኣንስተይቲ ኣብ ምፍታሕ ሃገራውን ከባብያውን ጸገማት ቀሊልን ሓጺርን ከምዘይኮነ ንምሕባር፣ ባኣስን ዘይምቅዳውን ዝመልኦ ታርኽ ኣርባዕተ ኣስመራን፣ ኣደታት ኣርባዕተ ኣስመራ ዝተጻውታሉ ግደን ብምጥቃስ ሕጅውን ኤርትራውያን ኣደታት ንወጽዓአን ንምምካት ኮነ ኣብ ምፍታሕ ሃገራዊ ሽግራት ኣጃመን ከዐዝዛ ጸዊዓ።

ወኪል ቤት ጽሕፈት ደቂ ኣንስትዮ ሰልፊ ዲሞክራሲ ህዝቢ ኤርትራ ዝኾነት ብጸይቲ ገርጎሽ ነጋሽ ብወገና መድረኽ ተረኪባ፣ ኣብ ታሪኽ ምዕባለ ወዲ ሰብ ደቂ ኣንስትዮ ከቢድ ወጽዓን መህሰይትን ዝወረደን ኣኳ አንተኾነ፣ ወጽዓ ኤርትራዊት ጓል ኣንስተይቲ ግን ፍሉይን መዳርግቲ ኣልቦን ምዃኑ ኣብሪሃ። ፍሉይነት ወጽዓ ኤርትራዊት ጓል ኣንስተይቲ ንምብራህ በጸይቲ ገርጊሽ ኣብ መደረኣ ነቲ ኩሉ ኣብ ሊዕሊ ኤርትራዊት ጓል ኣንስተይቲ ካብ ገዝአን ኣትሒዙ ክሳብ ኣብ ሰሃራታትን ኣብ ዝተፈላለየ ጉዕዞ ስደተንን ንዝበጽሐን ዘሎ ይትረፍስ ንኽትቅበሎ ንኽትስምዖውን ቃንዛ ዝፈጥረልካ ሽግራት በቢሓደ ዘርዚራ። ኤርትራዊት ጓል ኣንስተይቲ ከም ሰብን ጓል ኣንስተይትን አትወጸዓሉን አትግፈዓሉን ኩነታት ጥራሕ ዘይኩነስ ከም አንስሳ ኣብ ዕዳጋታት ወሪደን እንተስ ክፋል ሂወተን አንተስ ምሉእ ህይወተን ኣብ ዝሽየጣሉ ኩነታት በጺሕና ከምዘሎና ኣረዲኣ። ብጸይቲ ገርጊሽ ኣብ መዛዘሚ መደረኣ ነዚ ኩነታት አዚ ንምምካት ብሓፈሻ ኩሉ ኤርትራዊ ማሕበረሰብ ሓቢሩ ክቃለስ ከምዘለዎ ብፍላይ ግን ኩለን ኤርትራውያን ደቂ ኣንስትዮ ንፖለቲካዊ ፍልልያተን ንጎድኒ ገዲፈን ንመሰሰላተን ሰሚረን ክሰርሓ ጸዊዓ። ብተወሳኺ ብጸይቲ ገርጊሽ ነዚ ኩነታትዚ ግቡእ ኣቃልቦ ዝሃበን ክፋል ቃልሱ ዝገበረን ሰልፊ ዲሞክራሲ ህዝቢ ኤርትራ፣ ኤርትራውያን ደቂ ኣንስትዮ ተጠርኒፈንን ተወዲበንን ንኽሰርሓ ዝኽእል ክሳብ ፈጻሚት ኣካል ቦታ ዘለዎ ባይታ ፈጢሩ ከምዘሎ ሓቢራ። ኣባላት ናይዚ ሰልፊዚ ዝኾና ደቂ ኣንስትዮ ድማ ንምዕዋት መደባት ሰልፍን ቤት ጽሕፈት ምትእስሳር ደቂ ኣንስትዮን ተቢዐን ይሰርሓ ከምዘለዋን ጋና ክሰርሓን ከምዝኾናን ሓቢራ።

