http://ascenteq.com/project/epdp

ገዲምን ዘይሕለልን ተጋዳላይ ኣሕመድ እስማዒል ኣሕመዲን (ኣሕመድ ሶይራ) ብቐዳም 19 ሕዳር 2016 ኣብ ካርቱም ብዝነበሮ ሕዱር ሕማም ምስዋኡ ምስማዕና ከቢድ ስንባደን ሓዘንን ኢዩ ፈጢሩልና።

ስውእ ሓርበኛ ኣሕመድ ሶይራ ካብ ሓምሳታት ናይ ዝሓለፈ ክፍለዘመን ኣትሒዙ፡ ምእንቲ ሃገራዊ ናጽነት እተቓለሰ ገዲም ተጋዳላይ ኢዩ። ኣብ’ቲ ብ1958 እተመስረተ ምንቅስቓስ ሓርነት ኤርትራ (ማሕበር ሸውዓተ) ተባሂሉ ዝፍለጥ ውድብ ብምስላፍ ኢዩ ንቓልሱ ፈሊምዎ። ብድሕሪኡ ድማ፡ ኣባል ተጋድሎ ሓርነት ኤርትራ ኰይኑ፡ ንነዊሕ ዓመታት ኣብ ጠቕላላ ማሕበር ሰራሕተኛታት ኤርትራ ኣገልጊሉ። ድሕሪ ናጽነት ኤርትራ ድማ፡ ኣባል ኤርትራዊ ተበግሶ (ኣልሙባደራ) ኰይኑ ተቓሊሱ።

ተጋዳላይ ኣሕመድ ሶይራ፡ ናይ ውድብ ወሰናስን ዘይሓጽሮ፡ ምስ ዝሰማምዕዎን ዝፈላለይዎን ሰባት፡ ክመያየጥ ዘይደክም፡ ዓቃል፡ ተጻዋራይ፡ ብሱል ተቓላሳይ ኢዩ ነይሩ። ዝምድናኡ ምስ ኤርትራውያን ጥራሕ ዘይኰነስ፡ ምስ ሱዳናውያን እውን ኣዝዩ ሰፊሕን ዓሚቝን ኢዩ ነይሩ። ብፍላይ ድማ፡ ኣባላት ኮሚኒስት ፓርቲ ሱዳን ብዙሕ ዘኽብርዎ ተጋዳላይ ኢዩ ነይሩ።

እቲ ቀንዲ መለለዪኡ ዝዀነ ጠባይ ግን ንዝኣምነሉ ዕላማን መትከላትን ኣሕሊፉ ዘይህብ፡ መሬት ዝጸበበት ትጽበብ ካብ መርገጻቱ ሰንደልደል ዘይብል ቅኑዕ ተቓላሳይ ኢዩ ነይሩ። ስለ’ዚ ኢዩ እውን ነዚ ኵሉ ጽንኩር መድረኻት መዓንጣኡ ሸጥ ኣቢሉ ክሳብ እዛ ካብ ዓለም እተፈልየላ ዕለት ብጽንዓት ተቓሊሱ። ፍቕሪ ሃገርን ህዝብን እምበር ካልእ ዘሸንፎ ነገር ኣይተረኽበን።

በዚ ኣጋጣሚ’ዚ፡ ሰልፊ ዲሞክራሲ ህዝቢ ኤርትራ፡ ንስውእ ኣሕመድ ሶይራ፡ መንግስተ-ሰማይ የዋርሶ፤ ንቤተሰቡን ንህዝቢ ኤርትራን ድማ ጽንዓት ይሃብኩም እናበለ ናይ  መሪር ሓዘኖም ተኻፋላይ ምዃኑ ይገልጽ።

መንግስተኣብ ኣስመሮም
ኣቦ መንበር ሰዲህኤ
23 ሕዳር 2016

EPDP's Frankfurt Branch Holds End-of-Year Meeting

The tireless Frankfurt Branch of the Eritrean People's Democratic Party (EPDP), which is one of the most regular and active party branches in organizing meetings on schedule, held its last 2016 encounter on 20 November and decided to resume  New Year meetings as of 15 January 2017.

