ንኩሉ ዕለትን ማዓልትን መዘከርታ ክኾኖ ዝኽእል ናቱ ፍጻመን ተረኽቦን ከምዘለዎ እንግንዘቦ መባእታዊ ሓቂ እዩ። ወዮ ዳኣ ንዝተፈላለየ ምኽንያታት ብመዝገብ ምትሓዙ ስለዘጸግምን፡ ዝተመዝገበ እውን እትዕቅበሉ ቦታ ምስፈረሰካ ዛሕዛሕ ኢሉ ማሃነኑ ስለዝጠፍእን እዩ እምበር፡ ኩሉ ዕለትን ማዓልትን ኣብ ህዝብን ሃገርን ይዕበ ይንኣስ ነናቱ ዝኽርታት ክህልዎ ባህርያዊ እዩ። ንሎሚ ልክዕ ኣብ ማዓልታ ዘበለኒ ግን፡ ዋላዃ ብኣዋርሕ ኮነ ብዓመት፣ ዕለትን ማዓልትን ስሙ ከይቀየረ ተደጋጊሙ ዝመጽእ እንተኾነ፡ ናይ 2005 ዕለት 17 ታሕሳስን ናይ 2016 ዕለት 17 ታሕሳስን ቀዳም መዓልቲ ይውዕላ ምህላወን እዩ። እዛ ዕለትን ማዓልትን እዚኣ ድማ፡ እታ ካብ ናይ ተማሃሮ ምንቅስቓስ ጀሚራ ባህግትት ህዝብናን ሃገርን ጋህዲ ንምግባር ከይተሓለለት ክትጐዪ ዝጀመረት፡ ብማእሰርቲ መግዛእታዊ ስርዓት ኢትዮጵያ ከይራዓደት፣ ንመቑሕ ቤት ማእሰርቲ ዓዲ-ዃላ ክስበር ብውሽጢ ዘተሓባበረት፡ ኣብ ዕጥቃዊ ቃልሲ ዝተረባረበት፡ ጸኒሓ ዝተዀልፈ መብጻዓታት ክዉን ንምግባርን ኣብ ፍጹም ዓወት ንኽበጽሕ ምስ ምሉእ ራእይን ሕልናን ኣብተን ህዝቢ ኤርትራ ብብዝሒ ዝርከበን ናይ ቃልሲ ዝኾና፤ ኣርባዕተ ምድራዊ ክፍለ-ዓለማት ኣትጐዪ ዝነበረት እግሪ ተጋዳላይ ስዉእ ስዩም ዑቕባሚካኤል ዝተዓጽፈትላ ማዓልቲ ብምዃና ኣብ ተቓለስቲ ኤርትራውያን ፍሉይ ዘኽሪ ኣለዋ።
ስዉእ ስዩም ሓረስታይ፡ ሓደ ካብቶም ንዝሓዝዎ ዕላማ ፈልከት ከይበሉ፡ ህዝባውን ሃገራውን ዕላማታት ኣብ ቅድሚኦም ሰሪዖም፣ ውልቃዊ ረብሓታቶም ገዲፎም ንሃገሮም ዝተበጀዉን ገና ዝብጀዉ ዘልዉን፡ ኣብ ልዕሊ መሬት እንከሎ ንስለ ህዝቢ ክርህዎ ደቆም ዘዘኽተሙን ተቓለስቲ ሓደን መሪሕን'ዩ ነይሩ። ስዉእ ስዩም ሓረስታይ፡ ወትሩ ኣብ ቃልሲ እዃ እንተነበረ፡ ናይ 2005 ጉዕዞ ቃልሱ ግን ብፍሉይ፤ ናይ ዓወት እስትራተጂ ሰርዑ ብዕለት 06 ጥሪ እዩ ጀሚርዋ ነይሩ። ነዚ ሓቂ'ዚ ንምግንዛብ እምባኣር፡ መጽሔት ዲሞክራስያዊት ኤርትራ ኣብ ፍሉይ ሕታማ ቁጽሪ 1 ጥሪ 2006 ንጉዕዞ ስዩም ካብ ዘስፈረቶ ኣገደስቲ ተረኽቦታት ምጥቃስ ኣኻሊ እዩ። ተጋድሎ ሓርነት ኤርትራ ሰውራዊ ባይቶ ሓደ ካብቶም ንናይ ሎሚ ሰልፊ ዲሞክራሲ ህዝቢ ኤርትራ ዘቆሙ ፖለቲካዊ ሓይልታት ሓደ ድማ'ዩ።
6 ጥሪ 2005፡ ኣቦ-መንበር ፈጻሚ ሽማግለ ብጻይ ስዩም ዑቕባሚካኤልን ሓላፊ ቤት ጽሕፈት ዜናን ባህልን፡ ብጻይ መንግስተኣብ ኣስመሮም ዝርከብዎ መሪሕነታዊ ልኡኽ፣ ከም መቐጸልታ ናይቲ ብ28 ሕዳር 2004 ኣብ ካርቱም ምስ ቀዳማይ ሚኒስተር ኢትዮጵያ እተበጽሐ ምርድዳእ፡ ምስ ሰበ-ስልጣን ኢትዮጵያ ንምርኻብ ኣዲስ ኣበባ ኣትዩ።
8 ጥሪ 2005፡ ልኡኽ ውድብና ምስ ቀዳማይ ሚኒስተር ኣቶ መለስ ዜናዊ ተራኺቡ። ብዛዕባ ጉዳይ ሰላምን ርግኣትን ዲሞክራስን፡ ከምኡውን፡ ዝምድናታት ክልቲኡ ሸነኻት ዝምልከት ዕሙቕ ዝበለ ዝርርብ ኣካይዱ።
20 ጥሪ 2005፡ ብጻይ ስዩም ዑቕባሚካኤልን ብጻይ መንግስተኣብ ስመሮም ኣብ ኣዲስ ኣበባ ኣብ ዝርከብ ቤት ጽሕፈት ተሓኤ ሰውራዊ ባይቶ፡ ና ካድራት ኣኼባ ኣካይዶም። ውጽኢት ርኽክብ ውድብ ምስ ስበ-ስልጣን ኢትዮጵያ ኣብሪሆምን፤ ከምኡውን ሃለዋት ውድብን ኪዳንን ብዝምልከት ሰፊሕ መግለጺ ኣቕሪቦም።
ኣብ መጀመርታ ግንቦት 2005፡ ኣቦ መንበር ፈጻሚ ሽማግለ ብጻይ ስዩም ዑቕባሚካኤል ዝመርሖ ህዝባዊ ኣኼባ ኣብ ሆላንድ ከተማ ሮተርዳም ተኻይዱ።
4 ግንቦት 2005፡ ኣቦ-መንበር ፈጻሚ ሽማለ ተሓኤ ሰውራዊ ባይቶ፣ ብጻይ ስዩም ዑቕባሚካኣኤል ዝመርሖ፡ ብጻይ ወልደሱስ ዓማር፡ ምክትል ሓላፊ ቤት ጽሕፈት ኣህጉራዊ ዝምድናታትን፡ ብጻይ ሃይለ ገብሩ፡ ወኪል ውድብ ኣብ ኣወስትራልያ ዝኣባላቱ ልኡኽ፡ ኣብ ከተማ መልበርን ኣወስትራልያ ህዝባዊ ኣኼባ ኣካይዱ።
5 ግንቦት 2005፡ ኣቦ-መንበር ፈጻሚ ሽማግለ ተሐኤ ሰውራዊ ባይቶ፡ ብጻይ ስዩም ዑቕባሚካኤል ዝመርሖ፡ ብጻይ ወልደሱስ ዓማር፡ ምክትል ሓላፊ ቤት ጽሕፈት ኣህጉራዊ ዝምድናታትን፡ ብጻይ ሃይለ ገብሩ፡ ወኪል ውድብ ኣብ ኣወስትራልያ ዝኣባላቱ ልኡኽ፡ ኣብ ከተማ ፐረስ፡ ኣወስትራልያ ህዝባዊ ኣኼባ ኣካይዱ።
