http://ascenteq.com/project/epdp

The second part of the Second Congress of the Eritrean People’s Democratic Party (EPDP) opened in the evening hours of Sunday, 26 July, in Wiesbaden, Germany, with 69 Congress delegates representing party branches in eight European countries, the United States and Canada. Scheduled to last for the coming five days, the second part of the congress is a follow up of the first part which took place a week ago in Gondar, Ethiopia, with 27 delegates and four executive committee members, including party chairman, taking part.

The EPDP congress in Wiesbaden, located some 34 kms outside Frankfurt, was opened by a welcoming address of Ms Tiebe Tekie, a senior party cadre and congress moderator, who expressed her profound pride by the collective contributions of party leadership and members in making the process a success. She also reserved warm commendations to the chairwoman of the preparatory committee, Ms Adiam Teferi, who invested hard work and foresight in giving final touches to the preparation of the congress and invited her to the podium to present her report.

In her moving presentation, Ms Adiam Teferi recounted the long and arduous journey in preparing the second party congress, and proffered generous words of gratitude to all teams and party members who made valuable contributions in preparing the first and second parts of the party congress in Ethiopia and Germany. Ms Adiam also urged every congress participant to focus on what is to be done in coming months and years so that the cause of our victimized people could be realized within the shortest time possible.

After the translation of the speech into Arabic was read by Mr. Ghirmai Zemichael, the moderator called upon the party chairman, Mr. Menghesteab Asmerom, to address the opening session.

In his statement the EPDP Chairman briefly stated major party achievements scored in the past four years and outlined the major issues of great concern that are to be raised and discussed in this part of the congress. The party chairman is expected to present the lengthy report of the EPDP Central Council covering the period since the first congress in the summer of 2011. Other documents to be debated in the coming days include the draft political pgoramme, the party constitutions and political resolutions and recommendations.

ብኤርትራዊ ዲሞክራስያዊ ማሕበር ኣብ ጀርመንን ጨናፍር ሰልፊ ዲሞክራሲ ህዝቢ ኤርትራ ኣብ ኤውሮጳን ኣብ መስርሕ ምድላው ዘሎ ሰፊሕ በዓል ኤርትራ 2015፡ ካብ ዕለት 31 ሓምለ ክሳብ 2 ነሓሰ 2015 ኣብ ከተማ ፍራንክፎርት ክካየድ ምዃኑ ክሕበር ጸኒሑ እዩ። ሰፊሕ በዓል ኤርትራ "መኣዲ ዘተ፡ ንድሕነት ሃገርን ህዝብን ብዘይ ቅድመ ኲነት" ኣብ ትሕቲ ዝብል ጭርሖ እዩ ዝዳሎ ዘሎ። እዚ ዘመልክቶ፣ እቲ ናይ እንካን ሃባን መጋባእያ ብስም ውሱን ትካልን ኣባላት ሓደ ሰልፍን ኣብ ምድላው ይሃሉ ደኣ'ምበር፡ ካብዚ ዝጥቀምስ መላእ ተቓላሳይ ህዝቢ እዩ። ንራህዋን ቅሳነትን መላእ ህዝቢ ምግልጋል ከኣ፣ ብሃገርን ህዝባን ካብ ምሕሳብ ሓሊፉ ካልእ ፍሉይ ኣዳለውቲ በዓል ዝረብሕሉ ነገር ከምዘይብሎም ርዱእ ክኸውን ይግባኣ።

ኣውራ ዕላማ ፈስቲቫል/ሰፊሕ በዓል ፍራንክፎርት፡ ተሳታፋይ ህዝብን፡ መራሕቲ ፖለቲካውያን ሓይልታቱን፡ መራሕቲ በርጌሳውያን ማሕበራትን ኣገደስቲ ውልቀ ተሓለቕቲ ሰብኣዊ መሰላትን ኣራኺቡ፣ ሓባራዊ ልዝብ ብምፍጣር፡ ሕሰም ህዝብና ንምንጋፍ እዋናውያንን ብተግባር ክትጋሃሎም ዘለዎም ሓሳባትን ንምጥርናፍ ዝካየደሉ መኣዲ ዝርርብ ክኸውን እዩ። ብፍላይ እውን ነዚ ኣብ እስራኤልን፡ ጀነቫን ካልኦት ቦታታትን ዝተራእየ ሰፊሕ ምልዕዓል ንድሕሪት ንኸይምለስን፡ ኣብ መስርሕ ውድቀት ዲክታቶርያዊ ስርዓት ኤርትራ ብኸመይ ኣገባብ ይጥርነፍን፡ ኣብ ረብሓ ሃገርን ህዝብን ይውዕልን ዝብሉ መኸተታት ፍታሓት ክርከበሎን መረዳዳኢ ሕሳባት ከጥሪን ትጽቢት ዝገበረ እዩ።

ምኽንያቱ ኣብዘን ዝሓለፋ 11 ዓመታት ብሓፈሻ፣ ኣብዘን ሽዱሽተ ዓመታት ድማ ብፍላይ፡ ፖለቲካውያን ሓይልታት ኤርትራ ንረብሓ ውልቀ ስርርዓተን ክብላ፡ ንመንእሰያትን በርጌሳውያን ማሕበራትን ደቂ-ኣንስትዮን መመናዝዒ እንተዘይኰይኑ፡ ቅኑዕ ናይ ቃልሲ መንገዲ ከትሕዛ ከምዘይካኣላ ተመኩሮ ኣርእዩና እዩ። ሕሉፍ ሓሊፉ ዲክታቶርያዊ ስርዓት ተረሲዑስ፣ ቃላትን ቃልስን ኣብ መንጎ ኣረጊትን መንእሰይን ዝብሉ ሓሳባት ኰይኑ ነይሩ። ካብዚ ዝረብሐ እንተሎ ድማ እቲ ብሓደ ሰብ ዝዝወር ዲክታቶርያዊ ስርዓት ህግዲፍ ጥራሕ እዩ ነይሩ። እዚ ዝሓለፈ ግጉይ ብሂላትዚ ተኣሪሙ ቅኑዕ ናይ ቃልሲ ጐደና ንምትሓዝ እምበኣር፡ ፈስቲቫል ፍራንክፎርት

1. ግደ ኤርትራዊ መንእሰይ ኣብ ሓርነታዊ ቃልስ ብኸመይ ይውደብ

2.. ተሳትፎ ኤርትራዊት ጓለ ኣንስተይትን እትኽተሎ ፈለግ ናይ ቃልስን

3. ተራ መራኸቢ ብዙሃን ኣብ ሓርነታዊ ቃልሲን                                       

ዝብሉን ካልኦት ምስዚ ዝተኣሳሰሩ ነጥብታትን እውን፡ ነቲ ናይ ጀነቫ ዕዉት ሰላማዊ ሰልፍን ውጽኢቱን ንቅድሚት ከንህሩ ይኽእሉ እዮም ዝብሎም ነጥበ ልዝባት ኣታኣታትዩ ይርከብ። ነዚ ንምዕዋትን ኣብ ውሱን ክልታት ተሓጺሩ ከይተርፍን ከኣ፡ ኣዳለውቲ ፈስቲቫል 2015 ሰፊሕ ናይ ዕድመ ወረቓቕቲ ንውድባትን ስልፍታትን፡ ንበርጌሳውያን ማሕበራትን ምንቅስቃሳትን ንኣገደስቲ ውልቀ ሰባትን ከይተረፈ ዘርጊሑ ኣሎ። በዚ መሰረት ካብ ጀርመናውያን ሰልፍታት፡ ተወካሊ CDUን FDPን   ካብ ፍራንክፎርት፡ ተወካሊ ላዕለዋይ ከንቲባ ፍራንክፎርትን፡ ዶክተር ክላውስ ዲተር ዝተባህሉ ውልቀ ኣክቲቪስትን ኣባል ሓምላይ ሰልፍን ክሳተፉ ምዃኖም ተረጋጊጹ ኣሎ።