ምሉእ ህይወቱ ተጋደላይን ናይ ሰልፊ ልሉይ ካድርን ዝኾነ ብጻይ ሹማይ በርሀ፣ ኣብ ተመሳሳሊ ዛዕባ ንተረድኦን ኣተሓሳስባን ሰማዕቱ ኣብ ማዕርነትን መሰላትን ደቂ ኣስትዮ ዘበረኸ ሰፊሕ ኣስተምህሮ ለጊሱ። ብጻይ ሹማይ ኣብ መደረኡ ማዕርነት ጓል ኣንስተይቲ ኣብ ፖለቲካዊ ስልጣን ክንደይ ምኒስተራት ክንደይ ኣመሓደርትን፣ ክንደይ ሰብ መዝን ወከልትን ከም ዘለዋ ብምቁጻር ዝልካዕ ኣምር ከምዘይኮነ፣ ኣብ ክንድኡ፣ ማዕርነት ጓል ኣንስተይቲ ኣብ ኣተሓሳስባ ናይ ሓደ ሕብረተሰብ ብሓፈሻ ኣብ ኣተሓሳስባ ነፍሲ ወከፍ ውልቀሰብ ድማ ብፍላይ ክሳብ ክንደይ ሰሪጹ ከምዘሎ ብምርኣይ ዝልካዕ ምዃኑ ኣብሪሁ። ሹማይ ኣብ ኤርትራዊ ሃዋህው ኣድሂቡ ነዚ ነገርዚ አንከብርህ፣ ኣብ ኤርትራ ንነጻነትን ማዕርነትን ጓል ኣንስተይቲ ንምርግጋጽ ብዙሕን ነዊሕን ቃልሲ ዋላ አንተተኻየደን ንፖለቲካዊ መኽሰባት ተባሂሉ ኣብ ማዕርነታዊ ቃልሲ ዓወታት ተጨቢጡ አውን እንተ ተባህለን፣ ሓሰትን ኣብ ባይታ ዘይተረጋገጸን አዩ ኢሉ። ካልእስ ይትረፍ ይብል ንሱ፣ ካልእስ ይትረፍ ሓንቲ ኤርትራዊት ኣደ ብበዓልቤታ መዓልታዊ ግፍዕን በደልን መህረምትን አንዳተቀበለት፣ አንተ ሃረማ፣ አንተ ጸረፋ አንተ ኣጋፍዓ ፍትያ ዘይኮነስ ከይፈተወት ንኹሉ ተጸዊራ ክትከይድ አትመርጸሉ፣ እቲ ብዝምድና ኮነ ብጉርብትና ኣብ ክላ ዝርከብ ክፋል ሕብረተሰብ አውን ነቲ አንዳተወጸዕትን አንዳተበደለትን ኣብ ሓዳር ናይ ምቅጻል ምርጫኣ ዝድግፍን ናብኡ ዝሽምግልን አምበር ነቲ ገፋዒን ብዳልን ዝኾነ በዓል ቤታ ክእረም ዝገንሕን፣ ኣብ አንዳሕግን ፍትሕን ከይዳ ብዛዕባ በደላን መሰላን ክትዛረብን ክትከራኸርን ዘፍቅድ፣ ወይውን ካብቲ ሓዳር ወጺኣ ነጻነትን ቅሳነትን ሰላምን ዘለዎ ናብራ ክትመርሕ ዘፍቅድን ዘተባብዕን ከምዘይኮነ ኣዘኻኺሩ። በዚ ኣገባብ ዳርጋ ኣብ ኩሉ ገጽ ዓለምናውን አንተኾነ ኣብ ጽሑፍ ዝሰፈረን ብኣጋንኖ ዝተኣወጀን መሰልን ማዕርነት አንተዘይኮይኑ ብግብሪ ኣብ ባይታ ዝተተግበረ ምሉእ ነጻነት ደቂ ኣንስትዮ ከም ዘየለ ብምሕባር፣ አንተ ኣብ ሃገርና ግን ስርዓት ኢሰያስ ንምድንጋር ኢሉ ዘቆሞ ሃገራዊ ማሕበር ደቂ ኣንስትዮን፣ ክሳብ ናይ ሚኒስትሪ ስልጣን ዝሃበን ንምግያጺ ስልጣኑን መንግስቱን ዝጥቀመለን ቁንጣሮ መገልገልትን አንተዘይኮይኑ ማዕርነትን መሰል ጓል ኣንስተይቲ ብምሉእ ኮነ ብኸፊል ተሓልዩ ኢልካ ክዝረብ ዘይከኣል ምዃኑ ኣብሪሁ። ኣብ መወዳአታ ገዲምን በሃርን ካድር ብጻይ ሹማይ በርሀ ነዚ ኩነታትዚ ፍታሕ ንምርካብ እጃም ነፍሲ ወከፍ ዜጋ እኳ አንተኾነ፣ ቀንድን ወሳንን ግን ተበግሶን ስጉምትን ናይ ነፍሲ ወከፍ ኤርትራዊት ጓል ኣንስተይቲ ምዃኑ ኣስሚርሉ። ነፍሲ ወከፍ ጓል ኣንስተይቲ ምስ ነፍሳ ተዛሪባ ማዕረ መሰል ዘለዋ ነጻ ፍጥረት ምዃና ከተእምን እሞ ብኡ መሰረት ምስ ከምኣ ዝኣመሰሉ ተወዲባ ብትብዓት ክትቃለስን ክትምክትን ከምዘለዋ ድማ ጸዊዑን ተላቢዩን።

ድሕሪ ኣስተምህሮ ሰልስቲኦም ካድራት፣ መድረኽ ሕቶን መልስን ሪኢቶን ለበዋን ኣብ ዝተዋህበ ኣስተምህሮ ተኸፊቱ። ንዝተወሰነ ግዜ ድማ ሃብታምን ኣሃብታምን ዝኾነ ናይ አንካን ሃባን ሃዋህው ወረሰ። ዝተፈላለዩ ኣባላት ሰልፊ ዝኾኑ ተሳተፍቲ ንውጽዓ ሓንቲ ጓል ኣንስተይቲ ምስ ወጽዓ ሓንቲ ስድራቤት ብምልእታ ከዛምድዎ ኣንከለዉ፣ ገሊኦም ድማ ወጽዓ ኤርትራውያን ደቂ ኣንስትዮ ማለት ወጽዓ ሊዕሊ 50% ህዝቢ ኤርትራ ማለት አዩ ብምባል ብሻላ ክረአ ዘይብሉ ጉዳይ ሃገር ምዃኑ ገሊጾም።

ድሕሪ ናይ 30 ደቃይቕ ዕርፍቲ ኣኼበኛታት ናብ ገድሊ ህዝቢ ኤርትራን ውጺኢቱን ኣብ ዝብል ናይቲ ዕለት ካልኣይ ኣጀንዳ ሰጊሮም። ኣብዚ ዛዕባዚ ብጻይ ማሕደር ዕቁባዝጊ፣ ሰለስተ ክፋላት ዝሓዘ ንጹር መልእኽቲ ዘለዎ መደረ ኣቅሪቡ።ኣብ ቀዳማይ ክፋል መደረኡ ብጻይ ማሕደር ስለምንታይ ህዝቢ ኤርትራ ቅድሚን ድሕርን ናጽነት ቃልሲ ከካይድ ተገዲዱ ብዝብል ብናይ ሕቶ መልክዕ ብምጅማር፣ ሎሚ ኮነ ተማሊ አቲ ቀንዲ ምኽንያት ጠለብ ምምቅራሕ ፖለቲካዊ ስልጣን ዘይኮነስ ግህሰት መሰረታዊ መሰል ህዝቢ ኤርትራ አዩ ክብል ሰፊሕ መግለጺ ሂቡ። ኣብ ካልኣይ ክፋል መደረኡ ብጻይ ማሕደር ዝተጋህሰ መሰልካ ንምምላስ ኣብ ዝግበር ሃገራዊ ቃልሲ ነፍሲ ወከፍ ተቃላሳይ ከማልኦ ዘለዎ ረቋሒታት እንታይ አንታይ ምዃኑ ኣብሪሁ። ብመሰረት ትንታኔ ብጻይ ማሕደር ኣብ ቃልሲ ድሌት ውልቀሰባት ካብቲ ቀንዲ ረቋሒታት አዩ። ብዘይ ድሌትን ዕግበትን ዝተስለፈ ተቃላሳይ ከምዘየድምዕን ኣብ ክበጽሖ ዝግበኦ ሽቶ ሽለልትነት ከምዘርእን ገሊጹ። ብዘይካዚ ኣብ መስርሕ ቃልሲ ንቅሓትን ቅንዕናን አውን ኣገደስቲ ረቋሒታት ናይ ተቃለሳይ ከምዝኾነ ዝሓበረ ብጻይ ማሕደር፣ ንቅሓት ዝጎደሎ ተቃላሳይ መሳርሒ ናይ መራሕቱ ካብ ምዃን ከምልጥ ከምዘይክእል፣ ቅንዕና ዝጎደሎ ተቃለሳይ ድማ ንዓገብ ዓገብ አንዳበለ ንቅኑዕ ድማ ቅኑዕ አንዳበለ ንኩነታት ኣብ አዋኑ ክቆጻጸር ኣይበቅዕን ኢሉ። ምስዚ ኣተኣሳሲሩ ማሕደር አዚ ኹሉ ተቃሊስና ለውጢ ክነምጽእ ዘይምኽኣልናን አዚ ሕጂ ሰፊኑ ንኹሉ ህዝቢ ኤርትራ ዘሳቂ ዘሎ ኩነታትን ኣብ ክንዲ ኣብቲ ዝቅልቀለሉ አዋን ብሓድነት አንምክቶም ናባይ ካብዘይ በጽሐን ንዓይ ካብ ዘይተንከፈንን ዝዓይነቱ ሸለልትነት ዝመልኦ ኣካይዳና ቀንዲ ምኽንያት አዩ ክብል ዘርዚሩ። ኣብ መወዳአታ ሕጅውን አንተኾነ ኣብ ኩነታት ሃገር ከምኡ ዓይነት ሸለልትነት ከይድገም ተላብዩ።