15 ሰነ 2005፡ ልኡኽ ውድብና፡ ኣብቲ ብዶክተር ብርሃን ኣሕመድ ዝተዳለወ፡ ምሁራትን ጋዜጠኛታትን ናይ ኤሚግረሽንን ናይ ወጻኢ ጉዳያትን ሰበ-ስልጣን ኣወስትራልያ እተሳትፍዎ ሰሚናር ተኻፊሉ።
16 ሰነ 2005፡ ብኣቦ-መንበር ፈጻሚ ሽማግለ ተሓኤ ሰውራዊ ባይቶ ብጻይ ስዩም ዑቕባሚካኤል ዝምራሕ ልኡኽ ተሓኤ ሰውራዊ ባይቶ፣ ኣብዚ ዕለትዚ ኣብ ኣወስትራልያ ምስ ዝርከቡ ወከልቲ ኤርትራዊ ዲሞክራስያዊ ኪዳን ተራኺቡ ዓሚቚ ምይይጥ ኣካይዱ።
18 ሰነ 2005፡ ኣቦ-መንበር ፈጻሚ ሽማግለ፡ ብጻይ ስዩም ዑቕባሚካኤል ዝመርሖ፡ ብጻይ ኣሰፋው በርሀ፡ ሓላፊ ቤት ጽሕፈት ስርርዓዊ ጉዳያትን፡ ብጻይ ብርሃነ ተስፋጋብር፡ ሓላፊ ቤት ጽሕፈት ምጣኔ-ሃብታዊ ጉዳያትን እተሳተፍዎ ህዝባዊ ኣኼባ ኣብ ከተማ ፍራንክፎርት ጀርመን ተኻይዱ።
19 ሰነ 2005፡ ኣቦ-መንበር ፈጻሚ ሽማግለ ተሓኤ ሰውራዊ ባይቶ፡ ብጻይ ስዩም ዑቕባሚካኤል ዝመርሖ ሓያሎይ ሰዓታት ዝወሰደ ኣኼባ ናይ ሓለፍቲ ጨናፍር ዞባ ጀርመን ኣብ ኤርትራዊ ማእከል ኣብ ፍራንክፎርት ተኻይዱ።
ካብ 25-26 ሰነ 2005፡ ኤርትራዊ ዲሞክራስያዊ ማሕበር ኣብ ኣመሪካ፡ ምስ ጨናፍር ተሓኤ ሰውራዊ ባይቶ ብምትሕብባር ኣብ ዋሽንግተን ስያትል ካልኣይ ዓመታዊ ፈስቲቫል ኣካይዱ። ኣብዚ ፈስቲቫልዚ ኣባላት ናይ ኣመሪካ ኮንግረስ፡ ናይ ከተማ ሊንውድ ከንቲባ፡ ተጣበቅቲ ሰብኣዊ መሰላትን ካልኦት ዕዱማት ኣመሪካውያንን፣ ከምኡውን ብርክትዝበለ ቁጽሪ ዘለዎም ኤርትራውያንን ተሳቲፎም። ብጻይ ስዩም ዑቕባሚካኤል ኣቦ-መንበር ፈጻሚ ሽማግለ ተሓኣኤ ሰውራዊ ባይቶ እውን፡ ኣብዚ ፈስቲቫል'ዚ ብምርካብ ቃል ውድብ ኣስሚዑ።
ሓምለ 2005፡ ብጻይ ስዩም ዑቕባሚካኤል ኣቦ-መንበር ፈጽሚ ሽማግለ ተሓኤ ሰውራዊ ባይቶ ኣብ ኦክላንድ፡ ኒውዮርክ፡ ዋሽንግቶን ዲሲ፡ ቺካጎን ዋሽንግተን ስያትልን ናይ ህዝቢ ኣኼባ ኣካይዱ።
30 ሓምለ 2005፡ ብጻይ ስዩም ዑቕባሚካኣኤል ኣቦ-መንበር ፈጻሚ ሽማግለ ተሓኤ ሰውራዊ ባይቶ፡ ናብ ኮፊ ኣናን፡ ዋና ጽሓፊ ሕቡራት ሃገራት መዘክር ኣቕሪቡ። ትሕዝቶ ናይቲ መዘክር፡
1. ነቶም ወለዶም በቲ ስርዓት ስለኣተገፉ፡ ንሓደጋ ተሳጢሖም ዘለዉ ህጻናት ህጹጽ ሰብኣዊ ረዲኤት ክግበረሎም፣
2. ጠንቂ ናይቶም ኣብ ዊዓ እተረሸኑን፡ ናይቶም ተኣሲሮም ዘለዉ ወለድን ምርመራ ክካየድ፣
3. ንዲክታቶርያዊ ስርዓት ኣስመራ ክኲንን ንዝፈጽሞ ዘሎ ሰብእዊ ግህሰታት ክተሓሳሰብን፡
4. እቶም ልዕሊ 1000 ዝኰኑ ኣብ ማእሰርቲ ዝርከቡ ኣቦታትን ኣዴታትን ብህጹጽ ክፍትሑ ዝጽውዕ ነይሩ።
ቅዳሕ ናይዚ መዘክር ድማ። ናብ ፓርላማ ኤውሮጳን ላዕለዋይ ኮምስዮን ስደተኛታት ሕቡራት ሃገራትን ተላኢኹ።
ብዕለት 04 ነሓሰ 2005 ኣቦ-መንበር ተጋድሎ ሓርነት ኤትራ ሰውራዊ ባይቶ ዝመርሖ ሰፊሕ ሰሚናር ናይ ኣባላት ውድብ ኣብ ቦታ ፈስቲቫል ተኻይዱ
ካብ 5-7 ነሓሰ 2005፡- ብጨናፍር ተሓኤ ሰውራዊ ባይቶ ኣብ ኤውሮጳ ተዳለወ መበል 20 ዓመት ፈስቲቫል ኤርትራ፡ "ዲሞክራሲ፡ ሰላም፡ ፍትሒ፡ ማዕርነት ኣብ ሃገርና ንኽነግስ ንዲክታቶርያዊ ስርዓት ሓቢርና ነልግስ" ኣብትሕቲ ዝብል ጭርሖ፡ ኣብ ከተማ ፍራንክፎርት ብክብ ዝበለ ድምቀት ተጸንቢሉ። ብጻይ ስዩም ዑቕባሚካኤል ኣቦ-መንበር ተሓኤ ሰውራዊ ባይቶ ኣብቲ ፈስቲቫል ማሃርን ሓደስት ሓሳባት ናይ ቃልስን ንተሳተፍቲ ኣቕሪቡ። ወይዘሮ ሄልጋ ናግል፡ ተወካሊት ምምሕዳር ከተማ ፍራንክፎርት፡ ብስም ከንቲባ እታ ከተማ፡ ከምኡውን ሚስተር ፊሰር፡ ናይ ቤተ ክርስትያን ሮተርዳም ቀሽን ኣማሓዳርን፡ ናይ ቀይሕ መስቀልን ወርሕን ኤርትራ ናይ ነዊሕ እዋን ተሓባባሪ ናይ ደገፍ ቃል ኣስሚዖም። ብጻይ ኣርሀ መሃመድ ናካ እውን፡ ንፈደራላዊ ዲምክራስያዊ ምንቅስቃስ ኣኤርትራ ወኪሉ፡ ናይ ደገፍ መግለጺ ሂቡን ዕላማታት ውድቡ ኣብሪሁን። ቀጺሎም ኣቶ ዮውሃንስ ኪዳነ፡ ካብ ማሕበር ጸረ ኣስገዳድ ዕስክርናን፡ ኣቶ ኪዳነ ግርማይን ብዛዕባ ጉድኣት ኣስገዳድ ዕስክርናን ሕማም ኣኤይድስን ጠቓሚ ኣስተምህሮ ሂቦም። ከምኡውን ሃብቶም የውሃንስ፡ ሙሴ ሰመረ፡ ኣንቶንዮ ተስፋይን ወልደሱስ ዓማርን ምሁራዊ መደረ ኣስሚዖም።