ኣብ ፈስቲቫል ፍራንክፎርት ንምስታፍ ዕድመ ካብዝቐረበሎም ኤርትራውያን ፖለቲካውን በርጌሳውን ትካላት እንተኾነውን፡ ኣብ ሰፊሕ በዓል 2015 ክሳተፉ ምዃኖም ክሳብ ሎሚ ኣረጋጊጾምልና ካብ ዘለዉ፣ ሰልፍታትን ውድባትን ምንቅስቓሳትን እዞም ዝስዕቡ ክዀኑ እዮም።

1. ኤርትራዊ ዲሞክራስያዊ ሰልፊ

2. መድረኽ ኤርትራውያን

3. እስላማዊ ሰልፊ ኤርትራ ንፍትሕን ልምዓትን

4. ኤርትራዊ ዲምክራስያዊ ሓድነት ኤርትራ

5. ኤርትራዊ ስምረት ንዲሞክራስያዊ ንለውጢ

6. ግንባር ሃገራዊ ድሕነት ኤርትራ

7. ግንባር ሃገራዊ ድሕነት ኤርትራ ሕድሪ

8. ፈደራላዊ ዲሞክራስያዊ ምንቅስቓስ ኤርትራ

ተሳትፎ ወከልቲ ፖለቲካውያን ሓይልታትስ ነጊርኩምና፡ ግደን ተሳትፎን ስቪላውያን ማሕበራት ከኣ ከመይ ዳኣ ክኸውን እዩ ዝብል ሕቶ ቅድሚ ምልዓሉ፡ ኣሳናዳኢት ሽማግለ ፈስቲቫል እዘን ዝስዕባ ማሕበራትን ውልቀ- ዜጋታትን ኣብ ሰፊሕ በዓል ኤርትራ ክሳተፉ ምዃኖም ተበሲርናስ ንህዝብናውን ንሕብር ኣለና።

1. ተበግሶ ማሕበር ደቂ-ኣንስትዮ ኤርትራ ኣብ ጀርመን

2. መርበብ ኤርትራውያን ደቂ ኣንስትዮ Network Eritrean women

3. EYSC

4. CIDRIE

5. Suwera መደበር ሱወይራ ንሰብኣዊ መሰላት ኤርትራ

6. ዶክተር ሳህለ ወርቀ

7. ብቐንዱ ድማ ሓደ ካብቶም ኣብ ምውዳብን ምዕዋትን ናይ ጀነቫ ሰላማዊ ሰልፊ ግዙፍ ተራ ዘበርከቱን፡ ሓቅታት መርማሪት ኮሚተ ግህሰት ሰብኣዊ መሰላት ኣብ ኤርትራ ንኽረግእ ተወሳኺ መብርሂታት ካብዝቕረቡን ኤርትራውያን፥ ዶክተር ዳኒኤል ረዘነ ኣብዚ ተዳልዩ ዘሎ መኣዲ ዘተን ልዝብን ክሳተፉ ምዃኖም ፈሊጥና ኣለና።

ንፍጻሜታት ፈስቲቫል ፍራንክፎርት 2015 ካብ ምቕባል ኣጋይሽ ክሳብ ምፍጻሙ ሓያልን ድኹም ጐንታት በዓልን ተሳተፍትን፡ ንህዝቢ ግቡእ ሓበሬታ ከስንቕ ተዳልዩ ዘሎ ጋዜጠኛ ሓው ሳሙኤል ገብረሂወት /ዓካዓካ/ ክሳተፍ ምዃኑውን ፈሊጥና ኣለና። ግደን ኣበርክቶን ነጻ ናይ ዜና ትካላት ድማ፡ ደምበ ተቓውሞ ኣብ ሂይወት ናይ ቃልሱ ክጥቀመሎም ካብ ዝግብኦም ምስክርነታት እዮም።  

ከምዚ ዝኣመሰለ ኣገባብን ዕላማታትን ሒዙ ዝዳሎ ዘሎ ሰፊሕ በዓል ብምዃኑ ድማ'ዩ፡ ካብቲ "ንሕና ንሱ፡ ንሱ ንሕና" ብዝብል ቃና ዝተወደበ፡ ቃላትን ኣራግጻ እግርን ውልቀ መላኺ ዝቐድሑ መሳሰይቲ ዲክታቶርነት ዘዳልዉዎ በዓላት ዝፈልዮ።

መደባትን ተሳተፍትን ፈስቲቫል 2015 ሰፊሕ ምህላዉ ካብዚ ተጠቒሱ ዘሎ ዝርዝር ዛዕባታትን ዝሳተፍዎ ኤርትራውያንን ጀርመናውያን ትካላትን ካብተገንዘብና፡ ዕላማታት ፈስቲቫል ፍራንክፎርት መንጠሪ ባይታ ስኒትን ሓባራዊ ተግባራትን ኰይኑ ብዓወት ክወጽእ ተደላይነት ኣለዎ። ነዚ ተዳላይነትዚ ኣብ ምርግጋጽ ተወከልቲ ኣባላት ኣብዚ ፈስቲቫል'ዚ ብዛዕባ ውዳቤታቶም ንህዝቢ ኣብ ምልላይ ግዝያኦም ምብኻን ከምዘይኮነ ተገንዚቦም፡ ንህልዊ ናይ ለውጢ ተበግሶታት ብሓሳብን ብግብርን ብኸመይ ንቅድሚት ነሰጉሞ ኣብዝብሉ ሓሳባት ክመርሑና ትጽቢኢት ኣዳለወትን ተሳታፋይ ህዝብን ምዃኑ ኣብ ግምት ክኣቱ ዘለዎ እዩ።

ምስዚ ብምትሕሓዝ፡ ሰልፊ ዲሞክራሲ ህዝቢ ኤርትራ ካልኣይ ጉባኤኡ፡ ሓድነት ኣብ ውልቀ ጠባያት ናይ ሰባት ዘይኮነስ፡ ሓድነት ኣብ ፖለቲካዊ መደባቱን ኣሰራርሕኡን ኣደልዲሉ ብዓወት ኣሰላሲሉ ዝወጸሉ ዕለታት ብምዃኑ፡ ፖለቲካዊ ውሳኔታት ጉባኤ ብሓፈሻ፡ ብፍላይ ድማ ንሓባራዊ ስራሓት ደምበ ተቃውሞ ዝጠመተ ራኢኡ ንህዝቢ ከነጽር ትጽቢት ይግበረሉ። ሒዝናዮ ዘለና ወቕቲ፡ እዋን ስኒትን ሓባራዊ ዕዮን ክንገብሮ ስለዝግባኣና ድማ፣ ቀራና መንድታት ዝሓልሙ'ውን፡ ካብ ቂምን ቅርሕንትን ወጺኦም፡ ኣሉታዊ ነገራት ምትኹታዀ ንረብሓ ሕዝብና ከምዘይኮነ ተገንዚቦም፡ ናብ ቀልቦም ተመሊሶም 'ቅኑዕ ናይ ቃልሲ ጐደና እንተዝሕዙ ክንደይ እዃ መምሓረሎም ነይሩ። ምኽንያቱ ንነብሶም ካብ ተደጋጋሚ ስዕረት ምዳሓኑ፡ ምድኻም ፖለቲካውያን ሓይልታትን ምፍልላይን መዕንደርሪ መለኺ ስርዓት ምዃኑ እውን ዝርዳኡ ስለዝመስለና።

ዓወት ንተቃላሳይ ህዝቢ ኤርትራ!