Opened by branch chairman, Tadesse Asmelash, who saluted and praised the historic contributions to the struggle by the recently fallen party comrade, Osman Ahmed in Kassala, the meeting raised discussed the significance of a number of major events of the year just ending.

The branch meeting reviewed the worsening hardships faced by the Eritrean people inside the homeland and the regime's recent intensification of its wrong doings that only prevent farmers from collecting harvest in peace and traders from succeeding in their efforts. The intensified wrong measures did result in forcing citizens to leave the country in big numbers.

Also discussed was the repressive regime's lie to members of the Eritrean Defence Forces who were promised to receive higher payments but finally saw those 'increases' taken back under different excuses.

The Frankfurt branch also hailed the massive demonstrations organized in Geneva, New York and many other places exposing the political and human rights violations of the cruel Eritrean dictatorship. It commended the reports of  the UN Human Rights Council and its inquiry commission on Eritrea and hoped the regime will face accountability for its crimes one day. The meeting also took time to review and commend the international efforts of the party to further expose the regime by taking part at global conferences like the one held in Brussels on 17-18 October 2016.  

At ending its meeting, the branch heard a strong appeal to Eritrean youths by young Kubrom Andom who reminded his age-group to redouble their struggle taking the opportunities provided by democratic countries where they have taken temporary refuge from the dictatorship in Eritrea. 

EPDP Information Office

ጨንፈር ሰዲህኤ  ፍራንክፎርትን ከባቢኡን  ብዕለት 20.11.2016 ስሩዕ ወርሓዊ ኣኼባኡ ኣካይዱ። ኣኼባ  ብመስዋእቲ  ብጻይ ተጋዳላይ ዑስማን ኣሕመድ ዝተሰምዖ መሪር ሓዘን ብምግላጽ ንኩሎም ቤተሰቡ ጽንዓት እናተመነየ ንእእኡ ድማ መንግስተ-ሰማይ የዋርሶ፡ ንሕና‘ውን ኣብነት ነቲ ጽኑዕን ዘይሕለልን ቃልስታቱ ብምኽታል ተቢዕና ብጽንዓት ክንቃለስ ኢና ብምባል እዩ ኣቦ መንበር ሽማግለ ጨንፈር ሓው ታደሰ ኣስመላሽ ተጀሚሩ።

ኣኼበኛታት ኣብዚ ዓመተ 2016፡ ኩነታት ሃገርናን ናብራ ህዝብናን ኣብ ኣዝዩ ዝኸፍኤ ኣተሃላልዋ ከምዘሎ እዩ ርእዩ። ብፍላይ ኣብዚ መወዳእታ ናይዚ ዓመትዚ፡ ጸገማት ሓረስቶት እናጸንከረ ዝኸደሉን፤ ኣብ ግዜ ዓጺድ መንእሰያትን ሽማግለታትን ተተገፊፎም ብረት ክዓጥቁ ዝግደዱሉ፤ ኣብ ግዜ እኽሊ ዝኣትወሉ ድማ ንምህርትኻ ሓፊስካ ኣብ ቆፎኻ ኣብ ክንዲ ተእትዎ፡  መንግስቲ ተቖጻጸርቲ ኮሚተታት ልኢኹ ኣብ ዓውድኻ መጺኦም እትበልዖን ንመንግስቲ እትሸጦን ዝውስኑሉን፤ ደቅኹም ሃዲሞም ብዝብል ምስምስ ክትዓጽድ ዝኽልከለሉን፡ ኩነታት ከም ዘሎን ኣኼበኛ ርእዩ።

ሰራዊት ኤርትራ‘ውን፡ እቲ መተዓሻሸዊ ተባሂሉ ናይ ደሞዝ ወሰኽ ዝተገብረ ተመሊሱ ተቖራሚሙ: ደሞዞም ናብ መንግስቲ ዝምለሰሉን፡ ነዚ ዝተቓወሙ ድማ ዝእሰሩሉን ዝሕየሩሉን፡ ካብዚ ብምንቃል ሰራዊትተኣኪቡ ዝሃድመሉ ኩነታት በጺሑ ምህላዉ ተገንዙቡ።ተሪር ቊጽጽር ኣብ ልዕሊ ነጋዶን፡ ሓረስቶትን፡ ሰራዊትን ድማ  ነቲ እንጽርጽሮታዊ  ናይ ስደት ጉዕዞ ዝያዳ ከምየጋደዶን፡ ኣብ ጉዕዞ ስደት‘ውን ብዙሕ ህልቂት ዝራኣየሉን ግዜ ተበጺሑ ምህላዉ  ኣኼባ  ብኣንክሮ  ርእዩ።