ብዕለት 06 ነሓሰ 2005 ኣብ ቦታ ፈስቲቫል ኤርትራ፣ ብጻይ ስዩም ዑቕባሚካኤል ኣቦ መንበር ተሓኤ ሰውራዊ ባይቶ፡: ነቶም ነቲ ስርዓት ኢሳያስ ዝፍጽሞ ዘሎ ግህሰታትብሓፈሻ፡ ንኲነታት ናይ ፖለቲካን ናይ ህልናን እሱራት ድማ ብፍላይ ፡ኣህጉራዊ ማሕበረ-ሰብ ኣቃልቦ ንኽገብረሉ ንምድፍፋእ፡ ካብ ጅነቭ ስዊዘርላንድ ብዕለት 15 ሰነ 2005 ጀሚሮም ኣብ ሮማ ናይ 1200 ኪሎ ሜተር ዝርሕቀቱ ናይ እግሪ ጉዕዞ ንዝፈጸሙ ንተኽለ ገብረገርግስን ሳሙኤል ገብረገርግስን እተባህሉ ክልተ ኣሕዋት ሽልማት ሂቡ።
ብተመሳሳሊ፡ ሚስተር ፊሰር ናይ ቤተክርስትያን ሮተርዳም ቀሽን ኣማሓዳርን እንተኾነውን፡ ንምሕዝነታዊ ምትሕብባሮም ዘመልክት ሽልማት፡ ንወይዘሮ ሄልጋ እውን ዕታሮ ዕምባባ ብኣቦ-መንበር ተጋድሎ ሓርነት ኤርትራ ሰውራዊ ባይቶ ብጻይ ስዩም ዑቕባሚካኤል ተዋሂብዎም።
ኣብ ርእሲ'ዚ ወኪል ማሕበራዊ ሰልፍን፡ ካብ ዝተፈላለዩ ጨናፍር ተሓኤ ሰውራዊ ባይቶ እተላእኩ ናይ ደገፍ መልእኽትታት ተነቢቦም። ማሕበር ኣካለ ጽጉማን ኤርትራ እውን፣ ናይ ማሕበሩ ዕላማታትን ናይ ኣባልነት ሕግታትን ናይቲ ማሕበር ንጥፈታትን ኣመልኪቱ ሰፊሕ መብርሂ ሂቡ።
ካብ 17-21 ጥቅምቲ 2005- ብኣቦ-መንበር ተሓኤ ሰውራዊ ባይቶ ብጻይ ስዩም ዑቕብሚካኤል ዝምራሕ ሻዱሻይ ስሩዕ ኣኼባ ፈጻሚ ሽማግለ ተሓኤ - ስውራዊ ባይቶ ኣብ ካርቱም ተኻይዱ።
ብ27 ሕዳር 2005 ብጻይ ስዩም ዕቕባሚካኤል ኣቦ-መንበር ተጋድሎ ሓርነት ኤርትራ ሰውራዊ ባይቶን ብጻይ መንግስተኣብ ኣስመሮም ሓላፊ ቤት ጽሕፈት ዜናን ባህልን ብውድባዊ ስራሕ ካብ ፍራንክፎት/ጀርመን ናብ ኣዲስ ኣበባ ኣትዮም።
16 ታሕሳስ 2005፡ ድሕሪ ቀትሪ ብጻይ ስዩም ዑቕባሚካኤል ኣቦ-መንበር ተሓኤሰውራዊ ባይቶ፡ ኣብ ኣዲስ ኣበባ ቤት ጽሕፈት ውድብ ምስቶም ኣብኡ ዝጸንሑ ኣባላት ውድብ ተራኺቡ። ስዩም ኣብዚ ዕለት'ዚ ምስ ብጾቱ ኣብ ቤት ጽሕፈት ብሓባር ተመሲሑ ከባቢ ሰዓት 3፡30 ድሕሪ ቀትሪ ንኸዕርፍ ናብ መደቀሲኡ ኣምሪሑ። ክብገስ እንከሎ "ጸኒሐ እንተመጺኤ ክንራከብ ኢና፡ እንተዘይመጺኤ ግን፡ ጽባሕ ንጉሆ የራኽበና" ኢሉ ከይዱ። ኣቐዲሙ'ውን ሰውነተይ ይኸብደኒ ኣሎ ይብል ስለዝነበረ፣ ከምቲ ዝበሎ ምሸት ናብ ቤት ጽሕፈት ኣይተመልሰን።
17 ታሕሳስ 2005፡ ሓርበኛተጋዳላይ ስዩም ዑቕባሚካኤል ኣቦ-መንበር ፈጻሚ ሽማግለ ተሓኤ -ሰውራዊ ባይቶ፡ ብሕማም ልቢ ብሃንደበት ኣብ ሆስፒታል ቤተዛታ ልክዕ ሰዓት 11፡00 ቅድሚ ቀትሪ ኣብ ኣዲስ ኣበባ ዓሪፉ።
ኣብዚ ዕለት እዚ ኣብ ጀርመን ኣቐዲሙ ንዝኽሪ ሰማእታት ኤርትራ ብዞባ ጀርመን ናይ ተጋድሎ ሓርነት ኤርትራ ሰውራዊ ባይቶ ኣቐዲሙ ዝተቆጽረ በዓል ኣብ ኤርትራዊ ማእከል ተዳልዩ ነይሩ። እቲ ካልኣይ መደብ ዝዩም ዝመርሖ ፈጻሚ ሽማግለ ናይ ሰውራዊ ባይቶ ንዝተፈላለየ ምኽንያታት ቤት ጽሕፈቱ ካብ ሩሰልስሃይም ናብ ከተማ ፍራንክፎርት ንምግዓዝ ዝፍጸመሉ ዝነበረ እዋን ብምንባርሩ ነዚ ንምክያድ ኣባላት ዝተኣከብሉ እዩ ነይሩ። እዚ ክልተ ስራሓት ኣብ ምፍጻም እንዳሃለና ድማዩ፡ ከባቢ 11፡30 ቅድሚ ቀትሪ ኣቢሉ፣ ካብ ኣዲስ ኣበባ ብጻይ መንግስተኣብ ኣስመሮም ናይ ሎሚ ኣቦ-መንበር ሰዲህኤ ተለፎን ይድውል እሞ፡ "ንጉሰ፡ ሎሚ ኣብ ኣዲስ ኣበባ ሕማቕ ነገር ኣጋጢሙ ኣሎ" ኢሉኒ ትም ይብል። ንጉሰ ንማእሰርትን ምስጓጉን ናይ ጐረባብቲ ሃገራት ልሙድ ገይሩ ስለዝወሰዶ፡ ነታ ቴለፎን ካልኦት ከይሰምዕዋ ኣብ እዝነይ ኣልጊበ፣ ከምቲ ናይ ቀደም ድዩ ክብል ይውከሶ። መንግስተኣብ፡ "ኣይፋሉን፡ ስዩም ተሰዊኡ" ይብለኒ። ንጉሰ ይስንብድ እሞ ስዩም መን ኣንታ? ክብል ምንርግጋጽ ደግሙ ይውከሶ። መንግስተኣብ "ብጻይ ስዩም ዑቅባሚካኤል ሎሚ ንጉሆ ተሰዊኡ" ይብለኒ እሞ፡ በቲ ሓደ ሸነኽ ካብቶም ንስራሕ ዝመጹ ሰባት ከይሰምዑን ኲነታተይ ከየንብቡን፡ በቲ ካልእ ድማ ደንጹይኒ ዝምልሶ ነገር ሓርቢቱኒ፡ ኣብ ባልኮን ወጺኤ ዳሕራይ ባዕለይ ክድውለልካ እየ ብዝብል ተፋንየዮ። ብስራሕ ናይ ቤት ጽሕፈት ከምዝተታሓዝኩ ኣምሲለ፤ እቲ ናይ ምግዓዝ ሓላፍነት ንብጻይ ዓንዶም ገርግስን ዮናስ ባህታን ገዲፈ፡ ድሕሪ ሰዓት ንብጻይ መንግስተኣብ ይድውለሉ እሞ፡ ነቲ ኲነታት ብዝርዝር ክሕብረኒ ይውከሶ፡ ንሱ እውን ብግልጺ ድሕሪ ምሕባር፡ ምቅልጣፍ ዘድልዮ ነገር ግን ናይ ሆላንድ ኤምባሲ ተነጊርዎ ስለዘሎ፡ ብሃንደበት ንስድራ ከይሕብሮም፡ ካብቶም ኣብኡ ዘለዉ ብጾት ንኣሰፋው በርሀ ነጊርካ ንስድራ ቀዲሙ ንኽሕብሮም ተዘራረብና። ድሕርዚ ኣብ ቀረባ ዝነበረ ኣባል ሰውራዊ ባይቶ ብጻይ ወልደሱስ ዓማር ይሕበሮ እሞ፡ ንካልኦት ኣባላት ባይቶን ፈጻሚ ሽማግለን ንኽሕብር ብፍላይ ድማ ንተኽለ መለኪን ሓቢሩ ናይ ምምራሕ ቦትኡ ክትክእ ስለዝነበሮ ቀልጢፍካ ንምንጋር ተወዳኤ።
እዋይ እዛ ስደት ክትሓስም፡ ንሃደበታዊ ሞትስ መሕዘኒ ዘይትረኽበላ፡ ጐዱፍን ቅርዓትን ዓድኻ እቲ ጸዋር ትብል። ነዚ ኣብ ምፍታሕ ክተሓጋገዝ ዝነበሮ ገብሪሂወት ኣሸብር ነቲ ኲነታት ይንገሮ እሞ፡ ኣብ ማእከል ጐደና ሰንቢዱ ብዘይመልሲ ደው በለ። እቲ ገዛኻ ንጽባሕ ንጉሆ ኣዳልወልና ሓዘን ኣብኡ ክግበር እዩ፡ ሕጂ ካልእ ቦታ ክንረክብ ኣይንኽልን ኢና ኢለዮ ድማ ይኸይድ። መልሲ ወዲ ኣሸብር ብማዕዶ "ሕራይ በል ዳሓን፡ ሕራይ፡ ጥራሕ ትብል ነይራ።
እቲ ንዝኽረ ሰማእታት ዝተዳለወ በዓል ከ ከመይ ይኹን ንዝብል እንተኰይኑ፡ ብመጀመርታ ክትቅይሮ ፈጺምካ ዘይካኣል ኣብርእሲ ምዃኑ፡ ካልኣይ፡ ሓዘንን ሓጐስን መኻይዲ መናብርትን ወዲ-ሰብ እዮም እዃ ዝባሃል እንተኾነ፡ ምረቱስ ምስ በጻሓካ ስለዝፍለጥ፡ እቶም መስዋኣቲ ብጻይ ስዩም ዝፈለጡ ብጾት፡ ስምዒታቶም ሓቢኦም ንተሳትፍቲ በዓል ከአንግዱን ከሳስዩን እቶም ሓንቲ ሓበሬታ ዘይብሎም ተሳትፍቲ በዓል ዝነበሮም ወኻዕካዕን ርኢኻ፡ ኣብ ጀርመን ክሳብ ንጽባሒቱ ንግሆ ንኸይስማዕ ኣብተጠንቀቕ ተኣትወ። ይኹናምበር ኣብ ጀርመን ንዝርከቡ ስድራ ስዩም ኣንጊሆም ዝሕብሩ ሰባት እውን ኣግሊልካ ተነጊርዎም፡ ምድላዋቶም ገበሩ።
ኣብ 30 ታሕሳስ 2005 ስዉእ ሓርበኛ ተጋዳላት ስዩም ዑቕባሚካኤል፡ ኣቦ-መንበር ተሐኤ ሰውራዊ ባይቶ፡ ብርክት ዝበሉ ካብ ኩሉ ኩርናዓት ናይ ዓለም ዝመጹ ኣባላት መሪሕነትን መሰረታትን ተቓወምቲ ውድባትን ኤርትራውያን ዜጋታትን ከምኡ እውን ሰበ-ስልታን ዜጋታት ሆላንድን ኣብዝተሳተፍሉ ናይ ቀብሪ ስነ-ሰርዓት ኣብ ከባቢ ሮተርዳም እትርከብ ከተማ ፍላርዲንገን ብክብ ዝበለ ክብሪ ሓመድ ኣዳም ለቢሱ።
ወዲ ሰብ ንዘጋጥሞ ሕማቕን ጽቡቕን ዝገልጸሉ ነናቱ ኣገባብን ስምዒትን ኣለዎ። መስዋኣቲ ስዩም ዑቕባሚካኤል ንመላእ ተቓላሳይ ህዝቢ ዘሰንበደን ዘሕዘነን እዃ እንተኮነ፡ ብጻይ ዮናስ ባህታ ግን፡ ምስ ቤት ጽሕፈት ተሓኤ-ሰውራዊ ባይቶ ብዝነበሮ ናይ ቃልሲ ቅርበትን ዘትረዮ ሌላን፡ ንሓደ ዓመት ምሉእ ከምሓንቲ ማዓልቲ ናይ ሓዘን ጸላም ቆቢዕ ምኽዳኑ ከይዘከርክዎ ክሓልፍ ኣይደልን።
Eritrean-Swedish Cultural Event Organized in Gothenburg, Sweden
Wednesday, 14 December 2016 11:06 Written by EPDP information Office
'Eritrea in Our Hearts', an Eritrean-Swedish solidarity association, organized a cultural event in the city of Gothenburg on 7 December 2016 in presence of representatives of important Swedish associations and Eritrean community members.