ዓወት ንፈስቲቫል ፍራንክፎርት 2015

ውድቀት ንዲክታቶርያዊ ስርዓት ህግዲፍ

ኣሰናዳኢት ሽማግለ ፈስቲቫል ፍራንክፎርት 2015

المناضلون رئيس وقيادة وأعضاء حزب الشعب الإرتري

المناضلون رئيس وأعضاء اللجنة التحضيرية للمؤتمر

الضيوف الكرام مع حفظ الألقاب والمقامات

تحية نضالية وبعد:

بإسم الحركة الفيدرالية الديمقراطية الإرترية نتقدم إليكم بأحر التهنئة في نجاحكم ببدء جلسات مؤتمركم هذا، والذي كنّا نأمل التواجد فيه بينكم، لكن ظروف طارئة خاصة حالت دون ذلك.

المؤتمرون الكرام:_

يأتي مؤتمركم، ووطننا الإرتري يمر بمخاطر عديدة، جراء نهج وسياسات السلطة القهرية،التي باتت لا تتمتع بأي شرعية وطنية أو دستورية، بعد عقدين ونيف من سيطرتها على زمام الأمور في إرتريا. وفشلها الداوي في كافة المجالات، وإستنزافها للطاقات البشرية والمادية للشعب الإرتري لصالح بقائها فقط. إضافة إلى تدميرها لعديد مقومات الوحدة الوطنية الإرترية، وإرث العيش الإرتري المشترك، وتعريضها مكتسبات النضال الوطني الإرتري، لمخاطر الإنهيار والتلاشي.

أمام هذا المشهد غير المتناسب شكلا ومضمونا، مع الجهد النضالي الذي بذله شعبنا طوال مسيرته النضالية، وأمام المسئوليات التاريخية التي إرتضت قوى النضال الإرتري الجاري تحمّلها، إلى تحقيق غايات الشعب الإرتري، في السيادة على نفسه ومقدراته، وبناء دولته الحرة وفق إرادته وخياراته الحُرّة. فإننا لعلى يثقة أن مؤتمركم هذا سيعزز من أدائكم النضالي في هذا المسار، ومع كافة قوى النضال المرحلي الملتزمة بإرث العيش الإرتري المشترك، والديمقراطية نهجا وممارسة، في الصعيدين التنظيمي والوطني.

المؤتمرن الكرام :_

شهد العامين الماضيين قدرا مقبولا من التواصل بين تنظيمينا في المسارين الثنائي والعام. وإننا إذ نؤكد لكم إلتزام الحركة الفيدرالية الديمقراطية الإرترية بهذا النهج، لنجدد إستعدادنا لمواصلة ذلك، إلتزاما بمسئولياتنا الوطنية المشتركة، وسعيا لجعل الحوار الديقراطي المسئول الخيار الوحيد في ترتيب الأولويات المرحلية والإستراتيجية، وإستعدادا لبناء مشتركات إستراتيجية بين التنظيمات ذات الإلتزام بالثوابت الوطنية الإرترية، والتي تمتلك قرارها الوطني المستقل،والقادرة على الوصول لقراءات مشتركة في الواقع الإرتري وأفاقه المستقبلية، وتملك الإرادة الحرّة لبناء كيانات سياسية قوية تديردولة الغد الإرتري المنشود.

ختاما، نعبر لكم عن عميق أمنياتنا بنجاح مؤتمركم هذا، وأنتم أهلا لذلك، بحكم إرثكم النضالي، وإلى مزيد من بناء المشتركات النضالية بيننا في الحاضر والمستقبل.

النصر للنضال من أجل التغيير الديمقراطي الشامل في إريتريا.!

وفيدراليتنا للشراكة.!

بشير إسحاق

رئيس الحركة الفيدرالية الديمقراطية الإرترية

15 يوليو 2015م

بسم الله الرحمن الرحيم

ክብርቲ ሓውቲ ኣደመንበር ኣሰናዳኢት ሽማግለ 2^ይ ውድባዊ ጉባኤ ሰልፊ ዲሞክራሲ ህዝቢ ኤርትራ፣

ክቡራት ኣሕዋት ኣቦመንበርን ኣባላት መርሕነትን ሰልፊ ዲሞክራሲ ህዝቢ ኤርትራ፣

ክቡራትን ክቡራንን ዕዱማት ጉባኤ፣

ክቡራትን ክቡራንን ኣባላት 2^ይ ጉባኤ፣

ኣሰላሙ ዓለይኩም ወራሕማቱላሂ ወበረካቱሁ፣

ብመጀመርታ፡ ኣብ መኽፈቲ’ዚ ጉባኤኹም’ዚ ንኪንሳተፍ ብዘቅረቡልኩምና ክቡር ዕድመ፡ ብሽመይን ብሽም መርሕነት ኤርትራዊ እስላማዊ ሰልፊ ንፍትሕን ማዕርነትን፡ እመስግነኩም። ከምኡ’ውን ብ’ጋጣሚ ምግባእ ጠቕላላ 2^ይ ጉባኤኹም ዮሃና ብምቕራብ፡ ኣብ ኩሉ ዉዕሎታት ዕዮታት ጉባኤኹም ኣሳልጦ እምነየልኩም።

ክቡራትን ክቡራንን፣

ጉባኤታት ንገዛእ ርእሱ ናይ ዲሞክራሲ ክብሪታት፣ ሃገራዊ ሽርክነት፣ ምሕዝነታዊ ሓላፍነትን ሓባራዊ ዕዮን ዘስርጽን ዘዕዝዝን መርሓ ኣተሕሳስባ’ዩ። ኣብ ርእስኡ ድማ ኣብ ጊዜታቶም ምክያድ፡ ናይ ውድብ ምእዙዝነትን ኣብ ፕሮግራሙን ፖለቲካዊ ድርሳኑን መርሕነቱን ኣድላይ ሕዳሴታት ንምትእትታው ዘሎዎ ሓልዮቱን፡ ሽግራት እንተልዮም’ውን ኣብ እዋኑ ንምእላይን ዘርኢ ምስክርነት’ዩ። ንሕና ከም ኤርትራውያን ኣብ ኣዝዩ ተሃዋሲ መድረኽ እንነብር ብምህላውና፡ ሃገርና ብሓደገኛ ለዋይ መንገዲ ትሓልፍ ስለዘላ’ውን፡ ጉባኤታት ምክያድ፡ ምናልባት ንድሕነት ሃገርን መንእሰያትን ዝሕግዝ ሓባራዊ ራእዪ ንምፍላቕ ኣገዳሲ ዓውዲታት’ዮም።

ክቡራንን ክቡራትን፣

ፖለቲካ ሓይልታትን ሰፊሕ ሓፋሽን ኤርትራ፣ እንኮላይ መላእ ኣባላትኩም፡ ኣብ ርእሲ’ዚ ጉባኤኹም’ዚ፡ ሓድነት ህዝብን መሬትን ኤርትራ ዘሕይል፣ ሃገራዊ ናጽነትን ዘዕቅብን ዘውሕስን፣ መሳርዕ ፖለቲካ ሃገራዊ ሓይልታት ዝጥርንፍ፣ ምውዳቕ ዲክታቶርያዊ ስርዓት ዘቀላጥፍን፡ ውሳኔታትን መደባትን ሒዙ ክወጽእ ኩቱር ባህጊ ኣሎዎም።