ይኹን እምበር ደለይቲ ለውጢ  ኣብ ዝሓሸ ምንቅስቓስ ከም ዘለዉን፡ እቲ ኣብ ኒው ዮርክ ይኹን ካልእ ቦታታት ዝተራእየ ሰላማዊ ሰልፍታትን፡ ኣብ ዝተፈላለየ ቦታታት ዝርአ ዘሎ ምጥርናፋትን‘ውን ኣወንታዊ  ኮይኑ ዝይዳ ክሕይል ከምዝግባእ ኣኼባ ኣመልኪቱ።

ካብቶም ብሰልፊ ዝተገብሩ ናይ ወጻኢ ንጥፈታት ኣብነት ብምጥቃስ ድማ፡ ናብ መበል 71 ጠቕላላ ኣኼባ ሕቡራት መንግስታት ዝቐረበ፡ ብዛዕባ ኣብ ኤርትራ ዘሎ ምግሃስ ፖለቲካውን ሰብኣውን መሰላት ዝገልጽ መዘክርን፤ ከምኡ‘ውን ልኡኽ ሰልፍና ኣብቲ ካብ 17-18.10.2016 ኣብ ብሩሰልስ ዝተኻየደ ኮንፈረንስ ምሕዝነት ገስገስቲ ሓይልታት ተሳቲፉ፡ ብዛዕባ እቲ ኣብ ኤርትራ  ዘሎ  ኣስጋኢ  ኩነታት ዘቕረቦ፡ መብርሂታትን ብምጥቃስ ኣኼባ ኣሞጒሱ።

ኣብ መወዳእታ: ኣባል ሽማግለ መንእሰይ ክብሮም ዓንዶም፡ ንመንእሰያት ናበይ ንኸይድ ኣሎና ዝብል ኣርእስቲ ኣልዒሉ፡ እቲ ሓይሊ ኣብ መንእሰያት እዩ ዘሎ፡ ንሕና እቲ ኩሉ ሽግራት ዘሕለፍናዮ ረሲዕና ኣንፈትና ኣይንስሓት፡ እቲ ኣብ ውሽጢ ሃገር ዘሎ መንእሰይ ከምዚ ንሕና ረኺብናዮ ዘሎና ናይ ምዝራብን ምውድዳብን ዕድል ኣይረኸበን፡ ንሕና ግና እዚ ዕድልዚ ከየምልጠና ተጠራኒፍና ቃልስና ነበርትዕ ዝብል ኣተባባዕን መሃርን መግለጺ ሂ::

 እዚ ኣኼባ‘ዚ ናይ ዓመተ 2016 ደምዳሚ ኣኼባ ብምንባሩ ድማ: ናይ 2017 ስሩዕ ኣኼባ ጨንፈር ንዕለት 15.01.2017 ክግበር መደብ ብምስራዕ ኣኼባ ተደምዲሙ:: 

ሽማግለ ጨንፈር

እቲ ብለካቲት 2015 ኣብ ከተማ ጂኔቭ ዝቖመ ማሕበር ስዊስ-ኤርትራ ንምትሕግጋዝ፡ ብቀዳም 19 ሕዳር ብምክያድ፡ ነቲ ንሓደስቲ መንእሰይ ስደተኛታት ክሕግዝ ንዘበገሶ ዕላማ ብእተዓጻጸፈ ተወፋይነት ከዐውቶ ምዃኑ ኣረጋጊጹ። ንተሳተፍቲ ጉባኤ ኣዝዩ ዘሐበነ ጒዳይ ከኣ፡ እቶም ዝያዳ ንጡፋት መራሕትን ኣገልገልትን ማሕበር ኣብ ወጻኢ ዝዓበዩን እተወልዱን ኤርትራውያንን ናይ ስዊስ ተሓባበርቶምን ምዃኖም ነይሩ።   

