ዋሽንግተን —
ከም ሓበረታ ነበርቲ ቡረ ኤርትራ ንመስመር ዛላምበሳ-ሰርሓን፡ ራማ-ክሳድ ዒቃን ብምዕጻው መእተዊ ፍቓድ ክትሓትት ከላ፡ እቲ መጀመርያ ዝተኸፈተ መስመር ቡረ-ዓሰብ ግን ከም ቀደሙ ምሉእ ንምሉእ ክፉት ኮይኑ ቀጺሉ`ሎ።
ካብ ሚንስትሪ ዜና ኤርትራ ሓበረታ ምርካብ ኣይተኻእለን ፡ ነገር ግን ኣብ ጃፓን ኣምባሳደር ኤርትራ፡ ብትዊተር ኣብ ዝለኣኾ መልእኽቲ፡ ናብ ኤርትራ ዝኣትዉ ዘይ-ዜጋታት ቪዛ ይሕተቱ ኣለዉ`ምበር (ዶብ ከምዝተዓጽወ ኣምሲልካ) ነገራት ምጥምዛዝን ንሰብ ምድንጋርን ይተረፍ ክብል ሓቢሩ።
ሰብ-ስልጣን ኢትዮጵያ ብወገኖም፡ ብዛዕባ ኣብ ዶባት ደረት ምግባር ዝፈልጥዎ ሓበረታ ከም ዘይብሎም`ዮም ዝገልጹ ዘለዉ።
Source=https://tigrigna.voanews.com/a/ኤርትራ-ንመስመር-ቡሬ-ዓሰብ-ከምዝነበሮ-ክፉት-ገዲፋቶ/4723337.html