ክቡራንን ክቡራትን፣

ምብትታንን ምጭርራምን ሕዱር ፍልልያትን ፖለቲካዊ ሓይልታት እንክረአ እንከሎ፡ ቀዳምነታትና ከም’ቲ ዝግብእ ብዕቱብ መልከዕ ከም ዘይሰራዕና’ዩ ዘመልክት። ኩላህና ናይ በበይኑ ፖለቲካዊ ሓይልታት ኣተሓሳስባን መደባትን ንኸብር’ኳ እንተዂንና፡ የግዳስ እዚ ህልው ፍልልያትዚ፡ ምስ’ቲ ኣተሓሳስባን መደባትን ዝተፈላለዩ ፖለቲካዊ ሓይልታት እንክነጻጸር እንከሎ፡ ምስ’ቲ ተደላይነታት ቀዳምነታት ድሕነት ሃገርን ጭካን ስደት ዘብልዮም ዘሎ መንእሰያትን ዝመጣጠን ኮይኑ ኣይርከብን ኣሎ። እዚ ኩነታት’ዚ እንተ ዳኣ ከምቲ ዘሎዎ ከምኡ ኢሉ እንተ ቐጽሉ፡ ደቂ ህዝቢ ብዘይሕጋዊ ኣገባብ ገንሸል ዲክታቶርያዊ ስርዓት ስለዝኾኑ፣ ምስ ጎረባብቲ ሃገራት ኣብ ዝውላዕ ዘይፍትሓዊ ኲናት ግዳያት ስለ ዝኾኑ፣ ካብ ዝተፈላለዩ ቦታታት ዝጭወዩን ዝስወሩን፡ ኣብ ኣብያተ ማእሰርቲ ዚዳጒኑን ንጹሃት ዜጋታት ደሃዮም ምስዚ ዝጠፍእ፣ ባሕሪታትን ሰሃራን ዚውሕጦም ዘርሞ ዘርሞ ኮይኖ ምስ ዚተርፉ፣ ኣደዳ ንግዲ ሰብን ሸበርትን ምስ ዝኾኑን’ውን፡ ንረብሓ መን ዳኣ ኢኹም ትጋደሉ ዘሎኹም ኢሎም ዚሓቱ ኪመጹ ምዃኖም ዘይተርፍ’ዩ። ምእንቲ ንዲክታቶርያዊ ስርዓት ዝወቅዕ ሓይሊ ኪንከውንን፡ ምእንቲ ሃገርና ዘጨራርምን ድልየት ህዝቢና ዘህስስን እማመታት ንምፍሻልን፡ ስለ ምንታይ ኢና ክንዲ ደረጃ ህልው መድረኽ ክብ ዘይንብል ዘሎና? ኣብ’ቲ ብዝተሓተ ደረጃ ዘራኽቡና ብዙሕ መሰረታዊ ሃገራዊ ጉዳያት ስለ ምንታይ ኢና ዘንምቅለልን ዘይንሳነን ዘሎና?።

ክቡራንን ክቡራትን፣

እዚ ጉባኤኹም’ዚ፡ ስርዓት ህግደፍ ንክቡር ሃገርና ዝያዳ ክልተ ዓሰርተታት ዓመታት ዝገዝኣሉን ወጽዓታት ዘስረጸን ንዜግነት ደረጃታት ዝስርዓሉን ሓጽር ኣተሓሳስባ፡ ዝስግር ንመጻኢ ሃገርና ዝበቅዕ ፕሮግራም ክውጥን ተስፋ ይንበረሉ’ዩ።

ክቡራንን ክቡራትን፣

ኣብ ከባብና ሃገራት ብኢድ ደቀን ክፈርሳ ንርእየን ኣሎና። ናይ ከምዚ ኣመሰለ ኩነታት ቀንዲ ጠንቂታቱ ድማ፡ ሕፍኖ ገዛእቲ ሓይልታት ናይ ሃገራት ጸጋታትን ስልጣንን ናብ ናይ ብሕቶም ዋኒነት ስለ ዚቀየርዎ’ዩ። ክንዲ ዝኾነ ካኣ ጸላእቲ ቅድም ተጻብኦ ንዘይነበሮ ፍልልያት ብቅርሕንትታት ንምምጋብ ጥጡሕ ዕድላት ብምርካብ፡ ናይ ዕንወትን ቅትለትን ሽበራዊ ጉጅለታትን ተርእዮታት ክዝርጋሕ ይኸውን ኣሎ።

ክቡራንን ክቡራትን፣

ከምቲ እትፈልጡዎ፡ ንሕና ኣብ ኤርትራዊ እስላማዊ ሰልፊ ንፍትሕን ልምዓትን፡ ነቲ እስላማዊ ዳውላ ኣብ ዕራቅን ሻምን (ዳዕሽ) ኣብ ሊብያ ኣብ ልዕሊ ደቂናን፡ ከምኡ’ውን ኣብ ካልእ ከባቢታት ኣብ ርእሲ ንጹሃት ዑላማእን፡ መንእሰያትን፡ ጋዜጠኛታትን ዝፈጸሞ ኣሰቃቒ ቅትለትን ዓዛባትን ኮኒንና ኢና። ንሕና ጸረ ኩሉ መልከዓት ሽበራ ምዃንና ደጊምና ነረጋግጽ። ሽበራ ኣብ ዝተወሰነ ሃይማኖት፣ ወይ ሃገር፣ ወይ ጉጀታት፣ ወይ’ውን ውልቀ ሰባት ዝሕጸር ጥራይ ዘይኮነስ፡ እንተላይ ሃገራት ዝፍጽምዎ ኣተሓሳስባን ኣሰራርሓን ምዃኑ ነርጋግጽ። ስለ’ዚ’ምበኣር፡ ቅድሚ ኣብ ውጽኢታቱ ምትኳር፡ ኣቐዲምና ኣብ መንቀልታቱ ከነትኲር ይግባእ። ምኽንያቱ ጭቆናን፡ ኣግላልነትን፡ ምህማሽን፡ ንካልእ ምንዓቅን፡ መሰረታዊ መሰላት ምግሃስን፡ ንሽበራን ሕድሕድ ምቅትታልን ዝፈጥር ጥጡሕ ድዂዒ ስለዝኾነ።

ክቡራንን ክቡራትን፣

ኣብ መወዳእታ፡ ንሕና ነዚ ጉባኤኹም’ዚ ደጊምና ዓወትን ኣሳልጦን፡ ንውድብኩም ድማ ገስጋስን ምዕባለን፡ ከምኡ’ውን ንሃገርና ሰላምን ምርግጋእን ንምነ።

ምስ ሰናይ ሰላምታና

ኤርትራዊ እስላማዊ ሰልፊ ንፍትሕን ልምዓትን

14 ሓምለ 2015

السادة / قيادات وقواعد حزب الشعب الديمقراطي الإرتري

السادة / أعضاء اللجنة التحضيرية للمؤتمر الثاني لحزب الشعب الديمقراطي الإرتري .

السادة / ممثلي التنظيمات السياسية الإرترية .

السادة / أعضاء المؤتمر ، الضيوف الكرام ،،،

في البداية وباسم التنظيم الديمقراطي لعفر البحر الأحمر نتوجه بجزيل الشكر للجنة التحضيرية للمؤتمر الثاني لحزب الشعب الديمقراطي الإرتري. التي قدمت لنا الدعوة لحضور، ومخاطبة الجلسة الإفتتاحية لمؤتمركم هذا، ونعتزر لكم عن عدم قدرتنا على الحضور نسبة لإنشغالنا في إجتماعات مكتبنا التنفيذي ، وبعض القضايا التنظيمية الأخرى، متمنين لكم التوفيق والنجاح في أعمال مؤتمركم.