ሰሚናር ከምቲ ልሙድ ብዝኽረ ሰማዕታት ተዓጽዩ።

ክብርን ሞገስን ንስዉኣትናን ስንኩላትናን!

ዓወት ንዲሞክራስያዊ ቃልሲ!

ወኪል ቤት ጽሕፈት ዜና ሰዲህኤ ኣብ ኖርወይ

ኣብ ጊሰን ካብ ዕለት 3-5.07.2015 ህግደፍ ምስ ሰዓብቱ ኮይኑ ፈስቲቫል ክገብር ይሸባሸብ ኣሎ። ብጠቕላልኡ ኣብ ጀርመን ፈስቲቫል ምግባሩ ዘገርም እኳ እንተዀነ ብፍላይ ኣብ ጊሰን ምኻኑ ከኣ ብጣዕሚ ዘስደምም እዩ። መኽንያቱ ከኣ ጊሰን እዚ ኹሉ ኤርትራዊ ካብዚ መወዳእታ ዘይብሉ ወተሃደራዊ ኣገልጎሎትን ካልእ መከራን ሃዲሙ ምድረበዳታትን ባሕርን ብኽንደይ ሽግር ሰጊሩ ኣብ ጀርመን ኢዱ ዝህበላ መጽለሊት ከተማ ስለዝኾነት።

ኤርትራ ሃገርና ኣብ ክትገልጾ ዘጸግም ሽግር ተሸሚማ ምህላዋ ሎሚ ዓለም ዝምስክሮ ዘሎ ሓቂ ኢዩ። ኣብ ኤርትራ ዝኾነ ይኹን መሰል ናይ ወድሰብ የልቦን። መንእሰይ ኤርትራ መጻኢ ዕድሉ ተዓጽዩ፡ ኣብ ፈቐዶ ድፋዓት ከርተት ኣብ ምባል ይርከብ ኣሎ። ኤርትራ ሓንቲ ሕገ መንግስቲ ይኹን ዝኾነ ናይ ምርጫ መሰል ዘይብላ ሃገር እያ። ኣብ ሃገርና ነጻ ጋዘጣ  ክህሉስ ይትረፍ፡ ጋዘጠኛታት ዝኾነ በደል ዘይብሎም ተእሲሮም ኣበይ ከምዘለዉ ኣይፍለጥን። ክንደይ ንሃገሮም ዝተቃለሱ ሓለፍትን ተራ ህዝብን ኣብ ዘይፍለጥ ጎዳጉዲ ተኣሲርም ይርከቡ።

