ምምሕዳር ቤት-ጽሕፈት ደቂ-ኣንስትዮ ሰልፊ ዲሞክራሲ ህዝቢ ኤርትራ (ሰዲህኤ) ኣኼባ ኣካይዱ
2025-08-28 20:59:48 Written by ቤት-ጽሕፈት ደቂ-ኣንስትዮ ሰዲህኤ Published in EPDP News Read 188 times-
font size
decrease font size
increase font size
ምምሕዳር ቤት-ጽሕፈት ደቂ-ኣንስትዮ ህልዊ ኩነታት ምንቅስቓስ ደቂ-ኣንስትዮ ንምምዛንን ናይ ዓመት ናይ ስራሕ መደብ ንምሕንጻጽን ረቡዕ 27 ንሓሰ 2025 ኣኼባ ኣካይዱ። እዚ ኣኼባ’ዚ፡ ብመሰረት ትካላዊ ኣሰራርሓ ሰልፊ ዲሞክራሲ ህዝቢ ኤርትራ ድሕሪ ስሩዕ ዓመታዊ ኣኼባ ማእከላይ ባይቶ፡ ኩለን ቤት-ጽሕፈታት ፈጻሚት ሽማግለ ናይ ሓደ ዓመት ናይ ስራሕ መደብ ከቕርባ ስለዝግባእ ዝተኻየደ እዩ። ብዘይካ ሓንቲ ብቕቡል ምኽንያት ዝብኾረት 6 ኣባላት ዝተሳተፈኦ ኣኼባ፡ ብኣባል ፈጻሚት ሽማግለን ሓላፊት ጉዳያት ምምሕዳር ቤት-ጽሕፈት ደቂ-ኣንስትዮን ወ/ሮ ኣድያም ተፈራ እዩ ተመሪሑ።
ድሕሪ እንቋዕ ደሓን መጻእክን ብምባል ኣኼባ ምኽፋታ ብጸይቲ ኣድያም ተፈራ ኣጀንዳ ኣነጺራ። ንዲፋ ዝቐረበቶ ናይ ዓመት መደብ ስራሕ ኣቕሪባ ኣባላት ክመያየጣሉ ዓዲማ። ድሕሪ ዝኣክል ምይይጥ ድማ ሓይሊ ደቂ-ኣንስትዮ ክብ ንምባልን ኣብ ሃገርና ዘሎ ምልኪ ንምፍራስ ኣብ እነካይዶ ዘሎና ቓልሲ ተራና ንምብርካትን ጽዑቕ ናይ ምንቕቓሕ መደባት ኣብ ምክያድ ዘትኮረ ኮይኑ ጸዲቑ። ብዘይካ’ዚ ኣብ ፖለቲካዊ ሓይልታት ተሳትፎን ንቕሓትን ደቂ-ኣንስትዮ ክብ ንኽብል ዝከኣል ጻዕሪ ክካየድ ከም መደብ ተወሲዱ። ግደ ደቂ-ኣንስትዮ ሰልፊ ኣብ ዉሽጢ ሰልፊን ተመስሪቱ ዘሎ ጽላል ፖለቲካዊ ሓይልታትን ከይተደረተ ምስ ካብ ሰልፊ ወጻኢ ኣብ ሃገርና ፍትሒ ንምንጋስ ዝካየድ ዘሎ ምንቅስቓሳት ደቂ-ኣንስትዮ ምዝማድን ምድግጋፍን ኣግዳሲ ምዃኑ ነጺሩ ብህዱእ መንፈስ ኣኼባ ተደምዲሙ፡
ምልኪ ይፍረስ ፍትሒ ይንገስ!
ብዘይተሳትፎ ደቂ-ኣንስትዮ ዝትከል ዲሞክራሲ የሎን!
ቤት-ጽሕፈት ደቂ-ኣንስትዮ ሰዲህኤ
27 ንሓሰ 2025