ቋንቋታት ትግርኛ-ዓረብ-ፈረንሳ ከም ቋንቋ ኣደ ዝመልኽ ኣቦ መንበር ማሕበር ዝኾነ ተድሮስ ኢያሱ፡ ነቲ ጉባኤ ብምውቕ ሰላምታ ድሕሪ ምኽፋቱ፡ ናይ ሽማግለ ኣባላት በብሓደ እናቐረቡ ጸብጻብ ናይ ዝሓለፈ 20 ኣዋርሕ ከቕርቡ ዓዲሙ። ሶፍያ ዓማር ናይ እተዓመ ንጥፈታት ብዝርዝር ድሒር ምቕራባ፣ ዓወት ኣረጋይ ገንዘባዊ ጸብጻብ፡ ተድሮስ ተኽለማርያም ከኣ ፍሉይ ዕማማት ሽማግለ ገሊጾም። ስዊሳዊት ኦሊቪያ ሄለር ከኣ ናይ ዝመጽእ ዓመት መደባት ዝርዝር ኣቕሪባ። 

(ካብ ተንቀሳቐስቲ ማሕበር፡ ካብ ጸጋም፡  ዓወት፡ ተድሮስ ተ/ማርያም፡ ሶፍያ፡ ሃናእ ዓማር፡ ሰንሒት ሺበርም፡ ተድሮስ ኢያሱ፡ኦሊቪያ ሄለር።)

ኣብ ጸብጻም ከም ዝወረደ፡ እቲ ዝያዳ ዕዉት ስራሕ ናይ ማሕበር ነቶም ሓደስቲ መንእሰይ ቋንቋ ፈረንሳ ምምሃርን ሓፈሻዊ ሓበረታ ብዛዕባ ህይወት ኣብ ስዊዘርላንድ ምሕባርን ነይሩ። እቶም ትምህርቲ ዝህቡ/ዝህባ 12 ደቂ ኤርትራን ስዊስን (መብዝሕትኤን ደቂ ኣንስትዮ) ምንባሮም ተገሊጹ። ኣብ ምጅማር ትምህርቲ፡ ኣብ መንጎ መስከረምን ታሕሳስን 2015 ጥራይ 11 ኮርሳት ብምክያድ፡ 381 መንእሰይ ስደተኛታት ምሂሮም።  ካብ ጥሪ ክሳብ ሓምለ 2016 ከኣ ኣብ ሰሰሙን ን40 ዝኾኑ ተመሃሮ ኣብ ንኡስ ጒጅለታት መቒሎም ቋንቋ ክምህሩን ክሕብሩን ሓግዮም። እዚ ሕጂ ብመስከረም ዝጀመረ ዓመታዊ መደብ ከኣ ክሳዕ በብጊዜኡ ክሳዕ 50 ንዝኾኑ ተመሃሮ ሓበረታ ምሃብን ምምሃርን ክቕጽል ኢዩ።    

ሰበ ስልጣን ካንቶን ጅኔቭ (ክፍሊ ማሕበራዊ ስኒትን ውህደትን) ንመደባት ማሕበር ስዊስ-ኤርትራ ንምዕዋት ክተሓባበሩን ከተባብዑን ጀሚሮም ምህላዎም ተሓቢሩ። ማሕበር ክምስረት እንከሎ ብዙሓት ኣብ ከተማ ጅኔቭ ዝቕመጡ ደለይቲ ፍትሒ ኣብ ስራሓት ማሕበር ክተሓባበሩን ወርሓዊ 5 ፈረንካ ከዋጽኡን ቃል ኣትዮም ምንባሮም ዝዝከር ኰይኑ፡ ኣብ ውሽጢ ዝሓለፈ 20 ኣዋርሕ ግን ካብ ህዝቢ እተረኽበ 500 ፈረንካ ስዊስ ጥራይ ምንባሩ ሽማግለ ገሊጻ። እቶም ንማሕበር ዝመርሑን  ዝምህሩን ወለኛታት/ፍቓደኛታት ግን ብሽሕ ዝግመት ገንዘብ ካብ ጅብኦም ከውጽኡ ምጽንሖም ተፈሊጡ።