ሃገርና ኣብ ዝኸፍኤ ናይ ቁጠባን ማሕበራውን ቅልውላው ጥሒላ፡ መነባብሮ ህዝብና ክትኣምኖ ኣብ ዘጸግም ኩነታት ኣትዩ  ይርከብ። ኣብ ኣስመራ ይኹን ካልኦት ከተማታት እቲ መባእታዊ ንተቐማጢ ከተማ ዘድሊ መብራህትን ማይን መጸ ከደ ክብል ይውዕል ኣሎ። ናይ ጥዕና  ኣገልግሎት ኣሎ ክትብሎ ፈጺሙ ዘይትኽለሉ ደርጃ በጺሑ፡ ትሕዝቶ ዘለዎ ንሱዳን ከይዱ ይሕከም ኣሎ።

ኮሚሽን ናይ መጽናዕቲ ናይ ሰብኣዊ መሰላት ኣብ ኤርትራ “ገበን ኣብ ልዕሊ ደቂሰባት“ ብማለት ጸብጻብ ድሕሪ ምሃቦም፡ እንሆ ዓለም ብምልኡ ንተግባራት ስርዓት ህ.ግ.ደ.ፍ. ኣብ ምኹናን ይርከብ ኣሎ።  ናይ ጀርመን ፓርላመንት ብሙሉኦም ነቲ ኣብ ኤርትራ ዝግበር ዘሎ ሰብኣዊ ግህሰት ኮኒኖሞ።
እቶም ንሃገርናን ህዝብናን ኣብዚ ዓዘቕቲ'ዚ ሸሚሞማ፡ ኤርትራዊ መንእሰይ ዝፈትዋ ሃገሩ ገዲፉ ክስደድ ዝገብሩን  ምስ ሰዓብቶም ኮይኖም  ፈስቲቫል ክገብሩ ትም ኢልና ክንርኢ ኣይግባእን። ነቶም ብዘይ ፍላጥ ናብዚ ፈስቲቫል ክኸዱ ዝሓስቡ ጌጋ ምኻኑ ክንሕብሮም፡ ብፍላይ ንሓድሽ ስደትኛ ናብኡ ምኻድ ሳዕቤን ከምዘለዎ ከነፍልጦን፣ ነቶም ኮነ ኢሎም ዝኸዱ ከኣ ክትትል ጌርና ሳዕቤናቱ ተሰከምቲ ክንገብሮምን ሓላፍነትና ኢዩ። ፓርላማ ናይ ጊሰን ህ.ግ.ደ.ፍ. ኣብ መንግስታዊ ኣደራሻት ጊሰን ፈስቲቫል ንኸይገብር ውሳኔ ምሕላፎም ንደለይቲ ለውጢ ዓቢ ደገፍ ኢዩ።

ስለዚ ንቀዳም ዕለት 4.7.2015 ሰላማዊ ሰላፊ ኣብ ጊሰን ክንገብር መዲብና ኣለና። ንራኸበሉ ቦታ፡ ኣብ ራትሃውስ (Rathaus) ሰዓት ሓደ ናይ ቀትሪ እዩ ። ካብኡ ተበጊስና ናብቲ መቀበሊ ስደተኛታት ብእግርና ክንጋዓዝ ኢና።

Demonstration am 4.7.2015 in Gießen, 13.00 Uhr Rathaus Gießen (Berliner Platz 1
35390 Gießen). Anschließend Marsch zur Erstaufnahmeeinrichtung an der Rödgener Str./Eingang US-Depot.
ኩሉኹም ብዘይ ዝኾነ ፍርሒ ክትሳተፉ ንዕድም። ብሓደ ኰይና እንተተቓዊምና እዩ ኣብ ዓድና ቀልጢፉ ለውጢን ሰላምን ክመጽእ ዝኽእል።

ኣዳላዊት ሽማግለ ሰለማዊ ሰልፊ
ሰልፊ ዲሞክራሲ ህዝቢ ኤርትራ
ኤርትራዊ ሃገራዊ ባይቶ ንደሞክራስያዊ ለውጢ
ስምረት መንእሰያት ኤርትራውያን ንድሕነት ሃገር
ዩናይትድ ፎር ኤርትረያ
ቡንደነስ 90 ዲ ግሩነን

في الحادي والعشرين من يونيو 2015م عقد حزب الشعب الديمقراطي الارتري فرع النرويج سميناراً ناجحاً لأعضائه بالعاصمة أوسلو. هذا وقد تركز نقاش الاجتماع علي أوضاع المرأة الارترية والنضال الارتري ومآلاته، وقد قدم الشاب/ إسياس حقوس عضو الحزب ورقة بحث عن الموضوع الأخير.

