Print this page

ጉባኤ ዞባ ሰሜን ኣመሪካ ሰልፊ ዲሞክራሲ ህዝቢ ኤርትራ ብምሉእ ተሳትፎ ኣባላት ተጀሚሩ

2021-01-16 17:49:18 Written by  EPDP NA Information Office Published in EPDP News Read 885 times
Rate this item
(0 votes)

ቀዳም ዕለት 16 ጥሪ 2021 ንግሆ ጉባኤ ዞባ ሰሜን ኣመሪካ ሰልፊ ዲሞክራሲ ህዝቢ ኤርትራ ብምሉእ ተሳትፎ ኣባላት ተጀሚሩ። ኣቦ መንበር ዞባ ሓው ደስበለ ካሕሳይ እንቋዕ ብምሉእ ጥዕናኹም ኣብቀዓኩም ብምባል ከፊትዎ። ጉባኤ “ንጽንኩር ኵነታት ብውሽጣዊ ሓድነትና ክንስዕሮ ኢና” ዝብል ቴማ እዩ ተኸፊቱ።

ናይ ጉባኤ ሰክረታሪያ ነብሳ ድሕሪ ምልላይ ኣጀንዳ ጉባኤን ሕግታት ጉባኤን ድሕሪ ምብራህ ኣቦ መንበር ሰልፊ ኣብ መድረኽ ቀረበ። ኣቦ መንበር ምስጋንኡን ኣድናቖቱን ንኣባላት ድሕሪ ምሃብ ዓሚቝ ሰልፋውን ሃገራውን ናይ ከባቢ ቀርኒ ኣፍሪቃን ተንቲኑ ኣቕሪቡ።

ብምቕጻል ጸብጻባት ዞባ ቀሪቡ። ኣቦ መንበር ዞባ ንጥፈታት ዞባ ቀሪቡ፡ ገንዘባዊ ጉዳያት ብኣሕውት ፍስሃየ ፍትውን ቦኽረጽዮን ጉብሳን ቀሪቡ፡ ንጥፈታት ደቂ ኣንስትዮ ከኣ ብሓብቲ ኣስገደት ምሕረተኣብ ቀሪቡ።

ጉባኤ ናይ ምሉእ መዓልቲ መደብ እዩ። ሓበሬታ ኣብ ግዜኡ ክስዕብ እዩ።

ክንዕወት ኢና!

Last modified on Saturday, 16 January 2021 19:02