ጉባኤ፡ ንስዊሳዊት ኦሊቪያ ሄለር ብውሳኽ ነቶም ዝጸንሑ ሓባላት ሽማግለ (ተድሮስ ኢያሱ፣ ሶፍያ፣ ዓወት፣ ተድሮስ ተኽለማርያም) ንዝመጽእ 12 ኣዋርሕ እውን ነቲ ማሕበር ክመርሑ ሓጽዩን ብሓባራዊ ድምጺ ኣጽዲቑን። ኣሕዋት ምራቸው በርሀን ጸጋይ ተስፋልደትን ከኣ ነቲ ዝጸንሐ ምስጉን ምትሕብባሮም ብዘይምቊራጽ ኣማኸርቲ ሽማግለ ኰይኖም ክቕጽሉ ብጣቕዒት ተቐቢሉዎ። ኣሕዋት ኣሕመድ ስሩርን ዓብደላ መሓመድ ዓሊን ኣውን (ኣብ ዘይህላዌኦም) ከም ተቘጻጸርቲ ማሕበር ኰይኖም ክቕጽሉ ርድኢ ሓዳስ ሽማግለን ጉባኤን ነይሩ።

ኤርትራዊ ባህልታት ንስዊስ ምግላጽን ናብ ሓዲሽ ወለዶ ምትሕልላፍን ካብ ዕላማታት ማሕበር ሰለ ዝኾነ ኣብ መጻኢ ካብ ዝዕመም ስራሕት ምዃኑ ተሓቢሩ። ጉብኤኛታት ከኣ ሓደ ንኹሉ ዝጥርንፍ ማእከል ምርካብ ጻዕሪ ክግበረሉ ተላብዮም። ድሕሪ ጉብኤ ናይ ድራርን ወግዕን ጊዜ ቀጺሉ ኣምስዩ።

ተሓጋጋዚ መሕበር

Swiss-Eritrea Association in Geneva Holds 2nd Congress;

Pledges to Expand Support for New Eritrean Refugees

An Eritrean-Swiss association (ASEPE) formed in Geneva two years ago held its second congress Saturday, 19 November, and renewed its resolve to actively support newly arriving young Eritreans who are in dire need of all-round assistance for starting new life in exile. Most  heartening to congress participants was to see young and mostly second generation Eritreans and their Swiss friends in the frontline of all activities of this model voluntary solidarity association.

Committee chairman Tedros Eyasu and his team who included Sophia Ammar, Awet Aregay and Tedros Teklemariam, one by one presented wide-ranging reports of activities and problems encountered in the past two years, while Olivia Heller presented future activities of ASEPE (Association Suisse-Erythréenne pour l'Entraide) in a congress conducted both in French and Tigrinya.

(Some of the ASEPE activists/leaders, from left to right:  Awet, Tedros T/Mariam, Sophia, Hannah Ammar, Senhit Shiberim, Arabic-French-Tigrinya speaker and ASEPE chair Tedros and Olivia Heller, new committee member)

It was reported that the association was most successful in its educational and information programme which taught French language to new arrivals and assisted them to acquire  basic  information on Swiss culture, customs, laws and how the newcomers can overcome problems related to problems like housing, insurance and job opportunities. In this educational task, 12 young volunteers consisting of Eritreans born or raised in Switzerland and their Swiss friends (schoolmates and work colleagues) assisted the new refugees to learn French language in weekly sessions. Between September and December 2015 alone, ASEPE volunteers organized 11 courses for a total of 381 attendants. The course continued throughout 2016 in weekly language courses for up to 40 young refugees organized small learning/discussion groups.   

The Geneva (cantonal) department for social cohesion and integration it now committing itself to provide basic funding and related support to help promote the programmes of the association which include creating working relationship with other communities and civil society organs. The committee also extended appreciation to the ICV (International Communication Volunteers) for their close cooperation to help the ASEPE stand on its own feed.

However, financial contribution from the Eritrean community was far short from earlier expectation. Only 500 Swiss francs were contributed by community members while the volunteer teachers and ASEPE committee themselves had to spend lots of money from their pockets.