The cultural event was opened by a welcoming statement of Ms Fozia Omar, association secretary, who asked president of the association, Mr. Thomas Magnusson, to explain the objectives and future plans of the solidarity outfit.
This was followed by an illustrated presentation on the ups and downs of the Eritrean people and their current sad situation. Other representatives of civic associations in Gothenburg also made solidarity speeches and expressed continued commitment to promote their respective programmers of successful integration in the Swedish society.
The event was given added colour by a presentation of cultural costumes representing different parts of Eritrea. The social event of introduction of different groups to each other was concluded after dinner was served in Eritrean cooking.
ምትእስሳር ደቂ-ኣንስትዮ ሰዲህኤ ጉጅለ ኤውሮጳ ኣብዝሓለፈ ሓሙስ ዕለት 08.12.2016 ኣኼባ ምክያዱ ዝበጻሓና ዜና ሓቢሩ። እቲ ኣኼባ ድሕሪ ጉባኤ ምትእስሳር ደቂ-ኣንስትዮ ሰልፊ፤ ንመጀመርታ ግዜ ዝግበር ዘሎ ምዃኑን፡ ኣብቲ ኣኼባ ናይ መጻኢ መደብ ስራሓተንን ንስሩዕ ርክክባተን ዝጠመተ ዕማማትን ኣዋሃሂደን ምውጽኤን ተረጋጊጹ።
ከምዝዝከር፣ ምትእስሳር ደቂ ኣንስትዮ ሰ.ዲ.ህ.ኤ፣ ብዕለት 30 ሓምለ 2016 እየን ቀዳማይ ጉባኤ ኣካይደን። ኣብቲ ጉባኤ ኣብ ዝተፋላለየ ኩርናዓት ዓለም ማለት፡ ኣብ ሃገራት ኤውሮጳ፡ ኣመሪካ፡ ካናዳን፡ ኣውስትራልያን ዝርከባ ኣባላት ምትእስሳር ሰልፊ ዲሞክራሲ ህዝቢ ኤርትራ፡ ብቤት ጽሕፈት ምትእስሳር ደቂ ኣንስትዮ ተማእኪለን ብመራኸቢ ብዙሓን ዝተሳተፍኦ ጉባኤ ብዓወት ዛዚመን። ጉባኤ ብኣባል ፈጻሚት ሽማገለ ሓላፊት ቤት ጽሕፈት ደቂ ኣንስትዮ ወ/ት ኤርትራ ኣልኣዛር ተኸፊቱን ተመሪሑን እዩ ተካይዱ። ቀንዲ ሕመረትን ዕላማን ናይዚ ታሪኻዊ ጉባኤ እዚ ከኣ ደቂ ኣንስትዮ ኤርትራውያን ነብሰን ሰሪዔን ኩለንተናዊ ተሳታፍነተን ንምዕዛዝን ተራን ግደን ኤርትራውያን ኣብ ማሕበራዊ ፍትሕን ማዕርነትን ንምርግጋጽ ዘትኮረ ኮይኑ ቤት ጽሕፈት ምትእስሳር ደቂ ኣንስትዮ ሰ.ዲ.ህ.ኤ. ከኣ ንምትግባሩ ከምዝቃለስ ኣስሚሩሉ። ኣብ ዝቀረበ ዛዕባታት ብዕምቆት ክትዕን ልዝብን ድሕሪ ምክያድ፡ መሪሕ መደብ ዕማማት ሓንጺጸን ሰሪዔንን ሓንቲ ንስራሓተን እተማእክል ሽማገለ ብዲሞራሲያዊ ኣገባብ መሪጸን ብዝክረ ሰማእታት ጉባኤ ምዝዛሙ እውን ዝፍለጥ እዩ።
EPDP Call Upon Fraternal Swiss Party To Put Pressure on Bern and Asmara
Monday, 12 December 2016 20:40 Written by EPDP information OfficeIn a congratulatory message on the re-elections of Mr.Christian Levrat to the presidency of the Swiss Social Democratic Party (SP/PS), the Eritrean People's Democratic Party (EPDP) seized the opportunity to call upon the fraternal Swiss party to put pressure on the Swiss government to stop contemplating resumption of technical assistance for and "partnership" with Africa's most repressive regime under the pretext of non-existing "positive signals" from Asmara.
