የሕዋትናን ኣሓትናን ኣብዝተፈላለያ ሃገራት ዘጋጥሞም ዘሎ ሽግር ትስሕትዎ ኣይንብልን።  ብፍላይ ድማ ኣብ ሊብያ ዘጋጥምም ዘሎ ኢሰብኣዊ ኣተሓሕዛን ካብኡ ዝገደደ ድማ ስጋብ ን ኤርትራ ናይ ምምላስ ዕድል ኣጋጢሙ እዩ።  ኣብዘን ዝሓለፋ ሒደት ሳምንታት ኣብ ሊብያ ዝርከቡ ኣባላት ኤምባሲ ኤርትራ ናብዘን ኤርትራውያን ተኣሲሮምለን ዘለው ቦታታት ብምብጻሕ መዝጊቦሞም ኣለው።  ቕድሚ ሒደት ኣዋርሕ ድሕሪ ኣባላት ኤምባሲ ተመሳሳሊ ምብጻሕ ምግባሮም ኤርትራውያን ካብ ሊብያ ናብ ስርዓት ህግደፍ ከምዝተመልሱ ዝዝከር እዩ።  ኣብዚ እዋን ድማ እዞም ኣብ መሓዩር ሊብያ ዝርከቡ የሕዋት ኣብ ከቢድ ሻቕሎት ከም ዘለው ክንሕብር ንደሊ። 

ካብ መጀመርታ ናይዚ ዓመት አትሒዝና ኣብ ዋሺንግተን ዲሲ ዝርከብ ናይ ሊብያ ኤምባሲ ክንራኸብ ጸኒሕናን አሎናን። በቲ ኩሉ ኤርትራዊ ዝገበሮ ጸቕጢ ኩነታት ናይዞም እሱራት ቁሩብ ንጊዚአኡ ተመሓይሹ እንተነበረ ንሓዋሩ ዝኾነ ፍታሕ ኣይተረኸበን።  ንሓዋሩ ዝኸውን ፍታሕ ንምምጻእ ኩላትና ነተን ኣብ ከባቢና ዝርከባ ናይ ሊብያ ኤምባሲ  እንዳደወልና ፍታሕ ንኽገብሩልና እጃምና ከነበርክት ብሽም እዞም ኣብ ሊብያ ተኣሲሮም ዘለው የሕዋት ጻዊዒት ንገብር።  እዚ ጻዊዒት ከም ናይ ውልቃዊ  ሓላፍነትና ወሲድና የሕዋትና ፍታሕ ስጋብ ዝግበረሎም ድካምና ከይጸብጸብና ክንድውልን ክንጽሕፍን ንላቦ። ስልኪ ቁጽሪ ኣብ ዝተፈላለያ ከተማታት ዝርከባ ናይ ሊብያ ኤምባሲታት ኣብዚ ተወከሱ፡

 http://www.libya-watanona.com/libya1/embassy.htm

ኣብዚ እዋን ኣስታት 180 ዝኾኑ ኤርትራዊያን ካብ ሰባሕ ን ምዕራብ ኣብ እትርከብ ኣል-በራቅ ዝበሃል ቦት ኣብ ኣብትሕቲ መሪት፡ ንፋስ ዘየእቱ፡ እኩል መግብን መስተን ዝይብሎም ኣብ ክልተ ክፍሊ ከምዘለው ንሕብር።  ካብዞም 180 እቶም 10 ትሕቲ ዕድመ ክኾኑ ከለው ገለ 3 ድማ ልዕሊ 50 ዝዕድሚኦም እዮም።  ካብኣቶም ኣስታት 35 ዝኮኑ ካብ ኩቱር ማሕረምቲ ኣብ ሕማቕ ኩነታት ክርከቡ ከለው 2 ኤርትራዊያን ድማ ተጨውዮም ምስ ከድ ኣበይ ከምዘለው ሓበሪታ የለን። 

ሂወት የሕዋትናን ኣሓትናን ንምድሓን ኩልና ኢደይ ኢድካ ንበል። 

Eritrean Youth for Change

380 Euclid Ave. #6

Oakland, CA 94610  

Email: This e-mail address is being protected from spambots. You need JavaScript enabled to view it

408-603-7040

ሓበሬታ፡ እዚ ጻዊዒት መቀጸልታ ነቲ ብሓልዮት ሰብኣዊ መሰላት ኤርትራ ዝተገብረ ምኾኑ ንሕብር።