The congress participants warmly saluted the achievements of the young volunteers and the ASEPE committee and elected/re-elected Tedros Eyasu, Sophia Ammar, Olivia Heller, Awet Aregay and Tedros Teklemariam to kindly continue the good work for the coming 12 months. Ahmed Surur and Abdalla Mohammed Ali were expected (in absentia) to accept their re-election as auditors, and Merachew Berhe and Tseggai Tesfaldet agreed to congress recommendation to continue their highly appreciated advisory support to the young ASEPE committee members.

It was learned that future plans include initiating cultural and folkloric activities and finding a center where Eritreans and friends could meet. 

By ASEPE Supporter

ኤርትራውያን ነጋዶ ኣብ ሱዳን ክድረቱ ይግደዱ ኣለዉ:

ኣብ ሱዳን እንዳነበሩ ናብ ኤርትራ እንዳተመላለሱ ንግዳዊ ስረሓት ከካይዱ ዝጸንሑ ኤርትራውያን፡ ንኤርትራ ገዲፎም ኣብ ሱዳን ክድረቱ ይግደዱ ከም ዘለዉ ካብ እሙን ምንጭታት ሰልፊ ዝተረኽበ ሓበሬታ ገሊጹ። እዞም ኤርትራውያን ነዚ ውሳነ ዝወሰኑ፡ ዋላ’ኳ እቲ በብኹርናዑ ዝኹነን ዘሎ 2% ይኸፍሉ እንተነበሩ መንግስቲ ህግደፍ ነቲ ናብ ሱዳን ምምልላሶም “ካብ ሃገራዊ ኣገልግሎት መህደሚ ኢኹም ትጥቀምሉ ዘለኹም” ብዝብል ስስዐ ናብ ሱዳን ከይከዱ ስለ ዘጠቀቐቖም እዮም።

እዞም ኤርትራውያን ኣብ ኤርትራ ዝነበረ ንግዳዊ ንብረቶም ክሸጡን ከመሓድሩን እቲ ስርዓት ዕድል ከም ዘይህቦም ስለ ዝተረድኡ ድማ ራሕሪሐምዎ ይኸዱ ከም ዘለዉ እቲ ሓባሬታ ብተወሳኺ ገሊጹ። እዚ ስጉምቲ ሓደ መርኣያ ናይቲ ስርዓት ህግደፍ ኩሉ ምንቅስቓሳት እንተላይ ንግዲ ናይ ምግባት ዝጸንሐ ባህሪኡ ዘርኢ እዩ

ቤት ጽሕፈት ዜና ሰዲህኤ

******************

ህግደፍ ሎሚ’ውን እቶት ሓረስቶት ክግብት’ዩ

ስርዓት ህግደፍ ኣብ ነፍሲ ወከፍ ዓዲ ናይ ሎሚ ዘበን እቶት ሓረስቶት ዝግምግማ ብእሙናቱ ዝቖማ ሽማግለታት የቕውም ከም ዘሎ ምንጭታት ሰልፊ ዲሞክራሲ ህዝቢ ኤርትራ ካብ ኤርትራ ሓቢሮም። በቲ ጨቋኒ ስርዓት ኣውጺእዎ ዘሎ ዓመጸኛ ሕጊ መሰረት፡ህዝቢ እዘን ሽማግለታት እዚኣተን ከይገምገማሉ ምህርቱ ክሓፍስን፡ክሸይጥን ክልውጥን ኣይክእልን እዩ።

ኣብቲ መምርሒ ቀንዲ ቆላሕታ ተዋሂብዎ ዘሎ ሕጊ፡ ሓደ ሓረስታይ ካብ እቶቱ ንዓኡ ዝጥቀመሉ 10 ኩንታል ጥራይ ኣትሪፉ፡ ነቲ ዝተረፈ መንግስቲ ብዘውጸኦ ናይ ዋጋ ተመን 600 ናቕፋ ንኹንታል ናብ መንግስቲ ጥራይ ክሸይጥ ዘገድድ እዩ።