Mr. Levrat, who was first elected at the young age of 36 in 2008 to lead Switzerland's second largest party, again won re-election last weekend with a renewed social-political programme for his third term. Founded 128 years ago, the party is known by the abbreviations of SP in German and PS in French/Italian/Romansh languages of the country. Both EPDP and the Swiss party are affiliated to the Socialist International and the Progressive Alliance.
The EPDP congratulatory message, dated 9 December 2016, saluted SP/PS's right understanding of what is going on in Eritrea and the role of its parliamentary members in trying to depict to the Swiss people and authorities the correct picture in Eritrea. Yet, the memo did not hide the deep concerns of Eritreans about the dangerous compromises being made in favour of dictatorships springing from the simplistic aim of stopping flow of refugees to Europe.
The message pointed out the recent statement of intention by the Swiss foreign ministry hinting at a plan to start "pilot projects" with the regime at the cost of about US$2 million. The objective appeared to re-launching a large-scale development programme "if conditions improve" in Eritrea. It is to be recalled that it was 10 years that Switzerland stopped assistance to the Eritrean regime because of its bad human rights record.
The EPDP memorandum clarified that nothing is improving to the better in Eritrea for Switzerland to resume partnership with Asmara regime. For this reason, the memo urged the fraternal Swiss party to continue opposing the wrong intentions of the Swiss government, and stressed that SP/PS should instead promote the modest requests for action as listed below:
- Pressure the Swiss Government to stop contemplating renewal of cooperation with the Asmara regime until it: a) Implements all recommendations of the UN Commission of Inquiry and the UN Special Rapporteur for human rights in Eritrea; b) Releases political prisoners detained for long years without a day at court; c) Allows the ICRC and concerned UN and other human rights bodies to visit the detention centers in Eritrea; and d) accepts the pressure and submits for positive change through peaceful political transition that includes all Eritrean stakeholders.
- Support Eritrean Non-State Actors: The Swiss Social Democratic Party with other progressive forces to kindly see ways of empowering the mainstream Eritrean non-state actors (civil society and political movements in diaspora) through capacity building.
- Switzerland to Put Pressure on the Asmara regime by implement the targeted UN sanctions which include refusing visas to key regime officials and freezing their bank accounts.
- Relations between Eritrea and Ethiopia: a) The border problem needs to be solved in order to open ways for improved relations. Both Eritrea and Ethiopia can and must be told to show readiness for compromise; b) In particular, Ethiopia must be pressed to fully accept the final and binding decision of the arbitration boundary commission.
- Active support for Eritrean refugees in the Horn of Africa and for those already in Switzerland: a) Switzerland can initiate a special package project for academic and vocational education in East Sudan and North Ethiopia through the use of technical development resources that were suspended for at least a decade from reaching the regime, and b) The tens of thousands of new caseloads of Eritrean refugees in Switzerland are young and without proper education. Giving special attention for their education and skill building would make them better citizens upon their possible return to Eritrea. Both SP/PS and the Government can closely work with Eritrean civil society in Switzerland.