بعد افتتاح السمينار بالوقوف دقيقة علي أرواح الشهداء رحب رئيس الفرع الأخ/ داويت أرأيا بالحضور، كما أشاد بمساهمات الأعضاء القدامى والجدد في دعم الجهود التي تجري علي قدمٍ وساق لعقد مؤتمر الحزب العام الثاني. ثم تليت في السمينار برقيات التأييد من أعضاء الحزب بالسويد.

ألقت المحاضرة عن البند الأول الأستاذة/ ألقانيش إساق وكانت بعنوان (اضطهاد المرأة في ارتريا والعالم)، قسمت المتحدثة نضالات المرأة الي حقب تاريخية سجلت المرأة فيها بعض النجاحات والانجازات وبعض الاخفاقات أيضاً. ثم ذكرت الأستاذة/ ألقانيش أن ما تحقق للمرأة من إنجازات في العالم المتقدم كان نتاج اتحادها وتماسكها في وجه المضطهدين، وأن المرأة الارترية أيضاً يجب أن لا تستسلم لمضطهديها بل عليها أن تكثف من نضالاتها ووحدتها حتى تحقق ما حققته المرأة العالمية. وذكرت المحاضرة المرأة الارترية بأدوارها البطولية والتاريخية في التاريخ السياسي والاجتماعي الارتري القديم والحديث.

الآنسة قرقيش نقاش ممثلة مكتب شؤون المرأة بالحزب أو ضحت أنه رغم لعب المرأة الارترية أدواراً مميزة في تاريخ ارتريا إلا أنها تعرضت لاضطهاد لا مثيل له، وعددت قرقيش أنواع العذابات التي تتعرض لها المرأة الارترية اليوم بالذات بما في ذلك بيعها كرقيق في أسواق نخاسة العصر، بل صار يباع لحمها مسلوخاً بالجملة والقطعة كالبهيمة، وهنا أشادت قرقيش بدور حزب الشعب الديمقراطي الارتري في ترقية المرأة الارترية والأخذ بيدها والمساهمة في تنظيمها وتأطير نضالاتها، لذلك تؤدي عضوات هذا الحزب دورهن العام والخاص بصفة متقدمة للغاية.

المناضل المخضرم شوماي بره حكى علي المنصة تجربته الخاصة في التعامل مع قضايا وحقوق ومساواة المرأة، وذكر شوماي أن مساواة المرأة يجب أن لا تقاس بعدد النساء المستوزرات أو الموظفات ...الخ، بل بمدى توغل مستوى الايمان والقناعة بمساواتهن في أوساط المجتمع ككل وعلي مستوى كل فردٍ علي حدة، لكن كما قال برهي فإنه بالرغم من كثافة وقدم نضالات مساواة المرأة إلا أن ما تحقق من إنجازات علي أرض الواقع ما يزال صفراً علي الشمال. أيضاً ذكر شوماي أن المرأة الارترية ما زالت تعاني من العذاب والقمع والحرمان داخل منزلها ومجتمعها، إذ الكل في صف الرجل، كما أوضح أنه لا قوانين العالم العلمانية ولا قوانين الدكتاتور إسياس في ارتريا تسمح بالتقدم في حقوق المرأة مهما ادعت ذلك نظرياً. ودعا برهي المجتمع عامة والمرأة خاصة الي تكثيف نضالاتهما لتغيير هذا الواقع المرير، وأن تجعل المرأة من ذلك قضيتها وقناعتها الراسخة.

بعد ذلك فتح الباب للأسئلة والاستفسارات التي وجدت الإجابات الشافية من المتحدثين الرئيسيين.