السادة / أعضاء المؤتمر :

يأتي مؤتمركم هذا والخارطة الوطنية الإرترية تشهد بوادر أفق مرحلة جديدة في كافة ساحاتها، فعلى صعيد النظام الديكتاتوري، نراه يعانق أفول بريق نجمه، بإجماع الشعب الإرتري في رفضه لاستمرارية سلطته غير الدستورية، الأمر الذي يدفعه للاستمرار في نهجه القمعي، ومضاعفة تدخلاته السافرة في شئون الآخرين، مما جعل السيادة الوطنية عرضة للانتهاك، وذلك في مسعى منه لتدمير البلاد مع أركان سلطته المتهاوية.

وفي ساحة أخرى نرى أن قوى النضال من أجل التغيير الديمقراطي، وبكافة أطيافها السياسية والمدنية والمجتمعية تصعد من درجة بلورة هياكلها وأطرها لكي يسهم كل منها في مجاله، للتعجيل بإسقاط هذا النظام.

السادة / أعضاء المؤتمر :

بناء على ما سبق ، فإن المسئولية تتضاعف على قوى النضال لتحقيق النصر الذي يرجوه شعبنا، الذي يعاني الأمرين جراء سياسات هذا النظام، كما أن التداعيات التي ننجم عن سقوط هذا النظام، تتطلب استعدادا أكبر لمواجهتها ، تأمينا للبلاد من الانهيار والتمزق الذي يصاحب عادة مثل هذه الأوضاع.

وفي الختام نأمل أن يخرج مؤتمركم بنتائج تدفع بعمل وأداء تنظيمكم في المرحلة القادمة ، وتتخذون فيه من القرارات والبرامج بما يدفع للأمام عمل معسكر المعارضة الإرترية، وضمان حقوق كل القوميات الإرترية بلا إستثناء.

النصر لمؤتمركم الثاني!!

النصر لنضال الديمقراطي للشعب الإرتري!!

السقوط والعار للنظام الديكتاتوري!!

التنظيم الديمقراطي لعفر البحر الأحمر

15 يونبو 2015م

ኣብቲ ልሙድ መኤከቢኡ ከተማ Frankfurt Bockenheim Kirchplatz ብዕለት 19-07-2015 ሓሙሻይ ስሩዕ ኣኼባኡ ዕዉት ዝዀነ ኣኼባ ኣካይዱ። ሓው ሕጂ ሳልሕ ስዒድ ኣቦ መንበር ጨንፈር ብጉዳይ ኣብ ጀነቭን ከተማ ጊሰንን ኣብ ሃገረ ጀርመን ዝተኻየደ ዕዉት ሰላማዊ ሰልፊ ጨንፈርናን ብጠቕላላ ሰልፊና ዓቢ እጃም ከምተጻወተ ብሰፊሕ ኣብሪሁ።

ኣስዒቡ ብጉዳይ ካልኣይ ጉባኤ ሰልፊ ዲሞክራሲ ህዝቢ ኤርትራ ኣብ ኢትዮጵያ ከተማ ጐንደር ሓደ ክፋል ናይቲ ጉባኤ ጀሚሩ ከምዘሎን ብምግላጽ፡ ከምኡውን እቲ ካልኣይ ክፋል ጉባኤኡ ኣብ ሃገረ ጀርመን ካብ 26-07-2015 ክጅምር ምዃኑ ንኣኸበኛ ጨንፈር ብሕጽር ዝበለ መንገዲ ገሊጹ።

ብድሕሪዚ ኣብቲ ሕምረት ኣጀንድኡ ብምእታው ነቲ ካብ 31-07-2015 ክሳዕ 02-08-2015 ክግበር ተዳሊዩ ዘሎ ፈስቲቫል ኤርትራ ጨንፈር ፍራንክፈርት ናይዚ ጉዳይ እዚ ዓንዲ ሕቘ ብምዃን ኣጋይሹ ብኸመይ ንምስትንጋድ ተዳልዩ ንምጽናሕ ጨንፈር ኣባላት ንኣሰራርሕኦም ሃናጺ ዝዀነ ርእይቶታት ብምቕራብ ድልውነታቶም ገሊጾም።

ብተወሳኺ ኣብዚ ጨንፈር እዚ ኵሎም ስርዒታውያን ሓለፍቲ ኣባላት ናይዚ ጨንፈር ከም ምዃኖም መጠን ነቲ ዝቕረበ ኣጀንዳ ሓደ ብሓደ ሃንጺ ሃሳባትን ርእይቶታትን ብምስናይ ኣኼባ ብዝኽሪ ስዉኣት ተዛዘመ።

21-07-2015

ካብ 15-19 ሓምለ 2015 ኣብ ጐንደር ክካየድ ዝጸንሐ ጕባኤ ጨናፍር ሰልፊ ዲሞክራሲ ህዝቢ ኤርትራ ኣብ ቀርኒ ኣፍሪቃን ማእከላይ ምብራቕን ብዓወት ተዛዚሙ። ኣብ ኣመሪካ፡ ኣውሮጳ፡ ኣውስትራልያ፡ ካናዳ ዝርከቡ ጨናፍር ሰልፊ ዝሳተፍዎ ጕባኤ ድማ ብ26 ሓምለ 2015 ኣብ ጀርመን ክጅመር ኢዩ።

ኣብ ጐንደር ዝተኻየደ ጕባኤ፡ ኣቦ መንበር ሰልፊ ሓው መንግስተኣብ ኣስመሮም፣ ሓላፊ ቤት ጽሕፈት ወጻኢ ጕዳያት፡ ሓው ወልደሱስ ዓማር፣ ሓላፊ ገንዘባዊ ጕዳያት ሓው ተስፋይ ወልደሚካኤልን ሓላፊ ቤት ጽሕፈት ማሕበራዊ ጕዳይን ኣቦ መንበር ሓጻዪት ሽማግለን ሓው ረዘነ ተስፋጽዮን ዝርከብዎም 31 ኣባላት ኢዮም ተኻፊሎሞ።

ድሕር'ቲ ብ15 ሓምለ 2015 እተኻየደን ዕዱማት ኣጋይሽ እተሳተፍሉ ናይ መኽፈቲ ጕባኤ ስነ-ስርዓት፡ ጕባኤኛታት ኣብ ናይ ድሕሪ ቀትሪ ሰዓታት ንጕባኤ እትመርሕ ሰክረታርያ ብዲሞክራስያዊ ኣገባብ መሪጾም። ሰክረታርያ ጕባኤ ድማ፡ ንሓው ደበሳይ በየነ፡ ሓደ ካብ ላዕለዎት ካድራት ሰልፊ ኣብ ኢትዮጵያ፡ ኣቦ ወንበራ ክኸውን መሪጻቶ።

ስዒቡ ፡ ጕባኤ ብማእከላይ ባይቶ ዝቐረበ ናይ ዝሓለፉ ኣርባዕተ ዓመታት ጽብጻብ፣ ከምኡ ውን ናይ መጻኢ 4 ዓመታት ንድፊ ፖለቲካዊ መደብ ዕዮን ንድፊ ቅዋምን ተመያይጡ ዘድሊ ምምሕያሻት ድሕሪ ብምግባር ብምሉእ ድምጺ ደገፉ ንዝቐረበ ሰነዳት ገሊጹ። ኣብ መወዳእታ ድማ፡ ኣገደስቲ ፖለቲካዊ ውሳኔታትን ለበዋታትን ኣመሓላሊፉ።

ኣብ ኵሉ ውሳኔታት ዝተዋህቡ ድምጽታት ብግቡእ ተመዝጊቦም ናብ'ቲ ኣብ ጀርመን ዝካየድ ካልኣይ ክፋል ክልኣኹ ኢዮም። ኣብ መወዳእታ ኣብ ነፍስወከፍ ጕዳይ ኣብ ክልቲኡ ጕባኤታት ዝተዋህቡ ድምጽታት ተደማሚሮም ናይ መወዳእታ ውሳኔታት ክዀኑ ኢዮም።