ብመሪሕነት ማሕበር መንእሰያት ዝተጸውዐ ኣኼባ፣ ብዕለት 10 ታሕሳስ 2016 ኣብ ከተማ ፍራንክፎርት ተኻይዱ። እቲ ኣኼባ ኣባላት ዝተፈላለያ ፖለቲካዊ ሓይልታትን፡ ምንቅስቓስን ውልቀ ዜጋታትን ደለይቲ ለውጢ ዝተሳተፍዎ ኮይኑ፡ ኣብ ከባቢኦም ክካየዱ ንዘለዎም ሓባራዊ ዕማማት ብሓድሽ ንምብርባርን ንምርግጋጽን ዝዳህሰሰ እዩ ነይሩ። ከም ውጻኢቱ ኣብዝሓለፈ ገለ ዓመታት ዝጸንሐ ዘይውሁድ ስራሓትን ዝተፈጥረ ዕንቅፋታትን ድሕሪ ምግንዛብ፣ ኣብ መጻኢ ሓቢርካ ንምስራሕን ብዝተፈላለየ ምኽንያታት በዂሩ ዘሎ ዓቕሚ ተቓውሞ ንምልዕዓልን ኩሉ መዳያዊ ምቅስቓሳትን ንጥፈታትን ክካየድ መተካእታ ዘይብሉ ምርጫ ምዃኑ መዚኑ።
እቲ ኣኼባ፡ መቐጸልታ ናይቲ ብዕለት 08.10.2016 ዝተኻየደ ሰፊሕ ማሕበራውን ዜናውን ፖለቲካውን ክፍጸም ዝነበሮ ሓባራዊ ዕማማት ገምጋም ዝተገብረሉ ኣኼባ ኮይኑ፡ ኣብ መጠረስታ፡ ሓንቲ ሓሙሽተ ዝኣባላታ መጻኢ ክግበር ተመዲቡ ዘሎ ኣኼባ፤ ሰፊሕ ተሳትፎ ንኽህልዎ እትጉስጉስ ግዝያዊት ሽማግለ መዚዙ ዕለተ ኣኼባን ሰዓታቱን ቍጺሩ ኣኼባ ምድምዳሙ ተረጋጊጹ ኣሎ።
ኣባላት ሰ.ዲ.ህ.ኤ. ጨንፈር ቁ.2 ሃገር ሽወደን ብዕለት 25/11/2016 ኣብ ዝነብሮም ስሩዕ ወርሓዊ ኣኼባኦም ፡እንደገና እቲ ኒሕ ሓዘል ተበግሶኦም ንዕቤት ሰልፎም ዘሎዎም ዉፍይ ሓልዮት ሎሚ ዘብንእውን መሪሕ ግደ ወሲዶም ናይሓድሽዓመትወፈያ፡ ’’ልግሲ ልደትን ሓዲሽ ዓመትን ’’ ዝብል ነበረ ንምትግባሩ፡ ሰናይ ተግባር ንመንፈስ ቃልሲ ዘርውን ንሰልፊ ዘተባብዕን ብምዃኑ፣ ብሙሉእ ድምጺ ተሳማሚዕም ድሮ ንጊዜኡ ዳርጋ ኩሎም ተሳተፍ ብርኩት ገንዘብ ወፈያታት ኣመዝጊቦም፡ በዚ ጽቡቕ ኣጋጣሚ ኮይኑ ስለዝተራእዮም እንሆ ከኣ ንኩላተንጨናፍር ሰ.ዲ.ህ.ኤ. ከምቀደመን በብኽእለተን ነዚ ሰናይ ተበግሶ ክኽተልኦ የዘኻኽር።
ናይ ዓወትን ፍቕርን ሰላምን ሓዲሽ ዓመት ይግበረልና።
ብዕለት 07-12-2016 ዓ.ም.ፈ. ብሽወደናዊ ኤርትራዊ ምሕዝነት ባህላዊ ማሕበር ኤርትራ ኣብ ልብናዝተዳለወ ሌላ ባህሊ ኤርትራን ቅኑዕ ታሪኻን፡ ኤርትራና ቅድሚ ትማሊ ፡ ትማሊ፡ ሎሚ፡ዝሓቆፈ ሰነዳዊ መግለጺ ብተሳታፍነት ኣገደስቲ ማሕበራት ሽወደንን ሓያሎ ኤርትራውያንን ምዉቅ ምሽት ካብ ሰዓት 18.00 ክሳብ 20.00 ተካይዱ።
እዚ ኣገዳሲ ምስዮት እዚ ብዋና ጸሓፍቲ ሽ.ኤ.ም.ባ.ማ. መንእሰይ ፎዚያ ዑመር ብናይ እንቋዕ ድሓን መጻእኩም ከፊታ ንኣቦወንበር ማሕበር ኣቶ ቶማስ ማግንሶን ኣመሓላለፈቶ። ኣቦ ወንበር ሓጺር ሓበሬታ ናይ ኣመሰራርታን ውህደታዊ ዕላማ ማሕበር ገሊጹ።
ቀጺሉ ሓው ጸሃየ ቀለታ ብስእልታት ዝተሰነየ ካብ ትርጉም ሃገረ ኤርትራ ጀሚሩ፡ ጽማቅ ታሪኻዊ ጉዕዞ ቃልሲ ህዝቢ ኤርትራን፡ ህልዊ ኣሰካፊ ሃለዋት ኤርትራን ህዝባን ሓቢሩ። ምስኡ ከኣ እቲ ዘይምኖ ምዕሩግ ኤርትራዊ ባህላዊ ክዳን ዝለበሱ ሰብኡትን ደቂ ኣንስትዮን ኣብ መድረኽ ብምቕራቦም ዓቢ መሳጢ ኣድናቆት ንተሳተፍቲ ሃበ።
እዚ ሓያል ስሙር ኤርትራዊ ህዝቢ ክርስትያንን ኣስላምን ማለት ደቂ ከበሳ፡ ቆላ ወይ መታሕት ዘሎዎ ዉሁድ ግሩም ባህሊ ኣመስከረ። ቀጺሎም ዕዱምት ኣጋይሽ፡ ናይ ኣበኤፍ፡ ናይ ኣህጉራዊ ህዝባዊ ቤት ትምህርቲ ከተማ ዮተቦርግ፡ ማሕበር ሰላም ሽወደን በብተራ ሓጸርቲ ሰላምታ ኣቕረቡ።
ስዒቡ እቲ ተፈታዊ ባህላዊ መግቢ ዝግኒ፡ ኣልጫ፡ ባምያ፡ መሎኽያ፡ ሩዝ ፡ ሰላጣን ሙዑዝ ጣዕሚ ሙሉእ ተሳታፋይ ብደስታ ኣስተማቂሮም ብሕድሕድ ምልላይን ዕላላትን ከኣ እታ ሰላማዊት ምዕርግቲ ምሸት ተዛዘመት።
ሽወደናዊ ኤርትራዊ ምሕዝነት ባህላዊ ማሕበር ኤርትራ ኣብ ልብና
ኣዳማ ባረው ናይ ጋምብያ ፕረሲደንት ክኸውን ብህዝቢ ጋምብያ ተመሪጹ።
Saturday, 03 December 2016 21:51 Written by ቤት ጽሕፈት ዜና ሰዲህኤኣቕድም ኣቢሉ ነጻ ምርጫ ትካል ጋምብያ ሰለስተ መራሕቲ ፖለትካውያን ስልፍታት ንውድድር ፕረሲደንትነት ተቐቢሉ ኣመዝጊቡ። ንሳቶም ድማ ፕረሲደንት ያህያ ጃመህ: ኣዳሙ ባርውን ማመህ ካንደህን ኮይኖም ተመዘጊቦም።
ድሕሪ ዝተገብረ ህዝባዊ ምርጫ ድማ መራሕ ሰልፊ ነጻ ጽምዶ ሰልፍታት ብ45.5% ኣብ ልዕልቲ ን22 ዓመታት ንጋምብያ ከም ፕረሲደንት ክመርሕ ዝጸንሐ ያህያ ጃመህ ተዓዊቱ። ያህያ ጃመህ 36.7% ድምጺ ረኺቡ። ሳልሳይ ተወዳዳሪ ማመህ ካንዶ ንናይ ጋምብያ ደሞክራስያዊ ኮንግረስ መሪሑ ዝተዋዳደረ ድማ 17.8% ድምጺ ረኺብ። ድሕርዚ ደሞክራስያዊ ምርጫን ውጽኢቱን ን 22 ዓመታት ከም ፕረሲደንት ኮይኑ ንጋምብያ ክመርሕ ዝጸንሐ ጃመህ፣ ንተመሪጹ ዘሎ ፕረሲደንት ኣዳሙ ባርው እንቋዕ ዓወተካ ብምባል ስዕረቱ ተቐቢልዎ ኣሎ። ስልጣኑ ብሰላም ከምዘመሓላልፍውን ቃል ኣትዩ። ንህዝቢ ጋምብያ ድማ ምዕባለን ሰላምን ተመንዩ። እዚ ምርጫ ህዝቢ ክዕወት ካብ ዘኽኣለ ረቛሒታት ወጻኢ ካብታ ሃገር ዘለው ጋምቢያውያን ናብቲ ሃገር ከመሓላልፍዎ ዝጸንሑ ሓበረታን ሰራዊት ውግእ ጋምብያ ነቲ ምርጫ ዋሕስነት ኮይኖም ብምክታተሎምን ምዃኑ ይንገረሉ። ኣብ ግዜ ምርጫ ዝተራእየ ዕግርግር ኣይነበረን። ክሳብ ዕለተ ምርጫ ኩሉ ብሰላምን ውርዙይ ፖለቲካዊ ቃልስንዩ ተኻይዱ። ናይዚ ጽቡቕ ምርጫ መርኣያ ሰራዊት ውግእን መራሕቶምን ኣብቲ ህዝቢ ሓጎሱ ዝገልጸሉ ዘሎ ጎደናታትን ኣዳባያታትን ተረኺቦም ነቲ ሓጎስ ህዝቢ ሓቢሮሞ ምርኣዮምዩ።
ቤት ጽሕፈት ዜና ሰዲህኤ
بمزيد من الحزن والأسى ينعي حزب الشعب الديمقراطي الارتري الي الشعب الارتري المناضل/ أحمد سويرا أحد قدامى مناضلي التحرير الأشاوس الذي حدثت وفاته بالسودان بعيداً عن مراتع الصبا والوطن العزيز الذي فداه بنفسه وماله وأنفق في دربه كامل عمره ونضرة شبابه.