ثم انتقل الاجتماع بعد استراحة الغداء الي موضوع السمينار الثاني ( مآلات النضال الارتري ) وأعطي حقه من المناقشة والتداول ثم اختتم الاجتماع بما افتتح به من تكريم وإجلال الشهداء.  

عقد حزب الشعب الديمقراطي الارتري فرع جنوب المانيا مؤتمره الدوري تحت شعار (كل الجهود لإنجاح عقد مؤتمر الحزب الثاني)، رئيس الفرع الأخ/ تخلزقي ميكائيل ألقى كلمة الترحيب بالمؤتمرين ثم قدم ملخصاً لنشاطات الدورة المنصرمة ثم أعقبته التقارير التنظيمية والمالية والتي حظيت بنقاش عميق من الحضور وأسئلة استيضاحية وجدت الإجابات الشافية.

هذا وقد تم اقرار استراتيجية مستقبلية لعمل الفرع هدفها الأساسي تطوير وسائل وأهداف نشاطات الفرع.

وفي الختام جدد المؤتمرون الثقة في اللجنة القيادية القديمة والمراجع الفرعي السابق مشيدين بدقة وتميز عملهما.

تبرع حزب الشعب الديمقراطي الارتري بمبلغ ألف يورو دعماً لتظاهرة المعارضة الارترية من أجل تأييد قرارات لجنة استقصاء أوضاع حقوق الانسان في ارتريا والتي جرت بالعاصمة السويسرية جنيف في السادس والعشرين من يونيو 2015م.

هذا وقد شارك في التظاهرة الي جانب عدد كبير من قيادات وقواعد حزب الشعب الديمقراطي الارتري السادة/ منقستئاب أسمروم رئيس الحزب، ولد يسوس عمار نائب رئيس الحزب ومسئول العلاقات الخارجية، تسفاي ولدميكائيل ( دقيقة ) مسئول الشؤون المالية، نقوسي طقاي عضو المجلس المركزي ونائب مسئول المال.

ነቲ ኮሚሽን ሰብኣዊ መሰላት ሕቡራት መንግስታት ብመጻረይቲ ኮሚሽን ኣቢሉ ዘውጸኦ ንግህሰት ኩሉ ዓይነት መሰለት ኣብ ኤርትራ ብዝምልከት ዘቕረቦ ጸብጻብ ብምድጋፍ ሎሚ 26 ሰነ 2015 ኣብ ከተማ ኣዲስ ኣበባ ሰፊሕ ሰላማዊ ሰልፊ ከም ዝተኻየደ ወኪል ቤት ጽሕፈት ዜና ሰደህኤ ካብቲ ቦታ ሓቢሩ። ኣብዚ ኣብ ኣዲስ ኣበባ ዝርከቡ ኤርትራውያን ስደተኛታት ዝወደብዎ ሰላማዊ ሰልፊ ብዘይካቶም ስደተኛታት ንሰልፊ ደሞክራሲ ህዝቢ ኤርትራ ወሲኽካ ኣባላት ዝተፈላለያ ተቓወምቲ ውድባት ኤርትራ እውን ተሳቲፎም። ኣብዚ ካብ 1500 ክሳብ 2000 ዝኾኑ ኤርትራውያን ዝተሳተፍዎ ሰልፊ፡ ሰብኣዊ መሰላት ብግብሪ፡ ኤውረጳዊ ሕብረት ደገፍ ንመለኽቲ ይኣካል፡ ኣብ ኤርትራ ባርነት የብቅዕ፡ እምቢ ንምልኪ ሕራይ ንፍትሒ፡ ኢሳይያስ ደመኛ እዩ፡ ሕብረት ኣፍሪቃ ሕብረት ዓይንኻ ክፈት ዝብሉ ዝርከብዎም ብዙሕት ረሖታት ክቃልሑ ውዒሎም።