ኣብ 18 ሓምለ 2015፡ ጕባኤ፡ 6 ዝኣባላታ ኣምራጺት ሽማግለ ብዲሞክራስያዊ ኣገባብ መሪጹ። ንሳ ድማ ንሓው ግርማይ ክፍለ፡ ሓደ ካብ'ቶም ላዕለዎት ካድራት ሰልፊ ኣብ ሱዳን ኣቦ መንበራ ክኸውን መረጸቶ። ብድሕር'ዚ ጕባኤኛታት ንዝመጽእ ኣርባዕተ ዓመታት ኣባላት ማእከላይ ባይቶ ኰይኖም ንሰልፊ ዝመርሑ 31 ኣባላት ብምስጢራዊ ድምጺ መሪጾም።

መስርሕ ምርጫ ከመይ ክምዝኸውን ብሓው ግርማይ ክፍለ፡ ኣቦ መንበር ኣምራጺት ሽማግለን ብሓው ረዘነ ተስፋጽዮን፡ ኣቦ መንበር ሓጻዪት ሽማግለን ብዝርዝር ሓበሬታ ተዋሂቡ። ሓው ረዘነ ኣብ ዝሃቦ መግለጺ፡ ኣብ 5 ክፍለ-ዓለማት ዝርከባ ጨናፍር ሰልፊ ኣብ ምምራጽ ሕጽያት ንማእከላይ ባይቶ ተኻፊለን ኢሉ።

ኣብ ኵሉ ኵርንዓት ዓለም ዝርከቡ ኣባላት ዝሃብዎ ድምጽታት ድማ ብቅድመ-ተኸተል ናይ ብዝሒ ድምጽታት ናብ ጕባኤኛታት ቀሪቡ። ኣብ ርእስ'ዚ፡ ብጨናፍሮም ተመሪጾም ናብ ጕባኤ ዝተኻፈሉ ኣባላት ውን ከመርጹን ክምረጹን ምሉእ መሰል ተዋሂብዎም ኢዩ። ነፍስወከፍ ኣባል ጕባኤ 31 ንመሪሕነት ይበቕዑ ኢዮም ዝበሎም ኣባላት ንመሪሕነት መሪጹ። እቲ ድምጽታት ተዓሺጉ ናብ'ታ ኣብ ጀርመን እትቐውም ኣምራጺት ሽማግለ ካልኣይ ክፋል ጕባኤ ክልኣኽ ኢዩ። ሓው መንግስተኣብ ኣስመሮም፡ ነዚ ደብዳበ'ዚ ካብ ኣምራጺት ሽማግለ ተቐቢልዎ ኣሎ።

ኣብ ርእስ'ዚ ጕባኤ ብዛዕባ ንድፊ ፖለቲካዊ ጸብጻብን ንድፊ ደምዳሚ መግለጽን ተመያይጡ ደገፉ ብምሉእ ድምጺ ገሊጹ ኣሎ። እዚ ምስ'ቲ ኣብ ጀርመን ዝካየድ ካልኣይ ክፋል ጕባኤ ዝገብሮም ምምሕያሻትን ደገፋትን ተደማሚሩ ናይ መወዳእታ መልክዕ ክሕዝ ምዃኑ ድማ ብሩህ ኢዩ።

ዝኸበርኩምን ዝኸበርክንን ኣሳናዳኢት ሽማግለ 2ይ ውድባዊ ጉባኤ ሰደህኤ

ዝኸበርኩምን ዝኸበርክንን ኣባላት መሪሕነት ሰደህኤ

ዝኸበርኩምን ዝኸበርክንን ተጋባእቲ ኣባላትን

ዝኸበርኩምን ዝኸበርክንን ዕዱማት ኣጋይሽን

     ፈለማ፡ ነቲ ንነዊሕ እዋን ክትገብርዎ ዝጸናሕኩም ምድላው ዛዚምኩም ናብ’ዚ ሕጂ ኣቲኹሞ ዘለኹም መጋባእያ ምብጻሕኩም፡ እንቋዕ ሓጎሰኩም እናበልና፡ ውድብና ኤስደለ’ውን መኻፍልቲ ሓጎስኩም ምዃኑ ከነረጋግጸልኩም ንፈቱ።

ዝኸበርኩምን ዝኸበርክንን ተጋባእቲ

     2ይ ጉባኤኹም ዝካየደሉ ዘሎ ኩነታት ሃገርና፡ ከመይ ዝኣመሰለ ትኩር ኣድህቦን ሓላፍነታዊ ምይይጥን ኣብ ዘድልየሉ ክሳዳዊ እዋን ይካየድ ምህላዉ ትዝንግዕዎ ኣይንብልን። ጉልባቡ ዝቐልዐ ኣራዊት ባህርያት ስርዓት ህግደፍ፡ ብውሽጡ ከም ዝብኢ ክመናጨት፣ ሓድሕዱ ክተሓራረድን፤ ማይበት ገባቲ ስርዓቱ ኣብ ዝሃመሉን ዘሎ እዋን’ዩ። ፖለቲካዊ ጭቆናን ቁጠባዊ ምዝመዛን ፋሽሽታዊ ኩርማጅ ስርዓት ህግደፍ ዝመረሮም ህዝብታት ኤርትራ፡ ካብ ስርዓት ኢሳያስ ዝኸፍእ ጸላኢ ከምዘይብሎም ኣብ ዝተገንዘቡሉን ማዕበላዊ ተቓውሞኦም ኣብ ዘስምዑሉን፡ ደሞክራስያዊ ለውጢ ኣብ ዝበሃጉሉን እዋን’ዩ 2ይ ጉባኤኹም ዝካየድ ዘሎ። ማሕበረ-ሰብ ዓለም ብወሳኒ መልክዑ፡ ኣብ ጎኒ ደላይ ፍትሒ ግፉዕ ህዝቢ ኤርትራ ተሰሊፎም፡ ስርዓት ህግደፍ ድማ ብሕሱም ተነጽሎ፣ ብሕትውናን ጽምዋን ኣብ ዝተኾርናዓሉ እዋን’ዩ።

     እቲ ንሰውራዊ ደሞክራስያዊ ቃልስን ለውጥን ዝኸውን ወድዓዊ ኩነታት ምሒር በሲሉ እዩ። ሓሊፉዎ’ኳ። ንዕኡ ዝምጥን በዓል-ቤታዊ ኩነታትን፡ ሕቶ ብቑዕን ዱልዱልን መሪሕ ውድብ (ብውልቀ ይኹን ብግንባር ደረጃ) ግን ትሕቲ ትጽቢት ኮይኑ ምህላዉ ትዝንግዕዎ ኣይኮነን። ደምበ ተቓውሞና ተዓኒዱ፡ ኣብ ከመይ ዝኣመሰለ ናይ ዕንክሊል ዓንኬል ኣትዩ፡ ማእዝኑ ኣጥፊኡ ምህላዉ ካብ’ቲ መቐንዘዊ ክውንነትና ሓደ ምዃኑ ብምስትውዓል፡ ዓው ኢልና ክንዛረበሉን መፍትሒ ክንናድየሉን ኣብ ዘለና እዋን’ዩ ጉባኤኹም ዝካየድ ዘሎ።