حزبنا إذ يشارك شعبه الفقد الجلل يسأل العلي القدير أن يتقبل روح الشهيد ويلهم آله وذويه وسائر شعبه الصبر والسلوان.
ብ25 ሕዳር 2016 ካብዛ ዓለም ብሞት ዝተፈልዩ መራሒ ሰውራ ኩባ ፊደል ካስትሮ ብዛዕባቲ ኣብ ፖለቲካዊ ህይወቶም ዝፈጸምዎ ጉዳያት ይዝከሩ ኣለዉ። ኤርትራውያን እውን ፊደል ካስትሮን ኩባን ንኤርትራን ህዝባን ብዝፈጸምዎ ብጽቡቕን ሕማቕን ተግባራት ይዝክርዎም።
በቲ ጽቡቕ ጉዳያት ንምጅማር
ብፊደል ካስትሮ እትምራሕ ኩባ ሓንቲ ካብተን ኣቐዲመን ናይ ኤርትራ መሰል ርእሰ ውሳነ ዝደገፋ ሃገራት ሓንቲ እያ። ካብቶም ኣብ ቀዳመይቲ ጉጅለ ኣብ 1960ታት ናብ ኩባ ዝተላእኩ ተጋደልቲ ተጋድሎ ሓርነት ኤርትራ፡ ስዉኣት ኢብራሂም ዓፋ፡ ደብሮም ጥሉቕን ማሕሙድ ሓሰብን ከምኡ እውን ተስፋይ ካሕሳይ ይርከብዎም። እዚኣቶም ኣብ ኩባ ኣጠቓቕማ ኣጽዋ ጥራይ ዘይኮነ፡ እንተላይ ጥበብ ወተሃደራዊ ኣመራርሓን ሓጸርቲ ተረደኦታት ብዛዕባ ጸጋማዊ ፖለቲካዊ ኣፍልጦ’ውን ቀሲሞም እዮም። እቲ ግዜ”ቲ ምስ ቃልሲ ዝምድና ዝነበሮም ኤርትራውያን ነታ ብረታዊ ቃልሲ ኤርትራ ዝድግፍ ብዙሕ ሓበረታን ጸብጻባት ተውጽእ ዝነበረት መጽሐት ትሪኮንቲነንታል ረኺቦም ንምንባብ ኣብ ፈቐዶ ቤተመጻሕፍቲ ሃሰው ዝብልሉ ዝነበሩ ግዜ እዩ። እዛ ኣብ ሃቫና ዝመደበራ መጽሐት ብትካል ብምትሕብባር ህዝቢ ኤስያ፡ ኣፍሪቃን ላቲን ኣሜሪካን እትሕተም ዝነበረት ኮይና፡ ካብ ኤውሮጳን ካለኦት ክፍለዓለማትን ናይ ጸጋማውያን ሓገዝን ደገፍን ትረክብ ዝነበረት እያ።
እንተኾነ..
ኣብ መወዳእታ 1970ታት ግና ጉዳያት ናብ ሕማቕ ተቐይሩ። እዚ ዝኾነ 11,600 ኩባውያን ወተሃደራትን 6,000 ወተሃደራዊ ኣማኸርትን ኣብቲ ኢትዮጵያን ሶማልያን ዝዋጋኣሉ ዝነበራ፡ ንመንግስቱ ሃይለማርያም ክሕግዙ ናብ ኢትዮጵያ ምስተላእኩ እዩ። ኩባውያን ናብ ምብራቕ ኢትዮጵያ ከባቢ ኡጋደን ክለኣኹ፡ ፊደል ካስትሮ ኣብ 1978 ነዚ ውሳነ’ዚ ዝወሰነ፡ ሰውራ ኤርትራ ብዘይካ ውሱናት ቦታት ንሰፊሕ ከባብታት ኤርትራ ሓራ ኣውጺኡ ንከተማ ኣስመራ ዝኸበበሉ እዩ ነይሩ። ኣብቲ እዋንቲ ዝነበረ ሓይሊ ተጋድሎ ሓርነት ኤርትራን ህዝባዊ ግንባር ሓርነት ኤርትራን ምስቲ ዝነበሮ ዘተኣማምን ዓቕሚ በቲ ንሰራዊት ኢትዮጵያ ክሕግዝን ከ,መርሕን ዝተላእከ እሞ ድማ 225 ብዝኾና ናይ ሶቬት መጐዓዝያ ነፈርቲ ዝተሰነ ሓይሊ ሶቬት ኣይተሻቐለን።
ኣብቲ እዋንቲ ብዙሓት ኤርትራውያን ፊደል ካስትሮ ነቲ ኣብ 1960ታት ናይ ኩባ ሓገዝ ዝነበሮ ሰውራ ኤርትራ ከጥፍእ ተዘይውስን እቲ ጉዳያት ዝተፈልየ መኾነ ዝብል ርኢቶ ነይርዎም።
ብዘይካዚ ኣብ ወርሒ ሓምለ 2016 ልኡኽ ኩባ ኣብ ባይቶ ሰብኣዊ መሰል ሕቡራት ሃገራት፡ ዲክታቶሪያዊ ስርዓት ኢሳይያስ ኣፈውርቅን ደቂ መዛምርቱን ብገበን ኣንጻር ሰብኣውነት ካብ 1991 ንነጀው፡ ከይክሰሱ ንምክልኻል ኣንጻር ህዝቢ ኤርትራ ተሰሊፉ።
ምስዚ ኩሉ እምበኣር በዚ ኣጋጣሚ ንመዋቲ ፊደል ካስትሮ መንግስተሰማያት የዋርሶም ንብል።