እቲ ሰልፊ ብመጀመርያ ካብ ገነት ሆቴል ነቒሉ ኣብ ኣፍደገ ቤት ጽሕፈት ሕብረት ኣፍሪቃ እዩ ተኻይዱ። ድሕሪ ዝተወሰነ ግዜ ኣብኡ ምጽናሕ፡ ላዕለዎት ሓለፍቲ ናይቲ ሕብረት ናብቲ ሰልፈኛ መጺኦም መዘክር ተቐቢሎም። ነቲ ኣኼበኛ ድማ እቲ መዘክር ናብ ላዕለዎት ሓለፍቲ ናይቲ ሕብረት ከም ዝቐርብ ቃል ኣትየምሉ። ቀጺሉ እቲ ሰልፊ ናብ ቤት ጽሕፈት ሕብረት ኤውሮጳ ኣብ ኢትዮጵያ እይ ኣምሪሑ። ኣብኡ እውን ብወከልቱ ኣቢሉ ተመሳሳሊ መዘክር ኣቕሪቡ። ናይ ክልቲኡ ትካላት ተወከልቲ ነቲ መዘክራት ምስ ተቐበላ ስለቲ ኣብቲ መስርሕ ዝተራእየ ስነ ስርዓት ንተሳተፍቲ ሰልፊ ኣመስጊነን። ኣብቲ መስርሕ፡ ናይቲ ሰልፊ ተሳተፍቲ “ስደት ኣይኮነን ጊላት” ብዝብል ዜማ ኣድሚቐሞ ስለ ዝነበሩ ኣብቲ ከባቢ ዝነብሩ ኢትዮጵያውያን እውን ኣብያተ ሰረሓቶም እንዳዓጸዉ ንዝተወሰነ ግዜ ተዓዚበምዎ።

ጐኒንገኒ እዚ ናይ ኣዲስ ኣበባ ሰልፊ፡ ኣብቲ ኣብ ኢትዮጵያ ዘሎ መደበር ስድተኛታት ዝተዓቖቡ ዝያዳ 40 ሺሕ ኤትራውያን እውንኣብ መመደበሮም ተመሳሳሊ ዝዕላምኡ ሰልፊ ከካይዱ ውዒሎም። ኣብዚ ንመጀመርያ ግዜ ብዙሕት ኤርትራውያን መንእሰያት ዝተሳተፍዎ ናይ ኣዲስ ኣበባ ሰልፊ ዝተፈላለዩ ናይ ዓበይቲ ማዕከናት ዘና ወከልቲ እውን ተሳቲፎም

Again on Tuesday, 24 June, the 29^th session of the UN Commission for Human Rights continued discussions on the Eritrea agenda. Comment and question session on the report of the UN Commission of Inquiry was followed by a hearing to the presentation of Ms Sheila Keetharuth, in her capacity as the UN Special Rapporteur , in which she gave special focus to the ongoing destruction of family fabric in Eritrea.

The morning session of the Commission listened to interventions by 17 countries and 8 renown human rights organizations. All speakers aired categorical condemnations of the human rights and political abuses of the Eritrean regime and supported every aspect of the Commission of Inquiry’s report. Only four delegations (Iran, Sudan, Venezuela and Cuba) spoke against the report.

Speakers in support of the report, which included countries like UK, France, Austria, Spain and others, continued to express their shock about the dire human rights condition in Eritrea and many delegations voiced their request for further investigation on violations that could constitute crimes against humanity.

The Eritrean regime also received severe condemnations by speakers representing international NGOs like Amnesty international and Human Rights Watch, which have been following the situation in Eritrea for a long time. (See details in this link: http://webtv.un.org/watch/id-commission-of-inquiry-on-eritrea-contd-24th-meeting-29th-regular-session-of-human-rights-council/4317755842001).

The second part of the day’s session on Eritrea received and discussed the report of Ms Keetharuth who spoke about the excessive abuses against women, the wanton demolition of houses and how that arbitrary act is affecting the integrity of the Eritrean family, most of them headed by women. (http://webtv.un.org/watch/id-sr-on-human-rights-in-eritrea-24th-meeting-29th-regular-session-of-human-rights-council/4317888481001).

Also later in the day, the UN Commission of Inquiry on Eritrea held a press conference which can be followed in this link: (See details in this link:

http://webtv.un.org/watch/commission-of-inquiry-on-eritrea-press-conference-geneva-24-june-2015/4317888514001)

On Thursday, 25 June, there will be a major side-event within the UN Palais de Nations. Part of the side-event will be addressed by the three members of the UN Commission of Inquiry on Eritrea.