ዝኸበርኩምን ዝኸበርክንን ብጾት ጉባኤኛታት

     እቲ ወትሩ ውዕውዕ ሕቶ ህዝብታትና ዝኾነ ጉዳይ ሓድነት ሓይልታት ደምበ ተቓውሞ ውድባትና፡ ሎሚ’ውን ካብ ዝኾነ ግዜ ንላዕሊ ንቕድሚት መጺኡ ማዕጾ ነብሲ-ወከፍና ይኹሕኩሕ ኣሎ። ድቃስ ዘይህብ ውራይ ኩላትና ምዃኑ ብምስትውዓል፡ ጉባኤኹም ግቡእ ኣስተብህሎ ክህቦን ኣብ ብሱል ገምጋም ዝሰረተ ሓላፍነታዊ ዝኾነ ፖለቲካዊ ውሳኔ ክትገብሩሉን ትጽቢትና’ዩ።

     ገባቲ ስርዓት ህግደፍ፡ ወራስ-ዓራት ናይቶም ዝሓለፉ ተባራረይቲ ገዛእቲ ኮይኑ፡ ንብሄራውን ሃይማኖታውን ብዙሕነት ህዝብታትና ከም ሓደጋን መርገምን ገይሮም’ዮም ከርእይዎ ጸኒሖምን ዘለዉን። ጸረ-ህዝብን ጸረ-ደሞክራስን ባህርያቶም ብዝዓደሎም ከኣ፡ ከፋፊሎም ንምግዛእ፡ ከም ምቹእ ኣጋጣሚ ብምጥቃም፡ ፖለቲካዊ ንቕሓት ህዝብታትና ከጉትሙን፣ ድሕረት ዘሪኦም ድሕረት ክሓፍሱን ኣብ ዘይምትእምማን ህዝብታትና ክነብሩን ዝጨከኑ ሕሱማት ኮይኖም’ዮም ጸኒሖምን ዘለዉን። እንሆ ከኣ ሎሚ፡ ሓድነት ህዝብታትናን ስሙር ቀጻልነትን ህንጸት ኤርትራዊ ሃገርነትን ኣብ ከቢድ ሓደጋ ኣውዲቖሞ ይርከቡ። 2ይ ጉባኤኹም፡ ንብዙሕነታዊ ክውንነት ህዝብታትና ግቡእ ኣድህቦ ብምሃብ ክግምግሞን፡ ንስሙር ቀጻልነትን ህንጸትን’ዛ ሃገር ዝበቅዕ ኣብ ልኡላዊ ክብረት ህዝብታትና ዝሰረተ ፖለቲካዊ ውሳኔ ንኸሕልፍ ዘለና ተስፋ ልዑል’ዩ።

     ስርዓት ህግደፍ፡ ልጓም ኣልቦ ትምክሕተኛ ባህርያቱ ብዝዓደሎን፡ ዞባዊ ጎብለል ናይ ምዃን ሕልሚ ተዓዛዚርዎን፡ ኣብ ልዕሊ ኩሎም ኣሕዋት ጎረባብቲ ሃገራት ወራራት ከካይድ ዝጸንሐ ስርዓት’ዩ። ብፍላይ ድማ ኣብ ልዕሊ ኢትዮጵያ ዘካየዶ ኲናትን ወራርን እልቢ ዘይብሉ ሰብኣውን ነገራውን ጸጋታት ናይ’ታ ሃገር ዘባኸነ ኣብ መጋርያ ኲናት ኣሳዊሩ ዘብረሰን ዘሕንኽ ስዕረት ዝተጎምጎመን ገበነኛ ስርዓት’ዩ። እንተኾነ ግን ሕጂ’ውን ኣይሰላም ኣይኲናት ኩነታት ብምፍጣር ብስም ልኡላውነት ሃገር ክሽቅጥን ኣብ ልዕሊ ህዝብታትና ብዘለዎ ክቱር ንዕቀት ከላግጽን ይረአ ኣሎ። 2ይ ውድባዊ ጉባኤኹም፡ ነዚ ጉዳይ’ዚ ጉቡእ ቆላሕታ ሂቡ ክግምግም ትጽቢት ይግበረሉ። ንልኡላዊ ክብረት ህዝብታትና ኣሕሲሩን ኣዋሪዱን ዝገዝእ፡ ካብ ስርዓት ህግደፍ ዝኸፍአ ጸላኢ ከምዘይብልና ብምስትውዓል፡ ሓላፍነታዊ ውሳኔ ንኸተመሓላልፉ ዘለና ትጽቢት’ውን ዓቢ’ዩ።

     መልእኽትና ንምዝዛም፡ 2ይ ጉባኤኹም፡ ብድሙቕ ዓወታት ተጸንቢሉ ንኽውጽእ ዘለና ትምኒት ወሰን የብሉን። ሰናይ ውራይ፤ ሰናይ መጋባእያ።

ህዝብን ሃገርን ኤርትራ ካብ ብርሰት ንምድሓን ኩል ዓቕምታትን ጸጋታትን

ሰውራና፡ ኣንጻር ስርዓት ህግደፍ ይቕናዕ!

ፈጻሚት ሽማግለ ኤስደለ

15 ሓምለ 2015

ዝኸበርካ ኣቶ መንግስተኣብ ኣሰመሮም ኣቦ ወንበር ሰልፊ ዲሞክራሲ ህዝቢ ኤርትራ!

ዝኸበርኩም ኣሰናዲኢት ንጉባኤ ሰልፊ ዲሞክራሲ ህዝቢ ኤርትራ !

ዝኸበርኩም ኣባላትን መሪሕነት ሰልፊ ዲሞክራሲ ህዝቢ ኤርትራ !

ዝኸበርኩም ኣባላትን መሪሕነትን ኤርትራዊ ሃገራዊ ባይቶ!

ዝኸበርኩም ኣባላትን መሪሕነት ፖለቲካዊ ሓይልታት!

ዝኸበርኩም ዕደማት ኣጋይሽ !

ኣብዚ መኽፈቲ ጉባኤኹም ከም ኣቦ ወንበር ሰልፊ ፡ ንሰልፊ ናህዲ ኤርትራ ኣባላቱን ወኪለ ተሳተፊ ክከውን ንዝገበርኩሙለይ ዕድመ እናኣመስገንኩ ፡እንተኾነ ብናይ ስራሕ ዝተፈላለዩን ጸገም ኣብዚ ጉባኤኹም ክሳተፍ እኳ እንተዘይካኣልኩ በዚ ናይ ደገፍ መልእክቲ ኣብቲ ዝግበር ጉባኤኹም እዞም ኣብታሕቲ ዘርዚረዮም ዘለኹ ብዕምቆት ክትሪኢዎም ለበዋይ እንዲቕረብኩ ጉባኤኹም ኣብ ኩለ መዲዩ ብዓወት ክዛዘም ዘለኒ ምንዮት እገልጸልኩም።

ዝኸበርኩምን ዝኸበርክንን !

ሃገርና ኤርትራ ኣብ'ዚ ዝሓለፈ 24 ዓመታት ምሕዯራ ዝተራእዩ ዓበይቲ ግህሰታት ሰብኣውን ማሕበራውን ፖለቲካውን መሰላት ህዝቢ ምጽብጻብ ዘይኮነስ፡ ስለምንታይ ናብ ከምኡ ኣምሪሑ ዝብል ሕቶ ክላዓልን ግድን ይኸውን እዚ ድማ ፥