መንግስቲ ህግደፍ ከምዚ ዓይነት ዓመጽ ዘካይድ ዘሎ ሎሚ ጥራይ ዘይኮነ ቅድሚ ሕጂ እውን “ጥሙር ሕርሻ” ብዝብል መምርሒ ለቖታኡ ሒዙ ፈቐዶ ዓውዲ ይጉለት ከም ዝነበረ ዝዝከር እዩ።

ሰራዊት ኤርትራ ቅድሚ ክልተ ሰሙን ብደረጃ ቦጠለንታት ናብ ሰራዊት ኢትዮጵያ ኢዱ ከም ዝሃበ፡ ነዚ ጉዳይዚ ዝተኸታተሉ ኣካላት ሰልፊ ደሞክራሲ ህዝቢ ኤርትራ ሓቢሮም። በቲ ሓበሬታ መሰረት እቲ ናብ ኢትዮጵያ ኢዱ ዝሃበ ሰራዊት ገሊኡ ብወገን ጋሽ ክኸውን እንከሎ እቲ ዝተረፈ ድማ ብወገን ዓሰብ እዩ።

ኣባላት ሰራዊት ኤርትራ ናብ ኢትዮጵያ ክኣትዉ ልሙድ’ኳ እንተኾነ እዚ ብደረጃ ቦጠለንታት ኢዶም ዝሃብሉ ቀንዲ ምኽንያት፡ መንግስቲ ህግደፍ “መነባብሮ ሰራዊት ምምሕያሽ” ብዝብል ሸፈጥ ዘተኣታተዎ ናይ ደሞዝ መተዓሻሸዊ ምዃኑ ስለ ዝተረድኡ እዮም። እቲ ሰራዊት ናይቲ ወሰኽ ደሞዝ ትርጉም ኣልቦነት ዝተረደአ፡ ካብቲ 1800 ናቕፋ ደሞዝ ሓደ ኣባል ሰራዊት፡ 150 ንጡረታ፡ 150 ንመስርሒ ገዛ፡ 150 ንደቂ ስዉኣት፡ 150 ንልምዓት ሃገር፡ ዝብሉን ካልእ ጉልባባትን ተጠቒሙ ናብ ካዝንኡ ምስ መለሰ ካብቲ ዝተረፈ፡ ብኢደ-ወነኑ 600 ናቕፋ ንቤተሰብ ወሲዱ ኣብ ኢድ ሓደ ኣባል ሰራዊት 300 ናቕፋ ጥራይ ክወሃብ ምስ ወሰነ እዮም። እቶም ነዚ ኣገባብ ዘይተቐበልዎ ኣባላት ሰራዊት ነቲ ኩነታት “ዝተሰርሐ ገዛውቲ ከፍርስ ዝውዕል መንግስቲ ገዛ ሰሪሑ ክህበና ዘይእመን እዩ” ብዝብል ከም ዝገለጽዎ’ውን እቲ ዝበጸሓና ሓበሬታ የረጋግጽ።

ብዘይካዚ እዚ ንረብሓኦም ስለ ዘይኮነ ኣባላት ሰራዊት ዘይተቐበልዎ ስርዓተ-ደሞዝ ዝወሃብ ነቶም ኣብዘን ዝሓለፋ 3 ዓመታት ብዘይምቁራጽ ኣብቲ ሰራዊት ዝጸንሑ ጥራይ ዝምልከት እዩ። በዚ መምዘኒ መሰረት ብህድማን ብዝተፈላለየ ካልእ ምኽንያትን ወጺኦም ጸኒሑም ናብቲ ሰራዊት ተመሊሶም ንዘለዉ ስለ ዘይምልከት፡ እዞም እዚ መሰል ዝተነፍጎም ብብዝሒ ብቐጻሊ ካብቲ መንግስቲ ክሃድሙ  ግምት ኣሎ።

ሓደ ካብ ነባራትን የማናይ ኢድ ህግደፍን ምዃኑ ዝንገረሉ ሜጀር ጀነራል ሃይለ ሳሙኤል (ቺና) ነዚ ኣገባብ ኣወሳስና ደሞዝ ስለ ዘይተቐበሎ ኣብ ናይ ገዛ ማሕዩር ከም ዝርከብ እውን ምንጭታትና ገሊጾም::

ቤት ጽሕፈት ዜና ሰዲህኤ

***************************