እዚ ዘሎ ስርዓት ጥቕሚ ሃገር ዘይኮነስ ናይ ገዛእ ርእሱ ስልጣን ምድልዲል ቀዳማይ ዕላምኡ ስለ ዝኾነ፡መዋእለ ስልጣኑ ንምንዋሕ ካብ ዝጥቀመሎም ፖሎቲካዊ መሳርሕታትን ስልትታትን፡ ኣውራጃን ሃይማኖታውን ዝንባሌታት ህዝብና ምምዝማዝ ሙዃኑን ብምስትብሃል፡ ሳዕቤናት ናይ'ዚ ግጉይ ስልትታት'ዚ ድማ ኣብ ሞንጎ ህዝብና ዘይምትእምማን ምፍጣሩን፡ ሓድነት ሃገር ኣብ ሓደጋ እንዳውደቐ ይኸይድ ምህላውን ብምስትብሃል ፡ ህዝቢ ኤርትራ ድማ እስላም ይኹን ክርስትያን፡ ወይ ወዱ ከበሳ ይኹን ወዱ ቆላ ብዘየገድስ፡ ከም ደቂ ሓንቲ ሃገር ተኸባቢሮም ማዕረ መሰላት ተሓልዩሎም ሓቢሮም ዝነብሩላ ሃገርን መሬትን ክትከውንን ናብ ጥዑይ ምሕደራ ንምምላሱ ንዲሞክራስያዊ ለውጢ ነካይዶ ዘለና ቃልሲ ንምጉልባቱ ዕቱብነትና ከነረጋግጽ ዝሕግዝ ፡ ኣብ ጉዳይ መንእሰያት እውን ኤርትራውን መንእሰያት ሃገሮም ጠንጢኖም ብብዝሒ ንስደት ከምርሑ ዘገድዶም ምኽንያት፡ እንታይነት ገባቲ ስርዓት ህግደፍ ብዝልዓለ ዘጋልጽ ምዃኑ ንመላእ ዓለም ዘስደመመ ተርእዩ ሙዃኑን መንእሰይ ኣብ ክንዱ ተቐባል ሕድሪ ንክኸዉን ዝሕብሕቦን ዝምልምሎን፡ በንጻሩ እቲ ስርዓት ኣብ ኣተሓሕዛ መንእሰያት ክኽተሎ ዝጸንሐን ዘሎን፡ ኮነ እሉ "ኪድ ኣይትበሎ ከምዝኸይድ ግበሮ" ዝዓይነቱ ፖሊስታትን ክፍጽሞ ዝጸንሐ ተግባራትን፡ ኣብ ሕቶ ስትራተጂካዊ ዝምድና ምስ ጎረባብቲ ሃገራት ኣብ ግምት ዘየእተወ ገባቲ ስርዓት ኤርትራ ዝኽተሎ ዘሎ ፍሹል መስመር፡ ንህቢ ኤርትራ ምስ ጎረባብትናን ምስ ዓለም ዘለና ዝምድናን ኣብ ሓደጋ ዘእተወ ምዃኑ ንምንጻርን ካብ ኣኸቲልዎ ዘሎ ኣሉታዊ ሳዕቤናት ብዕምቆት ክትሪእይዎን ፡ በሓፈሻ ብሰንኪ ገባቲ ስርዓት ህግደፍ ህዝብና ኣትይዎ ዘሎ ጸገማት ትም ኢልካ ምራኣይ ዘይውጽእ ናይ ሕልና ቁስሊ ክኸውን ስለዝኾነ ንምፍትሑ ናይ ኩሉ ኤርትራዊ ዜጋን ማሕበረሰብ ዓለምን ሓላፍነት ሙኻኑ ክንርዳእን ተረዱእና ድማ ኩሉ ህዝቢ ኤርትራ ኣብ ዘለዎ ቦታ ኮይኑ ነዚ እከይ ሕልሚ ናይዚ ስርዓት ከወግዝን ብፍላይ ድማ ኣብ ቃልሲ ኣንጻርዚ ስርዓት ዝርከባ ደምበታት ተቓውሞ ካልኣዊ ፍልልያት ንጎኒ ገዱፈን ነዚ ህዝብና እናጽነተ ዝኸይድ ዘሎ ገባቲ ስርዓት ኣብ ሱረ መሰረቱ ንምእላይ ብኹሉ ዓቕምታቱ ንድሕነት ህዝብን ሃገርን ኣቀዱሙ ነቲ ናይ ቃልሲ ዓቕምታቱ ብምውህሃድን ብሓደ ኢድ ኮይኖም ናብዚ ስርዓት ከቕንዕዎ መታን ናይ ነፍስ ወከፍ ሓይሊ ሙዃኑ ብምርዲእ፡ነዚ ንምብቅዑ ድማ ጉባኤኹም ኣብዞም ልዕል ኢሎም ዝተጠቕሱ ነጥቦታት ኣጽኖኦት ክግበር እጽውዕ ።

ኣብ መደምደምታ

ኣብዘን ዝስዕባ ናይ ጉባኤኹም መዓልታት'ውን ነዞም ብፍላይ ኣብ ቀረባ እዋን ኣብ መላእ ዓለም ዝርከብ ሕዝቢ ኤርትራ ነጸብራቓት ናይ ድልየታት ኣብ ውሽጢ ሃገር ናይ ዝርከብ ህዝቢ ኤርትራ ዘመላኽቱ ዘለዉ ምልዕዓል ጸረዚ ገባቲ ስርዓት ናይ ለውጢ ጩራታት ኣብ ግምት ዘእተዉን፤ ናይ ብዙሓት ሃገራት ዓለም ምኹናን ንመራሕ ግበታን ጃንደኡን ንምጥንኻርን ፡ ብደረጃ ሕቡራት ሃገራት ወጽዓትት ህዝቢ ኤርትራን ዘብቃልዕሉን፡ዓስቢ ተቓለስቲ ንሓይልታት ደለይቲ ለውጢ ሞራል ዘደንፍዕን ተዋሂቡ ዘሎ ውሳኔ ኩሎም ኣብ ዘመነ ግበታ ራስያን መቕተልትን ህዝቢ ኤርትራ ወፊሮም ዝጸንሑ ኣብ ኤርትራ ክርከቡን ወላውን ንይምስል ካብ ኤርትራ ዝራሓቑ ገበርቲ እከይ ሰበ-ስልጣን ህግደፍ ብዝቐልጠፈ ኣብ ሕጊ ዝቐርቡሉ ኣብ ጉባኤኹም ነቲ ብመንግስታት ዓለም ተዋሂቡ ዘሎ ውሳኔታት ዝትግበረሉ ብሓባር ምስኩለን ደለይቲ ለውጢ ሓይልታት ብምዃን ኣብ ኩሉ ጽላታት ንምስራሕ ዝሕግዝ ውሳኔታትን ፡ ንኹሎም ዜጋታታ ብማዕርነትን ብፍትሕን እተዕቁብን ስምርቲ ናይ መጻኢት ኤርትራ ናብ ምህናጽ ዝመርሑ፤ ከምኡ'ውን ኣብ ደምበ ተቓውሞ ካብ ዘለዉና ንዉዕዉዕ መድረኽ ቃልሲ ዘዳኽሙ ጸገማትና ንምውጽእ ዝሕግዙ፡ ውሳኔታትን መምርሒታትን ሒዝኩም ከምእትወጹ ዓቢ ተስፋን እምነትን ከምዘልኒ ክገልጽ እፈቱ።

ደጊመ ንኩሎም ኣባላትን መሪሕነትን ሰልፊ ዲሞክራሲ ህዝቢ ኤርትራ ብሽም ሰልፊ ናህዳ ኤርትራን ኣባላቱን ኣብዚ ጉባኤ ብምክፋልና እናኣመስገንኩ። ብሓባር መጻኢ ናይ ቃልሲ ጉዕዞና ዕዉት ንክኾነልና ዘለኒ ትምኒት እገልጽ።

ዓወት ንደለይቲ ዲሞክራስያዊ ለውጢ!!

ዓወት ንጉባኤ ሰልፊ ዲሞክራሲ ህዝቢ ኤርትራ!!

ውድቀት ንገባቲ ስርዓት ህግደፍ !!

ዓብደራሕማን ጣሃ ኑር

ኣቦ ወንበር ሰልፊ ናህዲ ኤርትራ

15 ሓምለ 2015